Познато ли ви е чувството на меланхолија и лежерност кога сте дома по завршувањето на работната недела? Одвреме-навреме овие чувства можат многумина да обземат, но доколку постојано кога сте во вашиот дом се чувствувате уморно и исцрпено, тогаш тоа е знак дека треба да го исчистите од негативна енергија. Со помош на следниве 10 методи вие можете да ја отстраните насобраната негативна енергија од домот, за тој повторно да стане пријатно место за живеење каде што секогаш ќе бидете во добро расположение и полни со позитивна енергија.
rn
1. Проветрете го целиот дом
rnПрвиот чекор за оттргнување на негативната енергија од домот е добро да го проветрите. Отворете ги сите прозорци за да создадете провев, дури и ако надвор времето е студено. Дозволете да влезе свежиот воздух во секој агол од вашиот дом и додека чекате, искористете го времето да ги исчистите и перниците, ќебињата и јорганите.rn
2. Запалете темјан
rnОваа миризлива билка се користи во духовната и медитативната практика, па зошто да не ја испробате и во вашиот дом? Темјанот ќе ја зголеми енергијата и ќе направи мирна и топла атмосфера.rn
3. Поправете ги или отстранете ги скршените работи
rnДолго време планиравте да го поправите скршениот стол, но никогаш не сте наоѓале време за тоа? Или поправете го веднаш, или целосно изнесете го од вашиот дом. Скршените работи привлекуваат негативна енергија и ја задржуваат внатре сѐ додека не направите некоја промена.rn
4. Освежете го вашиот дом со етерично масло од портокал
rnМирисот на портокал потсетува на сончеви зраци и насмевки, па со него не само што ќе го исчисти вашиот дом од негативна енергија, туку исто така ќе си го подобрите и расположението. Растворете неколку капки етерично масло од портокал во вода или пак ставете во освежувачот за вашиот дом.rn
5. Ослободете се од непотребните работи
rnПредметите задржуваат многу енергија, при што нам физички, ментално и емоционално ни го попречуваат патот. Покрај тоа, собирањето непотребни работи ве прави уморни и истите предизвикуваат стрес. Затоа, важно е што побргу да се ослободите од натрупаните непотребни предмети кои повеќе не ги користите.
rn
6. Заштитете го просторот со кристали
rnЦрниот турмалин е познат по тоа што ја разградува негативната енергија и ве штити од неа. Розовиот кварц пак ги заменува негативните чувства со позитивни. Ако сте во можност, држете ги во близина на електронските уреди, со цел нивниот ефект да биде максимален.rn
7. Обојте ги ѕидовите во жолта боја
rnБоите играат важна улога во вашиот дом, а жолтата боја ја неутрализира лошата енергија. Освен тоа, ќе имате повеќе топлина, а просторот ќе ви изгледа и поголем.rn
8. Ставете сол во ќошињата на собите
rnСтавете малку сол во ќошињата на вашите соби и оставете да стои 48 часа, а потоа отстранете ја. Солта ќе ја акумулира негативната енергија и во вашиот дом повторно ќе завладее позитивна атмосфера.rn
9. Ставете повеќе огледала
rnЗа во вашиот дом да влезе позитивната енергија, поставете повеќе огледала, но избегнувајте ги оние со остри агли. Огледалата не само што ќе донесат повеќе енергија, туку ќе ви помогнат да го прочистите и вашиот ум.rn
10. Држете се до неутрални бои
rnТемните бои понекогаш може да изгледаат убаво, но во некои ситуации ви требаат токму спротивните за да создадете опуштена атмосфера. Затоа, кога ќе ги избирате боите за во вашиот дом, настојувајте тие да бидат неутрални, наместо темни кои би предизвикале негативни чувства, а ќе направат и просторот да изгледа помал.