КАФЕ ПАУЗА

Tag: почит

10 важни карактеристики кои треба да ги барате кај вашиот животен партнер

Зборуваме за љубов, почит и разбирање до крајот на животот. Ова се најважни карактеристики кои треба да ги барате кај вашиот/ата сопруг/а.rnrnrnrn

Искреност

rnВашиот животен сопатник мора да биде отворен и искрен со вас, но и кон самиот себе. Треба да знае кој е, кои му се јаките и слабите страни, какви ограничувања има во животот и кои препреки може да ги помине.rnrnИскреноста е секогаш најдобра опција. Не можете да планирате иднина со човек кој е склон кон криење на вистината поради која било причина.rn

Да знае да ви биде потпора

rnБракот е единство на двајца кои совршено се надополнуваат, ги делат своите обврски и задолженија и знаат да си бидат потпора еден на друг и во тешки и во лесни времиња. Може ли да му верувате на вашиот партнер? Колку често си ги исполнува ветувањата и обврските?rnrnrnrn

Љубезност

rnНе би поверувале колку е ретка љубезноста како особина и баш затоа е карактеристика која треба да ја барате во вашиот партнер. Тој/таа треба да биде трпелив и љубезен како кон останатите така и кон вас.rn

Моногамија

rnЗошто би стапиле во брак со личност која смета дека не треба да остане со еден партнер до крајот на животот? Дали би можеле да го/ја промените некогаш или пак да се носите со нејзините неверства? Оној кој не смета дека бракот е единство на двајца, а не на повеќе личности, со сигурност не знае да го вреднува ни бракот а ни вам.rnrnrnrn

Слични гледишта во животот

rnДа, вие не го губите идентитетот со влегувањето во брак и правилно е да стоите на своите ставови, но што се случува кога ни една страна не знае да направи компромис? Што ако имате сосем различни гледишта и очекувања во животот? Ако тој сака 5 деца а вие ни едно, тогаш можеби би требало да размислите подобро пред да речете „да“.rn

Сексуална привлечност

rnСексуалната привлечност е важна. Вие ќе бидете заедно до крајот на животот, па треба да бидете задоволни и на сексуален план. Да, постојат секакви периоди во животот, но доколку таа хемија воопшто не постои тогаш речиси се невозможни шансите да се појави во иднина.rnrnrnrn

Смисла за хумор

rnЖивотот има подеми и падови и во тешките моменти ќе ви треба личност која ќе знае да се пошегува и да ве насмее. Кога ќе имате тежок ден не ви треба некој кој ќе ве потсети колку животот е комплициран, туку колку е убав и дека вреди да се живее.rn

Добар однос со деца

rnКако се однесува со децата на вашите пријатели или роднини? Колку е толерантен/на и колку има трпение? Доколку сакате да имате деца во иднина, со сигурност треба да размислите каков родител би бил вашиот партнер.rnrnrnrn

Семејни вредности

rnКолку го вреднува семејството? Колку би ве вреднувал вам како негов/а сопруг/а? Го памети ли роденденот на неговата мајка, колку често му се јавува на својот дедо или татко? Ако не го вреднува семејството како во иднина би го вреднувал она што сте го создале заедно?rn

Почит

rnЉубовта и почитта се поврзани и не одат една без друга. Ако вашиот партнер не знае да го цени вашето мислење, не знае да ве поддржи и помогне кога ви е тешко, тогаш со сигурност не е „материјал“ за брак. Вие треба да бидете на исто рамниште. Тогаш кога ќе почувствувате дека се поставува супериорен/на и не ве почитува како личност, може да запишете кога и последната искра љубов и почит згаснала.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 3, 2014
Вистинскиот начин да прекинете долгогодишна врска
Уште веднаш да расчистиме – не постои добар начин да заврши една долгогодишна врска во која двајца луѓе вложиле многу труд, внимание и љубов. Нема да биде лесно и безболно ако треба да дојде до тоа, но со помош на овие неколку совети, може да биде барем малку подобро.rnrnrn

Бидете сигурни дека ја носите вистинската одлука

rnИмајте на ум дека кога носите одлука да раскинете љубовна врска, вие всушност ефикасно ги раскинувате сите врски на доверба и интимност кои сте ги имале со вашиот партнер, па подобро е да бидете сигурни што правите.rnМногу е важно дали вашата одлука ја донесувате во момент кога емоциите ви се на многу високо ниво, што обично се случува во големи кавги, или пак таа одлука долго време сте ја крчкале во главата.rn

Запрашајте се:

rn
- Дали проблемот кој е причина за раскинување е од скоро? Дали постои начин тоа да се реши заедно со партнерот/партнерката?
- Ако намалените или изгубените чувства се причина за раскинување, дали можеби сте размислиле за друг начин на кој би можеле да ја вратите изгубената страст?
- Дали имате меѓусебно разговарано за проблемите?
- Дали сте разговарале за проблемите со некој друг? Често луѓето кои се инволвирани во врската не можат добро да ги видат работите такви какви што навистина се.
- Дали можеби премногу очекувате од партнерот/партнерката?
- Дали прелесно се откажувате од тоа што го имате без да бидете свесни што можете да изгубите?
- Важно е да се преиспитате себеси за овие работи, бидејќи ако не ги расчистите проблемите кои ги имате во врската, кои многу често се произведени од личните проблеми, само ќе си ги понесете со себе во наредната. А така, никогаш нема да пронајдете вистинска среќа.
rn

Раскинете со почит

rnАко ја прекинувате врската со многу драма и емоции, кога другиот всушност не направил ништо конкретно со што ве повредил, тогаш најверојатно барате дополнително внимание и не сакате вистински врската да заврши. Девојките на пример, често сакаат да чувствуваат дека на нивните момчиња им е грижа што раскинуваат. Ладното однесување од страна на мажите пак, уште повеќе ги разлутува.rnrnМногу луѓе многу драмат при раскинувањето како резултат на несигурност и потреба да испровоцираат реакција или да ја префрлат вината на другиот за да се чувствуваат посилни при заминувањето.rnrnАко веќе сте донеле зрела и сигурна одлука, тогаш нема потреба да се разделите на лош начин со некој со кого сте делеле многу убави и интимни моменти. Зошто би сакале да го повредите повеќе отколку што веќе морате со самиот факт дека раскинувате?rnПричината за раскинувањето не е оправдување за лошо однесување. Дури и ако причината е лошиот однос од страна на вашиот партнер, сигурно не треба да се спуштите на тоа ниво. Тоа нема ниту нешто да промени, ниту ќе ве направи посилни.rnrnrn

Соочете се лице в лице

rnЕдноставно, раскинувањето лице в лице е единствениот достоинствен начин да се направи оваа работа. Не посегнувајте по технологијата затоа што така е полесно. Фејсбук, Скајп, долг имејл – сето ова не е добра опција. Може да кажете нешто на што нема да можете да добиете природна реакција од партнерот. Така може никогаш да не дознаете што точно бил проблемот, дали бил во вас или во другиот и дали евентуално можел да се реши.rnrnИсто така, не заминувајте си без збор. Како би ви се допаѓало вие да бидете откачени без објаснување? Зарем не би се чувствувале ништожно и мизерно, како да не сте ѝ значеле ништо на личноста со која сте поминале толку време?rn

Обидете се да простите

rnПолесно е да се каже одошто да се направи, особено кога партнерот или партнерката направиле нешто со што го испровоцирале завршетокот. Но, опростувањето не значи дека ги прифаќате нивните постапки, само значи дека ја прифаќате ситуацијата, дека сте свесни дека не можете заедно да бидете среќни и дека мора да се ослободите од лутината за да можете да продолжите понатаму, барајќи ја среќата со некој друг.
December 30, 2013
16 реченици кои ќе ги сфатат само оние кои се во брак

Секоја љубовна врска претставува посебно искуство и нормално, не може да се кажат некои универзални карактеристики кои ќе важат за сите. Но давањето збор за навек со себе си повлекува некои ставови кои не можат да ги сфатат луѓето кои не се во брак.rnrnrnrn1. Моногамијата е некако досадна, но многу повеќе го исполнува човекот од самотијата.rnrn2. Истовремено можете да сакате една личност и да сте ѝ многу лути.rnrn3. Колку повеќе работи ќе проживеете заедно со партнерот, толку вашето пријателство станува поцврсто.rnrn4. Го знаете зборот „засекогаш“.rnrn5. Се имате навикнато на отворената врата од купатилото.rnrn6. Ги имате осетено предностите и недостатоците од делењето на банкарските сметки.rnrn7. Разделеноста не е само нормална, туку и потребна.rnrn8. Пријателството и меѓусебното почитување е поважно од сексот.rnrn9. Го ставате сопругот, односно сопругата на прво место, и тоа не само со зборови, туку и со дела.rnrn10. Бракот не е исто што и врската.rnrn11. Знаете да опростувате и имате способност да продолжите понатаму.rnrn12. Понекогаш морате да се одлучите за една од овие две варијанти: да бидете во право или да имате мир по дома.rnrn13. Имате можност да ги сфатите неизречените потреби и проблеми.rnrn14. Постојат моменти кога не ви се допаѓа личноста која ја сакате најмногу на свет.rnrn15. Важно е да имате пријатели кои се во брак.rnrn16. Иако не е совршен, бракот може да биде одличен.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 26, 2013
Да се биде или не: ПАПУЧАР?

Познавам 4 типа мажи. Во првиот спаѓаат балканските алфа мажјаци кои секогаш нагласуваат кој е мажот во куќата и се разбира, за да ја докажат својата „машкост“, никогаш не пофаќаат ништо по дома. Најчесто тие се со големина на минијатурен сувенир во друштво на вистински мажи, оние кои вистински успеале во животот и кои не чувствуваат потреба да ги омаловажуваат жените за да се истакнат себеси.rnrnПотоа, една голема група мажи, кои пред друштво ја играат улогата на вистински маж, а дома пред жените се бубачки. Јас тоа го викам синдром Тошо Малерот. „Еве батка, рецимо, ја коа зимам да пеглам, не смее да ми писне…. Абе ја неа сум ѝ рекол сто пути, ти се мешам ја тебе коа гледаш спортски преглед? Не! Она мене…“Потоа, доаѓаат на ред оние кои од своето его направиле тепих. Кои буквално се однесуваат како без`рбетници, кои се одделуваат од друштвото штом фатат девојка, мора да бидат секогаш и сегде каде таа ќе им каже и не одлучуваат за ништо. Јавно ѝ признаваат дека имаат намера да се убијат ако ги остави.rnrnИ секако, тука се и добро воспитаните момци и мажи, кои ги почитуваат девојките и жените, и замислете, НЕКОГАШ ДУРИ ИМ ПОМАГААТ НИЗ ДОМА! Или како што се наречени, ПАПУЧАРИ.rnrnМалограѓанштината, и секако, влијанието на балканското воспитување, ги тера мажите да покажуваат јавно кој е газда дома или што би се рекло, да се знае кој носи панталони, (чисто информативно и жените носат, така што не ја разбирам поентата). Дали кај мажите кои се во долга врска или брак значително опаѓа нивото на тестостерон? Дали си помалку маж ако покажеш почит кон жена?rnrnВидете вака, кога ќе видам маж кој ѝ помага на жената во домашните обврски, не го гледам како „помалку маж“ туку напротив. Тој има многу поголема машкост од сите балкански алфа мажјаци помножени по сто.rnrnВо денешно време, кога еманципираната жена треба да работи, чува деца и чисти по дома, нема место за пердашење и покажување на машкост. Туку има помагање, почит и разбирање. А сите дами кои се патријархално воспитувани и бараат маж кој знае да викне, и кој ќе ѝ го покаже патот кон кујната, нека им е на помош оној Господ во кој веруваат.rnrnНема покажување на машкост или истакнување на оној кој е глава на куќата. Ни мажите не смее да се однесуваат како лигуши. Нема зошто да трчаат по жената како кутре и да го изгубат сопственото јас по пат. Ти не влегуваш во врска или брак за да си лечиш комплекси. Туку за да споделиш љубов, почит, разбирање. Нема главен и потчинет, барем ако сакаш да оформиш здрав однос во иднина. Има огромна разлика меѓу маж – лигле, и маж на кој му е додаден епитетот „папучар“.rnrnПапучар не постои во речник. Можеби е измислен од оние „мажишта“ кои му завидуваат на другарот кој покрај себе има убава и паметна девојка. Па ќе му купат папучи за роденден, и што? Би убиле да се на негово место.rnrnЈас да бев маж, со задоволство ќе кажував дека ја слушам и почитувам девојката и дека ѝ помагам по дома. Да бе, папучар сум и што? Па ставете прст на чело. Таканаречениот папучар, има здрава врска со љубов и разбирање, и секогаш кога неговата девојка ќе го спореди со неговите другари „мажишта“, верувајте, тој е соодветно награден.rnrnЕлиrnrn rn

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

July 14, 2013
Одиме ретро?

Според едно истражување, сè повеќе млади жени одлучуваат при стапувањето во брак да го земат презимето на сопругот. Повеќе од 65% од испитаничките го промениле своето презиме со стапувањето во светата заедница – брак. Дали овој, би рекла ретро потег, нè враќа назад во 19 век, кога Луси Стон се изборила за многу права на жените во Америка, меѓу кои правото на глас, и охрабрувањето жените да го задржат своето презиме при стапувањето во брак?rn

Моето прашање е, нели менувањето на презимето е менување на идентитетот? Зошто жените во денешно време би го зеле презимето на сопругот, наместо да го задржат моминското? Ако одбивањето да се промени презимето е непочитување кон семејството на сопругот, тогаш каде е почитта кон семејството на жената? Колку менувањето на презимето може да се поврзе со половата еднаквост и местоположбата на жената во општеството?Можеби ќе речете дека сме речиси рамноправни, со оглед на тоа каква била состојбата на жената во минатото, а каква е денес. Но да не забораваме дека и денес постојат жени кои се принудени да им се потчинуваат на мажите во семејството, и се третирани како нивни робови, на буквален или посуптилен начин. Би се изненадиле дека татковците кои во денешно време земаат пари за да ја дадат ќерката, и не се толку далеку од вас.

rnКога едно кралско семејство донесе одлука дека првото дете на Вилијам и Кејт, без разлика на полот, ќе биде престолонаследник, како нашето општество е толку опседнато со раѓање машки деца и „продолжување на семејната лоза“? Па ти можеш да имаш 5 машки деца, и само едно женско кое ќе постигне толку во животот што ќе го прослави семејното име дупло повеќе од сите мажи заедно.rnrnНе е дека сакам да бидам феминистички настроена мрчаторка, ама мислам дека ниедна од нас не е принудена да се покорува на заостанати адети од праисториско време, и да си ги згазне сопствените принципи само за да не ги налути свекорот и свекрвата. Зборувам за современите, независни и образовани жени, кои сепак одлучуваат да си го променат личниот идентитет.rnrnВо нашава земја, жената има неколку опции: да го задржи своето моминско презиме, да го земе презимето од сопругот, на своето да го додаде презимето на сопругот, или по презимето на сопругот да следува нејзиното презиме. И секако, има опција и двајцата да си земат сосема трето презиме кое нема врска ни со едната ни со другата страна. Драги мои дами, тоа ни се опциите, само прашањето е колку (не)менувањето на презимето ни значи нам и колку внимание ќе му посветиме. И во светот, а и кај нас, едно време задржувањето на моминското презиме зеде голем замав, но изненадувачки е фактот што денес во големи размери се враќа она старото – земањето на презимето на сопругот.rnrnДали менувањето на презимето е голем чекор назад за модерната жена, или може да се гледа од друга перспектива? Што ако со присвојувањето на презимето на сопругот, модерните жени на некаков начин го истакнуваат тој совршен баланс – дека денешната жена може да биде успешна кариеристка, а воедно верна сопруга и грижлива мајка.rnrnСе надевам дека ве заинтригирав доволно за подолу да оставите ваше мислење на темата. Колку и зошто е значајно менувањето на моминското презиме денес? Дали и зошто би се одлучиле на таков чекор?rnrnПа во денешно време, во ерата на дигитализацијата не е лесно. Ај што го менуваш презимето во сите правни документи, ќе треба да си го промениш корисничкото име и на социјалните мрежи… Епа не ни е лесно.rnrnДо следното читање,rnrnВашата Ели.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 19, 2013
Зошто не треба да ви е грижа што другите мислат за вас?

rn

„Може да бидете најзрелата и најсочната праска во светот, но секогаш ќе се најде некој кој не сака праски.“ – Дита Вон Тиз

rnСекој сака да биде почитуван и да им се допаѓа на другите, но што се случува кога туѓото мислење станува наша опсесија и почнува многу да влијае на нашата самодоверба? Дали треба да дозволиме нашите успеси, нашата работа, нашиот надворешен изглед, целосно да бидат оценувани преку туѓите очи? Ова се 5 причини зошто не треба да се оптоварувате со тоа какво мислење имаат луѓето за вас.rnrnrn

Луѓето секогаш ќе веруваат во она што тие сакаат да веруваат

rnМоже да потрошите премногу време и напор за да му се допаднете некому, да привлечете повеќе внимание, или да го смените мислењето кое некој го има за вас, но сето тоа би ви било залудно. Со вашите постапки и зборови до некој степен можете да влијаете врз туѓото мислење, но никогаш целосно да го промените.rnrnРаботата е во тоа што, луѓето веруваат во она што сакаат. Можеби личноста чии симпатии сакате да ги привлечете има одреден круг на луѓе со кои сака да е блиска, или има некакви предрасуди, најверојатно строги и глупави, така што никогаш нема да го смените начинот на кој ги оценува луѓето. Па тогаш зошто да вложите толкав труд? Енергијата насочете ја кон луѓето кои ве ценат и ве сакаат такви какви што сте.rn

Не е ваша работа што другите мислат за вас

rnКолку повеќе се грижите што другите мислат за вас, толку повеќе тоа ќе влијае на вас. За брзо време ќе почнете самите да си поставувате граници и нема да бидете слободни во својата кожа, секогаш размислувајќи како другите гледаат на вас. Дали навистина мислите дека доколку се трудите премногу и кон сите сте добри, секој ќе има добро мислење за вас? Дали мислите дека вреди да потрошите толку време пробувајќи да влијаете врз туѓото мислење, наместо да го надградувате сопственото?rnrnОставете ги луѓето да мислат што сакаат, тоа е нивно право и слобода, и не е ваша работа, дури и ако размислуваат за вас. Вие имате свој живот и бидете зафатени живеејќи го по свои правила.rnrnrnrn

Луѓето не се грижат толку колку што мислите

rnЛуѓето озборуваат за да си пополнат време, не мора да има некоја голема и важна причина. Доколку сте интересни и успешни, ќе ве озборуваат уште повеќе. Но, вистината е дека секој од нас, некој повеќе некој помалку, главно се фокусира на себе. Така што, додека вие губите време пробувајќи да влијаете врз туѓото мислење за вас, луѓето всушност најмногу се преокупирани со самите себе.rn

Не ви е потребна ничија дозвола

rnПрекрасно е чувството да се биде почитуван и некој да се огледува на тебе. Но, не можете целосно да влијаете на туѓото мислење, трудејќи се луѓето секогаш да го сакаат она што го правите. Доколку станете опседнати со тоа од сите да бидете сакани или пофалени, на добар пат сте да го изгубите здравиот разум, бидејќи тоа никогаш нема да успеете да го постигнете. Најважно е да се прифатите себеси со сите ваши маани и предности, а пофалбите кои ќе доаѓаат одвреме-навреме, едноставно сметајте ги за бонус, но никогаш не станувајте зависни од нив.rn

Не се важни оние кои не ве почитуваат, важни се оние кои ве почитуваат

rnКога луѓето не нè сакаат, ние уште повеќе се трудиме да нè засакаат. Кога луѓето нè одбиваат од себе, вложуваме огромен напор да нè прифатат. Можеби е самиот предизвик, или желбата да им докажеме дека не се во право. Но тоа е бесконечен круг од кој нема излез. Вистината е дека постојат луѓе кои нè сакаат без оглед на сè, и нè прифаќаат такви какви што сме, остануваат покрај нас и нè поддржуваат. Откријте кои се луѓето околу кои не чувствувате притисок и со кои можете да бидете свои и слободни, и почитувајте ги бидејќи не е лесно да се прифатат несовршеностите.rnrnrnrnСекако, туѓото мислење до некој степен е важно. Не би смееле да се претвориме во бесчувствителни суштества кои не се грижат апсолутно за ништо и воопшто да не го почитуваме туѓото мислење. Она што треба да научиме е кои се луѓето чие мислење вреди да го почитуваме. Најважно е да знаеме каде е границата, односно кога ги слушаме туѓите мислења за наше добро, а кога дозволуваме целосно да ја обликуваат нашата личност.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 13, 2013
10 знаци дека пријателите ви ја уништуваат врската

Пријателите се навистина драгоцен дел од животот и благодарение на нив среќните моменти се секогаш повесели, а тагата секогаш побрзо поминува. Секако, сето ова важи доколку до нас имаме вистински пријатели кои искрено се грижат за нас. За жал, многу често се случува токму спротивното. Луѓето коишто ги сметаме за блиски започнуваат премногу да се мешаат во личните работи и на тој начин непотребно ги комплицираат односите со останатите луѓе во нашиот живот. Прочитајте ги знаците подолу и дознајте дали пријателите на некој начин ви ја уништуваат врската.rnrnrn

1. Сметаат дека личноста со која сте во врска не е доволно добра за вас

rnСигурно ви се случило да запознаете многу драга девојка или мил дечко коишто за кратко време ви станале многу симпатични, но вашите пријатели едноставно не можат да ги поднесат. Обично коментарите од ваков тип се навистина површни и обично се однесуваат на изгледот или на финансиската состојба и во тој случај со сигурност не се наменети за ваше добро. Парите се приватна работа, а изгледот на личноста со којашто планирате да излегувате важно е да ви се допаѓа вам и пријателите треба да го почитуваат тоа.rn

2. Вашите пријатели се цицачи на внимание

rnПостојано слушате поплаки дека премногу време посветувате на љубениот/та? Ве исмејуваат секогаш кога ќе изберете состанок со момчето наместо шопинг? Или уште полошо, пропуштен фудбалски натпревар поради вечера со девојката? Во никој случај не треба да го запоставиме другарството кога сме во врска, но тоа не значи дека пријателите не треба да бидат среќни кога ќе пронајдеме личност со која сакаме да го поминуваме времето. Баш напротив!rn

3. Не ја почитуваат личноста со која сте во врска

rnДоколку вашите другарки не можат да сврзат две реченици кога ќе ги запознаете со вашето ново момче тоа е непочитување спрема него, но и спрема вас. Изговорот дека немаат заеднички теми не важи, едноставно не сакаат да се потрудат. Од друга страна, кога вашите другари не можат да престанат да зборуваат за други девојки, да зјапаат во натпреварот на телевизорот или едноставно не можат да се воздржат од непристојни разговори во друштво на вашата девојка тоа не само што е непочитување, тоа е и некултура.rn

4. Постојано ве потсетуваат на минатите врски

rnРазговорите за бившиот/бившата можат да бидат непријатни и треба да се прават во четири очи: меѓу вас и сегашниот партнер. Нема никаква причина пријателите да споменуваат поранешни врски и тоа треба јасно да им го дадете до знаење.rn

5. Ви „местат“ други девојки/момчиња додека сте во врска

rnОсвен ако не сте во врска со личност која е опасна по вашиот живот, ова не е во ред. Како што сте биле способни сами да најдете дечко/девојка, така сте способни да раскинете и да најдете нов/а доколку сакате.rn

6. Флертуваат со вашиот партнер

rnБез разлика дали првпат излегувате со личноста, дали имате отворена врска или сте заедно со години, пријателите треба да си ги знаат границите. Сегашни, бивши па и какви било други партнери на другарите/другарките се надвор од опсег!rn

7. Флертуваат со вас

rnОва мора уште веднаш да го решите. Доколку постои личност во вашето друштво со која претходно сте биле во врска или можеби сè се сведувало на обичен флерт, тоа мора да го расчистите во истата секунда кога ќе влезете во нова врска.rn

8. Зборуваат лошо за вас

rnМожеби нема директно да кажат нешто лошо за вас, но шегите и однесувањето доволно зборуваат. Доколку го прават ова за да се покажат како главни во друштво, а вас да ве омаловажат, размислете дали да ги донесете девојката или дечкото наредниот пат со вас.rn

9. Знаат премногу ваши тајни

rnДолго време сте со вашите другари/другарки и знаете скоро сè едни за други, и тоа е во ред. Но во моментот кога ќе почувствувате дека вашите тајни не се безбедни кај нив, особено оние кои можат да ѝ наштетат на врската, мора да изреагирате. Не дозволувајте да ве уценуваат или да ви создаваат тензија особено поради нешто што веќе поминало.rn

10. Пријатели од спротивниот пол

rnНајдобро е да разговарате со девојката или момчето за тоа како се чувствуваат да имате најдобар пријател од спротивниот пол. Доколку се разговара навреме, тоа може да функционира нормално, но мора да бидете свесни за дополнителните проблеми кои може да ги донесе во иднина.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 27, 2013
10 клучни особини на добрите родители

Многу од проблемите со кои се соочуваме денес, се резултат на одредени пропусти во нашето воспитување, а тие пак настанале од проблемите во воспитувањето на нашите родители. Психологот Лион Селцер го воочил ова во неговата долгогодишна практика и издвоил 10 клучни особини кои треба да ги поседува секој родител, за да успее да го изведе детето на прав пат.rnrnrnrnВреме и внимание – Родителите се должни да го стават детето на прво место во животот. Со тоа што редовно ќе му го укажуваат потребното внимание, ќе му покажат дека тоа им е важно и дека е сакано.rnrnЕмпатија и разбирање – За да имаат среќно детство, а подоцна и среќни зрели години од животот, децата треба да се почувствуваат разбрани. Родителот треба постојано да се обидува да го разбере детето што тоа сака да му каже, дури и кога тоа има тешкотии со изразувањето на мислите и чувствата.rnrnПрифаќање – Добриот родител секогаш го прифаќа тоа што детето му го кажува, без разлика дали се сложува со тоа. Личноста на детето мора да биде почитувана. Родителот мора да прифати дека неговото дете има свои мисли, кои во неговиот детски свет имаат своја логика, иако од аспект на возрасен човек тоа може да изгледа поинаку.rnrnrnrnДоверба – На детето му е потребно да му биде укажана доверба да ги изврши задачите кои одговараат на неговата возраст. Кога родителот прекумерно се обидува да му угоди, така што тој за него ќе врши одредени задачи, детето ќе се почувствува неспособно и ќе има проблем со исполнување на задачите во зрелите години.rn

Охрабрување – Кога детето ќе покаже знаци на страв од неуспех во одреденa задача која реално му е достижна, добриот родител ќе го охрабри детето да стигне до успехот.

rn

Признание и пофалба – Добриот родител секогаш ќе го пофали детето кога ќе успее во нешто и ќе му оддаде признание за искрените напори тогаш кога нема да успее.

rnДопири и прегратки – Еден од најбинтите фактори за постигнување на топла емоционална клима во која детето ќе ја развива својата личност, е во квалитетниот физички контакт. Редовните прегратки му ја покажуваат љубовта и поддршката која му се нуди.rnrnrnrnПочит – Детето ќе се однесува и ќе размислува детски, затоа што тоа е соодветно на неговата зрелост и познавање на светот. Родителот не смее неговите чувства и мисли да не ги сфаќа сериозно, да ги исмејува или омаловажува. Тоа ќе нанесе тешки ненадоместливи последици.rnrnНасочување – Има многу родители кои грешат кога се обидуваат целосно да ги контролираат децата, со цел да им овозможат добра иднина. Така нанесуваат само штета. Тие треба да го насочуваат детето и да му го пренесат своето искуство во врска со она што тоа самото сака да го постигне.rnrnСлобода – Добриот родител овозможува физичка, ментална и емоционална слобода за своето дете. Мајката и таткото му овозможуваат да има сопствен простор и приватност и му дозволуваат слободно да си ги искаже мислите и чувствата. Детето не смее да се плаши од скратување на овие слободи.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 15, 2012
10 правила кои момците не би требало да ги прекршат

Поседувајќи ги гестовите кои му доликуваат на еден џентлмен, вие сте оние кои добиваат поени. Главниот дел од градењето на вашите карактерни особини, е почитта кон дамите. Тоа е одраз на вашата култура како личност. Со нивното исполнување не се понижувате себеси, туку напротив, докажувате дека вие сте оформена личност со вистински квалитети. Ова се правилата кои момците би требало да ги почитуваат, а колку често се случува нивното прекршување, е веќе друга тема на разговор.rnrnrnrn1. Дамите на КОЈА БИЛО возраст, МОРА да ги третирате со почит.rnrn2. НИКОГАШ не дозволувајте вашата девојка, пријателка или колешка да си оди сама дома, особено навечер.rnrn3. Дамата на првиот состанок НЕ ПЛАЌА ни дел од сметката, макар и состанокот да не бил она што сте го очекувале.rnrn4. Не погледнувајте во друга девојка додека ја држите вашата девојка за рака. Невкусно е и понижувачки. ВАШИОТ поглед е сконцентриран на ВАШАТА дама, дури и да има парада на голи девојки околу вас.rnrn5. НЕ СМЕЕТЕ да си дозволите удобно да бидете сместени на столче, додека до вас има девојка која стои.rnrn6. Кога врне дожд, со дамата до вас сте под еден чадор, кој го држите ВИЕ.rnrn7. Кога вашата мајка се враќа од пазарење, ДОЛЖНИ СТЕ да ја ослободите од товарот.rnrn8. СЕКОГАШ ви е дозволено да се однесувате како јунак кога некоја дама е во неволја.rnrn9. Вашата мајка, сестра или пријателка, не смее да биде навредена од кој било, вие МОРА соодветно да реагирате на упатената навреда.rnrn10. Имате ДОЛЖНОСТ да ја ослободите вашата пријателка од типот кој ѝ додева цела вечер.

November 2, 2012
На жените им треба љубов, а на мажите почит?

Кога во едно истражување на мажите им било поставено прашањето: „Во случај да сте принудени да изберете помеѓу врска во која ќе бидете сакани, но нема да бидете почитувани и врска во која ќе бидете почитувани, но нема да бидете сакани, што би одбрале?“, 74% одговориле дека им е поважно да бидат почитувани. Дали е вистина дека на мажите им треба почит, а на жените љубов?rnrnrnrnЗошто жените копнеат по вистинска љубов? – На секоја жена ѝ е потребна љубов и заштита, чувство дека некој ја сака и дека не е осамена. Но, дали ваквото тврдење ги прави жените слаби и незаштитени личности на кои им е неопходна љубов? Дали на жените не им е неопходна почитта толку колку што се зависни од заштитата на своите партнери?rnrnЗошто на мажите им треба почит? – За мажите пресудно е да бидат почитувани и да имаат улога на авторитет во врската или бракот. Нив им треба почит со цел да си го хранат егото, додека љубовта не ја игра најголемата улога.rnrnДали треба на едно вакво тврдење цврсто да се спротивставиме? Дали и независните современи жени толку копнеат по љубов и заштита што би заборавиле на почитта која ја заслужуваат?rnrnЉубовта и почитта сепак, не можат да бидат толку строго одделени. Да сакате некого значи да го почитувате, а во многу случаи кога почитувате некого го сакате. Не можеме да речеме дека жените се толку зависни од заштитата на мажите и толку исплашени дека ќе останат сами што би заборавиле дека заслужуваат да бидат почитувани. Од друга страна, дали мажите би сакале жена која го почитува нивниот авторитет, но не негува посебни чувства кон него?rnrnЉубовта и почитта одат заедно во пакет и се вртат во круг. Без почит нема љубов и обратно. За врската да биде успешна неопходни се и двата елементи, иако никогаш не би смееле да ја исклучиме можноста дека приоритетите кај двата пола се различни. Можеби навистина стравот од осаменост кај жените е поголем отколку кај мажите.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 29, 2012