Претходно
Љубовен хороскоп за оваа пролет: Време е за романса!
Датум: 08 мар 2022
Коментари: 0
Пролетта е најромантичниот период од година, период кога сме подготвени за нова романса. Пролетните денови ни носат свежа енергија и нови предизвици. Прочитајте во продолжение што предвидува пролетниот љубовен хороскоп за вашиот хороскопски знак од март до јуни 2022 година.
Овен
За вас во овој период на прво место ќе бидат кариерата и материјалната благосостојба. Ќе бидете активни и полни со енергија да направите неколку работи одеднаш, но подобро е да изберете една или две цели и да се стремите кон нив. На љубовен план сè е мирно, особено доколку веќе сте ја пронашле својата љубов.
Бик
Ви претстои занимлива средба со нова личност, а тоа може да биде почеток на среќна и хармонична врска. Можно е да се појави и некој од поранешните партнери и одново да ги разгори вашите чувства, но треба да бидете внимателни, во спротивно може да се разочарате во љубовта. Пролетта ќе биде продуктивен период за вас и тоа не само во професионалниот туку и во личниот живот. Некои од вас ќе мораат да донесат важни одлуки кои ќе ја одредат вашата понатамошна насока во животот. Мај ќе ви биде особено успешен месец.
Близнаци
Сиот ваш досегашен труд ќе биде награден, доволно е да бидете трпеливи. Нема да наидете на никакви финансиски проблем во следниот период и големи се шансите дека ќе добиете унапредување. Ќе најдете начин како да го решите проблемот кој ви задаваше тешкотии во последно време. Во март и април ќе им ставите крај на некои илузии што можеби и нема да биде толку едноставно, но во мај ве очекуваат среќни моменти.
Рак
Пролетта ќе ви донесе можност да ја сретнете својата сродна душа и да започнете нова врска. Астролозите ви предвидуваат дека оваа пролет долго ќе ја паметите бидејќи ќе ви биде исполнета со љубов и романтика. Доколку веќе имате партнер, ќе размислувате како да ги обновите чувствата и страстите. Ќе наидете на промени, но не треба да се плашите од нив. Бидете претпазливи, но и упорни и доследни.
Лав
Во периодот што следува, ќе бидете прилично зафатени со вашите работни обврски, а истовремено ќе бидете понесени од напливот на инспирацијата. За да го постигнете она што го сакате мора да работите напорно, а некои задачи ќе ви бидат потешки отколку што сте очекувале. Сепак, една од вашите особини е дека лесно се справувате со секој предизвик. Мир и хармонија ќе владее во вашиот личен живот, а на финансиски план не ве очекуваат проблеми.
Девица
Пролетта ќе ви донесе можност за нови познанства, состаноци и следствено на тоа – нова љубов. Големи се шансите дека ќе се запознаете во природа, на пример додека шетате во парк. И покрај тоа што поголемиот дел од времето сте фокусирани на работните обврски, пролетта ќе биде идеално време да се време да се заљубите. Покрај другото, можни се значајни успеси во кариерата токму поради вашата способност да се справите со сите тешкотии.
Продолжува на следната страница…
