КАФЕ ПАУЗА

Category: Работа

Дајте го најдоброто од себе на интервјуто за работа
Можеби не треба на овој настан да му пристапуваме со преголема количина на стрес, но сепак, станува збор за интервју за работа, кое може да ви го донесе посакуваното работно место. Многу текстови, книги и прирачници даваат совети за ваквите видови интервју.rnrnСтив Шипсајд (Steve Shipside), во еден дел од својот прирачник „Ефективна комуникација“, детално му пристапува на овој проблем, решавајќи многу дилеми и давајќи совети за поуспешно интервју за работа.rnrn

1. Соодветна подготовка

rnНавидум интервјуто за работа би требало да биде лесно, треба да зборуваме за себе, а кој не сака да зборува за своите доблести? Како и да е, нервозата и тремата навистина можат да застанат на патот.rnrnКако да се подготвите? – Вежбајте дома, како ќе седнете, како ќе се движите, што би можеле да кажете. Подгответе одговори на прашањата кои би можеле да ви бидат поставени. Вежбајте со пријател или член на вашето семејство, тој нека биде вашиот работодавач и нека ви поставува прашања. Она што никогаш не смеете да го прескокнете, без разлика за каква работа станува збор, е секогаш да бидете информирани за компанијата и работното место. Истражете нешто повеќе за фирмата каде одите на интервју за работа, од кога постои, што работи, кои се најпознатите проекти или производи и сл.rnrnКои се вашите квалитети? – Бидете подготвени да ги наведете вашите квалитети и добри страни, всушност бидете свесни за тоа кои се вашите вештини соодветни за таа работа. Што ќе биде кога ќе ве прашаат кои се вашите квалитети, а вие не знаете што да одговорите? Кога ќе ги кажувате вашите квалитети и добри карактеристики, внимавајте да не звучи како фалење, вие ги поседувате тие квалитети зошто сте се труделе да ги стекнете.rnrnКако да се справите во последните минути пред интервјуто? – Еден ден пред интервјуто може да се чувствувате како да сте целосно спремни и опуштени, но како што интервјуто се приближува, вашата трема ќе расте. Земете контрола и не дозволувајте да ве надвладее. Само запомнете колку ја сакате таа работа и колку не вреди заради тремата да си ги упропастите шансите. Клучни се петте минути пред интервјуто. Еве што советува Стив:rn
rn

„Проверете како изгледате, дали е сè во ред со вашата облека и вашата коса. Така ќе имате поголема самодоверба во текот на интервјуто.rnrnПовторете си ги главните информации и податоци кои сте ги спремиле.rnrnЗемете воздух и полека издишете. Повторете го ова неколку пати за да се смирите и релаксирате.“

rn
rn

2. Ефективен тек на интервјуто

rnИнтервјуто е најдобра шанса да зборувате за себе и бидете сигурни дека оној кој ве слуша, во случајов навистина сака да знае многу работи за вас. Зборувајте ефективно и направете секој ваш кажан збор да значи нешто.Како да зборувате? – Зборувајте полека и смирено. Темпото на зборување прилагодете го според она на личноста која ве интервјуира. Не зборувајте ни погласно, ни побрзо од неа. Концентрирајте се на прашањето, а не на тоа колку сте нервозни во моментот. Доколку не сте сигурни дали сте го разбрале прашањето, побарајте да ви биде повторено. Тоа е многу подобро отколку да зборувате работи кои не се поврзани со прашањето. Секогаш давајте сè од себе, не трудете се да одговорите најкратко што можете па да молчите. Дајте им до знаење дека сте информирани, способни и дека навистина ја сакате работата. Запомнете, колку и да сакате да ја добиете работата, личноста која интервјуира уште повеќе има желба да го најде вистинскиот човек за таа работна позиција.rnrnКако да се мотивирате? – Внимавајте на работите кои треба да ги кажете и секогаш мотивирајте се мислејќи на погодностите кои ви следуваат од добивањето на таа работа. Секогаш кога барем малку ќе „заглавите“ во текот на интервјуто, запомнете дека мора да ја добиете работата, мотивирајте се и изборете се за саканата цел!rnrnКако да се облечете? – Тука најчесто настанува дилема, но најмногу зависи работното место за кое сте аплицирале. Не претерувајте со деловниот изглед, особено ако не станува збор за канцелариска работа. Но од друга страна, не се однесувајте како да ви е сеедно и како воопшто да не сте обрнале внимание на вашиот изглед. Најголема грешка која девојките и жените ја прават е премногу разголеност на интервјуто за работа. Совесниот менаџер, без разлика дали е машко или женско, ги сака вистинските кандидати за работното место. Дури и да сте паметни и квалификувани, со провокативност ќе оставите впечаток како да сакате да привлечете внимание со својата облека, а не со своето знаење.rn
rn

3. Најчести прашања на интервју за работа

rnМожеби многу работи зависат од видот на работното место, но постојат стандарди прашања кои се поставуваат скоро во сите интервјуа за работа. Вежбајте ги одговорите на следните прашања:rnrnЗошто ја сакате оваа работа? – Овде нагласувате зошто сакате да ја добиете работата и како вашите вештини би можеле да ви донесат голем успех на таа работна позиција.rnrnЗошто сакате да работите за нас? – Дадете комплименти за нивниот углед, менаџерското уредување, нивниот успех и слично. Но не претерувајте, тие можат да ги препознаат вашите лаги и лицемерие. Бидете искрени. Мора да постојат причини зошто сте се одлучиле да аплицирате токму за тоа работно место, кажете ги.rnrnШто мислиш, какви вештини бара оваа работа? – Набројте ги квалитетите кои соодветствуваат со работното место и ненаметливо дајте им до знаење дека вие ги поседувате истите.rnrnКако можете да придонесете за развој? – Дадете пример за нешто во што сте навистина добри и како компанијата може да стане поуспешна поради таа ваша вештина.rnrnКои се вашите слаби точки? – Штом ве прашуваат кои се вашите доблести, сигурно дека ќе ве прашаат и кои се вашите маани. Никогаш не одговарајте дека немате слаби точки. Секогаш нагласете дека може лесно да управувате со своите слабости и да се подобрите.rn
rn

3. За и против на интервју за работа

rnОдредени работи ќе придонесат до поголем успех, други пак можат да ви ги уништат шансите за добивање на работата.Добро е да го направите следново:rn
- Прашајте за искуството на оној кој ве интервјуира во таа фирма.
- Прашајте за шансите и можностите кои таа работа ви ги дава за да се развиете како личност.
- Поставете прашање базирано на вашето знаење за работната организација, можеби податоци од некакво истражување и слично.
rnНегативно е следново:rn
- Да преминете во интервјуер. Внимавајте, вие сте тие кои треба да одговараат на прашања. Добро е да поставите неколку прашања, но секогаш во склоп со некое нивно прашање или кон крајот на интервјуто кога и атмосферата ќе биде поопуштена.
- Не прашувајте за плата, не нагласувајте дека парите се единствен мотив. Во интервјуто гледајте да ги нагласите вашите доблести и квалификации.
- Не бидете пасивни, не одговарајте само со „Да“ или „Не“ и не изгледајте како умот да ви е на друго место.
rn
rn

4. Панел интервју

rnМногу е важно да знаете да се снајдете кога има повеќе луѓе кои ви поставуваат прашања. Групните интервјуа им даваат можност на оние кои ве интервјуираат да дознаат какви сте во група од луѓе, како се однесувате и како ги искажувате своите мислења. Секогаш нагласете дека сте тимски играч и дека совршено се снаоѓате во поголема група на луѓе.Иако за многумина групното интервју е стресно, не дозволувајте стресот да ве надвладее. Замислете си дека зборувате со ваши другари и познаници. Најважно е да го вклучите секој член од оние кои ви поставуваат прашања. Дури и некој кој навидум е пасивен и не ве прашува ништо, ве анализира вас и вашето однесување. Кога одговарате прашања, не го гледајте само оној кој ви го поставил прашањето. Гестикулирајте и воспоставувајте контакт со очи со останатите членови.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
June 5, 2012
Како да преговарате за повисока плата?

Без разлика дали барате работа, па допрва треба да преговарате за висината на вашите месечни примања или пак веќе долго време работите и сметате дека заслужувате покачување на платата, на ваквите ситуации не треба да им се плашите, туку треба да знаете како да се справите со нив.rnrnrn

Преговарање за прва плата

rnДоколку сте дојдени на прво интервју, не спомнувајте ја платата, освен ако немате силна причина за тоа или доколку работодавачот не ве праша за вашите очекувања за месечните примања.rnrnДоколку работодавачот ве праша колкава плата очекувате доколку се вработите на тоа работно место, немојте да го избегнувате одговорот, бидејќи на тој начин ќе оставите впечаток дека не знаете да си ги процените вашите способности или дека немате јасен став за работното место.rnrnПредложете почетна плата за која би објасниле дека ќе работите додека не се докажете дека работата ви легнала, но дека со зголемувањето на вашето придонесување за компанијата, очекувате да се зголемат и вашите примања.rn

Барање за покачување на платата

rnПред самиот состанок со шефот важно е добро да се припремите. Сумирајте ги вашите достигнувања и успехот во компанијата и поткрепете го секој исказ со докази. Размислете што вашиот шеф би можел да ве праша или да ви приговори за вашето барање и спремете си одговори.rnrnЗапрашајте се „Што доколку ме одбие?“ и размислете дали сте толку незадоволни што ќе посакате да ја промените работната средина доколку вашиот предлог за зголемување на платата биде одбиен. Секогаш е добро да размислите однапред дали е вистинското време да побарате покачување со оглед на вашиот моментален квалитет на работење и положбата во која се наоѓа компанијата за која работите.

May 25, 2012
Што по завршувањето на факултетот?
Крајот на последниот семестар полека се ближи. Наскоро позади вас ќе останат многу семинарски, есеи, професори, истражувања и полагања. Конечно ќе можете да кажете дека сте дипломирале. Но, што потоа? Од кога знаеме за себе сме опкружени со книги и професори и откако сè тоа ќе заврши, поголемиот број од луѓето почнуваат да се чувствуваат малку збунето и не знаат точно кој е следниот чекор во нивниот живот…rn
- Да се запишам ли на постдипломски студии?
- 16 години учев, можеби заслужувам една година одмор!?
- Треба ли да почнам веднаш да барам работа?
rnОва се само неколку од прашањата кои се вртат во мислите на оние кои се „свежо“ дипломирани. Кој е вистинскиот одговор? Погледнете ја оваа кратка листа на совети кои ќе ви помогнат да одлучите кој би можел да биде следниот чекор по вашето дипломирање.1. Идентификувајте ги вештините кои ги поседувате – Набрзо ќе почнете да аплицирате за работа, ако веќе и не сте почнале. Затоа многу е важно да ги познавате вашите способности и да знаете точно што можете да им понудите на различните организации, институции и фирми. Направете листа на вашите постигнувања, желби и интереси од најраното детство, па сè до денес. Во кое поле сте биле одлични од секогаш?rnrn2. Одредете си дестинација – Ако не знаете каде сакате да одите, тешко дека ќе можете да го одберете патот кој ќе ве одведе до таму. Откако ќе ги идентификувате вашите вештини, направете листа на кариери во кои ќе можете да ги употребите. Не дозволувајте им на вашите таленти да пропаднат. Најдобро е доколку одлучите каде би сакале да бидете за 5 години од сега и полека да почнете да го реализирате вашиот план.rnrn3. Поставете си цели – Целите се оние кои ќе ви помогнат да се движите напред. Погрижете се во вашите цели да опфатите повеќе аспекти од вашиот живот, не само за кариерата: вклучете ги и финансиите, фамилијата, домот, врските и останатите работи кои ви се многу важни…4. Преиспитајте се – Можеби ви успевало да се појавите на утринското предавање во 8 часот, мамурни од претходната вечер, но тоа нема да ви донесе многу поени на новата работа која сте ја започнале. Одредете ги вашите приоритети и пробајте да се придржувате до нив.rnrn5. Организирајте ги финансиите – Веднаш по првата плата пробајте да стекнете навики за разумно трошење на парите. Секогаш трудете се да знаете точно што се случува со вашите пари и не дозволувајте уште во првата недела целосно да ги снема.rnrn6. Никогаш не престанувајте со учење – Ова се однесува на сите аспекти од вашиот живот. Бидете во тек со новостите од вашето поле и кариера. Секогаш интересирајте се за повеќе и никогаш не престанувајте да прашувате. Доколку продолжите да учите, вашиот успех може да иде само нагоре…Имајте ги на ум овие неколку совети. Не мора веднаш да започнете со овој голем чекор во вашиот живот. Одморете се некое време, разговарајте со најблиските и размислете добро што очекувате од себе и каде се гледате за неколку години од денес…rnrnСекако не заборавајте дека неуспехот е дел од животот – а вашата работа е никогаш да не се откажувате. Анализирајте го секој ваш потег и бидете отворени да ги согледате грешките кои ги правите, бидејќи само на тој начин можете да ги надминете. Исто така идејата да имате резервен план никако не може да ви наштети. Баш напротив, во одредени моменти може да биде совршен излез од лоша ситуација.rnrnИ за крај не заборавајте да уживате во животот. Хенри Дејвид Торо еднаш рекол: „Движете се со голема самодоверба во насока на вашите соништа. Живејте го животот којшто сте си го замислувале.“ Со среќа!rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
May 16, 2012
10 причини зошто не напредувате во кариерата

Автор: Елена ТарчуговскаrnrnВерувате дека успешно ја работите својата работа, но вашиот шеф никако да го согледа тоа и да ве награди со унапредување. Зошто тој упорно ве става на листата на чекање и кои грешки вие ги правите на работното место? Преиспитајте се себеси и дознајте како да ја постигнете целта.rn

1. Непочитување на договореното

rnДоцнењето е неприфатливо. Доколку сте работник кој постојано доцни со некаков изговор, шефот не само што нема да ве унапреди, туку и веќе сигурно почнал да размислува да ви даде отказ. Договорот има суштинско значење на работното место. Тука спаѓаат и вашите работни активности. Најлошо е доколку сте се нафатиле да завршите некоја задача во одреден временски период, а не сте успеале. Не заборавајте дека вашиот шефот не го интересираат изговори, туку дела!rn
rn

2. Прекумерно фалење

rnСамодовербата е пожелна карактеристика, но бидете внимателни да не претерате бидејќи никој не сака егоцентрични луѓе. Заборавете ги изјавите како „Да ми ја дaдеше мене таа работа немаше да се случи ова“ или „Јас сум најдобриот работник во оваа компанија, а вие тоа не го цените“.rn
rn

3. Обвинување други за сопствените грешки

rnПонекогаш е многу незгодно да се признае сопствената грешка, но многу е подобро тоа да го направите веднаш, отколку подоцна да се извинувате. Најлошата работа која можете да ја направите во таква ситуација е да обвините некој друг за вашите пропусти.rn
rn

4. Ширење гласини

rnИзбегнувајте ги гласините. Па дури и ако нешто сте слушнале во таа смисла немојте истото да го ширите натаму. Држете се настрана и во таквите ситуации ставете се во улога на дипломат. Тоа значи да не застанувате на ниту една страна, туку да се обидете да најдете решение за ситуацијата. Доколку пак некој вам ви наштетил со нешто и не е во право, кажете му го тоа нему, на само. Верувајте дека така ќе уживате многу поголема почит и ќе бидете една од оние личности на кои може да им се верува.rn
rn

5. Приватни телефонски разговори

rnИзбегнувајте долготрајни приватни телефонски разговори, „седење“ на Фејсбук, користење на работното време за пишување сопствени пораки, симнување филмови, играње забавни игри, сурфање на интернет и слично. Колку и да ви изгледа далеку канцеларијата на шефот верувајте дека тој ги следи вашите активности, а не сакате да се доведете во ситуација да ве искритикува или да ве нарече неработник.rn
rn

6. Стимулирање болест

rnДоколку повремено земате по еден ден одмор за своето ментално здравје и воопшто за себе, тоа и не е некаков проблем, освен ако не ви се случува често. Зачестеното јавување на работа дека сте болни е неодговорно и не е чесно во однос на колегите кои ве заменуваат.rn
rn

7. Ги преминувате границите

rnВерувате во вашите способности и со цел да се истакнете започнувате да го советувате шефот како тој треба да изреагира во одредена ситуација или пак го критикувате дека направил погрешен избор во врска со новиот проект. Очигледно сте ги преминале границите. Не заборавајте дека вие сте негов подреден и колку и да мразите хиерархија морате да имате на ум, дека ќе предизвикате одбивност доколку постојано му се мешате во работата. Дури може и да си помисли дека целите кон неговата работна позиција, а со таков став верувајте дека никогаш нема да ве унапреди.rn
rn

8. Несоодветен стил на облекување

rnРаботата си бара влог во вашиот надворешен изглед. Многубројни истражувања докажале дека работодавците обрнуваат големо внимание на тоа како се облекуваат нивните вработени. Според истражувањата, шансите за покачување на платата или унапредување се многу поголеми кај оние кои негуваат соодветен работен стил. Не заборавајте дека облеката чини чуда во работниот свет, а истовремено влијае и врз зголемување на вашата самодоверба и посветеност.rn
rn

9. Романса со надредениот

rnАко сте се решиле да се впуштите во такво нешто, имајте предвид дека тоа лесно може да се дознае, по што ќе се искомплицираат работите. Затоа е подобро да ги избегнувате таквите врски. Побарајте ја љубовта на некое друго место.rn
rn

10. Не сте трпеливи

rnНајбитно е да сфатите дека за најдобрите работи во животот е потребно долго време, затоа вооружајте се со трпение. Работете си ја својата работа, бидете насмеани, позитивни и полни со енергија која ќе зрачи оддалеку. Постојано пробувајте нови методи за постигнување успех и уживајте во работата која ја работите. Понатаму унапредувањето кое следува ќе го сфатите како награда која што дополнително ќе ве стимулира.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 14, 2012
5 трикови да го победите уморот на работа

Многумина од нас, особено во попладневните часови, се чувствуваме изморени на работното место. Како најбрзо решение, посегнуваме по нешто благо кое мислиме ќе ни ја врати изгубената енергија и волјата за работа. Други пак, спасот за уморот го пронаоѓаат во шолја кафе и пијалаци кои содржат кофеин. Сепак, слатките и кафето имаат краткотраен ефект кој воопшто нема да ни помогне, а наредниот ден повторно ќе се чувствуваме уморни.rnrnrnrnСпоред стручњаците од оваа област, постојат 5 трикови кои ќе ни помогнат полесно да се справиме со уморот на работното место.rn

Добар сон

rnБидејќи многу од обврските не можеме да ги завршиме преку ден, ги оставаме за навечер како најпогодно време да се посветиме на сите работи што ни заостанале. Занесени во работата, не ни забележуваме дека времето летнало за час и повторно си легнуваме доцна во ноќта. Непроспиените ноќи можат многу да се одразат на утрешниот работен ден. Тоа што сте пропуштиле да отспиете претходната ноќ, телото ќе мора да го надополни преку ден. Затоа, за да бидете свежи и спремни за работа, обидете се секој ден да отспиете минимум 8 саати.rn

Внимавајте на исхраната

rnДенот се познава по утрото, па така и работниот ден ќе зависи од тоа што сте појадувале. Доколку имате квалитетен појадок, во текот на денот помалку ќе сте уморни од оние кои не појадувале. Исто така се препорачуваат мали и хранливи оброци распоредени во чести интервали во текот на денот.rn

Кафе и шеќер

rnКафето и сите слатки нешта богати со шеќер ќе ви дадат енергија која ќе трае многу кратко, за потоа повторно да ве совлада здодевниот умор. Наместо тоа, благите работи можете да ги замените со крекери со сирење. Јадењата богати со протеини како јајцата и туната, исто така се одлични борци против уморот.rn

Прошетка за време на паузата

rnСекогаш кога можете, без разлика на временските прилики, искористете да прошетате на свеж воздух. Кратката прошетка ќе ви ја подобри концентрацијата на работното место, која опаѓа особено во попладневните часови.rn

Распоред на обврските

rnМногу е важно како ќе ги распоредиме дневните обврските. Од нашата организација, зависи дали работниот ден ќе ни биде ефективен и полн со енергија, или едвај ќе чекаме да си отидеме дома. Најдобро е најобемните работи да ги започнеме наутро, кога сме и најодморени. Додека оние работи кои ни се интересни и не толку обемни, да ги оставиме за попладневните часови. Стручњаците за оваа област, исто така препорачуваат да комуницирате со колеги кои имаат позитивна енергија.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 10, 2012
Како да станете успешен лидер?

Повеќето вработени велат дека не му завидуваат на шефот и неговата посебна канцеларија. Но, вистината е дека вработените сепак би прифатиле поголема канцеларија, но не и поголеми одговорности што доаѓаат заедно со повисоката позиција. Следуваат неколку совети како да станете успешен лидер и полесно да ги надминете главоболките.rnrn

Подобрете ја комуникацијата

rnИмајќи предвид дека живееме во ерата на информатичка технологија, способноста за комуникација и мотивација на вработените е од суштинско значење. Поранешниот претседател на Крајслер, Ли Лакока, вели: „Ако имате брилијантни идеи, но не можете да ги презентирате, вашите идеи нема да ве одведат никаде“.rnrnКолку сте подобри во писмената и во усната комуникација, толку поголема добивка ќе имате. Усовршете ги комуникациските вештини прифаќајќи да држите презентации и да пишувате извештаи. Ако не ви е пријатно да бидете центар на внимание, зголемете ја самодовербата така што ќе се вклучите во организирање на јавен говор или ќе започнете со курс по деловна комуникација.rn
rn

Слушајте внимателно

rnВнимателните лидери поминуваат исто толку време во слушање, колку што зборуваат. Иако се самоуверени, сепак ги немаат одговорите на сите прашања. За нив се добредојдени повратните информации, алтернативните гледишта и новите идеи. И покрај тоа, нивната политика за поттикнување на вработените е да допрат до нив преку поставување прашања и покажување на загриженост за нив.rnrnВежбајте „активно слушање“. За време на дискусија фокусирајте се на тоа што се зборува, не прекинувајте го соговорникот и не наведувајте го на одговор што вие сакате да го слушнете. Повремено климајте со главата, не погледнувајте пречесто во телефонот и постојано одржувајте контакт со очите.rn
rn

Имајте висок морал

rnЕтиката и одговорноста не се само празни зборови; тие се императиви во бизнисот. Всушност, извршните директори го наведуваат интегритетот како најважна карактеристика која ја бараат кај идните лидери. Штом вашиот карактер се доведе во прашање, штетата може да биде голема.rnrnЗаштитете го вашиот углед со чесно и темелно работење. Бидете сигурни дека се водите според вистинските вредности. Ако евентуално направите грешка, преземете ја целосната одговорност и веднаш поправете ја.rn
rn

Изградете силна внатрешна мрежа

rnВлијателните менаџери знаат дека добрата поврзаност и почитта која ја имаат се клучни за добивање на информации од различни извори. Тие исто така знаат дека полесно ќе ги „продадат“ своите идеи доколку имаат сојузници што ќе ги поддржуваат. Заради тоа потребно е постојано да ја одржувате силна мрежата во организацијата.rnrnПроширете ги вашите достигнувања така што ќе се спријателите со колегите од компанијата. Присуствувајте на настани организирани од компанијата и бидете тимски играч. Споделете го успехот и помагајте кога сте во можност затоа што сето тоа ќе ви биде возвратено.rn
rn

Бидете флексибилни

rnВрвните менаџери се прилагодливи, креативни и способни да размислуваат. Тие се отворени за нови начини на извршување на работите и знаат дека не постои само еден единствен правилен начин за постигнување на целта. Ако приоритетите во бизнисот се променат, или ако од вас биде побарано да работите на проект кој не е дел од вашите работни задачи, бидете отворени и подготвени за промена. Прифатете го новиот предизвик со позитивен став.rn
rnЗа крај, потребни се време и посветеност за да се развијат лидерските особини. Но, напорот се исплатува. Ако се чувствувате малку непријатно или исплашено додека ги совладувате овие вештини, сетете се дека ниеден лидер не се родил како таков. Сите тие напорно работеле за да станат лидери какви што денес ги знаеме.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 4, 2012
Зошто не е продуктивно да работите над 40 часа неделно?

Во денешно време има непишано правило дека доколку некој сака да изгради успешна кариера, мора да работи повеќе од 40 часа неделно. Секој почеток е тежок и сите веруваат дека со останувањето до доцните вечерни часови на работното место, покажуваат решителност и серизност во градењето на својата кариера. Но, според најновите студии со постојаното надминување на вашето работно време, вие станувате непродуктивни (и многу, многу уморни).rnrnrnСара Робинсон, која социолог е уредник на онлајн медиумот „Alter Net“ на оваа тема вели:rn
rn

„Ова се лоши вести за оние кои се навикнати да работат барем 55 часа неделно. Но, најважното нешто што треба да го знаете за одлуката да се работи 40 часа неделно, е дека и покрај тоа што повеќето лидери на почетокот биле строго против, по некое време со анализирање на своите податоци сфатиле дека станува збор за позитивно ограничување.“

rnСтудиите во последниве неколку години постојано ги добивале истите резултати – оние кои работат имаат 8 добри и веродостојни работни часови во нив. Со други зборови, ако останете 10 часа на работа, нема да постигнете ништо повеќе од она што сте го постигнале во претходните 8 часа.rnrnРобинсон признава дека не секогаш прекувремената работа е лоша идеја. Но, доколку тоа се случува многу ретко и кога е навистина потребно. Во некои ситуации, на пример ако ви се појавил некој проблем кој не можете да го решите тој ден, понекогаш е подобро да отидете дома, да отспиете и наредното утро кога ќе се разбудите веќе ќе го имате решението во вашата глава.rnrnСпоред авторката Лаура Вандеркам, постои голема корелација помеѓу тоа колку сме зафатени и колку важно се чувствуваме.rn
rn

„Живееме во општество кое постојано се натпреварува и поради тоа се осудуваме на долго работно време и на лишување од сонот – без разлика како се чувствуваме и дали можеме да го издржиме сето тоа.“

rnПрекувремената работа, меѓу другото, во последно време се практикува и со цел да си докажеме себеси дека можеме да постигнете сè, за краток временски период. Можеби првите неколку недели ќе успевате во своите намери, но набрзо после тоа ќе почнете да се чувствувате многу уморно, нервозно и раздразливо. Во таков случај вашата продуктивност значително ќе опадне и долгите временски часови нема да можат да го надокнадат веќе изгубеното време.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

April 2, 2012
По што се препознава одличниот работник?

Автор: Александра ЧакаровскаrnrnДа се биде добар работник значи да се поседуваат квалитети како доверливост, снаодливост, трудољубивост, лидерство и многу други. Сепак, овие особини не го прават добриот работник да биде одличен. Одличните работници се тие кои се издвојуваат и допринесуваат најмногу во работата. Тие се секогаш еден чекор понапред од своите колеги. Дознајте кои особини ги поседуваат одличните работници.rn

1. Тие ги игнорираат работните упатства

rnПонекогаш, многу подобро е да се избега од стегите на задолжителните упатства за работа и да се настапи храбро. Одличните работници се способни да донесуваат самостојни одлуки и да превземаат сè што е потребно за работата да биде завршена, независно од нивната позиција или улога во фирмата. Брзо се прилагодуваат кон ново настанатите ситуации, насочувајќи се кон она што има приоритет. Особено, кога има некој проблем, одличниот работник веднаш без размислување се обидува да најде решение, иако тоа не е негова работа.rn

2. Одличните работници се ексцентрици

rnТие секогаш изгледаат поинаку од останатите вработени. Тие се ексцентрични, понекогаш непристојни и се однесуваат необично. Изгледаат чудно, но во позитивна смисла. Токму, овие чудни особини на одличниот работник, придонесуваат тимската работа да изгледа позабавна и поинтересна. Оние личности кои не се плашат од своите различности, знаат да излезат од поставените граници и секогаш ги даваат најдобрите идеи.rn

3. Знаат да се прилагодат во секоја ситуација

rnКога ќе се појави голем предизвик, одличниот работник ги заборава своите особини и бргу се вклопува во тимот. Тој знае кога е време за забава, а кога треба да се биде сериозен, кога треба да се биде свој, а кога да се вклопи и да соработува со тимот, кога да се предизвика, но и кога да се повлече. Вистинска уметност е да се балансираат сите предизвици кои ги носи работното место, а малкумина се тие кои успеваат.rn

4. Јавно умеат да пофалат

rnКога пофалбата доаѓа од шефот, тогаш е добро. Но, кога колегата ќе ве пофали за постигната работата, радоста е уште поголема, особено кога доаѓа од личност која ја почитувате. Одличниот работник ја цени придобивката од секој вработен и знае колку може само еден збор да влијае врз целокупната работа.rn

5. Проблемите ги решаваат приватно

rnПонекогаш, подобро е проблемите да се решаваат приватно. Добриот работник често го изнесува проблемот пред целиот тим. За ралика од него, одличниот работник те повикува пред или после состанокот да разговара за поосетливите работи, знаејќи дека доколку ги изнесе пред сите, може да предизвика револт кај останатите колеги.rn

6. Прашуваат, кога другите се плашат

rnНекои работници не се чувствуваат комотни кога треба да зборуваат јавно на состаноци. На други пак, им е неугодно да зборуваат приватно. Одличните работници прашуваат и кога сè им е јасно. Знаат дека одговорите може да им помогнат на оние кои не разбрале, а се плашат да прашат. Секогаш се први да прашаат и да поразговараат за важни работи, додека другите се двоумат.rn

7. Сакаат да им докажат на другите дека грешат

rnЧесто, знаеме да се мотивираме кога некој ќе нема доверба во нас и во тоа што го работиме. Силната желба и страста кон работата е тоа што ги прави добрите работници да бидат одлични. Образованието, интелигенцијата, талентот и знаењето се важни, но страста е на врвот.rn

8. Постојано се зафатени

rnНекои луѓе никогаш не се задоволни од сработеното. Постојано се зафатени околу нешто. Го реорганизираат распоредот, го прилагодуваат процесот на работа и многу други ситни нешта. Добрите работници работат по дадената процедура. Одличните работници наоѓаат начини да ја подобрат работата, не бидејќи се бара тоа од нив, туку бидејќи едноставно тоа е внатре во нив и не можат да одолеат.rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 26, 2012
6 причини зошто да волонтирате

Можеби ќе ви изгледа чудно, но работата која ќе ја извршите без никаков надомест може да ви донесе големи придобивки. Не зборуваме за практична работа во компании или државни институции, туку за волонтирање во непрофитни организации каде што можете да придонесете кон остварување на некоја идеја во којашто верувате. Ако сè уште се прашувате зошто би го правеле тоа, еве шест причини кои ќе ве натераат сериозно да размислите.rnrnrn

Придонес за општеството

rnПрвиот и најсилен мотив за секој што се нафатил да ги подари своето слободно време и труд е желбата да се даде одреден придонес за општеството преку каузата што се остварува со волонтирањето. Ако, на пример, верувате во правата на животните, најдобро место за вас би било некое прифатилиште за бездомни животни или НВО која се бори за нивните права. Задоволството од вашиот придонес е навистина голема награда.rn

Запознавање нови пријатели

rnВолонтерските задачи ќе ги извршувате заедно со други волонтери, кои имаат слични идеи и сфаќања како вашите, па тоа е одлична можност да стекнете нови пријатели. Ќе сретнете луѓе со различно образование, различен социјален статус, од различни националности, и ќе бидете изненадени колку навидум различните луѓе може да си одговараат и да се дружат.rn

Личен развој

rn

Преку самата работа што ќе ја извршувате ќе стекнете низа способности кои се неопходни и во идната кариера и во секојдневието воопшто. Ќе научите правилно и ефикасно да го распоредувате времето, како да работите во тим, ќе стекнете комуникациски вештини, а можеби ќе откриете и некој нов талент за кој не сте знаеле дека го поседувате. Сето тоа од вас ќе направи подобар човек кој понатаму полесно ќе се снаоѓа со животните предизвици.

rn

rnrn

Стекнување искуство

rnПреку волонтирање во областа во којашто имате образование или која сè уште ја студирате, ќе стекнете бесценето практично искуство. Организациите кои се потпираат на волонтерска работа не ги притискаат волонтерите со високи цели, не ги изложуваат на непотребен стрес, а даваат огромна поддршка и знаење со цел да се исполнат целите на организацијата. Тие се одлично место за полека да се започне со кариерата.rn

Расчистување на дилемите во врска со кариерата

rnВолонтирањето е извонредна можност да се испробате во повеќе полиња во ситуација кога не знаете која кариера да ја изберете. Наместо да слушате сечии совети дали да одите на правен факултет или да бидете социјален работник, најдобро би било да поминете некое време во бесплатната правна служба на некоја НВО, а потоа да волонтирате во областа на социјалните работи. Потоа ќе можете на мира да ги средите впечатоците и да слушнете што има да ви каже срцето.rn

Патување

rnВолонтирањето дава можност да го пропатувате светот преку организациите кои ќе ви понудат бесплатна храна и сместување ако се решите да волонтирате кај нив. Сепак, треба да знаете дека при тоа патните трошоци и џепарлакот паѓаат на ваш грб. Засега, единствена можност да го дадете вашиот труд бесплатно во странство, а за тоа да немате никакви трошоци е Европскиот волонтерски сервис, кој ги покрива трошоците за пат, сместување, храна и малку џепарлак.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 21, 2012
5 особини на супер шеф

Супер шеф е оној кој го посакуваат сите вработени. Тој не е извонреден само на хартија, туку своите постапки и дела директно ги покажува на терен. Вработените не се единствени кои имаат придобивки од ваков шеф. Со неговите постапки, целата работа и севкупниот бизнис можат да тргнат во нагорна линија и сите да бидат задоволни.rnrnДоколку сакате да се издвоите и да станете супер шеф, раководете се од следниве правила:rn

1. Тоа е шеф кој придонесува за развитокот на секој вработен

rnОбично, шефовите се фокусирани на исполнување на зацртаните цели, постигнување резултати и остварување на конкретни идеи. Но, одличните шефови се тие кои се поставуваат пред своите цели, заземајќи ја улогата на лидер. Тие се свесни дека без успешни и квалификувани работници, работните резултати ќе бидат осудени на пропаст. Затоа, овие шефови наместо да се грижат за секојдневното работење на работникот, се фокусираат на самиот работник како да го направат попродуктивен. Организираат обуки, разни тренинзи и успешно го трансформираат целиот досаден процес на работа во нешто многу позначајно за самите работници – прогрес, напредување и лично усовршување.rnrnrn

2. Се соочува со проблемите веднаш

rnОдличниот шеф никогаш не ги игнорира проблемите на своите вработени. Веднаш се соочува со нив и се обидува да ги реши. Колку некој проблем да изгледа мал, никогаш не се знае кога тој може да прерасне во голем. Доколку шефот ги игнорира проблемите на своите вработени, се соочува да ја изгуби стекнатата почит. Без својот углед, ја губи и улогата на водач.rn

3. Го спасува најлошиот работник

rnСкоро во секој бизнис постои работник кој едноставно не може да се снајде лесно во работата и да ги следи своите колеги. Тимот го гледа како слаба личност без која подобро би функционирал. Во овој случај, шефот е тој што треба да истапи и да му помогне на колегата. Супер шефот ќе покаже доверба и ќе го увери колегата дека тој ќе го следи секој негов чекор за да му помогне да ја надминат тешкотијата. Не очајувајте доколку трудот не покаже резултати. Доволно е тоа што сте се обиделе. Но, во случај работникот да ја надмине тешкотијата, тогаш сте промениле нечиј живот.rnrnrn

4. Им служи на другите

rnДоколку сакате да станете извонреден шеф, секогаш поставувајте ги своите вработени пред себе. Со своите постапки покажете дека вие сте оние кои се секогаш помалку важни. Никогаш не кажувајте им на своите вработени да работат нешто што вие сами не би го сториле. Кога тимот победува, и бизнисот е успешен. Вработените се оние на кои треба да им честитате за постигнатиот успех.rn

5. Никогаш не заборава од каде доаѓа

rnИако водите успешен бизнис и сте шеф на голема компанија, не заборавајте дека секогаш треба да имате време за сите свои вработени. Тие ве гледаат како свој надреден, личност од која можат многу да научат. Со тоа што ќе одвоите неколку минути да поразговарате со работникот, можете да ја смените неговата личност – да го инспирирате, да му влеете самодоверба, да го мотивирате. Дури, можете да му влеете надеж за големи работи во неговиот живот.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 20, 2012