Претходно
Ако не пиете кафе, може да се расоните со овие пијалаци
Колку и да е популарно кафето, секогаш ќе има луѓе на кои едноставно не им се допаѓа неговиот вкус. Но, само затоа што не ви се допаѓа одреден вкус, не значи дека треба да бидете поспани и уморни цел ден. Земете ја потребната доза кофеин од следниве пијалаци:
Комбуха
Комбухата е дефинитивно еден од најпопуларните пијалаци и е позната по многубројните здравствени придобивки. Овој ферментиран пијалак, што се добива од печурката комбуха, сигурно ќе ви даде доволно енергија за да го започнете денот.
Чај – но не од што било
Друг пијалак што ќе ве разбуди без никакви проблеми е „чаи“, еден вид индиски чај кој е одлична комбинација на црн чај (што ќе ви го даде потребниот кофеин) и внимателно измешани зачини што ќе ве стоплат и ќе ве расонат.
Зелено смуди
Овој вкусен зелен пијалак е полн со здрави состојки што ќе ви помогнат да се подготвите за сите предизвици што ве очекуваат. Ако не сте голем љубител на лиснат зеленчук, не грижете се, бидејќи зеленото смуди може да биде и здраво и вкусно.
Вода со лимон
Ако ви е преку глава од чаеви, можете да пробате уште еден одличен пијалак за будење – вода со лимон. Овој едноставен пијалак, покрај тоа што ќе ви овозможи многу здравствени придобивки, брзо ќе го хидрира вашето тело по долгата ноќ.
Зелен чај
Зелениот чај е дефинитивно еден од најпопуларните чаеви и совршен пијалак за будење. Покрај тоа што содржи кофеин, тој е полн со хранливи материи и е многу вкусен.
Топло чоколадо
Кога надвор е ладно, некако е потешко да станете од топлиот кревет. Вистинското решение во такви ситуации е топол пијалак, а ако не пиете кафе, тука е топлото чоколадо. Овој сладок пијалак ќе ве затопли и ќе ве подготви за претстојниот ден.
Прочитајте кои 3 топли пијалаци ќе ви помогнат за полнење на батериите и детоксикација на целиот организам.
