Претходно
Шик комбинации со чорапи над колена
Зимата е сезона на облекување во слоеви и интересни детали, меѓу кои неопходни за модерен изглед се и чорапите над колена. Погледнете некои од начините на кои можете да ги комбинирате во зависност од вашиот омилен стил.
Ретро стил
Комбинирањето на чорапите над колена може да биде во ретро стил. Тесното фустанче, чевлите и шапката кои ги гледате на сликата, заедно со црните чорапи се една опција за постигнување на ретро стил.
Школски стил
Црната облека во комбинација со сивите чорапи дава типичен школски изглед, но истовремено и зрачи со софистицираност. Црвен кармин на усните и впечатлива чанта совршено ќе го надополнат целокупниот изглед.
Класичен стил
Црно-белата комбинација е синоним за класичен изглед. Лелеаво црно фустанче, бела наметка и црни чорапи над колена навистина прави еден елегантен, класичен изглед.
Рокерски стил
Едноставно, а сепак моќно и малку рокерски. Темноцрвената кожна сукња со сиво-црното палто и црните чорапи над колена е одлично искомбинирана. Употребата на едно парче облека во повпечатлива боја може да го освежи целиот изглед.
Женствен стил
За постигнување на поженствен изглед може да изберете чорапи над колена со одредени детали, како машнички или рабови со чипка. Токму таквите детали ќе ве направат да изгледате различно и уникатно.
Зимски стил
Чорапите над колена прекрасно одговараат со чизми. Делот од чорапите кој се познава над чизмите дава удобен, освежувачки и интересен изглед, со голема доза на индивидуалност и личен печат.
Со хулахопки
Како што кажавме на почетокот, зимата е одличен период за облекување во слоеви. Облечете ги омилените хулахопки и над нив чорапите над колена. Ќе изгледате стилски, а и ќе ви биде потопло.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
