КАФЕ ПАУЗА

Tag: воспитување

6 проблеми во однесувањето на децата за кои се виновни родителите
Сите родители мислат дека нивното дете е највоспитаниот мал човек на светот. Но, на повеќето од нив им се случува да направат некои грешки во воспитувањето кои се одразуваат во одредени ситуации преку проблематичното однесување на децата. Во продолжение прочитајте за кои типови однесување станува збор…rn

1. Имаат навика да ги прекинуваат другите

rnrnrnАко им кажете на децата „Немој да ме прекинуваш!“ нема да постигнете ништо. Научете го вашето дете да си го чека редот во разговорите секој ден дома додека ручате или зборувате на телефон со вашите колеги. На пример, пред да се јавите некому, кажете му го на детето следново: „Сега ќе разговарам на телефон и не треба да ме прекинуваш. Ќе престанам да зборувам кога подолгата показалка на часовникот ќе застане на оној број.“rn

2. Ги допираат производите во продавница и инсистираат да им ги купите

rnrnrnВажно е вашето дете да научи да ги контролира неговите желби, затоа што не можете да го купите сето она што се продава ако нема потреба од тоа. Тие мислат дека бирате производи во продавница без никаков план. Децата не разбираат дека имате листа на работи што треба да ги купите. Токму затоа, добро подгответе се пред да отидете на пазарување.rn
- Заедно направете листа од производи што треба да се купат и нацртајте цртежи доколку вашето дете сѐ уште не знае да чита. Дозволете му на детето да биде задолжено за овој лист хартија и тоа нека контролира дали купувате според планот.
rn

3. Не кажуваат учтиви зборови

rnrnrnКолку порано почнете да го учите детето на љубезност толку подобро. Меѓутоа, некои деца лесно го разбираат значењето на овој збор додека, пак, на некои други тоа им оди малку потешко. Покажете му ја на детето магијата на учтивите зборови. Немојте да правите ништо од она што ќе го побара додека не каже „Те молам“. Кажувајте „Здраво“, „Пријатно“ и „Благодарам“ први, без да чекате вашето дете да се сети.rn

4. Не знаат кога да прекинат

rnrnrnНа децата им е тешко да разберат дека постојат информации што не треба да ги споделуваат со други луѓе. Тие не знаат за срам и немаат искуство со последиците од кажувањето погрешни зборови во погрешно време. Родителите се тука за да ги подучат на ова.rn
- Обидете се да ги запознаете со концептот на „домашни тајни“ каде што ќе спаѓаат сите работи што не треба да им се кажуваат на други луѓе.
rn

5. Се плашат да бидат подалеку од вас

rnrnrnДецата се плашат да се оддалечат од родителите кога родителите ставаат бариери помеѓу нив и вообичаените активности. Децата почнуваат да размислуваат на следниов начин: „Ако се пуштам по онаа лизгалка, ќе се повредам и ќе си ја скинам облеката“. Токму затоа ако родителот е добро расположен и му дозволи на детето да си игра слободно на игралиштето, тоа веројатно ќе одлучи дека не сака да си го ризикува „животот“ за моментално задоволство.rn

6. Им додеваат на други возрасни

rnrnrnАко детето лесно може да започне разговор со непознат човек, тоа е знак дека во семејството постои меѓусебна доверба. Меѓутоа, тоа исто така значи дека детето можеби не знае дека возрасните имаат и други интереси. Пример за тоа е кога родителите не можат да го прават она што го сакаат или да си ги извршуваат обврските, затоа што се обидуваат целото нивно време да го поминуваат со детето. Во таков случај, не е ни чудно што детето не знае дека другите луѓето не сакаат постојано да го прават она што нему му е интересно.rnrnПрочитајте ги и 10-те клучни особини на добрите родители.
June 12, 2017
Зошто денешните мажи се слаби, насилни и мрзливи?

Сигурно барем еднаш во животот сте го слушнале ставот дека не постојат повеќе „вистински“ мажи. Ретко кој знае да заврши ситни поправки во домот, немаат манири, не знаат ништо да сработат, не знаат да се однесуваа спрема жените. Можеби ова не треба да ве чуди, бидејќи во последно време татковците сѐ помалку се заинтересирани за децата, па така момчињата 90% од своето време го поминуваат со жени – во градинките и училиштата 95% од работниците се од женски пол. Доколку ни дома не поминуваат време со својот татко, нема да ги научат овие 4 клучни работи кои се потребни за момчето да израсне во вистински маж.rnrnrn

1. Победување и губење

rnВо денешно време, родителите често го „надополнуваат“ времето кое не го поминале со своите деца со скапи подароци. Тие мислат дека на овој начин ја завршиле работата. Ги задоволуваат нивните желби, сакаат да им го дадат најдоброто, но забораваат да ги научат дека составен дел од животот, освен победата, е и поразот. И дека поразот понекогаш е добар, бидејќи нè учи на важни лекции. Така добиваме разгалени мажи, кои во иднина не умеат да се изборат самите, туку чекаат сѐ на готово, исто како кај своите родители.rn

2. Однесување кон жените

rnИако поголемиот дел од мајките се обидуваат да му објаснат на своето машко дете дека девојчињата треба да се третираат со почитување, сето тоа останува на теорија, сѐ додека момчето не го усвои тоа низ личен татков пример, односно според начинот на кој тој се однесува кон својата мајка. Доколку мајката дава сѐ од себе за да му покаже на својот син дека убавото однесување кон жените е единственото исправно однесување, а момчето целото свое детство го гледа својот татко кој е дрзок, пцуе или ја тепа жената, тешко дека ќе научи нешто друго, и тоа е точката во која потенцијалниот џентлмен станува потенцијален насилник и човек без манири.rnrnrn

3. Одбрана од закани

rnТаткото е најдобрата личност која може да го научи синот како да стане силен и како да се зазема за себе. Кога таткото ќе му објасни на момчето дека љубезноста не е знак на слабост, тоа многу полесно ќе го усвои отколку тоа да му го каже неговата мајка. Голем процент мажи, па дури и оние во развој, мислат дека жените се послаб пол и дека таква реакција се очекува од нив, но не и од мажите. Таткото многу лесно може да го научи својот син како да ги избегне конфликтните ситуации и тепачките.rn

4. „Машка работа“

rnДенешните момчиња ретко знаат да заменат светилка, а камоли да поправат шпорет, да го откачат лустерот, да променат гумичка на чешмата и слично. Сетете се на вашиот татко – тој најверојатно како и поголемиот дел од постарите мажи ретко повикувал мајстор, туку знаел самиот да ги заврши сите поправки во домот. Некои татковци мислат дека нивниот син не треба да го прави тоа, други пак не се интересираат да им го покажат истото, но како и да е, резултатот е неспособен возрасен човек кој и за наједноставниот проблем мора да побара мајстор.rnrnДоколку момчињата како пример го гледаат својот татко, тогаш девојчињата се потпираат на својата мајка. Затоа мајки, ова се најважните правила за воспитување вашите ќерки!

May 26, 2017
Психолозите од Харвард советуваат: 6 начини да воспитате добро дете

Да израснете морално дете, дете кое се грижи и ги почитува другите, отсекогаш била и ќе биде тешка задача. Но, тоа е нешто кое сите ние можеме да го направиме. И не постои некоја работа која е поважна и која може да ни донесе поголема награда. Поголемиот дел од родителите веќе се уморни од приказните дека технологијата им штети на нивните деца. Мајките и татковците од дигиталната доба се свесни за сѐ поголемата конкуренција за привлекувањето на вниманието на детето и со секој клик се бомбардирани со нови, врвни идеи и новосоздадени грижи кои влијаат на воспитувањето на децата. rnrnrnrnНо, под целото тоа лудило на модерното време, основното морално воспитување на детето не се променило. Родителите сакаат нивните деца да ги остварат своите цели и да ја пронајдат својата среќа, но научниците од Харвард веруваат дека поради тоа не мора да трпат љубезност и емпатија. Тие претставуваат неколку испробани стратегии кои претставуваат најдобар начин за од вашето дете да формирате морално исправна личност и личност која е ориентирана кон исполнување на своите цели. Ви претставуваме 6 практични совети.rn

1. Поминувајте време со вашите деца

rnОва е основа на сѐ. Поминувајте квалитетно време, поставувајте им отворени прашања за нив самите, за светот и како тие го гледаат и внимателно слушајте ги нивните одговори. Покрај тоа што ќе научите кои работи го прават вашето дете посебно, ќе им покажете како да се грижат и да се интересираат за другите луѓе.rn

2. Она што е важно, кажете го јасно и гласно

rnСпоред научниците, иако поголемиот дел од родителите и негувателките велат дека грижата за детето е приоритет, често децата не ја слушаат таа порака. Затоа кажете им го тоа. Така тие ќе знаат дека тоа е нешто на кое треба да се навикнат и посоветувајте се со наставниците, тренерите и другите луѓе кои работат со вашето дете, како тие се снаоѓаат во тимската работа, како соработуваат и дали растат во добри личности.rn

3. Покажете му на детето како да реши некој проблем

rnСпроведете ги низ процесот на донесување одлуки кои можат да влијаат и на другите луѓе. На пример, ако детето сака да се откаже од спортот што го тренира или некоја друга активност, охрабрете го да го идентификува изворот на проблемите и да ја преиспита својата посветеност кон тимот. Потоа помогнете му да сфати дали откажувањето навистина го решава проблемот.rnrnrn

4. Воведете рутина на помагање и благодарност

rnСпоред научниците, истражувањата покажале дека луѓето кои имаат навика да искажуваат благодарност се повеликодушни, почувствителни, поподготвени да помогнат и простуваат, но исто така, тие имаат и поголема шанса да бидат посреќни и поздрави. Затоа им се препорачува на родителите да се држат до тие основи, барајќи од децата да му помогнат на својот брат, сестра и да бидат благодарни за она што ќе им го направат. А, кога станува збор за наградувањето на „доброто однесување“, научниците препорачуваат родителите да ги наградуваат невообичаените, несекојдневни дела на љубезност.rn

5. Обрнете внимание на негативните емоции

rnСпособноста за грижа за другите може да се намали кога чувствувате лутење, срам, завист, или други негативни емоции. Помагајќи им на децата да ги идентификуваат, именуваат и анализираат тие емоции, ги водиме кон безбедно и сигурно решавање на конфликтите, што и понатаму ги држи фокусирани на тоа да бидат грижливи суштества. Исто така е важно да поставите јасни и разумни граници кои тие ќе ги разберат и за кои ќе сфатат дека се поставени од љубов и грижа за нивната безбедност.rn

6. Покажете им ја на децата пошироката слика на ситуацијата

rn„Скоро сите деца сочувствуваат и се грижат за малиот круг на семејството и пријателите“, велат научниците. Суштината е да ги научите да се грижат за луѓето кои се општествено, културно, па дури и географски надвор од тој круг. Ова може да се постигне така што ќе ги научите внимателно да ги слушаат другите, односно ќе ги охрабрите да се стават на местото на другите луѓе и да се најдат во „нивните обувки“, како и со вежбање емпатија низ одредени примери од вести или забава.

May 4, 2017
9 чудни начини за воспитување деца ширум светот

Родителите низ целиот свет имаат различни начини за воспитување на своите деца, но едно нешто сигурно им е заедничко: Тие го посакуваат најдоброто за нив. Погледнете некои од најчудните традиционални начини за воспитување од различни култури.rn

1. Мавританските родители плукаат во лицето на нивните деца

rnrnrnНародот Волоф од Мавританија сметаат дека нивната плунка ги зачувува нивните зборови, па затоа тие плукаат на новороденчињата за нивните благослови да останат на детето. Мајките обично плукаат на лицето, а татковците на ушите и потоа ја разнесуваат плунката низ целата глава за да му обезбедат благословен живот на детето.rn

2. Норвежаните ги оставаат децата да спијат надвор на температури под нулата

rnrnrnЧеста појава во нордиските земји е родителите да ги остават своите деца во количка пред ресторан на студен зимски ден додека тие уживаат во топол ручек внатре. Се верува дека ледениот свеж воздух ги прави посилни и отпорни на болести.rn

3. Мајките од Кенија не ги погледнуваат своите бебиња во очите

rnrnrnИако жените од Кенија се многу поврзани со своите деца, тие го тргаат погледот од нив во моментот кога детето и најмалку ќе се возбуди. Ова е нивен начин да ги научат децата да не бараат премногу внимание.rn

4. Родителите од Виетнам ги учат нивните деца да мочкаат кога ќе им се заповеда

rnrnrnСекогаш кога дете од Виетнам ќе покаже знаци дека му се мочка, мајките почнуваат да свиркаат. Додека да наполнат 9 месеци, децата учат да го поврзуваат тој звук со потребата за мочкање и се учат сами да одат во тоалет.rn

5. Мајанските родители ги бањаат нивните бебиња во студена вода

rnrnrnМајанските деца обично добиваат освежувачка бања во ладна вода пред да одат на спиење. Ова го прават со цел да ги заштитат од горештините и да им го одржат доброто здравје.rn

6. Финските бебиња спијат во картонски кутии

rnrnrnМајките во Финска традиционално добиваат кутија од државата која содржи корисни работи, вклучувајќи и тенок душек. Оваа кутија служи како прво креветче за бебето.rn

7. Јапонските деца јадат сè и никогаш не се здебелуваат

rnrnrnЈапонските родители, како и мензите во училиштата, многу внимаваат на дневните оброци на децата. Како резултат на ова, тие следат начин на исхрана богат со растенија и хранливи материи и никогаш не се прејадуваат.rn

8. Данските деца ги закачуваат нивните цуцли на дрво

rnrnrnВо Данска, кога децата ќе наполнат 3 години и ќе ја надминат навиката за цицање, тие ги оставаат своите цуцли на посебни дрва како збогување со нивните играчки за смирување.rn

9. Американските бебиња ја одбираат својата професија додека се многу мали

rnrnrnКако дел од ритуал, американските мајки поставуваат неколку играчки пред нивните деца штом ќе се појават првите запчиња. Првата играчка која ќе ја одбере детето би требало да ја предвиди неговата кариера. Книгата обично претставува професор, парите банкар, а ножот претскажува дека детето ќе стане доктор.rnrnПогледнете и што би се случило доколку децата ги воспитуваа родителите.

April 25, 2017
Инспиративно писмо од една студентка до нејзината идна ќерка: Зошто ќе ја научам ќерка ми никогаш да не чека?

Тешко е да се воспитува ќерка во свет каде сите вредности се изместени. На жените постојано им се наметнува мислењето дека треба да ги доведуваат до прашање нивните способности и поради тоа родителите се соочуваат со вистински предизвик кога треба да ги научат ќерките да бидат самоуверени и независни. Во следниов текст студентката Сидни Дејвис објаснува како таа би ја воспитувала нејзината ќерка иако воопшто не планира да се омажи и да има деца. Нејзините зборови се инспиративни и со сигурност ќе ве наведат на размислување…rnrnrnrn[message_box title=”” color=”yellow”]rnrnЧистата душа се појавува во многу форми.rnrnЈас лично не сакам деца. Никогаш не ми се допаѓала идејата да имам деца (мајка ми не се согласува со мене).rnrnНо, кога би имала дете, кога би имала ќерка би ја научила да не чека. Да не чека ништо и никого.rnrnЌе ѝ кажам да не го чека принцот на бел коњ да дојде и да ја спаси. Целта ќе ми биде да ја научам дека светот се обидува да ги убеди жените дека им требаат мажи за да бидат исполнети, но тоа е една голема, ужасна лага.rnrnЌе ја научам дека таа во себе носи премногу искреност и духовност за да се преправа дека е глупава со цел му се допадне на некое момче со ниска самодоверба.rnrnНема да ѝ дозволам да порасне со идејата што ја промовираат бајките. Нема да ѝ дозволам да мисли и да очекува дека некој маж ќе дојава до нејзиниот замок и ќе ја разбуди од длабокиот сон како да е заспаната убавица.rnrnЌе ѝ кажам дека таа е веќе разбудена и полна со жар што може да го изгори целиот замок до темел. И потоа ќе ѝ кажам дека откако ќе ги одбие момците што се обиделе да затропаат на нејзината врата, ќе се појави вистинскиот. Кога тој ќе се појави, таа ќе мора целосно да ја разбере емоционалната невиност. Ќе треба да дознае дека чистата душа доаѓа во многу форма и дека емоционалната невиност е исто толку важна колку и физичката невиност.rnrnИ потоа таа ќе ме праша: „Мамо, што е емоционална невиност?“rnrnА јас ќе и кажам: „Сонце, емоционална невиност значи дека знаеш која си и што сака твоето срце. Сѐ додека знаеш што сака твоето срце, ќе ја имаш контролата врз твоите чувства. Твоите чувства нема да те поседуваат тебе. Ти ќе ги поседуваш нив.“rnrnЌе ѝ кажам дека не смее да го крие сопственото вистинско лице само за да им угоди на другите. Таа е единствената неправилност во зоната на удобноста и токму тоа ја прави прекрасна.rnrnЌе ѝ кажам дека во нејзиното срце постои копнеж по авантура и дека треба да направи сѐ што може за да го оствари. Ќе ѝ кажам да не се плаши да побара совет од нејзините ментори и блиски пријатели и потоа бестрашно да почне да се бори за она што го сака.rnrnЌе ѝ кажам дека светот ја чекал токму неа уште од неговиот настанок. Ќе ѝ кажам дека таа се состои од 1 000 букети рози и милион авантуристички романи соединети во едно.rnrnЌе ја седнам пред огледало, како што мајка ми правеше со мене, и ќе ја натерам одново и одново да ги повторува работите што ги сака кај себе, дури и да не верува во нив. Таа треба да ги чуе тие зборови гласно и јас ќе се погрижам тоа да биде така.rnrnПо нашиот разговор, ќе ја прегрнам силно и ќе ѝ кажам:rnrn„Светот е твој. Земи го. Јас сум постојано тука до тебе.“rnrn[/message_box]

October 9, 2016
Придржувајте се до овие 9 правила и вашиот син ќе израсне во прекрасен човек

Оние родители кои имаат синови и ќерки најдобро знаат да ја забележат разликата при воспитувањето на децата од различните полови. Врската мајка – син отсекогаш се истакнувала како особено цврста и нераскинлива. Но, за да се изгради здрав и квалитетен однос потребни се некои „непишани“ правила, кои ги практикуваат успешните мајки на синови. rnrnМајките кои имаат синови, многу често се наоѓаат пред одредени предизвици, за кои им треба многу трпение и разбирање. Сепак станува збор за човек од спротивниот пол, кој има одредени потреби, а тие потреби треба секогаш да се разберат. Доколку и вие имате син, прочитајте како да развиете посебен однос со вашето дете и како да му помогнете на патот кон постигнување на неговите успеси, без притоа да бидете премногу наметливи и да одлучувате наместо него.rnrnrn

1. Никогаш не му се смејте на вашиот син!

rnКога жена му се смее на маж, тоа за него е најчесто трауматично искуство, а кога му се смее неговата мајка, тогаш тоа може да прерасне во длабока траума. Без оглед дали му се потсмевате што наопаку ги облекол фармерките, невешто нацртал куче или затоа што изјавил љубов на девојчето од соседната клупа. Мажите се особено чувствителни по тоа прашање, уште од своите најрани години (тоа многу добро го знае секоја мајка која има син). Вашето потсмевање ќе го памети сиот живот и никогаш нема да ви прости.rn

2. Секогаш одговарајте на сите негови прашања

rnВо секое време! Исто така, избегнувајте ја онаа фраза „кога ќе пораснеш, ќе сфатиш“. Треба да бидете подготвени да одговорите во секое време на секое прашање. Доколку не знаете, подобро кажете си искрено. Но, потоа потрудете се да го пронајдете вистинскиот одговор и да му одговорите, иако можеби ќе ви требаат и неколку дена за тоа. rnrnВе збунува? Прашањето од вашиот син ви ги поцрвенува образите? Одлично – ете прилика да размислите и да анализирате уште еден свој комплекс. Затоа што прашањата кои ви ги поставуваат вашите деца, а кои ви создаваат непријатно чувство, откриваат некои ваши недостатоци. Но, притоа во себе немојте да го осудувате вашиот син. Одговорете му дека прашањето ве ставило во недоумица и оти мора да размислите. Побарајте малку време, а децата немаат никаков проблем со тоа. Тоа е всушност убавината во одгледувањето на децата, преку нив, созреваат и родителите.rn

3. Побарајте и прифатете совет од синот

rnНе можете ниту да си замислите со каква леснотија детето може да реши некој ваш „возрасен“ проблем поради кој со години сте ја удирале главата в ѕид. Децата можат да најдат соодветен одговор за секое прашање, без исклучок. Од прашањата каков да биде вашиот нов стан, зошто постојано сте во конфликт со некоја личност, па сè до тоа зошто нешто не правите како што треба. Така момчето се учи да биде маж, кој лесно ќе донесува одлуки и ќе биде потпора во семејството. Едноставно покажете му доверба и почит, а тој ќе ви возврати со квалитетни решенија и одговори.rn

4. Заборавете на фразата „Сто пати сум ти кажала“

rnДури и ако сте зборувале, а тој не слушал, сменете го пристапот. Вие немате право да се натпреварувате со детето за што било што, а тоа „Сто пати сум ти кажала“ е всушност натпреварување во кое мајката се насладува со „победата“. Сте биле во право? Одлично, но радувајте се молчешкум. Вашиот син сè ќе сфати, не мора да му посочувате со прст.rnrnrn

5. Пофалете го!

rnВоодушевувајте му се на вашето дете, без притоа да му посочувате на некои мали корекции. Едноставно кажете му „Одлично е!“ Детето кое добива пофалби, најчесто дава сè од себе да биде подобро, затоа што со пофалбите му давате мотивација да оди напред.rn

6. Поддржете го секој негов сон

rn„Сакам да бидам подводен археолог“ – одлично. Купете му книги поврзани со таа тема. „Сега сакам да бидам сликар“. И тоа е одличен избор, купете му книги и одведете го во галерии и музеи. „Се предомислив, сакам да бидам инженер…“ Детето има право на избор. Додека се мали поддржувајте ги, а вистинскиот избор тие ќе го направат во почетокот на 20-те години од животот. И тогаш, како и додека биле мали момчиња, поддржете ги во нивната одлука, колку и да не се согласувате со изборот на вашиот син.rn

7. Доколку момчето плаче…

rnЗначи дека има некаков проблем. Можеби за вас е голема глупост што се расплакал затоа што во градинка за ручек му дале ориз, наместо омиленото гравче, но тоа за детето е огромен проблем. За него секоја неволја во којашто ќе се најде е огромна. Тогаш вашата задача е да го смирите, без оглед колку години има вашето дете. Запомнете, детето не смее неутешно да плаче, никогаш.rn

8. Не држете му „лекции“

rnЗа ова правило нема потреба да се дава поголемо објаснување. Наместо со „лекции“ обидете се да пријдете на еден помек и потопол начин.rn

9. Вие сте секогаш на неговата страна

rnНо, не само со зборови, туку и на дело. Никогаш не го напаѓајте пред наставниците, другарите, роднините… Пред луѓето тој е секогаш во право, а потоа дома со длабок и конструктивен разговор дојдете до проблемот и обидете се да најдете решение. Тогаш вашиот син ќе стекне доверба во вас и ќе може да ви ги постави и најневеројатните прашања. Едноставно ќе биде сигурен во вас и во вашата поддршка, а тоа е сонот на секоја мајка. Тој сон, со многу труд и трпение, може да се оствари.

August 2, 2016
Како да воспитате дете без комплекси: 5 реченици на кои родителите треба да заборават еднаш засекогаш!

Сите родители сонуваат за тоа еден ден нивното дете да стане независна и успешна личност со силен карактер. Но, многу често се прашуваат зошто нивните деца не можат да се прилагодат во животот кога според нив тие направиле сѐ како што треба. Вистината е дека дури и една сосема навидум невина реченица може да влијае на детската психа. Поради тоа, родителите треба внимателно да ги одбираат зборовите кога зборуваат со нивните деца. Ова се 5-те реченици кои родителите треба целосно да ги исфрлат од нивниот речник…rnrnrn

1. „Кога јас бев на твоја возраст, бев одличен ученик.“

rnЗа секое дете родителите се луѓето кои знаат сѐ. Тие го формираат односот на детето со светот околу него и во него. Во реченицата „Секогаш сум бил одличен ученик“ детето гледа конкуренција. Децата кои често ја слушаат оваа реченица, целиот живот се обидуваат да му докажат нешто на семејството. Од една страна тоа е добро бидејќи може да послужи како мотивација, но притоа личноста не остварува нешто поради себе, туку поради мама и тато. Тоа го прави за родителите да сфатат дека нивното дете вреди. Подоцна кога ќе стане возрасна личност никогаш нема да ужива во своите успеси.rn

2. „Не те сакам кога не си добар.“

rnПо оваа реченица детето можеби ќе почне да се труди да се однесува како што треба. Но, притоа тоа ги отфрла сите свои потреби и желби и се обидува да ги исполни туѓите очекувања. На родителите тоа им одговара, но на крајот идентитетот на детето ќе остане скриен. Кога ќе порасне ќе сака на сите да им угоди и ќе живее со мотото: „Сакам да ме сакаат и затоа морам да го правам она што другите го сакаат. Немам свои желби, но затоа постојат желбите на другите луѓе“.rn

3. „Горан на полугодие има 5, а ти 4.“

rnРодителите го посакуваат најдоброто за нивните деца. Сепак, ваквите споредби се многу болно искуство за детето. Децата тоа ќе го пренесат и кога ќе станат возрасни. На децата им е многу непријатно кога ги споредуваат со други деца. Во нивниот понатамошен живот, тие ќе продолжат да се споредуваат со другите, но не во своја корист. Оваа реченица нема да ја поттикне желбата на детето да стане подобро.rnrnrn

4. „Немој да ме срамиш!“

rnПоради оваа реченица кај детето почнува да се развива комплекс. Тоа почнува да мисли дека неговите родители и другите луѓе се срамат поради него. Децата сакаат внимание, но не знаат што да прават со него. Тие почнуваат да се кријат, затвораат во себе и стануваат изгубени.rn

5. „Не сакам да те видам и чујам!“

rnДетето кое ќе ја чуе оваа реченица живее со чувства на вина пред родителите поради тоа што ним им пречи тоа да живее како што сака. Бидете внимателни со изјавите од ваков тип. Колку и да се скарате со вашето дете, бидете трпеливи и никогаш не кажувајте работи за кои подоцна можете да зажалите.rnrnОвие 5 реченици треба да ги отфрлите уште веднаш, ако не сакате вашето дете да развие комплекси. Зборувајте му на детето со љубов, за тоа какви доблести има и колку сте горди на него. Само со таков однос, тоа од сопствена слободна волја ќе даде сѐ од себе.

July 31, 2016
7 разлики меѓу обичниот и мудриот родител

Сите сме го поминале детството, но многу често се случува кога ќе станеме родители да заборавиме дека и ние сме биле деца. Длабоко во себе секој родител знае како вистински треба да постапи со своите најмили, но во секојдневието многу често ни недостасува трпение и мудрост. Која е разликата меѓу обичниот и мудриот родител? Ви нудиме седум клучни елементи од воспитувањето на децата и односот на родителите кон нив.rnrnrnrn1. Обичниот родител смета дека сето свое слободно време треба да го посвети на детето, а своите интереси ги става во втор план. Мудриот родител е способен самостојно да се грижи за себе, а на тоа ги учи и своите деца.rnrn2. Обичниот родител ги минува вечерите помагајќи му на своето дете да ги заврши домашните задачи од училиште. Мудриот родител се придржува кон следната стратегија: Детето е задолжено за извршување на своите задачи и тоа е исклучиво негова одговорност.rnrn3. Обичниот родител се обидува чувството на вина да го искупи со различни подароци и пари, кои му ги дава на своето дете. Мудриот родител редовно му дава пари на своето дете за тоа да има свој џепарлак, којшто треба паметно да го распредели и само да си купува работи кои го интересираат и му причинуваат задоволство, а не се вклучени во семејниот буџет.rnrn4. Обичните родители често не се обидуваат да сфатат зошто нивното дете се однесува лошо и не го слуша доволно во одредени моменти. Мудриот родител со сите сили се обидува да го ислуша своето дете, за да разбере што се крие зад неговото несоодветно однесување и притоа бара начин да му помогне.rnrn5. Обичниот родител при воспитувањето на своето дете има за цел да одгледа пристоен човек. Мудриот родител дава сè од себе да изгради близок однос со своето дете.rnrn6. Обичниот родител го воспитува своето дете во атмосфера на попустливост, понекогаш дозволувајќи детето „да му се качи на глава“. Мудриот родител сфаќа дека има целосно право на свој личен простор, за свое хоби и време поминато без детето. Тој или таа ги почитува како своите, така и границите на своето дете.rnrn7. Обичниот родител се обидува да го заштити своето дете од сите животни предизвици и тешкотии, правејќи го за своето дете и тоа што не мора да го прави. Мудриот родител дозволува неговото дете да прави грешки, а потоа, заедно со него, разговара за тоа каква позитивна лекција може да се извлече од настанатата ситуација.

July 29, 2016
Како треба да зборувате со децата за тие да станат успешни личности во иднина?

Кога родителите очекуваат дете, тие читаат еден куп книги за сите работи што можат да се случат за време на бременоста, учат како треба да го воспитуваат детето, како да го одржуваат безбедно, здраво и слично. Но, многу малку од овие книги споменуваат една едноставна работа која треба да ја воведете во воспитувањето на вашето дете, а која многу ќе му помогне да стане успешно во иднина.rnrnД-р Керол Двек тврди дека идниот успех на личноста зависи од типот на размислување кој ќе се развие кај детето уште од најрана возраст. Постојат 2 вида, развиен или ограничен начин на размислување.rnrnrnrnОграничениот начин на размислување е поврзан со идејата дека нашата личност, интелект и креативни способности се непроменливи и природно ги поседуваме.rnrnРазвиен начин на размислување имаат оние кои не се плашат да се соочат со проблемите и кои поразот не го сметаат за доказ за нивната глупавост, туку за отскочна даска за развој и нови можности.rnrnКариерата, врските и способноста да се биде среќен на еден човек зависат од начинот на размислување кој ќе се формира во неговата глава уште во раното детство, па и понатаму.rnrnДетето не треба да биде пофалено поради неговиот талент, туку поради неговата способност за учење. Во продолжение прочитајте неколку примери кои ја покажуваат разликата помеѓу овие два начина на размислување…rn

Кога детето ќе прочита нешто

rnОграничен начин на размислување: „Многу си паметен!“.rnrnРазвиен начин на размислување: „Многу се трудеше за да го научиш тоа и успеа! Браво!“.rn

Кога детето ќе состави некоја сложувалка многу брзо

rnОграничен начин на размислување: „Колку паметно дете!“.rnrnРазвиен начин на размислување: „Извини што ти потрошив време на лесна сложувалка. Чекај да најдам некоја друга која ќе ти биде поголем предизвик. Знам дека го можеш тоа!“.rn

Кога детето ќе постигне добри резултати на тест

rnОграничен начин на размислување: „Освои 80 бодови на тестот? Браво!“.rnrnРазвиен начин на размислување: „Освои 80 бодови на тестот, што значи дека си на добар пат да ги научиш работите. Ако ги прегледаш задачите што си ги згрешил и пак го направиш тестот утре, сигурно ќе бидеш уште поблиску до 100 бодови.“rnrnrnrnРазликата помеѓу двата начина на комуникација е многу суптилна, но влијанието што таа може да го има на иднината на вашето дете е огромно.rnrnКога нема да го пофалите детето поради неговиот талент, туку поради неговата упорност и способност за учење, му помагате да разбере дека тоа не било родено со вградени способности и дека треба многу да се труди за да постигне успех во животот, со многу трпение и истрајност. И кога ќе се сопнат од животните потешкотии, тоа е сосема во ред. Во таков случај, мислењето што го има детето за себе нема да биде променето, затоа што тоа ќе разбере дека сѐ зависи од трудот што го вложило и дека неговите неуспеси не се поврзани со неговиот карактер.rnrnДоктор Двек и нејзините колеги спровеле истражување на оваа тема. Во текот на две години, тие набљудувале група ученици од седмо одделение кои намерно биле воспитувани според различните методи и начини на размислување. Тие откриле дека иако децата добиле слични оценки, нивните цели во училиште биле сосема различни.rnrnГлавната цел на децата со ограничен начин на размислување била да изгледаат паметни во очите на другите, по секоја цена. Нивното однесување било определено од нивната желба да ја одбегнат спротивната ситуација. За разлика од нив, децата со развиен начин на размислување не се плашеле од неуспех. Нивната основна цел била да научат по секоја цена, без оглед на ситуацијата.rnrnОчигледно е на кои деца ќе им биде полесно да се справат со животните потешкотии и да постигнат личен развој. Така што, внимавајте како ќе го формирате начинот на размислување на вашите деца. Тоа е многу важен дел од нивното воспитување и немојте да го запоставите.

July 8, 2016
Преферирате „удирање“ како дисциплинска мерка? Погледнете како тоа влијае на вашето дете

Ако и вие сте биле дисциплинирани на овој начин како дете, сигурно веќе знаете дека ништо добро не излегло од тоа. Всушност, тоа само дополнително го влошувало вашето однесување. Барем така велат новите студии.rnrnrnrnСпоред едно ново психолошко истражување, колку повеќе се казнуваат децата со удирање, толку повеќе ќе им пркосат на родителите и ќе доживеат зголемување на антисоцијалното однесување, агресијата, проблемите со менталното здравје и други когнитивни потешкотии. Студијата, која била објавена во „Journal of Family Psychology“, вклучувала анализа на 5-декадни истражувања, направени на околу 160.000 деца.rn

„Студијата беше фокусирана на она што повеќето го сфаќаат како удирање за дисциплина, а не како потенцијално насилно однесување. Станува збор за удар со отворена дланка на задникот или по екстремитетите“, вели Елизабет Гершоф, коавтор на студијата.

rnРезултатите не биле добри. Гершоф, заедно со Ендрју Гроган-Кејлор, откриле дека колку повеќе возрасните биле удирани како деца, толку поголеми шанси имале да се соочат со низа негативни исходи во подоцнежниот живот, вклучувајќи и одредени проблеми со менталното здравје.rn

„Ние откривме дека удирањето е поврзано со ненамерни штетни исходи и не води кон моментална или долготрајна послушност, што е целта на родителите кои на овој начин ги воспитуваат своите деца“, вели Гершоф.

rnrnrnВозрасните кои биле удирани како деца, исто така имале и поголема склоност да ја поддржуваат физичката казна и со своите деца. И тоа продолжува понатаму… Но, работите стануваат уште полоши. Гершоф и Гроган-Кејлор исто така ги споредиле негативните ефекти на удирањето во детството со оние кои се класификуваат како „физичко насилство“ на децата. И двете биле поврзани со истите штетни исходи.rn

„Ние живееме во општество каде што удирањето како дисциплинска мерка и физичкото насилство се две сосема различни нешта. Но, нашето истражување покажува дека тие ги имаат истите негативни ефекти на децата, со скоро незначителна разлика во степенот.“

rnИ покрај сè, удирањето продолжува и нема никаков закон кој би можел да го спречи, со оглед на тоа што не влегува во дефинициите за домашно насилство. Токму затоа и истражувачите се надеваат дека нивните откритија ќе им помогнат на родителите два пати да размислат пред да решат да го удрат своето дете.rn

„Се надеваме дека нашата студија ќе им помогне на родителите да се информираат за потенцијалната штета на оваа дисциплинска мерка и да ги поттикне да се обидат со некоја позитивна форма на воспитување“, завршува Гершоф.

July 7, 2016