Tag: ризик

Не се нови вестите дека редовната физичка активност може да ви помогне да живеете подолго. Но дали знаевте дека со неа можете да одредите и колкави ви се шансите за инфаркт или мозочен удар? Едно неодамнешно истражување спроведено од тим од Харвард, го открило токму тоа.rnrnrnrnСе покажало дека ако мажот може да направи над 40 склекови, тогаш има намалување на ризикот од кардиоваскуларни болести за 96%, во наредните 10 години. Ако мажот може да направи околу 21-30 склекови, тогаш има четвртина од ризикот за болести на срцето, за разлика од мажите кои не можат да направат ни 10 склекови.rnrnНаучниците одредиле основа од околу 11 или повеќе склекови, која би имала значајно влијание врз намалувањето на ризикот од кој било вид кардиоваскуларна болест. Изгледа дека склековите се многу подобри показатели за идното здравје на срцето, за разлика од тестовите како трчање. Покрај тоа, тестот можете да го направите и сами.rnrnСпоред авторот на истражувањето, Џастин Ченг, ова би можело да стане бесплатен начин за одредување на ризикот од кардиоваскуларните болести. Откритието е речиси револуционерно. Според Ченг, резултатите поврзани со кардиоваскуларни болести биле многу подобри од резултатите добиени од тестови со трчање.rnrnВо истражувањето учествувале 1.000 пожарникари од Индијана и тоа траело од 2000 до 2007 година. Потоа научниците 10 години ја набљудувале здравствената состојба на испитаниците. Мажите биле на возраст од 21 до 66 години, а нивниот индекс на телесна маса бил 28,7 во просек.rnrnНе е познато дали сигурно правењето 11-20 склекови може да го намали ризикот од срцеви заболувања, но научниците имаат надеж. Ова е прво истражување од овој вид и потребни се повеќе. Склековите изгледаат како ефективен тест за одредување на здравјето на срцето, но многу научници сметаат дека истражувањето треба да се повтори и со други групи – жени и помалку активни лица. Сепак, испитаниците биле пожарникари, кои воглавно се физички активни поради нивната професија.rnrnИнфарктите и мозочните удари настануваат при стеснување на артериите поради артериосклероза, бавна и прогресивна болест која може да започне уште во детството. Кај некои луѓе артериосклерозата напредува во 30-тите години од животот, а кај други не станува опасна до 50-тите или 60-тите години. Па, важно е да вежбате и да останете физички активни, со цел да ги спречите потенцијалните проблеми со срцето.rnrnДобро е да ги знаете и знаците кои се појавуваат еден месец пред инфаркт.

Едно ново истражување покажало дека ризикот за постпородилна депресија е значително повисок кај жените кои родиле машко, за разлика од оние кои родиле женско дете. Сепак, научниците истакнале дека ова не се лоши резултати бидејќи раното идентификување на ризичните фактори, значи подобра поддршка за жените.rnrnrnrnИстражувачите од Универзитетот Кент во САД откриле дека жените кои родиле машко дете имале 71%-90% поголеми шанси да страдаат од постпородилна депресија. Исто така се открило дека новите мајки имале 174% поголеми шанси да добијат постпородилна депресија ако се соочат со компликации за време на породувањето.rnrnЖените кои или имале претходен проблем со менталното здравје, или се склони кон симптоми на депресија, анксиозност и стрес, поретко се соочувале со постпородилна депресија во случај на компликации. Истражувачите сметаат дека причината е тоа што дополнителната поддршка што им е потребна на овие жени, веќе постоела во нивниот живот, бидејќи е познато дека имаат зголемен ризик.rnrnПостпородилната депресија се јавува кај 1 во 10 жени и се манифестира на разни начини. Овде спаѓаат симптоми како тага, анксиозност, замор, намалена концентрација, неможност за поврзување со детето и изолација. Сепак, ова е болест што може да се излечи.rn

„Постпородилната депресија е состојба што може да се избегне и се покажа дека дополнителната помош кај жените со поголем ризик ги намалува шансите за нејзино развивање“, изјавила доктор Сара Џонс, една од авторите на студијата.

rnИстражувањето побарало и можна врска помеѓу полот на бебето и ризикот од постпородилна депресија користејќи ги доказите дека постои поврзаност помеѓу развивање на симптоми на депресија и справувањето на имунитетот со воспаленија.rnrnПознато е дека машките фетуси и компликациите при породувањето ги зголемуваат воспаленијата, но оваа врска не беше многу јасна сè досега. Истражувачите се надеваат дека нивните докази ќе помогнат да се откријат и нови ризични фактори во иднина.rnrnЗасега, тие ја нагласуваат важноста дека овие два фактора – бременост со машко дете и компликации при породување, го зголемуваат ризикот од постпородилна депресија, но се лесни за идентификување. Со ова може навреме да се реагира кај жените на кои им е потребна помош.rnrnДознајте дали и татковците можат да страдаат од постпородилна депресија.

Имаме одлични вести за жените што сакаат да се будат рано наутро. Едно истражување покажало дека жените кои се чувствуваат „најбудно“ претпладне имаат 40% помали шанси да развијат рак на дојката за разлика од жените кои се будат подоцна.rnrnrnrnНаучниците од Универзитетот Бристол во Велика Британија откриле дека нешто толку едноставно како вашиот внатрешен часовник може да има голема улога во тоа дали ќе бидете или нема да бидете дијагностицирани со рак. Тимот ги презентирал нивните откритија на Конференцијата за рак во Глазгов, Шкотска.rnrnСекој од нас има циркадиски ритам кој е уникатен. Тој следи циклус од отприлика 24 часа и може да се менува во текот на животот. На пример, децата од основно обично се ранобудни, додека тинејџерите најчесто се ноќни птици. Додека да станеме возрасни, овој ритам се стабилизира и најчесто се наоѓа помеѓу двата екстреми.rnrnНеодамна истражувањата покажале дека циркадискиот ритам има влијание на многу нешта – од навиките за одолговлекување и пиење, па сè до способноста за играње бејзбол. Додека утринските луѓе имаат предност кога станува збор за здравјето, и најверојатно среќата, ноќните птици обично се попаметни, покреативни и подобри љубовници.rnrnОва ново истражување открило нова предност од раното будење – намален ризик од рак на дојката. Тимот користел генетски варијанти поврзани со потенцијални ризични фактори, во овој случај циркадискиот систем, за да одреди дали има некаква поврзаност помеѓу ризичниот фактор и одредена болест, како рак на дојката. Користењето генетски варијанти ја прави техниката поверодостојна за разлика од другите методи на набљудување.rnrnИма вкупно 341 варијанта поврзана со циркадискиот систем и не биле анализирани други ризични фактори, како на пример дебелината. Биле користени ДНК примероци од над 220.000 жени за истражувањето од Конзорциумот на здружението за рак на дојката, а во проектот на Биобанката на Велика Британија учествувале 180.000 жени.rnrnВо истражувањето на Конзорциумот, примероците покажале дека ранобудните имаат 40% помал ризик да развијат рак на дојката. Покрај тоа секој дополнителен час спиење што ги надминува препорачаните 8, наводно го зголемува ризикот за 20%.rnrnПримероците од Биобанката не нашле поврзаност помеѓу траењето на спиењето и ризикот од рак на дојката, но и тие потврдиле дека кај ранобудните жени ризикот е помал. Во период од 8 години, околу две од сто жени ноќни птици биле дијагностицирани со рак на дојката. Кај ранобудните жени односот бил една во сто.rnrnЗасега истражувањето чека научна евалвација, но ако ја помине, ни нуди цврсти докази кои го поврзуваат телесниот часовник со ризикот од рак на дојката. Сепак, нема објаснување зошто воопшто постои оваа поврзаност и не се знае дали е поради генетика или животен стил.rn

„Сакаме дополнително да ги истражуваме механизмите зад овие резултати бидејќи се засновани на прашања поврзани со тоа дали се преферира утрото или вечерта, наместо тоа дали личноста се буди порано или подоцна“, изјавила Ребека Ричмонд која била дел од истражувањето.

rnПогледнете и кои се скриените симптоми на рак на дојката што не смеете да ги игнорирате.