КАФЕ ПАУЗА

Tag: апликации

6 мобилни апликации кои ви се неопходни кога патувате

Апликациите постојат за да ни го олеснат животот. Од апликации за вежбање, до оние за шопинг, забава и организација, во денешно време скоро за сѐ постои апликација. Тие ни го прават животот поедноставен, а од тоа не се исклучок и патувањата. Овие апликации ќе ви помогнат правилно да се спакувате, добро да се организирате и да бидете поефикасни.rnrnrn

1. Tripit

rnАко ви е смачено од патувања со купишта хартии од резервации и билети, тогаш оваа апликација (ајфон, андроид) ќе ви ја олесни организацијата и ќе ви го направи патувањето поедноставно. Апликацијата функционира така што ги собира сите имејл-пораки поврзани со вашите патувања и потоа прави детален план кој вклучува организација на релевантните информации и нивна достапност. Ставете му крај на буричкањето по вашиот инбокс и изгубените резервации. Со Tripit сите резервации ви се на дланка.rn

2. Around Me

rnИако оваа апликација (ајфон, андроид) е корисна и за во местото на живеење, сепак кога патувате таа навистина доаѓа до израз. Around Me е одлична апликација која ви овозможува да ги погледнете различните нешта како банки, ресторани или шопинг центри за да одредите што има околу вас. Го барате најблискиот банкомат? Само внесете ја категоријата за банкомати. Не само што ќе ви ја даде најблиската локација до вас туку и ќе ви каже како да стигнете до неа.rn

3. Pack Point

rnБез разлика колку често патуваме, секогаш трошиме време на составување на листа за патување и скоро секогаш нешто забораваме. Pack Point ќе се погрижи повеќе никогаш ништо да не заборавите. Откако ќе ви бидат поставени неколку едноставни прашања околу вашето патување, оваа апликација (ајфон, андроид) ќе направи листа на работите кои треба да ги спакувате врз база на годишното време, активностите што ги имате и локацијата на која одите. После оваа апликација, сигурно нема да ги заборавите чорапите или четката за заби.rn

4. City Maps to Go

rnАко имате долга листа на места кои треба да ги посетите на одредено патување, внесете ги сите во оваа апликација (ајфон, андроид) и пристапете до нивните мапи за време на патувањето. Не се грижете за роаминг трошоците бидејќи не ви е потребна мобилна мрежа ниту роаминг за да ги отворите мапите. Исто така, апликацијата е одлична за организација и групирање на деновите, како и за да научите нешто повеќе околу местото кое го посетувате.rn

5. Hopper

rnHopper е одлична ајфон апликација, за оние кои сакаат да наоѓаат најповолни цени на летови. Оваа апликација ги анализира летовите и предвидува кога тие ќе бидат најевтини. Уште една позитивна карактеристика е тоа што можете да наместите аларм кој ќе ве потсети дека летот што го барате има поволна цена. Иако постојат многу агрегатори за летови, овој има огромна количина на информации и е одличен планер.rn

6. Duo Lingo

rnФакт е дека е многу тешко да се снајдете во место каде што не го познавате јазикот. Ако патувате во земја чиј јазик слабо го познавате, тогаш дефинитивно инсталирајте го Duo Lingo. Duo Lingo е одлична почетна точка за да се запознаете со нечиј јазик и култура. Преку оваа апликација (ајфон, андроид) на забавен начин ќе го научите јазикот или неколку фрази кои ви се потребни додека престојувате во таа земја.

June 23, 2015
Колажите никогаш не изгледале поубаво: Апликации кои ќе ги разубават вашите Инстаграм фотки

Скоро сите Инстаграм корисници делат една заедничка дилема – од една страна, секој ден имаат толку многу фотографии за споделување, а од друга страна не сакаат претерано да им досаѓаат на своите следачи. Решението е во фотоколажите.rnrnrnrnИако постојат многу апликации за оваа намена, некои од нив не се бесплатни, а други пак не нудат доволно напредни можности. Но, овие 5 интересни апликации се бесплатни и нудат одлични опции. Се надеваме дека меѓу нив ќе ја пронајдете вашата омилена.rn

1. Moldiv

rnОваа апликација (ајфон, андроид) ви овозможува на своите слики да им додадете текст, разни позадини и „балончиња за дијалози и размислувања“, а посебно е погодна за оние кои сакаат јасни и прецизни колажи наменети за објавување на веб-сајтови и блогови.rn

2. Photo Grid

rnЗа корисниците кои сакаат повеќе можности од едноставното креирање колажи, оваа апликација (ајфон, андроид) нуди алатки како што се видео слајдови, колажи-потсетници и сл.rn

3. Fuzel

rnОваа апликација (ајфон, андроид) ги нуди едноставните, но и некои посебни алатки за уредување на фотографиите. Тука можете да додавате налепници и специјални ефекти на вашите слики.rn

4. Pic Stitch

rnВо оваа апликација (ајфон, андроид) имате можност да одберете повеќе од 245 различни изгледи за вашите фотографии. Тука од едно место имате пристап до разни специјални ефекти, рамки и мемиња за содржината која сакате да ја споделите со вашите следачи.

June 11, 2015
4 апликации со звуци кои ќе ви помогнат да бидете попродуктивни

Во филмовите писателите пишуваат на маса во кафуле или во природа слушајќи ги птиците и шумолењето на дрвјата. Постои причина зошто е тоа така. Иако бараме тишина за да бидеме сконцентрирани, вистината е дека мала галама помага за поголема продуктивност.rnrnМодерната технологија без проблем ви ги носи омилените звуци дома, од гужва во кафуле (како апликацијата Coffitivity, за која веќе сме пишувале), до звуци на капки дожд. Ова се уште 4 апликации кои ќе ви помогнат да ја разбудите креативноста, да работите во опуштена атмосфера и да бидете попродуктивни. Овие апликации се совршени за оние кои работат од дома, но и за оние во канцеларија. Одберете ја онаа која најмногу ви се допаѓа и впуштете се во работа.rnrnrn

1. Raining FM

rnДождот е најсмирувачкиот звук, па зошто да не го слушате и кога не врне надвор? Апликацијата Raining FM ви носи звуци на дожд и грмотевици по ваш избор, а може да го прилагодите и нивото на звукот. Исто така, од десната страна ви стојат два потсетници, кога треба да се напиете кафе и да направите пауза, а кога е време да си легнете. Потсетниците треба само да ги тајмирате, така што може слободно да се изгубите во вашата работа, за некое време апликацијата ќе ве потсети да земете здив. Ако сте љубители на дождот ова е совршена апликација за вас.rnrnrn

2. 99U Music

rnДоколку сакате да слушате музика додека работите, а ви е смачено од едни исти песни и познати хитови кои се вртат по радио станиците, оваа апликација ќе ви понуди различни плејлисти кои ќе ве опуштат. Треба само да кликнете и да одберете која плејлиста сакате да ја слушате.rnrnrn

3. Ambient-Mixer

rnЗвук на дожд или звукот што го прават дрвата дури горат – Ambient-Mixer ќе ви понуди разни амбиенти, треба само да го одберете оној кој најмногу ви се допаѓа.rnrnrn

4. Noisli

rnА кога сме веќе кај одбирањето на вашите омилени звуци, Noisli ќе ви помогне да се опуштите со микс од звуци кои сами ќе си ги одберете. Може да направите апликацијата сама да меша звуци или пак вие сами да направите комбинација.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 2, 2015
Мајка креира надреални пејзажи со силуети од нејзините деца со помош на ајфон

Мајката Али Џардин привлекла огромно внимание на Инстаграм со нејзините неверојатни надреални фотографии кои ги прави со ајфон. Таа во моментов има 511.000 следачи на оваа социјална мрежа чиј број постојано се зголемува. Али по професија е сликар, но откако почнала да се занимава со Инстаграм сфатила дека токму тоа е нејзината страст.rnrnrnrnПоголемиот дел од фотографиите кои таа ги прави се фамилијарни, кои вклучуваат прекрасни силуети од нејзините деца, Пипин и Гејб. Таа вели дека скоро сите фотографии ги прави со ајфон, а потоа дополнително ги обработува во апликации како „Juxtaposer“, „Tiny Planets“, „VSCO“, „Image Blender“, „Pro HDR“ и „Mextures“. Таа се надева дека нејзината работа ќе ве оттргне на момент од реалноста и дека ќе ве одведе на место кое е исполнето со магија, слобода и среќа.rnrn

rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 27, 2015
6 бесплатни апликации со кои ќе го најдете изгубениот или украдениот андроид смартфон

Ако сте го изгубиле или ви го украле вашиот андроид смартфон, не е крај на светот како што беше некогаш. Денес можете да си инсталирате уште веднаш некоја од овие апликации со чија помош ќе го најдете кога ќе го снема. Доколку сакате да симнете некоја од нив, клик на поднасловот ќе ве однесе до местото од каде што можете да го сторите тоа.rnrnrn

1. Where’s My Droid

rnОваа апликација ќе ви овозможи лесно да го лоцирате вашиот телефон. Кога ќе го снема, можете од друг телефон да испратите текстуален код до него со цел да направите тој да заѕвони во рацете на крадецот дури и кога е на вибрации или пак за да добиете назад текст со GPS координатите на телефонот. Доколку ја користите Pro верзијата на Where’s My Droid, која се плаќа, ќе можете од каде било да правите слики со вашиот изгубен или украден андроид смартфон со цел да сфатите каде е тој.rnrnrn

2. Plan B

rnPlan B е многу едноставна апликација која може да ви помогне дури и да не сте ја инсталирале пред да го снема вашиот телефон. Треба само да ја инсталирате на кој било телефон и потоа од него да испратите порака со текст „Locate“ на вашиот број. Оттогаш таа ќе почне со GPS следење на исчезнатиот смартфон, ќе ви испраќа информации на вашата gmail сметка за тоа каде е и така лесно ќе го најдете.rnrnrn

3. Lost Android

rnСо оваа апликација можете од каде било преку СМС да го вклучите украдениот телефон по што тој ќе почне да ѕвони нападно и да свети најсилно што може. Исто така ќе можете да го вклучите или исклучите GPS следењето, да фотографирате со него, да ги избришете вашите фотографии, видеа и пораки од мемориската картичка и да видите кон кои броеви се јавувал крадецот откако го украл телефонот. Звучи неверојатно, но апликацијата има и систем со кој текстот го претвора во говор кој секој може да го чуе додека крадецот ракува со телефонот. Ќе бидете известени по имејл ако биде променета СИМ картичката. Доколку сте заборавиле да ја инсталирате пред да го загубите телефонот, тоа можете да го сторите и подоцна без крадецот да забележи.rnrnrn

4. SeekDroid: Find My Phone

rnОва е апликација која, како и претходните, овозможува GPS следење, бришење на податоци, ѕвонење итн., но се разликува по тоа што работи и кога СИМ картичката е извадена. Со доплаќање за Pro верзијата ќе имате можност да добиете и мапа со линијата на движење на смартфонот и насоката кон која се движи во моментот.rnrnrn

5. AntiDroidTheft

rnИнсталирајте ја оваа апликација за да можете на интернет да следите какви фотографии се правени со вашиот украден смартфон, какви промени со СИМ картичката се направени и следете го преку GPS.rnrnrn

6. Prey Anti-Theft

rnPrey Anti-Theft мора да се инсталира пред да исчезне телефонот. Ја активирате преку СМС порака со текст „GO PREY“ и потоа на нивната интернет страница треба да го маркирате вашиот телефон како некој што е исчезнат. Оттогаш ќе почнете да добивате известувања за тоа каде тој се наоѓа. Крадецот не може да ја избрише апликацијата, затоа што тоа е можно само со лозинка.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 27, 2015
Најдобрите бесплатни извори за учење странски јазици
Научно докажано е дека учењето нов јазик ја подобрува работата на мозокот, а да не зборуваме за сите предности кои ќе ви ги отвори како во професионалниот, така и во личниот живот. Доколку имате желба, а не знаете од каде да почнете, ви ги препорачуваме следниве бесплатни сајтови, кои се надеваме дека целиот процес на учење ќе ви го направат полесен и поинтересен.rn

1. Duolingo

rnrn

Предности:

rn
- Целосно бесплатен извор за учење странски јазици.
- Јазична поддршка на најголемите светски јазици: германски, шпански, француски и други.
- Мобилна iOS и Android апликација.
- Најавување преку Facebook или Google+.
rn

Недостатоци:

rn
- Не е многу детален.
- Доколку сакате да учите кинески, јапонски, корејски, руски, тогаш подобро побарајте друг извор.
rn

Посебни карактеристики:

rn
- Мобилната апликација ви овозможува да учите во движење преку вашиот смартфон или таблет.
- Учењето е замислено како игра, што целиот процес го прави многу позабавен.
rn

2. Busuu

rnrn

Предности:

rn
- Бесплатни материјали за читање, пишување и зборување.
- Можете да научите кинески, руски и многу други необични јазици.
- Можете да се логирате преку Facebook и Google+.
- Мобилна апликација за Android и iOS за учење во секое време.
rn

Недостатоци:

rn
- Во бесплатната верзија не се достапни сите материјали, така што треба да платите за граматичките вежби и за официјалниот сертификат, што се добива по успешно завршениот курс.
- Има мал избор на јазици, особено на оние од Средниот исток.
rn

Посебни карактеристики:

rn
- Мобилните апликации се добри и имаат добар рејтинг за секоја од платформите.
- Можност да си поставувате цели при учењето на јазикот, што ви дава мотив побрзо да учите и да напредувате.
rn

3. Foreign Services Institute

rnrn

Предности:

rn
- Платформа за учење на јазиците на Африка и Блискиот исток.
- Курсевите се многу детални и изработени од професионални лингвисти.
- Бесплатни аудио материјали.
- Материјалите за учење се во ПДФ формат, а деловите со слушање може да се преземат. Потоа можете да ги префрлите на вашиот смартфон, таблет, лаптоп и да учите и без да интернет конекција.
rn

Недостатоци:

rn
- Нема фенси графика, мобилна апликација или нешто слично. Сите лекции се во ПДФ формат, а деловите со слушање и не се баш најдобри.
- Учењето на најмногу се базира на принципот на повторување, што и не му одговара на секого.
rn

Посебни карактеристики:

rn
- Професионални и детални материјали за учење.
- Наменет за оние кои сериозно ќе му пристапат на учењето нов јазик.
rn

4. Livemocha

rnrn

Предности:

rn
- Користи уникатен метод на „учење во живо“, но не се занемарува и вообичаениот метод со лекции и повторување.
- Видеа со лекции, предадени од страна на професионални инструктори.
- Можете да стапите во контакт со други луѓе кои го учат истиот јазик и меѓусебно практично да го применувате научениот материјал.
- Можете да ја оценувате работата на другите кои го учат истиот јазик. Преку ова добивате поени, а со тоа отклучувате нови лекции. Па така, најпрвин мора да помогнете и да споделите, за да можете да напредувате и да учите.
rn

Недостатоци:

rn
- Напредокот зависи од тоа колку ќе им помогнете на другите, па ако сметате дека тоа не е за вас, подобро не почнувајте.
- Можеби ќе ви е потребно повеќе време за да отклучите нови лекции.
- Оние на кои не им е грижа и ова не го сфаќаат сериозно, задачите на другите ќе ги оценуваат како одлични, само за да дојдат до поени. Затоа, доколку немате време и трпение, одберете друг сајт.
rn

Посебни карактеристики:

rn
- Toa што треба да им помогнете на другите за да напредувате.
- Одличните видео-часови од „живи“ инструктори.
rnrn
August 6, 2014
Интересни апликации кои секоја тинејџерка би требало да ги има

Автор: Софија СионоваrnrnБез апликации нашите смартфони се само телефони. Постојат толку многу апликации кои е добро да ги имаме затоа што тие ни го организираат животот и му додаваат малку разонода на обичниот ден. Животот би бил досаден ако немаме со што да се занимаваме.rnrnrn

1. Wanelo (iOS, Android)

rnWanelo (WАnt-NЕed-LОve) е интересна апликација за шопинг и една од повеќето кои жените би требало да ги имаат. Со оваа апликација можете да зачувате сѐ што посакувате во форма на една голема листа на желби. Wanelo има стотици продавници и преку милион работи. Можете да ги следите вашите омилени продавници и пријателите. Можеби ќе го најдете совршениот фустан за на состанок или убава книга за мрзеливото попладне.rn

2. We heart it (iOS, Android)

rnАко сакате да пронајдете мотивација за квалитетен тренинг, сакате да гледате уметнички фотографии, или пак облека и предмети, тогаш оваа апликација е како направена за вас. Освен тоа што гледате, можете да додавате и ваши или пак да „хартнете“ слики кои ќе стојат на вашето „платно“. Ако сте обожавател на фотографија, тогаш оваа апликација мора да се најде на вашиот телефон.rnrnrn

3. Duolingo (iOS, Android)

rnБез разлика каде сме, некогаш знае да ни биде многу досадно, но учењето на нов јазик не би требало да биде. Duolingo е апликација преку која можете да научите нов јазик. Сѐ што треба да направите е да го изберете јазикот кој би сакале да го научите и да почнете. Duolingo ве учи да пишувате, зборувате, а дури можете да изберете цели и малку по малку да се трудите да ги постигнувате.rn

4. Wattpad (iOS, Android, Blackberry, Kindle fire)

rnАпликацијава е одлична алатка ако сте аматерски писател. Таа ви овозможува да ги објавувате вашите книги/приказни онлајн. Исто така, ако не ве бидува во овој оддел, тогаш можете да читате што напишале другите.rnrnrn

5. Band of the day (iOS, Android)

rnДури и на shuffle истата музика може да биде монотона и по одреден период да стане досадна. Оваа алатка е тука да го промени тоа. Нејзина функција е секој ден да ви претставува по еден бенд, а Band of the day има огромен вариетет од жанрови и можете да ги оцените вашите омилени, Кога ќе ви досади истата музика и ви е потребно нешто ново, ова ќе ве размрда.rn

6. Fashiolista (iOS, Android)

rnИако е повеќе како социјална мрежа за откривање на нови модни парчиња, Fashiolista ви дозволува да направите листа на работи кои ги сакате, слично на Pinterest. Минусот е во тоа што не можете да ставите ваши фотографии на листата, но сепак на веќе додадените можете да го најдете изворот и онлајн да го купите она што сте го виделе.rnrnrn

7. Keeper (iOS, Android, Windows Phone, Kindle fire)

rnВашиот телефон често е во рацете на вашите пријатели и постојано ви рошкаат по вашите фотографии, пораки и слично, но после ова тоа ќе биде невозможно. Keeper ви ги чува сите лозинки, кориснички имиња на други апликации и веб-страни. Исто така ако се одлучите да ставите лозинка на вашиот телефон, можете да зачувате информации кои не би сакале да ги заборавите. Ако ја заборавивте вашата лозинка, нема потреба да кликате Forgot Password туку само видете ја во Keeper.rn

8. Mathway (iOS, Android)

rnМатематиката не ви е силна страна? Без грижи, оваа апликација е спремна на секој вид математички проблем без разлика дали се работи за алгебра, тригонометрија, статистика и сл. така што ќе ви го реши за само неколку секунди.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 16, 2014
8 начини на кои можете да го продолжите траењето на батеријата на вашиот смартфон

Смартфоните станаа клучни во нашите секојдневни активности. Ги употребуваме за да провериме имејл, да гледаме видеа на Јутјуб, да читаме вести, да слушаме музика, да фотографираме, да играме игри… Но, покрај многуте придобивки од нив, тие сепак имаат и една негативна страна – животот на батеријата. Искрено се надеваме дека во иднина ќе се најде начин батеријата да трае со денови, па можеби дури и со недели, но дотогаш мора она што го имаме да го искористиме најдобро што можеме.rnrnrnrnПогледнете ги наредниве неколку начини на кои можете да го продолжите траењето на батеријата на вашиот смартфон.rn

1. Ниво на осветленост на екранот

rnОсветленоста на екранот многу влијае врз перформансот на батеријата. Кога има доволно светлина околу вас, намалете го осветлувањето најмногу што можете. Или пак, подесете го на „автоматски“ и на тој начин вашиот смартфон сам ќе го намалува/зголемува осветлувањето на екранот во однос на околината во која се наоѓате. Исто така не заборавајте дека доколку подолго време гледате во премногу светол екран тоа може лошо да влијае врз вашите очи.rn

2. Вибрации

rnВибрациите ве информираат доколку имате повик или порака за време на состаноци или на места каде што мора да го чувате вашиот мобилен на тивко. Но, во сите други ситуации можете да наместите различни рингтонови за повиците и пораките и да ги тргнете вибрациите.rn

3. Подесувања за поврзување

rn„Wi-Fi“, „Bluetooth“,„GPS“ и „3G“ се прекрасни можности за користење, но тие ја трошат вашата батерија дури и кога не ги употребувате. Обидете се да си создадете навика да ги исклучувате секогаш кога не ви се потребни.rn

4. Апликации

rnПроверивте што има ново на Твитер? Супер, но доколку ги оставате овие апликации да работат во позадина тие ќе продолжат да ја трошат вашата батерија. Токму затоа ако имате апликации кои во одреден период не ви се потребни, исклучувајте ги целосно веднаш откако ќе завршите со нив.rn

5. Полнење

rnОвој трик не е секогаш возможен, но обидете се да ја трошите вашата батерија до крај. Исто така кога ќе го полните смартфонот, оставајте го да се наполни до 100%. Не го прекинувајте порано. На овој начин не само што ќе ги подобрите перформансите на батеријата туку и ќе го продолжите нејзиниот живот.rn

6. Апликации за штедење на батеријата

rnСимнете ја бесплатната апликација „Battery Doctor“. Таа ќе ви покажува кои апликации трошат најголем дел од вашата батерија како и уште колку време од батеријата ви останува додека го користите мобилниот. Направете мало истражување и погледнете ги и останатите апликации со истата функција. Ако се бесплатни, ништо не ве спречува да ги пробате.rn

7. Автоматско исклучување на екранот

rnОбидете се да го исклучувате екранот веднаш откако ќе завршите со работа. Исто така подесете го автоматското исклучување на екранот на минимум.rn

8. Нотификации

rnОбидете се да ги намалите нотификациите за секоја од апликациите. Постојаната поврзаност со интернет предизвикува известувања за сите промени поврзани со апликациите, а на тој начин вашата батерија непотребно брзо се троши. Дали навистина имате потреба од сите нотификации кои ви пристигаат? Или можеби доволно е одвреме-навреме, кога ќе имате потреба сами да ги проверувате апликациите кои постојано непотребно ве известуваат?rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 31, 2013
Бесплатни мобилни апликации кои ќе ви помогнат во учењето

Дури и на најдобрите студенти некогаш им е потребна дополнителна помош. Бидејќи се ближи испитната сесија, ви претставуваме неколку бесплатни апликации кои сигурно ќе ви помогнат во учењето.rnrn

iStudiez Pro

rnrnrniStudiez Pro е едноставна апликација за Mac, iPad, iPhone и iPod Touch. Ви овозможува да правите распореди во различни бои и да зачувувате кратки информации. Исто така, можете да правите потсетници, а тука е и опцијата за добивање нотификации при наближување на крајниот рок за дадена задача. Ова е една од подобрите апликации од ваков тип, особено за оние помалку организираните.rn

Evernote

rnrnrnEvernote е супер апликација, бидејќи може да ја користите на самите предавања за фаќање белешки и за запишување на потребните материјали за одреден испит. Можете да ја поврзете и со компјутерот дома, за подобар пристап до белешките. Исто така, ви овозможува да ги зачувате интересните статии и веб-страници и да ги отворате подоцна. Навистина корисно.rn

SimpleMind

rnrnrnSimpleMind е апликација со која можете да правите мапи во вид на гроздови од некој концепт што го учите. Гроздовите можат да бидат во различни бои, според важноста, што ќе ви помогне полесно да го разберете и запомните материјалот.rn

Blackboard

rnrnrnBlackboard е апликација за Android, Blackberry и Apple. Истата може да се користи само доколку е одобрена од универзитетот и доколку и вашите професори и колеги исто така сакаат да ја користат. Доколку тоа е така, ќе може да најдете информации за сите распореди, предмети, оценки кои се објавени од професорите на универзитетот.rnrn

Speed Reading Trainer

rnrnСекој студент чита по илјадници зборови дневно и проблемот е што поминува многу време додека да го издвои најважното. Speed Reading Trainer ви нуди избор од тестови за подобрување на вештините на читање и разбирање на еден текст.rnrn

Dropbox

rnrnrnDropbox е апликација што ви овозможува да имате пристап до преземените документи и информации во секое време. Истата може да се користи и на компјутер.rnrn

Flashcard +

rnrnrnFlashcard + го враќа стариот метод на учење во модерното време. Можете да правите колку картончиња сакате за одредена лекција, и сето тоа бесплатно. Во апликацијата има и веќе направени модели, за тестирање на познавањето на главни градови на држави или математички факти. Навистина корисно.rnrn

Exam Countdown

rnrnОваа апликација можеби не помага директно во учењето, но е одлична за мотивација. Со преземање на Exam Countdown, ќе се појави часовник, кој ќе ве потсетува колку денови, минути и секунди ви остануваат до денот на испитот. Дефинитивно нема подобра мотивација од ова.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 23, 2013
Најмоќниот паметен часовник што некогаш се има појавено

Паметниот часовник „Neptune Pine“ ќе биде одличен кул гаџет кој секој ќе сака да го има на својот зглоб. Сè што другите компании ветуваа со своите паметни часовници, а не успеаја да го направат, овој часовник ќе го има. Паметните часовници кои веќе се на пазарот, не функционираат самостојно, па морате да ги користите како помошник на вашиот телефон. Но, не и Neptune Pine.rnrn rnrnЧасовникот ќе има целосно функционален Андроид систем, слот за мемориска и СИМ картичка, па слободно ќе можете да го користите како телефон. Со овој паметен часовник можете да сурфате на интернет, да остварувате видео повици, бидејќи има две камери (задната е 5 мегапиксели) со блиц, да инсталирате апликации и многу други работи.rnrn rnrnЕдинствената мана му се димензиите, бидејќи уредот е нешто помеѓу мал паметен телефон и голем часовник. Сепак, доброто е тоа што може да се извади од ременчето и да се користи како обичен телефон.rnrn rnrnПроектот беше претставен на познатиот сервис „Kickstarter“, а за отпочнување со производство на часовникот беа побарани 100.000 канадски долари. Верувале или не, на скоро два дена до рокот за собирање на сумата, собрани се над 700.000 канадски долари, што значи дека набрзо ќе го видиме овој феноменален паметен часовник на пазарот.rnrnrn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 20, 2013