КАФЕ ПАУЗА

Tag: вежби

Што да преземете за да се ослободите од стресот?
Дали секојдневно имате впечаток како да имате многу обврски кои треба да ги завршите, а премалку време за нив? Ви се чини како да сте на работ да експлодирате? Ако одговорот е да, вие сте под стрес и време е да научите како да се изборите со него.rnrnrnrnСтресот претставува природна одбранбена реакција на нашиот организам на настанатите промени. Го предизвикуваат ситуации во кои се чувствуваме загрозено, поради што одредени физиолошки реакции на нашето тело се подготвуваат за борба или за бегство од таквата ситуација.rnrnПрви знаци на стрес се: хроничен умор, исцрпеност, лоша физичка состојба, циничност, негативност, иритираност, гнев, чувство на опседнатост, премногу возбудување без причина, чести главоболки и нарушен апетит, нагло губење или покачување тежина, несоница, депресија, тешкотија околу дишењето, останување без здив, тресење на рацете, чувство на беспомошност, неосновано сомневање…rn

Како да си помогнете?

rn
- Занимавајте се со спорт. Ќе се чувствувате и физички и психички подобро и полесно ќе се носите со стресот.
rn
- Правете работи кои ве радуваат и исполнуваат барем 3 пати неделно.
rn
- Најмалку еднаш дневно одвојте време само за себе.
rn
- Размислувајте позитивно. Верувајте во себе и во своите способности.
rnrn

Ослободете се од стресот со масажа на ушните школки

rnУвото е многу осетливо, а допирањето и масажата на одредени точки може убаво да ве релаксира.rnrnrnrn1. Легнете на грб, ставете ги дланките на уши, затворете ги очите и пет пати длабоко вдишете и издишете. Потоа, внатрешноста на ушните школки нежно масирајте ја со показалецот околу 2 минути, правејќи кружни движења од внатрешниот спрема надворешниот дел на увото. На крајот, забрзајте ги движењата и вежбите повторете ги 5 пати. Секој пат пред вежбата, длабоко вдишете и издишете, како на почетокот.rnrn2. Фатете го горниот дел на увото со палецот и показалецот, така што показалецот да биде во внатрешниот, а палецот на надворешниот дел на увото. На тој начин, масирајте ги целите уши, од врвот до ресите. На крај, ресите три пати нежно повлечете ги нагоре-надолу. Третманот комплетирајте го така што ќе се масирате зад ушите. Показалецот ставете го зад горниот дел на увото и нежно притискајте со прстите движејќи се надолу. Ова повторете го 3 пати.rnrnСтручњаците советуваат да се фокусирате на одредени точки на ушите, во зависност од тоа какви тегоби имате.rn
- Притискањето на горниот дел на ушите ја поттикнува циркулацијата на нозете, ја ублажува реумата и позитивно делува на стапалата и вкочанетите зглобови.
rn
- Масирањето на средишниот дел на ушите, ги смалува тегобите во органите за варење, спречува запек, ја подобрува функцијата на желудникот, црниот дроб, панкреасот, дебелото и тенкото црево. Оваа точка исто така го смирува и нервниот систем.
rn
- Масирањето на ушните реси ослободува од болки и напнатост во главата, вратот и рамениците, помага подобро да се сконцентрирате и да се изборите со мигрената.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 18, 2012
Пет причини зошто да вежбате со хулахоп

Омилената детска играчка од педесеттите години на минатиот век, хулахопот, денеска сè повеќе се користи како дел од опремата за вежбање на секој возрасен човек. Иако на прв поглед делува како детска игра, вежбањето со хулахоп е физичка активност која носи многу здравствени придобивки, а погодно е за сите возрасти. Со вежбањето со хулахоп се активираат 30 мускули, се подобрува рамнотежата, подвижноста и флексибилноста. Ова се петте главни придобивки од вртењето хулахоп.rnrnrn

Согорување калории

rnПола час вежбање со хулахоп има ист ефект како 30-минутно трчање. Оваа активност е идеална за слабеење, бидејќи калориите се топат исто како во степ-аеробик, кик-бокс или на лента за трчање.rn

Обликување на телото

rnХулахопот ги зајакнува мускулите и ги обликува бутовите, задникот, стомакот, бедрата, нозете и колената, а дополнително обрачот можете да го вртите и околу рамената за да го вежбате торзото, рацете и вратот.rn

Подобрување на флексибилноста

rnОваа активност бара движење и извртување на ‘рбетниот столб со што се зголемува неговата флексибилност и помага во превенцијата од повреди на грбот. Сепак, за луѓето кои имаат проблеми со грбот се препорачува прво да се посоветуваат со лекар за овие типови вежби.rn

Го подобрува расположението

rnОсвен што е здрава, оваа физичка активност не здосадува и ќе немате проблем редовно да ја практикувате, бидејќи исто како и танцувањето и таа го подобрува расположението.rn

Колку е потежок обрачот толку повеќе здравствени придобивки

rnИако обичниот хулахоп носи многу здравствени придобивки, многу побрзо ќе видите резултати доколку користите тежок обрач. Вртењето на потежок обрач носи исти резултати како и дигањето тегови. Потешкиот хулахоп е полесен за вртење и со него ќе можете да вежбате подолго време и со тоа да ги зајакнувате мускулите.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 17, 2012
Како најдобро да го искористите слободното време во лето?

Доколку ова лето сте решиле да не работите, времето мора да го искористите правилно за да не ви пројде залудно. Постојат многу начини за тоа како најефикасно да го искористите времето додека сте невработени, а особено во лето. Правилно искористете го слободното време во ваша полза.rnrnrnrnПосветете се самите на себе – Одвојте време само за себе, времето кое уживате да го поминувате во безделничење не е залудно потрошено време. Но, гледајте да имате некаква цел и причина. На пример, средете си ја собата, направете си по некој домашен третман, вежбајте дома и останете активни.rnrnСамите поставете си задача – Не сте вработени, а во овој период немате ни обврски за на факултет или училиште, но затоа самите поставете си задачи. Снабдете се со материјали за учење или почнете со некој курс преку интернет, како на пример курс за јазици или за танцување.rnrnНаправете распоред – И покрај тоа што немате големи обврски, имајте си распоред и бележник за секој ден. Тука ќе запишувате сè што треба да направите, како на пример, средба со друштвото во четврток во 20 часот, или пазарење во Петок во 17, запишувајте и останете организирани. Имајте си и список со ситни работи низ дома кои треба да ги направите и нешта кои треба да ги купите. Додека сте слободни може да си изготвите план за наредниот период кога ќе бидете зафатени (на пример од почетокот на наредната учебна година) или изгответе детален финансиски план за наредните месеци. Така секогаш ќе знаете како стојат работите и ќе имате чувство на сигурност.rnrnСобирајте спомени – Правете многу слики, без разлика дали станува збор за вечерно излегување или дневна кафе-шема, имајте си колекција од спомени по што ќе го паметите летото. Тука не спаѓаат само слики, туку и влезниците од концертите кои сте ги посетиле дури и флаерите кои сте ги собрале, сето тоа ќе ве потсеќа на добрите помини со друштвото, семејството, љубените…rnrnrnrnЧитајте книги – Не затоа што сите советуваат дека треба да читате, туку зашто е вистински корисно. Опуштете се наутро со добра книга и вкусно кафе на вашиот балкон. Имајте си дневни ритуали кои ќе ги почитувате. А секоја книга е едно искуство плус, и тоа големо искуство.rnrnВолонтирајте – Доколку имате можност волонтирајте, правете сè што ве исполнува. Добро исчистете го и преуредете си го плакарот и сите непотребни работи донирајте ги во некоја организација. Така ќе знаете дека сте корисни и сте направиле некое добро дело.rnrnУпотребете ја фантазијата – Бидете креативни и употребете ја фантазијата. Подобрете ги и унапредете ги работите кои секојдневно ви требаат, украсете ја вашата шолја за кафе, направете си постери за во соба, преуредете го мебелот, декорирајте, внесете новости и разубавете си го домот.rnrnЗапишувајте – Водете си дневник, запишувајте важни настани, смешни случки, моменти кои ви го одзеле здивот. Чудесно е чувството кога ќе се навратите на спомените и ќе го читате тоа после неколку години. Којзнае, можеби од тоа ваше творење ќе излезе и цел писателски труд.rnrnПосетувајте важни настани – Кино, театар, интересни и неповторливи журки, посетувајте ги настаните по кои ова лето ќе остане запаметено. Најважно од сè, секогаш гледајте да понесете добри спомени и да запознаете многу луѓе.rnrnОстанете информирани – Бидете во тек со настаните, читајте дневни весници, гледајте по малку телевизија, останете информирани и секогаш знајте што се случува околу вас. Размислувајте на интересни теми на кои би можеле да дебатирате во друштво.rnrnИспланирајте си одмор – Дури и да не сте вработени вам ви треба одмор, бегство од секојдневието, зашто секојдневието исполнето со досада е позаморно и од полното работно време. Доколку не можете да си дозволите летен одмор во странство, испланирајте си викенд со друштво, за време на кој вие целосно ќе се опуштите и ќе ја „избркате“ негативната енергија и здодевното секојдневие.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 21, 2012
10-минутни пилатес вежби за совршено тело

Како и пред секое лето, така и ова многу луѓе се определуваат да почнат да вежбаат, за малку да го зацврстат телото, пред да почнат да носат летна облека. Сепак неретко, преполниот распоред и финансиите знаат да бидат проблем за ова да биде лесно остварливо.

rn

rn

Токму затоа, идеално решение се овие десет минутни вежби, кои можат да направат чудо за вашиот изглед, а ќе можете да ги правите и дома. Доколку речете дека и за ова немате време, тогаш сигурно проблемот лежи во нешто друго. Одвојте малку време, а резултатите ќе покажат дека се исплател трудот.

rnrn

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 10, 2012
Чоколадото, сексот и музиката се добри за вашето срце

Поради висок крвен притисок се зголемува ризикот од срцев и мозочен удар, како и од многу други слични заболувања. Високиот крвен притисок е последица на нездраво хранење, нездрави навики како пушењето цигари и пиењето алкохол, како и од недоволно физичка активност. Сепак, за нормализирање на притисокот не треба само да се откажете од некои работи, туку и да прифатите нови во кои ќе можете да уживате.Чоколадото го намалува крвниот притисок, а познато е и дека една коцка чоколадо на ден, може да го смали ризикот од заболување од некоја кардиоваскуларна болест за 20%. За подобар ефект одберете што потемно чоколадо, кое содржи повеќе антиоксиданти и помалку шеќер.rnrnrnrnСексот е еден од најдобрите начини да го подобрите крвниот притисок. Редовните сексуални активности, најмалку 2 пати неделно, го намалуваат ризикот од кардиоваскуларни болести за 65%. Докажано е дека сексот не само што го подобрува крвниот притисок, туку и благодарение на окситоцинот, хормон кој се ослободува за време на сексот, вашиот крвен притисок ќе се намали за само три месеци.rnrnrnrnМузиката е совршениот начин за опуштање на артериите. Мелодичните ноти во комбинација со вежби за дишење за само половина час дневно може да го намалат вашиот крвен притисок за само неколку месеци, покажале истражувањата.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 25, 2012
Вежбајте зумба во домашни услови со лична инструкторка

Дали сте подготвени одлично да се забавувате додека вежбате? Токму тоа е целта на програмата на зумбата. Станува збор за ефективно согорување калории преку неверојатно лесна кореографија за следење, со чекори инспирирани од латино музиката. Со други зборови, зумбата е танцова фитнес-забава која не смеете да ја пропуштите. Понекогаш добрите идеи настануваат сосема случајно. Алберто (Бето) Перез е „одговорен“ за зумба-искуството, кое денес е едно од најрасространетите фитнес-програми во светот.rnrnrnrnЛуција Мересова е инструкторка по зумба од Словачка. Таа има свој канал на Јутуб каде што можете во кое било време да ги гледате нејзините кореографии и да ги одберете токму оние кои одговараат на вашиот стил, без разлика дали сакате да се опуштите, да си го подобрите расположението или да се ослободите од вишокот енергија. Доколку сте почетници пробајте од 2 до 3 пати неделно да вежбате по 20 минути. Откако ќе добиете малку кондиција, продолжете го вежбањето и до 40 минути. Не само што ќе имате одлична забава додека вежбате, туку и ќе го зацврстите вашето тело за многу брзо време.rnrnrnrnrnrnrnrnrnrnrn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 11, 2012
7 едноставни вежби за затегнување на телото кои можете да ги правите дома

Супер би било доколку сите дома имавме посебна соба за фитнес. Но бидејќи тоа е само далечен сон на повеќето луѓе, еве неколку едноставни вежби за кои не ви се потребни специјални направи, а можат многу да ви помогнат при зацврстување на вашите мускули. За да ви биде забавно додека вежбате, пуштете музика или некој филм.rn

1. Пешачење

rnДоколку времето ви дозволува, излезете на кратка прошетка околу вашиот дом. Ако пак времето си има други планови, прошетката можете да ја направите и во домот. Ако имате скали во близина, искористете ги за загревање. Качете се и симнете се неколку пати по нив. Ако сметате дека тоа е премногу лесно за вас, земете корпа со испрани алишта или неколку шишиња вода кои ќе ви послужат како тегови. Во случај да немате скали во близина, не грижете се, како за почеток завртете неколку кругови во вашиот дом.rnrnrn

2. Скокови за истегнување

rnОвие скокови секогаш се забавни и се добар начин да се потсетите на часовите по физичко во основно и во средно. Тие исто така се одлични кардио вежби и совршени за загревање на вашето тело.rnrnrn

3. Склекови

rnИ покрај тоа што повеќето луѓе не ги преферираат бидејќи се тешки, постојат неколку трикови при нивното правење кои ќе ви ги олеснат, но истовремено ќе го задржат истиот ефект врз вашето тело. Наместо да ги држите нозете исправени, потпрете се на вашите колена и правете ги побрзо. Кога ќе почувствувате дека ви стануваат лесни, пробајте го истото само со едната рака зад грб.rnrnrn

4. Вежби со подигнување на нозете

rnИ покрај тоа што правилно е да ги држите нозете исправени при подигнувањето, за почеток можете малку да ги свиткате кај колената. Има неколку комбинации на оваа вежба. Паралелно подигнување на двете нозе или наизменично. Кога ќе почнете да ги чувствувате како многу лесни, правете ги во комбинација со вежбата за стомачни мускули.rnrnrn

5. Џогирање во место

rnОваа вежба можете да ја правите во ритамот на музиката или пак додека гледате некоја ТВ серија или филм. Се препорачува да носите добри патики, за да се намали притисокот на вашите стапала.rnrnrn

6. Клекнувања

rnОдлични вежби за зацврстување на вашите нозе и задник. За подобар ефект земете нешто потешко во вашите раце (шишиња вода, конзервирано овошје…) и ќе почувствувате разлика за само една недела. Доколку веќе имате кондиција за оваа вежба пробајте да ја правите со скокање.rnrnrn

7. Танцување

rnСами сте дома? Пуштете музика и почнете со танцување. Никој не ве гледа така да можете целосно да се опуштите со движењата… Скокајте, трчајте и забавувајте се низ вашиот дом. Танцувањето е одлично за вашето срце, а доколку го практикувате секојдневно, може многу да ви помогне во одржување на вашата телесна тежина.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 28, 2012
6 јога вежби кои ќе ви помогнат да се ослободите од стресот

Сите сме се нашле во ситуација кога едноставно не можеме да излеземе на крај со обврските и пренатрупаноста со работа. Кога сме под стрес, нашите мускули се напнати, мислите несредени и многу потешко е да се сконцентрираме и ефикасно да ја завршиме работата. Токму поради тоа, наместо да губиме време пред компјутерот или над книгата без никаков ефект, можеби најдобро е да се одвојат 10-ина минути за кратки вежби кои ќе нè вратат во нормала. Погледнете ги следните неколку вежби и применете ги следниот пат кога стресот повторно ќе нападне.rnrnrn

1. Ослободување од вознемиреност и разбистрување на мислите

rnКлучно за релаксација е дишењето. Всушност, кога сме зафатени и сконцентрирани на некоја работа подолго време, нашето дишење е поплитко и доведува до недостаток на кислород во нашето тело. Длабокото дишење ослободува од штетни токсини и ни ја враќа енергијата. За оваа вежба потребно е да бидете удобно седнати со исправен ’рбет, можете на столица или на под. Вдишувајте низ нос додека броите до 4, задржете го здивот неколку секунди и издишете повторно броејќи до 4. Повторете го ова 10 пати и секој пат вашите мисли ќе бидат сè побистри и посредени.rnrn

2. Опуштање на тензијата во вратот и рамениците

rnОстанете во истата седечка позиција, но овојпат испреплете ги прстите на дланките и истегнете ги рацете над главата со дланките нагоре. Потрудете се да ги држите рацете во линија со ушите, а рамениците опуштени, не треба да бидете напнати. Чувајте ги рацете во оваа положба пет вдишувања и потоа спуштете ги. Малку размрдајте ги рамениците и повторете ја целата постапка уште неколку пати.rnrnrn

3. Вежба против вкочанетост во рамениците

rnЗастанете исправено, така што стапалата да ви бидат поставени на ширина на колковите. Испружете ги рацете на двете страни, паралелно со подот. Потоа, свиткајте ги рацете и поставете ги двата лакта еден на друг, така да надворешните страни од дланките се допираат. Најдобро е за оваа постапка да го погледнете видеото.rnrnrnrnВежбата помага за да ги опуштите рамената од долгото седење во неправилна положба. Всушност додека ги чувате рацете свиткани ќе забележите благо истегнување, а подоцна и олеснување. Истата постапка повторете ја со тоа што овојпат ќе ги свиткате рацете обратно.rnrn

4. Истегнување на градниот кош

rnСè уште стоејќи исправено, истегнете ги рацете зад грб и спојте ги дланките во тупаница. Гледајте напред и со исправен ’рбет потрудете се, колку што можете да ги подигнете споените раце зад вас и така да ги задржите 5 вдишувања.rnrnrn

5. Вежба за отстранување на напнатоста во вратот и ’рбетот.

rnИ оваа вежба треба да ја правите стоејќи исправено. Од позиција со исправен ’рбет и стапалата поставени во ширина на колковите, ставете ја едната рака свиткана во лактот над другата и наведнете се нанапред колку што можете повеќе. Задржете се во таа позиција и повторно направете 5 длабоки вдишувања. Можете благо да ги свиткате и колената доколку притисокот е преголем. Постапката повторете ја уште еднаш.rnrnrn

6. Вежба за истегнување на грбот и колковите

rnЛегнете на грб и свиткајте ја левата нога така што зглобот ќе ви биде поставен над десното колено, додека десното стапало ви е целосно прицврстено за подот. Зглобот од десната рака поставете го над левото колено. Другата рака ставете ја под левата нога и обидете се да ја фатите раката одозгора. Со двете раце околу левата нога, обидете се да ја повлечете накај себе. Ќе почувствувате истегнување во десниот колк. Потрудете се да останете во оваа положба 5 вдишувања. Повторете ја истата постапка со другата нога.rnrn
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 16, 2012
Станете попаметни
Автор: Горана КоневскаrnrnШто значи тоа „да се биде паметен“? Некои луѓе ги дефинираат паметните личности според високите резултати кои ги освојуваат на тестовите за интелигенција, а други пак сметаат дека способноста за решавање на проблемите и уличната снаодливост претставуваат предуслов за паметна личност.rnrnБез разлика по кои стандарди ќе се раководиме, сите се сложуваме дека човечкиот мозок е клуч за сите нив. Тој има капацитет за развој, така што постојат одредени стимуланси кои можат да влијаат врз неговата виталност, развој и зајакнување.Еве пет едноставни чекори кои ќе ви помогнат при развој на капацитетот за меморирање на многу повеќе нови податоци:rn

1. Медитирајте

rnМедитацијата и придобивките од неа му се познати на народот веќе илјадници години. Начините на медитација може да бидат за секоја личност различни, но генерално, медитацијата вклучува мирни вежби базирани на правилно дишење, преку кои практикувачот постигнува состојба на ментална смиреност. Истражувачите веруваат дека подобрувањето на меморијата, ефикасното внимание и добриот фокус се едни од главните придобивки на медитацијата.rn

2. Правете ментални вежби

rnМозокот, како и другите делови од човечкото тело, има потреба од практикување вежби за да ја одржи својата виталност. Постојат многу ментални вежби кои се истовремено и забавни, кои може да ги практикувате каде и да сте: судоку, крстозборки, рубикова коцка и сл. Постојат и поакадемски начини за ментално вежбање, како решавање математички проблеми, геометрија и сл. Исто така може да помогне и читање статии кои го активираат и ангажираат мозокот, кои го насочуваат кон размислување и создавање на идеи или решавање на проблеми.rn

3. Овозможете си добар сон

rnМногу малку се знае во врска со спиењето и сонувањето, но дефинитивно е расчистена дилемата дека мозокот се исклучува за време на сонот. Истражувањата сега посочуваат дека мозокот всушност „се полни“ како батерија додека спиете. Информациите од претходниот ден се складираат во соодветни т.е. ментални фолдери и преминуваат од краткорочната во долгорочната меморија. Добриот сон му овозможува на мозокот зголемување на функционалноста и можноста за фокус додека е буден. Времето потребно за добар сон зависи од личност до личност, но генерално за возрасните е препорачливо тоа да биде помеѓу шест до осум часа.rn

4. Грижете се за своето тело

rnЧовечкото тело е целосно функционално поврзано, така што не е возможно да се грижите за еден дел од него без притоа да се видат придобивките и на друг дел. Пример, физичките вежби се важни за доброто здравје и во физички, но и во психичка т.е. ментална смисла. Зголемениот доток на кислород за време за физичките вежби влијае врз мозокот. Истото важи и за храната: многу врсти храна влијаат врз виталноста на мозокот вклучувајќи ги рибиното масло, јајцата, протеините и темно зелениот зеленчук. Тука може да ги вклучиме зелениот чај, јатките, медот и сл.rn

5. Проширете ги своите хоризонти

rnОдете на различни концерти, изложби, случувања, читајте различни стилови на книги, инспирирачки текстови и научни филмови. Движењето на места како галерии, концерти сали и слично ќе ви овозможи сретнување со различни луѓе, запознавање на различни стилови, проширување на хоризонтите на уметноста, а истовремено и уживање во опуштена атмосфера.rnrnКога сте дома пред телевизор: избегнувајте ги изразито комерцијалните канали бидејќи вниманието може да ви го окупираат безбројни непотребни реклами – но затоа пак, можете да гледате историски филмови, научни канали и сл., кои ќе ви дадат дополнително знаење од одредени области. Читањето книги ќе ви овозможи подобар речник, поголемо знаење, ќе ви го подобри фокусот, вниманието и креативноста.rnrnИ, да резимираме: менталните вежби, правилната исхрана, добриот сон, физичките вежби како и заинтересираноста за социјалниот живот се клучни за подобрување на меморијата и на мозочната функција.rn

* Бонус совети:

rn
- Не зборувајте многу: паметните луѓе знаат да се изразат со малку зборови и со едноставни реченици за да ги разберат сите. И што е многу важно, што и да зборувате бидете спремни истото да го поткрепите со аргументи и факти.
- Овозможете си време за да научите нови работи.
- Дружете се со најразлични типови луѓе и карактери. Тоа ќе ве подготви како да се однесувате во секаква ситуација.
- Бидете пријател со човек/луѓе кои ги практикуваат сите работи погоре.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
March 1, 2012
15-минутни вежби за цврсти стомачни мускули

Кит Рич е иснтрукторка за фитнес од Лос Анџелес која има неограничени познавања за тоа какви вежби треба да правите и како да се храните, за да изгледате витко и да бидете здрави. „Најжешките“ ѕвезди од Холивуд се зависни од уникатниот микс на Кит од повеќе дисциплини, кој претставува комбинација од кардио-вежби, јога, пилатес и вежбање со тегови. Таа се однесува со нејзините клиенти, онака како што се однесува со себе: им поставува предизвик, внесува чувства во вежбањето и расположува со својот ведар дух и смисла за хумор.rnrnrnrnТаа вели дека доколку ги правите вежбите кои се прикажани во нејзиното видео, ќе почувствувате видливи резултати во намалување на вишокот сало околу стомакот и ќе ги зајакнете мускулите. Трикот е да ги повторувате овие 5-минутни вежби по 3 пати во серија (вкупно 15 минути) и да ги правите 4 пати во неделата. Па што чекате? Притиснете плеј и почнете да согорувате калории. :)rnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 11, 2012