КАФЕ ПАУЗА

Tag: љубовни врски

4 хороскопски знаци што најверојатно ќе стапат во брак во 2020 година

Први јануари не е почеток само на 2020 година, туку и почеток на нова декада, а некои личности ќе ја започнат оваа декада со кажување на судбоносното „да“. Ако сте во врска, 2020 година ќе биде навистина добра година за брак. Според астролозите, ова се четирите среќни хороскопски знаци кои најверојатно ќе стапат во брак во новата година.rnrnrn

1. Бик

rnВо 2020 година, непредвидливиот Уран ќе премине во Бик, а тоа може да донесе ненадејни промени и изненадувања што ќе ви го разубават животот. Следната година ќе ве очекуваат големи животни промени, а една од нив е бракот.rnrnИсто така, може да настанат и некои брзи и ненадејни промени, односно постои можност личностите родени во хороскопскиот знак Бик да запознаат некој на почетокот на следната година, а потоа тоа да се претвори во нешто сериозно во рок од само шест месеци. Со оглед на тоа што овие личности се впуштаат во нови врски многу бавно, ова ќе биде огромно изненадување.rn

2. Девица

rnВо текот на 2020 година, најверојатно ќе се приберете и ќе се смирите и сето тоа заради вашата практична, стабилна и земјена природа. Енергијата што ќе ја поседувате може да зацврсти една врска, особено врската што полека ја градите. Сатурн ви носи спој и посветеност, а Плутон страст и длабока трансформација. Кога ќе го споите сето тоа, ќе поседувате голема поддршка за зацрвстување на новата или на веќе постоечката врска.rn

3. Скорпија

rnВо новата година, Скорпиите ќе претрпат целосна трансформација на својот идентитет. Ако долг период сте сингл и сте се откажале од тоа да го пронајдете вистинскиот партнер за вас, 2020 година може да ве изненади. Следната година ќе ви донесе средби со нови и возбудливи личности кои ќе бидат причината што ќе ве натера да ја смените вашата перспектива за љубовта. Личностите родени во овој хороскопски знак ќе стапат во брак со партнерот што многу добро го познаваат или ќе побараат нешто повозбудливо кај некоја сосема различна и непозната личност.rn

4. Риби

rnСледната година ќе биде незаборавна за вас и најверојатно ќе стапите во брак поради поддршката од Сатурн и од Плутон. Во 2020 година, ќе се зголемат вашите шанси за брак бидејќи желбата за спојување со партнерот ќе биде многу силна. Но, одвојте време и посветете внимание на врската за да бидете сигурни дека градите здрави односи затоа што постои можност меѓусебната зависност со партнерот да ви претставува проблем во иднина.rnrnМожеби ве интересира и која песна треба да ви биде химна оваа зима според хороскопскиот знак.

December 18, 2019
Кои се оние работи кои го блокираат патот до неговото срце?

Веќе некое време се состанувате и од старт имате впечаток дека сте ја запознале вистинската личност за вас. Но, тој сѐ почесто ги презакажува состаноците, а истовремено ве убедува дека сѐ е во ред. Што е тоа што наеднаш го оддалечува од вас?rnrnrn

Може звучи неверојатно, но не е добро доколку воопшто не се расправате

rnСекако дека и мажите мразат расправии, но полошо е доколку не реагирате кога нешто не е во ред. Според нив, доколку не си ги кажувате мислите веднаш, со тек на време тие ситници ќе ескалираат во многу побурна расправија. А не е исклучена и можноста дека ќе добијат впечаток дека не се грижите за нив. Сѐ од ова ќе ги натера да размислат за иднината на врската.rn

Страв од она што следи

rnМногу мажи мислат дека доколку влезат во врска, тие ќе мора да се откажат од некои други работи – машките пријателства, фудбал двапати неделно и сл. Веднаш штом ќе сфатат дека се вљубуваат, нив ги фаќа паника и се повлекуваат. Ако не сте во состојба да се воздржите од реакција која само ќе ги потврди нивните стравови, сето ова нема да заврши добро.rn

Подобра прилика на некое друго поле

rnПодобра работна позиција значи и повеќе часови на работното место. Наместо да ја балансираат новонастанатата животна ситуација со времето кое ѝ го посветуваат на својата сакана, мажите обично ја ставаат кариерата на прво место. Па, ако се случува нешто важно на ова поле, постои голема можност тие да се повлечат.rnrnВо денешно време, сѐ почесто младите се откажуваат од љубовта многу брзо. Но, зошто е тоа така? Дознајте тука.

July 6, 2019
5 причини зошто треба да направите пауза од љубовните врски

Способноста да љуби е најубавата одлика на човекот. Секој од нас сака да има посветен партнер покрај себе, партнер со којшто ќе дели сѐ. Но, понекогаш е сосема во ред да бидеме сами и да си покажеме љубов на самите себе.rnrnrnrnЕве пет причини зошто треба да одморите од состанувањето некое време.rn

1. За да се потсетите дека вие сте најдобрата работа која ви се случила

rnДа бидеме реални, понекогаш го забораваме ова. Толку сме посветени на љубовните врски што забораваме дека, без разлика на сѐ, самите ние сме најдобрата работа којашто ни се случила. Токму затоа љубовта кон себе треба да биде најголема.rn

2. Бидејќи не ви треба дополнителен стрес

rnОдлично, нели? Повеќе не се грижите за тоа дали треба да ја испратите таа порака на партнерот, повеќе нема бесцелни расправии и повеќе не должите ништо никому. Секоја врска бара посветеност и многу работа, па сосема е во ред доколку решите да се одморите од сѐ.rn

3. Ќе научите повеќе за себе

rnТоа што ќе бидете сами ќе ви овозможи да научите многу работи за себе. Секако, се спознавате себеси и кога сте во врска, но на овој начин ќе научите како да функционирате сами и како да се носите со животните предизвици без поддршката на партнерот.rn

4. Вие, вашето семејство и пријателите ќе ви бидат најголем приоритет

rnЗапочнете ново хоби. Поминувајте повеќе време со членовите од семејството кои ви се драги. Патувајте на оние дестинации кои одамна сте сакале да ги посетите. Направете вкусна вечера и уживајте сами во чаша добро вино. Излезете со пријателите за време на викенд. Создавајте спомени!rn

5. Оставате простор за да ви се случат прекрасни нешта

rnГлавната причина зошто го правите сето ова сте вие. Можеби е најдобро да поминете некое време сами пред да го запознаете човекот на вашиот живот. Со овој чекор оставате простор да ви се случат многу убави нешта во иднина – сами, но и во врска со некоја посебна личност.rnrnКои се работите кои треба да ги знаете пред да започнете врска со девојка која претпочитала да биде сама? Прочитајте тука.

July 4, 2019
5 причини зошто секогаш „паѓате“ на лоши момци

Ако имате лоши спомени со вашите бивши, сигурно барем еднаш сте се запрашале зошто постојано завршувате со погрешните момци. Постојат неколку можни причини, а добрата вест е што откако ќе ги откриете, вие ќе можете да го промените своето однесување. Кога тоа ќе се случи, конечно ќе можете да го пронајдете совршениот партнер.rnrnrn

1. Се плашите да бидете сами

rnАко поради стравот од осаменост секогаш им давате шанса на фраерите што не ве заслужуваат, потсетете се дека е многу поздраво да бидете сингл и среќни отколку тажни во врска со маж што воопшто не ве цени.rn

2. Сакате да ги поправате луѓето

rnЕдно е да дадете шанса на некој што не е совршен, а нешто сосема друго е постојано да бидете со момци што сакате да ги поправите и обликувате во личноста што би била идеална за вас. Не гледајте во потенцијалот на личноста, туку во тоа што тој е во моментот.rn

3. Страдате од синдромот „грдото пајче“

rnАко мислите дека едноставно не заслужувате некој што ќе биде добар кон вас и дека не можете да најдете нешто подобро од фраерот што ви нанесува само бол, тогаш дефинитивно станува збор за овој синдром.rn

4. Мислите дека МОРА да бидете со некој

rnГолем број жени сте во врска само затоа што сметаат дека би биле доживувани како чудни или несакани ако се сингл. Ако помалку ви е важно каков е овој човек отколку тој да биде со вас, цел живот ќе наидувате само на лоши момци.rn

5. Страв ви е да го барате тоа што го заслужувате

rnДури и ако знаете дека заслужувате подобро, тоа ништо нема да значи ако не инсистирате на него. Ова е знак дека ви недостасува самодоверба, и ако постојано дозволувате другите да ве третираат лошо, никогаш нема да ја зголемите самодовербата.rnrnОвие девојки никогаш не завршуваат со лоши момци, а ние ви ја откриваме нивната тајна.

May 24, 2019
11 жени го откриваат првото нешто коешто го забележале и ги привлекло кај партнерот

Доколку некогаш имате залудно потрошено цела вечер во лутање низ барови, ноќни клубови или низ апликации за состанување, тогаш го знаете следниов неоспорен факт: можете веднаш да забележите дали некој е физички атрактивен или не, но сепак да не ве привлекува. Она што ве привлекува кон една личност, е комплексен сплет од лични преференции. Сосема е нормално да ве привлекуваат одредени луѓе, а други да не ве привлекуваат воопшто, без разлика на нивниот физички изглед.rnrnrnrnДоколку вашето тело, срце и душа не успеваат да ги исфилтрираат вистинските луѓе коишто ве влечат како магнет кон себе, тогаш вие во суштина, само ќе се „давите“ во море од додворувачи, кои ги привлекува само вашата надворешност. Во продолжение, прочитајте за овие 11 жени и за карактеристиката којашто првично им била привлечна кај сегашниот партнер, а нивните одговори ќе ви ги разлетаат пеперутките во стомакот, како кога сте заљубени. Бидете подготвени да бидете стопени.😊rn

1. Неговиот глас

rn

„Првото нешто коешто го забележав, беше неговиот глас. Никогаш дотогаш немав слушнато глас како неговиот и тоа продолжи да ме влече кон него цело време. До ден-денес, не можам да го чујам неговиот глас, а да не се стопам.“ – Марија, 22 години

rn

2. Нејзината насмевка

rn

„Можеби ова звучи сентиментално, но нејзината насмевка е навистина многу искрена и топла. На нашиот прв состанок излеговме да пиеме кафе и првиот пат кога таа ми се насмевна, знаев дека ќе се заљубам во неа.“ – Џасмин, 21 година

rnrn

3. Неговиот карактер

rn

„Јас и мојот партнер бевме пријатели со години пред да започнеме врска и тој едноставно, отсекогаш беше личност којашто е неверојатно забавна и смешна, некој покрај кој сите сакаат да бидат. Да, тој е згоден и неверојатно шармантен, но за мене тој имаше нешто повеќе во себе. Тоа е таа специјална ‘Х’ карактеристика којашто е толку тешко да се опише со зборови. Јас секогаш сакав да бидам покрај него, бидејќи тој секогаш беше (и е) причината за забавата во просторот.“ – Кајли, 29 години

rn

4. Неговата подготвеност да направи сè

rn

„Јас и моето момче се бакнувавме на сред улица на нашиот прв состанок, па уште тогаш знаев дека тој е за мене створен, бидејќи знаев дека е ‘забавен’.“ – Британи, 27 години

rn

5. Неговата висина

rn

„Тој едноставно беше висок. Тоа беше првото нешто коешто го забележав кај него.“ – Александра, 26 години

rn

6. Колку удобно се чувствував покрај него

rn

„Кога јас и моето сегашно момче се совпаднавме на апликација за состанување, јас сметав дека е сладок и решив да му испратам флертувачка порака. Во неговата кратка биографија на профилот, пишуваше дека тој е во потрага по туристички водич, бидејќи е неодамна доселен во градот од Ирска. Му кажав дека знам одлични ирски пабови. Тој набрзо ми одговори, па ние решивме да излеземе на пијачка истата вечер. Кога се запознавме во живо, јас веднаш се почувствував удобно во негово друштво. Ние немавме разговаравме многу преку апликацијата, но зборувањето со него во реалниот живот, беше многу едноставно и ослободено од тоа непријатно чувство, коешто честопати се појавува на првите состаноци. Сега, откако сме во врска, чувствувам дека дури уште повеќе можам да останам своја, во мојата оригинална верзија и тоа е сè уште привлечно за него.“ – Џејми, 23 години

rnrn

7. Начинот на кој таа ја држеше мојата рака

rn

„Јас и мојата девојка малку се ‘исклучивме’ во таксито и случајно се фативме за раце, така што… Тоа е тоа.“ – Тереза, 24 години

rn

8. Впечатокот којшто го оставаше кај другите луѓе

rn

„На почетокот, единствената причина поради којашто јас бев заинтересирана за мојот сегашен дечко, е поради тоа што во тоа време, тој ја ‘бркаше’ мојата најдобра другарка. Таа не беше воопшто заинтересирана за него, а јас бев љубоморна од сето внимание коешто таа го добиваше од него. (Дечки, тогаш имав само 16 години, ве молам не ме судете.)“ – Лара, 24 години

rn

9. Неговиот незастрашувачки изглед

rn

„Му стиснав ‘ми се допаѓа’ на моето сегашно момче на Тиндер, бидејќи тој изгледаше сосема безопасно. Добронамерен, до степен да започнам тепачка против него и да не ме нападне.“ – Елиот, 24 години

rn

10. Неговата смисла за хумор

rn

„Она што прво ме привлече кој мојот партнер, беше неговата смисла за хумор. Сè што тој правеше беше толку чудно, пренагласено и пресмешно, што јас можев да глумам ладнокрвна на сето тоа само накратко, пред целосно да се предадам на забавата.“ – Кендис, 25 години

rnrn

11. Неговата чувствителност кога зборуваме за сериозни теми

rn

„Јас и мојот партнер бевме пријатели 3 години и и покрај тоа што јас отсекогаш го сметав за сладок и љубезен, никогаш немав намера да развивам нешто повеќе од тоа помеѓу нас двајца. Едно лето, тоа се промени. Двајцата бевме сингл и работевме во истиот град, па започнавме да поминуваме повеќе време заедно. Како што се зближуваме, станувавме сè поблиски во платонска смисла на зборот, па почнавме да се отвораме за разни сериозни теми на разговор како што се, стравовите, несигурностите, анксиозноста… Тогаш инстантно ме привлече неговата ранлива страна и жестока искреност. Дури тогаш, дојдов до констатација дека имам вистински, романтични чувства за него.“ – Иман, 23 години

rnОна што е интересно во приказната на овие 11 жени, е нивниот вариетет. Не постои единствен начин за да се допре до срцето на друга личност. Не постои еден начин да се привлече нечие внимание на вистинскиот начин. Трикот е да останете во својата оригинална верзија, без да му се извинувате на некој друг и да се најдете пред вистинската личност, во прав момент и на право место. И секако, упатувањето насмевка до него (од една до друга 8-ца или 6-ка, зависно колку заби имате) со сигурност нема да ви наштети, исто така.rnrnОткријте и како до успешен прв состанок со личност која сте ја запознале онлајн.

September 13, 2018
9 ненормални типови љубовни врски: Дали вашата спаѓа во нив?

Некои парови едноставно сакаат да ги комплицираат работите. Во денешно време, спектарот помеѓу тоа да се биде „во врска“ и „сингл“ е поширок од кога било претходно. Откријте кои се 9-те нездрави и токсични типови љубовни врски и дали можеби вие се наоѓате во некоја таква.rnrnrn

1. Поранешниот партнер со којшто сè уште повремено се „плеткате“

rnВие двајца сте биле навикнати да бидете постојано заедно, па сè уште не можете сосема да се откажете еден од друг. Не сакате веќе да бидете во љубовна врска, сте раскинале со добра причина, но секојпат кога се чувствувате осамено, сè уште чувствувате хемија и привлечност меѓу вас и се договарате да се дружите. Иако, ова не е најздравиот начин да се стави крај на една љубовна врска, барем сте во добри односи, додека не дојде некој следен партнер.rn

rn

rn

2. „Те сакам, но се плашам да ти го признам тоа“

rnВие двајца сте тотално „луди“ еден за друг и сите околу вас тоа го забележуваат, освен вие двајца. Едноставно, премногу сте преплашени да му ги признаете на партнерот вашите искрени емоции, како и тој на вас. Наместо тоа, се преправате дека сте потполно рамнодушни и вечно го одложувате движењето на работите на повисоко ниво.rn

rn

rn

3. Повик за помош

rnЕдинствено се слушате, кога на некој од вас му е потребна малку акција. Вие двајца не сте компатибилни по ниеден основ и не ви ни паѓа на памет да комуницирате, за нешто повеќе од дружење. Можеби ни за дружба не ви е идеалниот кандидат, меѓутоа помеѓу другите опции коишто ги имате на располагање, тој/таа е најмалото зло.rn

rn

rn

4. Сродна душа од „Тиндер“

rnИако апликацијата „Тиндер“ не ја користите многу одамна, сепак таму сте запознале фраер/фраерка кој/а што со еден збор, е совршен/а! Веќе со недели разговарате преку чет секоја вечер, постојано ве засмејува и забавува и навистина уживате во неговото/нејзиното виртуелно друштво. Единствениот проблем, се состои во тоа што очигледно и на двајцата ви недостасува храброст да ја пренесете „врската“ во реалниот живот, зошто поудобно и побезбедно ви е вака.rn

rn

rn

5. „Моментално не сакам да сум во врска, ама не сакам да се гледаш со други“

rnОва е една од најбесмислените лажни врски коишто постојат. Тој јасно ви дал до знаење дека не е заинтересиран за врска, но запаѓа во лошо расположение, секојпат кога вие ќе спомнете некој друг. Имајте на ум, дека последно нешто што ви е потребно, е фраер којшто со месеци и години ќе го чекате да се одлучи што сака, додека во светот постојат безброј други, коишто би „убиле“ за да бидат во врска со вас.rn

rn

rn

6. Пријатели кои повремено се нешто повеќе

rnНе сакате да сте во врска, но вашето пријателство е толку силно и неверојатно многу ви значи. Но, иако би сакале да е поинаку, вие едноставно не можете да го доживеете како фраер со којшто би биле во врска. Но, од друга страна, повремено го доживувате како совршено соодветно друштво, за разубавување на осамените ноќи.rn

rn

rn

7. Врска за којашто „не се грижите“

rnВие сте во врска, но поради некои причини, коишто само вие ги знаете, вам не ви е толку грижа за таа личност. Ниеден од вас, не сака да делува премногу посветено и заљубено, па и двајцата глумите дека сте рамнодушни ледени брегови, а во реалноста сте всушност врели гејзири, на коишто и тоа како им е грижа еден за друг.rn

rn

rn

8. Вие само сакате да „разговарате“ и ништо повеќе

rnВие сте биле излезени на неколку состаноци со различни луѓе коишто ви се допаѓаат, но и понатаму немате претстава што тие точно мислат за вас. Додека не решите вие да смислите и не се одлучите за некој од нив, само продолжувате да разговарате со потенцијалните кандидати, без да правите ништо посериозно од тоа.rn

rn

rn

9. Вие сте најдобрите пријатели на светот

rnВие сте најдобри другари, веќе години наназад и сè правите заедно. Нити вам, нити на пријателот, не ви ни паѓа на памет дека можете да бидете заедно како пар и никогаш досега не сте ни допреле. Од друга страна, и двајцата насамо полудувате од љубомора, кога ќе чуете дека тој/таа запознал/а некоја друга личност.rnrnМоже да ве интересираат и овие 3-те видови љубов што сите ќе ги искусат во текот на животот.

May 17, 2018
Најубавите љубови од безвременските книжевни дела

Во бесмртните љубовни романи ние не се запознаваме само со личностите кои творат, туку и со личностите на нивната интима, имагинација. Ние зачудувачки се соживуваме со нив, се возбудуваме поради нивните страдања, се радуваме на нивните успеси. Самите мотиви во нив, типизацијата на ликовите, заплетите и кулминациите, нам ни изгледаат толку реални и вистинити. Толку природни и блиски до нас. Тоа е така, затоа што во нив ги наоѓаме нашите неостварени желби и соништа, со нив ја зацврстуваме нашата колебливост и несигурност, и ги поразуваме нашите сомнежи и стравови. Целокупната книжевност е жариште на многу љубови кои живеат низ страните на тие романи, а ние во продолжение ги издвојуваме најпознатите меѓу нив.rnrnrn

Парис и Елена

rnПрифаќајќи го ставот на грчката легенда за Парис и Елена, денес на овие историски легендарни имиња се гледа како совршена комбинација на целосна машкост и симбол на женска убавина. Убавината на Елена се смета за причина на почеток на децениската Тројанска војна, по нејзиното киднапирање од страна на Парис. Но, голем број уметници и поети на умешен начин ја заобиколуваат насилната отуѓеност на Елена од нејзиниот сопруг, па денес јасно е изразена меѓусебната љубов со Парис, сензуалноста, нејзината среќа да биде во рацете на лик со херојски димензии. Мудростите кои ги споделуваат овие љубовници, примерите, возвишените пораки, кои Хомер ни ги доближува во Илјадата, опстојуваат не само низ историјата толку долг период, туку со истите можеме да се поистоветуваме и во сегашноста, во нашиот помин.rn

Ромео и Јулија

rnПриказна за двајца млади кои со своите животи ја плаќаат цената на недозволената привлечност. Судбини кои денес потсетуваат на вистинска љубов, и смрт која е залог за мир помеѓу две закрвени семејства.rnrnШекспир ни претставува една слика на трагично самоубиство на младата Јулија над телото на нејзиниот веќе мртов љубовник – откако самиот тој се самоубива мислејќи дека неговата Јулија е мртва. И тоа се делови на спиралата на омразата, љубовта, смртта.rnrnНо, со самото тоа што чувствуваат колку е бедна омразата во однос на љубовта, и ја чувствуваат величествената љубов родена од таа омраза, двајцата млади љубовници како спој претставуваат идеја на универзалноста, поим над поимите. Претставуваат универзални протагонисти на неуништливоста кои ги рушат и временските и општествените бариери.rn

Тристан и Изолда

rnВо делото кое има репутација на најубав љубовен роман што човештвото го добило, Тристан е трагичниот јунак чиј живот се одвива наспроти неговата волја. Тој е активна и моќна природа, па својата трагика ја пренесува на сите што ќе се најдат во негова близина. Таква е и судбината на Изолда – прекрасната и достоинствена благородничка која е принудена да им се потчинува на средновековните обичаи и правила. Бескрајната и чиста љубов на овие љубовници и понатаму постои како синоним за моќна и забранета, но вистинска љубов. И покрај ниската морална оправданост, покрај предавството што Тристан и Изолда го чинат кон кралот Марк. Тристан како негов пријател, близок роднина и штитеник, а Изолда како кралица, негова сопруга.rnrnИнтимата на главните ликови ги надминуваат рамките на споменот и остануваат да сведочат за трагична, исполнета со копнежи, и толку многу цврста љубов.rn

Скарлет О’Хара и Рет Батлер

rnТие сведочат за тоа какви динамични, непослушни импулси може да сокрие совршената физичка надворешност. Скарлет, која е посакувана поради нејзината убавина и умешниот флерт, и често критикувана поради гордоста и неодлучноста во постапките. И Рет, чија брутална храброст за спротивставување на општеството му носат репутација на човек со валкано минато.rnrnНо, моќна е нивната љубов. Се издига над сиот прав кој нивните темпераментни карактери сами го создаваат. Се издига над правот полн со заеднички спомени за да ги потсети што значи силата и љубовта возвратена од вистинскиот човек. Се издига за и денес да сведочи за мошне интересна судбина – необична, а сепак толку блиска до нас, до нашите чести постапки и избори.rnrnПогледнете ги и овие 14 литературни класици кои докажуваат дека љубовта отсекогаш била мртва!rn

Автор: Марија Николовска

March 9, 2018
10 работи што мора да ги знаете за љубовните врски

Животот понекогаш самиот ни ги одговара прашањата што не сме ги ни поставиле. Сигурно досега сте имале неколку љубовни врски, некој ви го скршил срцето, вие сте го скршиле срцето некому, сте имале преголеми очекувања, сте се сомневале во себе, сте доживеале неизмерна љубов… Сите овие искуства ви помогнале да созреете и да разберете до некаде како функционираат врските. Ова се 10-те работи што сите искусни луѓе ги знаат за љубовните врски…rnrnrn

1. Здравите љубовни врски доаѓаат однатре

rnДоколку сакате да започнете врска, тоа не значи дека сте подготвени за тој чекор. Ако не се чувствувате пријатно во своја кожа или имате нерешени работи од минатото, тогаш не сте подготвени за врска. Немојте да повредите некого само затоа што не сте способни да се соочите со вистината за вашиот живот.rn

2. Скршеното срце може да го означи крајот на врската, но не го означува крајот на љубовта

rnЖивотот е премногу краток за да не си дозволувате да љубите повторно. Можеби се плашите да не се претворите во „безнадежни романтичари“. Но, треба да знаете дека можете да бидете романтични без да бидете безнадежни. Постојат добри луѓе во светов и барем еден од нив е совршениот човек за вас. Не дозволувајте болката, стравот и болните искуства да ве натераат да прифатите нешто помалку од она што го заслужувате.rn

3. Бидете искрени уште на самиот почеток

rnСите сме паднале во искушение да излажеме или да ја ублажиме вистината, но тоа никогаш не помага. Подобро е да бидете искрени уште на самиот почеток. Нормално е да се разочарате ако дознаете дека не си одговарате, но тоа е многу подобро отколку да дознаете дека и двајцата сте се лажеле меѓусебно.rn

4. Негувајте го искреното пријателство доколку сакате да доживеете голема љубов

rnБескрајната љубов постои поради бескрајното пријателство. Ако сакате да ја имате најдобрата љубовна врска, тогаш мора да го имате и најдоброто пријателство. Негувајте го и не дозволувајте пријателството да изумре. Недостатокот на љубов не е тоа што најчесто ги уништува врските, туку недостатокот на пријателство.rn

5. Опуштете се, но не премногу

rnПонекогаш удобност во врската доведува до монотонија. Вашето гледање прераснало во толкаво секојдневие што повеќе не си придавате никакво значење. Полека почнувате да се оддалечувате. Не дозволувајте да ви се случи ова. Одржувајте ја искрата во живот, флертувајте, однесувајте се најдобро што можете, бидете заинтересирани еден за друг, одете на љубовни состаноци, искажувајте ја вашата љубов и бидете добри пријатели. Врската и пријателството можат да опстојат само доколку почитта е обострана и возвратена.rnrnrn

6. Закопајте ги поранешните врски во минатото

rnЗамислете си само колку слободно би се чувствувале кога би ги закопале сите поранешни врски и драматични сеќавања. Тоа не значи дека треба да го заборавите минатото. Размислете за него и научете нешто од искуствата, без разлика дали се добри или лоши. Научете ја лекцијата и продолжете понатаму. Разберете какво влијание имале поранешните врски врз вашиот живот и прифатете го фактот дека завршиле.rn

7. Не обидувајте се да го контролирате туѓото однесување

rnМногу ќе се преоптоварите доколку постојано се врзувате за нештата што не можете да ги контролирате. Можете да го контролирате само своето однесување. Ослободете се од бесмислените предизвикувачи на стрес. Наместо да пробувате да го контролирате туѓото однесување, поставете стандарди во вашиот живот. Не им дозволувајте на другите да се однесуваат лошо со вас. Поставете граници. На тој начин, нема да се обидувате да ги контролирате другите.rn

8. Живееме во мултидимензионален свет. Немојте да негувате еднодимензионална љубов!

rnАко сакате некого, чувствувајте го тоа, кажувајте го, покажувајте го. Покажете му почит и посветеност на партнерот. Дајте му до знаење колку се приврзани за него и колку сте страсни. Покажете му дека ви значи. Ако не чувствувате доволно инспирација за да ја покажете вашата љубов на мултидимензионален начин, тогаш бидете љубезни и ослободете го за да може да најде некој кој ќе му даде таква љубов.rn

9. Бидете внимателни! Не дозволувајте нечии зборови да ве заслепат

rnПонекогаш луѓето ги кажуваат работите што сакате да ги чуете, но немојте да бидете наивни. Само постапките можат да откријат нечии вистински намери, желби и приоритети. Делата говорат погласно од зборовите, па затоа слушајте ги внимателно. Обрнете внимание на нечие однесување и тоа ќе ви открие многу работи за карактерот на личноста.rn

10. Не го поминувајте животот во чекање

rnПрестанете да седите и да го чекате „вистинскиот“. Љубовта на вашиот живот е таму некаде, но нема да ви падне од небо. Не дозволувајте да ви помине животот во чекање. Уживајте во животот, напишете ја вашата приказна и живејте во вашата бајка. Токму на тоа патување ќе ви се вкрстат патиштата со љубовта која заслужува да биде дел од вашата приказна.rnrnВо продолжение, дознајте кои се 6-те вистини за љубовта кои никој не сака да ги признае.

January 3, 2018
Луѓето кои заслужуваат да бидат дел од вашиот живот нема да ве натераат да трчате по нив

Дали ви се случило да се заинтересирате за некој дечко или девојка кои не ви обрнуваат внимание и никогаш немаат време за вас? Вие постојано се залажувате дека кога би поминале повеќе време со вас и кога би ве виделе во поинакво светло можеби би се вљубиле во вас. Можеби само треба да дознаат дека сте подготвени да го разберете нивниот натрупан распоред и дека нема да ги форсирате да започнете врска. Ова се изговорите со коишто го оправдувате нивното игнорирање и лошо однесување.rnrnrnrnМожеби сето ова ви делува логично, но ако размислите подобро, ќе сфатите дека ваквите замисли се апсурдни. Од една страна сакате да верувате дека на дечкото или девојката им треба повеќе време за да се вљубат во вас, но од друга страна, пак, ако не можат да одвојат време за вас, дали навистина ве заслужуваат?rnrnВоопшто не е забавно да се трча по некого. Сигурно и вам не ви е забавно кога нервозно чекате некој да ви врати на пораката, иако не знаете дали одговорот ќе ве насмее или расплаче. Сигурно не уживате во тоа да организирате и потврдувате љубовни состаноци, притоа знаејќи дека вие сте повозбудени за средбата. Сигурно не ви е интересно постојано да смислувате нови теми за разговор секогаш кога ќе ви се влоши комуникацијата. Постојано се трудите, но забележувате дека другата страна не вложува ни приближно исто толку труд колку и вие.rnrnНе е забавно да се обидувате да му покажете некому колку вредите, особено ако тој некој не знае да ги цени вашите квалитети кои сте ги граделе и усовршувале со години. Премногу се трудите за некого кој воопшто не се труди за вас.rnrnrnrnСфатете ги љубовните врски како пријателства. Сигурно никогаш не мора премногу да се трудите за да стапите во контакт со вашите пријатели. Судено ви било да бидете пријатели, па така сѐ си дошло на свое место. Сте решиле дека сакате да бидете дел од вашите животи и сте го оствариле тоа. Сте се слушнале кога сте си ветиле дека ќе се јавите. Сте испланирале излегувања и сте се појавиле на договореното место. Сте патувале заедно затоа што сте сакале да бидете на исто место. Сте се грижеле еден за друг. Не сте го криеле вашето пријателство. Не сте биле загрижени дека ќе се изгубите меѓусебно, бидејќи сте знаеле дека вашата љубов е вистинска. Не сте трчале еден по друг. Сте се нашле и сте одлучиле да останете заедно.rnrnНајчесто, пријателствата се посилни од љубовните врски, бидејќи вашите пријатели заслужиле да бидат дел од вашиот живот. Не сте морале да се борите за нив. Не сте морале да им докажувате дека ја заслужувате нивната љубов. Не сте требале да смислувате оправдувања за нивното однесување или да велите дека им треба повеќе време за да ве запознаат подобро.rnrnНа одредена возраст, некои работи ви стануваат јасни како ден. Знаете со кого сакате да поминувате време и кому сакате да го подарите вашето внимание. Знаете кого сакате да запознаете подобро, бидејќи ви делува интересно. Ако некој не може да го забележи и разбере тоа, тогаш трчањето по него нема да смени ништо. Доколку постојано трчате по некого, тоа може да е знак на некој поголем проблем. Можеби сте осамени, можеби ви е здодевно или можеби сакате да ви се случи нешто возбудливо во животот. Но, љубовните врски не функционираат на таков начин. Љубовта е двонасочна улица.rnrnДоколку некој не може да види колку вредите, не го сфаќајте тоа како предизвик да му докажете дека греши. Сфатете го тоа како знак дека тој човек не заслужува да биде дел од вашиот живот. Не треба да им се докажувате на луѓето кои знаат колку вредите. Ним не им треба време за да ве запознаат подобро. Тие само се појавуваат во вашиот живот и ви покажуваат дека вредите многу повеќе одошто мислите.rnrnЗа да заборавите на луѓето кои не ве заслужуваат, прочитајте како да преболите некого со кого не сте ни започнале врска.

November 18, 2017
11 брутални вистини за врските што повеќето мажи не можат да ги прифатат

Љубовните врски не се воопшто лесни. Тие се комплицирани, збунувачки и деликатни. Мора обајцата партнери да бидат подеднакво посветени за да успее врската, а тоа е навистина тежок предизвик. За жал, современото општество уште повеќе ги отежнува работите. Сите се обидуваме да си го сочуваме егото на социјалните мрежи и комплетно губиме контакт со нештата за коишто вреди да се бориме. Иако и мажите и жените се виновни за распадот на врските, редно време е момците да се соочат со реалноста и да ги прифатат следниве 11 брутални вистини за љубовта…rnrnrn

1. Не може цело време да биде совршено

rnВрските никогаш нема да бидат совршени. Розите нема да ви цутат постојано и ќе дојде времето кога ќе треба да ги извадите розовите очила да се соочите со реалноста. Секоја врска минува низ одредени проблеми и доколку не можете да го прифатите тоа, тогаш никогаш нема да имате успешен љубовен живот.rn

2. Мора постојано да се трудите

rnВо денешно време, мажите веднаш се откажуваат од врските ако забележат дека работите не одат онака како што очекувале. Мора да сфатите дека врските никогаш не ни одат во прилог, туку сѐ се врти околу правењето компромис. Ако не сте подготвени да ги истраете тешките периоди, никогаш нема да уживате во убавите моменти од врската.rn

3. Вашата девојка не е ваша сопственост

rnМажите знаат да бидат многу посесивни за некои работи одвреме-навреме и тоа е сосема природно. Но, тоа не значи дека не треба да се борите против овој порив. Вашата девојка не е ваша сопственост и немате право да донесувате одлуки во нејзино име. Престанете да се однесувате со неа како да ја поседувате и третирајте ја како рамноправно човечко суштество, а не како слугинка.rn

4. Намалете ги вашите очекувања

rnСите луѓе ги почнуваат врските со големи очекувања кои не можат да бидат исполнети. Но, врските не се вртат околу нештата што сметате дека треба да ги добиете. Врската ви овозможува да имате човек покрај вас кој ќе ви помага и ќе ве сака. Не очекувајте од партнерките да ве третираат како нивни господари. Ценете ги и почитувајте ги без разлика дали ги исполниле вашите нереални очекувања.rn

5. Ќе добиете онолку колку што ќе дадете

rnМажите денес очекуваат многу од нивните партнерки, а даваат малку. Но, работите не одат баш така. Треба да давате онолку колку што добивате. Не очекувајте од партнерката да ги разбира вашите проблеми, ако вие постојано ги игнорирате нејзините.rnrnrn

6. Нема да испадне онака како што сте планирале

rnНишто не можете да планирате во животот. Животот е комплициран и променлив. Немаме контрола врз работите што ни се случуваат, а истото важи и за врските. Никогаш ништо нема да испадне онака како што сте си го замислиле во главата.rn

7. Кажувајте го она што го мислите

rnАко чувствувате нешто, кажете им го тоа на вашите партнерки. Нема да можете да ги решите проблемите, ако не им дадете до знаење дека постојат. Мора да го кажувате она што го мислите, во спротивно вие ќе бидете виновни поради тоа што не сте ги изразиле вашите грижи тогаш кога требало.rn

8. Не кажувајте работи што не ги мислите

rnБез разлика колку сте лути и колку ве повредила саканата, постои тенка граница помеѓу работите што ги кажувате во лутина и работите што навистина ги мислите. Мажите многу често кажуваат навредливи зборови кога се лути и потоа бараат прошка. Но, работите не одат баш така. Нареден пат кога ќе се скарате со партнерката и ќе сакате да ја повредите со зборови, размислете што ве довело до таа ситуација. Тоа е најважно.rn

9. Мора да заборавите на гордоста

rnГордоста само може да ги уништи врските. Гордоста е лажно чувство и мора да научите кога треба да си го погазите егото. Најважно е да бидете тука за личноста која ја сакате.rn

10. Мора прво да се сакате себеси за да можете да сакате некој друг

rnПред да се вљубите во некого, мора прво да научите да се сакате себеси. Мора да знаете како да се грижите за себе и да се цените пред да почнете да се грижите за вашата сакана. Таа ве сака такви какви што сте, а и вие треба да го правите истото за да успее врската.rn

11. Не е добро да имате многу партнерки

rnМажите денес ја градат својата самопочит со помош на бројот на сексуални партнерки. Момците кои сакаат прво да остварат емоционална поврзаност пред да започнат со физички односи се сметаат за слабаци. Но, со текот на времето ќе сфатите дека колку повеќе партнерки имате толку полошо.rnrnДоколку сакате да го подобрите односот со партнерите, прочитајте ја и следнава едноставна љубовна вистина.

October 10, 2017