КАФЕ ПАУЗА

Tag: почит

Илустрации во сеќавање на Стив Џобс

Стив Џобс почина на 5 октомври 2011 година. Сите сме свесни за успесите и квалитетот на производите на неговите компании Елп и Пиксар. Но, Стив не беше инспирација само за лицата во неговиот бизнис. Тој успеа да влијае врз светот и врз начинот на живеење. Овие илустрации доаѓаат од неговите фанови ширум светот. Сите тие искажуваат почит кон човекот кој направи револуција во дигиталната индустрија. Тоа што го остави зад себе ќе остане вечно и бесмртно засекогаш.
rnrnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

October 26, 2011
Како да бидете личноста која сите ја почитуваат?
Не постои човек на планетава Земја кого буквално цел свет го сака. Дури и најкултурните, најталентираните и најубавите холивудски ѕвезди има некој што не ги сака. Зошто тогаш да си ја заморувате главата со луѓе кои некогаш биле, некој мал незначаен дел од вашиот живот? Не им се допаѓате? Во ред. И во вашиот живот сигурно имате некој кој не ви се допаѓа, но најбитно од сè е да ве сакаат оние луѓе, кои и вие ги сакате. А доколку ги сакате, треба и да им го давате тоа на знаење, и тоа не еднаш годишно, туку постојано. Применувајте што е можно повеќе од следниве совети и ќе бидете на вистинскиот пат да бидете личноста која сите ја сакаат и почитуваат.rnrnrn
- Бидете вистински заинтересирани за животот на другите луѓе.
- Бидете насмеани што е можно почесто.
- Имајте на ум дека името на секој човек, му претставува најмилозвучниот збор во македонскиот јазик. Па, обраќајте им се на луѓето лично, со нивното име. Ќе им се допадне тоа.
- Бидете добар слушател. Охрабрете ги другите луѓе да зборуваат за себеси.
- Направете луѓето да се чувствуваат дека вредат и правете го тоа искрено и од душа.
- Зборувајте во границите на интересите на личноста со која разговарате.
- Единствениот начин да го извлечете најдоброто од некоја кавга, е да ја избегнете.
- Покажете почит спрема ставовите и размислувањата на личноста со која разговарате. Никогаш не велете „грешка си“.
- Ако сметате дека вие сте погрешиле, признајте го тоа веднаш, пред личноста да има време да ви се налути.
- Бидете пријателски настроени.
- Презентирајте ги вашите идеи на подраматичен начин, за да ги испровоцирате луѓето со задоволство да ги прифатат.
- Не нервирајте се ако некој ваш пријател смета дека одличната идеја била негова.
- Дозволете им на другите луѓе да зборуваат колку што им душа сака.
- Обидете се искрено да ги погледнете работите низ „туѓи“ очи.
- Бидете сочувствени со идеите и желбите на другите луѓе.
- Мотивите секогаш треба да ви бидат чесни. Никој не почитува нефер играч.
- Кога сакате на некој да му посочите дека прави грешка, правете го тоа индиректно.
- Зборувајте за вашите сопствени грешки, пред да почнете да ја критикувате личноста која е пред вас.
- Пофалете ги луѓето и покажете им искрена почит за она што го прават во нивните животи.
- Поставувајте прашања наместо да давате директни наредби. Секој си знае најдобро како му е.
- Дозволете им на луѓето да ја зачуваат сопствената репутација.
- Дадете му значење и на најмалиот успех кој го постигнала личноста која стои пред вас.
- Охрабрувајте ги луѓето. Убедете ги дека лесно ќе можат да ја поправат грешката која ја направиле.
- Усреќете ги луѓето, дозволувајќи им да го направат она кое вие сте им сугерирале да го сторат.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 26, 2011
Нешта кои може да ги давате и кога немате пари

Оние кои даваат, живеат подолго. Не мора да имате пари за да имате што да дадете. Има други валути со кои можете да направите промена во вашиот живот и во животот на оние околу вас: вашето време, вашите емоции, вашето срце, вашето сочувство…rnrnДенес може да е обичен ден, како секој друг, но може и да се обидете нешто да смените, па давајќи, да добиете повеќе. Колку повеќе сте подготвени да дадете, толку повеќе универзумот ќе се стреми да ви го врати секој „долг“. Овие 11 нешта се многу евтини. Впрочем, за нив не треба ни да посегнете по новчаникот.rnrnrnrn1. Подарете насмевка, и тоа на секој што ќе го сретнете. За возврат ќе добивате многу насмевки.rnrn2. Споделувајте позитивни мисли за луѓето околу вас, па и за нешто што е поврзано со самите вас. Ќе имате добар живот, а луѓето ќе имаат добро мислење за вас.rnrn3. Упатувајте им љубезни зборови на другите и љубезноста несомнено ќе ве следи во животот.rnrn4. Ширете расположение.rnrn5. Ценете сè околу вас. Со тоа вашиот живот ќе добие повеќе вредност, а вие ќе бидете ценети насекаде.rnrn6. Охрабрувајте. Колку повеќе ги охрабрувате другите, толку повеќе вакви нови предивици ќе се поставуваат пред вас, но и толку повеќе охрабрувачи ќе имате во вашата околина.rnrn7. Оддавајте почит онаму каде што е потребно, а за возврат очекувајте нови луѓе да ја одобруваат вашата почит.rnrn8. Бидете среќни, давајте среќа и уживајте во чувството кое доаѓа со тоа. Тоа и вам ќе ви донесе среќа.rnrn9. Посветете време за некој друг освен за себеси, за некоја повисока цел. За возврат ќе бидете наградени на начини кои можете само да си ги замислите.rnrn10. Влевајте надеж. Гледајте како исчезнува безнадежноста, расте вербата и изобилува задоволството.rnrn11. Молете се за вашите пријатели, но и за оние кои ги доживувате како непријатели. Има толку многу гнев во воздухот, но молитвите ќе поминат долги патеки за да донесат вистински чуда помеѓу сиот тој гнев.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 13, 2011
Како да бидете добар пријател?

Никој не посакува еднострани пријателства, во кои некој вложува и жртвува многу повеќе од другиот, иако на сите ни се случува барем по некое такво искуство во животот. Чувството кога некој ве искористува никогаш не се заборава, меѓутоа ретко кој ја учи тешката лекција од него. Тоа се случува најчесто поради вербата во добрината и чесноста на луѓето, но и поради фактот што сите сакаме да бидеме прифатени како дружељубиви и пријатни личности од страна на останатите. Ова се неколку совети како да успеете да бидете добар пријател, но и да не дозволите некој да го искористи тоа.rnrnrn

Прво и основно, сакајте се себеси

rnМногупати е невозможно останатите да ве примат во животот како блиски, поради фактот што не покажувате почит кон себе. Како што вели и поговорката, мора да се сакаш себеси, за да сакаш и друг. Епа оваа поговорка важи и за пријателствата, бидејќи почитувајќи се себеси, нема да дозволите некој да се поигрува со вас и вашите принципи.rn

Донесувајте мудри одлуки

rnПостојат луѓе, на кои колку и да пробувате да им покажете дека ви значат и дека сакате да бидете блиски со нив, едноставно не дозволуваат да станете дел од нивниот живот. Секое пријателство бара трпение, енергија и време. Пред да се впуштите во зближување со некого, запрашајте се дали и другата личност е подготвена да се посвети, колку и вие. Пријателството е обострана работа и во добро и во лошо, па доколку некој сака да го сврти вниманието целосно кон него, со сигурност не ви е потребен во животот.rn

Имајте време

rnКако што веќе напомнавме, за создавање и одржување пријателство потребно е време. Една од многу важните алки во синџирот наречен пријателство, е секогаш да можете да одвоите време за вашите пријатели. Во моменти на радост, тага, досада, за денгубење или за забава, воопшто не е важно, вашето второ семејство секогаш има потреба да поминува време со вас.rnrnrn

Бидете смели

rnПонекогаш вие треба да го направите првиот потег, без разлика дали допрва планирате да се зближите со некого или да го одржите старото пријателство. За многумина ова е тежок потег и често не се ни осмелуваат да го направат, плашејќи се да не досадуваат или пак да не бидат одбиени. Но, секогаш треба да се има на ум дека за работата да тргне, мора некој малку да ја „подбутне“.rn

Не прави го некому она, што не сакаш да ти го прават тебе

rnОва златно правило, кое има примена во многу ситуации во животот, особено важи во пријателствата. Не може да се очекува некој да ве сака и почитува, доколку и вие не го правите истото. На добрина, со добрина се враќа.rn

Почитувајте

rnПочитувајте ги пријателите и третирајте ги со добрина. Со тоа ќе им покажете дека тие играат важна улога во вашиот живот, а тие ќе ви бидат благодарни и ќе знаат дека секогаш ги имате на ум. Делете комплименти за ситници и фалете ги нивните предности, тоа многу ќе им значи.rnrnrn

Слушајте внимателно

rnНајдобрите пријателства се базираат на добро сослушување. Но, не треба да ги слушате само зборовите, туку и да ги следите оние некажаните нешта како фацијалните експресии и говорот на телото. Обидувајте се секогаш да допрашувате, да не прекинувате дур другиот зборува и да не давате совети доколку тоа не носи ништо корисно. Лошиот совет, без разлика на добрата намера, може да биде кобен за пријателството.rn

Имајте разбирање

rnПонекогаш пријателите можат да се соочуваат со проблем кој вам ви делува смешен и неважен, но потсетете се дека можеби понекогаш и тие го мислат истото за вашите грижи. Секој човек различно ги доживува нештата и на него тие делуваат поинаку и тоа е сосема во ред. Затоа без никакви расправии и тензија, дури и воопшто да не се согласувате, обидете се максимално да ги разберете.rnrnrn

Бидете лојални

rnОва особено е важно за женските пријателства. Бидете искрени и лојални кон вашите пријатели. Почитувајте ги „женските правила“ и не прекршувајте ги.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 1, 2011
Поедноставете си го вашиот живот
„Всадете“ си во глава дека животот е убав и најверојатно таков и ќе ви биде. Се прашувате зошто? Затоа што со таа мисла на ум ќе имате доволно мотив и волја да станете подобра личност, што дополнително ќе ви даде мотив да се борите за успех, а тоа од своја страна е еднакво на хармоничен живот. Ослободете го вашиот ум и почнете да размислувате едноставно. Советите кои следуваат можеби ќе ви помогнат во тоа.rn
- Не обидувајте се да ги прочитате мислите на другите луѓе. Не очекувајте ниту тие да ги прочитаат вашите. Комуницирајте!
rn
- Бидете љубезни, но не обидувајте се да се спријателувате со сите луѓе околу вас.
rn
- Наместо тоа, одвојте доволно време за да ги негувате врските со оние пријатели кои ви значат најмногу во животот.
rnrn
- Вашето здравје е вашиот живот. Одете барем еднаш годишно на лекарски преглед, да проверите дали сè е во ред со вашето здравје.
rn
- Одвојте доволно часови за спиење секоја вечер. Изморениот ум не може да биде продуктивен.
rn
- Станувајте секое сабајле 30 минути порано одошто сте планирале, за да не мора налудничаво да трчате низ дома брзајќи да стигнете до саканото место. На тој начин ќе избегнете казни за брзо возење, доцнење и други непотребни главоболки.
rnrn
- Не губете си го времето со чувства на љубомора. Единствената личност со која треба да се натпреварувате сте вие.
rn
- Опкружете се себеси со луѓе кои ќе можат да ги „пополнат вашите дупки“. Дозволете им да си ја вршат онаа работа во која се најдобри, за да можете и вие да го правите она во кое сте најдобри.
rn
- Немојте да бидете премногу горди и самоуверени. Разговарајте за проблемот, ракувајте се или прегрнете се и продолжете понатаму.
rnrn
- Организирајте го вашиот дом, како и просторот во кој работите. Прочитајте ја книгата на Дејвид Ален „Завршете ги работите“ (Getting Things Done) од која можете да усвоите доста практични совети за добра организација.
rn
- Ослободете се од работи кои не ги користите и кои нема никогаш да ви затребаат.
rn
- Побарајте второ мислење, ако не сте сигурни околу нешто.
rnrn
- Потрошете малку време за да научите некој скратен пат за завршување на задачите, кој ќе можете постојано да го користите во иднина.
rn
- Не обидувајте се да ги задоволите желбите на сите. Правете го само она што сметате дека е исправно.
rn
- Немојте да пиете алкохол или да користите наркотици кога сте лути, разочарани или тажни. Наместо тоа – џогирајте. Ќе се чувствувате многу подобро.
rnrn
- Не одложувајте ги оние задачи за кои ви се потребни две минути да ги завршите. Сторете го тоа веднаш.
rn
- Секогаш бидете искрени пред себе и пред другите.
rn
- Не земајте и не посакувајте нешто што не ви припаѓа вам.
rn
- Правете една работа во еден временски период и притоа дадете сè од себе.
rn
- Кажувајте им „те сакам“ на оние луѓе што ги сакате што е можно почесто и покажувајте го тоа на разни начини.
rnrn
- Бидете свои, не копирајте го однесувањето на некој друг.
rn
- Држете се настрана од драмата на другите луѓе. Ни самите немојте непотребно да создавате своја.
rn
- Ако нешто мразите да правите, тогаш престанете.
rnrn
- Третирајте ги сите со исто ниво на почит каква што би покажале кон вашиот дедо и бидете исто толку внимателни, колку што би биле со вашето тримесечно братче или сестриче.
rn
- Извинете се секогаш кога знаете дека сте погрешиле.
rn
- Бидете љубопитни. Не плашете се да научите нешто ново. Почесто анализирајте ги вашите идеи и можности.
rnrn
- Не бидете срамежливи. Поврзувајте се со луѓето. Запознавајте нови.
rn
- Немојте премногу да се грижите за тоа што другите мислат за вас.
rn
- Немојте да јадете кога ви е досадно. Јадете само кога сте гладни.
rnrn
- Оставете ги оние нешта кои не можете да ги промените. Фокусирајте се на оние кои можете да ги промените.
rn
- Следете го вашето срце. Не трошете си го вашето време, исполнувајќи ги соништата и желбите на некој друг.
rn
- Бидете трпеливи и радувајте се на малите победи.
rnrn
- Прифатете го фактот дека колку и да е лоша или добра некоја ситуација во моментов, таа состојба ќе се промени во иднина.
rn
- Созревајте со текот на годините, но немојте пребрзо да пораснете.
rn
- Сфатете дека не сте секогаш толку многу во право колку што мислите дека сте.
rn
- Пронајдете некоја тешка работа, во која ќе уживате додека ја извршувате. Колку повеќе се трудите, толку посреќни ќе бидете.
rn
- Правете го она во што сте добри. Во спротивно само ќе се фрустрирате.
rn
- Правете грешки, научете нешто од нив, насмевнете се за тоа искуство и продолжете понатаму со вашиот живот.
rnЗвучи мошне едноставно нели? :)rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
February 25, 2011
Оттргнете го чувството на вина од себеси

Кога сте обземени со чувство на вина, и најмала работа може да ви создаде фрустрација. Можеби ќе успеете да смените нешто од навиките и од вашето секојдневие, но сепак чувството на вина останува и ве кочи. На крајот се чувствувате безвредно и дека не го црпите максимумот од животот. Најдобар начин да го намалите стресот е да ја тргнете вината од себе најбрзо што можете. Прилагодувајќи го вашиот однос кон работите, ќе мора да направите позитивни промени.rnrnrn

Лоцирајте ја причината

rnПостојат безброј причини зошто можете да се чувствувате виновно. Можеби мислите дека не правите доволно за луѓето околу вас? Или сметате дека вашите цели се недостижни? Одвојте го реалното од интерното. Понекогаш сметате дека сте себични и мрзеливи, но кога ќе размислите што сè сте направиле во денот, ви станува јасно дека тоа е далеку од вистината.rn

Самопочитувајте се

rnДавајте си комплименти еднаш на ден за добрите работи кои ги правите. Можете да водите и дневник за моментите на кои сте најгорди. Секојдневните работи не ги сфаќајте здраво за готово и секогаш бодрете се за добро завршената работа.rnrnrn

Пронајдете си мантра

rnМантрите се едноставни фрази, на кои можете да се фокусирате, медитирате или молите. Пронајдете мантра што ви се допаѓа и која истовремено ве опишува и разоткрива. Тоа може да биде нешто во стилот: „Јас секогаш го давам најдоброто од себе, а тоа е сосема доволно“. Позитивната афирмација можеби ќе ви изгледа смешна на почетокот, но ставајќи се во таа позиција, можете да си помогнете, притоа зајакнувајќи ја врската со себеси на долг рок.rn

Што било, останува во минатото

rnОваа мисла е полесно да се каже отколку да се употреби во практиката, но навистина нема поента да се чувствувате виновни за работи кои се случиле во минатото. Поправете ги грешките од минатото во однос на другите и во однос на себеси и размислете како да ги подобрите работите во сегашноста и иднината.rnrnrn

Не правете услуга, ако таа никогаш нема да ви биде возвратена

rnИма разлика помеѓу практикувањето великодушност и тоа некој да ве искористува. Доколку постојат луѓе во вашиот живот кои ја искористуваат вашата добрина, подобро размислете за нив. Во таквите пријателства секогаш размислувајте што можете да направите заедно, а не еден за друг. Доколку сакате да му помогнете на пријател кој има некаква потреба од вас, секогаш однапред размислете дали вие ќе добиете нешто од тоа. Тоа не мора да е еднаква компензација, вечера или некој поклон, доволно би било едно искрено благодарам или фина честитка. Доколку не добиете ништо за возврат, не се стискајте да се побуните за тоа.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 15, 2011
Вистински пријател

Автор: АнаrnrnСите посакуваме да бидеме сакани, да имаме пријател покрај себе кој ќе не сака и штити и покрај сè, ќе се радува на нашето присуство, ќе се радува на нашата внатрешна убавина, нема да ни суди…rnrnЧовековиот најдобар пријател, кучето. Велат нема никогаш да ве остави на цедило. Вашата личност е неговиот водач, вашите зборови – неговата книга, неговите дела – вашата награда…Прекрасно е, кога ќе влезете во вашиот дом и ќе ве пречека најмилиот член на семејството, ќе ви подари насмевка вртејќи ја својата опашка, изразувајќи ви неизмерна љубов без да морате да направите било што. Неговите потскокнувања и зраци на радост кои продираат до вас, во тие моменти ви го прават денот чист и вреден и покрај неубавите работи што можеби се случиле.rnrnПријателството помеѓу човекот и кучето се гради со години, трае со години. Меѓусебната почит помеѓу двајцата се ткае со спомени кои се вселени во мислите и живеат во срцето.rnrnКучето освен што се смета за човековиот најдобар пријател, тоа е и неговиот најдобар помошник. Пријателите помагаат. Само колку пати вашето куче ви помогнало? Ви било рамо за плачење, ве гледало во очи додека сте му ја кажувале вашата најголема тајна, се радувало со вас кога сте имале повод за славење, ви помогнало со некоја работа низ дома? На крајот никогаш не ве изневерило.rn.rn

Конард Лоренс рекол:rn „Нема ниедна судбина која не била прекршена освен онаа на вистински верно и посветено куче.“

rnОстаруваме заедно, се случило и да летне по некоја искра на лутина, но признајте дека откако неговите очи ќе ве погалат, се заминува, избледува и единствено што сакате е да го гушнете вашиот најдобар пријател… Исто како и ние луѓето, и кучињата имаат начини на изразување, без разлика дали се работи за мислење или пак чувство. Ја имам честа да имам пријател, таков кој ако ве сака, вашите чевли ќе ги однесе на неговото место во домот… Гледајте ги гестовите што ги прави вашиот миленик, секогаш има нешто да ви каже.rnrnСè што ви значи вам во текот на денот, сè што ве радува, да не заборавиме го радува и вашиот миленик… Тој ја поздравува со насмевка, вашата насмевка, ја поздравува со радост вашата благодарност, ја поздравува со почит, почитта што му ја давате, ви возвраќа на грижата која му ја подарувате… Му верува на вашиот збор и е единствениот кој ве слуша. Лошо е и неправедно ако сето ова кој било го искористува на лош начин. И уште потажно ако го напушти. Никогаш не заборавајте, кучето чувствува повеќе од вас, помни работи кои вам ќе ви излетаат од мислите, помни чувства!rnrnОна што сакам да го споделам со вас е, ако го имате, сакајте го и чувајте го затоа што е вашето најголемо богатство, ако го немате, најдете некое на кое ќе му го промените животот, но и тоа вам ќе ви го разубави вашиот!rnrnЌе завршам со една мисла на Самуел Батлер, кој вели:rn.rn

„Најголемото задоволство кај кучето е дека – ако направиш будала од самиот себе, не само што нема да ви суди, туку и тоа ќе го направи истото.“

rnТоа е вистински пријател!

February 6, 2011
Што е забрането на интервју за работа?

Сте се потрудиле околу личната биографија и писмото за мотивација. Работодавецот е импресиониран од тоа и следниот чекор е да ве повика на интервју. Помислата од тоа да се сретнете лице в лице со работодавецот или некој од неговите подредени, неретко знае да предизвика нервоза, нетрпеливост и вознемиреност.Треба да знаете дека постојат неколку работи на кои апликантите треба да обрнат поголемо внимание за време на интервјуто за работа. Еве листа на грешки кои треба да гледате да не ги направите наредниот пат кога ќе отидете на интервју за работа:rn
rn

Доцнење

rnПрво и најважно правило од кое нема ниеден исклучок! Доцнењето, во која било држава е знак на непочитување. Затоа, подобро е да дојдете неколку минути порано на договореното место и да се напиете кафе некаде во близина, отколку да задоцните. Се разбира, понекогаш се случуваат чудни работи токму на денот кога нешто важно ви се случува – метеж во сообраќајот, неодложна семејна работа и сл. Во таков случај, јавете му се на лицето кое ве контактирало за интервјуто и известете го за можното доцнење или во краен случај недоаѓање и воедно замолете го да ви го презакаже интервјуто за друг ден.rn
rn

(Не)запознаеност со светот на бизнисот

rnАко сте невработени не значи дека не треба да ги знаете основите во светот на бизнисот и тоа како тече еден работен ден. Потрошете малку време за да се запознаете со овие работи пред самото интервју. Работодавците скоро секогаш закажуваат интервју за работа за време на работниот ден, а не после него. Затоа, ако чекате да ве поканат на интервју или веќе ви се јавуваат, треба да имате неколку слободни часови од 9 до 17 часот.rn
rn

(Не)професионален изглед

rn

Треба да обрнете внимание на тоа како ќе бидете облечени кога одите на интервју. Облеката, говорот на телото и гестикулациите се клучни за да делувате професионално. Откако ќе се вработите, веќе можете да се подослободите и да се обидете да се вклопите со стилот според кодексот на облекување кој важи во работната околина.rn
rnrn

(Не)заблагодарување за дадената шанса

rnАко ви се посреќило и сте се покажале во најдобро светло, интервјуто може да резултира со потпишување договор за работа. Доколку насетувате дека ова ќе се случи, убаво е да се заблагодарите за укажаната шанса да бидете дел од работниот тим. Немојте долго да чекате за ова. Преку електронска пошта или рачно напишано писмо, изборот е ваш, но сторете го тоа. Ако се одлучите да пратите имејл до повеќе луѓе кои учествувале на интервјуто, тогаш никако не користете ја опцијата cc (carbon copy) за да пратите една порака до повеќемина. Пратете посебни пораки.rn
rn

Ѕвонење на телефонот

rnВо сите професионални ситуации, вработените им се покоруваат на оние со поголема моќ. Тоа значи дека ако му заѕвони мобилниот телефон на шефот додека ве интервјуира, не значи дека и вам ви е дозволено да ви се случи истото. Не залажувајте се. Телефонот исклучете го (не на бип, ниту на вибрации) уште пред да влезете во канцеларијата. Плус, играјте на сигурно – не дозволувајте да ве фатат како скришно зборувате на мобилниот телефон ниту додека чекате во ходникот.rn
rn

(Не)покажување почит кон вработените

rnВработените од административниот персонал, од правната служба и секретарите се често срцето и душата на компанијата. Нивното мислење се цени од „врвот“, така што треба да внимавате како ќе се однесувате со нив. Исто така, тие често се хиперчувствителни поради тоа што се помалку платени од другите. Не ги омаловажувајте и не им ја отежнувајте работата. Можеби наскоро ќе ви станат колеги.rn
rn

Кој кого тука интервјуира?

rnНекои мислат дека ако почнат да прашуваат многу прашања за време на интервјуто, така ќе ги импресионираат оние кои интервјуираат. Грешка! Кога сте повикани на интервју за работа, многу добро се знае кој е кандидатот, а кој го врши интервјуто. Неколку пристојни прашања со кои ќе се нагласи вашето познавање за компанијата е она на што треба да се посветите.rn
rn

(Не)нормален однос

rnРаботодавачите треба да определат дали можете да се вклопите во организационата култура што е воспоставена во компанијата. Пред да влезете во просторијата за интервјуирање, анализирајте го однесувањето на другите вработени кои поминуваат во холот, од јачината и темпото на зборување, до говорот на телото и потоа искористете го ова за време на разговорот.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 24, 2011
Највредни подароци за партнерот во текот на годината

Новата година и празниците кои се ближат се одличен начин да поминете време со најблиските и фамилијата, повеќе од кога било. Убава храна, најразлични слатки и пијалаци во големи (разумни) количини, добри луѓе, насмевки и среќа – има ли некој што не го сака тоа?rnrnrnrnКога станува збор за подароците, сигурно сте купиле нешто за партнерот или барем размислувате да купите. Скап часовник, деликатен зимски парфем, долна облека, омилен пијалак… изборот е ваш. Но, подарувањето не треба да биде само за време на празници и слични поводи. Ни случајно немојте да заборавите да му ги подарувате овие подароци на партнерот во текот на целата година:rn

Сослушување

rnНе брзајте во донесување на заклучоци. Не упаѓајте во збор или во средина на реченица додека партнерот уште зборува. Покажете почит, затворете ја устата и начулете ги ушите.rnrnrn

Време

rnНе дозволувајте времето да ве одмине туку така. Престанете да барате изговори зошто денес не можете да излезете на вечера или на забава. Најдете време за партнерот колку и да ви е напорна и стресна работата. Организирајте убава, романтична вечера или незаборавна журка. Правете го тоа еднаш во неделата.rnrnrn

Добронамерност

rn

Секогаш сме повеќе наострени кон најблиските или кон партнерот со кој го делиме животот. Зошто тој не го фрлил ѓубрето или ја оставил чешмата да тече? Наместо да се лутите за вакви секојдневни ситуации, покажете добронамерност. Бидете нежни во пристапот, не им давајте до значење на таквите ситуации и видете што ќе се случи.

rn

rnrn

Допир

rnНешто што не смеете да го заборавите. Држење за рака, нежно штипнување за образ, галење по половината, нежен допир на рамениците. Сето тоа пропратено со мали бакнежи.rnrnrn

Насмевка

rnНасмевката е нешто што треба да го практикувате секојдневно. И што е најважно, треба да се почувствува дека е вистинска и искрена, а на тоа задоволство му нема крај.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 23, 2010
Што ги нервира келнерите?

Како резултат на големата невработеност во нашата држава, многу млади момци и девојки, но и повозрасни луѓе одлучуваат да се вработат како келнери во некој кафе бар, затоа што тоа е единствената работа која лесно може да се најде. И покрај тоа што платата не е голема, на некои луѓе им е неопходна за да си ги покријат трошоците за кирија или за студирање.rnrnrnrnОние кои немале потреба да ја работат оваа работа, сметаат дека буквално секој може да биде келнер. Но, во реалноста келнерите, покрај тоа што работат физичка работа, трошат многу енергија и на меморирање на стотиците нарачки во текот на денот, а за возврат очекуваат поголема почит од своите муштерии.rnrnЕве неколку ситуации во кои келнерите се чувствуваат понижено од страна на своите муштерии:rn

„Колку треба?“

rnКелнерите се чувствуваат навредено кога муштеријата ќе им ги фрли парите на маса уште пред да ја добие сметката. Гостите очекуваат дека келнерот треба на памет да ги знае сметките од сите маси и прашуваат колку чини тоа што го пиеле.rnrnТака излегува дека келнерот не бил доволно брз (и покрај тоа што давал сé од себе за да биде), па се случува гостинот да нема трпение да ја почека сметката и да остави помалку пари.rnrnrn

„Немам ситно“

rnТочно е дека келнерите работат со пари и треба да имаат ситно во секој момент за да враќаат кусур. Но, невозможно е келнерот да има ситно ако сите муштерии плаќаат со илјадарки за сметка од 80 денари. Па тогаш келнерот, ако е сам на смена, треба да трча низ маало и да бара да му раситнат пари во локалните продавници, обложувалници, банки…rnrnrn

„Многу ви се високи цените“

rnКафе баровите се во приватна сопственост и за цените на пијачките одлучуваат нивните сопственици. Тоа значи дека дури и келнерот да сака цените да бидат пониски, за жал нема моќ да ги промени. Неговата работа е да го внесе артиклот во компјутер, да ве послужи, да ви ја одржува масата чиста и да ви донесе сметка. Толку!rn

Правење неред на масата

rnГостите седнуваат во кафе бар за да се релаксираат, да се видат со пријателите и да се освежат со една кафе пауза. Келнерите треба да бидат љубезни и услужливи со своите муштерии и да ги исполнуваат нивните желби за да бидат тие задоволни од услугата. Меѓутоа, само затоа што седнувањето во кафе бар кошта пари, не значи дека гостите треба намерно да истураат шеќер и кафе по масата или да кинат хартија на ситни парчиња. Келнерите навистина немаат време да раскреваат сè што муштериите ќе остават зад себе.rnrnrn

„Ова не е тоа што го нарачав“

rnКако и на секој друг човек, така и на келнерот понекогаш може да му се случи да ја заборави нарачката или да ги помеша нарачките со некоја друга маса. Меѓутоа, откако ќе му објасните дека не ви го донел тоа што сте сакале да го пиете, тој/таа ќе ја поправи грешката. Од друга страна, ако гостинот нарачал макијато во лето, а не потенцирал дека сака ладно макијато, тогаш тоа не е грешка на келнерот.rnrnrn

„Продавате цигари?“

rnПоголемиот број кафе барови во Македонија не држат цигари, меѓутоа муштериите упорно ги прашуваат келнерите дали продаваат. До тука е сé во ред. Меѓутоа некои гости мислат дека келнерот е нивни слуга, па се дрзнуваат да им кажат да отидат да им купат цигари и притоа да го остават полниот локал со гости. Келнерите се само вработени лица како и сите останати, меѓутоа дел од нивната работа не е да пазарат низ маало за да ги задоволат побарувањата на гостите.rn

Правење неред во тоалетот

rnТочно е дека ве-цето во кафе баровите е јавно и секој муштерија има право да го користи, но тоа не значи дека кога ќе влеземе во него треба да се однесуваме како да сме во шума. Без разлика што тој тоалет не е дел од нечиј дом, сепак на крајот од работниот ден, келнерите се тие кои треба да го исчистат хаосот и притоа да останат живи.rnrnrn

Зборување на мобилен додека келнерот прави нарачка

rnКелнерите кои се трудат да бидат професионални во својата работа, сакаат да бидат гостопримливи и да комуницираат со своите муштерии, но тоа не е возможно доколку гостинот зборува на мобилен додека нарачува кафе. Ако тој телефонски разговор мора да се случи токму во тој момент, би било културно барем гостинот да му каже добар ден и пријатно на келнерот.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 23, 2010