Претходно
Зошто падобранството е одлично за вашата анксиозност?
Ако имате проблеми со анксиозноста, тогаш големи се шансите дека имате проблеми и со контролата. Едноставно мора да држите сè во своите раце за да се чувствувате безбедно. Ако нешто ви ја наруши оваа контрола, анксиозноста ве обзема и одеднаш се наоѓате во ситуација каде што не можете да функционирате. Имајќи го тоа на ум, падобранството е епитом на имање НУЛА контрола. Секундата штом вашето тело се најде во воздух, вие не можете да правите ништо друго освен да паѓате. И тоа го правите со брзина од 200 километри на час. Во тој момент го прифаќате фактот дека немате никаква контрола и се препуштате на падот. Токму од чувството што тогаш ќе ви се појави, можете многу да научите за себе.
1. Ќе ве обземе целосна тишина
Како и сите анксиозни луѓе, така и вам сигурно главата ви е преполна со мисли. Овие мисли се толку гласни што не можете на ништо друго да се фокусирате. Додека паѓате, со падобранот на вашиот грб, нема да можете ништо да чуете. Ниту од вас, ниту од околината. Не постојат зборови што можат да го опишат овој мир, но тоа е навистина неверојатно.
2. Ќе се почувствувате живо
Анксиозноста многу го отежнува животот. Вие постојано се борите со овој проблем, толку активно, што понекогаш дури и заборавате да живеете. Падобранството ќе ве потсети како е навистина да се живее. Додека паѓате, вие не се грижите за ниту еден проблем во вашиот живот. Не се грижите за туѓите мислења, за стравовите, ниту пак за очекувањата… вие сте само вие, едни и единствени, лесни како пердув, пробивајќи се низ воздухот барајќи го правиот пат за себе.
3. Ќе имате нова перспектива за анксиозноста
Во моментот кога падобранот ќе ве повлече нагоре, ќе се почувствувате како нова личност. Ќе се потсетите како е да се чувствувате емоционално. Можеби дури и ќе ви дојде да плачете или да се смеете бидејќи знаете дека токму тоа чувство е тоа што ви недостасувало за да продолжите вистински да живеете. Вие ќе се потсетите дека има многу повеќе во животот од анксиозноста и ќе добиете подобар поглед дури и кон најситните нешта што ви предизвикуваат некакво задоволство.
Никогаш не заборавајте дека најголемите нешта во животот се на другата страна од анксиозноста, стравот и очекувањата. Живејте го животот што ќе ви дозволи да одите на другата страна! А ако падобранството не е баш за вас, погледнете ги и останатите 6 екстремни спортови што можат да ви помогнат со вашата анксиозност.
