Државното средно училиште Фитзрој во Мелбурн, Австралија има долга историја. Тоа било затворено во 1992-ра, но било повторно отворено и комплетно реконструирано во 2004-та година, после 11-годишна борба од страна на родителите и жителите. Честа да бидат првите ученици кои ќе завршат во оваа фасцинантна градба, ја имале матурантите во 2009-та година.Ова модерно училиште, со прекрасна атмосфера, свежи бои и уникатни луксузни простории, е ремек дело на архитектот Мекбрајд Чарлс Рајан.Филозофијата на училиштето за иновација во образованието е преточена во оваа импозантна градба, која е доказ за тоа дека архитектот има навистина фасцинантен вкус за дизајн. Фасадата има брановит облик, а е бојадисана во риги со секундарни бои, што истовремено ја истакнува нејзината специфичност, но и ја вклопува во околината.Просториите во училиштето се мошне флексибилни, што значи дека истите можат да бидат лесно преуредувани од страна на персоналот. Идејата за дизајнот навидум изгледа многу едноставна: свежи интензивни бои, во комбинација со бледникави бои, кои формираат совршен контраст и го дефинираат просторот.rnОва училиште му ја донесе на Мекбрајд, гранд-при за 2010 на Dulux наградите за бои, а неговиот ентериер победил на истата манифестација и во категоријата „комерцијални ентериери“.rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn