Tag: љубовни врски

Денешните генерации не влегуваат во сериозни врски и претпочитаат кратки и минливи љубовни авантури. Таквиот став кон љубовта се поврзува со честото менување на сексуални партнери. Меѓутоа, спротивно на општото верување, истражувањата покажале дека младите денес немаат секс толку често колку што се мисли. Па, што прават тогаш луѓето кои не се во брак и немаат чести редовни сексуални односи? Се обидуваат да донесат одлука. Неодлучноста на младите денес им ги уништува шансите да најдат љубов.rnrnrnrnСо развојот на технологијата и социјалните мрежи, можноста за онлајн потрага по партнер го отежнува љубовниот живот на луѓето поради тоа што нуди премногу опции. Постојат голем број апликации преку кои младите се запознаваат и бараат потенцијални партнери. Но, и покрај популарноста на онлајн запознавањето, ретко кои од тие познанства се остваруваат надвор од виртуелниот свет. Истражувањата покажале дека една третина од поединците кои бараат партнер онлајн никогаш не излегле на љубовен состанок со некој од луѓето со кои разговарале.rnrnПостојат многу причини зошто запознавањето преку Интернет не е веродостојно. Многу од корисниците лажат на нивните профили и посветуваат внимание на луѓе кои се премногу привлечни и со кои не би си одговарале во реалноста.rnrnПсихологот Роберт Барис открил дека убавите жени добиваат 4 пати повеќе пораки од просечните и 25 пати повеќе пораки од непривлечните жени. Освен тоа, луѓето се премногу пребирливи и честопати ги елиминираат потенцијалните партнери поради сериите што ги гледаат и нивните политички определби. Пребирливоста претставува голем проблем, бидејќи многу од сингл луѓето немаат поим што бараат во љубовта.rnrnСепак, неодлучноста на денешните генерации е најголемата пречка. На младите денес им се нуди неограничен избор на производи, медиуми, можности за градење кариера, сексуални партнери, места на живеење, начини на живот, образование и начини на исхрана. Меѓутоа, истражувањата покажале дека и покрај можноста за толкав избор, на луѓето најчесто не им се допаѓаат повеќето од работите. Ние сме пренатрупани со опции, па затоа честопати се каеме поради нашите одлуки, се опседнуваме со пропуштените можности или решаваме да не одбираме воопшто.rnrnИако многумина веруваат дека изборот ни ја зголемува среќата, вистината е дека преголемиот избор нѐ парализира. Истото се случува во љубовниот живот кај младите. Тие секојдневно гледаат многу луѓе кои делуваат доста солидно!rnrnrnrnЕкспертите оваа појава ја нарекуваат „FOBO“ (Fear of Better Options), односно страв од подобри опции. Денешните млади страдаат од постојана анксиозност предизвикана од помислата дека пропуштиле некого. Колку повеќе опции имаме толку повеќе се плашиме дека ќе ја одбереме погрешната.rnrnЌе сфатите дека ова е вистина ако ги земете предвид нашите површни и самоуништувачки инстинкти кои се јавуваат кога ќе се соочиме со бесконечни опции. Во едно истражување, испитаниците требале да одат на повеќе брзи љубовни состаноци. Резултатите покажале дека колку помалку потенцијални партнери запознале учесниците толку поголеми биле шансите да ги оценат според нивните подлабоки карактерни особини. Но, кога испитаниците се запознале со многу партнери во една вечер, тие почнале да донесуваат поповршни заклучоци.rnrnОсвен тоа, кај паровите кои се запознале онлајн постојат поголеми шанси дека ќе раскинат за разлика од паровите кои се запознале во живо. Поради тоа, 40% од денешните млади сметаат дека ним им е многу потешко да најдат љубов во споредба со претходните генерации. Но, младите сепак посакуваат да имаат сериозни врски и покрај фактот што не се способни да го остварат тоа.rnrnИстражувањата покажале дека 61% од денешните млади би сакале да стапат во брак еден ден, а 10% од нив тврдат дека романтиката е многу важна.rnrnЗа жал, решението за нашата неодлучност не е воопшто романтично. Психологот Пол Ојер го препорачува последното нешто што го сакаат младите, а тоа е да се помират со изборот на партнер. Исто како што сите луѓе во животот прифаќаат работа на која ѝ недостасува некој елемент што го посакувале, така порано или подоцна ќе мора да прифатите животен партнер кој само делумно ќе ги исполнува вашите замисли и очекувања.rnrnЌе можете да го најдете она што го сакате само тогаш кога ќе престанете да ги разгледувате другите опции и ќе се фокусирате само на еден човек. Решението ви е на дофат, само треба да донесете конечна одлука.rnrnДознајте зошто е тажно тоа што младите денес се плашат од сериозна врска.

Ова е едно од оние прашања што секој си ги има поставено, од тинејџери, до романтични поети и филозофи, па и љубопитни научници. Можеби го имаме одговорот на тоа прашање, а тоа е дека… сè зависи од вашата перспектива!rnrnrn

Различни дефиниции за љубовта

rn

Од гледна точка на романтичар: Љубовта е совршена

rnШто е љубовта за вас? Дали мислите дека треба да биде лесна и без несогласувања? Или пак, можеби мислите дека партнерите треба секогаш да се разбираат? Доколку се сложувате со ова, вие сте романтичар. Но, вистинската љубов на прв поглед е речиси невозможна. Треба работа и време за да се одржи тоа чувство. Идејата за совршена љубов може да ја направи вашата врска многу нездрава.rn

Од гледна точка на научник: Љубовта е поврзана со нашето сетило за мирис

rnАко сте аналитичар, можеби мислите дека љубовта е поврзана со биологијата. Оваа идеја за љубовта всушност е поддржана од научни докази. Истражувачи од Швајцарија се обиделе да ја пронајдат поврзаноста помеѓу нашето сетило за мирис и привлечноста кон некоја личност. Тие откриле дека генот МХЦ во човечката ДНК можеби е причината за љубовта.rn

Од гледна точка на реалист: Љубовта е ако океан

rnРеалистите сметаат дека љубовта е како океан, полна со бранови и струи. Ова мислење за љубовта е понормална дефиниција за неа. Разбирањето на прашањето „Што е љубов?“ не е баш лесно. Љубовта бара работа, која на долгорочен план ќе ве подготви за поздрава и стабилна врска.rn

Што не е љубов?

rnДодека дефиницијата за љубовта зависи од вашата перспектива, има некои работи кои сигурно не се љубов. Погледнете дел од нив…rn

Занес наспроти љубов

rnЗанесот е она чувство кое секој го има на почетокот на љубовната врска. Чувството кое ве држи будни навечер и ви го одзема вниманието во текот на денот е всушност занес. Бидејќи чувството на заљубеност е многу слично со ова, лесно е да се помешаат. Кога се запрашувате што е љубов и ако мислите дека тоа е ова чувство, вашата врска веројатно нема да ја преживее првата пречка. Вистинската љубов од друга страна, трае подолго.rn

Страст наспроти љубов

rnМожно е овие две да се помешаат, но воопшто не се исти. Како да ја најдете разликата? Па ако сте повеќе заинтересирани за спалната соба отколку за разговор, или ако сте фокусирани на изгледот на вашиот партнер, веројатно чувствувате страст, а не љубов. Доколку на прашањето што е љубов одговорите со страст, ќе се заробите во врска од фантазијата наместо да ја барате вистинската.rn

Пријателство наспроти љубов

rnПријателството и љубовта многу често се слични чувства што може да биде збунувачки. Ова е така бидејќи може да чувствуваме љубов кон пријател или да чувствуваме дека и партнерот ни е пријател. Лесно е да се помешаат пријателствово и љубовта бидејќи често поминуваме многу време со пријателите и без нив не можеме да си го замислиме нашиот живот. А ова е истото што го чувствуваме и за нашиот партнер. Па доколку сте збунети за врската со некој, обидете се да се фокусирате на хемијата помеѓу вас, нивото на интимност и интензитетот на вашите чувства. Накратко, колку посилни се вашите чувства кон некоја личност, толку е поверојатно дека сте заљубени.rn

Емоционална зависност наспроти љубов

rnПонекогаш заљубеноста може да биде и емоционална зависност. Како да ги разликувате? Постојат неколку прашања кои можете да си ги поставите. Дали го идеализирате вашиот партнер? Дали ве плаши помислата да го изгубите? И дали начинот на кој се однесува со вас ви е поважен од тоа кој ви е партнер? Ако одговоривте со „Да“ на овие прашања, можно е да сте емоционално зависни, а тоа не е љубов. Доколку сте емоционално зависни не бидете премногу груби кон себе, бидејќи тоа е сосема нормално. Овие чувства се очекувани во љубовните врски, но понекогаш се претерува со нив. Запомнете, вие сте ваша личност а истото важи и за вашиот партнер. Вистинската љубов ни дозволува да бидеме оние кои навистина сме.rn

Па, што е љубовта?

rnЉубовта е независна, универзална, непредвидлива и природна. Таа е далеку од совршена и ни ја дава флексибилноста да ги искусиме сите други емоции, вклучувајќи бес, страв, тага и болка. Љубовта не е нешто кое можете да го купите, нешто кое се добива како награда или нешто што може да се измери. Најважно, љубовта е нешто што се дава слободно без поставување услови. Разбирањето на овие работи е првиот чекор кон наоѓањето на вистинската љубов.rnrnПрочитајте ја и оваа поучна приказна за тајната на вечната љубов.

Пред да се одлучите дали вашата врска е сериозна, проверете дали знаете некои работи за вашиот партнер. Во првите неколку месеци, поради пеперутките во стомакот и нервозата пред да се видите со него или неа, баш и не размислувате за одредени работи. Сепак, треба да бидете внимателни бидејќи може да се случи после неколку месеци да сфатите дека всушност ништо не знаете за нив. Еве ги прашањата на кои треба да им ги знаете одговорите:rnrnrnrnВо каков однос се со нивното семејство? Ова може да биде голем показател за нивната личност.rnrnШто им е важно? Ако за исти работи имате различни вреднувања, вашата врска нема многу големи шанси за успех.rnrnДали сте сексуално компатибилни? Бидете сигурни дека и двајцата можете да си ги задоволите сексуалните желби и потреби.rnrnДали имаат пријатели, и какви се? Изреката „Со кој си, таков си“ не е залудно кажана. Ако тие немаат пријатели, тоа може да биде голем показател за себичност.rnrnДали бившите им се целосно тргнати од од нивниот живот? Ако не, запрашајте се зошто сѐ уште се слушаат.rnrnДали сакаат да имаат деца? Никој не ви вели да почнете да смислувате имиња за бебињата, но ако вашите планови на таа тема се разликуваат, тешко дека некој од вас ќе го промени мислењето.rnrnКакви се нивните намери? Не сметаат сите дека целта на сериозната врска се брак и семејство, а посебна приказна е што тие подразбираат под сериозна врска.rnrnКакви се нивните ставови кон финансиите? Факт е дека ова е една од најчестите причини за раскинување, па немојте да го занемарите. Многу е важно дали преферираат заеднички или посебни сметки и дали вие се сложувате со тоа.rnrnКако се однесуваат во стресни ситуации? Дали паничат, стануваат себични или ја преземаат контролата и ви влеваат сигурност – ова се важни показатели за нивната личност.rnrnКако ги решаваат проблемите? Дали после расправија сакаат да разговарате или се однесуваат како мали деца. Искрениот разговор, разменувањето на мислења и подготвеноста за компромис се многу важни предуслови за издржливоста и успехот на една врска.rnrnПрочитајте ги и овие едноставни правила за здрава и успешна љубовна врска!

Живееме во чуден свет каде што статусот на Интернет може да има поголемо значење од она што се случува во реалниот живот. Го оценуваме животот на некој според сликите и објавите на социјалните мрежи, а многу често грешиме во проценувањата. Еве неколку интересни причини зошто среќните парови не ги споделуваат целите нивни животи на социјалните мрежи.rnrnrn

Кога луѓето се во среќна врска, тие живеат во сегашниот момент

rnКога сè оди по планот во нечиј живот, таа личност не гледа причина да троши време објавувајќи го својот живот на социјалните мрежи. Не дека тие личности никогаш не се фотографираат или не ги проверуваат нивните профили, туку нивните животи ги прават доволно среќни што немаат потреба да бидат одвратени од Интернетот.rn

Секој пар што ги споделува проблемите на Интернет за сите да ги видат, нема да добие ништо со тоа

rnОткривањето на вашите проблеми на секој пријател на социјалните мрежи е најмалку ефективен начин да ги решите истите. Ова само може да ја влоши ситуацијата во вашата врска.rn

Вистинската среќа доаѓа од среќната врска со некој што го сакате

rnНема да добиете ништо доколку објавувате „докази“ за вашата среќа на социјалните мрежи. Радоста е во тоа да бидете заедно, а не да објавувате за тоа дека сте заедно. За луѓето кои го разбираат ова, постојаното објавување на социјалните мрежи не е од голема важност.rn

Никој не мора да докажува ништо

rnЛуѓето кои се во вистински среќна врска немаат потреба да го користат тоа за да докажуваат колку се среќни. Тие се заедно бидејќи сакаат, и воопшто не им е грижа дали на нивниот Интернет профил пишува „во врска“ или не.rn

И најважното нешто…

rnИстражувањата покажале дека оние кои не користат социјални мрежи се многу посреќни од оние кои редовно ги користат. Ова се случува бидејќи луѓето кои не ги користат не се споредуваат постојано со нивните пријатели и колеги, кои некако секогаш изгледаат посреќни. Многу често забораваме дека она што е важно се нашите вистински животи, нашите врски, нашите искуства и нашите чувства, а не популарноста на социјалните мрежи.rnrnПрочитајте повеќе информации на оваа тема: Зошто среќните парови не ја „споделуваат“ својата љубов на социјалните мрежи?