КАФЕ ПАУЗА

Tag: стрес

Овие намирници можат да ви помогнат полесно да се изборите со стресот!

Многу работи можат да доведат до стрес, но начинот на кој се грижите за себе кога се чувствувате изнемоштени игра голема улога во тоа како се справувате со него. Покрај јогата, ароматерапијата, медитацијата и топлата бања, постојат одредени хранливи материи кои можат да ви помогнат да го контролирате нивото на стрес. Проверете за кои состојки станува збор во продолжение.rnrnrn

Протеини

rnКога јадете храна богата со протеини, му помагате на вашето тело да произведува серотонин, кој ви помага да се чувствувате среќни и опуштени. Повеќето луѓе добиваат одредена количина на протеини на дневна основа, но ако сте вегетаријанец или веган, можеби ќе имате потреба од поголема количина протеини. Рибата, пилешкото, говедското месо, гравот, сирењето, јајцата и јаткастите плодови се одличен избор на протеини.rn

Антиоксиданти

rnПримарна улога на антиоксидантите е да помогнат во борбата против оштетувањето на клетките како резултат на слободните радикали во вашето тело. Освен тоа тие му помагаат на вашиот имунолошки систем да се бори со разноразни болести почнувајќи од обична настинка до срцеви заболувања и рак. Овошјето и зеленчукот се одлични извори на антиоксиданси, затоа обидете се, на пример, да додадете боровинки, диња, моркови и киви во вашето дневно мени.rn

Фолати

rnБ витаминот или фолната киселина придонесува за зголемување на производството на хормонот допамин кој помага во зајакнувањето на расположението. Кога имате високи нивоа на допамин се чувствувате посмирени и релаксирани. Дополнително, некои истражувања покажале дека консумирањето храна богата со фолати може да помогне и во борбата против депресијата. Лиснатиот зеленчук, како што се кељот и спанаќот изобилуваат со фолна киселина.rn

Омега-3 масни киселини

rnОваа хранлива материја има антиинфламаторни својства кои можат да се борат со хормоните на стрес. Всушност, студиите покажале дека кај луѓето кои редовно внесуваат омега-3 масни киселини се забележува намалување на анксиозноста и стресот за дури 20 проценти. Лососот е главен извор на омега-3 киселини, но тие може да се најдат и во ленено семе, ореви, туна и маслиново масло.rn

Сложени јаглехидрати

rnИстражувањата откриле дека диетата со прости јаглехидрати не е здрав избор. На вашето тело му требаат сложени јагленихидрати кои ќе ви помогнат да се зголеми производството на серотонин, а истовремено ќе го контролираат шеќерот во крвта. Добри извори на сложени јаглехидрати вклучуваат овесна каша, кафеав ориз, овошје и зеленчук.rn

Пробиотици

rnПробиотиците може да се најдат во јогуртот и другата ферментирана храна. Според истражувањата, жените кои редовно консумираат пробиотици подобро ги контролираат гастроинтестиналните проблеми кои можат да доведат до стрес. Јогуртот е исто така добар извор на протеини кој може да помогне во борбата против стресот.rnrnОткако прочитавте кои намирници можат да ви помогнат да се изборите со стресот, можеби ќе сакате да прочитате и како кучињата можат да откријат кога сме под стрес.rnrnИзвор: allwomenstalk.comrnrn

November 15, 2022
Истражување: Кучињата можат да откријат кога сме под стрес

Луѓето и кучињата можат да создадат длабока врска. Некои луѓе дури веруваат дека нивните домашни миленици можат да ги разберат нивните чувства и емоции. Според најновите истражувања, ова може да биде вистина.rnrnrnrnНаучниците од Универзитетот во Белфаст, Ирска, спровеле експеримент со четири кучиња и 36 луѓе и откриле дека кучињата можат да направат разлика меѓу карактеристичниот мирис на секој од испитаниците и мирисот во моментите на стрес и вознемиреност.rnrnТака, во текот на истражувањето, научниците собрале примероци од пот од испитаниците од кои едниот дел се однесувал на нормалната состојба на телото, а другиот на состојбата на телото за време на стрес кој бил предизвикан од решавањето тешка математичка задача. Притоа, било утврдено дека кучињата можеле да го откријат точниот примерок и тоа со стапка на точност од 93,5%.rnrnНа крајот од истражувањето научниците заклучиле дека кучињата можат да ја детектираат промената што настанува како резултат на психолошката реакција на телото на стрес.rnrnОткако прочитавте за ова истражување, можеби ќе сакате да прочитате и зошто кучињата ги ставаат своите шепи на вас.rnrnИзвор: mymodernmet.com

October 4, 2022
Не смеете да ги занемарите овие знаци на хронична анксиозност!

Живееме во свет чие брзо темпо несомнено е извор на стрес и нервоза. Иако за повеќето од нас сето тоа се чини нормално, сепак секојдневниот стрес може да доведе до состојба на хронична анксиозност, што, од друга страна, може да предизвика срцеви заболувања, дијабетес или мозочен удар. Во продолжение прочитајте кои знаци укажуваат на хронична анксиозност кои во никој случај не смеете да ги игнорирате.rnrnrn

Болка во мускулите

rnПостојаната болка во мускулите може да биде знак на хронична анксиозност. Размислете колку е стресен вашиот живот и колку е честа болката. Стресот може да предизвика воспаление што е и најчестата причина поради која мускулите се вкочанети.rn

Умор

rnДруг знак за хронична анксиозност е заморот. Стресот ги ослабува надбубрежните жлезди кои се одговорни за многу процеси во вашето тело почнувајќи од борба против воспаление и стрес и воспоставување рамнотежа во телото. Доколку постојано сте под стрес или не се храните здраво, тие не можат да ја вршат својата функција.rn

Главоболка

rnЧестите главоболки се уште еден знак за хроничната анксиозност. Стресот создава мускулна тензија што најчесто резултира со главоболка. Обидете се да го промените вашиот начин на живот така што ќе воведете здрави навики како здрава исхрана, вежбање, медитација и ќе внесувате помалку кофеин.rn

Проблеми со спиење

rnПроблемите со спиење можат да бидат показател за хроничната анксиозност. Не заборавајте дека сонот е од огромно значење за управување со стресот во текот на денот бидејќи ви ја дава потребната енергија за да се справите со истиот.rn

Слабо варење

rnЕден од најлошите знаци на хронична анксиозност е неурамнотеженоста на дигестивниот систем. Освен тоа, кога телото е под стрес не може доволно да произведе серотонин или „хормон на среќата“ што доведува и до лошо варење на храната. Затоа, неопходно е да направите сè што можете за вашиот стомак да се чувствува подобро. Следниот пат можете да се обидете со чај од камилица кој сигурно ќе ви помогне да се опуштите.rnrnОткако прочитавте кои знаци на хроничната анксиозност не смеете да ги занемарите, можеби ќе сакате да прочитате и кои намирници помагаат во намалување на анксиозноста.rnrnИзвор: allwomenstalk.com

June 23, 2022
Овие знаци ќе ви покажат дали и како стресот влијае врз вашата продуктивност на работа

Секој од нас на различен начин се справува со стресот. Затоа, од голема важност е навреме да ги препознаете знаците на евентуален стрес за да можете соодветно да реагирате. Во продолжение прочитајте ја нашата листа со знаци на прекумерен стрес и тоа во поглед на работата и работните обврски:rnrnrnrn1. Вашиот стил на комуникација станува сè помалку директен.rnrn2. Вообичаено ја користите групната дискусија кога сакате да одлучите за нешто, но сега одбивате самите да носите одлуки и затоа се потпирате на групниот консензус.rnrn3. Сакате ред и детали, но сега гледате со недоверба на начинот на кој другите управуваат со нив.rnrn4. Вообичаено лесно наоѓате заеднички јазик со другите, но сега ја одбегнувате дури и најмалата можност да влезете во некаков конфликт.rnrn5. Вообичаено сте полни со енергија, но сега се чувствувате немирно или нетрпеливо.rnrn6. Сигурни сте во вашите способности, но сега ја префрлате вината за проблемите на другите без да размислите дали и вие имате удел или не.rnrn7. Вообичаено се предизвикувате себеси за да постигнете подобри резултати, но сега тоа го правите како резултат на самокритиката.rnrn8. Генерално фокусирани сте на задачата, но сега тој фокус ве тера да се спротивставите на секоја промена.rnrn9. Вообичаено брзо носите одлуки, но сега дејствувате импулсивно или се чувствувате исфрустрирано.rnrn10. Вообичаено сте отворени за фидбек, но сега сте чувствителни на секаков тип критики.rnrn11. Обично сакате да работите во група, но сега сте повлечени или нетрпеливи.rnrn12. Вообичаено се согласувате со другите, но сега станувате провокативни или доминантни.rnrn13. По природа сте објективни и практични, но сега емоциите ви го попречуваат процесот на расудување.rnrnОткако го прочитавте нашиот список со знаци на стрес за време на извршување на работните задачи, можеби ќе сакате да прочитате и како да останете позитивни доколку сте опкружени со луѓе кои ви предизвикуваат стрес.rnrnИзвор: themindsjournal.com

May 11, 2022
Како да останете позитивни доколку сте опкружени со луѓе кои ви предизвикуваат стрес

Секогаш кога сте под стрес, одвојте неколку минути за да проанализирате што е тоа што ве тера да се чувствувате на тој начин. Доколку причината за вашиот стрес се одредени луѓе, тогаш најдобро е да ги одбегнувате, но знаеме дека за жал тоа не е секогаш возможно. Наместо тоа, обидете се да ги идентификувате луѓето кои ви предизвикуваат стрес и најдете начин да се заштитите од нивната негативна енергија. Во продолжение прочитајте ја нашата листа со совети за како најлесно да се справите со токсичните луѓе.rnrnrn

1. Не дозволувајте психички да ве малтретираат

rnПрвиот чекор за да останете позитивни кога имате работа со ваков тип на луѓе е да не дозволите да паднете во нивната „замка“ и да станете жртва на нивните негативни емоции. Голема е веројатноста дека ќе се обидат да ви го расипат расположението само и само да го чувствувате истото што и тие го чувствуваат. Доколку се лутат или тагуваат, ќе се обидат да ве натераат и вие да го доживувате истото. Кога оваа личност е во ваше присуство, можете да слушате и да разговарате, но не дозволувајте да оди подалеку од тоа. Не дозволувајте да побуди негативни емоции во вас.rn

2. Сето тоа е привремено

rnВо моментот кога сте под стрес, тешко е да се сетите на помислата дека ова чувство нема вечно да трае. Доколку запомните дека можете да го пребродите ова и дека наскоро сè ќе заврши, може да ви помогне полесно да се справите со личноста.rn

3. Размислете како би се справиле со токсичните луѓе

rnСо оглед на вашите досегашни искуства со нив, можете однапред да го предвидите нивното однесување. Искористете го тоа за да направите своја стратегија за како ќе се справите со ситуацијата.rn

4. Сменете го начинот на кој ги восприемате нештата

rnАко можете да ја смените вашата перцепција, ќе останете позитивни без оглед што и да се случи. Продолжете да се фокусирате на оптимистичките мисли и не дозволувајте му на стресот целосно да завладее со вашиот ум.rn

5. Помислете на работите за кои сте благодарни

rnДоколку размислувате на нештата за кои сте вистински благодарни, ќе ви биде полесно да ја пребродите стресната ситуација. На тој начин нема да го насочите вниманието кон негативната енергија, а згора на тоа, ќе бидете посмирени и посигурни во себе.rn

6. Потсетете се самите себеси дека сте издржливи и дека можете да се справите со нив

rnАко се гледате себеси отпорни на таквите ситуации, подобро ќе управувате со стресот и негативноста. Запомнете дека можете со сè да се справите и дека секоја пречка е начин да стекнете доверба во себе.rn

7. Имајте ги на ум вашите цели и потреби

rnНеопходно е да знаете однапред што е тоа што ви е потребно и кои се вашите цели. фокусирањето на вашите желби и потреби може да ви помогне да дојдете до поентата пред работите да тргнат во непосакуван правец.rn

8. Контролирајте се себеси

rnСекогаш кога дозволувате некој друг да го контролира вашиот начин на размислување со тоа му давате моќ да управува со вас. Сепак, во секој момент можете да направите промена и да ја вратите контролата над себе. Кога ќе одлучите дека никој освен вас не може да ја контролира вашата реакција на некоја ситуација, полесно ќе се справите со неа.rnrnОткако прочитавте како да останете позитивни при справувањето со токсични луѓе, можеби ќе сакате да прочитате и 5 начини како да ја прекинете расправијата со токсични луѓе.rnrnИзвор: powerofpositivity.com

March 1, 2022
Смачено ви е од тоа постојано да се чувствувате уморни? Еве како да се справите со заморот!

Иако екстремниот замор може да се јави како резултат на одредена здравствена состојба, сепак тој може да биде поврзан и со мали, секојдневни аспекти. Во продолжение прочитајте ги кои се најчестите причини за замор и како да се справите со истите.rnrnrn

1. Стрес

rnСакале или не, стресот е дел од животот и е нешто што не можете целосно да го елиминирате. Сепак, не занемарувајте го фактот дека хроничниот стрес може да доведе до појава на физички и ментални проблеми, вклучувајќи го и проблемот со спиење. Премногу стрес го прави вашето тело ранливо на болести, главоболки, мускулна напнатост и анксиозност. Обидете да се ослободите од стресот преку овие активности: длабоко дишење, медитација, јога, вежбање, Таи Чи, релаксација.rn

2. Прекумерна употреба на енергетски пијалаци

rnЕнергетските пијалаци се богати со шеќер и кофеин, па така тие се вашиот прв избор особено доколку сакате да останете будни. Но, прекумерната употреба на пијалаци со висока содржина на кофеин може да придонесе само да се чувствувате уште поуморни. Наместо тоа, обидете се со кафе или чај кои содржат помалку кофеин од енергетските пијалаци, а можете и да ја контролирате количината на шеќер што ќе ја внесете. И секако, не занемарувајте ги придобивките на водата за вашиот организам.rn

3. Мала физичка активност

rnИстражувањата покажале дека редовното вежбање придонесува за повеќе енергија и помалку замор. Доволно е да одвоите 20 минути во текот на денот на вежби со низок до умерен интензитет. Ви гарантираме дека после вежбањето ќе се чувствувате поенергични!rn

4. Недоволен сон

rnДоколку ви требаат повеќе од 30 минути за да заспиете, ако честопати се будите навечер или ако останувате будни повеќе од 20 минути во текот на ноќта, тогаш навистина имате проблеми со спиењето. За да го подобрите квалитетот на сонот не консумирајте тешка храна или алкохол и избегнувајте кофеин и никотин пред спиење, спијте во тивка и удобна соба, а доколку не можете без пладневна дремка, нека не биде подолга од 20 минути.rn

5. Недоволно консумирање протеини

rnЕдно истражување покажало дека испитаниците чие мени било богато со протеини не се жалеле толку често на замор за разлика од оние чија исхрана содржела сосема мала количина на протеини. Риба (особено пастрмката, туната, сардината, лососот, скушата и харингата, богати со омега-3 киселини), пилешко месо, млечни производи, грав, јаткасти плодови и производи од соја се само дел од намирниците кои се богат извор на протеини.rn

6. Дехидратација

rnВодата е од витално значење кога станува збор за одржувањето на имунитетот. Така, не е воопшто за чудење тоа што студиите покажале дека дехидратацијата е поврзана со нарушена мускулна сила, издржливост и зголемен замор. Пијте повеќе вода во текот на денот за да не наидете на симптоми на дехидратација како сува кожа, замор, вртоглавици, главоболки и жед.rnrnОткако ги прочитавте нашите совети за справување со заморот, можеби ќе сакате да прочитате и за трите начини за борба против „дигиталниот замор“.rnrnИзвор: thegreatist.com

February 10, 2022
Едноставни вежби за брзо опуштање и ослободување од стрес

Пандемијата на коронавирус сè уште трае, а згора на тоа постојано чувствуваме притисок од сите страни и имаме еден куп обврски. Среде сето ова „лудило“ забораваме на сопственото здравје и благосостојба. Сепак, постојат начини како да се справиме со стресот и анксиозноста во даден момент. Прочитајте во продолжение за што се работи.rnrnrn

Проанализирајте ги вашите чувства

rnСите кога ќе се разбудиме наутро првото нешто што правиме е да го испланираме денот. Ги проверуваме мејловите, пораките на телефон, распоредот. Наместо тоа, обидете се првин да се анализирате себеси. Почнете да водите дневник во кој детално ќе ги запишувате вашите чувства. Со текот на времето ќе се чувствувате посмирено и ќе имате повеќе концентрација за извршување на работните обврски.rn

Моќта на допирот

rnДопирот има смирувачка и лековита моќ. Спојте ги рацете и ставете ги на градите како при молитва. Држете ги рацете неколку секунди во оваа положба и размислувајте за тоа кои сте вие, што сте постигнале досега и кои се вашите следни цели.rn

Пет минути среќа

rnСоздадете си катче во домот што ќе биде вашето бегство од реалноста, без разлика дали се работи за удобна фотелја, кревет или тераса. Оставете го телефонот настрана и сварете си го омилениот чај. Додека го пиете, обидете се накратко да заборавите на сите проблеми што ве мачат и фокусирајте се на сегашноста.rn

Променете го местото на седење

rnПо долгото, напорно работење во канцеларија, седнете на подот. Кога чувствувате дека ја губите контролата, контактот со цврста површина како што е подот или земјата ќе ве смири и стабилизира.rn

Фантазирајте

rnЧовечкиот мозок не може да биде 100% фокусиран повеќе од 90 минути. Затоа, почесто правете кратки паузи во текот на работното време. На сите ни треба момент кога едноставно ќе го пуштиме умот да талка.rnrnОткако прочитавте кои вежби можат да ви помогнат за брзо да се опуштите, можеби ќе сакате да ги откриете и вежбите за опуштање кога имате 1, 2 или 3 слободни минути.rnrnИзвор: lepotaizdravlje.rs

November 24, 2021
Дали често зборувате во сон? Можеби сте под стрес

Сите знаеме дека постојат луѓе кои зборуваат во сон, но за разлика од филмовите каде што на партнерите им ги признавате вашите најголеми тајни, ова се често несфатливи зборови, а понекогаш и само мрморење. Дури и смеењето или плачењето во сон за кое не сте свесни е знак дека можеби сте под одреден степен на стрес што ви се манифестира на овој начин.rnrnrn

Зошто луѓето зборуваат во сон?

rnПостојат неколку причини зошто некој зборува додека спие. Најголеми надворешни фактори се стресот, лековите, здравствената состојба и некои нарушувања на спиењето (на пример, несоница, апнеја при спиење и нарколепсија). Но, влијание може да имаат и прекумерниот замор или недостатокот на сон. Од друга страна, ако сте под поголем стрес, зборувањето во сон може да стане поредовно, односно би можеле да зборувате во сон секоја вечер.rn

Дали може да се спречи зборување во сон?

rnПрекумерниот замор или лошата хигиена на спиењето (внесување премногу кофеин или алкохол, несоодветен распоред за спиење или прекумерно спиење) може да доведат до поголема возбуда, што ја зголемува шансата за зборување во сон. Значи, за да го намалите зборувањето во сон, треба да работите на тие фактори. Сепак, треба да знаете дека зборувањето во сон е сосема нормално и е почесто отколку што мислите.rnrnПрочитајте што ќе се случи со вашето тело ако почнете да вежбате пред спиење.

September 1, 2021
4 совети како да го отстраните токсичниот стрес од телото

Најверојатно сте имале долг ден и вашето тело и вашиот ум се исцрпени и чувствувате дека немате енергија. Овие неколку уникатни идеи за самопомош ќе ви помогнат да го зголемите вниманието и да се опуштите.rnrnrnrn1. Легнете на креветот, потпрете се на удобни перници и покријте се со ќебе. Исклучете ги светлата и ставете слушалки за да можете да слушате музика за медитирање.rnrn2. Направете бања со етерично масло од лаванда за да се смирите и оставете го телефонот во друга просторија, но претходно исклучете го звукот.rnrn3. Направете табла со фотографии од места од соништата и од други лични желби што ќе ве инспирираат. Некои од фотографиите може да вклучуваат идеи за претстојните патувања. Оваа активност е одлична кога се чувствувате изгубено или без инспирација и сакате да најдете ново хоби и нови интереси.rnrn4. Одете во библиотека и позајмете неколку книги. Или купете ги книгите што ги сакате. Направете си чаша од вашиот омилен пијалак, сместете се на каучот, покријте се со ќебе и читајте барем еден час.rnrnПогледнете ги и овие 5 едноставни навики за зголемување на продуктивноста и намалување на стресот.

August 25, 2021
Вежби за опуштање кога имате 1, 2 или 3 слободни минути

Во текот на денот, треба да правите вежби за опуштање за да спречите насобирање на стресот. Овие вежби ќе ви помогнат да се ослободите од стресот и од стравот во секојдневните ситуации. Мини-релаксацијата е средство за ослободување од стресот, а овие техники можат да го ублажат вашиот страв во стоматолошката ординација, да го спречат стресот пред важен состанок, да ве смират кога сте заглавени во сообраќајот или да ви помогнат да се смирите кога ќе се соочите со луѓе или ситуации што ве иритираат.rnrnrn

1. Кога имате 1 минута

rnСтавете ја раката директно под папокот за да го почувствувате кревањето и спуштањето на стомакот додека дишете. Вдишете. Паузата за одбројување е до три. Издишете. Повторно избројте до три. Продолжете да дишете длабоко една минута, со паузи по три вдишувања и издишувања. Или додека седите удобно, може да вдишете длабоко и тивко да си повторите „јас сум“ додека вдишувате и „во мир“ додека издишувате. Повторете полека два или три пати. Потоа почувствувајте како целото тело се опушта во задниот дел на столот.rn

2. Кога имате 2 минути

rnПолека бројте од 10 до 0. Со секој број, дишете целосно, вдишувајќи и издишувајќи. На пример, земете длабок здив и изговорете „десет“. Издишете полека. На следниот здив, кажете „девет“ и така натаму. Ако чувствувате вртоглавица, одбројувајте побавно за да направите подолга пауза помеѓу вдишувањата. Кога ќе стигнете до нула, треба да се чувствувате порелаксирано. Ако не се чувствувате, повторете ја вежбата од почеток.rn

3. Кога имате 3 минути

rnДодека седите, одморете се од сè што правите и проверете дали постои напнатост во вашето тело. Опуштете ги мускулите на лицето и отворете ја вилицата малку. Нека ви паднат рамената. Рацете нека ви паднат настрана. Оставете ги рацете да се олабават за да има празнина помеѓу прстите. Прекрстете ги нозете или глуждовите. Почувствувајте како бутовите ви потонуваат во столот, овозможувајќи им на нозете да се одделат удобно. Почувствувајте како потколениците стануваат потешки, а стапалата вкоренети до подот. Потоа, вдишувајте и издишувајте полека.rnrnПогледнете ги овие 5 едноставни навики за зголемување на продуктивноста и намалување на стресот.

August 8, 2021