КАФЕ ПАУЗА

Category: Работа

Пронајдете ја вашата страст и остварете си ги целите

Одвреме-навреме доаѓаат моменти кога се запрашуваме што сакаме да правиме во животот или пак како да го постигнеме она што знаеме дека е наша страст. Еве некои совети кои ќе ви помогнат да ја пронајдете страста и да ги остварете своите цели.rnrnrn

Која е вашата страст во животот?

rnНе е толку едноставно. Имаме многу можности и не сме сигурни што најмногу би ни годело и која професија би била најпогодна за нас. Еве една мала игра која може да помогне. Земете лист хартија и во 5 групи напишете по 2 работи кои уживате правејќи ги или нешто за што мислите дека навистина сте способни. Размислете, за што навистина сте способни и во што вистински би уживале? Нештата не мора да бидат меѓусебно поврзани.rnrnrnrnПотоа разгледувајте ги одделно, група по група. Во првата група одберете една од двете работи кои сте ги навеле. Ако не можете да одберете, затворете ги очите и помислете само на првата работа, исто како втората воопшто да не постои. Замислете дека го работите тоа, дека тоа е вашата професија. Како се чувствувавте, колку ве исполнува? Што би правеле во текот на денот, колку би биле успешни? Потоа размислувајте за истите нешта, само замислете дека ја работите втората работа без првата воопшто да постои. Откако ќе ја одберете работата која повеќе ви одговара, пречкртајте ја другата. Потоа повторете ја истата постапка со останатите четири групи. Петте работи кои ви останаа непречкртани, напишете ги настрана на листот. Тоа се вашите пет главни страсти во животот.rn

Пронајдете ја мотивацијата

rnСите имаме макар по еден пријател или член на семејството, кој вистински нè познава и вистински може да нè ислуша. Зборувајте со него/неа за вашите 5 страсти. Ќе ве мотивира со тоа што искрено ќе ви посочи зошто би требало да правите некоја од наведените работи и ќе ве увери дека поради одредени особини кои ги поседувате, токму вие би биле совршени за одредена работа. Само започнете го разговорот со: Што мислиш, би бил/а добар/ра во некое од овие нешта? и оставете разговорот да се развива.rnrnrnrnНе оставајте мотивацијата да спласне. Секојдневно интересирајте се за работи кои на кој било начин се поврзуваат со вашите страсти. Информирајте се и читајте, надградувајте ги своите знаења. Потрудете се да најдете макар волонтерска работа поврзана со некое од петте нешта кои ги одбравте. Така ќе проверите дали таквата работа ве исполнува и ќе останете мотивирани.rn

Приредете забава за идеи

rnИмате одредена цел или повеќе цели, знаете што би сакале да правите, имате свои желби, но седењето дома и размислувањето за нивното остварување изолирани од светот, нема да ви помогне. Користете ја секоја можна прилика да комуницирате со различни личности и да разменувате мислења и идеи. Проширете го кругот на пријатели и познајници. За ова треба време, па нека биде ваша мисија.rnrnrnrnИсто така, одлично е доколку имате можности да приредите забава за идеи. Повикајте ги вашите пријатели, блиски и далечни и побарајте од нив да дојдат со уште една или две личности. Започнете со кежуал разговори и друштвени игри. Како што поминува вечерта, разговарајте за вашите страсти и идеи. Би биле изненадени како лесно можете да најдете контакти кои би ви помогнале во остварувањето на вашите цели, луѓе кои ќе ве мотивираат или ќе ви предложат решенија.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 11, 2013
Подобрување на комуникациските способности – како да бидете слушнати?

Нели ѝ објаснавте на вашата фризерка дека сакате косата да ви ја скрати малку, а сега должината на вашата коса е до рамена? Нели прво вие ја спомнавте идејата за која сега зборува вашиот колега, а според вашиот шеф тоа е најгенијалното нешто што некогаш го чул?rnrnrnrnНекои луѓе знаат како да го привлечат вниманието кон себе и да направат да бидат слушнати, но други многу често чувствуваат како да се игнорирани. Способноста да се искажат мислите и тие да бидат прифатени од околината е вештина која може да се совлада. Сè започнува со внимателно забележување на реакциите на другите додека зборувате.rnrnДали додека зборувате, луѓето одбегнуваат контакт со очи со вас или на поинаков начин покажуваат незаинтересираност? Дали се однесуваат како да им го губите времето и почнуваат да гледаат во своите телефони или да испраќаат пораки? Не дозволувајте да бидете прекинувани. Изразувајте се гласно и јасно, а не со несигурност. Се плашите дека би биле осудувани или погрешно разбрани? Токму таа несамодоверба ќе направи тоа што го кажувате да звучи незначајно и помалку важно. Ако вие не ги вреднувате вашите мисли и ставови, како очекувате некој друг да ги вреднува повеќе? Однесувајте се како тоа што го кажувате да е од огромно значење за сите и како да ја имате целата самодоверба на овој свет.rnrnКаков е вашиот став додека зборувате? Некогаш и несвесно знаеме да се поставиме како арогантни и самобендисани. Ако звучите како да сте вие најпаметната личност во просторијата, како вие да ги имате решенијата на сите проблеми и како единствено вашите мисли да се од важност, не очекувајте дека ќе бидете внимателно слушани и точно разбрани. Пробајте со поинаков пристап. На пример, наместо да речете „Јас знам што треба да направиме“, речете „Имам свое мислење во врска со проблемот, се надевам дека би сакале да го чуете“. Секогаш бидете отворени за фидбек и за соработка со останатите.rnrnrnrnДали се прилагодувате според оние кои ве слушаат? Однесувајте се со оние кои ве слушаат според тоа какви луѓе се тие. Доколку не ги знаете долго време, пробајте да ги процените. За какви теми би се интересирале? Со какво темпо или јачина на звукот би требало да им се обраќате? Дали би прифатиле шега или не? Трудете се да не звучите монотоно. Променувајте ја интонацијата, послужете се со некој пример или анегдота, употребете гестикулации и сл. Многу е важно да ја процените публиката. Доколку сте одбрале на мажи да им зборувате за чувства, нема да бидете слушани или разбрани онака како што би биле доколку би разговарале со жени.rnrnКолку подобро слушате, толку подобро ќе бидете чуени. Секогаш покажувајте интерес за она што го зборуваат другите. Но, не останувајте пасивни слушатели. Доколку имате мислење искажете го без да се наметнувате. Бидете пријатни и дружељубиви. Но, во никој случај не дозволувајте вашето мислење да остане единствено за вас, можеби токму вие ја имате најгенијалната идеја или решение за некој проблем.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 17, 2013
Листи за подобрување на продуктивноста на работното место

Соработниците постојано ви поставуваат прашања, добивате задачи кои треба веднаш да ги завршите, а телефонските повици ја прекинуваат вашата концентрација. Листата на работи кои треба да ги направите станува сè поголема, сè додека не одлучите да ја фрлите во ѓубре и да започнете да работите на поинаков начин.rnrnВо нејзината книга „Што да правите кога имате премногу работа?“, Лаура Стак им помага на работниците кои имаат премногу обврски да работат поефикасно. Според Стак, користењето на листи може да ви заштеди околу 90 минути дневно. На тој начин може да станете попродуктивни на работа и пофокусирани на домашните обврски. Наместо единствената листа на работи кои морате да ги направите, направете три различни листи кои ќе ве насочат во вистинскиот правец. rn

Листа на работи кои не треба да ги направите

rnКолку многу озборувате или сурфате на Интернет додека сте на работа? Сигурно повеќе отколку што е потребно. Ова е причината поради која треба да направите листа на работи кои не треба да ги правите. Оваа листа вклучува работи кои треба да одбивате да ги правите, односно непотребни работи на кои го трошите времето. Целта на оваа листа е да се фокусирате на обврските кои треба да ги завршите. Работите наведени на оваа листа треба да бидат прецизни. Наместо да напишете „Денес нема воопшто да се вклучам на Фејсбук“, подобро е да напишете „Секој ден сè помалку ќе се вклучувам на Фејсбук“. Ако се придржувате кон оваа листа, за кратко време ќе станете поефикасни и ќе го намалите бројот на завршени неважни задачи. rn

Листа на итни работи

rnОваа листа содржи работи кои мора да бидат завршени во најбрз можен рок. Целта на оваа листа е да научите да управувате со времето. Бројот на задачи кои ги содржи оваа листа е различен. На пример, веб-дизајнерот може да има 20 задачи на оваа листа, но само 3 од нив ќе успее да ги заврши за еден ден. За разлика од него, авторот може да има само една задача, но во текот на денот ќе истражува на уште неколку други теми. Листата на итни работи е флексибилна затоа што во текот на работниот ден постои можност за зголемување на задачите кои треба да бидат веднаш завршени. Во оваа листа, исто така, спаѓаат и помали работи кои не мора да се завршат веднаш, но може да се натрупаат ако бидат запоставени, како што е на пример, подготвувањето на месечни извештаи. rn

Листа на работи кои треба да ги направите

rnОваа листа вклучува сè што треба да биде завршено во одреден временски период, но не веднаш. Задачите наведени на оваа листа ќе го менуваат својот редослед во зависност од роковите. Дел од задачите може да преминат во листата на итни работи, а дел од нив може да бидат елиминирани. Ако не можете да одлучите дали одредена задача треба да биде на оваа листа или на листата за итни работи, запрашајте се дали задачата треба да биде завршена денес. Ако одговорот е не, задачата останува на оваа листа, но ако одговорот е да, тогаш станува збор за итна задача.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 24, 2012
Перфекционизам и одолговлекување – комбинација која гарантира неуспех

Честопати сме ставени под голем притисок кој го носи желбата за совршенство. Се трудиме нештата да бидат изработени до перфекција, работите околу нас подредени во совршен ред, нашите обврски да бидат организирани и да имаме контрола над целата ситуација. Но, сиот тој притисок поради стремежот кон перфекција, во комбинација со одложувањето на обврските за подоцна е рецепт за неуспех и неисполнување на главните зацртани цели. Тоа нè прави најголеми непријатели на самите себе. Како да се поштедиме од овие навики и колку би можел еден перфекционист да се промени во овој поглед со цел да се спаси себеси од притисокот и стравот од несовршеното?rnrnrnrnНајпрво да ги дефинираме и двата поими, за кои психолозите тврдат дека во комбинација се гаранција за неуспех. Што е перфекционизам, а што одолговлекување?rnrnПерфекционизмот би можеле да го дефинираме на многу начини, но секој од нив кој е поврзан со потрагата по совршенство би бил точен. Перфекционистите се стремат кон извонредност на речиси секое поле во животот, трагаат по одлични резултати и се залагаат за сите сфери во кои би можеле да постигнат успех. Имаат потреба и нагони да го поправаат несовршеното, дури и кога станува збор за ситници и небитни детали. Одолговлекувањето претставува одложување на обврските, најчесто за некој друг, подобар и посоодветен ден. Не можам денес, но ќе го направам тоа утре или наредната седмица. Една шпанска поговорка вели: „Утре е најзафатениот ден од неделата.“ Станува збор за одлагање на важни обврски со цел да се извршат оние кои не се примарни.rnrnrnrnЗошто се јавува одолговлекувањето? Најчесто е поради стравот од неуспех и недоволното ниво на самодоверба. Се плашите дека нема да успеете, дека не сте доволно добри, дека ви е потребно повеќе време. Така тоа се претвора во навика за речиси сè во животот и вие почнувате константно да ги одлагате обврските.rnrnКоја е поврзаноста помеѓу перфекционизмот и одолговлекувањето? Перфекционистите се луѓе кои знаат до детаљ да ги испланираат своите зацртани цели и начините како да дојдат до нив. Но, често се случува работата да остане само на планирање, без да се преземе акција бидејќи се одлага за понатаму. Поради стравот од неуспех или страв дека нешто нема да излезе перфектно, чувствуваме дека ни треба повеќе време за да се подготвиме пред да дејствуваме.rnrnrnrnПланирањето на обврските сè до најситен детаљ одзема време. Нè прави да се чувствуваме безбедно, како да имаме контрола над ситуацијата. До некаде тоа е добро бидејќи сте подготвени за она што доаѓа. Но, мора да постои момент кога ќе почнете да дејствувате. Претераното размислување и планирање ги уништува работите.rnrnЕве еден мал пример. Се подготвувате да учите со цел да го положите испитот. Но, не само да го положите, туку да извлечете најмногу што можете, па притисокот станува уште поголем. Вашиот план за учење е направен, материјалите се собрани, но имате „поважни“ обврски. Прво ќе си ја средите собата, ќе го разлистате омиленото списание, ќе видите што има ново на интернет за да бидете во тек со новостите, ќе излезете на пазарење за да не мислите што треба да купите додека учите… и на крај ви станува јасно дека оваа листа на „обврски“ нема крај. Решението е примарната обврска и задача да ја направите пред сите останати.rnrnСо сфаќањето дека имаме проблем со потрагата по перфекција и со одлагањето на важните обврски, сме на самиот пат кон решението. Некогаш перфекционизмот ни носи навистина совршени резултати, но проблемот е што по некое време не би биле задоволни со ништо помалку од совршеното.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 10, 2012
Сè што треба да знаете пред да одите на интервју за работа
Просечната должина на едно интервју е околу 40 минути. Но, во едно истражување, 33% од 2.000 работодавци изјавиле дека уште во првите 90 секунди знаеле дали ќе го вработат кандидатот. За успешно интервју мора претходно добро да се подготвите. Научете нешто повеќе за организацијата, секогаш имајте специфична работа на ум, прегледајте ги своите квалификации за работата и бидете подготвени накратко да го опишете вашето досегашно искуство. Погледнете ги и останатите резултати од ова истражување кои ќе ви помогнат полесно да стигнете до работата од вашите соништа…rnrnrn

Најчести невербални грешки кои се прават на интервју за работа се:

rn
- Играње со косата или допирање на лицето (21%)
- Немање доволно знаење за компанијата во која се аплицира за работа (47%)
- Неможност да се воспостави контакт со очите (67%)
- Недостиг на насмевка (38%)
- Лошо држење на телото (33%)
- Прекстување на рацете над градите (21%)
- Употреба на премногу гестови со рацете (9%)
- Премногу слабо ракување (26%)
- Прекумерно нервозно гестикулирање (33%)
rn

Статистиките покажуваат дека кога се запознавате со нови луѓе, големо влијание на впечатокот имаат и:

rn
- Вашите одговори на поставените прашања (7%)
- Квалитетот на изразување, како и општата самодоверба (38%)
- Начинот на кој се облекувате, однесувањето, како и начинот на кој влегувате низ вратата (55%)
rn

Видот и бојата на облеката исто така влијае на првиот впечаток:

rn
- Голем број од работодавците изјавиле дека премногу светли бои ги намалуваат вашите шанси за вработување
- Не е потребно облеката да биде по најнова мода (70%)
- Облеката може да помогне при донесување на одлуката помеѓу два слични кандидати (65%)
rnrn

Прашања кои најчесто се поставуваат за време на интерјвуата:

rn
- Кажете ми нешто повеќе за вашето искуство во…
- Зошто сакате да работите за нас?
- Што знаете за нашата компанија?
- Зошто ја напуштивте претходната работа?
- Кажете ми нешто повеќе за себе…
rn

Најчестите грешки кои можете да ги направите на интервју:

rn
- Премногу објаснување за тоа зошто сте ја изгубиле претходната работа.
- Давање до знаење дека сè уште не сте завршиле со претходната работа.
- Недостиг на хумор, топлина и личност.
- Непокажување никаков интерес или ентузијазам.
- Недоволно истражување за вашиот потенцијален работодавец.
- Прекумерено концетрирање на она што вие го сакате.
- Да се обидувате да бидете сè за сите луѓе.
- Да го „преземете“ интервјуто.
- Неможноста да се издвоите себеси од останатите кандидати.
- Да не се обидете да ја побарате работата.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
November 26, 2012
Останете во контакт со поранешните колеги

Одржувањето контакт со поранешните соработници е од голема важност, затоа што тие можат да ви овозможат одговори на најразлични прашања и да ви дадат препораки. Постојат неколку начини кои ќе ви помогнат да останете во контакт со поранешните колеги. rn

Поврзете се уште додека работите заедно

rnПолесно е да го задржите стариот муштерија отколку да најдете нов. Истото важи и за соработниците. Многу е полесно да го задржите постоечкиот професионален однос отколку да започнете сè од почеток. Затоа, обидете се да остварите добри односи со соработниците додека сè уште работите заедно.rn

Не секој соработник ќе ви биде пријател и во приватниот живот. Но, целта не е со сите колеги да имате само строго професионален однос, туку и да им оставите добар впечаток, за да се сеќаваат на вас и на времето кога сте работеле заедно, откако сте си заминале од фирмата.

rnrn

Користете социјални мрежи

rnСоцијалните мрежи не се место само за споделување на уникатни мисли, туку и за поврзување на соработниците и размена на професионални мислења. Мрежите како Фејсбук и Твитер се одлични за одржување на контактите со поранешните соработници. Лесно може да ги продолжите контактите со помош на виртуелното спријателување и следењето на активностите.rn

Направете список на поранешни соработници и пронајдете ги на социјалните мрежи. Коментирајте ги нивните постови и активности, а секоја недела одберете неколку од нив кои ќе ги исконтактирате телефонски. На тој начин од нив може да очекувате препораки кои ќе ви бидат од голема корист.

rnrn

Комуницирајте умерено

rn

Дали познавате личност која не се интересира за никој, сè додека не ѝ биде потребна некоја услуга? Немојте да бидете таква личност. Комуницирајте редовно, но не претерувајте. Бидете сигурни дека најголемиот дел од вашата комуникација има некаква вредност за поранешниот соработник. Доволно е да споделите некоја информација со него, да му го честитате роденденот, да го прашате како е или едноставно да го насмеете.

rnrn

Гледајте се повремено

rn

Виртуелната комуникација со поранешните соработници е добра, но нема ништо подобро од директната комуникација лице в лице. Обидете се да се гледате со поранешните соработници колку што е можно почесто. Присуствувајте заедно на разни настани, организирајте забава на која вие ќе бидете домаќин или најдете некое заедничко хоби кое ќе ве зближи.

rnrn

Помогнете

rn

Размислете како можете да им помогнете на поранешните соработници. Ова не подразбира само професионална помош, туку и приватна, ако е потребно. Помагањето не треба да ви претставува тешкотија, ниту да ви одзема многу време. Најважно е вашите поранешни соработници да знаат дека им стоите на располагање и затоа треба да останете во контакт. Така тие ќе ви ја вратат услугата кога вам ќе ви биде потребно. Дури и да не се случи тоа, барем ќе знаете дека треба да се фокусирате на други луѓе.

rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 14, 2012
Како навистина изгледа работењето од дома?
Оние кои секојдневно мораат да станат рано и да одат на работа, сонуваат за работење од дома, бидејќи така ќе можат да поспијат подолго благодарение на тоа што не мора да губат време во патување. Сепак, работењето од дома, може да биде голем недостаток, а не предност во однос на вашата работа и вашето секојдневие. Едно е сигурно, работењето од дома бара огромна дисциплина, а вашиот удобен дом, многу пати ќе ви го одвлече вниманието од работните задачи.Едно истражување открива што сѐ луѓето прават, додека паралелно ги извршуваат своите професионални должности. Па така, луѓето кои работат од дома, немаат проблем на сред секс да се јават кога ќе им заѕвони шефот на телефон, открива необичното истражување, спроведено од страна на британската интернет компанија Ecigarettedirect, која продава електрични цигари.rnrnЕве како изгледа работењето од дома:rn
- Повеќе од половина луѓе или 64% работат во своите пижами.
- Околу 20% од анкетираните одговориле дека работеле голи барем еднаш во изминатата година. Некои дури признале и дека одговараат на телефонските повици од клиенти додека се на WC шолја.
- Околу 80% од нив, додека работат гледаат и телевизија, а 37% од нив признаваат дека тоа малку ги деконцентрира.
- Околу 70% попатно ги завршуваат и куќните обврски.
- 1 од 20 луѓе ќе одговори на телефон додека има секс.
- 4 од 10 луѓе тркнуваат да повежбаат фитнес или друга физичка активност во текот на работното време.
- Една третина од луѓето одат на шопинг по облека или храна, додека се практично „на работа“.
- Околу 15% велат дека најдобрата предност на работењето од дома, е тоа што можат колку сакаат да пушат цигари во својата „канцеларија“.
rn

Еден испитаник рекол: „Проблемот со работењето од дома е тоа што станува матна линијата помеѓу приватниот и професионалниот живот. Лесно е да заборавите дека сте на работа, особено кога партнерот е дома заедно со вас. Морам да признаам дека се има случено да почнеме да се бакнуваме и прегрнуваме и во најдобриот момент да бидеме прекинати од телефонски повик од шефот или некој клиент. Обидот да се остане професионален во таквите моменти е вистински предизвик. Верувам дека таквите инциденти ќе се намалат доколку работата е заснована на видео повици.“

rn

Друг вели: „Обожавам да одам на шопинг во текот на работното време, бидејќи така можам да ги завршам моите домашни обврски преку недела, наместо за викендот кога во сите маркети има многу гужва. Работењето од дома нуди многу поголема флексибилност. Сѐ додека си ги завршувам моите задачи, на мојот шеф не треба да му биде гајле каде и кога сум во даден момент. Сепак, малку е чудно кога ќе ми заѕвони додека ја плаќам сметката на каса.“

rnПортпаролот на ecigarettedirect.co.uk изјавил дека не биле изненадени од податокот дека „домашните“ работници гледале ТВ во своето работно време, но биле „малку“ шокирани од бројот на луѓе, кои ги користат работните часови за да бидат интимни со својот партнер.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
November 1, 2012
Каков е работниот карактер на вашите колеги?
Според голем број психолози, постојат многу теории за поделбата на различни видови личности. Но, од сите досегашни модели, најпознатиот е „Тип А и Тип Б личности“ според Ендру Голдсмит. Оваа поделба се базира според нивото на анксиозност и стрес со кои се сретнуваат вработените луѓе.rnrnЛичностите од тип А генерално живеат со повисоко ниво на стрес, бидејќи:rn
- Тие уживаат да ги остваруваат своите цели, уште повеќе ако тие се потешки. Поради тоа постојано работат за да го достигнат она што си го замислиле.
- Тие имаат потешкотии со прекинување, дури и откако ќе ги завршат своите цели.
- Тие го чувствуваат притисокот на времето, постојано работејќи „под полн гас.“
- Тие сакаат да се натпреваруваат, и ако можат дури и самите ќе создадат натпревар.
- Тие мразат неуспех и подготвени се многу да работат за да го избегнат.
- Тие најчесто се во добра форма и добро образовани (како последица од нивната анксиозност).
rnЛичностите од тип Б генерално живеат со пониско ниво на стрес и најчесто:rn
- Тие работат полека, уживајќи во нивните постигнувања, но не се под стрес кога нема да ги постигнат своите цели.
- Кога тие ќе се соочат со натпревар, учествуваат сè додека уживаат во играта и не им пречи ако се откажат или изгубат.
- Тие често се креативни и уживаат во истражувањето на нови идеи и концепти.
- Тие често се склони кон многу размислување како за надворешните, така и за внатрешните светови.
rnСфаќањето на работниот карактер на одредена личност може да ви помогне да го најдете најдобриот начин за соработување со него/неа. Кога станува збор за личности од типот Б, секој од нас лесно би можел да воспостави добра комуникација и брзо да ја заврши работата со нив. Но, ако вашиот колега припаѓа на групата од тип А, кои постојано работат со максимална брзина и се инспирирани да постигнуваат огромни цели, тогаш единствениот начин да се справите со нив, е да ги почитувате наредниве неколку правила:rnrnРаботите со нив, не против нив – Секој и сешто е предизвик и натпревар за овие личности и тие ќе направат сè за да ги срушат бариерите кои им го попречуваат нивниот пат. Поради тоа погрижете се да ги убедите дека припаѓате на нивниот тим, не на спротивниот.rnrnЗавршувајте ги задачите или целите како да нема утре – Овие личности имаат нереално чувство за итност и поради тоа не сакаат да губат време. Тие постојано се „тркаат“ за што побрзо да го завршат тоа што го наумиле. Обидете се сите ваши задачи да ги завршувате точно на време или уште подобро, предвреме.rnrnМултитаскинг – Мора да бидете подготвени без грешка да завршувате повеќе неповрзани задачи или цели. Бидејќи тие имаат преголеми планови од сите области, не знаат како да се сконцентрираат само на една работа. Мора да научите да ги следите во секој чекор.rnrnНикогаш не доцнете – Со доцнењето им давате до знаење дека не сте доволно вредни за нивното време и поради тоа може целосно да ве отфрлат од своите планови.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
October 17, 2012
Како да се справите со лошите колеги?
Секаде има по некој вработен кој не знае како добро да соработува. Некои од тие луѓе се арогантни, други се прават дека знаат сè, трети се спремни да ви забијат нож в грб, а има и такви што постојано се жалат, обвинуваат и ја префрлаат одговорноста на другите. Не мора да ја замразите работата заради такви луѓе. Наместо тоа, применете ги овие неколку совети и полесно ќе се справите со нив.rn

Предвидете го нивното однесување и бидете подготвени

rnАко некој колега многу ве нервира поради однесување кое постојано се повторува, недозволиво е да бидете изненадени кога тоа уште еднаш ќе се случи. Тој што цело време одбива да соработува и понатаму ќе го прави тоа, а тој што еднаш ве шпионирал кај шефот пак ќе го направи тоа. Тоа што веќе имате искуство со нив треба да го употребите во ваша полза. Спремете одговор за неизбежниот конфликт. Така ќе го избегнете гневот и ќе можете рационално да го решите проблемот.rn
rn

Не поттикнувајте лошо однесување

rnЛошите колеги сакаат да предизвикуваат конфликти и уживаат во тоа. Иако е предизвикувачки гневно да им се спротивставите, тоа само ќе ве спушти на нивното ниво. Тие ја бараат борбата од вас, а со тоа вие великодушно ќе им ја дадете. Наместо тоа, покажете им го веќе спремениот одговор без лоши емоции. Многу е веројатно дека тогаш ќе се префрлат на некој друг да му додеваат. Кога не можете да се сложите, прекинете ја дискусијата со изјава од типот „имаме различни мислења за ситуацијава“, а ако колегата продолжи и понатаму, предложете му да го посетите вашиот заеднички надреден за да помогне во решавање на конфликтот.rn
rn

Не сфаќајте ги лично

rnКако што веројатно знаете, конфликтните луѓе не војуваат заради проблемите што ги имаат со другите, туку поради проблемите што ги имаат со самите себе. Кога доаѓате во судир со таква личност, вие всушност сте само алатката која тие ја користат за да зајакнат својата ниска самодоверба и да се заштитат себеси. Тоа што тие ве напаѓаат токму вас не значи дека нешто кај вас не чини.rnrnНа крај, иако не постои вистински начин да се справите со лошите колеги, туку само да ги избегнете проблемите со нив, не заборавајте и на овие неколку совети за да не ја влошите ситуацијата.rn
rn
- избегнувајте „ти“ изјави и заменете ги со „јас“ тврдења. Подобро е да речете: „Мене ми се чини дека имаме проблем“, отколку: „Ти ги правиш проблемите“.
- избегнувајте испади на гнев поради нивното некоректно однесување
- избегнувајте сарказам
- избегнувајте одбранбен став
- и уште еднаш, не дозволувајте си да им го подарите конфликтот кој ним толку многу им е потребен
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
October 15, 2012
Седум митови за тивките работници

Дали можете да го поминете работното време без да кажете ниеден збор? Тоа не значи дека сте неефикасни, ниту дека не ги сакате колегите. Најчесто се работи за интровертност или резервираност на работното место. Ваквите работници сè уште може да бидат дел од тимот, иако постигнуваат подобри резултати кога работат индивидуално. За жал, понекогаш луѓето имаат погрешно мислење за тивките работници. Ова се седумте најчести митови за нив. rn

Тивките работници немаат што да понудат

rnОва е една од најголемите заблуди. Тивките работници не придонесуваат помалку за работната средина, во однос на нивните погласни колеги. Луѓето често мислат дека тивките работници не се способни да бидат веродостојни извори на знаење или да бидат експерти на некоја организација. Но, според едно истражување, лидерите најчесто се потпираат на тивките работници затоа што тие си ги знаат своите обврски и секогаш се тука кога им се потребни на колегите.rn
rn

Тивките работници се срамежливи

rnЛуѓето често претпоставуваат дека тивките работници се срамежливи. Но, во реалноста, начинот на кој луѓето работат не секогаш е идентичен со начинот на кој тие се однесуваат во приватниот живот. Ако некој е тивок, не значи дека е и срамежлив. Тоа е знак дека овие личности се интровертни и повеќе сакаат да работат сами затоа што така размислуваат подобро, поефикасни се и постигнуваат подобри резултати. rn

Тивките работници не се друштвени

rnЗа тивките работници се смета дека се антисоцијални и дека имаат само неколку пријатели надвор од работната средина. Повеќе пати се покажало дека кога тивките работници ќе си заминат од работа, тие стануваат целосна спротивност на она што биле додека работеле. И додека овие луѓе знаат да бидат резервирани на работното место, нивните пријатели ги сметаат за навистина друштвени.rn
rn

Тивките работници не ги сакаат своите колеги

rnПовлеченоста е лична особина. Тоа не значи дека овие работници не ги сакаат своите колеги. Тивките работници, всушност, имаат тенденција да комуницираат на поинаков начин, за разлика од нивните гласни колеги. Тие, исто така, на поинаков начин се чувствуваат пријатно кога се работи за социјална интеракција. rn

Тивките работници мислат дека се подобри од сите други

rnИако тивките работници ги следи митот дека се сезнајковци, сепак се работи само за помирен начин на работење. Ако на работа важите за екстроверт, обидете се да се запознаете со некој интровертен работник. Обидете се да не ја толкувате неговата мирна природа како негативна. Штом ја придобиете неговата доверба, ќе бидете изненадени од тоа колку добро би можеле да соработувате.rn
rn

Тивките работници се несигурни

rnТивките работници често се етикетирани како несигурни во своите вештини. Едноставно, некои луѓе уживаат во повлеченоста. Ваквото ниво на удобност не е знак за несигурност и отсуство на самопочит. Некои работници дозволуваат делата да зборуваат за нив, наместо самите да се фалат. Ако екстровертите ги забележат нивните достигнувања, ќе сфатат дека тивките работници подеднакво придонесуваат за подобра работна средина.rn
rn

Тивките работници не се добри лидери

rnДали знаевте дека 40% од лидерите се интровертни? Заради нивната интровертност, овие луѓе имаат тенденција да бидат смирени и да не се фалат самите себе. Ним им треба повеќе време за да ги обработат своите мисли, а ние тоа го толкуваме како бавно размислување што, според стереотипите на западната култура, е несвојствена особина на лидерите. За подобро да ги покажат своите лидерски вештини, потребно е тивките работници да се фокусираат на зголемувањето на нивната видливост, како што е проширување на кругот на луѓе со кои работат и користење на социјалните медиуми, каде што би можеле професионално да се изразат себеси.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 1, 2012