КАФЕ ПАУЗА

Tag: занимливости

8 нешта во животот кои се поважни од наоѓањето сродна душа

Многу луѓе ги поминуваат своите животи фокусирани на идејата и желбата за вистинска љубов. Но љубовта не е единственото нешто кое значи во животот и секако не е единственото нешто за кое треба да се бориме. Погледнете ги следниве 8 нешта кои се многу поважни од вашата потрага по сродна душа.rnrnrn

1. Лојалност од пријателите и саканите

rnБезусловното прифаќање не се случува многу често. Да најдете некој кој ве прифаќа и во најлошото издание е едно од најубавите нешта кои може да ви се случат. Кога можете да сте сигурни дека таа личност ќе остане покрај вас и покрај сѐ, тогаш сте ја нашле совршената за вас.rn

2. Толеранција

rnПонекогаш дури не се ни обидуваме да разбереме што се случува со другите луѓе и низ што поминуваат тие. Ако знаете да сте толерантни со другите луѓе и нивните одлуки, иако не се согласувате со нив, тоа ќе ве направи подобра личност. Мора да сфатите дека вашиот начин на живот не е единствен и дека и другите луѓе се всушност само луѓе.rn

3. Трпение

rnЖивееме во егоцентричен свет. Во свет каде што нашите лични потреби се поважни од што било друго. Очекуваме дека веднаш ќе бидеме услужени, дека веднаш ќе ни бидат возвратени емоциите, дека многу брзо ќе успееме во сите наши замисли и кога нема да сме задоволни од ефектите, збеснуваме поради неправдите. Одложеното задоволство може да биде уште поубаво од тоа веднаш да го добите тоа што го сакате.rn

4. Желба за учење

rnЛуѓето ја развиле лошата навика да се откажуваат кога треба да учат. Вашето образование не значи дека завршило затоа што повеќе не сте студент или ученик. Да се биде паметен не е исто со тоа да имате многу познавања за животот и никогаш нема да зажалите што поседувате многу информации.rn

5. Висока самодоверба и верба во своите можности и одлуки

rnЕдно од најтешките нешта кои може да ги постигнеме како човечки суштества е да се стекнеме со самодоверба. Уште од најрана возраст како деца, почнуваме да се сомневаме во себе и тој сомнеж се провлекува низ тинејџерските години, па сè до зрелоста. Никој на светот не е совршен и штом сфатиме дека не постојат стандарди според кои треба да се водиме, тогаш ќе почнеме да веруваме во себе и своите способности.rn

6. Различни перспективи

rnНа почетокот сите почнуваме од иста позиција. Сите сме родени без предрасуди, без размислувања, без страв. Начинот на кој растеме, местата и луѓето кои нѐ опкружуваат, одредуваат какви ќе бидеме како возрасни. Лесно е да го гледаме светот само од наша перспектива и да не ни е грижа за тоа како другите гледаат на нештата. Константното разгледување на светот од различни перспективи ќе ни помогне да ги цениме разликите и да се поврземе на начин на кој сме биле поврзани на почетокот.rn

7. Радост

rnНајлесното нешто што можете да го направите е да се затворите во темно место и да се жалите себеси и вашите порази во животот. Тешко е повторно да застанете на нозе и да побарате радост во секојдневието. Можеби животот не се одвива како што сте испланирале, но доволно е што сѐ уште сте живи.rn

8. Слобода

rnМислиме дека другите нѐ ограничуваат, но вистината е дека најмногу се ограничуваме ние самите. Ние си кажуваме дека нешто е невозможно да се направи и кога го слушаме внатрешниот глас, ги пропуштаме можностите да се ослободиме од очекувањата. Слобода е кога го правиме она што го сакаме без да се грижиме. Патувајте кога и каде што сакате, живејте со кого и каде сакате, бидете она што сакате.

March 7, 2016
Како видовите дрога кои предизвикуваат најголема зависност влијаат на вашиот мозок?

Кои видови дрога предизвикуваат најголема зависност? Прашањето изгледа едноставно, но одговорот зависи од тоа кого прашувате. Од гледна точка на различни истражувачи, една дрога предизвикува зависност по однос на тоа колку штета може да предизвика, нејзината улична цена, степенот до кој го активира системот за допамин во мозокот, колку луѓето уживаат во неа и така натака. Но, постојат и други начини за мерење на зависноста од некоја дрога, а дури има и истражувачи кои тврдат дека ниедна од нив не создава зависност по правило. Погледнете ги различните начини на кои дел од најопасните видови дрога влијаат на вашиот мозок.rnrnrn

Хероин

rnХероинот е дрога од која се создава најголема зависност. Тој е опијат кој предизвикува нивото на допамин во мозокот да се зголеми и до 200% кај експерименталните животни. Во прилог на тоа што хероинот создава најголема зависност, тој е и многу опасен, бидејќи смртоносната доза е само за пет пати поголема од дозата која предизвикува најголемо уживање.rn

Алкохол

rnИако алкохолот е легален во скоро целиот свет, сепак некои истражувачи го рангираат на второ место од сите супстанци, според зависноста која ја создава. Алкохолот многу влијае на мозокот, а во лабораториските експерименти изведени над животни, тој го зголемува нивото на допамин за 40-360% и колку повеќе алкохол се консумирало, толку повеќе се зголемувало и нивото на допамин. Околу 22% од луѓето кои пијат алкохол, во одреден дел од животот создаваат зависност.rn

Кокаин

rnКокаинот директно интерферира со потребата на мозокот од допамин за пренесување пораки од еден до друг неврон. Во суштина, кокаинот не им дозволува на невроните да го сопрат сигналот на допаминот, што резултира со абнормална активација на мозокот. Во експериментите изведени врз животни, кокаинот го подигнал нивото на допамин три пати над нормалните вредности. Оној вид кокаин кој се пуши е рангиран на третото место според зависноста која ја создава, додека кокаинот во прав е на петтото. Околу 21% од луѓето кои пробале кокаин, ќе станат зависни во одреден момент од животот.rn

Барбитурати (седативи)

rnБарбитуратите, исто така познати и како сини куршуми, горила или розови дами, се класа дроги кои првично биле користени за лекување анксиозност и како стимуланси за спиење. Тие интерферираат со хемиските сигнали во мозокот, при што предизвикуваат ефект на исклучување на одредени региони. При мали дози, барбитуратите предизвикуваат еуфорија, но поголемите дози можат да бидат смртоносни бидејќи го потиснуваат дишењето. Зависноста од оваа дрога била вообичаена кога таа била достапна во сите аптеки, но сега е надмината од горенаведените супстанци. Ова ја потенцира улогата која ја има општеството во однос на зависноста. Ако некоја дрога која предизвикува зависност не е достапна и распространета, не може да предизвика голема штета.rn

Никотин

rnНикотинот е главната состојка која предизвикува зависност од цигарите. Кога некој пуши цигара, никотинот брзо се апсорбира во белите дробови и се пренесува во мозокот. Половината од луѓето кои пробале цигара, набрзо станале страствени пушачи. Лабораториските животни имаат добро чувство кога е во прашање тутунот, па не пушат. Но стаорците во лабораториите го притискаат копчето преку кое директно во крвотокот им се вбризнува никотин и ова предизвикува пораст на нивото на допамин за 25-40%.

March 4, 2016
17 знаци дека сте старци сокриени во телото на млади луѓе

Вашето друштво договара луда забава во домашна атмосфера, а вие гласно размислувате кои филмови би сакале да ги гледате легнати на каучот. Веќе сте изморени од излегувањето секој викенд, местата ви изгледаат еднолични, муабетите непотребни, а парите скапи. Повеќе не ве интересираат социјалните мрежи и смешните фотографии од мачки. Тогаш вие сте стар човек, заробен во младо тело, кој само чека да поминат годините за да го покаже своето вистинско лице.rnrnrnrn1. Дома седите со ќебе преку вашите нозе. (Бонус е ако самите сте си го исплеле)rnrn2. Кога сите се шегувале за електричното ќебе од телевизиските реклами, вие сериозно сте размислувале како да го нарачате што побрзо.rnrn3. Вашиот омилен дел од ноќта е кога конечно се враќате дома и легнувате.rnrn4. Не ви е пријатно повеќе да го користите тинејџерскиот жаргон иако имате нешто ситно над 20 години.rnrn5. Секогаш се грижите дали сите во друштвото понеле јакна.rnrn6. И внимавате сите на масата да имаат пијалак, како и чаша вода, бидејќи кога пиете алкохол најважен е балансот.rnrn7. Заспивате додека гледате филмови.rnrn8. Заспивате додека гледате филмови во 7 часот попладне.rnrn9. Веќе сте професионален дремач.rnrn10. Не ви е чудно да им кажете на луѓето дека ќе легнете да се одморите. А не сте уморни затоа што сте трчале маратон, туку само затоа што сте биле до продавница и тоа ве истоштило.rnrn11. Поседувате едно чудо тренерки за по дома.rnrn12. Не се срамите до продавница да отидете по папучи.rnrn13. Всушност папучите и тренерките се ваш заштитен изглед.rnrn14. Заостанувате со технологијата и не можете да ги следите сите нови апликации. Што е тоа Твитер? Дали луѓето сѐ уште користат Фејсбук?rnrn15. Сами си имате одредено време за легнување. И станувате анксиозни доколку навечер сте излезени до доцна.rnrn16. Групата адолесценти ја нарекувате „младина“. И се прашувате зошто толку викаат кога поминуваат под вашиот прозорец.rnrn17. Всушност, вашата најголема желба е само да седите во удобната фотелја, со мало милениче во скутот. Што повеќе би можеле да посакате?

March 4, 2016
Психотест: Одберете еден лист и откријте како овој избор ја опишува вашата личност

За подобро да се разберат, луѓето смислиле многу тестови кои им помагаат во оваа цел. Еден од нив е и овој тест на личноста. На сликата има шест различни типови лисја. Потребно е добро да ги погледнете и да го одберете оној кој најмногу ви се допаѓа, а потоа прочитајте што говори вашиот избор за вас.rnrnrn

1. Искрени и емпатични

rnИскреноста ви е најважна особина која сметате дека треба да ја поседува секој човек и од тие причини секогаш сте доследни на себе, автентични, природни и спонтани. Емпатични сте кон другите луѓе и се водите од поговорката: Не правете го она кое не сакате да ви го прават вас. Важно е да верувате во луѓето, но исто така е важно и да научите кому можете да верувате.rn

2. Мирни и внимателни

rnВие сте мирни, љубопитни и мирољубиви личности. Сакате мир и хармонија во вашиот живот и затоа избегнувате расправии, а во случај на конфликт секогаш сте во улога на посредник. Поминувате многу време размислувајќи за иднината и поради тоа вашиот најголем предизвик е да научите да верувате.rn

3. Дарежливи и посветени

rnВие сте благородни личности, секогаш подготвени да им помогнат на другите без да бараат нешто за возврат. Сè што давате од срце, ќе ви се врати на различни начини. Останете истрајни во вашата добрина и ќе видите дека вашиот живот ќе напредува и со секој нареден ден ќе бидете посреќни.rn

4. Строги и методични

rnИнтелигентни, рационални и вредни личности. Не сакате импровизации и од тие причини секогаш го давате максимумот и се обидувате да ги следите правилата. Мора да ги намалите преголемите очекувања од животот и константно да трагате по совршенството. Вие сте природни таленти, секогаш работите најдобро што можете, но не треба да дозволите опсесијата со совршенството да ве спречи да уживате во тоа што го имате денес.rn

5. Брзи и одлучни

rnДобро знаете што сакате да постигнете во животот и што ви е потребно за да успеете. Кога нешто ќе замислите, на тоа работите константно и без одмор, со љубов, желба и посветеност, сè додека не ја остварите целта. Преголемата зависност од успех може да ве направи малку нечувствителни. Вашиот предизвик е токму во тоа. Сетете се дека сите сме учители и ученици во исто време. Ниедна средба не е случајна и од секого може да се научи нешто.rn

6. Екстровертни и импулсивни

rnВие сте весели личности, кои знаат да прифатат големи ризици и секогаш сте подготвени за нови авантури. Патувања, нова работа, нови искуства. Одлично се вклопувате во многу приказни и активности, иако тие не се меѓусебно поврзани. Живеете интензивен живот, но затоа имате и многу обврски. Вашиот предизвик е подобро да управувате со времето и енергијата. Важно е да одредите приоритети и да го организирате вашето време за да не оставате недовршени работи.

March 4, 2016
7 начини на кои вашиот живот ќе се подобри откако ќе најдете работа

Влегувањето во канцеларијата на првиот работен ден може да биде навистина застрашувачки. Не знаете каде да одите. Не знаете што треба да правите. За која работна позиција сте примени? Колку време ќе им треба за да разберат дека погрешиле? Потоа седнувате на бирото. Имате долг разговор со шефот и ги добивате потребните материјали за работа. И потоа си мислите во себе „Не е толку страшно“. Веднаш се фаќате со работа и всушност одлични сте во тоа што го правите. А ова е само почеток.rnrnrnrnПрочитајте ги следниве 7 начини на кои вашиот живот ќе се подобри откако ќе почнете да работите:rn

1. Плата

rnАко досега не сте направиле свадба или сѐ уште немате родено дете, денот кога ќе ја земете првата плата е најдобриот ден во животот. Прекрасно е чувството кога ќе видите дека на вашата сметка има одредена сума пари кои се ваша заслуга, а не заслуга на среќата. И никој не може да ви ги одземе.rn

2. Уште малку и ќе можете да живеете самостојно

rnШтом најдете стабилна работа, осамостојувањето станува реална цел во животот. Без разлика дали ова значи иселување од вашиот дом или иселување од станот кој сте го делеле со тројца цимери и почнувањето на нов живот во еднособен стан од вашите соништа, конечно ќе го почувствувате вкусот на слободата.rn

3. Конечно чувствувате дека сте важен дел од општеството

rnКога сте вработени имате цел (и причина да станете од кревет пред пладне). Секојдневно имате листа на задачи и креирате рутина. Вие официјално сте дел од работниот свет, а оттука и придонесувате за развој на општеството.rn

4. Во животот има и поважни нешта од бркањето висок просек

rnПовеќето од нас поминуваат 17 години во образовниот процес, од прво одделение, па до конечното дипломирање. Тоа се 17 години поминати во бркање совршени оценки. Оваа монотонија може да биде исцрпувачка. Но, вашата прва работа значи дека секојдневно ќе се соочувате со нови предизвици. Сѐ уште ќе бидете предмет на испитување, но сега ќе имате различни цели како плата и унапредување, а оценките ќе ги оставите во минатото.rn

5. Со сигурност ќе најдете барем еден најдобар пријател

rnВашата работа ви ги обезбедува сите потребни предуслови за пријателство. Заеднички интереси, поминување долго време заедно, заеднички поплаки кон шефот. Со сите овие сличности, ќе најдете пријател за целиот живот.rn

6. Бесплатна храна во канцеларијата

rnКаква храна сакаат сите? Бесплатна. Ова е тешко да се замисли пред да се вработите, но кога ќе најдете работа невозможно е да останете гладни бидејќи работните канцеларии се преполни со бесплатна храна. Има многу предности кои ги стекнувате кога конечно ќе се вработите, но ништо не може да се мери со бесплатната храна, па дури ни платата.rn

7. Конечно може реално да размислувате за нова кола

rnОткако ќе заштедите дел од платата, може сами да одлучите како ќе ја потрошите заштедата. Најчесто сите се одлучуваат да штедат за кола, практично решение кое ќе го олесни вашето движење наоколу. Долго време го користите јавниот превоз или ја возите старата кола на вашите родители. Време е да се подновите, а тоа што имате стабилна работа значи дека може сериозно да размислувате за нова кола.

March 4, 2016
Моќни цитати кои ќе ве инспирираат кога се чувствувате поразени

Овие цитати од инспиративни и успешни луѓе ќе ви покажат дека ништо не е загубено после првиот пораз. Секогаш има простор и време да се исправите и да продолжите со борбата до конечната победа во животот. Ако крајот не е среќен, тогаш не е крај. Но, секогаш зависи само од вас.rnrnrn

„Без разлика што ќе се соочите со многу порази, никогаш не треба да бидете поразени.“ – Маја Анџелоу

rn

„Никој не може да ве извлече од лошото. Ако не се спасите самите, никој нема да ве спаси.“ – Алис Себолд

rn

„Никогаш не застанувајте затоа што се чувствувате поразени. Патувањето до другата страна е достижно само откако ќе искусите големи страдања.“ – Сантош Калвар

rn

„Многу луѓе се плашат да кажат што сакаат. Токму поради тоа не го добиваат тоа што го сакаат.“ – Мадона

rn

„Претворете ги раните во мудрост.“ – Опра Винфри

rn

„Очекувајте ја тагата, како што го очекувате дождот. И двете ќе ве исчистат.“ – Најира Вахид

rn

„Никогаш не мислев дека ќе изгубам, но сега откако се случи тоа, единственото нешто што можам да го направам е достоинствено да го прифатам поразот. Тоа е мојата обврска кон луѓето кои веруваат во мене. Сите мора да се соочиме со поразите во животот.“ – Мухамед Али

rn

„Не гледајте во часовникот, туку правете го тоа што го прави тој. Не застанувајте.“ – Сем Левинсон

rn

„Не постои ноќ или проблем кои се посилни од изгрејсонцето и надежта.“ – Бернард Вилијамс

rn

„Секој пораз, секое чукање на срцето, секоја загуба, содржат свое сопствено семе, единствена лекција за тоа како да станете подобри.“ – Малколм Икс

rn

„Ние не сме тоа што другите луѓе го мислат за нас. Ние сме тие кои се познаваме себеси и ние сме тоа што го сакаме.“ – Лаверн Кокс

rn

„За храбрите духови никогаш нема пораз.“ – Волис Симпсон

rn

„Најдов надеж во најтемните денови и фокус во најсветлите. Јас не го судам универзумот.“ – Далај Лама

rn

„Искреноста кон мојата болка е тоа што ме прави непобедлива.“ – Најира Вахид

rn

„Ако чекорите низ пеколот, не застанувајте.“ – Винстон Черчил

rn

„Невозможно е да живеете без да имате неуспех во нешто, освен ако не живеете толку внимателно што значи дека воопшто не сте ни живееле, а во тој случај секако сте изгубиле.“ – Џ. К. Ролинг

rn

„Немојте да се компромитирате самите себеси. Вие сте сѐ што имате.“ – Џенис Џоплин

rn

„Неизбежно е да бидете предизвикани во животот, но вие избирате дали ќе бидете поразени.“ – Роџер Крафорд

rn

„Тажен бев бидејќи немав чевли, се додека на улица не сретнав човек кој немаше стапала.“ – Денис Вајтли

rn

„Ако го правите она што секогаш сте го правеле, ќе го добиете тоа што секогаш сте го добивале.“ – Тони Робинс

rn

„Ако имате сон, треба да го зачувате. Кога луѓето не можат да направат нешто, сакаат да велат дека и вие не можете. Ако сакате нешто, борете се за него. Точка.“ – „Потрага по среќа“

rn

„Различните се тие кои добиле шанса во животот и тие кои имаат сила да ја зграпчат таа шанса.“ – Малколм Гладвел

rn

„За точно една година ќе жалите што не сте почнале токму денес.“ – Карен Ламб

rn

„Човекот може да биде уништен, но не и поразен.“ – Ернест Хемингвеј

rn

„Животот се собира или се шири во зависност од храброста на човекот.“ – Анаис Нин

rn

„Ако не сакате да бидете килимче пред вратата, станете од подот.“ – Ал Анон

rn

„Запомнете, ниту еден човек не е поразен доколку во него сѐ уште има храброст.“ – Брус Ли

rn

„Со сигурност знам дека стануваме она за кое сонуваме.“ – Опра Винфри

March 3, 2016
11 нешта кои постојано ги носите со вас, без да сфатите дека токму тие ве влечат надолу

Кога станува збор за емоционалното празнење, често не разбираме дека мислите и чувствата кои нѐ кочат во животот, се всушност вкоренети во нештата кои сакаме да ги имаме и луѓето кои некогаш сме сакале да бидеме. Кога ја чистите куќата, погрижете се да ги исчистите и главата и срцето.rnrnrn

1. Градот во кој сте сонувале да живеете

rnКако што старееме сфаќаме дека сонот за живот во голем град е празен сон. Освен кога станува збор за понуда на работни места, малите градови се попогодни за социјален живот и финансиска независност.rn

2. Идеалната работа која сѐ уште ја барате

rnРаботата си е работа, без разлика дали ви се допаѓа или не. Вие одлучувате која ќе биде вашата работа од соништата. Ако не ви се допаѓа тоа што го работите сега, големи се шансите истото да се случи и со идното работно место.rn

3. Нередот кој не сте го исчистиле само затоа што сте мрзливи

rnХартиите треба да се фрлат, а старата облека и нередот во плакарот мора да бидат средени. Овие нешта значат многу и имаат силно влијание врз вашиот живот. Многу повеќе отколку што мислите.rn

4. Личноста која мислите дека другите луѓе сакаат да ја видат во вас

rnНедоследноста ги прави луѓето да се чувствуваат непријатно, па затоа имаме потреба да се менуваме. Но, ризикот од откажувањето од удобната зона може да донесе награда која е поважна од сѐ останато: Да станете тоа што навистина сте.rn

5. Идејата дека животот сѐ уште ви е во пробна фаза

rnКога сме на училиште, на некој начин нè учат дека сѐ е само подготовка за иднината.rn

6. Долгот во кој влеговте за да станете нешто кое никогаш не сте биле

rnПостои разлика помеѓу мудра инвестиција, како вложување во вашето образование, и банкарски кредит кој само ќе ги задоволи вашите површни желби.rn

7. Пријателите кои ги чувате само затоа што се блиску до вас

rnПоминувањето време со луѓе кои не ви се допаѓаат може да изгледа безопасно, но оваа навика може да ве исцрпи на начин за кој воопшто не сте ни свесни дека постои.rn

8. Стравот од непријатности

rnАко го поминете животот во избегнување на непријатностите, тогаш всушност го избегнувате напредокот во животот.rn

9. Комплексот од недостаток на внимание

rnНикој не гледа на вас, како што вие се гледате самите себеси. Всушност, никој не ве доживува на ист начин. Вие не сте славна личност и држењето до оваа идеја само ви ја искривува перцепцијата за реалноста.rn

10. Љубовта која сѐ уште ја чекате

rnБез разлика дали се работи за таа која ве напуштила, љубовта која пријателите мислат дека ви треба или популарноста која сѐ уште се обидувате да ја постигнете… Љубовта што ја чекате е само проекција на онаа која ја губите чекајќи ја.rn

11. Идејата дека успехот е крајната цел

rnАко ваш приоритет е да бидете богати и славни, тогаш попатно ќе треба да жртвувате многу работи како врските и светоста на вашиот мозок.

March 2, 2016
30 прекрасни моменти од животот кои никогаш нема да ги заборавите

Станува збор за оние слатки, мали, невидливи моменти од секојдневието, а истовремено толку силни што никогаш нема да ги заборавите. Моменти на кои ќе се присетите после многу години, ќе се насмевнете и ќе кажете „Мојот живот навистина беше едно прекрасно патување со безброј убави, попатни станици“.rnrnrnrn1. Моментот кога сте се соочиле со некој страв и сфаќате дека нема подобро чувство од тоа да го правите она од кое најмногу сте се плашеле.rnrn2. Моментот кога одлично сте поминале на тежок тест и тоа убаво чувство кога знаете дека може да постигнете сѐ што ќе замислите.rnrn3. Моментот кога сте почнале да возите без придружба и целиот пат сте ја слушале омилената музика.rnrn4. Моментот кога ја зедовте првата плата и како верувавте дека тешката работа навистина се исплати.rnrn5. Моментот кога запознавте нов пријател, знаејќи дека ќе останете блиски засекогаш.rnrn6. Моментот кога вашата симпатија ви кажала дека ве сака и како не сте можеле да престанете да се смеете.rnrn7. Моментот кога слетувате во омилената земја.rnrn8. Моментот кога ја спуштате главата на перница после продуктивниот ден на работа и како тоа ве довело еден чекор поблиску до целта.rnrn9. Моментот кога вашиот омилен тим го освојува првенството и еуфоријата што следи.rnrn10. Моментот кога го држите бебето на некој драг човек и како станувате невини и блажени во тој момент.rnrn11. Моментот кога заземате цврст став откако сте биле тивки и трпеливи долго време.rnrn12. Моментот кога го добивате тоа за кое сте се молеле и сфаќате дека светот не е толку лош и после сѐ.rnrn13. Моментот кога сфаќате колку ве сакаат луѓето околу вас.rnrn14. Моментот кога вашето милениче ве пречекува секој ден кога се враќате дома.rnrn15. Моментот откако сте имале специјален разговор со вашите партнери и веднаш сте почувствувале дека сте се зближиле уште повеќе.rnrn16. Моментот кога сте успеале да насмеете некого кој имал ужасен ден.rnrn17. Моментот кога се откажувате од некој или нешто што ве држело заробени и слободата која доаѓа со тоа.rnrn18. Моментот кога сте го направиле вашето семејство среќно, без разлика дали затоа што сте биле добри студенти, добра личност или едноставно само затоа што сте тука кога најмногу им требате.rnrn19. Моментот кога вашите пријатели ќе направат нешто слатко за вас и ќе ве потсетат колку навистина ве сакаат.rnrn20. Моментот кога успешно ќе завршите мисија: губење тежина, фокус на работата, оптимизам и слично.rnrn21. Моментот кога ќе завршите добра книга и инспирацијата која ја наоѓате во тие зборови.rnrn22. Моментот кога докажувате нешто пред некој што погрешно се сомневал и самодовербата која ја добивате од тоа.rnrn23. Моментот кога конечно сте успеале да направите некоја тешка јога поза.rnrn24. Моментот кога ќе одлучите да бидете пољубезни кон себе и ќе почнете полека да се сакате себеси, со сите свои маани.rnrn25. Моментот кога добивате благодарност поради некое добро дело.rnrn26. Моментот кога ја пуштаат вашата омилена песна на радио.rnrn27. Моментот кога неочекувано налетувате на некој стар колега или соработник.rnrn28. Моментот кога после долго време одите на плажа и спокојот кој го чувствувате од звукот на брановите и убавината на небото.rnrn29. Моментот кога конечно сфаќате зошто ви се случило нешто и конечно ја решавате загатката.rnrn30. Моментот на тишина кога вистински уживате во вашето сопствено присуство и сте благодарни за дарот на животот.

March 2, 2016
Безвременски еврејски поговорки кои ни пренесуваат моќни пораки

Секој народ низ историјата остава поговорки по кои ќе биде запаметен и препознатлив. Таков е случајот и со Евреите, чии поговорките со векови наназад се прераскажуваат, цитираат и од колено на колено се пренесуваат на следните генерации. Овие моќни мисли се чуваат како национално богатство и како драгоцени бисери, токму поради мудростите кои ги кријат во себе.rnrnrn

„Тој што нема да го научи своето дете од потта на лицето да заработува за леб, тој одгледува крадец.“

rn

„Тоа што е супата за телото, насмевката е за душата.“

rn

„Од успехот до неуспехот нѐ дели само еден чекор. Од неуспехот до успехот нѐ дели долг пат.“

rn

„Љубовта која се одржува со подароци е секогаш гладна.“

rn

„Ако не бидам подобар, ќе бидам полош.“

rn

„Одговорноста е секогаш на човекот: без разлика дали го направил делото свесно или несвесно, без разлика дали бил буден или спиел.“

rn

„Научете да молчите, за да знаете да зборувате.“

rn

„Тоа што кај паметниот се постигнува со разум, кај будалиот се постигнува со ќотек.“

rn

„Позајмено, во бунар фрлено.“

rn

„Онаму каде што Ѓаволот не може сам, тој таму го испраќа виното.“

rn

„Честа е како млекото. Се валка и од најмалите ситници.“

rn

„Ако носите горчина во срцето, шеќерот во устата нема да ви помогне.“

rn

„Бог нека ве чува од лошите жени, а од добрите чувајте се самите.“

rn

„Да даде Бог да бидете здрави, богати и непознати.“

rn

„Кога изгледа дека нема излез од некоја ситуација, има барем четири.“

rn

„Мудриот човек слуша еден збор, а разбира два.“

rn

„Најсигурен е животот со вистината.“

rn

„Ако сакате да заборавите на работните проблеми, облечете два броја помали чевли.“

March 2, 2016
Мали моменти на случајна интимност кои можете да ги доживеете само со непознати личности

Сигурно секој од вас, барем неколкупати во животот, се нашол во ситуација кога почувствувал необјаснива блискост со непознат човек, поради одредена интересна случка во која сте се нашле заедно. Колку и да звучи чудно и несвојствено за ова сурово модерно време, секој човек има исклучителна потреба од насмевка или убав комплимент на негова сметка, за да се почувствува сигурно и вредно. Малите добри дела, смешните секојдневни ситуации или заедничките интереси ни покажуваат дека сите луѓе на светот можат да живеат во мир и хармонија, без разлика на нивното потекло и статус во општеството.rnrnrnrnПогледнете ги следниве интересни ситуација во кои можете да се почувствувате исклучително блиски со сосема непозната личност:rnrn1. Кога личноста на која ѝ се воодушевувате од безбедна далечина, со еден брз поглед забележува дека зјапате во неа, но се чини дека тоа воопшто не ѝ пречи, па продолжувате да гледате.rnrn2. Кога некој ќе ве види како се сопнувате на тротоарот и ќе се поднасмее откако ќе види дека сè е во ред со вас, па и вие почнувате да се смеете, бидејќи колку и да е непријатно, истовремено толку е и смешно.rnrn3. Кога се ракувате со некој, откако краткиот разговор само го зацврстува вашето уверување дека подоцна двајцата ќе барате дополнителни информации за другиот на Интернет.rnrn4. Кога некој случајно ќе ве допре и таа една секунда физички контакт води до чувство кое можеби не е сексуално, но дефинитивно е пријатно.rnrn5. Кога некој задоволно ќе ги крене палците или кима со главата, од другата страна на собата, во знак на согласност за некоја ваша остроумна досетка, а вие возвраќате со насмевка, пренесувајќи порака дека ви го разубавил/а денот.rnrn6. Кога разговорот со некој кој случајно седи до вас се покажува како многу покорисен отколку што очекувавте кога сте се согласиле да се вклучите во конверзацијата.rnrn7. Кога шанкерот или келнерот на поминување ќе ви даде убав комплимент на ваша сметка, без особена причина, а вие радосно велите „благодарам“, затоа што тој комплимент навистина направил да се чувствувате подобро со себе.rnrn8. Кога гледате заводливо во некого, а тој или таа го забележуваат тоа и ви намигнуваат во знак на благодарност, наместо да се преправаат дека не забележале или да глумат навредени.rnrn9. Кога некој ја придржува вратата за да помине друг, а вториот ја искажува својата искрена благодарност бидејќи ја разбира и цени важноста на малите добри дела.rnrn10. Кога на час или во канцеларија истовремено кажувате нешто со некој кого едвај го познавате, а потоа заедно се кикотите поради апсурдноста на вашите синхронизирани мисли.rnrn11. Кога симултано воздивнувате со друг човек, во комплетна хармонија, како да сте ги координирале потсвесните мисли.rnrn12. Кога ќе се препознаете во некого кон кого веќе сте пристапиле, а тој или таа великодушно и со насмевка ве уверуваат дека сѐ е во ред и дека им се случило и претходно.rnrn13. Кога сте еден од двајцата луѓе во публиката кои почнале гласно да се смеат, поради тоа што делите иста смисла за хумор.rnrn14. Кога набљудувате некого во преполниот автобус или воз, и тоа ви предизвикува чувство дека без посебна причина го разбирате неговиот или нејзиниот живот и уживате во тоа.rnrn15. Кога одите по улицата и потпевнувате или танцувате, а потоа сфаќате дека всушност не сте сами, а другата личност се насмевнува великодушно во знак на благодарност за импровизираното шоу.rnrn16. Кога не можете да престанете да зјапате во неодоливото куче, а потоа се насмевнувате на неговиот сопственик, кој очигледно е задоволен што и вие сметате дека има најслатко куче на светот.rnrn17. Кога сите во чекалната почнувате да ги нишате главите во неверување откако сестрата објаснува дека докторот ќе доцни, па наоѓате утеха во тоа што заедно ги доживувате фрустрациите на секојдневието.rnrn18. Кога кимате со главата во знак на одобрување велосипедист, пешак или купувач кога ќе се разминете, бидејќи истовремено извршувате иста активност, а тоа е доволно да се почувствувате помалку осамено во суровиот свет.

February 29, 2016