КАФЕ ПАУЗА

Tag: интуиција

Дајте му оддишка на вашиот изморен мозок и почнете да си ја следите интуицијата!

Дали знаете дека вашата потсвест може многу побрзо да сфати некои работи за разлика од вашата свест? Едно истражување од 2016 година открило дека ако го употребувате вашиот инстинкт, односно несвесните емоционални информации, ќе можете да донесувате подобри и посамоуверени одлуки. За жал, живееме во свет преполн со информации и честопати им даваме преголемо значење на надворешните влијанија. Интуицијата треба да нѐ потсети дека ние ја поседуваме моќта и да нѐ насочи кон вистинскиот пат. Прочитајте ги следниве техники што ќе ви помогнат да ја зголемите вашата интуиција…rnrnrn

Обрнете внимание на болките

rnКога вашата интуиција не е сигурна во врска со нешто, тој сомнеж може да се изрази на физички начин. Знаците што ви ги праќа телото можеби се одговорите што вашиот мозок не сака да ги чуе. Некои луѓе забележале дека имаат поголеми болки во мускулите кога нивната интуиција се обидува да ги предупреди во врска со некој човек или ситуација.rn

Создадете си тивок простор

rnСоздадете си простор каде што никој нема да може да влезе и одете во библиотека, закажете си масажа или почнете да одите на часови по јога. Повременото исклучување од секојдневието може да ви помогне да се сконцентрирате на она што ви се случува однатре.rn

Замислете си го третото око

rnСпоред хиндуизмот, третото око се наоѓа во центарот на вашето чело, помеѓу веѓите и функционира како прозорец помеѓу интуитивниот дел од вашиот мозок и надворешниот свет. Обидете се да си го замислите вашето и потоа затворете ги вашите вистински очи и замислете си како „повисокото“ око ви се отвора. Вдишувајте и издишувајте 5 до 8 пати. Колку и да ви звучи чудно, оваа вежба ќе го олесни струењето на информациите што ви ги праќа вашата интуиција.rn

Забележувајте ги знаците

rnКога ќе забележите некои среќни случајности, како на пример совпаѓање на некои бројки и датуми, на тој начин вашата интуиција можеби ви дава зелено светло. Замислете си дека сакате да купите нов стан и одеднаш забележувате дека неговиот број е ист со роденденот на мајка ви. Иако овие судбински знаци се значајни, треба да внимавате и на логичките факти. Ако не можете да си ја дозволите цената на станот, треба да продолжите со потрагата.rnrnПогледнете ги и овие 8 силни знаци дека сте изгубиле контакт со вашата интуиција.

July 30, 2017
Истражувањата откриваат: Интуицијата е највисоката форма на интелигенција

Кога зборуваме за интуиција, не мислиме на способноста веднаш да се знае точниот одговор, туку на разбирањето која информација е безначајна и може да биде отфрлена со помош на инстинктот. Директорот на Институтот за човечки развој во Берлин, Герд Гигеренцер, го проучувал овој концепт многу долго време.rnrnrnrnНеговата позната книга „Претчувства: Интелигенцијата на несвесното“ (Gut Feelings: The Intelligence of the Unconscious) ја објаснува интуицијата и во неа тој се претставува себеси како интуитивен и разумен. Тој користи примери од неговиот професионален и приватен живот. Во едно од интервјуата, Гер Гигеренцер изјавил дека додека работи на некои научни трудови, сама му доаѓа интуицијата. Не може да даде објаснување зошто се почувствувал на одреден начин, зошто верувал во одреден пат и зошто мислел дека треба да го следи. Но, имало нешто во него што го поттикнало да ја следи интуицијата. Според Гигернцер, тој може да пресмета и да провери дали овие интуиции се точни или погрешни. Кога станува збор за неговиот приватен живот, тој може да се потпре само на неговиот инстинкт. Не може да пресмета кога ја сретнал жена му за прв пат и кога ги почувствувал истите вибрации од спротивната насока.rnrnНо, дали интуицијата може да се смета за форма на интелигенција? Замислете си ја следнава ситуација: Седите во просторија со неколку луѓе. Во овој случај, треба само да ѝ верувате на вашата интуиција. Немате можност да ја примените вашата интелигенција. Но, кога истражувате нешто и имате многу можности, се поставува прашањето: Што да одберете, а што не? Тука ќе треба да ја примените вашата интелигенција и токму вашиот инстинкт ќе ве насочи и ќе ви помогне да го разберете значењето на сите можности. Врз основа на тоа, ќе ги одбирате понудените опции.rnrnИнтуицијата може да се смета за разбирање на „колективната интелигенција“. На пример, организацијата на сите веб-сајтови е направена на интуитивен начин. Веб-сајтовите нудат лесен начин на навигација и пристап до информации. Но, ова не се случило одеднаш. Долгогодишните проблеми го поплочиле патот за развој на општото знаење и главните елементи полека се одделиле од дополнителните информации. Пример за тоа е категоријата „За нас“ на веб-сајтовите којашто ги содржи основните детали за страницата. Другите категории даваат дополнителни информации.rnrnКолку повеќе истражувате, толку посилна интуиција ќе имате. Земете ги астрономите како Кеплер и Галилео за пример. Тие работеле со години и без никакви видливи докази можеле да потврдат одредени факти за универзумот. Тие учеле целиот нивен живот, истражувале и дошле до одредени сознанија со помош на нивната интуиција. Општеството не им верувало, но тие се бореле за нивните откритија. Дури и големиот научник Алберт Ајнштајн верувал во интуицијата и ја сметал за дарба.rnrnВо денешно време, многу влијателни луѓе мислат дека интуицијата е глупост и дека не треба да се водиме според нашите претчувства. Меѓутоа, тоа не е вистина и научниците успеале да најдат докази кои го докажуваат спротивното. Разумен и интуитивен ум е она што ни треба за да постигнеме личен напредок, да дадеме свој придонес во општеството и да го разоткриеме универзумот.rnrnВо продолжение, прочитајте ги овие 8 силни знаци дека сте изгубиле контакт со вашата интуиција.

June 26, 2017
Потпрете се на вашата интуиција и изберете ја според вас најпривлечната свеќа

Се вели дека во различни периоди од животот сме склони кон бои што во тој момент најмногу ни се допаѓаат. За тоа постојат и неколку причини. Како прво, нашата интуиција е доста моќна работа, и понекогаш може да укажува на факти кои не му се очигледни на нашиот мозок. Како второ, избирајќи боја, се обидуваме да го надополниме недостатокот на одредени квалитети или состојби. Овој тест е едноставен и тој јасно ќе ви покаже како се чувствувате во оваа животна фаза и ќе ви помогне да пронајдете решение за надминување на моменталните потешкотии. А сега, погледајте ја фотографијата и изберете свеќа без подолго размислување.rnrnrn

1. Црна

rnМногу луѓе веруваат дека црната боја е поврзана со нешто негативно, или со нешто лошо. Но, црните свеќи често ја повикуваат силата на луѓето кои го напуштиле овој свет, не негативноста или лошите страни. Заради тоа, нив често ги палат во тешки животни периоди, слични на оние што вие моментално ги преживувате.rn

2. Виолетова

rnВиолетовата боја помага за подигнување на нивото на енергија и внатрешна мотивација. Тоа е корисно за луѓето кои не се сигурни во себе и кои се чувствуваат исцрпено. Во секој случај, виолетовата свеќа ќе ви помогне да го намалите тоа чувство и ќе ви ја подигне самодовербата.rn

3. Бела

rnБелата свеќа е симбол на чистота на душата. Таа ги разбиструва мислите и дава јасна претстава за животните цели. Ако сте ја избрале баш неа, најверојатно ви недостига јаснотија и патоказ. Белата свеќа можете да ја запалите кога сте зафатени со самоистражување, бидејќи таа ќе го направи потранспарентно и попродуктивно.rn

4. Сина

rnСина – боја која ги симболизира нашите физички потреби. Таа го зголемува нивото на позитивни вибрации во просторот и помага за хармонизација на расположението. Ако се чувствувате духовно исцрпени, сините свеќи ќе ви помогнат во создавање на исцелителна атмосфера.rn

5. Зелена

rnВо индиската медицина зелената боја одговара на срцевата чакра. Оваа боја треба да ја изберете доколку се чувствувате исфрлени од светот, природата и живеете одвоено од целата планета.rn

6. Жолта

rnЖолтата боја, по правило, се поврзува со комуникациските вештини, јаснотија на умот и мислата. Најсилно влијание има на мозочниот центар. На неа треба да гледате кога ви престои изучување на некој материјал, или кога се занимавате со самообразование.rn

7. Црвена

rnСе сеќавате на лавот од „Волшебникот од Оз“, кому му недостигаше храброст? Напивката која му ја даде волшебникот, беше токму во црвена боја. Покрај негативните конотации, како што се бесот, опасноста и злото, црвената боја може да биде доста позитивна. Бидејќи огнот може сѐ да запали, а може и самиот да се изгори.rnrnПогледнете го и овој тест на личноста: Која врата би ја отвориле?

June 12, 2017
Не размислувајте, дозволете ѝ на интуицијата да ве води: Која слика прва ви падна во очи?

Овој едноставен, симпатичен и исклучително забавен тест ќе ви покаже каква личност сте, односно како ве доживува околината и како влијаете на луѓето околу вас. Доволно е само да го погледнете колажот и да ја издвоите првата слика што ќе ви падне во очи, односно што ќе ве привлече доволно за да ви го задржи погледот на неа. Не размислувајте, дозволете ѝ на интуицијата да ве води…rnrnrn

Слика број 1

rnВие сте интелектуалци, перфекционисти и обожавате контрола. Не сте премногу отворени кон луѓето што не ги познавате доволно добро и прилично сте резервирани. Поголемиот дел од своите емоции ги задржувате за себе. Сакате самотија, како и да седите во тишина, покрај музика и личноста што ја љубите. Силни сте и стабилни и не носите избрзани одлуки.rn

Слика број 2

rnВие сте исклучително самостојни и имате силен карактер. Непоколебливи сте, како и храбри и одлични. Успешни сте во сè што правите, многу сте амбициозни и професионални. Имате стратегија и тактика за скоро секоја животна ситуација. Понекогаш сте ладни, но имате и исклучителна контрола над себе и не дозволувате да влегувате во конфликти. Вие сте родени лидери.rn

Слика број 3

rnИмпулсивни сте и често си дозволувате да ве поведат емоциите. Прилично сте креативни и имате сјајни идеи. Се трудите секојдневно да си создадете авантура што ќе ја помните. Обожавате да флертувате и да ги заведувате луѓето околу себе. Отворени сте, понекогаш дури и ексцентрични, па поради тоа вашето однесување понекогаш ја збунува и ја шокира околината.rn

Слика број 4

rnЗа вас велат дека летате во облаци и дека повеќе сте на небо отколку на земја. Обожавате да сонувате и мечтаете за некои други светови и реалности. Многу сте харизматични и често сте насмеани. Обожавате да се дружите со најблиските, а вашата околина ве доживува како забавна личност што ги развеселува сите околу себе.rn

Слика број 5

rnВашето присуство не може да помине незабележано. Кога ќе влезете во некоја просторија, енергијата одеднаш се менува. Навикнати сте да бидете центарот на вниманието, а тој дар знаете добро да го искористите. Уживате да заведувате, но сакате и кога вам ве заведуваат и ви подаруваат внимание. Лесно се заљубувате и сè што правите, го правите со страст! Не поднесувате шаблони и рутини, ниту пак премногу практични луѓе што не го користат срцето. Вашето животно мото е: „Љубовта е сè што ни е потребно.“rn

Слика број 6

rnВие сте одговорни личности на кои секој може да се потпре. Луѓето генерално имаат доста доверба во вас и често ви доверуваат сериозни задачи знаејќи дека можете да ги завршите онака како што тие ги замислиле. Околината лесно ви се доверува, но вие личност сте малку мистериозни. Сакате да им угодувате на другите, постојано се смеете и обожавате да се дружите.rn

Слика број 7

rnВие сте достоинствени и настроени кон уметноста, но често бегате во сопствен свет и тежнеете кон духовност. Обожавате музика, книги и филозофски го анализирате животот. Често ја гледате „поголемата слика“, но исто така и забележувате детали што другите не можат да ги видат.rn

Слика број 8

rnВие сте ексцентрични и необично креативни. Ретко кој може да ве следи, но оние што ќе ве прифатат – ве обожаваат! Сè што правите, го правите на сопствен и карактеристичен начин, поразлично од другите. Уживате да ја изразувате креативноста во сите сегменти на својот живот. Иако сте различни, сјаете со харизма и позитивна енергија па затоа и сите сакаат да бидат во ваше присуство.rn

Слика број 9

rnВие сте перфекционисти во умерена смисла. Сакате да им угодувате на другите, без какви било задни намери. Имате добра душа и големо срце. Романтични сте во љубовта, но понекогаш премногу очекувате од партнерот па може да се случи да се разочарате. Оваа карактеристика знае понекогаш и да ви предизвика меланхолија.rnrnПогледнете го и овој тибетски тест на личноста: Пред да го решите замислете желба!

June 7, 2017
Анализирање, кршење на правилата и несекојдневен животен стил: Необичното однесување на интуитивните личности

Според некои теории, интуитивните типови луѓе се оние кои многу повеќе ги вреднуваат апстракциите, теориите и истражувањата на можностите, отколку дадената реалност на светот околу нив. Нив многу повеќе ги интересира она што не е очигледно и што не е искажано, отколку она што е. Во доминантниот свет, интуитивните личности често делуваат како чудаци и неприлагодени личности, чие однесување, избори и начин на живот не наоѓа разбирање од страна на останатите во околината. Еве некои однесувања поради кои интуитивните личности им изгледаат чудно на останатите.rnrnrn

1. Почнување дебата

rnТие не започнуваат расправии и дебати затоа што се нељубезни и напорни, туку поради тоа што им е потребно да ја разгледаат ситуацијата од сите можни аспекти, да ги воочат „пропустите“ и суштината. Некои од нивните најдрагоцени увиди, се случуваат токму во текот на дебатата.rn

2. Не ги сфаќаат правилата од збор до збор

rnЗа нив правилата се повеќе упатства и сугестии за оние кои не размислуваат и не ги пронаоѓаат сопствените начини. Тие го анализираат секое правило обидувајќи се да сфатат зошто тоа постои и за што служи и доколку откријат дека тоа правило е ограничено, глупо, неефикасно и застарено, немаат никаков проблем да постапуваат на свој начин, раководени од сопствените вредности и размислување.rn

3. Премногу анализираат

rnОна што останатите го сметаат за претерано анализирање, премногу широко размислување, за интуитивните личности е вообичаен начин на ментално функционирање. Размислувањето и анализирањето не бараат никаков напор, го збогатуваат разбирањето, ја прошируваат перспективата, ја изоструваат перцепцијата и – забавни се. Она од кое другите ги боли главата, за интуитивните е лесна ментална гимнастика, односно загревање за сериозни когнитивни процеси.rnrnrn

4. Ги преиспитуваат авторитетите

rnКако што ги преиспитуваат правилата и не чувствуваат обврска да ги почитуваат, така ги доживуваат и авторитетите. Никој не го заслужува нивното почитување само поради својата позиција. Тие кон авторитетите се поставуваат опуштено и рамноправно, и никогаш не се попустливи и склони кон полтронство. Кога некого го почитуваат, тоа е поради неговата личност и човечка вредност, а не поради тоа што им е надреден и што може да им го згорчи или олесни животот. Самите тие многу ретко се на позиции со авторитет и воопшто, многу се сомнителни кон личностите кои сакаат моќ и контрола.rn

5. Страсно ја испитуваат различноста

rnЗа тоа сведочат нивните интереси, кругот на пријатели и познаниците, вкусот и културата. Интуитивните личности целиот свој живот настојуваат да ја видат широката слика на светот, да разберат сè и да ги спојат различностите и спротивностите. Тие имаат сосема посебен вкус, нивната општа култура е многу специфична, нивните интереси и хоби се многу поразлични и поневообичаени од оние кои имаат „нормална“ личност. Всушност, нив многу ги привлекува она што е надвор од границата на „нормалното“, бидејќи сè што е надвор од шаблонот овозможува подлабок увид и поширока перспектива.rnrnrn

6. Живеат селективен социјален живот

rnИнтуитивните личности ја обожаваат самотијата, бидејќи таа им овозможува да им се препуштат на своите специфични интереси и мисловни процеси, па никогаш не им е досадно кога се сами, но затоа пак престојот помеѓу луѓето и учествувањето во групните интереси им претставуваат мачење – баналноста има поразувачко дејство на нив. Имаат различни пријатели со кои делат различни интереси, а тие пријатели никако не прават хомогена група – со секој од нив се дружат поединечно и делат различни интереси.rn

7. Им даваат предност на неконвенционалните животни стилови

rnБарајќи се себе во мноштвото разноликости, интуитивните личности усвојуваат и развиваат животни стилови кои не спаѓаат во стандардите на живеење во „нормалниот“ свет. Она што тие го сметаат за удобно, убаво и практично нема никаква врска со брендовите, модата и современата технологија. Честопати комбинираат ретро животни стилови со оние кои се далеку пред времето и живеат онака како што им налага нивното чувство за складност и исполнетост, поради што се изложени на сомневање. Тие ги преземаат нештата во своите раце, главно им зборуваат за себе на оние кои не ги познаваат и кои се срамат од различноста и невообичаеноста.

December 22, 2016
Процес од 3 чекори што ќе ви помогне подобро да ја слушате вашата интуиција

Иако некогаш сте се чувствувале засрамени кога некој ќе ве „фати“ дека зборувате самите со себе, што најчесто се поврзува со „лудост“, сепак, разговарањето самите со себе може да биде едно од најважните нешта во животот, што ви помага да се смирите во моментите кога сте напнати или нервозни. Многу често одговорите се кријат во самите вас, а нив можете да ги извлечете само доколку имате остварено добар однос со себе. Погледнете ги овие три едноставни чекори што ќе ве водат кон подобро разбирање на самите себе.rnrnrn

1. Одредете кои гласови не се ваши

rnПред да можете да го слушнете сопствениот глас, треба да ги отстраните сите оние што не се ваши. Многу е важно да умеете да ги одберете вашите сопствени мисли, без притоа да имате влијание од надвор. Одберете што е она што ви е значајно во животот и следете го тоа, па колку помалку непотребни информации ќе апсорбирате, толку повеќе ќе го засилите вашиот сопствен глас.rn

2. Забележете што е она што ве заштитува во животот

rnКога се наоѓате во лоша ситуација, секогаш имате навика да барате совети, предлози, стратегии или начини од списанија, книги и статии за тоа како да бидете „среќни“. Но, колку повеќе барате помош, толку повеќе ќе се уверувате самите дека ви е потребна. Вистината е дека никој не може да ви помогне подобро отколку што можете вие самите. Барајте ги одговорите во себе. Другите може да ви понудат поддршка, но никој не може да ви помогне да бидете подобра верзија од себеси. Отстранете го стравот, затоа што ги имате во себе одговорите речиси на сите прашања.rn

3. Променете го прашањето „како“ во „зошто“

rnНаместо да барате на Интернет како да го спречите прекумерното јадење, прашајте се себеси зошто барате утеха во храната во тој момент? Со поставување на прашањето „зошто“, наместо „како“, вие не сте во потрага само по брз лек кој ќе ви даде моментален одговор, туку навлегувате подлабоко во целата ситуација. Со прашањето „зошто“, вие всушност навлегувате подетално во душата и им помагате на свеста и на вашиот ум да бидат појасни.

December 5, 2016
Нема да успеете да ги излажете: 3-те хороскопски знаци кои се вистински детектори за лаги

Некои луѓе, во споредба со останатите, имаат поголема способност да ги откриваат лагите. Иако тоа може да зависи од повеќе фактори, овде влијание има и астрологијата која тврди дека постојат некои хороскопски знаци кои само за еден момент можат да откријат кога некој лаже. Погледнете во продолжение кои се тие.rnrnrn

1. Скорпија

rnСкорпиите сите работи ги доживуваат многу интензивно и имаат способност да препознаат што доаѓа следно. Меѓутоа, тие не го слушаат секогаш својот внатрешен глас. Сакаат возбудувања и акции и спремни се да преземаат ризици.rn

2. Стрелец

rnКај Стрелците интуицијата е релативно тивка сѐ додека не пронајдат некоја внатрешна хармонија со самите себе. Интуицијата им зависи од внатрешното задоволство, па дури откако ќе го постигнат тоа, може да ја усовршуваат.rn

3. Риби

rnРибите се многу интуитивни личности. Тие честопати сонуваат за работи кои подоцна навистина стануваат реалност. Ним им е важен внатрешниот мир како и задоволството кое се претвора во интуиција која ги води кон она што го претчувствуваат. Нивното мото е „Јас чувствувам.“rnrnЌе се согласите ли со овие астролошки проценувања?

October 31, 2016
Неколку причини зошто вреди да ѝ верувате на вашата интуиција

Носењето одлуки е фундаментален дел од животот и човечкото искуство. Сите ние правиме одлуки, големи или мали, секојдневно. Но, кој е најдобриот начин да се носат одлуки – со помош на факти, искуство и податоци или интуиција?rnrnrnrnСтанува збор за старо прашање, кое никогаш не сме успеале да го одговориме. Необјаснив порив, необично треперење, ангел на вашето рамо, тивко гласче во главата – сите овие нешта се знаци за интуицијата. Но, дали треба да се потпирате на овие мали знаци додека се движите низ животот?rnrnПогледнете ги следниве 5 причини зошто секогаш треба да ѝ верувате на вашата интуиција кога носите одлуки, без разлика дали тие се големи и можат да го променат вашиот живот, како на пример, купување куќа, стапување во брак или пак, помали, како што да ручате денес.rn

1. Интуицијата може да ви помогне да напредувате во работата

rnМожете многу да напредувате во кариерата доколку ја слушате вашата интуиција, наместо мозокот. Затоа и воопшто не е чудно што големи луѓе како Стив Џобс ѝ даваат големо значење на интуицијата кога станува збор за донесување одлуки.rn

„Вие треба да верувате во нешто – во вашата интуиција, судбина, живот, карма, сеедно… Овој пристап никогаш не ме разочарал и токму тоа ги направи најголемите промени во мојот живот.“

rn

2. Интуицијата може да ви помогне да откриете лажливец

rnСакате со сигурност да знаете дали некој ве лаже? Верувајте ѝ на вашата интуиција. Истражувањата откриле дека таа е многу подобра од нашиот свесен ум кога станува збор за откривање лажливци. Една студија дури открила дека интуитивните и автоматски претпоставки можат да бидат од голема помош при моментално забележување лаги.rn

3. Интуицијата може да ви помогне да ги издвоите добрите луѓе

rnИзгледа дека првиот впечаток навистина вреди. Доколку знаете како да ја слушате интуицијата, вие можете за само 10 секунди да откриете дали некој човек е добар или лош. Според социјалниот психолог Дејвид Маерс, кој ја напишал книгата „Интуицијата: Нејзините моќи и опасности“, луѓето во минатото што можеле брзо да откријат дали непознат човек е пријател или непријател, имале поголеми шанси за преживување.rn

„Ако не верувате некому, дури и кога тоа излегува да биде погрешна проценка, треба да се обрне внимание на тоа чувство“, вели психијатарот Џудит Орлоф. „Ако одите по улица навечер и одеднаш ви се појави чувство што ви вели да бидете што подалеку од некој човек што ви се приближува, едноставно преминете на другата страна од улицата.“

rn

4. Интуицијата може да ви помогне да ја најдете вашата сродна душа

rnПонекогаш се случува да запознаете некого што во истиот момент ќе ви го одземе здивот. Кога станува збор за врските, инстинктивната интуиција може да биде одличен начин да дознаете дали личноста што сте ја запознале е некоја со која би можеле да го поминете вашиот живот. Според истражувањата, за само 3 минути можете со 80% сигурност да утврдите дали одреден пар ќе остане заедно или пак, нивната врска ќе заврши со развод. Па, кога станува збор за сродни души, верувајте ѝ на интуицијата.rn

5. Интуицијата може да ве води низ животот

rnМожеби сте чуле за книгата „Човекот коцка“ (The Dice Man), чија приказна е за еден психијатар што решил да ги прави неговите животни одлуки според фрлена коцка. Сигурно веќе претпоставивте дека овој начин на носење одлуки ќе го воведе во голема неволја. Крајот на книгата ни покажува дека тој би поминал многу подобро ако ја слушал својата интуиција, бидејќи во реалноста, таа може да ви помогне да ја донесете правилната одлука во 90% од ситуациите.rnrnНавистина вреди да ѝ верувате на интуицијата.

September 29, 2016
8 силни знаци дека сте изгубиле контакт со вашата интуиција

Колку пати сте се мислеле дали да направите нешто и разумот ви велел едно, но вие сте имале некое поинакво необјасниво чувство кое ви велело поинаку? Доколку сте секогаш рационални, веројатно сте го послушале разумот за подоцна да сфатите дека всушност сте требале да го слушате вашиот внатрешен глас. Познато е дека интуицијата ни помага да донесеме правилни одлуки, нѐ штити од опасности и ни помага да живееме најдобро што можеме.rnrnrnrnСите ние сме способни да ја слушаме нашата интуиција, но понекогаш не можеме добро да разбереме што ни вели таа бидејќи постои нешто што ја блокира нашата способност за нејзино толкување. Ова се 8-те знаци дека вашата интуиција е блокирана…rn

1. Често се чувствувате збунети

rnДоколку ви е тешко да донесувате добри одлуки и честопати не знаете како да постапите, тоа е добар знак дека не сте синхронизирани со вашата интуиција. Ако редовно комуницирате со вашата интуиција, ќе сфатите дека комбинацијата од вашето внатрешно знаење и надворешниот синхроницитет ќе ви помогне да донесете соодветна одлука која ќе ве насочи на правиот пат.rn

2. Ви недостасува флексибилност

rnКога ќе решите да ја следите вашата интуиција, мора да бидете спремни да се препуштите на текот на настаните, што понекогаш подразбира промена на плановите врз основа на новата насока што ја добивате. Кога немате контакт со вашата интуиција, толку цврсто сте врзани за вашиот распоред што ги занемарувате сите знаци на предупредување кои ви велат дека треба да го откажете договорот. Тоа не значи дека интуитивните луѓе треба да бидат целосно неодговорни. Исполнувањето на вашите обврски е знак на почит и одговорност. Но, понекогаш интуицијата може да побара од вас да кажете „не“, иако претходно сте кажале „да“. Кога сте вистински синхронизирани тоа се случува помалку, бидејќи уште од самиот почеток можете да почувствувате дека треба да кажете „не“.rn

3. Се чувствувате заслепено од страна на другите луѓе

rnСте му верувале. Сте ѝ верувале. Тој ви бил партнер. Таа ви била најдобра пријателка. И на крајот тие двајца завршиле заедно! Како е тоа возможно? Кога не сте усогласени со вашата интуиција може да се чувствувате заслепено и не можете да видите дека предавството доаѓа. Интуицијата ви покажува црвени знаменца кои ве предупредуваат, но ако инсистирате да го гледате само најдоброто кај луѓето, тоа понекогаш може да го блокира вашето внатрешно знаење.rn

4. Постојано се каете

rnИнтуицијата ви помага да донесете одлука без да се покаете, бидејќи таа секогаш функционира така што ве води во насока на едноставноста, интегритетот и усогласеноста со единственото патување на вашата душа. Кога немате контакт со вашата интуиција, носите одлуки благодарение на вашиот ум или его, а каењето е вообичаената негативна последица.rnrnrn

5. Склони сте кон камелеонско однесување

rnДоколку се однесувате како камелеон, односно се претворате во вашите бизнис партнери во текот на состаноците, во останатите родители на родителската средба, во другите луѓе што вежбаат јога на часот, а потоа станувате исти како луѓето кои се забавуваат до раните утрински часови, можеби не сте во целост синхронизирани со вашата интуиција.rnrnТоа не значи дека не можете да ги менувате улогите со цел да се вклопите во одредена ситуација, но кога ја следите вашата интуиција, нема маски и не го облекувате карактерот на себе како да е обична маичка. Вие сте цело време она што сте и не се оправдувате поради тоа. Тоа значи дека можете да носите поразлична облека за вежбање од останатите на часот по јога и смеете да прескокнете по некој состанок, бидејќи сонцето сјае и природата ве повикува да уживате во нејзината убавина.rn

6. Ги отфрлате вашите инстинкти бидејќи сметате дека се „луди“ и „нерационални“

rnИнтуицијата ретко делува рационално. Таа може да ве наведе да направите нешто што никогаш ни на сон не сте го замислувале. Колку и да ви изгледа лудо и непромислено, обично постои добра причина зад целото тоа дејствување на интуицијата. Доколку ги занемарите навидум нерационалните насоки, не само што нема да дојдете до вистинските односи и трансформациски искуства, туку може и да пропуштите да станете нечиј спасител или нечие чудо, бидејќи никогаш не можете да знаете каде вашата помош е потребна.rn

7. Се сомневате во себе

rnНе постои интуиција која е совршена. Секоја интуитивна порака морате да ја ставите под знак прашалник. Клучот е во тоа да знаете да препознаете кога станува збор за синхронизација со вашата спиритуалност. Слепата верба во интуицијата може да ве одведе во неволја. Но, со текот на времето, кога ќе разберете како функционираат работите кога ја следите интуицијата, ќе развиете верба заснована на докази. Ќе знаете дека навидум чудесните работи се случуваат кога го следите вашиот интуитивен водич, ќе научите да верувате и тогаш многу помалку ќе се сомневате.rn

8. Лесно се откажувате од вашата моќ

rnКога не сте усогласени со вашата интуиција, голема е веројатноста дека очекувате некој друг да ги носи вашите одлуки, па дури и оние најкритичните. Запаметете дека вие секогаш знаете што е најдобро за вас самите и не треба моќта што ја поседувате толку лесно да им ја препуштате на другите луѓе само затоа што се плашите да преземете одговорност за вашите одлуки.

August 4, 2016
9 знаци кои покажуваат дека имате скриени видовити способности

Видовитите способности се разликуваат од личност до личност. Разликата во начините на кои луѓето доаѓаат и се обидуваат да ги исполнат своите цели, аспирации и соништа го отежнува создавањето на вообичаените директиви и животни насоки. Но, според неколку духовни водачи, па дури и научници, следниве неколку знаци сепак можат да послужат како добар показател дека сте личност која во себе крие големи пртскажувачки способности.rnrnrn

1. Имате чести главоболки

rnОвој знак може да биде многу непријатен, и да се развие како последица на бројни причини. Болката може да ја почувствувате на ист начин како кога ве болат мускулите. Можеби потсвесно преземате болка или ја рефлектирате болката на другите. Се разбира, доколку главоболките се почести, најдобро е да посетите лекар и без оглед на причината, пијте вода, јадете овошје и зеленчук и медитирајте – по овој редослед.rn

2. Имате искуство со тишината

rnОва необично чувство може да биде многу вознемирувачко. Како што вашите способности за претскажување се изоструваат, така ќе можете да го слушнете целиот свет околу себе. Не собирате специфични мисли, намери или чувства. Наместо тоа, вие чувствувате „тежина“ од присуството на тие информации. Оваа лажна тишина е начинот на кој вашиот мозок ве штити од преплавување со видовити информации.rn

3. Честопати од вас се бара совет и интуитивна перспектива

rnЛуѓето често доаѓаат и ви зборуваат за своите желби и потреби. Тоа можат да бидат познаници, пријатели, но и не толку познати личности. Кога ви пристапува некоја непозната личност, едноставното дајте сѐ од себе и немојте да пресудувате, туку само активно слушајте. Доколку по неколку минути разговор тие почнуваат да ви се отвораат, тоа е силен показател дека им недостасува личност за разговор и дека почувствувале некоја необична поврзаност со вас.rn

4. Имате искуство со екстремни сензации

rnОвие примери можат да се јават во разни варијанти, а една од нив е промената на температурата локализирана на одредени делови од екстремитетите (ладни или топли дланки, ладна лева страна, ладна потколеница и слично). Исто така, можете да почувствувате бран енергија кога, на пример, некој ве набљудува и одеднаш да добиете силни емоции.rn

5. Различни нивоа „видовитост“

rnБарате решение за проблемот и одеднаш се чувствувате како некој да ви го дошепнал одговорот во уво. Тој одговор не мора секогаш да биде крајното решение, но ќе бидете значително поблиску до него. Тоа чувство не може лесно да се објасни, но слично е кога вашата интуиција сака нешто да ви каже. Без вербална комуникација, вие знаете што сакаат другите. Личноста која не ја познавате може да влезе во собата и уште пред да каже нешто, можете да почувствувате кои се нејзините намери. Истото се случува и со личностите кои ви се познати.rn

6. Можете да ги видите „аурите“

rnПоконкретно, можете да ги видите и да ги препознаете облиците и боите кои зрачат од луѓето. Можат да се појават како бранови или вибрации во воздухот.rn

7. Природно ви се појавуваат луцидни соништа

rnВие имате природна рафинирана и силна врска со своите ментални и духовни аспекти, што ви овозможува и „подобро“ и пореално сонување. Имате живи сништа и ги паметите деталите дури и кога ќе се разбудите. Поради нивната луцидност и симболика, вашите соништа често знаат да бидат и предвесник за некои настани во иднината.rn

8. Имате силно развиена емпатија

rnИнтензивно, живо и јасно можете да го почувствувате она што другите личности околу вас го чувствуваат. Понекогаш, врз основа на тоа, можете пред нив да пронајдете решение за нивниот проблем или начин да ја контролираат својата возбуда, и соодветно да ги посоветувате како да постапат во дадена ситуација.rn

9. Имате чувство на неприпадност

rnНе ги поднесувате гужвите, а на големите социјални настани не се чувствувате баш најдобро. Можете да ги издржите ваквите збиднувања, но ќе ја почувствувате и лажната тишина која се спомнува погоре и која ќе ви овозможи да ги блокирате прегласните звуци и чувства. Се чувствувате како да не припаѓате на ова место, ниту пак во ова време.

June 30, 2016