Tag: миленици

Многу љубители на животните мислат дека мачката или кучето ќе им помогнат да живеат подолго, посреќно и поздраво. Се поставува прашањето дали тоа може и научно да се потврди.rnrnrnrnДоколку барате барем доказ дека вашиот домашен љубимец ќе ви го подобри општото здравје, следуваат повеќе докази. На пример, постојат безброј докази дека галењето со милениците го намалува бројот на срцеви отчукувања, како за сопственикот, така и за миленикот, што придонесува за намалување на стресот. Ова се однесува и на сопствениците кои чуваат какви било миленици, не само мачка или куче.rnrnПостојат докази од Германија и Австралија, добиени врз основа на истражувања спроведени на 10.000 испитаници, дека сопствениците на домашните миленици помалку посетуваат лекари. Во Кина е утврдено дека сопствениците на животни имаат поздрав сон. Американската асоцијација за здравјето на срцето неодамна објавила податоци кои покажуваат дека шансите за преживување на срцев или мозочен удар се поголеми доколку чувате куче.rnrnПостојат и други предности за сопствениците на куќните миленичиња, посебно за оние кои имаат мачки и кучиња. Научниците сметаат дека милениците во нашите домови ни го зајакнуваат имунитетот и ги намалуваат шансите за алергии.rnrnИстражување од 2015 година во која се испитувани колонија габи и бактерии во 1.200 домаќинства во САД открила дека присуството на куче или мачка предизвикува поголема разноликост во 56, односно 24 класи на бактериски видови. Ова може да го објасни и уште едно истражување кое сугерира дека бебињата уште од најрана возраст треба да бидат во контакт со кучиња, со што имаат 13% помали шанси да добијат астма.rn

Со нив се чувствуваме подобро

rnМоже да се потврди дека домашните миленици ни помагаат и подобро да се чувствуваме. Одговорните сопственици им овозможуваат многу поудобен живот, па затоа користа е обострана. Истражувањата покажале дека кучињата и мачките лачат повеќе окситоцин, хормон на љубовта, кога се во интеракција со своите сопственици.rnrnМеѓутоа, кога подобро се анализираат овие резултати, може да се извлечат и други заклучоци. Многу научници нагласуваат дека милениците се фактор кој придонесува за нашата здравствена состојба, но и за финансиската состојба. Тоа е директно поврзано со поседување домашен љубимец, бидејќи чувањето куче или мачка може да чини. Заклучокот на некои од овие истражувања е дека оние луѓе кои имаат повеќе пари можат да си дозволат подобри услови на живот, а со тоа и имаат подобра здравствена состојба и можност да имаат куќно милениче.rnrnЕдно големо истражување спроведено во Калифорнија, во кое учествувале 5.200 семејства, не успеало да најде врска помеѓу чувањето милениче и општата здравствена состојба, бидејќи во студијата бил вклучен и факторот кој се однесувал на паричниот приход на домаќинствата. И други студии имале слични резултати.rnrnЗгора на тоа, постојат и докази кои велат дека милениците се и штетни за нас.rn

Милениците може да се штетни за нас

rnЕдно истражување спроведено во Финска со примероци од 21.000 луѓе утврдило дека сопствениците на миленичињата имале зголемен притисок и повисоко ниво на холестерол во крвта. Покрај тоа, голем е бројот на луѓе кои барале медицинска помош поради касање од куче. Се проценува дека над 87.000 луѓе, посебно постари лица, во САД завршуваат во болница поради повреди добиени при шетање на кучиња. Посебен фактор се паразитите кои домашните миленици ги внесуваат во куќата.rnrnМилениците на луѓето можат да им пренесат прилично тешки заразни болести, како салмонела или капноцитофаги – бактерии кои се наоѓаат во плунката на мачките и кучињата.rnrnПостојат и недостатоци кои се однесуваат на емоционалната страна. Една од работите кои често се забораваат е грижата за животните кога се стари, чие негување може да трае со месеци или години.rnrnИстражување од 2017 година во кое учествувале 238 учесници открило дека сопствениците со хронично болни миленичиња имаат високо ниво на стрес и анксиозност. А тука е и стресот кој се јавува во случај на смрт на миленичето.rn

И добри и лоши страни

rnКога ќе се соберат сите предности и недостатоци, конечниот одговор на прашањето дали миленичињата се добри за луѓето или не, не е едноставен. Тоа зависи од луѓето и нивните животни околности, колку и да се различни и сложени.rnrnВистината е дека чувањето домашно милениче има и добри и лоши страни. Затоа е многу важно добро да се пресмета пред да се донесе одлука за набавување милениче, бидејќи сакањето животни не значи дека мораме и да ги поседуваме.rnrnНајдобро е да се постави прашањето: што можам да направам за домашното милениче, наместо што миленичето може да направи за мене.rnrnМилениците може да кажат многу за нас, па прочитајте што вели за вас вашето домашно милениче.

За време на новогодишните прослави секогаш има и непосакувани активности, како што е фрлањето петарди. Оваа „забава“ е опасна за сите, а може да биде особено трауматична за домашните миленичиња. Па затоа погледнете како да им помогнете да го преживеат овој период.rnrnrn

1. Овозможете им место за криење

rnОва може да биде некое место под покуќнината или во некој гардеробер. Доколку имате куче, оставете му една просторија со неговите играчки за да се чувствува безбедно. Кога станува збор за мачките, нив им е доволно да се сокријат под креветот или во некој мирен агол. Немојте да ги терате да излезат додека не се почувствуваат подготвени.rn

2. Погрижете се вашите миленици секогаш да се наоѓаат во сигурно опкружување

rnНа овој начин нема да можат да избегаат надвор доколку се исплашат. Доколку имате ваков проблем, најдобро е да им вградите микрочип на милениците. Додека трае периодот на пукање петарди и огномети, изнесувајте го кучето надвор само на кратко и тоа додека е ден. Навечер затворете ги прозорците, а можете да пуштите и музика за да го намалите звукот од пукањата.rn

3. Немојте да ги казнувате милениците доколку се исплашени

rnДоколку вашето милениче е исплашено и се однесува немирно, немојте да го казнувате. На овој начин само ќе ја влошите ситуацијата.rn

4. И вие игнорирајте го звукот на петардите и огнометите

rnИграјте си со вашето куче за да му го одвлечете вниманието. Сепак, немојте да го присилувате доколку не му се игра.rn

5. Најдете друго куче што е „пријател“ со вашето, а кое не се плаши од огнометите

rnНа овој начин кучињата ќе си прават друштво. Бестрашноста на другото куче ќе му помогне на вашето да сфати дека не треба да се плаши од пукањето.rn

6. Прекријте ја куќичката на миленикот со ќебе

rnНа овој начин колку-толку ќе го заштитите од звукот. Сепак, оставете простор за миленикот да може да гледа и надвор. Ставете уште едно ќебе со коешто ќе можете да го покриете кучето.

Секој знае дека масажата го намалува заморот по напорен ден на работа, ја намалува болката, па дури може и да ни го подобри здравјето. Но ако мислите дека масажите се само за луѓето, ќе се изненадите кога ќе откриете дека можат да направат чуда и за вашето куче.rnrnrnrnДобрата масажа може да го смири нервниот систем на кучето, да му ги загрее мускулите пред некоја активност, па дури и да ги опушти згрчените мускули. Погледнете кои делови од неговото тело е најдобро да ги масирате.rn

1. Глава

rnrnrnГлавата на кучето има мускули, органи и многу крвни садови. Мускулите лоцирани во главата на кучето можат да страдаат од грчеви, па масажата ќе ги опушти. Масажата на главата треба да трае само 10-15 минути. Бидете нежни и не нанесувајте премногу притисок на чувствителните делови од главата, во спротивно вашето куче ќе стане нервозно.rn

2. Уши

rnrnrnНежно потегнете ги и масирајте ги ушите на кучето за да ја подобрите циркулацијата. Ротирајте ги за да го отворите ушниот канал и да ја зголемите циркулацијата на воздухот. Завршете со масажата лизгајќи со прстите надолу по ушите. Внимавајте да не притискате премногу.rn

3. Врат

rnrnrnАко забележите дека кучето го врти целото тело наместо само главата, можно е да има проблеми со вратот. Кучињата лесно можат да го истегнат или да го повредат нивниот врат, па најдобро е да посетите ветеринар во случај да е нешто сериозно. Доколку не е повредено, можете да го масирате за да ја намалите болката. Веројатно ќе треба да му давате храна и да го галите додека го масирате за да остане мирно.rn

4. Грб

rnrnrnПостојат разни техники за масажа на грб во зависност од потребата. Масирањето со рамни дланки ќе го опушти кучето и ќе ги истегне мускулите и кожата. Движењата со тупаница ќе ја подобрат циркулацијата на крвта и ќе ги опуштат згрчените мускули. Земете предвид дека ако вашето куче има болки, а вие го притиснете пресилно, тоа може и да ве касне. Па затоа бидете нежни.rn

5. Стомак

rnrnrnНеправилната исхрана, прејадувањето, паразитите и други фактори можат да предизвикаат проблеми со дигестијата. Нежно масирајте го стомакот на вашето куче со кружни движења во насоката на стрелките на часовникот. На овој начин ќе ги стимулирате цревата и ќе ги елиминирате проблемите со стомакот.rn

6. Нозе

rnrnrnБез разлика дали е младо или старо, секое куче може да страда од артритис и проблеми со нозете. Масажата ќе ги намали и болката и заморот.rn

7. Шепи

rnrnrnМасирањето на кучешките шепи е слично како масирање на дланките и стапалата кај луѓето. Ќе го релаксира кучето, ќе ја подобри циркулацијата на крв и ќе можете да проверите за какви било абнормалности на шепите на кучето.rn

8. Гради

rnrnrnПостои место каде што главата и вратот се поврзани и овде е лоциран парасимпатичниот нервен систем. Па, масирањето на овој дел има смирувачки ефект. Овој дел е поврзан и со циркулаторниот систем, што значи масажата ќе биде корисна и за срцето и за крвниот притисок.rnrnДознајте и што значат различните лаења на вашето куче.