КАФЕ ПАУЗА

Tag: одгледување

9 растенија кои можете да ги одгледувате во вашата кујна

Идејата за одгледување растенија покрај прозорецот во кујната станува сѐ попопуларна. Замислете колку би било прекрасно да ги имате сите органски растенија при рака кога ќе ви притребаат. Ако ви се допаѓа оваа идеја, тогаш откријте како лесно можете да ги одгледувате растенијата кои често ги користите при готвењето и во исхраната.rn

1. Зелена салата

rnrnrnОдгледувањето зелена салата е лесна задача. Ставете го белиот корен на зелената салата во стаклена тегла полна со вода, а потоа поставете го растението на сонце и не заборавајте одвреме-навреме да ги прскате корењата со вода за да не се исушат. После неколку дена ќе забележите дека се формирале нови лисја и корења. По една недела може да го ставите растението во земја, оставајќи ги лисјата над земјата. Подгответе се за жетва за само неколку недели. Алтернативно, можете растението да го ставите директно во земја. Во тој случај тоа треба да се наводнува интензивно во текот на првата недела, додека не се појават првите никулци.rn

2. Ѓумбир

rnrnrnОдгледувањето ѓумбир е исто така многу лесно. Едноставно ставате едно парче ризом од ѓумбирот во земја, со пупките свртени нагоре. Тој има потреба од силна светлина, но не треба да биде директно изложен на сонце. Не заборавајте да го наводнувате и вашето растение набрзо ќе пушти нови корења. Кога ѓумбирот ќе порасне, може да го извадите од земјата, да ги откинете посакуваните делови и повторно да го пресадите.rn

3. Лимонова трева

rnrnrnКако и обичната трева, така и оваа, за да израсне на коренот му е потребна само чаша за вода и сончева светлина. Таа ќе почне да расте за нешто повеќе од една недела, а потоа ќе треба да ја пресадите во саксија. Кога стебленцата ќе пораснат околу 30 сантиметри во висина, пресечете го целиот дел што е над земјата. Не грижете се, тие повторно ќе пораснат.rn

4. Праз

rnrnrnОстатоците од празот што сте го подготвувале за готвење ставете ги во чаша со малку вода и оставете ја на место изложено на сончева светлина, на пример покрај кујнскиот прозорец. Во зима подобро најдете место каде што нема многу провев. Делот од растението кој се јаде веднаш ќе почне да расне, па сѐ што треба да направите е да го пресечете кога е потребно. Не заборавајте да му долевате вода еднаш во неделата.rn

5. Рукола

rnrnrnНа руколата не ѝ е потребно многу земја и најдобро расте во ретка, растресита земја. Посејте неколку зрна семе од рукола во саксија, прекријте ги со слој сува земја дебел околу 1,5 сантиметри и полејте со топла вода. Прекријте ги со парче проѕирна фолија и ставете ги на топло место. За 3-7 дена ќе се појават првите никулци. Тогаш треба да ја отстраните фолијата и да го пресадите растението во поголема саксија. Кога лисјата ќе достигна 10 сантиметри во висина, може да почнете да ги собирате.rn

February 22, 2016
9 работи кои ги прави одговорниот татко

„Ни требаат татковци кои ќе сфатат дека обврските не завршуваат со зачнувањето. Треба да сфатат дека не те прави маж само способноста да имаш дете, туку храброста да го одгледаш.“ – Барак Обама

rnrnРодителството не е работа само на мајката или пред сè нејзина, како што многумина веруваат. Татковците имаат подеднакво големи обврски кон детето и должни се да ги исполнат ако сакаат да се наречат добри родители. Ова се неколку работи кои секој од нив мора (или не треба) да ги прави.rnrnrn

1. Нема да дава лош пример

rnОдговорниот татко знае дека детето го следи неговиот пример, а не неговите совети. Затоа тој ќе внимава како се однесува пред своето дете. Ќе биде љубезен и културен со другите, па ако треба и ќе направи напор да го подобри своето однесување само за детето да види добар пример. Исто така, ќе внимава и на тоа да не ги лаже ниту децата ниту останатите пред нив. Децата бргу стануваат експерти во лажење, а тоа нема да донесе ништо добро.rn

2. Никогаш нема да употреби физичка сила со децата

rnТепањето е „педагошки“ метод на минатите векови кога луѓето не знаеле ништо за тоа како се формираат навиките кај децата и какви лоши последици носи кое било насилство, а особено она над децата. Одговорниот татко нема да примени таков примитивен метод на воспитување, туку некои кои се добри за развојот на неговото дете.rn

3. Секогаш ќе им посветува внимание на децата

rnКога се мали, родителите сочинуваат најголем дел од светот на децата. Затоа очекуваат тие постојано да се со нив. Одговорниот татко секогаш ќе биде тука за своето дете. Нема да го запоставува заради својата забава.rnrnrn

4. Нема да ги заборави важните датуми

rnТатковците секогаш треба да бидат присутни на важните настани како родендените или матурирањето. Децата формираат многу важни спомени за таквите датуми и затоа родителите треба да се околу нив во тие моменти.rn

5. Никогаш нема да го критикува своето дете без основа

rnПонекогаш родителите знаат да ги критикуваат децата само за да покажат некаков авторитет. Можеби родителот во тој момент ќе се чувствува подобро, но детето ќе остане зачудено од ситничарењето на родителот и ќе се исполни со гнев кон него. Одговорниот татко нема да го направи тоа, првенствено затоа што ќе го третира детето фер и согласно принципи, а не заради потреба да биде авторитетен. Никогаш нема ниту да го навреди и да го нарекува со имиња и така да му ја уништи кревката самодоверба.rn

6. Никогаш нема да биде авторитарен

rnИма разлика меѓу тоа да се биде авторитетен и авторитарен. Авторитетниот родител знае да создаде пријатна семејна атмосфера во која децата ќе добијат можност да направат избор за одредени работи и да растат со тоа. Наместо тоа, авторитарниот родител секогаш „знае“ што е најдобро за децата и ќе се обиде да го наметне сојот избор во нивно име како знае и умее, па и на груб или насилен начин ако треба. Одговорниот родител е авторитетен, а не авторитарен.rnrnrn

7. Нема да биде ниту премногу попустлив

rnИ преголемата попустливост е сосема неодговорен чин. Светот е полн со препреки и граници за кои детето мора да научи дека постојат за еден ден да почне самото да ги совладува.rn

8. Ќе внимава на своите деца

rnТој нема да дозволи децата да му избегаат од вид додека си играат во ситуации во кои можат да се повредат. Иако ќе ги остави децата сами на некој умерен ризик и нема да ги затвори во стаклено ѕвоно за да ги заштити, сепак очите ќе му бидат свртени накај нив и ќе реагира доколку е потребно. Секогаш ќе биде тука и кога ќе им треба помош за нешто. Како што веќе напоменавме, родителството е подеднаква обврска на двајцата родители. Одговорниот татко нема да го испрати детето кај мајка му затоа што во моментот не сака да одговори на неговото барање за помош.rn

9. Нема да дозволи односот со сопругата да влијае на децата

rnОдговорниот татко никогаш нема да дозволи односот помеѓу него и сопругата да влијае негативно на децата. Одвреме-навреме ќе има проблеми во бракот, но тој нема да дозволи децата да се чувствуваат лошо поради тоа, а уште помалку да ги искористува за да се пресметува со сопругата.rn
rn

„Сите знаат како се прави бебе, но никој не знае како се прави татко.“ – стих од „Papaoutai“ на Стромае

February 23, 2015
Што се случува со децата одгледани од хомосексуални родители?

Што се случува со едно дете кога тоа е одгледано од двајца родители од ист пол?rnrnНауката вели – ништо. Тоа нема никакви негативни последици врз децата. Тие се сосема нормални, како и сите други деца.rnrnrnrnХомосексуалците бараат да им се дозволи да посвојуваат деца или да ги одгледуваат оние на едниот партнер или своите од поранешна хетеросексуална врска, но во повеќето општества наидуваат на одбивање на нивните барања. Образложенијата за тоа се дека на децата им се потребни двајца родители од различен пол кои треба да им дадат пример за тоа како треба да се однесува еден маж или една жена и затоа нивното одгледување од страна на хомосексуални родители ја загрозува нивната благосостојба. Постојат и тврдења дека овие деца имаат побавен психички развој па затоа постигнуваат послаби резултати на училиште, посклони се на злоупотреба на дрога и алкохол и се повеќе промискуитетни.rnrnrnrnПсихолозите долги години ја истражуваат оваа тема, но досега не успеале да најдат докази кои ќе ги поткрепат горните тврдења. Сакајќи да испитаат дали хомосексуалците се способни да бидат добри родители, направени се бројни истражувања во САД, Канада и Австралија. Психолозите го споредувале однесувањето и развојот кај деца одгледани од хетеросексуални родители со она на децата кои растеле кај хомосексуални двојки. Тие не покажале разлики помеѓу децата кај едните во споредба со оние кај другите, па кај сите нив заклучокот бил дека хомосексуалците се подеднакво способни да одгледуваат здрави деца исто како и хетеросексуалните парови.rnrnРезултатите од многу истражувања се толку постојани што Џудит Стејси, професор по општествена и културна анализа и социологија на Универзитетот Њујорк, вели дека „како во ретко која друга област од општествените науки постои таков консензус како што е тоа случајот со хомосексуалните родители, што е причина поради која Американската академија за педијатари и сите битни организации кои се бават со детското здравје се јавуваат со поддршка за хомосексуалните родители“.rnrnrnrnВо последните неколку декади се појавиле истражувања кои покажуваат дека одлучувачки фактори за правилно функционирање на децата се квалитетот на извршувањето на родителските обврски, психолошката благосостојба на родителите и хармонијата меѓу нив, како и квалитетот на врските внатре во семејството. Факторите од типот на тоа дали децата растат во брачна или вонбрачна заедница и сексуалноста на родителите немале значење, па оттука било заклучено дека децата можат подеднакво добро да се развиваат и во нетрадиционалните форми на семејство.rnrnИсто така се покажало дека ниту сексуалната ориентација на родителите не е битен предуслов за тоа каква сексуална ориентација ќе има детето. Кога станува збор за успехот на училиште, менталните нарушувања, злоупотребата на дрога и алкохол или малолетничката деликвенција, научниците повторно не нашле разлики меѓу двете групи на деца. Тие испитувале и како влијае врз сексуалната ориентација на децата тоа што имаат два родители од ист пол. Резултатите покажале дека децата на хомосексуалците не биле повеќе склони кон тоа себеси да се идентификуваат како хомосексуалци во споредба со децата на хетеросексуалците.rnrnrnrnВо врска со сето ова професорот по психологија Грегори Херек вели:rn
rn

„Ако хомосексуалните родители беа помалку способни за одгледување деца во споредба со хетеросексуалните родители, нивните деца сигурно ќе манифестираа некакви проблеми без разлика на примерокот. Но, ваков пример не беше најден. Имајќи предвид дека истражувањата постојано не успеваат да го докажат спротивното, сега товарот на докажувањето паѓа на оние кои тврдат дека децата на сексуалните малцинства се развиваат полошо од другите деца.“

rnПонатаму додава:rnrn

„Емпириските истражувања не можат да ги решат несогласувањата поврзани со системот на вредности, но се многу корисни кога треба да се обрне внимание на фактите. Дебатите би биле многу сиромашни доколку ваков важен извор на знаење се сведе само на караница од типот ‘тој вели вака, таа вели онака’.“

October 5, 2014
Интересни факти за лалињата
Лале – највообичаениот цвет на пролетта. Иако кога ќе се спомене ова цвеќе веднаш се асоцираме на Холандија, еве неколку интересни факти за лалињата кои не сте ги знаеле.rnrnrn
- Лалињата се трети најпопуларни цвеќиња во светот, после розите и хризантемите.
rnrn
- Холандија доминира во одгледувањето на лалиња во светот. За ова е заслужен Карл Клузиус кој го донел лалето во Холандија. Тој бил професор по ботаника на Универзитетот во Лајден.
rnrn
- Лалето потекнува од регионите околу Црното Море и Кримскиот полуостров.
rnrn
- Турција била прва која почнала да ги култивира лалињата во 1530 година. Во Холандија стигнале 20 години подоцна.
rnrn
- Лалето припаѓа на родот „Tulipa“ кој опфаќа 150 видови.
- Постојат околу 3.000 вариетети од лалиња, познати под различни имиња.
rnrn
- Вообичаено, на една дршка има по еден цвет, но некои видови лалиња имаат и по 4 цветови.
- Лалињата се достапни од ноември до мај и имаат животен век од само 3-7 дена.
rnrn
- Идеални предели за одгледување лалиња се оние кои имаат долга и свежа пролет со задоцнето лето.
rnrn
- Ако одгледувате лалиња, треба да ги заштитите од мали животинки како зајаци, верверици и стаорци бидејќи ги јадат.
rn
- Лалето е симбол на љубов, романтика, страст и сонување.
rnrn
- Ова пролетно цвеќе е национален симбол на Турција.
rn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
April 2, 2012
Совети за одгледување собни растенија – Фикус
Во родот Фикус (Ficus) припаѓаат убави, многубројни и разновидни видови со декоративни карактеристики кои се одгледуваат и во домот. Во овој род припаѓаат околу 1.000 видови кои имаат потекло од тропските и суптропските предели на Земјата. Најпознатото растение од овој род е смоквата (Ficus carica). Различни фамилии од родот Фикус се користат за најразлични цели. На пример, Hevea Brasilensis (млечка) е растение кое лачи млечен сок од кој со преработка се добива каучук. Други значајни видови се: Ficus lyrata (4 добро нахранети листа од овој вид можат да препокријат површина од 1 метар квадратен), Ficus benjamina (расте во вид на грмушка со свенати гранки), Ficus triangulata (вид кој има троделни дебело-кожести листови).Собниот вид Ficus elastica е поим за современа лисната декоративна билка. Тој е и најстар претставник од овој род. Собниот Фикус расте брзо и е прилично високо растение. Листовите му се дебели и кожести, што значи дека ќе треба редовно да му ги бришете. Фикусот сака топлина, но не директна изложеност на Сонце. Во природни услови тој може да порасне и до 30 метри.rn
- Фикусот сака светло место, но не изложувајте го директно на Сонце. Ако го поставите на темно место, ќе расте бавно, па може дури и да угине. Оптимална температура за негов раст е 18-25 степени Целзиусови.
- За време на зимата сака постудено и влажно место, па во зимските месеци налевајте го еднаш неделно, а во лето два пати недело.
- Додека е младо треба да му поставите некоја потпора бидејќи ќе се развие на криво.
- Размножувањето може да го правите со резанки од стеблото (10-20 см), со тоа што може да ги поставите во вода на температура од околу 20 степени и откако ќе пуштат коренчиња, да ги пресадите во земја. Исто така може да искористите резанки од листовите.
- Најпогодна почва за растење е мешавина од богат хумус, листови, тресет и песок.
- Треба да внимавате кога го полевате да не го правите тоа често бидејќи премногу вода доведува до скапување на растението. Ако забележите дека големите листови отпаѓаат знајте дека треба да скратите на вода.
rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

Стив Џобс почина. Сега нема кој да ни продава вода по цена на бензин (via едно другарче). So true.
October 6, 2011
Совети за одгледување собни растенија – Oлеандер
Олеандерот е зелена балконска или собна билка, која со своите цветови секогаш нè потсеќа на топлите летни Медитерански денови. Ако не сте виделе Олеандер досега, на првото патување на југ ќе го забележите покрај патот. Тој може да порасне од 2 до 6 метри и има бујна крошна. Листовите се во пар или во тројки и се дебели, кожести со темнозелена боја.Олеандерот е размножуван во многу облици, бел, црвен, розов, виолетов, со полуполни или полни цветови. Всушност, цветот на Олеандерот го прави толку популарен бидејќи има прекрасен мирис и изглед. Тој највеќе успева во суптропските подрачја и е една од најчесто користените декоративни билки во парковите или покрај сообраќајниците. Добро поднесува суша, па дури и краткотраен мраз.Во Калифорнија и во другите држави во САД каде зимите се благи, Олеандерот се посадува покрај автопатите како заштита од бука бидејќи елените не го јадат поради отровноста, а исто така, расте и на лошо тло. Во посеверните делови може да успее, но ако се одгледува во затворени простории или во стаклени градини.rn
- За буен раст, Олеандерот сака многу Сонце, па можете да го поставите директно изложено на него. Во лето му одговара балконот или јужниот ѕид. Оптимална температура му е 20-35 степени Целзиусови.
- Типот на греење не е важен. Иако е зимзелено растение, сепак, можете да го поставите на веранда.
- Во зиме, треба да го поставите на место каде ќе биде заштитен од замрзнување. Во екстремни случаи може да поднесе температури до -3. По завршување на зимата, листовите треба убаво да се измијат.
- Најпогодна почва за Олеандерот е мешавина од хумус, песок и тресет во однос 2:1:1.
- Што се однесува до наводнувањето, правете го тоа почесто на тој начин што ќе ставате вода во подлогата на саксијата. Така Олеандерот си зима колку што му е потребно. Карактеристична појава за него е „плачењето“. Тој транспирира на секои 14 дена.
- Размножувањето може да го правите со дел од растението, бидејќи тој пушта коренчиња во која било годишна доба. Само внимавајте, во зиме, ставајте го на топло место.
rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 28, 2011
Совети за одгледување собни растенија – Дифенбахија
Дифенбахиите се декоративни билки, кои се погодни за еднолични топли простории. Ако сакаме буен раст, треба да им посветиме повеќе внимание отколку на другите зелени растенија. Дифенбахиите потекнуваат од густите, зелени шуми на Средна и Јужна Америка. Растат високо и имаат големи раскошни листови. Во соба расте до 1 метар и развива јако стебло. Цветовите се појавуваат повремено, но се неугледни и немаат декоративен карактер како листовите и стеблото.Џ. Ф. Дифенбах (1796-1867) бил виенски ботаничар кој го донел ова растение во Европа, па по него и го добило името. Дифенбахијата сака топлина, осетлива е на провев и студенило, како и на сув воздух. За успешен раст во соба, потребно е земјата да биде влажна, поставеноста да биде на светло место, но не директно на сонце, и редовно дохранување. Се пресадува на секои две години за да се контролира растот.

rnЕдна важна работа која треба да ја имате на ум е дека сокот од листовите на ова растение е отровен. Локалните племиња од Бразил го мачкале врвот на стрелата со сок од Дифенбахија при одењето во лов. Досега во Европа не е познат случај на труење од неговиот сок, но, без разлика, бидете внимателни. Како и да е, ова е раскошно растение, кое, без сомнение, со неговите шарени листови ќе ја убие монотоноста во вашата соба.rn
- Поставете ја Дифенбахијата на светло место, но не директно на Сонце. Сака температури 18-25 степени Целзиусови.
- Најубаво успева ако се постави на светол прозорец и поради потребата од топлина, централното греење не му пречи.
- Во зиме поставете го на најсветлото место кое го имате дома. Во просториите со централно греење влажноста одржете ја со прскање на листовите.
- Најпогодна земја за негов раст е мешавина од плодна земја со тресет и песок.
- Во лето треба редовно да го наводнувате, посебно во вегетацискиот период, а во зиме трудете се да одржите постојана влажност на земјата.
- Размножувањето може да биде со сечење на дел од стебленцето и поставување во чаша вода на 25 степени. По некое време тоа пушта мали коренчиња. Кога тие ќе бидат доволно големи и на број, пресадете го во саксија.
rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn
September 13, 2011
Совети за одгледување собни растенија – Дрво на животот
Дрвото на животот е елегантна билка со преубави, меки листови. Тие можат да бидат еднобојни, но најчесто се пругасти (Dracena Derеmensis). Тоа е собно растение од фамилијата Agavaceae – Agave, а повеќето видови потекнуваат од тропските предели на Африка.Во зависност од видот, тие можат да пораснат од 1 па до 3 метри. Расте на тој начин што новите ливчиња се формираат на врвот, а долните паѓаат и умираат. На тој начин стеблото постепено оголува и наликува на палма. Од друга страна пак, ова растение расте многу споро, но е долговечно (има примерок од ова растение во Тенерифе, кое е старо околу 1.000 години). Драцената е многу погодно собно растение: се задоволува со малку топлина и најдобро е да го поставите во светла просторија, подалеку од директен контакт со сончева светлина. Ходниците не се погодни места за оваа билка. Во секој случај, Дрвото на животот изгледа доста декоративно и го украсува секој простор.

rnrn
- Драцената сака светли простории, но не и директен контакт со сончевата светлина. Ставете го на малку засенето место. Оптимална температура му е 20-30 степени Целзиусови.
- Во зимските месеци, слободно преместете го дома бидејќи е доста прилагодливо растение и централното греење не му пречи. Но, осигурете се температурата да не падне под 15-тиот степен бидејќи ладното многу му смета и може да умре. Така, во текот на зимата не треба да го прихранувате, а наводнувањето треба да го правите на тој начин што, земјата ќе биде секогаш влажна. Прскањето на листовите, пожелно е да го правите еднаш неделно, а во текот на летото многу почесто.
- Најпогодна почва за Драцената е мешавина од компост за растенија и песок за кактуси во однос 1:1.
rnrn
- Размножувањето може да биде со семе или со резанка од растението. И двата начини се многу едноставни и успешни. Доколку имате семе, најдобро е да го посеете во текот на март, во обичен супстрат и да го оставите на топло место покрај сончев прозорец. Треба да го прекриете со најлон, како би се обезбедила потребната температура. Најпогодна температура за никнење на семето е 27-28 степени. Кога растението ќе почне да расте, намалете ја температурата до 24-тиот степен и пресадете го во лонче со димензии 7-9 см, заштитено од провев.
- Драцената треба да ја пресадувате на 2 години или на помал временски период, во поголема саксија, во зависност од брзината на растот. При пресадувањето погодно би било, на дното на новата саксија да ставите камчиња или парчиња од тули за да се подобри дренажата.
- Листови: доколку листовите на вашата Драцена почнат да паѓаат, а не се во целост развиени, тоа е прв знак за преголемо или премало наводнување, како и растење на ниска температура. Листовите може да ги бришете со пена од пиво. Таа му дава сјај на листот и штити од прашина. Во лето, ако директно го изложите на Сонце, листовите избледуваат.
rnДоколку сте љубители на одгледувањето собни растенија, погледнете што треба да знаете за филадендронот пред да одлучите да го чувате во вашиот дом.rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
August 24, 2011
Совети за одгледување собни растенија – Филодендрон
Филодендронот (Monestera deliciosa) претставува растение кое потекнува од шумите на Средна Америка, поконкретно Мексико. Со своите раскошни листови, погоден е за чување во поголеми простории, хали и ходници. Терминот deliciosa се однесува на тоа дека растението има јадливи плодови кои се јавуваат кај постарите растенија. Плодовите се жолти до бледо кафени. Ако ги оберете прерано имаат вкус на окасална киселина, а предоцна, веќе се трули. Филодендронот е растение кое бара многу влага и храна и има потреба од некаква потпора за да може убаво да се развие. Еве неколку корисни информации за вашиот Филодендрон:rn
- Најдобра местоположба за него е позади ролетни или завеси, никако директно изложен на сонце. Оптималната температура е 20-35 степени Целзиусови.
- Во зимскиот период растението не толерира температури под 12 степени. Пожелно би било да го внесете дома бидејќи централното греење не му пречи.
- Филодендронот не мирува. Единствено во зимскиот период ширењето на листовите е редуцирано.
- Што се однесува до храната, најправилно би било да го храните со хумус или да го засадите во тресетишна земја. Осигурајте се дека ќе одберете голема и длабока саксија бидејќи брзо расте и развива големи корења.
- Наводнувајте го често преку целата година. Филодендронот сака вода. Дохранувајте од март до септември.
- Се размножува лесно. Коренот се развива без поголеми тешкотии.
rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
August 18, 2011