Tag: ум

Со доаѓањето на пролетта, сите почнуваме да го чистиме домот, да ги фрламе непотребните работи и да го средуваме шкафот, но забораваме да го направиме најважното нешто: Да го прочистиме нашиот ум. Пролетното чистење на умот ќе ви помогне да го почнете летото свежи и полни со енергија. Исто како што вашиот шкаф може да се наполни со непотребни работи, така и вашиот ум може да биде натрупан со негативни мисли. А нема ништо полошо од тоа да ја понесете сета таа негативна енергија со себе во најзабавниот период во годината.rnrnrnrnЗа да направите пролетно чистење на вашиот ум, треба да обрнете внимание на следниве 5 работи: Токсични врски и непотребна драма, лоши навики, негативни разговори, негативни мисли и физички простор. Ова можеби ви делува како голем залак и сигурно се прашувате како ќе успеете да го направите она што е потребно. Психотерапевтите советуваат да се фокусирате на вашето физичко здравје, да бидете благодарни, да започнете креативни проекти и да ги негувате позитивните врски. Сето ова звучи одлично во теорија, но праксата оди малку потешко.rnrnИ покрај тоа, сигурно сакате да се ослободите од зимскиот багаж и да го започнете летото со свежи погледи кон светот. Направете малку простор во мозокот со тоа што ќе се „откачите“ од негативните вибрации и од сите други нешта што ви прават гужва во животот, бидејќи тие навистина не ви се потребни. Ова се работите што треба да ги направите за го прочистите умот и да можете максимално да уживате во летото…rn

Медитирајте

rnСигурно ви е веќе смачено да слушате дека треба да медитирате, но ако вашиот ум е во хаос, вреди да се обидете. Истражувањата докажале дека доколку медитирате секој ден по 10 минути, тоа може да го промени начинот на кој реагирате на сѐ што се случува околу вас. Освен тоа, медитацијата може да ја зголеми вашата креативност, што е дополнителен бонус.rn

Вратете се во форма

rnПролетта е совршеното време за да почнете со вежбање, бидејќи физичката активност го покачува нивото на ендорфини во мозокот, што може да го подобри вашето расположение. Одберете вежби што вам ќе ви одговараат, без разлика дали станува збор за јога, танц, џогирање или пилатес. Што и да одберете, најважно е да се забавувате. Најефективните вежби се оние кои редовно ќе ги практикувате.rnrnrn

Одете боси

rnДали сте знаеле дека покривањето на стапалата е прилично нов тренд? Според истражувањето спроведено од страна на Националниот институт за здравје, низ историјата луѓето најчесто оделе боси или со обувки направени од животинска кожа. Тие спиеле на земја или на кожи. Преку директниот контакт или преку вдишувањето на честичките од животинските кожи што ги користеле како обувки или душеци, слободните електрони од земјата можеле слободно да навлезат во телото, а тоа го зголемува протокот на енергијата. Преку овој механизам, секој дел од телото можел да се изедначи со електричниот потенцијал на Земјата со што се стабилизирала функцијата на сите органи, ткива и клетки.rnrnДоколку се чувствувате истоштени од настаните што ви се случиле во текот на зимскиот период, можете да го подигнете вашето расположение и да ги смирите мислите со тоа што ќе одите боси во дворот или уште подобро на плажа.rn

Ослободете се од непотребниот товар

rnАко се чувствувате исцрпени од целата драма, токсични врски, пријателства и обврски што ве држат будни навечер и не ви дозволуваат да го извлечете максимумот од себе, време е да ја преработите вашата листа на приоритети. Имено, најдобро е да изработите листа на работи што треба да престанете да ги правите. За да постигнете успех, престанувањето со некои работи е исто толку важно колку и почнувањето нови работи. Употребете ги овие прашања за да ја направите листата: „Дали навистина сакам да го правам тоа?“ и „ Дали оваа личност ме прави среќен/а?“. Ако одговорите несигурно со „Понекогаш“, „Па, не знам“, „Онака“, тогаш најверојатно треба да престанете со тоа.rnrnrn

Ослободете се од лошите навики

rnСите имаме лоши навики чиј број се зголемува кога сме во стресни периоди од животот. Не ги носете со себе вашите лоши навики и во летото. Ова е полесно да се каже отколку да се направи, но ако навистина сакате да се ослободите од нив, постојат три научно докажани начини за да го направите тоа. Клучот е да го промените начинот на размислување и начинот на кој зборувате за сопствените способности. Разбудете ја вашата љубопитност и излезете од секојдневните рутини кои се базираат на страв и монотонија. Почнете да живеете. Бидете љубопитно свесни за она што се случува во вашето тело и ум во секој момент од животот. На тој начин ќе можете да забележите кои навики ве исцрпуваат и ви влијаат негативно, за да можете да ги отстраните.rnrnАко се чувствувате беспомошно, обидете се секој ден да правите листа на благодарност. Бидете благодарни за тоа што наскоро ќе дојде лето, за тоа што имате прекрасни пријатели или за тоа што имате куче. Мислете на малите нешта што ви го прават животот убав и без оглед на сѐ имајте го највозбудливото лето досега!rnrnДоколку навистина сакате да направите пролетно чистење на умот, прочитајте како да се ослободите од негативните мисли.

Во денешно време, луѓето имаат навистина брз начин на живот. Нашите умови се окупирани и постојано нешто правиме. Дали можете да се сетите кога последен пат не сте правеле апсолутно ништо? Кога последен пат сте поминале 10 минути без никој да ве вознемирува? Кога велиме ништо, мислиме буквално ништо.rnrnrnrnТоа значи 10 минути без праќање пораки, имејлови, Интернет, телевизија, разговори, храна, читање, па дури ни сеќавање на минатото или планирање на иднината. Едноставно ништо. Сигурно ви се случило тоа пред многу долго време. Ова можеби ви звучи чудно, но станува збор за нашите умови.rnrnУмот е највредното и најдрагоценото нешто. Со негова помош го доживуваме секој поединечен момент од нашиот живот. Тој ни помага да бидеме среќни, задоволни, емотивно стабилни и истовремено љубезни, разумни и внимателни во односите со другите луѓе. Од истиот овој ум ни зависат концентрацијата, креативноста, спонтаноста и амбицијата.rnrnИ покрај сето ова, ние не посветуваме доволно време на негата на нашиот ум. Многу повеќе време посветуваме на грижата за нашите автомобили, облека или фризура. Како последица од сето тоа, ние сме под постојан стрес. Во умот ни се вртат најразлични мисли како во машина за алишта. Не знаеме како да се бориме со тешките и збунувачки емоции и не знаеме како да бидеме присутни во светот каде што живееме. Пропуштаме работи кои ни значат поради погрешната претпоставка дека животот е таков и дека треба да продолжиме понатаму. Но, тоа не е вистина.rnrnФакт е дека сите се бориме со стресот на различен начин. Некои луѓе почнуваат да работат прекумерно, други бараат помош од пријателите и семејството. Некои бараат утеха во алкохолот или лековите. Вистината е дека сѐ што треба да направиме е да се фокусираме на сегашноста. Сегашноста е многу потценета. Звучи обично, но поминуваме толку малку време во сегашниот момент кој е сѐ само не обичен. Според неодамнешните истражувања спроведени на Харвард, нашиот ум размислува речиси 47% од целото време што го имаме на светов.rnrnПостојаното размислување е најголемиот извор на тага. Ако речиси половина од нашиот живот го поминуваме изгубени во мислите, а размислувањето нѐ прави тажни, тоа е навистина трагично сознание, особено поради фактот што можеме да преземеме нешто во врска со тоа.rnrnrnrnПостои една позитивна, практична и научно докажана техника која на нашиот ум му овозможува да биде поздрав, посвесен и пофокусиран. Потребно е да одвоите само 10 минути за нешто што би можело да има големо влијание на целиот ваш живот. Станува збор за вежба која ќе ви помогне да станете повнимателни и претставува основа на медитацијата. Таа ќе ве зближи со сегашниот момент. Многумина претпоставуваат дека медитацијата е сопирање на мислите, ослободување од емоциите, некој вид контрола на умот, но всушност се работи за нешто сосема друго.rnrnСтанува збор за одвојување, јасно гледање на мислата и сведочење дека таа доаѓа и заминува. Емоциите доаѓаат и си одат благодарение на опуштениот и сконцентриран ум. На пример, ако премногу се фокусирате на една точка во ѕидот, нема да можете истовремено да разговарате со некого. Исто така, ако премногу се опуштите додека разговарате, нема да можете да се фокусирате на точката во ѕидот, туку погледот ќе ви избега.rnrnЌе имате периоди во животот кога фокусот ќе ви стане премногу интензивен. Непријатно е да се живее на таков начин, бидејќи постојано ќе бидете изложени на голем стрес. Ќе има и други животни периоди кога ќе можете премногу да се опуштите.rnrnПоентата е да постигнете рамнотежа, односно фокусирана релаксација на тој начин што ќе им дозволите мислите да доаѓаат и заминуваат без да им се мешате. Обично кога се обидуваме да обрнеме внимание на нешто, се случува мислите да ни го попречат процесот. Да речеме дека станува збор за некоја анксиозна мисла. Сѐ оди како подмачкано, кога одеднаш ви се јавува анксиозна мисла и помислувате „Не знаев дека се грижам за тоа“. Заборавате на тоа за момент и потоа повторно помислувате „Се грижам, навистина многу се грижам.“rnrnОдеднаш почнувате да се грижите поради тоа што сте загрижени, а тоа е лудост! Постојано го правиме тоа, речиси секој ден. Сетете се на последниот пат кога сте имале забоболка. Знаете дека ве боли забот и што правите на секои 20-30 секунди? Си велите дека навистина многу ве боли и на тој начин уште повеќе ја зголемувате болката. Само ако станете свесни за ваквиот начин на размислување, ќе можете да го ослободите умот од тие мисли.rnrnrnrnКога ќе седнете и ќе почнете да си го проучувате умот, ќе забележите многу различни реакции. Можеби ќе откриете дека вашиот ум постојано е немирен. Немојте да се изненадите доколку се чувствувате по малку вознемирено кога ќе седнете и нема да правите ништо, бидејќи и вашиот ум така се чувствува. Можеби ќе дознаете дека вашиот ум е многу здодевен и дека работи механички. Тоа е така затоа што монотонијата завладеала со вашиот живот и секој ден ви се одвива на истиот начин: Се будите, одите на работа, јадете, спиете, се будите, работите… Можеби ќе откриете дека постои само една мисла што непрестајно ви се врти во умот.rnrnБез разлика за што се работи, 10-минутната медитација ви нуди можност да побегнете од грижите и да ги согледате работите од друга перспектива. На овој начин ќе сфатите дека работите не се секогаш онакви какви што изгледаат.rnrnНе можеме да ја промениме секоја ситница што ни се случува во животот, но можеме да го промениме начинот на кој реагираме на неа. Поентата на медитацијата е да се постигне смиреност. Не мора да запалите темјан или да седите на подот. Сѐ што треба да направите е секој ден да одвојувате по 10 минути за да се зближите со сегашниот момент и да почувствувате интензивен фокус, мир и свесност во вашиот живот.rnrnДоколку сметате дека и вие го имате истиот проблем, прочитајте ги овие 15 работи во кои ќе се препознаат оние кои премногу размислуваат.