Tag: ризик

Бројот на луѓе кои страдаат од рак се зголемува од година во година и не можеме да влијаеме на одредени фактори, како што е генетиката. Сепак, науката докажа дека правилната исхрана може да го намали ризикот од рак. Нутриционистот и специјалист за исхрана и рак, Никол Ендрус, сподели препораки и совети за изборот на храна за да се намали ризикот од рак.rnrnrn

Моќта на растителната храна

rnКога станува збор за начин на живот кој го намалува ризикот од рак, Ендрус препорачува храната од растително потекло да биде главен дел од вашата исхрана.rn

„Тоа значи дека вашето мени треба да биде богато со овошје, зеленчук, интегрални житарки, мешунки, јаткасти плодови и семки бидејќи сите овие намирници се богати со есенцијални витамини, минерали, влакна и антиоксиданси кои се поврзани со намален ризик од разни видови на рак“, објасни Никол.

rnД-р Амбер Орман, онколог од Флорида, тврди дека повеќе од 40% од сите видови на рак може да се спречат со правилна исхрана во која доминираат растенијата, особено во комбинација со физичка активност, избегнување на цигари и алкохол и одржување на здрава телесна тежина.rn

„Некои од најмоќните антиканцерогени намирници се темнозелениот лиснат зеленчук, печурките, мешунките вклучувајќи соја, бобинки, јаболка, ѓумбир, лук, куркума, мелен лен и зелен чај со лимон“, изјавува Орман.

rn

Вистински протеини

rnЕндрус тврди дека помалку преработеното црвено месо и немасните извори на протеини, како што се пилешко, мисирка, риба, морски плодови и протеини од растително потекло, можат значително да придонесат во спречувањето на појавата на ракот, особено ракот на дебелото црево.rnrnСо овој избор на протеини, ќе го намалите ризикот од потенцијално канцерогени соединенија и ќе го подобрите вашето целокупно здравје. Затоа Ендрус ги предлага следниве протеини: посни парчиња говедско месо, јагнешко месо, свински бут, пилешко, лосос, туна, ракчиња, скуша, јастог, сом, јогурт, млеко, сирење, грав, грашок, леќа, соја.rn

Доволно влакна

rnКако дел од диетата за намалување на ризикот од рак, Ендрус препорачува дневен внес на влакна од 30 грама. Започнете го денот со овесна каша, белиот ориз и тестенините заменете ги со интегрални житарки, јадете повеќе грав и леќа, грашок, малини, јадете овошје, зеленчук и јаткасти плодови наместо преработени грицки.rn

Здрава хидратација

rnКонсумацијата на алкохол е тесно поврзана со зголемен ризик од разни видови на рак, вклучувајќи рак на устата, грлото, хранопроводникот, црниот дроб, дојката и дебелото црево, предупредува Ендрус. За да се намали овој ризик, Ендрус препорачува здрави пијалаци наместо алкохол, односно чај од камилица или нане, смуди од свежо овошје и зелен чај.rnrnОткако прочитавте кои намирници можат да го намалат ризикот од рак, можеби ќе сакате да прочитате и кои намирници го зголемуваат ризикот за појава на рак, а се дел од нашата секојдневна исхрана.rnrnИзвор: citymagazine.danas.rs

Справувањето со хроничното воспаление не е воопшто едноставно, делумно благодарение на сите збунувачки информации кои ќе ги пронајдете на интернет. Додека повеќето луѓе се согласуваат дека маслиновото масло, лососот и оревите можат да го намалат воспалението, одредени намирници се сметаат за проинфламаторни, иако не постојат силни докази за поддршка на овие тврдења во медицинската литература.rnrnrnrnИ меѓу многуте намирници кои се на листата на „непожелни намирници“ кога станува збор за намалување на ризикот од хроничното воспаление, се и млечните производи. Но, дали млечната храна навистина предизвикува воспаление? Прочитајте во продолжение.rn

Што е воспаление?

rnВоспалението е природен одговор на телото да се заштити од фактори што можат да му нашетат. Постојат два вида на воспаление – хронично и акутно. Акутно воспаление се јавува кога некое лице ќе се повреди – размислете за вашиот воспален глужд кога се повредивте. Овој тип на воспаление исчезнува откако повредата или инфекцијата ќе исчезнат.rnrnХроничното воспаление, од друга страна, може да се задржи во телото. Овој тип на воспаление може да биде резултат на голем број фактори, вклучувајќи пушење цигари, дебелина и одредени намирници. Може да биде предизвикана и од присуство на автоимуна болест или инфекција. Хроничното воспаление може да доведе и до зголемен ризик од одредени видови на рак и дијабетес.rnrnИсхраната која може да го зголеми ризикот од воспаление е богата со рафиниран скроб, шеќер, заситени и трансмасти и има ниска количина на омега-3 масни киселини, природни антиоксиданси, како и влакна од овошје и зеленчук. Но, што е со млечните производи?rn

Дали млечните производи предизвикуваат воспаление?

rnМлечните јадења се вкусни додатоци во исхраната кои го поддржуваат здравјето на коските. Од друга страна, одредени млечни намирници содржат заситени масти, хранлива материја која може да го зголеми ризикот од воспаление. Но, според истражувањето од 2017 година објавено во Critical Reviews in Food Science and Nutrition, врз основа на податоци од 52 клинички испитувања на луѓе, се чини дека млечните производи всушност имаат антиинфламаторни ефекти врз телото, без оглед на содржината на маснотии во млечната храна.rnrnЗначи, и покрај тврдењата на одредени влијателни лица дека млечните производи предизвикуваат воспаление, медицинската литература се чини дека сугерира поинаку. Само имајте на ум дека додека пиењето чаша млеко нема воопшто да му наштети на организмот, големите количини на додатен шеќер (чоколадно млеко, млеко со шеќер) можат штетно да му делуваат.rnrnОткако прочитавте за поврзаноста помеѓу воспалението и млечните производи, можеби ќе сакате да прочитате и колку месо и млечни производи смееме да консумираме дневно.rnrnИзвор: eatthis.com

Доколку сте љубители на чај имаме добри вести за вас бидејќи ново истражување ја покажало можната врска меѓу редовното консумирање на овој пијалак и намалениот ризик од предвремена смрт.rnrnrnrnГрупа британски научници откриле дека оние кои редовно пијат две или повеќе шолји чај, во споредба со оние кои воопшто не го консумираат, имаат помеѓу 9 и 13% помали шанси за прерана смрт. Згора на тоа, резултатите покажале дека на овие бројки не влијае фактот дали во чајот се додава млеко или шеќер, ниту пак на кој температура се пие.rnrnВо истражувањето учествувале половина милион луѓе од Обединетото Кралство на возраст од 40 до 69 години, од кои 85% изјавиле дека редовно пијат чај. Дури 89% од нив изјавиле дека консумираат црн чај. Истражувањата покажале дека црниот чај, еден од најпопуларните чаеви во Европа, може значително да го намали ризикот од кардиоваскуларни болести.rnrnЧајот можеби и не е единствената причина за намалената смртност, но резултатите се повеќе од очигледни. Така, минатата година било откриено дека пиењето чај или кафе може да го намали ризикот од деменција и од мозочен удар, така што ова не е прво истражување кое ги докажало корисните својства на овој пијалак.rnrnОткако прочитавте за ова истражување, можеби ќе сакате да прочитате и зошто секојдневно треба да консумирате мача чај.rnrnИзвор: theguardian.com

Мозочниот удар настанува како последица на оштетени крвни садови во мозокот кои се распрснуваат или блокираат и предизвикуваат недостаток на кислород во мозокот. Оваа состојба може да доведе до оштетување на мозокот, па дури и до смртен исход. Пушењето, дебелината и претходните случаи со мозочен удар во семејството се главни фактори на ризик. Но, неколку неодамнешни истражувања откриле други изненадувачки работи кои можат да го зголемат ризикот. Прочитајте во продолжение!rnrnrnrn

Консумирање диетални пијалаци

rnНеодамнешно истражување спроведено во Америка на повеќе од 80.000 жени, во период подолг од десет години, покажало врска помеѓу вештачки засладените пијалаци и зголемениот ризик од мозочен удар. Научниците истакнуваат дека резултатите можат да се однесуваат само на жени кои поминале низ менопауза, а истражувањето не може со сигурност да ги прогласи диеталните пијалаци за виновници. Но, сепак најубаво е целосно да ги исфрлите од вашата исхрана.rn

Грип

rnЕдна студија спроведена на Универзитетот Колумбија покажала дека во првите неколку недели по појавата на симптомите на грип, ризикот од мозочен удар расте приближно за 40%. Исто така, друго истражување спроведено во Шкотска покажало дека ризикот од мозочен удар е поголем после заболување од респираторен вирус.rnrnЗатоа, обрнете внимание на симптомите како што се потешкотиите со одење, говорење, проблемите со вид и другите знаци кои го се појавуваат пред мозочниот удар. Некои научници забележале дека ризикот може да биде зголемен и до една година од поминување на грипот.rn

Прекувремена работа

rnИстражување од 2015 година, објавено во списанието Лансет покажало дека луѓето кои работат повеќе од 55 часа неделно имаат 33% поголем ризик од мозочен удар од оние кои работат стандардни 40 часа.rnrnДруго големо истражување спроведено во Данска покажало дека луѓето кои подолг период се изложени на стрес имаат речиси двапати поголем ризик од мозочен удар со фатални последици за разлика од оние кои не се под стрес.rn

Дрога

rnИлегалните супстанци како кокаин или метамфетамин се поврзуваат со мозочниот удар дури и кај младите, здрави луѓе.rnrnИстражување објавено во Журналот за форензични науки открило дека во 279 случаи на мозочен удар со фатални последици, на возрасни што биле помлади од 45 години, околу 20% се поврзани со консумирање на метамфетамин или кокаин.rn

Мигрена со аура

rnАурата е невролошки симптом кој најчесто е проследен со мигрена во облик на визуелно нарушување. Едно истражување од 2016 година покажало дека кај луѓето кои боледуваат од мигрена со аура, ризикот од исхемичен мозочен удар е двапати поголем отколку кај луѓето кои боледуваат од мигрена без аура.rn

„Ако боледувате од мигрена со аура, замолете го вашиот лекар да ги процени факторите на ризик за мозочен удар“, советуваат експертите.

rn

Гласна бука

rnБританската срцева фондација предупредува на потенцијалните ризици од живеењето или работењето во подрачје со многу бука. Нема многу истражувања за поврзаноста помеѓу мозочниот удар и силната бука, но нивните резултати се загрижувачки.rnrnИстражување од 2015 година, објавено во журналот Европско срце покажало дека зголемената прометна бука е поврзана со зголемен ризик од мозочен удар кај луѓето што живеат во близина на многу фреквентни места.rn

Крвавење на непцата

rnЛуѓето со болни непца имаат двапати поголем ризик од мозочен удар или други сериозни кардиоваскуларни болести. Многу експерти се сомневаат дека постоењето на бактерија во усната празнина што предизвикува воспалителен процес, може да создаде дополнителен ризик.rn

Хроничните воспаленија во телото предизвикуваат многу здравствени проблеми вклучувајќи го и стврднувањето на артериите кои можат да го зголемат ризикот од мозочен удар.

rnСигнални болести на непцата вклучуваат крвавење, потечени, црвени или осетливи непца, лош здив или кафеави наслаги на рабовите на непцата.rn

Претерано консумирање на алкохол

rnДруго истражување спроведено во 2016 година покажало дека пиењето од 6 до 9 коктели во текот на едно ноќно излегување, го зголемува ризикот од срцев и мозочен удар за 30% наредниот ден.rnrnОд друга страна пак, умереното консумирање алкохол , односно еден пијалак за жените и најмногу два за мажите, може да помогне при одржување на здравјето на кардиоваскуларниот систем.rnrnДоколку имате некоја од овие лоши навики или ви се случува нешто од горенаведеното тоа не значи дека ќе доживеете мозочен удар. Добро е да ги знаете ризиците кои доведуваат до негово појавување за да можете да го превенирате.rnrnНемојте никогаш самите да си ставате дијагнози, секогаш консултирајте се со вашиот лекар за промените кои ги забележувате кај себе.rnrnОткриете кои се навиките што го оштетуваат мозокот и го уништуваат помнењето.