КАФЕ ПАУЗА

Tag: детоксикација

Исчистете го вашето тело од токсините и шеќерите за само 10 дена!

Зошто луѓето не можат да се откажат од употребата на шеќерот, иако знаат дека тоа е лошо за нивното здравје? Повеќето од нив не можат да го направат тоа, бидејќи шеќерот предизвикува зависност, како што истражувањата покажуваат, подеднакво како зависноста од кокаин. Меѓутоа, доколку навистина сакате да го ослободите организмот од дејството на шеќерот, можете да го сторите тоа за само 10 дена, но потребно е темелно да се почитуваат неколку правила.rnrnrn

1. Одлучете се за детоксикација

rnНајнапред, поставете си себеси неколку прашања, како на пример: Дали сум зависник од шеќер? Дали се чувствувам добро кога јадам шеќер? Дали копнеам по шеќер и јаглехидрати? Овие прашања ќе ви помогнат да го утврдите вашето ниво на зависност и добро ќе ве подготват за борба за ослободување од шеќерот.rn

2. Избегнувајте ги сите напивки кои содржат калории

rnКалориите од течностите се полоши од калориите од цврстата храна, бидејќи побрзо се апсорбираат во телото и предизвикуваат пораст на шеќерот во крвта. Пијалаците полни со шеќери како што се газираните сокови и овошните сокови се поврзани со дебелеењето и дијабетесот тип 2.rn

3. Целосна апстиненција

rnЗависноста од шеќерите не е возможно да ја надминете со умерена консумација, потребна е целосна апстиненција. Консумацијата на мали количини шеќер ќе направат збрка во целиот процес на детоксикација. Согласно со ова, треба да се чувате од триковите кои ги користат некои произведувачи, бидејќи на своите декларации делумно избегнуваат да ги наведат адитивите кои ги користат.rn

4. Јадете повеќе протеини

rnПротеините ќе помогнат да се одржува нивото на шеќерот во крвта, а воедно и ќе ја намалат желбата за слатко. Потребно е да внесувате протеини преку производите кои во најголемо количество ги содржат и тоа во рамките на секој оброк.rnrnrn

5. Користете ги мастите во борбата против слатките

rnКако што покажуваат новите истражувања, мастите не предизвикуваат дебелеење. Под ова се подразбираат „здравите“ масти, како што се маслиновото и лененото масло, оревите, авокадото, рибата… Тие, исто како и протеините, ќе направат да се избалансира нивото на шеќер во крвта.rn

6. Јадете вистински јаглехидрати

rnПожелно е слободно и во неограничени количини да јадете разни видови зеленчук, а да ги избегнувате сите скробни јаглехидрати, житарките и мешунките во рок од 10 дена.rn

7. Имајте план за „вонредните ситуации“

rnКога некогаш ќе почувствувате огромен глад, поради зафатеноста во тој момент, можеби е невозможно да си обезбедите здрав оброк. Најдобар план во текот на десетдневната детоксикација е да носите здрава ужина со себе.rn

8. Избегнувајте глутен и млечни производи

rnПотребно е 10 дена да апстинирате од глутенот и производите кои го содржат, како и од сите производи кои се произведени со млеко. Овој вид храна може да предизвика воспаление и желба за внесување калории.rnrnНедостатокот на сон доведува до хормонален дисбаланс и зголемен апетит, додека истовремено ја намалува и волјата. Потребно е секоја ноќ да си обезбедите 7 часа квалитетен, непрекинат сон.

January 11, 2017
Брза детоксикација на организмот, по завршувањето на празниците

Поголемиот дел од празниците се зад нас, и иако секоја година си ветуваме дека нема да претераме со храната, скоро секогаш го прекршуваме тоа ветување. Ако и вие самите сте претерале за овие празници, поточно чувствувате дека ви е потребна детоксикација на организмот, тогаш ние ви даваме одлични совети за брзо отстранување на празничниот вишок. Подарете му на вашето тело една брза и едноставна детоксикација која ќе ви помогне да се вратите во нормала. Без гладување или некакви чудни сокови…rnrnrn

1. Прескокнете го кафето

rnБез разлика колку и да ви се чини дека не можете да живеете без кафе, обидете се барем неколку дена после празниците да го исфрлите од вашата утринска рутина. Тоа ја поттикнува дополнителната желба за јаглехидрати и шеќери, па подобро заменете го со зелен чај кој е многу поздрав избор, а исто така содржи кофеин. Доволно ви е само една шолја зелен чај за да се расоните. Испробајте!rn

2. Хидратација

rnВода, вода, вода… Веќе сто пати кажавме колку е важно да пиете течности, особено вода. После уживањето во сите оние празнични јадења, рехидрацијата на организмот е клучна. За да ви биде повкусна, во чашата со вода можете да ставете парче лимон или портокал кои содржат витамин Ц, кој ќе ве заштити од пад на имунитетот. И вашиот желудник и вашата кожа ќе ви бидат благодарни.rn

3. Производи полни со хранливи влакна

rnЗа да ви се оправи дигестивниот систем после празничното претерување, важно е во секојдневното мени да вклучите производи кои се богати со хранливи влакна. Најдобро е таквите производи, како што се овесните снегулки, да ги јадете за појадок и вашиот дигестивен систем наскоро ќе се врати во нормала.rnrnrnrn

4. Физичка активност

rnЗнаете дека после празниците физичката активност е неизбежна. Не мора да се потите во теретана, туку доволни ќе ви бидат и прошетките на свеж воздух, брзо одење, трчање, јога, утринско истегнување… Самите изберете активност која најмногу ви се допаѓа, бидејќи најважно е да почнете да се движите.rn

5. Тргнете се настрана од шеќерот

rnДоколку сакате да го исчистите вашето тело од токсините, најдобро е од вашиот живот на некое време да го исфрлите шеќерот. Обидете се на неколку дена, односно во текот на детоксикацијата, да го исфрлите шеќерот и преработените производи. Тогаш јадете што е можно повеќе овошје, зеленчук и житарки со цело црно. Откако ќе завршите со процесот на чистење, вашето тело ќе биде како ново.

January 9, 2017
Чудотворен пијалак има моќ да ви го промени животот од корен
Овој моќен пијалак ќе ви направи детоксикација на црниот дроб, но исто така и ќе ви помогне да се ослободите од несаканите килограми без многу напор. Кога организмот е полн со токсини, црниот дроб не може нормално да ја извршува својата функција, па затоа и слабеењето тече побавно, а дебелеењето се забрзува.rnrnrnrnЛуѓето најчесто не сфаќаат дека токму црниот дроб е клучен фактор кој влијае на телесната тежина. Токму затоа и многумина не можат да ослабат, без разлика колку се трудат. Доколку и вие сте едни од овие луѓе, тогаш пробајте го овој рецепт што има моќ целосно да ви го промени животот. Пијте го 3 пати дневно, во рок од 3 дена и бидете подготвени да се вчудовидите.rn

Потребни состојки:

rn
- 3 лимона
- 25 грама магдонос
- 5 гранчиња целер
- 1.400 милилитри вода
rn

Начин на подготовка и употреба:

rnСтавете ги сите состојки освен водата во блендер и потоа изматете ги. Откако ќе се соединат, додајте ја водата и повторно матете. Кога ќе добиете хомогена смеса, пијалакот е готов.rnrnПијте по 2 чаши од овој пијалак, 3 пати на ден, на празен стомак. Продолжете со истиот интензитет 3 дена, а потоа направете мала пауза од 7-10 дена и повторете уште еднаш.rnrnЗа најдобри резултати, избегнувајте тешки оброци во текот на 3-те денови кога го консумирате овој пијалак со цел да го олесните процесот на детоксикација.
September 26, 2016
7-дневен предизвик за дигитална детоксикација што ќе ви го промени животот

Секојдневно чувствувате неверојатен стрес? Постојано мислите на вашиот телефон и некоја неверојатна сила ве привлекува кон него – да ги проверите нотификациите и имејловите, па постојано сте вклучени на социјалните мрежи. Се обидувате да бидете добро информирани за сè, а во меѓувреме давате сè од себе да го живеете својот живот.rnrnrnrnНо, дали сте среќни?rnrnДоколку не сте среќни и постојано чувствувате одредена тежина и стрес, можеби треба да размислите за дигитална детоксикација. Тоа би значело да ги оставите настрана сите дигитални уреди и смартфони на некое време. Тоа ќе ви помогне да ги прочистите вашите мисли и да се фокусирате на она што навистина ви значи во животот и ве прави среќни.rnrnЗатоа прифатете го предизвикот, чијашто главна цел е да сфатите дека можете да живеете и без вашиот телефон.rn

Ден 1 – Контролирајте го користењето на телефонот и ограничете се на 2 часа

rnМожете да инсталирате апликација на која ќе следите колку време во текот на денот го користите вашиот уред. Тоа ќе ви помогне да воспоставите поголема контрола. Додека да го сторите тоа, од овој момент, за денеска ограничете ја употребата на телефонот на два часа. Во тоа време, покрај разговорите се вклучени и проверката на имејлот, социјалните мрежи и сè останато. Не е толку тешко колку што си мислите, само обидете се.rn

Ден 2 – Не го земајте телефонот додека сте излезени на прошетка

rnСите го правиме тоа. Телефоните секаде и секогаш се со нас. Во рамките на вториот ден од предизвикот за детоксикација, излезете на прошетка, но телефонот оставете го дома. Веднаш ќе забележите голема разлика за тоа како ја доживувате средината, и покрај тоа што таа одамна ви е добро позната. Шетајќи без телефонот ќе наидете на детали и убавини кои претходно сте немале можност да ги забележите, затоа што сте гледате во шарениот екран. Истовремено, ќе се чувствувате многу релаксирано, а времето ќе биде само ваше.rn

Ден 3 – Не го земајте телефонот кога излегувате со пријателите

rnТретиот ден вклучува предизвик во кој е потребно да го оставите дома вашиот телефон додека сте излезени на забава, вечера, кино, театар… На почетокот од вечерта можеби ќе проверувате во џебовите или во чантата, во обид да го најдете телефонот. Но, по некое време воопшто нема да ви недостасува.rnrnrn

Ден 4 – Не го користете телефонот по 21 часот

rnЗемете си „слободна“ вечер. Наместо да гледате во екранот на телефонот, подгответе си вкусна вечера, искапете се во топла бања, пуштете си некој интересен филм или серија. Наместо да следите што прават луѓето ширум светот, потрудете се околу вас, посветете си внимание и ќе забележите колку брзо и мирно ќе заспиете.rn

Ден 5 – Исклучете ги известувањата

rnНотификациите и постојаните потсетувања за нешто создаваат чувство на итност, а дигиталниот свет со тоа добива голема важност. Затоа ослободете се од нив и од звуците кои доаѓаат со нив. Заменете ги улогите, поставете се вие во центарот на вашиот свет, а телефонот нека почека настрана.rn

Ден 6 – Не го користете телефонот додека сте сами

rnСе сеќавате ли кога бевте деца и кога моравте сами да смислите забава за да не ви биде здодевно? Потрудете се тоа да го повторите барем на еден ден. Не го користете телефонот додека сте сами. Ќе се изненадите од фактот колку многу работи можете да направите додека не гледате во екраните. Можете да си подготвите вкусно и здраво јадење, да си го средите домот или едноставно да излезете на пријатна, релаксирачка прошетка.rn

Ден 7 – Не ја полнете батеријата на телефонот неколку дена

rnОва е најтешкиот ден од предизвикот, но голем број кои го искусиле ова советуваат дека не е толку страшно колку што изгледа. Подготвени сте? Неколку дена празна батерија на телефонот значи дека ќе можете да земете длабок здив. Овој предизвик е најдобро да се направи за време на одмор или викенд. Откако ќе минат тие неколку дена, ќе се чувствувате свежи и полни со енергија.rnrnОбидете се да го тргнете телефонот малку настрана од вас и ќе забележите неверојатна промена и во вашето расположение и во начинот на кои ги доживувате нештата околу вас. Денес е тешко да се опстане без дигиталните апарати и телефоните, затоа што најголемиот дел од работата е врзана со нив. Никој не вели дека треба целосно да ги исклучиме и да ги отстраниме од нашите животи, но добро е понекогаш да направиме прочистување на нашите мисли и да го одмориме нашиот ум.

August 30, 2016
Најдобрите 10 рецепти за домашна детокс вода
Автор: Катерина Каланоска rnrnСте се обиделе ли некогаш да додадете малку овошје или зеленчук во барем една чаша вода во текот на денот или пак мотото „Детокс вода за поздрав живот“ ви е непозната тема? Сте го почувствувале ли мирисот на ѓумбирот или аромата на краставицата во вашиот секојдневен пијалак?rnrnrnrnДали сте знаеле дека само малку овошје и зеленчук во една чаша вода помагаат при намалување на телесната тежина и шансата за појава на рак, а исто така придонесуваат и во борбата против ракот? Верувајте, нема ништо повеќе освежувачко од еден супер вкусен пијалак измешан со многу витамини кои можат да ви го разубават секое утро.rnrnВо продолжение следуваат 10-те најдобри рецепти за домашна детокс вода, кои ќе ви помогнат да тргнете во вистинската насока кон здравиот живот.rn

1. Детокс вода со лимон и ѓумбир

rnrnrnКиселкастиот вкус на лимонот и малку чудната арома на ѓумбирот, помешани со чаша вода, се сметаат за најдобрата „пикантна“ напивка за слабеење со која ништо друго не може да се спореди.rn

Потребни состојки:

rn
- 350 милилитри вода
- 1 сантиметар корен од ѓумбир
- 1/2 лимон
rn

Начин на подготовка:

rnИсцедете го лимонот и потоа сокот измешајте го со потребната количина вода. Измелете го ѓумбирот најситно што можете и додајте го во мешавината со вода и лимон.rn

Напомена:

rnОвој пијалак има способност да го прочисти вашето тело во рок од три дена, па затоа е препорачливо да се консумира со мали паузи, неколку пати на ден. Можете да пиете и само по една чаша, секое утро, но тогаш паузата мора да ја правите на четири до пет дена.rn

2. Детокс вода со лубеница

rnrnrnОсвежувачкиот вкус на лубеницата, кој е незаменлив за време на летните горештини, комбиниран со малку вода создава прекрасен пијалак кој ги чисти сите непотребни материи од телото.rn

Потребни состојки:

rn
- 300 грама лубеница, исечкана на коцки
- 1 литар вода
rn

Начин на подготовка:

rnСтавете ги парчињата лубеница во сад со вода и потоа ставете го на неколку часа во фрижидер.rn

Напомена:

rnОваа напивка може да се консумира повеќе пати во денот и да се комбинира по вкус.rn

3. Детокс вода со малина и нане

rnrnrnМиризбата на ментол на нането и непредвидливиот вкус на малината, комбинирани заедно, создаваат прекрасен вкус кој помага за намалување на телесната тежина и регулирање на исхраната.rn

Потребни состојки:

rn
- 2 литри вода
- 2 супени лажици малини, свежи или замрзнати
- 2 супени лажици ливчиња од нане
- 1 лимета
rn

Начин на подготовка:

rnСтавете ги малините во водата. Иситнете ги ливчињата нане, па потоа додајте ги и нив во смесата. На крај, исечкајте ја лиметата на кругови, па додајте ја врз останатите состојки.rn

Напомена:

rnОваа напивка е „поразредена“, но доколку сакате да ги засилите мирисот и вкусот на нането и малината, тогаш, пред да ја додадете лиметата, ставете ја комбинацијата од малина и нане во микробранова на 30-тина секунди, па потоа додајте ја лиметата.rn

4. Детокс вода со боровинки и лаванда

rnrnrnЗа некои можеби звучи чудно, но лавандата е совршена состојка кога барате нешто здраво за опуштање на мозокот и телото. Обилноста на витаминот Б во боровинката, и моќта за смирување на лавандата, ја прават оваа детокс вода број еден на листата за опуштање.rn

Потребни состојки:

rn
- 75 грама боровинки
- 1,8 литри вода
- Неколку ливчиња цвет од лаванда
rn

Начин на подготовка:

rnСтавете ги боровинките и лавандата во водата и оставете ги да отстојат 30 минути.rn

Напомена:

rnОваа детокс вода е најдобро да се консумира пред спиење.rn

5. Детокс вода со портокал и краставица

rnrnrnИмате потреба од пијалак кој истовремено ќе ви ги исчисти целиот дигестивен тракт и црниот дроб и ќе ви го ослободи стомакот од сите непотребни токсини и маснотии? Комбинацијата од портокал и краставица може да биде совршен избор за вас.rn

Потребни состојки:

rn
- 2 до 3 литри вода
- 2 големи портокали
- 1 лимон
- 1/2 голема краставица
- Шака ливчиња нане
rn

Начин на подготовка:

rnЗа почеток, исечкајте ги портокалите, лимонот и краставицата на кругови, ставете ги во половина од водата и благо гмечете ги додека не добиете совршен спој од сите вкусови. Потоа, земете го нането, додајте го во садот со останатите состојки и нежно промешајте. За крај, налејте го остатокот од водата.rn

Напомена:

rnОвој пијалак има рок на траење – 2 дена после правењето веќе не е здрав за консумирање.rnrnПродолжете на следната страница за останатите 5 рецепти…rn
August 17, 2016
Ментална детоксикација: 9 начини да се ослободите од мислите кои ве мачат

Честопати нашите мисли нè оптоваруваат и ни ја нарушуваат концентрацијата. Умот кој е исполнет со негативни и лоши мисли ни создава еден вид ментален притисок, кој потоа мора да го трпиме. Исто така, тие се главните виновници за стресот и исцрпноста која што ја чувствуваме во текот на денот. Но, дали сте знаеле дека тие мисли можат лесно да се контролираат? Затоа, ве советуваме да испробате барем неколку од овие 9 техники на ментална детоксикација.rnrnrn

1. Научете да се будите пополека и притоа да мислите само на она што го сакате

rnДенот нема да ви започне добро, доколку му дозволите на вашиот мозок, во моментот на будењето, да скокне од нула на педесет мисли. Шокот на мозокот е шок за целото тело и затоа потрудете се да си овозможите бавно будење, односно не станувајте во истата секунда од креветот и особено немојте веднаш да започнете да размислувате за обврските кои ве чекаат. Поминете барем пет минути опуштајќи се и слушајќи го вашиот внатрешен глас кој ви шепоти некои убави мисли. Овој начин на будење ќе ва направи порелаксирани и ќе ве подготви за добро продолжување на денот.rn

2. Подотворете ја устата

rnЗвучи неверојатно, но со опуштањето на тензијата која се собира во вилицата можете да си предизвикате големо олеснување од притисокот кој се собира во главата и околу вратот. Покрај тоа, отпуштаме барем и пет досадни мисли. Со самото отворање на устата и опуштање на вилицата доаѓа до опуштање на образите и мускулите на лицето, па на тој начин, енергијата повторно се враќа во телото. Доколку ви е потребно поголемо опуштање, тогаш отворете ја целата уста, исплазете го јазикот и кажете „ааа“ (исто како кога сте на доктор). Обидете се веднаш, ќе почувствувате олеснување.rn

3. Исчистете го просторот кој ве опкружува

rnСо обѕир на тоа дека вашите мисли се во „гужва“, тогаш најверојатно и вашиот дом е затрупан со непотребни работи. Ако сакате да отфрлите 30% од непосакуваните мисли, тогаш мора да отфрлите и 30% од работите кои повеќе не ви се допаѓаат, кои не ги сакате, кои не се вклопуваат во просторот, а можеби и затоа што се скршени или не сте ги користеле долго време. Ова олеснување во домот ќе му донесе олеснување и на умот, па мислите кои сакаат да ве обземат нема да успеат во својата работа.rnrnrn

4. Премотајте ги мислите и забавено повторете ги

rnВреме е малку да се забавувате со мислите! Изберете ја онаа која најмногу ве нервира и најчесто ви се повторува, па повторете ја во вашата глава многу бавно. Повторувајте ја сè додека таа мисла не ја изгуби својата смисла. Прво нешто што ќе забележите е тоа дека таа била потполно непродуктивна, а потоа ќе успеете да ја исфрлите од вашата глава засекогаш.rn

5. Ослободете се од мислите така што ќе ги запишете

rnРаботите кои ни се важни, честопати ги премотуваме во главата со цел да не ги заборавиме. Следниот пат кога ќе договорите состанок со некого, или пак кога треба да купите нешто од продавница, запишете го тоа. Воопшто не е важно дали ќе се одлучите за нотес кој ќе го носите со себе или пак, за мобилен телефон, најважно е тоа што со запишувањето ќе се почувствувате дека сте го запомниле она што е важно, а потоа вашиот мозок нема да чувствува потреба да ја повторува истата работа постојано. Исто така, добро е да ги запишувате и мислите пред спиење, бидејќи тогаш со нетрпение чекате да заврши тој напорен ден, но со запишувањето ќе го „испразните“ мозокот и ќе го испратите релаксиран на заслужен одмор.rn

6. Активирајте ги вашите сетила

rnВклучете ги сите пет сетила (мирис, вкус, вид, слух и допир) и така насочете ја енергијата од умот на телото, каде што би требало да биде. На пример, насочете го вниманието на она што можете да го намирисате. Дали е пријатно, свежо, дали можете да го промените тој мирис? Миризливите масла, стапчиња и свеќи се одличен начин за да го активирате сетилото за мирис, додека истовремено ги смирувате и опуштате мислите.rnrnДопрете ја вашата кожа, лице, нозе, раце, прсти или облека. Ставете некоја крема за раце, ќе почувствувате дека се нежни и дека не им е потребна понатамошна нега. Прегрнете се сами со нив и пуштете ги лошите мисли да исчезнат во текот на овој процес.rnrnНа сличен начин активирајте ги и вашите останати сетила и ќе сфатите дека постојат делови од телото, освен умот, кој го заслужуваат вашиот фокус и енергија.rnrnrn

7. Исфрлете ги мислите кои ве оптоваруваат

rnМислите немаат свој сопствен „ум“ и „волја“, па затоа е лесно да ги исфрлите. На некои луѓе им помага медитацијата, на некои свирењето, танцувањето, јогата, прошетките или пак читањето инспиративни книги. Пронајдете го она што вам најдобро ви помага и посветете му доволно време, бидејќи креативноста и фантазијата не постојат во умот кој е зафатен.rn

8. Обрнете внимание на тоа како се чувствувате

rnОва нема никаква врска со тоа како вие мислите дека се чувствувате, туку со тоа како се чувствуваат вашето тело и дух. Телото секогаш се обидува да го привлече вашето внимание, но ретко успева во тоа поради вашиот преокупиран ум. Дали се чувствувате релаксирано, уморно, среќно, жедно, гладно, премногу изморено или ви е потребно добро истегнување? Игнорирањето на потребите на телото ја држи енергијата заробена во главата. Кога ќе ја оддалечите вашата свест од надворешниот свет и ќе ја насочите кон вашето тело, тогаш побрзо ќе забележувате како навистина се чувствувате и кои се вашите физички потреби.rn

9. Работете на вашето дишење

rnОстрото, кратко и плитко дишење ја држи енергијата заробена во главата и горниот дел на телото, додека долгото, забавено и нежно дишење го носи кислородот до белите дробови, крвотокот и мозокот, и на тој начин го релаксира телото и умот. Кога ќе се фокусирате на дишењето и телото, тогаш нема место за оптоварените мисли.rnrn

July 15, 2016
Лесна и лековита напивка од само 3 состојки која ги прочистува бубрезите и срцето
Детоксикацијата или ослободувањето на телото од токсини е клучно за сеопштото правилно функционирање на организмот. Во оној момент кога ќе ги отстраните повеќето штетни отрови од најважните органи, ќе забележите голема разлика во вашата здравствена состојба и ќе го зајакнете вашиот имунолошки систем. Затоа, направете му услуга на вашето тело и започнете да го подобрувате вашето физичко, но и психичко здравје уште денес, со помош на овој лесен и лековит пијалак кој ги прочистува бубрезите и срцето.rnrnrn

Потребни состојки:

rn
- 3 коренчиња целер
- 2 кружни парчиња ананас
- 1 лажица свеж исечкан магдонос
rn

Начин на подготовка:

rnИзмијте ги и исчистете ги сите состојки, а потоа иситнете ги на парчиња. Ставете ги во блендер и додавајте малку вода сѐ додека не ја добиете посакуваната густина. Подготвениот пијалак консумирајте го два пати дневно, еднаш наутро и еднаш навечер и тоа правете го во текот на целата седмица. Доколку сакате, можете да додадете две лажици овесни снегулки и неколку бадеми и да направите здрав оброк кој ќе ве држи сити во текот на целиот ден.
March 27, 2016
Овошна детоксикација: 5 видови овошја кои го забрзуваат метаболизмот

Антиоксидансите, кои помагаат во забрзувањето на метаболизмот и регулирањето на дигестивниот систем, го спречуваат задржувањето на течностите и ги елиминираат вишокот масти и непотребните, а и често штетни, отрови од организмот. Овошјето богато со влакна и витамини може значително да го подобри вашето здравје и да ви ја врати енергијата, а редовната консумација ќе ја обогати здравата исхрана.rnrnrn

1. Круши

rnКрушите се многу богати со влакна, што прави подолго време да се чувствувате сити. Доколку сакате да го извлечете максимумот од здравите состојки во крушите, тогаш избегнувајте да ги лупите. Ова овошје содржи два антиоксиданси неопходни за слабеењето – катехинот и флавоноидот, кои целосно ги елиминираат токсините од телото. Внесувањето на крушите во редовната исхрана го регулира холестеролот и ја намалува можноста од развивање дијабетес и кардиоваскуларни болести.rn

2. Портокали

rnВредноста на калориите во портокалите е мала и тие содржат бројни корисни супстанци кои го намалуваат апетитот и желбата за храна и шеќер. Со редовното консумирање на портокалите, нашето тело се хидрира и се намалува количината на калории која дневно ја внесуваме, а се зголемува внесувањето на хранливите материи потребни за правилно варење на храната и оптимално функционирање на дигестивниот систем.rn

3. Банани

rnРастворливите влакна од ова овошје се во доволен број за да заменат еден оброк, а доколку дневно консумирате по две банани, од кои едната ќе ја јадете наутро, а другата навечер, ќе забележите значително подобрување во имунолошкиот систем и отпорноста на вирусните и бактериолошките заболувања, додека истовремено ќе го намалите и струкот. Бананите се богати со калиум кој игра голема улога во правилното функционирање на организмот, а во комбинација со чоколадото може да биде совршена ужина за секој спортист, бидејќи ја обновува енергијата.rn

4. Кокос

rnНа сите ни се познати различните примени на кокосот и производите кои се создаваат од него, како што е кокосовото масло кое е одлично за нега на кожата и регенерација на мртвите клетки. Покрај грижата на кожата, кокосовото масло употребено во соодветни рецепти кои се среќаваат кај диетите за слабеење, може многу да помогне во ослободувањето од вишокот килограми. Кокосот можете да го вклучите и во исхраната, користејќи го како додаток на салатите и лесните оброци.rn

5. Јаболка

rnЈаболката изобилуваат со бројни хранливи материи кои се многу корисни за организмот бидејќи помагаат во спречувањето на почестите, но и потешките здравствени проблеми, како што се срцевите болести и инфекциите. Познат е и пијалакот кој се подготвува од јаболка, вода и цимет кој е еден од најефикасните рецепти за намалување на телесната тежина, бидејќи го забрзува организмот и варењето на храната.

March 26, 2016
Исчистете го организмот за само ПЕТ дена!

Празниците се време кога сакаме да си дадеме малку слобода после напорната година полна со стрес и обврски. Излегувањата, алкохолот, неспиењето, како и брзата храна во неограничени количини, верувале или не, може да се стават на иста мера со минатогодишниот стрес од кој се одмарате. На крај, најверојатно и самите чувствувате дека на таквиот „одмор“ му е доста. Затоа, време е да го исчистите вашиот организам после празниците, и тоа можете да го направите за само пет дена. Звучи едноставно, нели?rnrnrnrnНајнапред, за да го разработите варењето, започнете го денот со чаша топла вода во која ќе нарендате малку лимон и ќе додадете малку бибер. Пијте доста течности и зелен чај, а кога ќе се туширате можете да користите и ракавица за пилинг за да ја подобрете циркулацијата.rnrnА сега менито. Време е на самиот организам да му пружите малку вистински одмор и да заборавите на мезињата, печењата, салатите и слатките. Нутриционистите го предложуваат следниов план за детоксикација:rn

Прв ден

rnПојадок: Омлет од 3 белки или 2 цели јајца, во комбинација со марула или друг зелен зеленчук по сопствен избор, авокадо и 2 колачиња од интегрален ориз.rnrnУжина: Малку ореви и неколку боровинки.rnrnРучек: Салата со печено пилешко бело месо и зеленчук (измешајте исечкана зелка, морков, брокула, кромид, марула, неколку ореви, авокадо и круша).rnrnУжина: Протеински шејк (направете го од протеини во прав кои ќе ги измешате со малку цимет, ванила, 75 грама замрзнато овошје, 75 грама замрзната банана, 75 грама бадеми или 120 милилитри кокосово млеко, малку мраз и 120 милилитри филтрирана вода)rnrnВечера: Риба со зеленчук по желба.rnrn

Втор ден

rnПојадок: Грчки јогурт и половина папаја.rnrnУжина: Варено јајце и салата од морков, целер и краставица.rnrnРучек:Салата со печено пилешко бело месо и зеленчук (измешајте исечкана зелка, морков, брокула, кромид, марула, неколку ореви, авокадо и круша).rnУжина: Малку хумус и зеленчук по сопствен избор.rnrnВечера: Пилешко бело месо со обарена брокула, аспарагус и марула.rnrnrn

Трет ден:

rnПојадок: Протеински шејк (направете го од протеини во прав кои ќе ги измешате со малку цимет, ванила, 75 грама замрзнато овошје, 75 грама замрзната банана, 75 грама бадеми или 120 милилитри кокосово млеко, малку мраз и 120 милилитри филтрирана вода).rnrnУжина: Малку хумус и зеленчук по сопствен избор.rnrnРучек: Лосос со салата од аспарагус, сладок компир и спанаќ.rnrnУжина: Грчки јогурт.rnrnВечера: Говедско месо со марула и карфиол.rn

Четврти ден:

rnПојадок: Едно или две варени јајца со колачиња од интегрален ориз и половина авокадо.rnrnУжина: Половина грејпфрут и неколку бадеми.rnrnРучек: Салата со печено пилешко бело месо и зеленчук (измешајте исечкана зелка, морков, брокула, кромид, марула, неколку ореви, авокадо и круша).rnrnУжина: Протеински шејк. (направете го од протеини во прав кои ќе ги измешате со малку цимет, ванила, 75 грама замрзнато овошје, 75 грама замрзната банана, 75 грама бадеми или 120 милилитри кокосово млеко, малку мраз и 120 милилитри филтрирана вода).rnrnВечера: Лосос со салата од печурки и брокула.rnrnrnrn

Петти ден

rnПојадок: Овесна каша со боровинки и ленено семе.rnrnУжина: 1 варено јајце и зеленчук по желба.rnrnРучек: Салата од лосос подготвен на скара и брокула.rnrnУжина: Грчки јогурт со бадеми.rnrnВечера: Пилешко или риба со зелена салата.rnrnВо текот на целата програма за детоксикација пијте чај од камилица и најмалку две-три литри вода дневно. После петтиот дена, вашиот организам ќе биде прочистен, оправен, а вие спремни за нови работни победи!

January 26, 2016
Добри и лоши страни: Како детоксикацијата со сокови делува на организмот?

Без разлика дали детоксикацијата со сокови ја спроведувате неколку дена или пак цела недела, во вашето тело дефинитивно ќе дојде до промени поради драстичното намалување во внесувањето на калории, масти и протеини. Некои од тие промени се добри, бидејќи ја поттикнуваат детоксикацијата, но секако треба да се спознаат и негативните страни на детоксикациските сокови.rnrnПовеќето програми за детоксикација со сокови подразбираат внесување на сокови од различни видови зеленчук и овошје. Тие сокови содржат многу сорбитол или глуцитол. Тоа е вид шеќер кој поттикнува насобирање на вода во цревата, поради што има лаксативно дејство. Својот дигестивен систем дефинитивно ќе го прочистите, но подгответе се за дијареи и не заборавајте да го зголемите внесувањето на вода.rnrnrn

1. Хормони

rnКога на телото ќе му го ограничите внесот на калории, тоа влегува во стадиум на гладување, а ова предизвикува хормонска нерамнотежа. Нивото на хормони во вашето тело ќе биде слично на она ниво што сте го имале пред да влезете во пубертет и тоа ќе го забележите веднаш после неколку дена. Тоа може да ја наруши конзистентноста на менструалниот циклус, особено ако ги практикувате детоксикациските сокови во периодот кога вашата менструација треба да започне.rn

2. Мускули

rnСоковите не содржат протеини. Но, вашето тело не е свесно дека не внесувате протеини, па тоа ќе продолжи и понатаму да ги разградува, исто како да ги внесувате, но сега оние од мускулите. Ако детоксикацијата со сокови трае една недела, тоа може да предизвика значајно намалување на мускулната маса, дури до 300 грама мускули дневно. Тоа за вас значи побавен метаболизам и помалку трошење калории во стадиум на мирување.rn

3. Телесна тежина

rnДефинитивно ќе го намалите бројот на непотребните килограми, но не оние кои сакате. Гликогенот во вашето тело, кој доаѓа од јаглехидратите, му помага на телото во задржување на водата. Кога ќе започнете со детоксикација со сокови, ќе ја исфрлите целата непотребна вода преку мокрење, но изгубените килограми всушност ќе бидат еднакви на изгубената вода. Тие килограми ќе ги вратите веднаш по завршувањето на детоксикацијата.rn

4. Нивото на енергија

rnСамо затоа што драстично го намаливте внесот на калории, тоа не значи дека и вашето тело ќе престане да ги троши. Помалото внесување на калории значи помалку гликоген и помала количина на енергија. Ќе започнете да чувствувате слабост и хроничен умор.rnrnrn

5. Метаболизам

rnПоради намаленото мускулно ткиво, телото ќе троши помалку калории во состојба на мирување. Ако изгубите околу 1 килограм мускулно ткиво, секој ден ќе трошите околу 15 калории помалку. Ако детоксикацијата со сокови трае кратко, побавниот метаболизам е моментален и брзо ќе се врати во нормала. Но, ако детоксикацијата со сокови ја практикувате подолго време или премногу често, тоа може да остави долгорочни штетни последици врз работата на вашиот метаболизам.rn

6. Расположение

rnСоковите не содржат масти и протеини, соединенија кои му се потребни на вашето тело за да произведува невротрансмитери. Тие го регулираат расположението и помагаат во спречување ненадејни промени на расположението. Токму поради тоа, детоксикацијата со сокови може да предизвика нагли промени во расположението и раздразливост.rn

7. Срце

rnДетоксикацијата со сокови има позитивно влијание на здравјето на срцето. Неколку дена на детоксикација со сокови може да помогне во регулирање на холестеролот и намалување на нивото на крвниот притисок. Исто така, може да го регулира нивото на шеќер и осетливоста на телото на инсулин.rnrn

November 23, 2015