Tag: митови

Интровертите се повлечени луѓе кои најубаво се чувствуваат кога се сосема сами. Друштвото на други луѓе на некој начин им ја троши енергијата, додека самотијата им ги полни батериите. Па така, доколку забава со гласна музика и полно луѓе кои се забавуваат прави да се чувствувате како да сте во затворска ќелија, веројатноста дека сте интроверт е многу голема. Иако често се опишувани како срамежливи и несоцијализирани или, пак, им се припишуваат секакви болести и ментални нарушувања само затоа што се различни, тие се сосема нормални од здравствена гледна точка и едноставно претпочитаат да бидат сами.rnrnrnrnОд научна гледна точка, според фактите наведени во книгата „Предност на интровертите: како да се напредува во светот на екстровертите“ од Марти Лејни, оваа состојба се објаснува преку различните доминантни патишта кои невротрансмитерите ги следат во нервниот систем на интровертните и ектровертните личности. Доколку податоците во оваа книга се точни, тогаш може да се заклучи дека интровертите се пречувствителни на допаминот, така што преголема надворешна стимулација ги истоштува и заморува. Бидејќи процентуално 25% од човековата популација се карактеризираат со особини на интровертна личност, деталното проучување и дефинирање на интровертите е отежнато и сѐ уште е во тек, па поради ова настануваат митови и погрешно перципирање на карактеристиките на интровертите.rn

1. Интровертите не сакаат да зборуваат

rnНапротив – интровертите не зборуваат освен кога навистина имаат нешто да кажат. Тие мразат безначајни разговори, но доколку начнете тема за која се заинтересирани, тогаш нема да престанат да зборуваат.rn

2. Интровертите се срамежливи

rnСрамежливоста нема никаква врска со интровертноста. Во глобала тие воопшто не се плашат од луѓето ниту, пак, имаат фобија од социјализирање. Едноставно им треба причина за да зборуваат, како на пример тема за која имаат интерес и познавање.rn

3. Интровертите се некултурни

rnТоа што можеби прави да мислите дека интровертите се некултурни е фактот дека тие не сакаат правење лице, туку ги ценат реалноста и искреноста. Бидејќи сѐ поретко овие две работи може да ги сретнете во денешното комуницирање на луѓето, целиот процес знае да биде непријатен и истоштувачки за интровертите.rn

4. Интровертите не ги сакаат луѓето

rnОва е целосно погрешно. Интровертите навистина ги сакаат оние неколку пријатели кои ги имаат. Иако истите можат да се бројат на прсти, поради неколкуте причини кои се погоре наведени, доколку сте пријател со интровертна личност, тогаш не само што вие навистина заслужувате почит, туку и имате лојален пријател за до крајот на животот.rn

5. Интровертите не сакаат да излегуваат во јавност

rnМоже да се каже дека не сакаат да бидат излезени на подолго време, но не и дека не сакаат воопшто да излегуваат. Сакаат да ги избегнат компликациите кои настануваат доколку се вклучат во јавните активности, а бидејќи многу брзо и лесно сфаќаат работи, нема потреба да излегуваат за долго. Ним им е потребно да одат дома каде ќе ги наполнат батериите и ќе имаат можност да го разгледаат и проучат здобиеното знаење.rn

6. Интровертите секогаш сакаат да бидат сами

rnТие знаат да уживаат во своите мисли и во сопственото друштво. Сакаат кога имаат загатки и проблеми за решавање и сакаат да сонуваат. Но се чувствуваат многу осамено кога немаат со кого да ги споделат своите откритија. Иако уживаат кога се сами, сакаат кога имаат искрена врска со некоја личност.rn

7. Интровертите се чудни

rnИнтровертите се индивидуалисти. Совршено добро функционираат кога се сами и не сакаат да следат групи на луѓе. Напротив, сакаат да бидат ценети за нивните самостојни постигнувања и не носат одлуки базирани на општо прифатеното мислење или тоа што е актуелно. Тоа не ги прави чудни, туку различни.rn

8. Интровертите се настрани генијалци

rnСконцентрирани на сопствените мисли и чувства, интровертите се луѓе кои посветуваат внимание на сопствената личност и тоа што ги интересира. Способни се во секоја смисла на зборот да ги следат случувањата околу нив, но во ниту една ситуација тие случувања не се попримамливи од нивниот внатрешен свет кој е стимулирачки за нив.rn

9. Интровертите не знаат да се опуштат и да се забавуваат

rnИако многу јасно зошто останатиот дел од светот би го објаснил нивното однесување вака, ова е сосема погрешно. Интровертите можеби не се забавуваат во присуство на други луѓе, но неверојатно многу се опуштени и расположени кога се сами дома или во природа. Се исклучуваат и повлекуваат во големи гужви поради тоа што тие им ја трошат енергијата и се доста заморувачки за нив.rn

10. Интровертите можат да се поправат и да станат екстроверти

rnНе можат да се поправат и сменат бидејќи нема што да поправат. Тие се сосема нормални и единствени и многу способни и интелигентни. Можат да придонесат неверојатно многу кон општеството, а разликата во однос на екстровертите е тоа што тоа го успеваат сосема сами од таа една и единствена причина дека така функционираат со полна пареа.rnrnИнтровертите заслужуваат почит како и сите останати луѓе. Иако различното и непознатото отсекогаш е нешто што ги плашело луѓето, тоа не е причина интровертните личности да бидат избегнувани и неприфатени од општеството. Напротив, има многу нешта кои можеме да ги научиме од нив.

Зачудувачка е вистината дека најголем број од луѓето всушност не знаат што е тоа феминизам. Насекаде околу нас има лажни дефиниции за овој поим. На некои самиот поим им звучи фрустрирачки, други сметаат дека феминистките ги мразат мажите итн. Денес ги разоткриваме најголемите митови и заблуди за феминизмот, за сите да знаеме што точно значи и кога да го употребуваме терминот.rnrnrn

1. Феминистките ги мразат мажите

rnФеминизмот не е никакво движење против машкиот пол, напротив. Многумина ги гледаат жените кои себеси се нарекуваат феминистки како исфрустрирани жени кои поради одредени причини ги мразат мажите. Оние кои се залагаат за и веруваат во рамноправност меѓу половите се феминисти. Феминизам по дефиниција значи еднаквост на жената со мажот.rnrnТука е големиот оксиморон – ако мислите дека сте феминистки а ги мразите мажите, самите себе се дискредитирате, феминистот се залага за еднаквост. Доколку решите да се залагате за ова движење и да го ширите феминизмот како култура на размислување, мора да престанете да зборувате лошо за машкиот род, тие две работи не одат заедно. Токму затоа многумина имаат погрешна слика за феминизмот. Добро е да се знае дека, спротивно од феминизам, постои и поимот шовинизам што во овој контекст значи супериорност на еден пол спрема друг, така што може да бидете женски шовинисти доколку сметате дека женскиот род е супериорен над машкиот.rn

2. Феминистките не смеат да бидат женствени

rnАко сакам да бидам женствена, ако сакам покрај себе да имам џентлмен, ако ја сакам розовата боја, не значи дека немам право да се наречам себеси феминистка. Феминизмот значи дека жените треба да имаат право и слобода на контрола над сопствените тела, начин на живот и размислување, и на никој начин да не бидат ограничени . Тоа дека не смеат да бидат женствени е само едно големо ограничување, иронично, како и големо недоразбирање. Феминистка не е онаа која се труди со начинот на облекување да покаже за што се залага или во што верува, туку онаа која не се плаши со високи потпетици да успева во „светот на мажите“.rnrnrn

3. Феминистките не сакаат џентлменски гестови

rnДефинитивно едно од најголемите недоразбирања е следново: како очекувате од нас да бидеме џентлмени кога се залагате за еднаквост меѓу половите? Да се разбереме, феминистките немаат ништо против да им отворите врата од кола. Јас, како феминистка секогаш сум почестена од овој гест а никогаш навредена. Она што ми пречи и крајно навредува, е шовинистичкото свиркање по пат, довикување и отворениот сексизам од кој по сè изгледа никој не се срами.rnrnМоже некогаш дечкото ќе плати за вечерата, некогаш ќе плати девојката. Тоа нема никаква врска со феминизмот, џентлменството е култура на однесување, не само кон жените туку воопшто. Сексизмот е она што ни пречи и крајно нè револтира.rn

4. Во 21-ви век жените не треба да се борат за своите права

rnДа, не одрекуваме дека за разлика од некогаш жените во модерниот свет имаат многу повеќе права. Но, да не заборавиме дека постојат многу земји и култури каде жената се третира како предмет на мажот, каде може да биде силувана, а потоа дури и обвинета за тоа, каде жената присилно се мажи на 14 години за 60-годишен човек (извинете девојчето, не жената).rnrnИсто, во т.н. модерни земји, иако сме стигнале далеку, не значи дека жената е третирана еднакво. Би се изненадиле колкав е бројот на девојки и жени кои биле силувани, а никогаш не пријавиле од срам што тоа им се случило нив. Би се изненадиле доколку знаете дека во просек жените се помалку платени од мажите кои ја извршуваат потполно истата работа како и нив. Секако, секогаш ќе постојат личности кои ќе размислуваат различно и ќе имаат предрасуди. Но, важно е да се направи глобална промена.rnrnТоа ќе го постигнеме кога таткото еднакво ќе се радува на веста дека му се родила ќерка или пак дека му се родил син, кога девојчињата ќе бидат воспитувани дека се еднакви и можат да сторат што сакаат, кога на момчињата од мали нозе нема да им се всади идеја во главата дека тие се мажи во куќата, кога примарна цел на девојките нема да им биде да најдат богат маж туку да се образуваат и вработат, кога ќе ги видите дома таткото и мајката како ги извршуваат домашните обврски заедно. До тогаш може само да си мачкаме очи дека сме рамноправни.rn

5. Феминистите се против бракот и имањето деца

rnБракот е личен избор и зависи од тоа како некој е воспитан и кои му се приоритетите во животот. Бидејќи веќе разјаснивме дека феминистките не ги мразат мажите, кога ќе го пронајдат совршениот партнер за себе може да решат да стапат во брак и да основаат семејство. Секако, ќе се потрудат покрај тоа што ќе бидат мајки, да бидат и многу други нешта.rnrnrn

6. Феминизмот значи жените да уживаат во повеќе права од мажите

rnНе. Феминизмот значи жените да имаат еднакви права како и мажите, и тоа не само на хартија туку и во пракса. Свесни сте што прави шовинистичкото воспитување на кое се учат машките деца уште од мали – да не плачат, да бидат мажи, да не покажуваат чувства и слично? Статистички е покажано дека се случуваат голем број самоубиства токму поради таа емоционална недостапност. Бидејќи е маж тој не смее да покаже чувства, па мора да ги потиснува во себе.rnrnЗначи, феминизмот не угнетува еден пол за другиот да има повеќе права. Феминизмот се залага за еднаквост. Жената може да носи дрва или да си ја поправи колата, а мажот може да пушти солза ако му е тешко бидејќи е човек.rn

7. Феминистките се хистерични и исфрустрирани личности

rnФеминистките најчесто се асоцираат со луди, хистерични, гласни, исфрустрирани. Кога жената ќе покаже чувства – таа е хистерична, или под влијание на хормоните, кога ќе повиши глас – таа е самобендисана или крената во облаци или сака да шефува, кога жената ќе покаже сексуалност – таа е непримерна.rnrnОд друга страна, кога мажот е бесен, гласен или наредува, тоа е оправдано, а кога вербално ги изразува сексуалните желби тој е фраер.rn

8. Феминистите се одреден тип на луѓе

rnФеминизмот не е ниту секта ниту препознава возраст, потекло или боја на кожа. Феминист може да биде кој сака, и феминист е секој оној кој верува во полова рамноправност.