КАФЕ ПАУЗА

Tag: последици

Што ќе се случи кога ќе се откажете од кафето на еден месец?
Повеќето од нас го почнуваат денот со шолја кафе, и не можеме да го замислиме утрото без тој ритуал. Но, сигурно и вие како многу други, се имате прашувано што би се случило доколку се откажете од него. Една девојка решила да го направи токму тоа и го раскажува нејзиното искуство. Погледнете што ѝ се случило.rnrnrnrnПрва недела: Првиот ден беше најтежок. Не можев да се сконцентрирам и само сакав да спијам. Преку неделата, пробував разни алтернативи – зелен или овошен чај, овошни салати – и некои од нив навистина помогнаа.rnrnВтора недела: Почувствував огромна желба за кафе на почетокот на неделата и речиси не издржав. Но, го надминав искушението и се гордеам за тоа.rnrnrnrnТрета недела: Заспивањето ми стана многу полесно. Нема превртување во креветот цел час. Ова е навистина добро.rnrnrnrnЧетврта недела: Будењето за на работа стана полесно. Потребно е да се будам во 6 наутро за да успеам да ги завршам сите работи, но секогаш си продолжував уште 10-тина минути. Сега се чувствувам многу подобро во врска со будењето наутро.rnrnrn

Што ми даде експериментот?

rn
- Подобар сон. Сега спијам цврсто и се чувствувам наспано дури и после 6 часа. Само ова е доволна причина да не продолжам со пиење кафе.
- Повеќе енергија. Изгледа дека на одмореното тело не му е потребно кафе за да се разбуди. Исто така забележав и дека станав посмирена.
- Подобар изглед. Здравиот сон направи да изгледам свежо и се ослободив од темните кругови под моите очи.
- Нема повеќе зависност. Признавам, откако заврши експериментот веднаш отидов да се напијам кафе. И знаете што? Не беше ништо посебно. Не знам зошто сум го сакала толку многу.
rnrnrnНајважното нешто: Излезе дека не беше кафето она што го сакав толку многу, туку самиот ритуал на подготвување и пиење. На секој од нас му е потребно малку задоволство во секојдневната рутина.rnrnДоколку и вие се одлучивте да го пробате експериментот, погледнете ги овие 3 чекори кои ќе ви помогнат во тоа.
June 9, 2017
12 чудни и неочекувани последици од промената на климата

Промената на климата предизвикува вистински хаос – нивото на морето се зголемува, мразот се топи и уште посилни природни катастрофи се на повидок. Сепак, многу е веројатно дека не сте свесни за многуте работи што овој феномен под влијание на човекот ќе ги предизвика. Ајде да погледнеме во блиската иднина и да видиме што ќе ни донесе светот кој се стоплува.rnrnrn

1. Ќе се разболувате повеќе, можеби ќе добиете и дијебетес

rnМногу истражувања покажале дека ако опкружувањето стане потопло, многу болести ќе напредуваат. Бројот на комарци кои носат разни вируси ќе се зголеми, загаденоста на водата ќе стане почеста, загадувањето на воздухот ќе трае подолго и оние кои имаат алергии ќе почнат да ги чувствуваат порано од обично и ќе траат подолго. Луѓето во потопли околини исто така не се во можност ефикасно да се ослободуваат од шеќерот во крвта. Па, со секое зголемување на температурата, многу луѓе ќе почнат да добиваат дијабетес тип 2.rn

2. Сибирот ќе се претвори во огромна запалива трамбулина

rnПочвата околу сибирскиот Арктик е полна со бактерии кои произведуваат метан. Тој обично е сместен во најгорниот дел од мразот, но како што тој дел од светот се затоплува двојно побрзо од кој било друг, метанот заедно со многу јаглерод диоксид се ослободува во атмосферата. Многу од него привремено останува заробен во „џебови“ од влажна земја. Ова значи дека има околу 7.000 области во Сибир каде што почвата е „жива“, и доколку имате запалка, многу запалива.rn

3. Северниот пол ќе заврши во Европа

rnОва се однесува на географскиот Северен пол. Како што веќе знаете, Земјата се врти околу својата оска која е од врвот до дното на планетата. Но, благодарение на затоплувањето, многу мраз се топи и многу вода се движи низ земјата навистина брзо. Ова ќе ја промени рамнотежата на масата на Земјата па планетата ќе се прилагоди со тоа што ќе го промени аголот на ротационата оска. Ова значи дека Северниот Пол се движи источно кон Европа околу 10 сантиметри годишно, почнувајќи од 2000-та година.rn

4. Ќе има повеќе вулкански ерупции

rnМногу вулкани, посебно на места како Исланд, се покриени со огромни глечери. Кога ќе се стопли тој регион, мразот ќе се растопи и ќе има два разни ефекти. Прво, дел од водата од мразот ќе се измеша со околната магма и ќе предизвика силни експлозии. Второ, ако се растопи доволни мраз ќе се намали притисокот врз магмата во вулканот, па ова ќе предизвика еруптирање на самиот вулкан.rn

5. Ќе се појават хибриди од поларни и гризли мечки

rnКако што изгледа, потомците на овие два вида се појавуваат сè почесто. Причината за ова е намалување на мразот на Арктиткот па поларните мечки полека се преселуваат на копно и се размножуваат со тамошните гризли мечкчи.rn

6. Економијата ќе пропадне

rnИстражување од 2006 година открило дека со поголеми природни катастрофи ќе расте цената на фосилните горива. Нови анализи покажале дека светот може да изгуби до 19 трилиони долари до 2050 година бидејќи нема да се користи ефтина обновлива енергија. Накратко, доколку сакате да го спасите светот и да станете богати, откажете се од јагленот и набавете си соларен панел.rn

7. Ќе се појават „кругови“ на мразот

rnНе станува збор за мистериозните кругови во жито кои се појавуваат низ целиот свет, туку за чудни формации кои се појавуваат на површината на замрзнати езера и мориња. Тие се формираат преку природен процес каде што слоевите тенок мраз се придвижуваат еден врз друг. Потопло време би значело потенок мраз, па овие појави ќе станат почести.rn

8. Виното ќе поскапи и ќе го изгуби убавиот вкус

rnПотоплата клима може ќе им годи на некои лозари како во Нов Зеланд, но во повеќето земји лозјата нема да можат да ја издржат промената. Чиле, Франција, Аргентина и Јужна Африка имаат намалено производство на вино, а исто така се намалува и неговиот квалитет.rn

9. Патувањето со авион ќе стане „потрнливо“

rnТурбуленцијата не може да сруши авион, но никој не ужива во неа. Климатските промени предизвикуваат промена во воздушните струења што само ќе ги влоши турбуленциите.rn

10. Ќе се зголеми веројатноста да бидете убиени

rnПоради недостигот на вода и храна, нестабилните нации ќе станат уште понестабилни поради зголемувањето на температурата. Како што покажале истражувањата, ова ќе доведе до повеќе граѓански војни, повеќе насилство и повеќе смрт.rn

11. Пекинг ќе исчезне во чад (или смог)

rnСигурно знаете дека Пекинг има проблем со смог. Смогот, кој е создаден од фабриките за фосилно гориво и зголемениот сообраќај се влошува поради многу чудна причина. Како што се топи мразот на Арктикот, се предизвикува поголемо испарување кое пак предизвикува воздушните струи над централна Азија да бидат во застој. Ова значи дека воздухот над Пекинг станува неподвижен па ќе биде потребно многу повеќе време за да се расчисти.rn

12. Противниците на климатските промени ќе станат поиритирачки

rnЗа жал, скорешно истражување покажало дека без разлика колку е образован еден човек, тоа нема да влијае на неговото мислење за глобалното затоплување, ураганите, поплавите и слично. Вознемирувачко е што колку пообразовани се луѓето, толку помалку веруваат во науката зад глобалното затоплување.rnrnПогледнете и зошто климатските промени се лоши за вашето психичко здравје.

April 24, 2017
Сериозни последици од јо-јо диетите на кои треба да внимавате

Колку пати во животот сте биле на диета? Колку килограми сте изгубиле? Дали тие килограми повторно се вратиле и тоа се случило, во кој временски период? Кога ќе одговорите на овие прашања, брзо ќе дознаете дали сте „жртва“ на јо-јо диетите. Всушност, станува збор за брзи и навидум ефикасни диети, со кои во краток период се губат поголем број килограми, но кога ќе престанете со нив, изгубеното брзо се враќа назад, па често доаѓа до тоа да се насоберат во поголем број од претходно. Освен самото несакано повторно враќање на килограмите, таквиот начин на слабеење и повторно дебелеење има и психички и физички опасности за вашето здравје.rnrnrnrn1. Количината на маснотии што се враќа во телото со секоја нездрава диета и повторното враќање на килограмите се зголемува. Кога некоја личност за брзо време ќе изгуби многу тежина, заедно со маснотиите ја губи и мускулната маса. Кога повторно ќе започне да се враќа старата тежина, има тенденција да се насоберат повеќе маснотии од претходно, а помалку мускулна маса, па поради тоа таа личност станува подебела од претходно.rnrn2. Еден од ефектите на јо-јо диетите е зголемената желба за мрсна храна. Со други зборови, телото многу полесно ги преработува калориите од маснотиите отколку од протеините и јаглехидратите.rnrn3. Постојаното губење и добивање тежина, кое може да трае со години, а кај некои личности и со децении, може да има сериозни психички последици. Односно, неуспехот во одржувањето на посакуваната тежина може да се доживее како личен пораз. Одвреме-навреме може да дојде до проблеми со самодовербата, а кај некои личности може да се појави и депресија.rnrnrnrn4. Личностите кои често губат и добиваат килограми имаат и ослабен имунитет. Односно, истражувањата покажуваат дека жените кои се обидувале повеќе од пет пати да изгубат тежина имаат за една третина послаб имунитет од останатите. Од друга страна пак, жените кои имаат иста, „здрава“ тежина, повеќе од пет години по ред, имаат за 40% подобар имунитет од личностите чија тежина постојано варира.rnrn5. Некои понови истражувања покажаа дека јо-јо диетите може да предизвикаат бројни здравствени проблеми, како што се зголемен крвен притисок, зголемен холестерол, дијабетес, а може да дојде и до срцеви аритмии.rnrnПоради тоа, здравата исхрана од свежи, нетретирани и разновидни намирници, готвењето дома, поточно помалку процесирана храна, слатки и грицки, но и редовното вежбање се вистинскиот начин за здраво губење килограми, кое може да донесе бројни добрини на организмот.rnrnИзгладнувањето на организмот со брзи диети го доведува телото во „извонредна“ состојба во кое метаболизмот забавува, бидејќи се гасат или забавуваат функциите на органите поради штедењето на енергија. Кога повторно ќе се започне со консумирање поголема количина храна, метаболизмот останува бавен, поради што доаѓа до повторно насобирање на килограмите.

March 20, 2017
Што се случува со вашето тело кога не се туширате редовно?

Сите познаваме човек кој мисли дека нема потреба да се тушира редовно и да одржува лична хигиена. Но, и сите знаеме дека последиците од нередовното туширање не се воопшто пријатни. Телото почнува да мириса лошо, косата станува мрсна, а понекогаш кожата пука од сите тие насобрани нечистотии на епидермисот. Сите овие работи се случуваат ако само два дена заборавите да се истуширате.rnrnrnrnПовеќето луѓе сакаат да го започнат денот со туширање. Тоа ќе ви помогне да се разбудите и ќе ве подготви за свеж почеток на денот. Почнувањето на денот со туширање е одлична навика. Меѓутоа, ова не важи за бебињата. Нивната кожа е многу нежна и не функционира на ист начин како нашата. Бебињата треба да се бањаат еднаш до два пати неделно.rnrnМиењето на косата е сосема друга приказна. На поголемиот дел од луѓето им одговара да ја мијат косата околу два пати неделно за да не им стане премногу сува и кршлива. Одвреме-навреме треба да им дозволите на вашите природни масла да си ја завршат работата, бидејќи тоа е добро за косата.rnrnТелото, пак, постојано создава нови бактерии што живеат на кожата. На него има околу 1.000 различни бактерии и околу 40 типа габички во секое време. Ова сигурно ви звучи одвратно, но овие бактерии се добри за нас бидејќи го одржуваат нашето здравје.rnrnФункцијата на бактериите е да ги уништат другите штетни микроорганизми, а со туширањето уште повеќе ќе се заштитите од патогените на коишто сме изложени секојдневно. Ако еден ден заборавите да се истуширате, ќе им дадете простор на бактериите да се размножуваат.rnrnЗголемениот број бактерии во комбинација со природното потење на кожата во текот на денот, создава одлични услови за размножување на бактериите што ги зголемува шансите за развој на бактериска или габична инфекција.rnrnСекогаш кога се тушираме, ние се чистиме од сите мали одвратни микроорганизми кои се размножуваат на нашите тела во текот на денот. Без разлика дали сте вклучени во физички активности или ретко излегувате од дома, на вашето тело сепак се собира мал слој нечистотии. Дадете сѐ од себе за да го победите овој проблем со тоа што ќе се туширате редовно и ќе ја вадите шминката од лицето секоја вечер, без исклучок!rnrnВо продолжение прочитајте кои се придобивките од туширање со топла, а кои со ладна вода.

February 24, 2017
Што ќе се случи ако сите луѓе на планетата станат вегетаријанци до 2050 година?

Исфрлувањето на месото од исхраната може да донесе многу придобивки за целокупното здравје на планетата, а исто така може да влијае и на животите на милиони луѓе. Одредени личности одлучуваат да станат вегетаријанци поради различни причини. Некои сакаат да ги заштитат животните, а други пак затоа што сакаат да се хранат поздраво. Но, што би се случило доколку сите луѓе во светот, без разлика на причините, станат вегетаријанци? Верувале или не, последиците би ги почувствувале милиони, па можеби дури и милијарди луѓе.rnrnrn

„Во развиените земји, вегетаријанството би донело различни придобивки, како за животната средина, така и за здравјето на луѓето. Во земјите во развој би се почувствувал негативен ефект, односно сиромаштија“, вели Ендрју Џарвис од Интернационалниот центар за тропска агрикултура од Калифорнија.

rnЏарвис и неговиот тим истражувале што би се случило кога месото би било отфрлено од менито на сите луѓе во светот.rn

Влијание на климатските промени

rnНајпрво тие истражувале како ова би влијаело на климатските промени. Всушност, производството на храна е одговорно за една четвртина до една третина од емисиите на сите гасови кои влијаат врз ефектот на стаклена градина создаден од страна на луѓето. И покрај овие податоци, честопати се занемарува како исхраната влијае на животната средина. Во САД на пример, едно четиричлено семејство емитува повеќе штетни гасови со тоа што јаде месо, отколку да вози два автомобила.rn

„Повеќето луѓе не размислуваат за влијанието кое производството на храна го има на климатските промени. Кога сега би јаделе помалку месо, би ја направиле планетата подобра за нашите деца и внуци“, вели Тим Брентон, експерт за храна на Универзитетот во Лидс.

rnНеговиот колега, Марко Спрингмен, истражувач во областа на иднината на храната при Оксфорд, се обидел да го пресмета точното влијание. Всушност, Спрингмен и неговиот тим направиле програма која може да предвиди што би се случило доколку сите луѓе на светот до 2050 година би станале вегетаријанци. Резултатите покажале дека емисијата на штетни гасови која се поврзува со производството на храна би се намалила за 60%, најмногу поради отфрлање на црвеното месо. Храната, а особено производството на месо, зафаќа многу простор на планетата, што за последица има и создавање штетни гасови, но исто така и уништување на шумите со цел да се изнајде повеќе простор. Моментално во светот дури 68% од земјиштето припаѓа на место каде што се произведува месо. Доколку би се откажале од месото, тој простор би можел да се пошуми.rnrnrn

Што ако месната индустрија стане минато?

rnДоколку воопшто не постои месната индустрија, на луѓето кои се вработени таму би им била потребна помош да најдат ново вработување во друга гранка на производство, без разлика дали станува збор за земјоделството, пошумувањето и слично. Во почетокот би морале да се соочиме со голема невработеност поради губењето работни места, посебно во руралните средини. Сепак, ниту вработувањето во алтернативни индустрии не би можело да ја надомести оваа голема загуба на работни места.rn

Дали е потребно да се откажеме од месото за да ја спасиме планетата?

rnЗа среќа, не мора сите луѓе во светот да бидат вегетаријанци или вегани за да се почувствуваат придобивките и да се намали опасноста. Клучната работа е да се промени количеството месо кое се внесува, како и неговата зачестеност.rn

„Малите промени во исхраната се нешто што луѓето не би ги ни забележале, на пример, да консумираат помало парче месо. Изборот не мора да биде помеѓу живот со и живот без месо“, вели Џарвис.

rnОдредени промени во системот на исхрана исто така би ни помогнале да направиме поздрави и еколошки прифатливи одлуки кога е во прашање исхраната, вели Спригмен. На пример, повисока цена на месо, а поевтино овошје и зеленчук. Исто така би требало поодговорно да се однесуваме кон храната, особено кога е во прашање нејзиното фрлање. Помалку од 50% од калориите кои се произведуваат на годишно ниво во светот се употребуваат за она што не им е намена.rn

„Постои начин и да се воспостават системи кои ќе произведуваат помалку загадување и кои се добри за животните и за животната околина, но и би биле профитабилни, затоа што би произведувале помалку месо, а не за дневно консумирање. Фармерите би добивале исто, само што би ги одгледувале животните на поинаков начин“, објаснува Брентон.

rnВеќе постојат решенија за намалување на загадувањето и ефектот на стаклена градина предизвикани од производството на храна, но она што недостига е желба за тие да се спроведат.

October 7, 2016
4 причини коишто покажуваат зошто не треба да возите кога сте пијани

Голем дел од сообраќајните несреќи се случуваат токму поради алкохолот. Лицата коишто се под дејство на алкохол ја загрозуваат не само својата, туку и безбедноста на останатите учесници во сообраќајот. Ова е само една од причините зошто не треба да возите во алкохолизирана состојба. Во продолжение погледнете уште неколку.rnrnrn

1. Може да бидете оштетени од повеќе аспекти

rnАлкохолот го успорува времето на реакција, што ви оневозможува соодветно да се справите со опасностите коишто ви се испречуваат при возењето. Дури и со само неколку пијалаци, нивото на алкохол во крвта може да биде повеќе од законски дозволеното. Па, алкохолизираната состојба може да ви донесе голема парична казна, затворска казна или пак голема материјална штета.rn

2. Може да им наштетите на оние околу себе

rnБи можеле ли да си простите себеси доколку повредите друго, невино лице, додека возите под дејство на алкохол? Тоа ќе ви остави белег за цел живот. Затоа, оваа е уште една причина плус за да не возите во алкохолизирана состојба. Кога сте под дејство на алкохол не сте свесни за она што го правите. Со цел да се заштитите себеси и оние околу вас, не возете доколку сте пиеле алкохол за да избегнете какви било инциденти.rn

3. Скапо е

rnДури и никој да не биде повреден, алкохолот може да ве чини скапо. Не само што можете да заработите големи парични казни или пак да платите голема материјална штета, туку понекогаш ризикувате да го загубите и вашето работно место. Бидете паметни и избегнете ги проблемите.rn

4. Нема потреба

rnНема причина да возите пијани, кога знаете дека и себеси и другите ги изложувате на опасност. Зошто би го ризикувале својот, животот на останатите, вашата работа и вашиот углед, кога толку убави моменти може да ви бидат на располагање?

July 31, 2016
Научно докажано: Што ни се случува во мозокот кога дознаваме дека сме биле изневерени?

Тешко е да се дознае дека партнерот кому сте му верувале и сте го сакале бил неверен. Несомнено е дека чувствата се секогаш повредени. Но, се чини дека неверството нема влијание само на чувствата, туку остава краткотрајни и долготрајни последици и на хемијата во мозокот. А тоа влијае на видот на болката што ја доживуваме и на начинот на кој ги проценуваме нашите идни партнери. Ако разбереме какво невролошко влијание има неверството на мозокот можеби нема да преболиме побрзо, но барем ќе ја подигнеме нашата свест дека се работи за нешто што остава сериозни последици на партнерот кој бил изневерен. И тоа е уште еден доказ дека тагата, сомнежот и болката што се јавуваат потоа не треба да бидат игнорирани и потценети.rnrnrnrnПоврзаноста помеѓу емоционалните искуства и физичките последици се од голем интерес за научните истражувања. Со векови сме верувале дека чувствата на среќа, болка и тага се одвоени од нашите телесни функции. Но, неодамнешните истражувања покажале дека постои врска помеѓу тие две. Имено, романтичното одбивање го стимулира ослободувањето на одредени хормони, дразни одредени рецептори за болка, влијае на невролошките патишта за зависност и на способноста за разумно размислување во иднина. А самото неверство вклучува одбивање, предавство и обезвреднување на врската. Во продолжение прочитајте како нашиот мозок реагира на неверството извршено од страна на нашиот партнер.rn

Доживуваме физичка болка

rnОва не се однесува само на неверството, туку воопшто секое повредување на чувствата може да предизвика физичка болка. Раскинувањата, одбивањата и романтичните предавства се емоционално и физички болни, бидејќи активираат делови од мозокот кои реагираат на физичка непријатност.rnrnВо едно истражување, спроведено на Универзитетот во Мичиген, истражувачите ги скенирале мозоците на учесниците додека тие биле изложени на благо физичко горење, а потоа и додека ги гледале фотографиите на нивните поранешни партнери. Тие дошле до неверојатни резултати! Истите делови од мозокот, секундарниот соматосензорен кортекс и задната инсула, светнале и во двата случаи. Овие делови се поврзани со обработката на сензации на болка и реагираат кога чувствуваме непријатност поради социјална изолираност или одбивање, било да се работи за пријател или партнер.rn

Полот има влијание на нашата реакција на неверството

rnНашите физички реакции на неверството во врската варираат во зависност од полот. Според едно истражување во Торонто од 2009 година, спроведено на 130 луѓе, мажите чувствуваат поголема грижа на совест и каење доколку извршат сексуално неверство, додека, пак, жените се повознемирени ако извршат емоционално неверство, без разлика дали имале сексуални односи.rnrnНо, дали тоа се менува во зависност дали еден човек бил изневерен или тој изневерил? Во 2015 година било спроведено истражување кое вклучило 64.000 учесници на возраст помеѓу 18 и 65 години од сите сексуални ориентации, за да се открие како тие би се чувствувале доколку партнерот ги изневери емоционално или сексуално. Резултатите биле слични со оние од истражувањето во Торонто: 46% од хетеросексуалните мажи и 65% од хетеросексуалните жени биле повеќе вознемирени поради емоционалното неверство, а 54% од хетеросексуални мажи и 35% од хетеросексуални жени биле повеќе вознемирени поради сексуалното неверство. Кај хомосексуалците резултатите биле поинакви, бидејќи кај нив полот не играл толкава улога во тоа како се доживува неверството. Причината за тоа некои ја поврзуваат со теоријата на еволуција и можноста за размножување, а други со модерните општествени улоги.rnrnrn

Може да се чувствуваме како да се откажуваме од некоја зависност

rnКога нашите чувства се повредени, мозокот реагира како да сме прекинале со некоја супстанца од која сме биле зависни. За мозокот љубовта е зависна како кокаин. Според истражувањето спроведено на Универзитетот во Калифорнија, кога доживуваме љубов, особено во почетните фази, реагираат истите делови од мозокот како кога би земале некоја супстанца што предизвикува зависност. Луѓето кои се многу заљубени покажуваат зголемена активност во нивното „каудат јадро“ кое ослободува голема количина хормони за среќа и ги поттикнува заљубените да се обидат да добијат нова доза. Ако таа доза биде одземена, телото реагира на ист начин како кога би се одвикнувало од никотин.rnrnИнтересно е што неверството честопати ја презема контролата на овие нервни патишта за свои цели. По неколку години со ист партнер, веројатноста е дека нема да го чувствуваме протокот на допамин со истиот интензитет како што тоа се случувало на почетокот. А ако го доживееме тоа со друга личност, може да се поттикне мозокот да реагира како да се работи за зависност, што ќе нè натера да направиме сѐ што е потребно за да добиеме нова доза. Самите афери се исто толку зависни колку и љубовта во почетните фази од врската.rn

Постои можност да почнеме да развиваме опсесивни мисли

rnКако реакција на неверството, кај жените постои голема веројатноста дека ќе почнат да се развиваат опсесивни мисли. Станува збор за постојано размислување за причините, околностите и последиците од негативното емоционално искуство, одново и одново. Со други зборови кога се чувствувате лошо, опсесивните мисли ќе ве натераат да го повторувате тоа чувство во вашиот ум до бескрај.rnrnДел од причината зошто подлегнуваме на опсесивни мисли е зависната природа на љубовта и нашата реакција на нејзиното исчезнување. Едно истражување открило дека луѓето кои имале спротивставени чувства за нивниот партнер (го сакале, но само што раскинале) покажале активност во деловите од мозокот кои се поврзани со допамин и зависност. Резултатите покажале копнеж и опсесивно повторување на истите мисли постојано.rnrnrnrnСпоред психолошките студии, жените повеќе се опседнуваат од мажите бидејќи тие се чувствуваат поодговорни за емоционалната страна на врската. Поради тоа, тие секогаш веруваат дека барем делумно се виновни за прекинот на врската.rn

Го подобруваме изборот на партнери

rnНема многу позитивни страни кога станува збор за неверството во врската, но една особено се истакнува по едно истражување спроведено овој април. Имено, неверството ни помага да научиме како да направиме вистински избор. Истражувањето побарало од 5.705 жени од 96 различни земји да одговорат прашања во врска со последиците од раскинувањето со партнерот кој ги изневерил и ги оставил поради друга жена. Речиси сите жени кои биле во оваа ситуација одговориле дека значително го подобриле изборот на нивниот партнер.rnrnСе чини дека неверниот партнер може да ни помогне подобро да ги препознаваме знаците на предупредување и да бегаме што подалеку од потенцијалните неверници. Оттука може да се извлече следниов заклучок: Ужасно е да се биде изневерен, но исто така е и многу поучно.

July 15, 2016
Неколку докази дека апостолките можат да бидат најопасните летни обувки

Високите температури полесно се поднесуваат со боси стапала. Поради тоа, воопшто не е чудно што многу луѓе се одлучуваат за обувки како што се апостолките. Но, експертите предупредуваат дека постојат оправдани причини зошто би требало да престанете да го носите овој вид обувки, бидејќи и покрај тоа што станува збор за летен хит, тие можат сериозно да го загрозат вашето здравје.rnrnrn

1. Апостолките предизвикуваат болести

rnСтапалата во апостолки се поизложени на бактерии и вируси. Тоа може да биде голем проблем доколку сте ја оштетиле кожата или сте се исекле, бидејќи на тој начин тие причинители на многу болести можат да влезат во вашиот организам и да ви предизвикаат многубројни здравствени проблеми.rn

2. Апостолките ве забавуваат и ве прават несмасни

rnСпоред едно истражување спроведено од страна на Универзитетот во Аубрун, луѓето кои носат апостолки прават помали чекори и со тоа побавно одат од луѓето кои носат патики. Конструкцијата на апостолките е таква што не им дава многу стабилност на стапалата, па ако одите по нерамен терен, на пример на плажа, постои поголема веројатност дека ќе се сопнете и паднете.rn

3. Апостолките ги уништуваат петите и прстите

rnОдењето во апостолки претставува особено оптоварување за петите. Гумата или пластиката од која тие се направени не го ублажуваат тоа оптоварување, што предизвикува болка во петите и нозете ако ги носите подолг период. Освен тоа, честото носење апостолки може трајно да го промени изгледот на прстите на нозете, кои поради тоа што мораат да ги одржуваат обувките на стапалата, често се накривуваат. Токму тоа може да предизвика голем медицински и естетски проблем.rn

4. Апостолките создаваат плускавци

rnПлускавците помеѓу прстите се честа последица од носењето апостолки, што не е воопшто чудно со оглед на фактот што овој вид обувки се одржува на нозете со помош на тврдо парче пластика или ткаенина. Оштетувањето на кожата на стапалата дополнително го загрозува здравјето поради изложеноста на веќе споменатите бактерии од околината.rn

5. Апостолките предизвикуваат болки и го менуваат телото

rnОвој вид обувки не нудат стабилност поради што луѓето кои ги носат одат подгрбавени, а тоа може да предизвика проблеми со ’рбетниот столб, колковите и колената. Од истата причина апостолките не се препорачуваат на луѓе со рамни стапала.

June 27, 2016
5 страшни работи што може да ви се случат доколку не ги миете забите редовно

Уште од мали нè учат дека забите треба да ги миеме три пати дневно, по секој оброк, и редовно да одиме на заболекар, најмалку два пати годишно. Исто така, се препорачува барем еднаш на ден да ги чистиме темелно со забен конец. На тој начин нема само да ја спречиме појавата на кариес и други забни заболувања, туку ќе го заштитиме и здравјето на секој орган од телото. Доколку не обрнувате многу внимание на оралната хигиена, овие 5 страшни работи што може да ви се случат ќе ве натераат веднаш да ја грабнете четката за заби:rnrnrn

1. Стрес

rnКај луѓето кои се постојано под притисок поради тоа што имаат напорна работа или се во врска која емоционално ги исцрпува, постои поголема веројатност да им се расипат забите. Во вакви случаи грижата за здравјето на забите треба да се сфати како време за одмор кој ќе ви даде оддишка по напорниот ден.rn

2. Дијабетес

rnАко само еден ден не ги измиете забите, сигурно нема веднаш да се разболите, но сува уста и многу бактерии може да ги влошат заболувањата кои веќе постојат, како што е дијабетесот. Доколку имате предиспозиции за оваа болест, секогаш имајте забен конец и гума за џвакање без шеќер со вас, за во секое време да можете да ја исчистите усната празнина од остатоците од храна, кои би можеле да предизвикаат проблеми при регулацијата на шеќерот во крвта.rn

3. Психички проблеми

rnВашиот мозок многу подобро ќе функционира кога ќе бидете постари, ако сега се грижите за здравјето во устата. Според некои истражувања, заболувањата на непцата предизвикани од лоша орална хигиена го зголемуваат ризикот од Алцхајмерова болест и други слични ментални нарушувања кои се јавуваат подоцна во животот.rn

4. Остеопороза

rnДоколку се грижите за здравјето на вашите заби и јазик, вашите коски ќе бидат посилни. Барем оние кои се наоѓаат во устата. Според Националниот институт за здравје, премногу бактерии помеѓу образите можат да го уништат сврзното ткиво кое ги држи забите на место и да го ослабат имунитетот доколку навлезат во организмот. Остеопорозата која се јавува на постари години се смета за последица од лошата орална хигиена.rnrnrn

5. Срцево заболување

rnБактериите во усната празнина можат да создадат поволни услови за развој на патогени кои доведуваат до создавање плака во артериите. Артериската плака го зголемува ризикот од срцев удар и напад. Мијте ги забите редовно за да ги намалите шансите да се случи ова.rnrnИмајте ги овие опасности предвид и грижете се за здравјето на вашата усна празнина. Практикувајте ги советите на голем број заболекари: чистете ги забите со забен конец пред спиење за да ги отстраните остатоците од храна кои може да предизвикаат кариес, одвојте по 2 минути најмалку 2 пати дневно за да ги измиете забите, менувајте ја четката за заби на секои три месеци и никако не користете туѓа. Ако не сте во можност да ги измете забите, земете гума за џвакање без шеќер. Луѓето кои ги следат овие совети немаат кариес и забен камен, а имаат посилни заби. И не заборавајте да се смеете! Луѓето коишто се посреќни и позадоволни во животот имаат подобро орално здравје. Овие неколку минути што ќе ги посветите секој ден на вашите заби ќе придонесат да се чувствувате многу подобро физички, но и психички.

April 13, 2016
15 работи кои го влошуваат мамурлакот

На сите ни се случило да се препуштиме на забавата и да испиеме по некоја чашка повеќе. Во моментот тоа изгледа како вистинската одлука и нас не може да нè сопре никој, но веќе наредниот ден се соочуваме со страшните последици од незнаењето да се каже „Доста!“. Кога премногу алкохол ќе влезе во крвотокот и ќе стигне до мозокот предизвикува прекумерно количество алкохол во крвта, што доведува до мамурлак. Алкохолот потоа метаболизира во токсични отпадоци и сето тоа доведува до дехидратација, воспаление на ткивото и низок шеќер во крвта. Резултатот е неподнослива главоболка кога алкохолот ќе „испари“ од организмот. Најдобриот лек против мамурлак е тој да се превенира, што значи да не се пие воопшто. Но, ако сепак одлучите да пиете, а не сакате да бидете мамурни наредниот ден, барем не правете ги следниве работи.rnrnrn

1. Не пијте премногу брзо

rnНа алкохолот му се потребни 30 до 60 минути да се апсорбира во тенкото црево и затоа тој веднаш има штетно влијание на вашиот мозок. Телото е способно да обработи по еден пијалак на секој час и половина, па затоа ако пиете брзо нивото на алкохол во крвта за многу кратко време ќе го достигне врвот и ќе се опијаните. Пијте побавно, размислете добро пред да го нарачате вториот коктел и погледнете колку време изминало.rn

2. Не си легнувајте премногу доцна

rnМожеби не ви се чини како голема работа да останете на забава до раните утрински часови кога знаете дека не сте на работа наредниот ден. Проблемот е во тоа што алкохолот има штетно влијание и на квалитетот и на квантитетот на вашиот сон. Тој ве измамува да си помислите дека спиете подобро затоа што полесно заспивате, но реалноста е дека тој ве попречува да имате мирен и длабок сон. Исто така, голема е веројатноста дека утредента ќе се разбудите премногу рано, но ќе се чувствувате толку лошо што нема да можете пак да заспиете. Пред да решите да останете до затворање на клубот, сетете се дека наредниот ден ќе бидете толку исцрпени што цел ден ќе ви пропадне.rn

3. Не пијте на празен стомак

rnАлкохолот го зголемува лачењето на киселините во желудникот кои го иритираат стомакот, поради што наредниот ден ќе чувствувате подуеност и мачнина. Ако пиете без притоа да внесувате храна, оваа иритација ќе стане уште полоша. Затоа најдобро решение е да јадете нешто хранливо пред да почнете со пиењето или да мезете додека пиете.rn

4. Не се потпирајте на некое магично апче, сок од цедено овошје или друг лек што мислите дека ќе го спречи вашиот мамурлак

rnАко мислите дека можете да се препиете, па потоа да ги ублажите последиците со некој магичен лек, сте се излажале. Не постои научен доказ дека таков лек воопшто постои. Наместо да го лечите мамурлакот подобро е да го спречите со тоа што ќе јадете, ќе пиете доволно вода и нема да претерате со пијачките.rn

5. Не нарачувајте пијалаци и коктели кои содржат премногу шеќер

rnЗнаете дека не треба да изедете 6 парчиња торта затоа што подоцна ќе ви биде лошо, но немате проблем да испиете толку пијачки што го содржат истото количество на шеќер. Обрнете внимание на тоа колку шеќер има во коктелите што ги нарачувате и побарајте пијачки кои содржат повеќе вода бидејќи ќе ви помогнат да не дехидрирате.rn

6. Не нарачувајте шотови кога веќе сте пијани

rnШотовите генерално не се баш најдобра идеја, но најлошо е кога ќе ги испиете откако веќе сте се напиле неколку чашки алкохол. Ако сте веќе поднапиени од пиво, голема е веројатноста дека ќе испиете многу шотови за краток временски период, бидејќи моќта за расудување ви е намалена и не можете да процените колку силно ќе ве „удри“ алкохолот. Доколку сте голем љубител на шотовите подобро е да ги пиете кога сè уште сте трезни, за да бидете свесни за тоа како ќе ви влијаат и потоа да можете да забавите или престанете со пиење.rn

7. Продолжувајте да мезите во текот на ноќта

rnАко пиете подолго време, сè што се јаделе претходно ќе биде доволно обработено за да не може да го ублажи влијанието на алкохолот и стомакот ќе ви биде повторно празен. Најдобро е да се држите до барови кои покрај алкохолот нудат и храна за да го избегнете ризикот од тоа да пиете на гладно срце.rn

8. Не се изложувајте на ризични физички активности кои најверојатно ќе завршат со повреда

rnТрчањето наоколу на високи потпетици, танцувањето без престан со часови, како и борењето со вашите пријатели може да се чинат како одлична идеја во моментот. Добро е познато дека алкохолот ве прави похрабри и тогаш ништо не може да ви застане на патот. Сите овие работи кои ќе ги направите под дејство на алкохол, можеби нема да ги почувствувате во моментот, но затоа утредента и тоа како ќе ги почувствувате нивните последици. Алкохолот ги воспалува крвните садови, ткива и органи. Ќе ве боли целото тело и нема да бидете способни за ништо во текот на целиот ден. Затоа внимавајте на какви физички активности се изложувате кога сте поднапиени.rnrnrn

9. Не мешајте алкохол со лекови

rnЛековите што ги пиете можат да го сменат начинот на кој алкохолот дејствува во вашиот организам и со тоа да ги направат неговите последици уште полоши и поболни. Проблемите што можат да настанат варираат од лице до лице и зависат пред сè од самиот лек, но во секој случај ваквиот подвиг е далеку од препорачлив. Зборувајте со вашиот доктор или фармацевт пред да решите пиете алкохол додека примате лекови.rn

10. Не правете глупави нешта поради кои ќе зажалите наредниот ден

rnКога пиете нормално е да се чувствувате порелаксирано затоа што алкохолот ги смирува оние делови од мозокот заслужни за анксиозноста и стресот и вие автоматски станувате еуфорични. Меѓутоа, кога ќе се отрезните еуфоријата ќе исчезне и вие ќе се чувствувате уште понервозно и подепресивно од претходно. Сите сме имале искуство со мислата: „Кој ѓавол ме натера да го направам тоа“. Не заборавајте дека кога сте пијани, голема е веројатноста дека ќе донесете лоши одлуки поради кои подоцна ќе се каете и затоа одбегнувајте ситуации кои би ве вознемириле кога сте трезни.rn

11. Не пиете доволно вода

rnАлкохолот е диуретик и поради тоа ве тера да исфрлите и до еден литар вода во текот на една вечер. Ова ќе доведе до дехидратација и затоа многу е важно да не заборавите да внесете доволно вода. Обидете се по секоја чашка алкохол да испиете чаша вода. Тоа нема да направи да исчезне вашиот мамурлак, но значително ќе ги намали последиците.rn

12. Не пијте нешто што знаете дека ќе ви предизвика неподнослив мамурлак

rnВо основа, видот на алкохолот не е толку важен колку количеството, но некои луѓе полошо реагираат на одредени пијалаци поради некоја од состојките што ги содржат. Ако забележите дека секогаш кога пиете вотка имате страшен мамурлак дента потоа, немојте да ја нарачувате без разлика колку ви се допаѓа.rnrnrn

13. Немојте да го изедете цел фрижидер кога сте пијани

rnНа сите нас омилениот дел од пиењето ни е кога ќе дојдеме дома и ќе решиме дека ако ја изедеме ладната пица во фрижидер, останата од ручекот, ќе бидеме многу посреќни и позадоволни. Вистина е дека добро е да јадете нешто доколку се чувствувате гладни после пиење, но немојте да претерате, особено ако се работи за масна и зачинета храна како пржени компирчиња, пица или хамбургер. Немојте да јадете храна која не е на вашето секојдневно мени, бидејќи утредента ќе чувствувате уште поголема подуеност и мачнина.rn

14. Не пијте наредниот ден за да ги олесните симптомите

rnКога вашиот мамурлак сè уште не поминува и после неколку аспирина, калоричен сендвич за појадок и попладневна дремка, помислата пак да се поднапиете за да ги ублажите симптомите може да се чини како добра идеја. Но, факт е дека целокупната дехидратација ќе стане уште полоша и само ќе го продолжите времето кое на вашето тело му е потребно за да се оправи. Наместо тоа, испијте многу вода и вратете се во кревет.rn

15. Не учите од вашите мамурлаци

rnМамурлакот е состојба на интоксикација – вие буквално сте го отруле вашето тело и сега тоа се обидува да се ослободи од отровот и да заздрави. Кога ќе добиете труење од храна, природно е да не сакате да ја јадете таа храна извесно време. Мамурлаците би требало да го имаат истиот ефект со што би ни помогнале да не ја повторуваме истата грешка а тоа е да испиеме премногу алкохол.

April 11, 2016