КАФЕ ПАУЗА

Tag: рецепти

14 едноставни начини на кои можете целосно да ги трансформирате компирите

Без сомнение, скромниот компир е најпопуларниот зеленчук. Многумина не можат да си ја замислат својата недела без барем еден оброк кој вклучува компир, без разлика дали е варен, пржен или печен – тој одлично одговара со скоро секој вид храна. Но, доколку ви здодеало постојано да јадете само пржени компири, тогаш погледнете го ова видео со 14 различни и вкусни начини на кои можете да го подготвите компирот и за кои нема да ви биде потребно многу време.rnrnrnrnОвие рецепти можат да го освежат вашиот ручек, но и да ви овозможат дополнително да уживате во вашиот омилен зеленчук. Исто така можете и да ги освоите вашите најблиски со одличните предлози за сервирање од кои нема да можат да го тргнат својот поглед. Добар апетит!rnrn

November 6, 2015
6 уникатни начини за подготовка на вашето кафе

Доколку ви е здодеано постојано да го пиете вашето кафе на еден ист начин, тогаш ова видео без сомнение ќе ви помогне да ја разбиете вашата секојдневна монотона кафе рутина. Станува збор за 6 едноставни и уникатни рецепти кои нема да ви одземат многу време, но дефинитивно ќе ви го подобрат вкусот на кафето.rnrnrnrnПогледнете го видеото, одберете го вашиот нов омилен рецепт и следете ги чекорите. Вие не само што ќе се расоните, туку и ќе ја заблажите вашата душа и со сигурност ќе го откриете вашиот нов омилен вкус.rnrn

October 16, 2015
6 брзи и едноставни рецепти со јогурт кои се одлични за вашето здравје

Бидејќи јогуртот има ниска калорична вредност и исполнет е со корисни бактерии и витамини, тој е идеална напивка која ги зајакнува коските и имунитетот. Па, доколку сакате да ја подобрите вашата здравствена состојба, погледнете ги следниве начини на кои можете да подготвите здрави и едноставни оброци со јогурт.rnrnrnrn1. Ставете неколку суви брусници или други бобинки во висока чаша и потоа наполнете 2/3 од неа со полномасен јогурт. Додадете и ред мусли со малку мед на врвот и потоа послужете како појадок.rnrn2. Исечете го авокадото на ситни парчиња, а потоа додајте му лимонов сок, исечкана чили пиперка, кромид и свеж коријандер. Измешајте ги сите овие состојки со јогурт и послужете како сос за различни специјалитети.rnrn3. Измешајте го јогуртот со исечкан лук, нане и ким. Оваа мешавина е совршена како прелив за варен зеленчук.rnrn4. Направете брз сос за тестенини со ниска калорична вредност така што ќе го зачините јогуртот со исечкан босилек, италијански магдонос и крес. Додајте и малку фета сирење, како и неколку исечкани пиперки. Измешајте ја смесата со варените тестенини и декорирајте со црн бибер.rnrn5. Јогуртот може да биде и вкусен прелив за компир. Измешајте исечкан лук, маслиново масло и лимонов сок со јогурт, а потоа ставете бибер и додајте ја мешавината на сварените и оладени млади компири.rnrn6. Направете си интересна салата така што ќе комбинирате булгур, шери домати и рукола. Направете прелив од јогурт, исечкано нане, лук и лимонов сок и потоа сипете го врз салатата.

September 24, 2015
3 рецепти за смуди од кафе поради кои ќе го засакате утрото
Овие освежителни оброци во чаша имаат моќ да ви ја дадат потребната енергија за почеток на денот. Тие исто така се и исполнети со витамини и хранливи материи, па токму затоа и ќе ви помогнат при одржување на вашето здравје. Погледнете ги следниве 3 рецепти за смуди од кафе кои ќе ве натераат да го засакате утрото…rn

Смуди од банана и кафе

rnrn

Потребни состојки за 1 личност:

rn
- 100 милилитри млеко
- 2 лажици овесни снегулки
- 1 лажичка мед
- 100 милилитри ладно кафе
- 1 смрзната банана
- Прстофат цимет во прав
- Неколку ледени коцки
rn

Начин на подготовка:

rnСтавете ги сите состојки во блендер и мешајте сè додека не добиете глатка течност. Во напитокот се наоѓаат 220 калории, 7 грама протеини, 45 грама јаглехидрати, 4 грама хранливи влакна и 25 грама шеќери.rn

Смуди и вишни и кафе

rnrn

Потребни состојки за 1 личност:

rn
1. 150 грама смрзнати вишни
2. 175 грама бадемово млеко
3. 120 милилитри ладно кафе
4. 1/2 лажица екстракт од ванила
rn

Начин на подготовка:

rnМешајте ги сите состојки во блендер сè додека не добиете глатка смеса. Во оваа напивка се наоѓаат 120 калории, 2 грама протеини, 23 грама јаглехидрати, 3 грама хранливи влакна и 19 грама шеќери.rn

Смуди од ореви, цимет и кафе

rnrn

Потребни состојки за 1 личност:

rn
- 300 грама лажици суво грозје
- 250 грама ореви
- 160 милилитри млеко
- 1/2 лажичка цимет
- 1/2 лажичка екстракт од ванила
- 100 милилитри грчки јогурт
- 1 смрзната банана
- 100 милилитри кафе, смрзнато во ледени коцки
rn

Начин на подготовка:

rnИзмешајте ги сите состојки во блендер и вклучете го. Оставете го да ги мати сè додека не добиете густ пијалак. Во оваа напивка има 410 калории, 18 грама протеини, 59 грама јаглехидрати, 6 грама хранливи влакна и 40 грама шеќери.
September 11, 2015
Направи сама: 3 рецепти за нега со пченкарно брашно
Во последно време стана многу важно препаратите за нега да содржат природни или органски состојки. Свеста за здрави навики во секојдневната нега, доведе до создавање на многубројни рецепти кои можеме да ги направиме дома, a кои исто така се и одлични за нашата кожа, бидејќи не содржат парабени, алуминиум и други штетни состојки. Ви претставуваме рецепти за 3 препарати кои може да ги направите сами, а ќе ви послужат за нега на лицето и рацете.rnrnrn

1. Маска за лице со мед и пченкарно брашно

rn

Потребни состојки:

rn
- 2 лажици пченкарно брашно
- 1 лажица мед
- 2-3 лажици топло млеко
rn

Начин на подготовка:

rnДобро измешајте ги сите состојки и со нежни движења нанесете ја смесата на вашето лице. Покријте го лицето со влажен пешкир и оставете да делува 15 минути, а потоа измијте се со топла вода.rn

2. Млеко за чистење на кожата

rn

Потребни состојки:

rn
- 4 лажици пченкарно брашно
- 3 дл млеко
- 1 лажица пченкарно масло
- 2-3 капки етерично масло од роза
rn

Начин на подготовка:

rnИзмешајте ги пченкарното брашно и млекото и загревајте ги на пареа околу половина час. Оставете ја смесата да отстои од еден до два часа, па потоа процедете ја.rnrnДодадете ги останатите состојки и добро измешајте. Млекото чувајте го во фрижидер и користете го 7 дена по ред.rnrnrn

3. Кремa за раце

rn

Потребни состојки:

rn
- 4 лажици пченкарно брашно
- 4 лажици глицерин
- 4 дл розова вода
- 4 капки етерично масло од роза
rn

Начин на подготовка:

rnНа пареа кремасто измешајте ги брашното, глицеринот и розовата вода. Откако кремот ќе се излади, непрекинато мешајќи додавајте го маслото од роза. Оваа крема за нега на рацете користете ја секојдневно. Чувајте ја во фрижидер, во амбалажа која сте ја зачувале од претходни креми.
September 1, 2015
10 одлични и креативни начини да го надградите вашето ледено кафе

Дури и ако обожавате класично ледено кафе, малите промени никогаш не се на одмет. Па, доколку сакате да ја освежите вашата дневна доза леден кофеин, погледнете ги следниве неколку предлози кои ќе направат да уживате уште повеќе во вашиот омилен летен пијалак.rn

1. Домашен сируп за ледено кафе

rnrnrnДомашните и едноставни сирупи се најдобриот начин да додадете уникатен вкус на вашето кафе. Кликнете тука доколку сакате да откриете како да го направите домашен сируп за ледено кафе на кој подоцна можете да му додадете секаков вкус – овошен, чоколаден, цимет…rn

2. Ледени коцки со вкус на кафе

rnrnrnЗамрзнете ги остатоците од кафето во калап за ледени коцки и наредниот ден ќе можете да уживате во нив. За целосен рецепт, кликнете тука.rn

3. Направете сами чаша за носење на вашето кафе

rnrnrnСè што ќе ви биде потребно за оваа чаша се сламки кои можете да ги користите повеќе пати, мала тегличка и пиштол за лепило. Започнете така што ќе направите дупка во центарот на капакот, а потоа проширете ја за да може во неа да влезе сламката. Поставете нитни под и над дупката и прицврстете ги со лепилото. Вашата чаша за носење е готова.rn

4. Егзотичен прелив

rnrnrnДодајте необичен вкус на вашето кафе. За овој рецепт ќе ви бидат потребни 2 портокали, 20 грама средно мелено кафе, 5 парчиња кардамом, искршени и 900 милилитри филтрирана вода (плус 230 милилитри со цел да се замени водата која е изгубена при филтрирањето)rnrnИзрендајте ја кората од портокалите, притоа внимавајќи да не вклучите од белиот дел. Портокалите можете слободно да ги изедете или да ги зачувате за друга прилика. Измешајте ги добро кафето, изренданата кора од портокалите, кардамомот и водата во голем сад и покријте го. Оставете ја смесата да се одмори на собна температура, околу 24 часа. Филтрирајте ја смесата неколку пати низ ситна цедалка, а потоа поставете врз неа хартиена крпа и повторете уште еднаш или два пати. Чувајте го преливот во фрижидер.rn

5. Топка сладолед

rnrnrnЗасладете го вашето ледено кафе со топка сладолед од вашиот омилен вкус!rn

6. Кафеав шеќер

rnrnrnСменете го белиот шеќер со кафеав. Тој подобро се разложува во студените пијалаци, а плус додава и вкус на карамела.rn

7. Забавни и колоритни сламки

rnrnrnВие можете да ја разбиете монотонијата на секојдневното ледено кафе со едноставно додавање шарена сламка.rn

8. Кондензирано млеко

rnrnrnКондензираното млеко е веќе засладено, па токму затоа и целосно можете да го изоставите шеќерот со помош на овој вкусен додаток.rn

9. Допир свежо нане

rnrnrnДоколку се чувствувате авантуристичко, покрај нането додајте и една лажица чоколаден сируп.rn

10. Шлаг пена

rnrnrnНе мора да чекате посебна прилика со цел да го декорирате вашето ледено кафе со вкусен пенест шлаг!

August 26, 2015
3 вкусни и егзотични рецепти за топло чоколадо кои едноставно мора да ги пробате
Топло чоколадо, подготвено со необични и егзотични додатоци за неизмерно уживање

rnrn

Кардамон и нане

rn

Потребни состојки:

rn
- 40 грама црно чоколадо
- 300 милилитри млеко
- 2 лажици слатка павлака
- Шеќер (по вкус)
- 1-2 гранчиња нане
- Прстофат кардамон
rn

Начин на подготовка:

rnЗагрејте го млекото и во него стопете ги коцките чоколадо. Додајте ја слатката павлака и шеќер по вкус. Измешајте. На крај додајте ги нането и кардамонот, оставете го малку да постои и потоа сервирајте. Рецептот е за две шолји.rn

Чили и цимет

rn

Потребни состојки:

rn
- 40 грама црно чоколадо
- 300 милилитри млеко
- Шеќер (по вкус)
- 1/2 црвена чили пиперка
- 1/2 лажица мелен цимет
rn

Начин на подготовка:

rnЗагрејте го млекото и во него стопете го чоколадото, а потоа додајте и шеќер. Ситно исечкајте ја пиперката и додајте ја заедно со циметот. Оставете да постои 5 минути. Пред да го сервирате, по желба исцедете го. Рецептот е за 2 шолји.rn

Ѓумбир и ванила

rn

Потребни состојки:

rn
- 40 грама црно чоколадо
- 300 милилитри млеко
- 1 лажица ванилин шеќер
- 1/2 стапче ванила
- 1 парче свеж ѓумбир
rn

Начин на подготовка:

rnИзлупете го ѓумбирот, исечкајте го на мали парчиња, па загрејте го заедно со млекото и потоа извадете го. Стопете го чоколадото во врелото млеко и потоа додајте ванилин шеќер и изрендано стапче ванила. Оставете да постои 5 минути и пред сервирање исцедете го. Рецептот е за 2 шолји.
August 8, 2015
9 кратки и лесни рецепти од само 3 состојки кои ќе ве натераат да си ги излижете прстите
Готвењето станува многу полесно и позабавно кога правите брзи, лесни и вкусни јадења, а нема ништо полесно од рецепти од само 3 состојки. Благо или солено, ваш е изборот, еве 9 рецепти од само 3 состојки кои ќе ве нахранат, заситат и заблажат.rn

1. Палачинки од банана

rnrn

Потребни состојки:

rn
- 1 банана
- 2 јајца
- Малку цимет
rn

Начин на подготовка:

rnИзмешајте една банана со две јајца, наместо вообичаената смеса за палачинки и наросете со малку цимет. Овие палачинки се брзи, вкусни и најважно од сѐ, тие се необични и поинакви.rn

2. Торта со Орео колачиња

rnrn

Потребни состојки:

rn
- Орео колачиња
- Шлаг
- Млеко
rn

Начин на подготовка:

rnИзматете цврст шлаг и врз него редете Орео колачиња натопени во млеко во слоеви. Завршете со слој колачиња ненатопени во млеко. Откако сè ќе наредите, ставете го садот во фрижидер. По неколку часа во фрижидер, смесата ќе се стврдне. Исечете ја тортата на коцки и сервирајте.rn

3. Брауни колачиња од Нутела

rnrn

Потребни состојки:

rn
- 2 јајца
- 300 г Нутела
- 60 г брашно
rn

Начин на подготовка:

rnВо тава, измешајте ги сите состојки заедно и печете ги околу 15 минути.rn

4. Колачиња од путер и брашно

rnrn

Потребни состојки:

rn
- Шеќер во прав
- Солен путер
- 250 г брашно
rn

Начин на подготовка:

rnПутерот, шеќерот во прав и брашното измешајте ги така што да добиете мека смеса за колачиња. Печете го тестото околу 25 минути и потоа исечете го на ленти.rn

5. Колачи од путер од кикиритки

rnrn

Потребни состојки:

rn
- 1 јајце
- 200 г шеќер
- 180 г путер од кикиритки
rn

Начин на подготовка:

rnОткако ќе ги измешате сите состојки, од смесата направете топчиња, кои потоа ќе ги сплескате. Употребете виљушка за да ги израмните и за да создадете некоја интересна шара на нив. Потоа печете ги околу 12 минути.rn

6. Пудинг од лимон

rnrn

Потребни состојки:

rn
- 4 лимони
- 400 г шеќер
- 700 мл шлаг
rn

Начин на подготовка:

rnИзрендајте ја кората од лимоните и сварете ја. Потоа, додадете го шеќерот за да направите сируп. Додадете го и шлагот и оставете ја смесата да зоврие. На крај, додадете го сокот од лимон и ставете ја смесата во чаши откако ќе се излади. Ставете ги чашите во фрижидер и оставете ги преку ноќ.rn

7. Полнети компири

rnrn

Потребни состојки:

rn
- Компири
- Крем сирење
- Сланина
rn

Начин на подготовка:

rnОткако ќе ги испечете компирите, додадете смеса од сирење и сланина и печете повторно.rn

8. Чоколадна торта без брашно

rnrn

Потребни состојки:

rn
- 6 јајца
- 320 г чоколадни трошки
- 6 лажици путер
rn

Начин на подготовка:

rnИзмешајте ги сите состојки заедно така што ќе се создаде изедначена смеса која потоа ќе ја печете 40-тина минути.rn

9. Колачиња со путер од кикиритки

rnrn

Потребни состојки:

rn
- 80 г чоколадни трошки
- 50 г путер од кикиритки
- прстофат сол
rn

Начин на подготовка:

rnОткако ќе ги стопите чоколадните трошки, во калап за колачи турете слој чоколадо, потоа путер од кикиритки и повторно чоколадо. Наросете со сол одозгора и оставете ги во замрзнувач околу 30 минути.
August 7, 2015
Хранете се здраво во текот на бременоста: 4 вкусни рецепти за идните мајки
Бременоста е најголемиот предизвик во животот на жената. Од разните проблеми, како болките во грбот, утринските мачнини… па до хормонските промени и неконтролираниот глад, бременоста може да биде тешка за справување. Сигурно како што го читате ова, во глава ви се врткаат мисли што следно да јадете. Затоа, изнајдовме 4 рецепти кои ќе ви помогнат здраво да се храните, но и ќе ви го задоволат гладот.rn

1. Пилешка салата

rnrn

Потребни состојки:

rn
- Пилешки гради без коски и кожа
- Кромид
- ½ корен од целер
- ½ шолја грозје
- ½ шолја сечкани ореви
- 1 ½ лажичка мајонез
- 1 лажица сок од лимон
- ½ лажичка сол
rn

Начин на подготовка:

rnСварете го месото и исечкајте го на коцки, исечете ги кромидот и целерот, а потоа сите состојки измешајте ги во голема чинија. Оставете ја салатата во фрижидер за добро да се олади пред да се послужите. Можете да ја јадете со омилениот вид леб, крутони или без леб, ако така повеќе ви се допаѓа.rn

2. Сладолед од банана и Нутела

rnrn

Потребни состојки:

rn
- 6 зрели банани
- 150 г Нутела
rn

Начин на подготовка:

rnСтавете ги бананите во блендер и мешајте додека не добиете мазна и изедначена смеса како за пире. Потоа додадете ја Нутелата во блендерот. Добиената смеса ставете ја во калапи за сладолед или во кутија и оставете ја во замрзнувач за да се стврдне.rn

3. Равиоли со пармезан

rnrn

Потребни состојки:

rn
- Eдна кесичка полнети равиоли
- ½ шолја пармезан (рендан)
- 6 лажици (маслиново) масло
- 4 чешниња лук
- ¼ лажичка сол
- ½ лажичка оригано
rn

Начин на подготовка:

rnСварете ги равиолите според упатството на пакувањето и процедете ги. Потоа додајте путер или маслиново масло и пармезан. Мешајте додека сè не се соедини, а потоа додајте ги и останатите состојки. Сервирајте со зелена салата.rn

4. Спирални тестенини со туна

rnrn

Потребни состојки:

rn
- Конзерва туна
- ½ кесичка спирални тестенини
- Тврдо сирење
- 2 лажици масло
- 120 мл шолја млеко
- Една лажичка сол
- ½ лажичка зачини (босилек, оригано или кој било друг, по ваша желба)
rn

Начин на подготовка:

rnСварете ги тестенините според начинот на подготовка на кесичката, а потоа префрлете ги во тавче и додадете ги сите останати состојки. Варете и мешајте цело време, на ниска температура околу 10 минути. На крајот, во случај смесата да е премногу густа и сува, додадете млеко или вода. Сервирајте додека е топло во комбинација со вашата омилена салата.
August 5, 2015
Неверојатни здравствени придобивки од кромидот

Кромидот многу често е дел од здравиот оброк, без разлика дали се консумира сиров или во салата. Но, ако го подготвите на вистинскиот начин, тој може да стане најмоќниот природен лек за голем број болести.rnrnrn

Облоги од кромид

rnДоколку станува збор за главоболки, отекувања, болка во ушите или настинка, нанесете облоги од исечкан кромид на болните места. За високи температури, ставете облоги со исечкан кромид на нозете, додека пак за крвавење од нос, поставете ги на вратот. Ако ве каснало диво животно, повторно облогите од кромид можат да ви помогнат за побрзо заздравување на вашите рани. Ако имате чир на или под кожата, изрендајте 1 кромид и измешајте го со малку маслиново масло, па поставете го на болното место и чувајте го таму 1 до 2 часа.rn

Сок од кромид

rnИсечкајте го кромидот на ситни парчиња и исцедете го сокот од него. Доколку имате воспаление на белите дробови или некоја друга болест, измешајте го сокот со 1 лажица мед и пијте го 2 или 3 пати дневно. Со цел да го спречите губењето на косата или да го поттикнете нејзиниот раст, масирајте ја главата со сок од кромид неколку пати дневно. Тој е одличен и за справување со упорната кашлица доколку го разблажите малку со вода. Истиот рецепт важи и за чистење паразити во цревата. Доколку станува збор за кожни болести, масирајте ја кожата со сокот од кромид неколку пати дневно, додека пак за проблеми со желудникот пијте го во комбинација со ракија (измешајте со иста количина).rn

Варен кромид

rnЗа да се справивте со честото мокрење или чирот, исечкајте 1 главица кромид и измешајте го со 200 милилитри вода и 1 лажица мед. Откако ќе завршите, сварете го со малку рузмарин, 200 милилитри вино и 200 милилитри вода. Пијте по 1 лажичка на секој час.rn

Пржен кромид

rnДоколку имате рани и чиреви, најпрво измијте ги болните точки, а потоа нанесете го претходно испржениот кромид во масло. Ако имате проблем со згрутчувањето на крвта, секој ден треба да јадете по една главица кромид испржен во маслиново масло. Правете го тоа во попладневните часови или навечер. Доколку станува збор за воспаление на ушите, ставете облоги од врз нив со врел пржен кромид и држете ги така некое време. Тој исто така може да ви помогне и при справување со различните видови тумори на кожата.

July 21, 2015