Претходно
Како да комбинирате повеќе парчиња накит одеднаш?
„Повеќеслојниот“ накит станува голем тренд, а колку повеќе накит ќе вклопите во една модна комбинација, толку помодерно ќе изгледате. Токму затоа што комбинацијата на повеќе парчиња стана задолжителна, чујте ги советите на дел од најпопуларните дами во модата што ќе ви помогнат при изборот.
Кејт Босворт
Златно правило – кога носите повеќе парчиња прстени, важно е оваа комбинација да има приказна. Значи, стилот и дизајнот би требало да бидат слични, односно, најдобро е да изберете ситни прстени кои ќе ги ставите на скоро секој прст. Секако, понекогаш покрупното парче може на вистинскиот начин да го привлече вниманието.
Каролина Иса
Исто како и во случајот со прстените, помалку подразбира повеќе. Со други зборови – ако носите ситни, тенки ланчиња, тогаш морате да носите повеќе и тоа со различни должини. Нека некои постепено се спуштаат по вратот и градите, додека други бидат главни, како на пример, ланчето со најголемиот приврзок.
Кјара Ферањи
Кога станува збор за бразлетните, без разлика какви ќе изберете – златни, сребрени, плетени, нека бидат слични по стил и дизајн, а можете да ги комбинирате потенките заедно со повпечатливите и покрупните. Интересните приврзоци исто така доаѓаат предвид.
Алекса Чунг
Бидете смели и ставете две ланчиња со сосема спротивен стил кој можеби никогаш не би ги споиле и тоа во комбинација со спортска блуза! Изгледа малку винтиџ, малку хипи и многу модерно!
Бехати Принслу
Слоевитото комбнирање на ланчињата може да биде потполно неочекувано, односно да комбинирате различни стилови и големини кои одлично се совпаѓаат. Слободно комбинирајте тотално рок чокер со нитни заедно со едноставни ланчиња со крупни приврзоци и претворете се во модерна бунтовничка.
Продолжете на следната страница за повеќе модни идеи…
