Tag: значење

Речиси нема ниту една личност во светот која барем еднаш во животот не играла некоја игра со карти. 52-те карти добро се познати низ целиот свет, а ликовите крал, дама и џандар речиси се универзални и секаде препознатливи. Но, дали сте знаеле дека зад нивните ликови не се кријат измислени јунаци, како производ на нечија имагинација, туку вистински историски личности?rnrnrnrnЗа тоа како картите дошле до Европејците, денес постојат повеќе теории, а најверојатна е онаа која вели дека тие пристигнале од Кина, Индија и Персија најверојатно во втората половина на 15-тиот век, бидејќи од тогаш почнуваат првите забрани од црквата кои ги казнувале сите оние кои се коцкале и ѝ се придружувале на оваа „ѓаволска работа“. Составот и изгледот на картите се разликувал од држава до држава. На пример, Италијанците имале 56 карти, а вообичаените 52 карти кои и денес се најмногу распространети, водат потекло од француските карти од 15-тиот век.rnrnИсторичарите сѐ уште шпекулираат дека картите со четири знаци, детелина, лист, баклава и срце, претставуваат четири средновековни слоеви на општеството. Детелината ги симболизира селаните (детелината е храна за свињи), листовите ја симболизираат аристократијата, баклавата богаташите, а срцето старешините на црквата. Некаде во ова време почнува и масовното производство на карти кога речиси целосно се заменува рачното сликање кое се практикувало дотогаш. Француските мајстори станале познати низ Европа, пред сѐ поради тоа што се усовршувале со помош на дрвени блокови и бакарни плочи, кои им овозможиле картите да ги произведат многу побргу отколку кој било друг. Токму тие почнале да им доделуваат имиња на „картите со ликови“, односно крал, дама и џандар, но идентитетот на личностите кои ги претставувале го менувале во зависност од произведувачот и неговите желби.rn

Кралеви

rnОсобено личностите кои се наоѓале на картата на кралот биле подложни на промени.rnrnrn

Крал срце

rnКарло Велики – Крал на Франките, крунисан во 800-тата година, прв цар на француското царство и прв цар во западна Европа по пропаѓањето на Западното римско царство.rnrnШарл VII Победникот – Француски крал од династијата Валоа кој владеел на средината на 15-ти век. Успеал да ја ослободи Франција од Англија за време на Стогодишната војна и да ја реформира војската во државата.rnrnШарл VI Лудиот – Интересно е тоа што во повеќето карти кралот срце е единствен кој нема мустаќи. Причината за тоа треба да се бара во начинот на производство на овие карти. Според приказната, некој помалку вешт производител лошо го изработил дрвениот калап и така го изменил првобитниот дизајн на картите. Кралот срце така ги изгубил мустаќите, а и првобитната секира му била заменета со меч. Некои во ова виделе намера овој крал да се претстави како Шарл VI Лудиот, кој немал мустаќи и кој бил ментално болен, а за кого се зборувало дека се убил прободувајќи се со мечот. Затоа, оваа карта понекогаш се нарекува и „крал самоубиец“.rn

Крал лист

rnДавид – Библиски крал на Израел и Јудеја. Според преданијата, бил наследник на првиот крал на Израел и оној кој ги обединил 12-те племиња на Израел.rn

Крал баклава

rnГај Јулие Цезар – Римски војсководец, политичар и писател.rn

Крал детелина

rnАлександар Велики – Македонски крал и познат освојувач кој создал царство кое се простирало од Грција до Индија.rn

Кралица/дама

rnИдентитетот на кралицата на картите е уште потешко да се утврди, затоа што тие не биле толку познати. Во продолжение е прикажано најпознатото толкување.rnrnrn

Кралица срце

rnЈудит – Библиска личност, убава вдовица која го искористила својот шарм и итрина да му ја отсече главата на асирскиот војсководец Холоферн.rnrnИзабел од Баварија – Жена на Карло VI и мајка на Карло VII.rn

Кралица лист

rnАтина – Грчка божица на мудроста.rnrnЈованка Орлеанка – Француска хероина од Стогодишната војна, изгорена на клада.rn

Кралица баклава

rnРахила – Библиски пророк и прва жена на пророкот Јаков, еден од трите големи еврејски патријарси, мајка на Јосиф и Венијамин.rn

Кралица детелина

rnАргина – Анаграм од зборот регина, што на латински јазик значи кралица, или може да означува искривен облик од името Аргеја, како што се викала митолошката принцеза од Арга.rnrnАгнес Сорел – Прва официјално призната љубовница на некој француски крал.rnrnЈунона – Кралица на боговите во римската митологија, еквивалентна на Хера.rn

Џандари

rnИмињата на џандарите, односно витезите, останале константни и никогаш не се промениле.rnrnrn

Џандар срце

rnЛа Ир – Соборец на Јованка Орлеанка, витез и херој на Франција.rn

Џандар лист

rnХолгар Дански – Лик од данската епска поезија, витез на Карло Велики кој според легендата бил киднапиран од страна на вештицата Морган ла Феј, сестра на кралот Артур.rn

Џандар баклава

rnХектор – Тројански јунак, син на тројанскиот крал Пријам и соперник на Ахил.rn

Џандар детелина

rnЈуда Макавејски – Херој на еврејскиот бунт против владеењето на Селеукида во првиот век пред новата ера.rnrnЛанселот – Друг витез од легендата за Артур, заљубен во кралицата Гиневра.rnrnПо француската револуција, била прекината практиката за печатење имиња на картите, затоа што било потребно што побргу да се прекине со монархистичките обележја. Затоа, може да се каже дека денешните кралски фигури на картите (особено кога знаеме дека повеќето од нив се произведуваат во Кина), најверојатно немаат многу заедничко со нивните оригинални модели. Сепак, приказната останува.

Нумерологијата и синхронизираните броеви како што се 222, 333, 444, 1234 и 11 11 се знаци што нашите духовни водачи ги користат со цел да нè насочат кон вистинскиот пат. Овие знаци ни говорат дали делуваме правилно и каков треба да биде нашиот следен чекор. Тие кажуваат и многу за карактерот, животните цели, мотивацијата, како и за талентот на луѓето. Експертите во нумерологијата ги користат броевите за да си помогнат себеси да донесат одлука кога инвестираат, се венчаат, патуваат, го менуваат работното место или пак, се преселуваат.rnrnrn

Значење на броевите

rnРазлични броеви дефинираат различни карактеристики. Тие можат да се менуваат во текот на целиот живот, во зависност од фазите низ кои поминуваме. Па, доколку во последно време кога размислувате на прашање што ве мачи забележувате одредени броеви околу вас и едноставно чувствувате како да сте некако поврзани со нив, тогаш погледнете ја следнава листа со значења која можеби ќе ви помогне конечно да го откриете одговорот по кој трагате.rn

Број 0

rnНеограниченост, единство, бескрајност, вистина, чистина, љубов, алфа и омега, можности, вистинска причина, Божји ден, извор, простор, свест, космичко јајце, Бог.rn

Број 1

rnПочеток, новитет, сосредоточена концентрација, тежнеење кон остварување цели, акција, независност, оригиналност, храброст, изум, лидер, самодоверба, амбиција, пионер, волја, свесен ум, позитивност.rn

Број 2

rnДвојно, поларитет, избор, бременост, соработка, услуга, хармонија, поддршка, чекање, дипломација, трпение, видовитост, интуиција, прилагодување, емпатија, партнерство, посредник, споредба, помагање, собирање, репродукција, баланс на спротивностите, потсвесна меморија, позитивност и негативност.rn

Број 3

rnТројство, сојуз помеѓу божественото и човечкото, манифестација, позитивност, негативност и неутралност, експресија, фантазија, креативност, оптимизам, ентузијазам, изразување, шарм, хумор, забава, привлечност, пријателство,rn

Број 4

rnПрактичност, уредност, трпение, логичност, внимателност, верност, градење, упорност, скромност, одговорност, сила, планирање, материјална креативност, рамнотежа.rn

Број 5

rnАвантура, промена, слобода, истражување, разновидност, сензуалност, неповрзаност, љубопитност, искуство, периодичност, трагање по знаење, учител, патување, фантазија, невиност, разиграност.rn

Број 6

rnСовпаѓање, убавина, негување, љубов, брак, семејство, одговорност, разбирање, сочувство, исцелување, емпатија, перфекционизам, ред, должност, удобност услуга.rn

Број 7

rnФилозофија, мудрост, трагање по мудрост, резервираност, изум, стоицизам, рамнодушност, длабок мислител, интроспекција, духовност, вера, егзотично, необично, скриено, потрага по совршенство, етерично, енигма.rn

Број 8

rnПостигнување, обилност, извршување, чистина, самодисциплина, моќ, успех, авторитет, психологија, интензитет, надзор, услуга, раскош.rn

Број 9

rnКрај, добронамерно, сочувствување, романса, несебичност, великодушност, љубов, мудрост, идеалист, уметност, духовно исцелување, мечтаење.

Ако некогаш сте сонувале како летате, тоа е прекрасно. Соништата каде што летате најчесто укажуваат на позитивни работи што следуваат во вашиот живот. Можеби веќе сте забележале, но кога ќе се разбудите од ваквиот сон, вие се чувствувате ослободени од каков било притисок или стрес. Ќе се чувствувате како ништо да не може да ве запре и како иднината да ви нуди многу одлични можности за вас. rnrnrnrnОвие соништа може да ви се случат по некој лош период во вашиот живот. Тие исто така може да ги покажуваат и вашите големи достигнувања. Ако неодамна сте имале напредок во кариерата, личниот живот или пак со партнерот, летањето во сон може да биде симбол за тоа. Тогаш се чувствувате сигурни во себе и тоа се одразува кога се одморате.rnrnЗначи, ако сте искусиле сон каде што летате, немате потреба да се грижите. Тоа е прекрасно!