КАФЕ ПАУЗА

Tag: меморија

Кои намирници треба да ги одбегнувате доколку сакате да ја подобрите меморијата?

Никогаш не треба да заборавиме дека храната што ја консумираме влијае врз нашето здравје на различни начини, пред сè на срцето, но и на мозокот. Во продолжение прочитајте кои намирници треба да ги одбегнувате доколку сакате да ви се подобрат меморијата и фокусот.rnrnrn

Храна со вештачки засладувачи

rnКога внесувате вештачки засладувачи кои немаат хранлива вредност, тоа може да го влоши нивото на лоши бактерии во цревата. Ова се однесува на сахарин, сукралоза и стевија, а особено на аспартам, кој е поврзан со анксиозност и може да го зголеми нивото на слободните радикали во мозокот.rn

Храна направена со индустриско и преработено масло

rnПреработеното масло се добива од соја, пченка и сончоглед и содржи многу омега-6 масни киселини. Прекумерното консумирање на овие киселини предизвикува телото да произведува хемикалии кои доведуваат до воспаление на мозокот. Затоа, нутриционистите препорачуваат почесто да користите маслиново, кокосово и авокадово масло.rn

Храна со додаден и рафиниран шеќер

rnНа нашиот мозок му треба гликоза за да функционира, но премногу шеќер може да доведе до вишок гликоза во мозокот. Ова може да ја влоши меморијата и ова важи и за солената храна која исто така содржи шеќери, како што се кечап и сосови за тестенини.rn

Преработена храна

rnИсхраната богата со високо преработена храна може да доведе до влошување на здравјето на клетките и зголемен ризик од дегенеративни болести. Покрај тоа, оние кои го консумираат овој вид на храна имаат поголеми шанси да доживеат блага депресија во споредба со оние со различна исхрана.rn

Пржена храна

rnИако пржената храна е вкусна, сепак не заборавајте дека таа има негативно влијание врз мозокот. Едно истражување покажало дека оние кои јадат многу од овие намирници имаат полоша меморија и полоши когнитивни способности.rnrnОткако прочитавте кои намирници можат лошо да се одразат врз вашата меморија, можеби ќе сакате да ги прочитате и 5-те едноставни навики за подобрување на меморијата.rnrnИзвор: cnbc.com

December 12, 2022
5 едноставни навики за подобрување на меморијата
Сите сме свесни дека со мал ментален напор можеме да ги запомниме важните работи. Но, научниците откриле дека постојат и природни лекови кои го одржуваат здравјето на мозокот и ја подобруваат меморијата. Проверете во продолжение за што станува збор.rnrnrn

1. Променете го начинот на исхрана

rnНутриционистичката психијатрија е поле во науката кое го проучува односот меѓу мозокот и исхраната. Според научниците, основните хранливи материи и фитонутриенти играат голема улога во одржување на менталното здравје на поединецот. Тие можат да ја подобрат индивидуалната состојба, но и целокупната конгнитивна функција. Еве кои промени во исхраната можете да ги направите за да подобрите меморијата:rn
- Ограничете ги додадените шеќери, рафинираните житарки и преработената храна
- Зголемете ги животинските протеини, здравите масти и антиоксидансите во исхраната
- Одржувајте го урамнотежено нивото на шеќер во крвта
rn

2. Внесувајте повеќе омега-3 масни киселини

rnИстражувањата покажале дека омега-3 масните киселини се од особено значење кога станува збор за подобрување на меморијата и одржување на когнитивната функција, особено оние масни киселини кои се наоѓаат во рибите и алгите. Препорачаната дневна доза на омега-3 го зголемува протокот на крв во мозокот и ја зајакнува невропротекцијата.rn

3. Бидете физички активни

rnВежбањето е лек за телото и мозокот. Според истражувањата, аеробните и кардиореспираторните вежби го зголемуваат нивото на белата и сивата материја во мозокот. Сивата материја е одговорна за поголемиот дел од обработката на информации во мозокот, а белата материја пак, е вклучена во процесот на комуникација меѓу черепниот и ‘рбетниот мозок. Доволно е да вежбате 30 до 60 минути пет пати во неделата за да ги постигнете посакуваните резултати. Ќе се уверите дека и вашето ментално расположение ќе се подобри за кратко време.rn

4. Медитирајте

rnДокажано е дека медитација ја подобрува целокупната функција на мозокот. Медитацијата ни помага и да ја зголемиме сивата материја во мозокот, а со тоа и да ја подобриме меморијата.rn

5. Спијте доволно

rnСпиењето е еден од клучните елементи кога станува збор за целокупната благосостојба, но дали знаевте дека игра улога и во здравата меморија? Додека спиете, мозокот ги обработува сите информации кои сте ги собрале во текот на денот и ги отстранува непотребните со цел да го складира она што е неопходно. Не заборавајте дека еден од најдобрите лекови за подобрување на меморијата е мирниот сон од седум до девет часа.rnrnОткако ги прочитавте нашите совети за подобрување на меморијата, можеби ќе сакате да прочитате и за моќта на палатата на меморијата и како никогаш повторно да не заборавите важни информации.rnrnИзвор: mindbodygreen.com
February 18, 2022
Дали кафето може да ја подобри меморијата?

Љубителите на кафе честопати си го поставуваат прашањето дали кофеинот може да им ја подобри меморијата. Тоа е затоа што многумина што често консумираат кафе, забележале дека повнимателно си ги вршат своите работни задачи особено откако испиле филџан кафе. Некои од нив изјавиле дека нивната меморија значително се подобрила благодарение на кофеинот. Дали постои некаква поврзаност помеѓу овие две работи? Дознајте во продолжение.rnrnrn

Како функционира кофеинот?

rnКофеинот е стимулативен лек што директно влијае врз мозокот и ја зголемува состојбата на будност. Сепак, различни истражувања на ефектите врз меморијата дошле до различни резултати.rnrnСпоред некои студии, кофеинот може да делува позитивно врз некои видови меморија, особено од генерален аспект. Подеталните истражувања покажале дека придобивките од кофеинот за меморијата важат во одредени случаи. Со други зборови, кофеинот може да ја подобри меморијата само доколку се внесе во организмот во моментот на примање на информациите и во моментот кога субјектот треба да се потсети на тие информации.rnrnДоколку субјектот не внесе кофеин во моментот кога се презентираат информациите, постигнува послаби резултати доколку внесе кофеин во моментот кога треба да се сети на информациите. Од друга страна, ако субјектот примал кофеин кога ги примал и информациите, а немал кофеин кога требало да се сети на нив, постигнува уште полоши резултати од првото сценарио.rnrnДруги студии покажале дека преку извршување одредени задачи, кофеинот всушност може да ги влоши резултатите. Така, на пример, кога испитаниците имале листа со зборови што требало да ги запаметат без разлика на редоследот покажале лоши резултати. Истражувањето покажало и дека луѓето под дејство на кофеинот се сеќаваат на повеќе лажни спомени што значи кофеинот може да придонесе мозокот непрецизно да ги зачувува спомените.rn

Како кофеинот влијае кај повозрасните?

rnИстражувањето во врска со внесувањето кофеин кај постарите лица имало за цел да утврди дали кофеинот може да го минимизира проблемот со меморија што се јавува како резултат на стареењето. Едно истражување покажало дека кофеинот може да го намали ефектот на попладневниот пад на меморијата кај постарите лица што подобро ги извршуваат своите обврски наутро отколку попладне.rnrnСепак, други истражувања покажале дека кофеинот и не е толку сигурен начин за подобрување на меморијата кај постарите. За време на истражувањата, постарите лица имале послаби резултати на тестовите за епизодно паметење по внесувањето кофеин, за разлика од оние што не внеле кофеин во организмот. Иако вообичаеното консумирање на кофеин може да влијае позитивно врз долгорочната меморија, сепак не може да го спречи опаѓањето на меморијата што се јавува како резултат на возраста.rnrnЗа крај, би ве посоветувале да зборувате со вашиот лекар за да дознаете дали имате проблеми со вашата меморија и колкава количина кофеин може да внесувате дневно.rnrnОткако откривте за поврзаноста помеѓу кафето и меморијата, ви препорачуваме да прочитате и зошто кафето наутро може да биде подобро од чајот.rnrnИзвор: verywellmind.com

October 25, 2021
Не сте сигурни дали ги исклучивте пеглата или шпоретот? Овие трикови ќе ви помогнат да се потсетите
Колку пати ви се случило да излезете од дома и да не сте сигурни дали сте ги исклучиле пеглата или шпоретот? Поради многуте обврски, ги забораваме најосновните работи. Меѓутоа, ако не можете да се сетите дали сте ги исклучиле пеглата или шпоретот, тоа е затоа што тие постапки се автоматски, па за да ги запомните, треба да кажете на глас: „Ја исклучив пеглата“. На тој начин ќе памтите подобро.rnrnrnrnПовеќето луѓе забораваат поради навиките. Ако сте биле под стрес во последно време, веројатно ќе забележите дека памтите помалку, а продуктивноста и фокусот не се на завидно ниво.rnrnВо тоа може да ви помогне времето поминато со себе, како пешачење, медитација и слушање музика.rnrnВажно е да имате вистински мир, па ако навистина сакате да се „исклучите“, оставете го телефонот дома и целосно посветете се на себе – пешачете или медитирајте најмалку половина час. Сите активности со кои мозокот се одмора ви помагаат да памтите подобро.rnrnИсто така, недостатокот на сон може да влијае на помнењето и на здравјето затоа што за време на спиењето, вашиот мозок ги организира информациите.rn

Сетете се на клучевите и имињата

rnАко често го заборавате името на личноста што сте ја запознале, кажете: „Мило ми е Марко, јас сум Ана“.rnПовторувајќи го името, го стимулирате мозокот да запомни. Исто така, ако не знаете каде ги оставивте клучевите откако ја заклучивте вратата, повторете „клучот е во предниот дел на чантата“ откако ќе ги ставите таму.rn

Пинови и родендени

rnАко често ги заборавате ПИН-кодовите и лозинките, имајте на ум дека мозокот не е „програмиран“ да памти такви податоци. Таквите информации остануваат во мозокот кратко време бидејќи се здодевни за него. Ако не се потрудите да ги запомните ПИН-кодовите и лозинките, мозокот нема да го стори тоа сам.rnrnНа таквите „здодевни“ информации треба да им додадете нешто важно што ќе ве натераат да се сетите. Ако роденденот на вашиот пријател е на 10 февруари, запомнете дека е четири дена пред Денот на вљубените.rnrnАко заборавите зошто влеговте во собата, визуализирајте што ви треба пред да влезете.rnrnАко наутро се сетите дека мора да купите млеко кога ќе се враќате дома, замислете дека пиете или го додавате во кафе. Изговорете „запомни“ – овој збор функционира подобро од „не заборавај“.rn

10-те работи што најчесто ги забораваме:

rn
- да одговориме на пропуштен повик
- да одговориме на е-пошта
- имиња на луѓе
- да честитаме роденден
- да го наполниме мобилниот телефон
- да ги навадиме цвеќињата
- да одговориме на пораката
- да го земеме клучот од станот
- да ги земеме испечатените листови
- годишнина од брак или врска
rn

Што друго помага за подобро помнење?

rn
- Редовно вежбање
- Храна како брокула, лосос и спанаќ
- Принципот на „правење на работите една по една“ – ако правите премногу работи одеднаш, тоа ѝ пречи на концентрацијата.
rnПрочитајте како никогаш повторно да не заборавите важни информации.
February 12, 2021
Оваа година влијае дури и на нашата меморија, но еве неколку начини како да си помогнете

Ако за време на карантинот тешко сте се сетиле да испратите некому мејл, да купите млеко или што друго треба да направите денес, па дури и претходната недела, вие не сте единствените. Сигурно се сеќавате на авантурите на почетокот на годината кога сè уште не бевме свесни која година не чека зад вратата. Иако се работи за анегдоти што можете да ги проверите со пријателите, Алцхајмеровото друштво во САД спроведе мини-студија која потврди дека сеќавањата на испитаниците и нивните најблиски се влошиле откако започнала изолацијата.rnrnrnrnСподелуваат дека дури и луѓето кои паметат одредени детали што се случиле пред 20 години, имаат проблеми со запомнување на работите во текот на овие месеци. Работата е во тоа што веќе немаме толку многу содржини во животот и споделуваме неколку бизарни анегдоти со помалку луѓе. Некој по грешка ви се јави и почна да зборува многу интимни работи? Дали запознавте нечија бивша со нов партнер? Всушност, ни недостасуваат сите тие мали разговори во канцеларијата, во училиштето или на забави после работа.rnrnАко не можеме да се дружиме толку многу и да разменуваме такви работи, може да не изненади што тие спомени не изгледаат кристално чисти во нашите умови. И кога ќе добиеме шанса да разговараме, едноставно имаме помалку да кажеме. Екскурзии, свадби, концерти се откажани, и покрај онлајн дружењето кое веројатно го имате со пријателите, се чини дека не вреди да се раскажуваат приказните што ги создавате сега (обично дома). И тогаш, сакале или не, ги заборавате. Покрај тоа, истражувањата покажуваат дека причината за заборавањето е непроменливата околина.rnrnАко одите на работа, дури и на истата рута секој ден (иако психолозите ве советуваат понекогаш да ја менувате рутата за да ги активирате мозочните клетки), гледате нови работи, нешто слатко може да ви се случи и вашето тело почнува да обрнува внимание и апсорбира нови информации. Но, кога работите од дома, седејќи на исто место, изолирани од некој надворешен фактор што може да ви помогне да прицврстите некоја емоција, ја губите таа стимулација. Затоа, вашите денови се спојуваат во едно, што долгорочно придонесува за замор и вознемиреност.rnrnЗа среќа, постојат неколку начини да ја активирате вашата меморија. Одење по нова улица, некоја нова креативна активност (обидете се, на пример, пресадување растенија или малку менување на изгледот на станот) и почести разговори со најблиските. Ако немате навика да зборувате, запишете ги своите мисли во дневник, барем една реченица за да ви го опише денот. Кога станува збор за обврските (било да е состанок следниот ден или купување леб и млеко од продавницата)создадете навика за пишување. Покрај тоа што имате список кој ќе ви го олесни денот, на хартија ќе ја имате и содржината на работите што ги правите секој ден и повеќе нема да чувствувате дека правите нешто – без оглед колку е малку. Оваа година е таква што најважното за нас е само да можеме да земеме длабок здив со затворени очи и да го исполниме денот колку што можеме.rnrnПрочитајте за овие 7 грешки во хидратацијата што најверојатно ги правите и вие.

December 3, 2020
„Заборавив“ е „најскапиот“ збор што ќе го изговорите пред вашиот шеф

„Заборавив“ е најскапиот збор кој може да му го кажете на шефот, според експертот за подобрување на меморијата Џими Квик. Според него е можно да се зголемат деловните вештини и целокупната продуктивност преку подобрување на способноста за паметење бидејќи тој верува дека потенцијалот на човечкиот ум е во основа неограничен, а клучот е во тоа да го „отклучите“. Потенцијалот може да се развие преку вежби.rnrnrnrnЗатоа, за да паметите подобро, советува Квик, треба да започнете со тренирање на мозокот за тој да започне да работи како мускул. Еве 4 главни препораки за тоа како тој да се зајакне.rn

1. Тренирајте го мозокот

rnАко не мислите дека вашиот мозок е мускул, веројатно мислите дека тој е чаша – и се чувствувате како тој да е преполнет со информации. Квик тоа го нарекува „дигитален потоп“. Нашите мозоци се стари околу 200 000 години и се целосно поплавени и пренасочени кон унапредување на технологијата.rnrnЗа да ги вклучите во борбата против тоа, во вашиот распоред вметнете 30-минутен „бел простор“ што во никој случај нема да биде поврзан со технологијата. Исклучете ги сите непотребни известувања и запомнете го телефонскиот број на едно лице со кое редовно разговарате. Дури и таа мала задача може да ги тренира вашите мемориски мускули за обработка и задржување на повеќе информации.rn

2. Храната за мозокот нека стане дел од вашата редовна исхрана

rnПродуктите што би требало да ги консумирате за да го подобрите здравјето на мозокот се авокадо, боровинки, брокула, лиснат зеленчук, ореви, кокосово масло, јајца, куркума, лосос, темно чоколадо и многу вода. Повторувањето на тој список на состојки е уште една вежба за тренинг на мозокот. Ако ви е тешко да ги запомните, користете ја техниката „VSI“: Визуелизирајте го местото (V) каде нешто се наоѓа. Создадете слика (S) што оди заедно со него. Спојте ги двете компоненти (I).rnrnАко сакате да запомните дека боровинките се добра храна за мозок, замислете ги како ви излегуваат од носот. Според Квик, ако нешто ве насмее, ќе се сетите на него, додавајќи дека детскиот и разигран ум може да ви биде од голема помош. Тој тврди дека не попусто децата се најдобрите ученици.rn

3. Ослободете се од проблемите со спиењето

rnАко можете да го истренирате вашиот мозок да се разбуди неколку моменти пред да се огласи вашиот утрински аларм, тогаш знајте дека мозокот е подготвен и за други активности додека спиете. Изберете проблем за вашиот мозок пред спиење и видете дали одговорот ќе ви се појави откако ќе се разбудите. Дел од активностите за подобрувањето на меморијата, истакнува Квик, е и присетувањето на тоа што сте сонувале.rn

4. Престанете со негативните разговори

rnХроничниот стрес буквално може да го направи вашиот мозок помал, покажува студијата од 2018 година на Американската академија за неврологија. Затоа, Квик ги препорачува методите за смирување, како што се медитацијата и длабокото прочистување на духот за да се ослободите од вознемиреноста. Тој, исто така, советува да ги „нагазите“ вашите „автоматски негативни мисли“. Тоа е фраза која ја смислил докторот Даниел Амен во раните 90-ти. Окружувајќи се себеси со „позитивна група врсници“, ќе си помогнете себеси во борбата со негативниот став.rnrnМожеби сакате да прочитате и 3-те ситуации во кои пријателите ги даваат најлошите животни совети.

March 5, 2020
Тајната на долговечноста e во дружењето! Откриваме што ги радува луѓето во зрели години!

Научниците откриле дека кај оние постари лица кои биле изолирани и осамени, способноста за меморирање опаѓа за една петина секоја втора година – или околу 18% на секои 2 години, а тоа нè потсетува на важноста да бидеме заедно.rnrnrnrnТим од лондонската Школа за економија и политички науки (LSE) ги проучувал податоците од повеќе од 11.000 Англичани на возраст од над 50 години и заклучил дека социјалната изолација не само што предизвикува губење на меморијата во староста, туку може да доведе и до деменција.rnrnОсаменоста обично се поврзува со оштетувањето на памтењето, но сега, истражувачите за првпат имале можност да идентификуваат некои модели. Испитаниците биле тестирани на годишно ниво од 2002 до 2008 година и тоа преку алатките за социјална интеракција и тестот за меморија.rnrnТие изјавиле дека на некој начин, нивните откритија се добра вест, бидејќи зголемувањето на социјалните контакти со постарите луѓе е начин да се спречи или барем да се забави процесот на губење на меморијата, повеќе од што било друго. И бидејќи нема лек за губењето на памтењето, многу е важно да се стори сè што е можно за да го им се олесни животот на постарите лица.rn

Вежбањето е, исто така, клучно за здравјето во староста

rnСамо една минута вежбање на ден има големо влијание врз здравјето на лицата над 65 години, според истражувањето на Универзитетот во Аберта, вежбањето на дневно ниво се покажало како доволно за подобрување на нивото на шеќер во крвта и општата подвижност.rnrnИспитаниците на возраст од 65 до 75 години биле замолени да возат велосипед што е можно побрзо за време од 6 секунди на статични велосипеди, а потоа имале барем 1 минута одмор и го повторувале процесот сè додека не вежбале вкупно 1 минута.rnrnТаквиот тренинг е познат како тренинг со интервал на спринт, а лицата кои вежбаат двапати на ден по една минута или повеќе може да имаат подобрување и на крвната слика и на мобилноста.rnrnМожеби сакате да дознаете и што го прави животот добар: Лекции од најдолгото истражување за среќата.

January 31, 2020
Истренирајте го мозокот да помни подобро само со една мала навика

Овој метод е стар 100 години, но сега е повторно актуелен и тоа со причина. Вреди да го пробате.rnrnrnrnПри процесот на стареење, една од неизбежните работи е губењето на способноста за помнење. Но, со помош на една формула развиена од германскиот психолог Херман Ебингос, кој бил експерт во експерименталното проучување на меморијата, стареењето може да биде само бројка.rnrnУниверзитетот од Ватерлу ја објаснува формулата. Станува збор за крива, која е највисока веднаш по, на пример, еден час предавање. Еден ден по предавањето, доколку не сте направиле ништо со материјалот, ќе изгубите околу 50-80% од меморијата. По седмиот ден, ќе се сеќавате на само 10%, а по триесеттиот ден информацијата целосно ќе ја нема (можеби ќе останат 2-3%). По ова, ќе треба да го слушате предавањето од почеток. Но, тука е интересниот дел: како да го научите мозокот да ја измени кривата?rnrnПо само 20 минути вежбање, ќе запомните сѐ што сте научиле. Ова е возможно со помош на просторни интервали за да го процесирате материјалот одново.rnrnФормулата на Ебингос вели да поминете 10 минути вежбајќи го материјалот што сте го научиле во последните 24 часа. Седум дена потоа, потрошете пет минути да го повторите истиот материјал и да ја вратите кривата повторно на 100%. Кога ќе стигнете до триесеттиот ден, вашиот мозок бара само две до четири минути за целосно да го повтори материјалот и повторно да ја крене кривата. Тоа значи, 20 минути потрошени за учење на специфични интервали ќе ви помогнат целосно да го запомните материјалот.rnrnУчењето може да биде многу полесно доколку го користите овој метод наместо да учите цела ноќ пред испит. Вложете 20 минути за и да го имате тоа знаење засекогаш.rnrnДоколку сакате да ја подобрите меморијата, активностите може да ви помогнат во тоа.

October 28, 2019
Зошто дел од вашите сеќавања можеби се лажни?

Постои голема шанса дека многу од вашите сеќавања, или делови од нив, се лажни. Искривувањето на меморијата е многу полесно и почесто отколку што мислите.rnrnrnrnЕлизабет Лофтус, психолог и експерт за нестабилноста на човечката меморија, го докажала ова преку години поминати во истражување и спроведување експерименти. Иако ова можеби изгледа како нешто лошо, постојат начини да се искористи за добра цел, како на пример во борбата против зависноста или дебелината.rnrnМногу луѓе сметаат дека нивните сеќавања ги дефинираат како личност. Ова им го отежнува прифаќањето на фактот дека некои од сеќавањата се лажни. Сепак, ова е психолошки феномен каде што личноста се сеќава на нешто што не се случило, или пак го помни поразлично. Елизабет го посветила нејзиниот живот за да го разбере овој феномен.rnrnЕден од првите експерименти на Елизабет бил во далечната 1974-та година. На испитаниците им биле покажани видео клипови од сообраќајни несреќни. Потоа им биле поставувани прашања за да се одреди што запомниле од видеата. Се открило дека помнењето на испитаниците зависело од начинот на којшто се формирани прашањата.rnrnНа пример, кога ги прашувале колку брзо се движеле автомобилите кога се „разбиле еден во друг“, наместо кога се „судриле еден во друг“, одговорот секогаш бил повисока бројка. Една недела подоцна ги прашале дали имало скршено стакло. Луѓето на кои бил употребен зборот „разбива“ одговориле со „Да“, иако немало скршено стакло на видеото.rnrnДури и ситните детали, како членување на зборот, правеле разлика. На пример луѓето биле прашувани дали виделе скршено светло или дали го виделе скршеното светло. Оние кои биле прашани со член, почесто се сеќавале на скршеното светло, иако тоа воопшто не постоело.rn

„Најголемата грешка на полицајците е што зборуваат премногу. Тие не чекаат сведокот да зборува. Понекогаш му даваат информации на сведокот што можат да го променат неговото сеќавање за тоа што се случило, кој го направил делото… Сето ова не е вина само на полицајците. Грешните информации се насекаде во реалниот свет. Сведоците разговараат едни со други, го вклучуваат телевизорот или го читаат весникот ако станува збор за познат настан. Ги слушаат сведочењата на другите сведоци. Сите овие ситуации нудат можност за нови информации или менување на сеќавањето. ДНК тестовите покажале дека има стотици и стотици луѓе кои биле обвинети, а биле сосема невини“, изјавила Елизабет.

rnВо друг нејзин експеримент од 1995-та година, Елизабет собрала 24 нејзини студенти и нивните најблиски членови од семејството. Секој член запишал 3 настани од детството на студентот. Потоа бил додаден и четврти лажен настан без никој да знае за тоа. Потоа студентите ги читале текстовите на нивното семејство.rnrnСекој од нив требало да каже дали се сеќава на 4-те опишани настани и колку е убеден дека настанот навистина му се случил. 7-мина од 24-те студенти се сеќавале на лажните настани, а неколку од нив си додале и нивни детали.rn

„Навистина беше возбудливо да се гледа како овие здрави, нормални луѓе го прифаќаат предлогот и ги прифаќаат лажните информации што им ги дававме“, изјавила Елизабет.

rnРазгледувајќи ги резултатите од нејзините истражувања, Елизабет се запрашала дали покрај тоа што може да всади сеќавање во нечиј ум, може и да влијае на туѓото однесување. Доколку ова е вистина, дали може да им помогне на луѓето користејќи лажни сеќавања.rnrnЦелта на следниот експеримент била да се убедат испитаниците дека навистина се разболеле како деца откако изеле одреден вид храна. Една недела подоцна испитаниците биле испрашувани за инцидентот. Многу од нив „се сетиле“ на настанот, и тоа во детали. Подоцна се открило дека ова лажно сеќавање всушност имало влијание на нивниот начин на исхрана.rnrnЗначи, лажните сеќавања можат да бидат навистина штетни, како на пример, да однесат некој невин во затвор. Но тие можат да бидат и навистина корисни, односно можете да убедите некого дека алкохолот му е одвратен, па на тој начин да му помогнете да се откаже од пиењето.rnrnНашите сеќавања се кршливи и подложни на промена во зависност од сè и секој околу нас. Истражувањата покажале дека кога им давате лажни информации на луѓето за некое искуство кое можеби го имале, можете да го измените или искривите нивното сеќавање.rnrnСте слушнале ли за овие неверојатни митови за меморијата?

December 6, 2018
Научниците за прв пат ја зголемиле човечката меморија со помош на мозочен имплант

Со сите научни истражувања за мозочните инпланти, прашање на време е кога овие направи ќе ги прошират нашите природни способности. Еден професор од Универзитетот во Јужна Калифорнија ја демонстрирал употребата на мозочен инплант за подобрување на човечката меморија.rnrnrnrnДонг Сонг е професор по биомедицинско инженерство и неодамна ги претставил своите откритија за „протеза за меморија“. Ова е прва направа што успешно ја подобрила човечката меморија.rnrnСо цел да ја тестира направата, Сонг имал помош од 20 волонтери на кои им биле вградени електроди за третирање епилепсија. Штом направата била вградена кај волонтерите, таа собирала податоци за нивната мозочна активност за време на тестови дизајнирани за стимулирање на краткотрајната и работната меморија. Истражувачите ја одредиле шемата поврзана со оптималниот перформанс на меморијата и ги користеле електродите за стимулирање на истата шема за понатамошните тестови.rnrnСпоред истражувањата, ова стимулација ја подобрила краткотрајната меморија за 15%, а работната за околу 25%. Кога мозокот бил стимулиран по случаен избор, перформансот се влошил. Како што изјавил Сонг:rn

„Го пишуваме невронскиот код за да ја подобриме функцијата на меморијата. Ова не е направено досега.“

rnИако подобрата меморија може да им биде корисна на студентите или на оние кои не можат да помнат имиња, оваа технологија ќе им го промени животот на луѓето кои страдаат од деменција или Алцхајмерова болест.rnrnБил Гејтс изјавил дека планира да инвестира речиси 100 милиони евра во истражувања за овие болести бидејќи тие се проблем кој само се влошува.rnrnВозраста е најголемиот ризичен фактор за Алцхајмеровата болест и мнозинството од заболените се над 65 години. Со напредокот на медицината и продолжувањето на нашиот животен век, овој сегмент од популацијата драстично се зголемува. Се очекува до 2030-та година, 20% од населението на САД да има над 65 години, со ова зголемувајќи го бројот на заболени.rnrnОвој пораст на потенцијални пациенти со деменција и Алцхајмерова болест влијае и финансиски и емоционално. Според Здружението за Алцхајмерова болест, колку посериозен е случајот со болеста, толку е почеста појавата на депресија кај луѓето кои се грижат за заболените и нивните семејства.rnrnСе разбира, потребни се уште тестирања пред направата на Сонг да биде одобрена како третман за деменција и Алцхајмерова болест. Но, ако оваа технологија им помогне на пациентите да им се врати и само дел од изгубеното сеќавање, влијанието ќе биде почувствувано не само од пациентите, туку и од нивните сакани, а ќе се намалат и трошоците за лекување.rnrnДодека чекаме направата да биде достапна и за нас, погледнете како да ја подобрите вашата меморија со оваа неверојатна техника.

July 24, 2018