КАФЕ ПАУЗА

Tag: смрт

  • На кој датум луѓето умираат најчесто?

    На кој датум луѓето умираат најчесто?

    Секогаш кога наближува петок 13-ти, суеверијата нè потсетуваат дека овој ден треба да биде несреќен. Но, изгледа дека има друг датум за кој треба да бидеме повеќе загрижени. Според едно неодамнешно истражување, помеѓу 2005-та и 2017-та година поголемиот дел од луѓето умреле на 6-ти јануари.rnrnНа кој датум луѓето умираат најчесто?rnrnВсушност, според анализата од Канцеларијата за национална статистика, 10-те денови во кои е најверојатно да умрете се помеѓу 30-ти декември и 9-ти јануари. Според статистиката, на 6-ти јануари помеѓу 2005-та и 2017-та година умреле 25% повеќе луѓе. Со други зборови, на овој ден во просек умирале 1.732 луѓе, за разлика од дневниот просек кој е 1.387 луѓе. Но која е причината за ова?rnrnИзгледа дека одговорот не е толку мрачен – најчестата причина бил студот. Судената зима не е пријатна за никого, но е особено проблематична за луѓето со ослабен имунитет поради настинка, болест, возраст или други фактори, како на пример, бременост.rnrnПоради сите инфекции кои се шират овој период луѓето можат да бидат навистина ранливи, а понекогаш ова резултира и со смртен случај. Ник Страјп од Канцеларијата за национална статистика изјавил:rn

    „Бројот на повеќе смртни случаи во Англија и Велс во 2017-та и 2018-та година беше највисок од зимата во 1975-та и 1976-та година. Сепак, покачувањата како ова не се необични – имаме видено над 8 покачувања во изминатите 40 години.“

    rnЗа жал, во јануари се зголемувал и бројот на самоубиствата. Во периодот по Божиќ се појавувале повеќе луѓе со депресија и зголемено ниво на стрес. Наводно ова е поради крајот на празничниот период, во комбинација со стресот кој доаѓа со враќањето на работа. Самоубиствата и обидите за самоубиство станувале почести по празниците, особено на крајот од декември и во средината на јануари. Финансискиот притисок и притисокот од семејството во овој период се можеби главни фактори за ова.rnrnДали знаете што чувствуваат луѓето во последните моменти од својот живот?

  • Едноставен тест со кој ќе откриете дали кај вас постои ризик од прерана смрт

    Едноставен тест со кој ќе откриете дали кај вас постои ризик од прерана смрт

    Добрата физичка форма не е само за спортистите. Од голема важност е секој од нас да биде во добра физичка состојба бидејќи со тоа се намалува ризикот од болести на срцето, рак и други проблеми со здравјето.rnrnЕдноставен тест со кој ќе откриете дали кај вас постои ризик од прерана смртrnrnСпоред едно истражување од Шпанија, физичката форма имала главна улога во одржувањето на здравјето. Во истражувањето учествувале 12.615 луѓе на возраст од 18 до 91 година, за кои се сомневало дека се изложени на поголем ризик од болести на коронарните артерии. Испитаниците биле замолени да одат или да трчаат на лента за трчање со цел да се провери нивната реакција на стрес. Резултатите биле мерени во метаболички еквиваленти (МЕТ). За да добијат позитивен резултат, испитаниците требало да освојат 10 МЕТ поени, што е еднакво на искачување 3-4 ката без пауза.rn

    „Четири ката скали е еднакво на околу 20 метри под агол од 30 до 35 степени. Доколку некој може да се качи по скалите за 45 до 55 секунди, тогаш има 10 МЕТ поени и тоа значи дека е во добра форма“, изјавил доктор Хесус Петеиро Васкез, еден од истражувачите.

    rnОние кои не успеале да го поминат тестот, по 5 години имале помал капацитет на физички способности, 3 пати поголеми шанси да умрат од кардиоваскуларни болести и два пати поголеми шанси да му подлегнат на ракот или некоја друга болест. Оние кои биле во добра форма за време на истражувањето биле заштитени.rnrnФизичката активност и физичката форма имаат големо влијание на крвниот притисок и липидите, а со тоа на целиот кардиоваскуларен систем. Добрата кондиција влијае и на намалување на воспаленијата. Ова е од голема важност бидејќи многу воспаленија се гледаат како причина за разни видови рак и болести на срцето.rnrnПа, за да откриете дали и вие сте во добра физичка форма, пробајте го тестот со качување по скали. Доколку не можете да ги искачите скалите или ви е потребно повеќе време, најдобро е да почнете со вежбање.rnrnПогледнете кои се знаците кои покажуваат дека сте во добра физичка форма, дури и ако не вежбате.

  • 11 мисли што ги има секој којшто тагува за некого

    11 мисли што ги има секој којшто тагува за некого

    Ако се чувствувате изгубено по смртта на некоја сакана личност, не заборавајте дека не сте сами. Многу луѓе се соочуваат со истите стравови кога станува збор за тагување за некого. Не знаат дали тагуваат „правилно“ и дали нивната реакција е нормална. Што и да направите е нормално. Ако и самите си ги поставувате овие прашања, не сте единствените. Ова се најчестите мисли што се појавуваат кај луѓето што тагуваат, па дознајте како да се справите со нив.rnrn11 мисли што ги има секој којшто тагува за некогоrn

    1. „Зарем не треба да ми е подобро досега?“

    rnПонекогаш луѓето очекуваат да ја преболат саканата личност за помалку од еден месец. На тагувањето му е потребно време. Живееме во култура каде што се очекува брзо да преболиме нешто и да продолжиме понатаму. Но, не секој е способен за ова. Вашата тага не е причина за грижа сè додека не го консумира целото ваше време и нема лошо влијание на вас. Во екстремни случаи, сепак е важно да побарате професионална помош.rn

    2. „Дали моите чувства се нормални?“

    rnКога тагуваат, луѓето чувствуваат гнев, тага, бес, вина, срам, страв, а понекогаш пак, не чувствуваат ништо. Важно е да знаете дека нема „нормални“ чувства. Проблемот настанува единствено ако им дозволите на овие чувства да владеат со вас. Слободно чувствувајте, но ако се чувствувате заглавено побарајте помош.rn

    3. „Не сум тажен/на. Дали тоа значи дека не тагувам?“

    rnВоопшто не. Тоа само значи дека сега чувствувате други нешта, а со тек на време, можеби ќе се појави и тагата. Ако некој не чувствува тага, најверојатно чувствува други работи – шок, вкочанетост, страв или гнев. Без разлика што чувствувате, во ред е. Тагата не е единствениот начин да жалите по некого.rn

    4. „Навистина сум гневен/на. Дали тоа е тагување?“

    rnГневот дефинитивно е дел од тагувањето, а на некои луѓе им е тешко да се справат со него. Луѓето често се изненадени кога чувствуваат гнев по губењето на сакана личност, но сепак оваа реакција е многу честа. Иако гневот е очекуван дел од тагувањето, ако тој прави да се однесувате лошо можеби е време да побарате помош и да се справите со него на здрав начин.rn

    5. „Не ми изгледа реално. Дали тоа е чудно?“

    rnВоопшто не е чудно. Тешко е да се прилагодите на оваа нова реалност, особено ако не сакате да ја прифатите. Тоа што сè ви изгледа нереално е начин на справување на вашата психа. Постојат нешта коишто е претешко да се прифатат како реални. Ова ќе се промени со текот на времето, но дури и подоцна може да ви биде тешко да поверувате дека сте ја изгубиле личноста.rn

    6. „Се чувствувам виновно. Мислам дека сè е моја вина…“

    rnКога ќе изгубиме работно место, врска, па дури и сакана личност, вината е обид да преземеме контрола. Ако се обвинувате себеси и откриете дека нешто можело да се направи поинаку, можно е во тој момент да се чувствувате подобро. Иако е важно да размислите за вашите избори по крајот на врската или некоја загуба, воопшто не е добро да ја преземете целата одговорност кога се справувате со смрт. Смртта никогаш не е ваша вина.rn

    7. „Сè уште немам заплачено. Дали тоа значи дека не го/ја сакав?“

    rnВоопшто не. Некои луѓе плачат многу, а некои не плачат воопшто. Вашето уникатно искуство со тагувањето не значи дека не сте ја сакале личноста. Ако не сте плачеле сега, не значи дека никогаш нема да заплачете.rn

    8. „Не ги чувствувам сите фази на тагувањето. Дали сè правам погрешно?“

    rnФазите на тагување не се црно-бели и не се искусуваат линеарно. Вашето тагување е уникатно и не постои правилен начин. Едноставно, тагувате на ваш начин.rn

    9. „Мислам дека не треба да чувствувам олку многу. Не сум единствената личност што се соочила со ова…“

    rnСамо затоа што многу други луѓе се соочиле со загуба, не значи дека вам ќе ви биде полесно да се справите со неа. Споредувањето на вашето искуство со туѓите нема воопшто да ви помогне. Од голема важност е да знаете дека и други се соочиле со истото, но нема потреба да ја намалувате вашата тага поради тоа.rn

    10. „Понекогаш се шегувам и се смеам за оваа загуба. Дали нешто не е во ред со мене?“

    rnХуморот ни помага да се справиме со тешките периоди. Смеењето на погреби и слични настани не е необично. Тоа може да биде механизам за справување со анксиозноста предизвикана од ненадејна загуба.rn

    11. „Не чувствувам никаква утеха. Дали нешто не е во ред со мене?“

    rnСо текот на времето ќе го прифатите она што се случило. Загубата е рана што е дел од вас. Ако најдете утеха, тоа значи дека раната е затворена засекогаш.rnrnДобро е да знаете и кои се разликите помеѓу привремената тага и депресијата.

  • 10 факти за смртта од модерната наука

    10 факти за смртта од модерната наука

    Без разлика кои сте, од каде сте, што работите и колкава плата имате, кога-тогаш смртта ќе ве пристигне. Луѓето отсекогаш размислувале за нивната смртност. Сите го чекаме судниот ден кога ќе заврши нашиот живот. Но, дали сте помислиле што се случува во моментот на смртта? Науката има да каже многу за крајот на нашата свест. Преку модерните алатки и истражувања, денес можеме подобро да разбереме што навистина е смртта и што се случува во последните моменти од нашиот живот.rn

    1. Неизвесност

    rn10 факти за смртта од модерната наукаrnrnПостојат концепти како „клиничка смрт“ што всушност е нејасен термин. Повеќето луѓе веруваат дека смртта настанува кога телото достигнува точка од која животот не може да се поврати. Некои луѓе ја дефинираат смртта како моментот кога престанува чукањето на нашето срце, додека други сметаат дека смртта настанува со прекинот на мозочната функција. Па, што навистина е смртта?rnrnВсушност, сè уште немаме одговор на ова. Дури и кога срцето ќе откаже, а мозокот не покажува активност, системот за циркулација може да биде напојуван од машини доволно долго за да ве одржи во живот. Според ова, смртта е процес при кој со работа престануваат сите биолошки функции сè додека е невозможно да се реанимира пациентот.rn

    2. Свест

    rn10 факти за смртта од модерната наукаrnrnНауката ни кажува дека свеста е нуспроизвод на мозокот, дека мозокот ја создава свеста и неговата смрт значи и смрт за нашата свест. Иако прашањата за свеста се некои од најкомплицираните за дискутирање, ова не е клучниот фактор за живот. На пример, кога пациентот е под анестезија, свеста исчезнува, но тој сепак е жив.rnrnМодерната наука ги гледа живите организми како повеќе или помалку свесни, започнувајќи со основните градежни единки на животот и еволуирајќи до префронталниот кортекс на луѓето кои се свесни за себе. Ова е критичен концепт за разбирање на моментот на смртта: Што ни се случува „нам“ или на личноста? Ако земеме предвид дека свеста потекнува од мозокот, едноставно престануваме да постоиме откако ќе настапи смртта. Времето, искуствата, мислите, сè што сме знаеле – исчезнува засекогаш.rn

    3. Мозок

    rn10 факти за смртта од модерната наукаrnrnСпротивно на популарното верување, мозокот не е последното нешто што умира. Обично смртта на телото настапува кратко по смртта на мозокот. Односно, смртта на мозочното стебло е смрт на организмот бидејќи тоа ги контролира сите витални телесни функции. Моментално смртта на мозочното стебло е последната фаза од умирањето на мозокот и се смета за легална смрт во повеќето држави. Кога престанува работата на срцето, се смета дека мозокот може да преживее уште најмногу 6 минути. Дури и тогаш штетата на мозокот е значајна.rnrnБез разлика зошто започнува процесот на умирање, смртта на мозочното стебло е секогаш причина за смрт.rn

    4. Мозочна активност

    rn10 факти за смртта од модерната наукаrnrnКако што се намалува количеството кислород во телото на клеточно ниво, мозочната активност всушност се зголемува. Истражувањата покажувале дека мозокот значително се активира кај животните во последните моменти од животот. Кога престанува срцето на стаорецот, мозокот ги активира сите делови одговорни за неговата свест. Овој процес не е целосно разбран, но се верува дека е одговорен за искуствата близу до смртта, односно необичните звуци, сеќавања, глетки и други искуства на луѓето кои се вратени во живот кратко по смртта.rn

    5. Свесност

    rn10 факти за смртта од модерната наукаrnrnЗголемената мозочна активност пред смртта ја зголемува свесноста кај луѓето. Без навлегување во натприродното, луѓето кои се вратиле од „другата страна“ опишувале силни светла, мириси, вкусови и нереални искуства. Некои луѓе го поврзуваат ова со религијата, но научниците ги гледаат овие искуства како резултат од стимулацијата на мозокот во моментите на смртта. Всушност, моментот пред смртта е момент кога личноста е најжива.rnrnПродолжува на следната страница…rnrn

  • Ветеринар открива што им се случува на милениците во последните мигови од животот

    Ветеринар открива што им се случува на милениците во последните мигови од животот

    https://kafepauza.mk/zivot/dokolku-vasheto-mileniche-go-pravi-ova-vednash-odnesete-go-na-veterinar/Секој сопственик на домашно милениче ќе ви каже дека неговиот миленик е многу повеќе од тоа. Колкави и да се, каква и да е нивната исхрана и желбата за шетање, милениците постануваат членови на семејството. Затоа, кога губиме милениче, чувствуваме како да сме се збогувале со член на семејството. Но, треба да имаме на ум дека и нему му е потребно нашето присуство, поддршка и грижа во тие последни моменти од животот.rnrnВетеринар открива што им се случува на милениците во последните мигови од живототrnrnНиедно милениче не треба да страда од осаменост во најтешките времиња од својот живот. Затоа, сите оние кои чуваат миленик треба да го прочитаат ова.rnrnИма два вида луѓе: оние кои сакаат да бидат внатре со своето милениче кога го лекуваат или трајно го заспиваат на ветеринар и оние кои не сакаат. И едните и другите си имаат причини. Текстов е за оние вторите.rnrnЕден ветеринар го споделил на Фејсбук својот цврст став за она што треба да се направи во ваквите ситуации. Неговиот пост набрзо стана вирален. Тој нè потсетува на едно едноставно нешто – кога воведуваме милениче во нашиот живот, мора да бидеме свесни дека еден ден тоа ќе почине. Да, тоа ќе биде многу тажен настан, тоа не е спорно. Но, мора да бидеме тука за него до самиот крај. Не треба да ги напуштаме нашите миленици кога сме им потребни.rn

    „Не дозволувајте преминот од животот кон смртта да им биде во соба полна со непознати луѓе на место што нив не им се допаѓа. Тие ве бараат вас кога ги оставате и си заминувате.“

    rnВетеринар открива што им се случува на милениците во последните мигови од живототrnrnНајлесниот начин да разберете што вашето милениче чувствува во овој момент е да се обидете да се ставите себеси на негово место. Кога ќе го направите тоа, ќе сфатите дека „тие не разбираат зошто сте ги оставиле кога се болни, стари или умираат од рак“. Нив им е потребна утеха и вие треба да им го обезбедите тоа.rnrnСпоред личното искуство на овој ветеринар, кога миленичето е пред својата смрт, единственото нешто што тоа го бара е неговиот сопственик. Ова е многу логично и очекувано. Секој би се чувствувал така. И ние луѓето ги бараме блиските и саканите во моментите на тага, болка и страдање.rnrnД-р Еван Шо има евтанизирано многу миленичиња во текот на неговата ветеринарна пракса. Еве што тој вели на оваа тема:rn

    „Имам многу клиенти кои повторно се враќаат и така дознав дека луѓето кои не се присутни на самиот крај од животот на нивното милениче сметаат дека тоа е една од работите за кои најмногу жалат во некој подоцнежен период.rnrnСосема ми е јасно дека е многу тешко, но смртта е дел од животот и треба да се искуси преку процес на тагување“

    rnПа, откако го прочитавте ова, размислете два пати пред да го оставите вашето милениче само во соба полна со непознати луѓе и предмети кога тоа ги има последните воздишки. Нашето последно влијание врз животот на нашето милениче треба да биде позитивно. Не оставајте ги само со нивниот доктор, кој ќе биде оној кој ќе им го заврши животот.rnrnДржете ги за шепата за последен пат во моментите на болка и страв. Љубете ги и ценете ги сè до последниот момент.rnrnТагувањето за вашето милениче е нормално. Ако некој од вашите роднини или пријатели мисли поинаку, тоа е нивно мислење. Истражувањата потврдуваат дека за голем број луѓе губењето миленик е споредливо со губење на сакана личност.rnrnЧувањето милениче е голема задоволство, но и голема обврска. Треба да бидете спремни на двете.rnrnА доколку вашето домашно милениче го прави ова, веднаш однесете го на ветеринар!

  • Истражување: Луѓето можат да умрат ако изгубат волја за живеење

    Истражување: Луѓето можат да умрат ако изгубат волја за живеење

    Постои медицински документиран, но малку разбран феномен каде што личноста која изгубила желба за живот навистина умира, без никаква друга причина. Состојбата прв пат бил опишана кај американските војници и војниците од Јужна Кореја кои биле воени затвореници за време на Корејската војна. Подоцна, истата состојба била забележана и кај воените затвореници од Виетнамската војна, луѓе што преживеале бродолом и наводно често се појавувала и во нацистичките концентрациони логори.rnrnИстражување: Луѓето можат да умрат ако изгубат волја за живеењеrnrnПознато за овој феномен е дека се појавува за време на психолошки трауматична ситуација која наводно е неизбежна. Личноста што страда одговара на овие безнадежни услови со екстремна апатија и се повлекува од животот околу неа.rnrnНо, претходните набљудувања покажале дека смртта од овој феномен не е неизбежна. Луѓето закрепнале од состојби идентични на овие откако некој или нешто ги убедило да се вратат во реалноста.rnrnПо разгледување многу историски и модерни извештаи, истражувачот доктор Џон Лич од Универзитетот во Портсмаут заклучил дека овој феномен веројатно постои од многу порано отколку што се мислело. Некои случаи датираат уште од 1600-тите, а помодерните извештаи за смртта на постари лица и пациенти во болница ги набројуваат истите особини.rnrnОбидувајќи се подобро да го разбере овој феномен, Џон дефинирал 5 фази низ кои минуваат луѓето во оваа состојба.rn

    „Психогената смрт е реална. Не е самоубиство, не е поврзана со депресија, но самото откажување од животот и умирање по неколку денови е многу реална состојба, често поврзана со тешка траума“, изјавил Џон.

    rnНаводно, луѓето во оваа состојба ја гледаат смртта како најдобар механизам за справување за неподносливиот стрес од нивната ситуација.rnrnПрвата фаза, социјалното повлекување, е честа кај луѓето кои страдаат од тешка траума, но во случајот на овој феномен може да се претвори во втората фаза – апатија. Џон го опишал овој вид апатија како меланхолија поразлична од гневот, тагата или фрустрацијата. Во оваа фаза личноста најверојатно ќе престане да ја одржува и личната хигиена. Во третата фаза, абулија, апатијата се засилува сè додека личноста не изгуби интерес и за секојдневни обврски, како јадење, па дури и зборување.rn

    „Интересно е што во оваа фаза изгледа како да постои празен ум. Луѓето кои биле во оваа фаза и закрепнале ја опишуваат како состојба во која немале никакви мисли. Во оваа фаза личноста изгубила секаква мотивација.“

    rnЧетвртата фаза, психичка акинезија, е карактеризирана со губење на одговорот на каков било физички стимул, дури и силна болка. На крај, доколку не се преземе ништо, личноста продолжува кон петтата фаза – смрт.rn

    „Во последната фаза личноста може дури и да лежи во своите секрети и ништо, ни предупредување, ни тепање, ни молење не може да ја натера да посака да живее.“

    rnЏон верува дека промената во неколку поврзани делови од мозокот е можеби одговорна за патологијата на овој феномен. Овие делови од мозокот се вклучени во мотивацијата и желбата за постигнување цели, а недостатокот од допамин во овие региони може да предизвика лично апатично однесување.rnrnДали знаете кои психолошки накршувања најчесто се погрешно дијагностицирани?

  • Маж кој умрел два пати тврди дека нема живот по смртта

    Маж кој умрел два пати тврди дека нема живот по смртта

    На почетокот на 2014-та година, Саша Елијасон не ни помислувал дека ќе искуси нешто што го почувствувале малкумина, а уште помалку два пати.rnrnМаж кој умрел два пати тврди дека нема живот по смрттаrnrnТој бил обичен студент од Шведска. Првиот инцидент се случил за време на сообраќајна несреќа додека тој бил со неговиот мотор. Возел по автопатот и случајно влетал на градилиште. Се обидел да закочи, но изгубил контрола над возилото. Шокот и болката го натерале неговото тело да престане да функционира и неколку минути бил без свест, немал пулс и не дишел. Многу месеци подоцна, неговото тело уште еднаш „се исклучило“ откако се предозирал со лекови за болка по операција.rnrnИ во двата случаи лекарите успеале да го вратат во живот, но на некој начин Саша бил мртов два пати по неколку минути. Неговата приказна ги заинтересира луѓето ширум светот. Па, наскоро по искуствата, Саша, кој цел живот е атеист, решил да сподели што видел во тие неколку минути.rnrnНа Редит тој објаснил дека кога умрел, тоа било сè. Животот бил завршен. Не видел светло на крајот од тунелот што е опишано од многумина. Гледал само потполна темнина. Дури изјавил дека чувството било како да имал кратка дремка без соништа. Се чувствувал како да поминало многу време. Саша воопшто не бил свесен за сериозноста на она што му се случило сè додека лекарите не му кажале дека всушност умрел.rnrnНабрзо откако изјавил за непостоењето на никаков живот по смртта, многу критичари се сомневале во неговата изјава. Некои сметале дека бил свртен кон другата страна наместо кон светлината. Други мислеле дека божјата моќ била свесна дека Саша не треба да умре, па тој воопшто не погледнал во смртта. Некои дури му кажале дека ќе оди во пеколот затоа што кажувал такви нешта, па дури добивал и смртни закани.rnrnКога ги видел критиките, Саша изјавил дека единствено сакал да го сподели своето искуство. Немал намера да започне духовна и религиска дебата и да разгневи многумина. Тој го бранел неговото искуство изјавувајќи дека можеби неговата свест била активна, па сето тоа било сон.rnrnТој кажал и дека ова искуство му помогнало да прифати дека е само смртник и дека еден ден ќе умре. Му станало јасно дека ниту едно од неговите достигнувања нема да му биде од корист штом ќе умре. Тие ќе имаат влијание само на луѓето што ќе ги остави зад него. Саша ги советува читателите да се помират со фактот дека смртта е дел од животот со цел да се ослободат од стравот од умирање.rnrnОва искуство не му го променило мислењето за религијата – Саша и понатаму е атеист. Признал дека се надевал да види нешто божествено, некој доказ дека постои нешто поголемо од нас. Но иако сега знае дека не постои ништо, барем во неговиот случај, тоа не го променило. Сепак, Саша смета дека луѓето треба да веруваат во што сакаат без да ги присилуваат другите да го прифатат тоа верување. Секој би требало да има слобода да зборува за неговите искуства.rnrnДознајте и што чувствуваат луѓето во последните моменти од својот живот.

  • Истражување открива: Длабоките брчки на челото може да се прв знак за срцева болест и смрт

    Истражување открива: Длабоките брчки на челото може да се прв знак за срцева болест и смрт

    На Интернет дефинитивно нема недостаток од статии, коишто ни даваат безброј совети за како да спречиме појава на брчки или како да се ослободиме од нив. Нивната суштина, генерално се базира на идеологијата да изгледаме што е можно помладо во секоја доба од животот, но новите истражувања индицираат дека откриен е нов загрижувачки аспект за оние кои имаат поизразени бразди на челото, одошто е вообичаено за нивната возраст.rnrnИстражување открива: Длабоките бори на челото може да се прв знак за срцева болестrnrnДобро познат е фактот дека ризикот од срцеви болести се зголемува со текот на годините, но според биомедицинскиот истражувач Јоланде Есквирол, брчките на челото можат да бидат и првиот знак за срцева болест. Медицинските интервенции и промените во животниот стил, можат значително да го намалат овој ризик, но најтешкиот дел, е раното препознавање на пациентите кај коишто има голем ризик од смртност.rn

    Збрчканото чело може да биде најочигледниот знак за ризик од срцева болест

    rn

    „Ризичните фактори во срцевите болести, како што се покаченото ниво на холестерол или хипертензијата, не можат да се видат или почувствуваат. Ги истражувавме брчките на челото како маркер, бидејќи истите се многу едноставни за забележување и визуелно истакнати. Со едноставно погледнување во лицето на една личност, денес можеме да констатираме дека брчките се аларм, па можеме да им дадеме совети на пациентите како да го намалат ризикот“, објаснува Есквирол, за Европското здружение за кардиологија.

    rnПретходните истражувања на оваа тема, веќе го имаат истражено степенот до кој карактеристиките на соодветната возраст, можат да бидат индикатори за срцево заболување. Така на пример, брчките на надворешните агли од очите, не покажале никаква поврзаност со зголемен ризик од срцева болест.rnrnИстражување открива: Длабоките бори на челото може да се прв знак за срцева болестrnrnОд друга страна, кај мажите коишто патат од опаѓање на косата, имаат брчки на ушната ресичка и имаат ксантелазма (жолтеникави или црвенкасти дамки на горниот и долниот очен капак, настанати од високи нивоа на холестерол) имало корелација со зголемен ризик од срцеви болести.rn

    Пронајдена е поврзаност помеѓу брчките на челото и зголемениот ризик од смртност

    rnВо нивното моментално истражување, истражувачите тестирале 3.200 возрасни лица, на возраст од 32-62 години, во времетраење од 20 години. Тие заклучиле дека кај луѓето коишто имале брчки на челото, постоел повисок ризик за умирање од срцева болест, отколку кај оние кои немале брчки. Испитаниците коишто имале многу длабоки брчки на челото, дури имале за 10 пати зголемен ризик од смрт, во однос на другите коишто немале брчки.rnrnИстражување открива: Длабоките бори на челото може да се прв знак за срцева болестrn

    „Колку е повисок степенот на збрчканост, толку е поголем ризикот за смртност од кардиоваскуларни болести. Брчките на челото може да бидат показател за атеросклероза“, објаснува Есквирол.

    rnИстражувачите сè уште не знаат на што се должи оваа поврзаност, но се сомневаат дека може да станува збор за атеросклероза, што е една од причините за срцеви напади и други срцеви болести. И покрај тоа што брчките на челото дефинитивно не се безбеден начин за детектирање ризик од кардиоваскуларни заболување, во споредба со постоечките утврдени методи, сепак треба да се имаат предвид и да се користат како ран предупредувачки знак.rn

    „Ова е првпат да се открие поврзаност помеѓу кардиоваскуларните ризици и брчките на челото, па откритијата треба да бидат потврдени во понатамошни истражувања. Како и да е, сега оваа практика на погледнување во челото на пациентите, може да се користи во ординациите на докторите и низ клиниките“, потенцира тој.

    rnПрочитајте и за оваа тајна чувана 8 векови: Чудотворен лек за срцеви тегоби.

  • Карл Јунг објаснува што се случува кога ќе умрете

    Карл Јунг објаснува што се случува кога ќе умрете

    „Смртта е психолошки исто толку важна колку и раѓањето и како таква е неизбежен дел од животот. Како лекар се обидувам да го зајакнам верувањето во бесмртноста, особено кај постарите пациенти кога овие прашања стануваат премногу блиски. Гледано од коректна психолошка перспектива, смртта не е крај, туку цел, а наклонетост на животот кон смртта започнува веднаш штом ќе се помине меридијанот.“ – Карл Јунг

    rnКарл Јунг објаснува што се случува кога ќе умретеrnrnЈунг смета дека додека смртта е на некој начин крај, тaa не е крај за којшто можеме да бидеме целосно сигурни. Како еден од најпознатите психијатри, тој објаснува дека постојат одредени делови од свеста кои не се поврзани со просторот и времето. На пример, можете да имате соништа за иднината.rnrnВо модерната психологија постои големо незнаење за овие факти, но тие сепак демонстрираат дека свеста не зависи од овие ограничувања.rnrnЈунг го поставил прашањето: Ако свеста не е обврзана да живее само во просторот и времето, а очигледно не го прави тоа, тогаш до кој степен е ограничена со просторот и времето по смртта? Ова укажува на продолжување на животот на свеста, некакво психичко постоење надвор од просторот и времето.rnrnНема потреба да верувате во ова, но постои добра причина за претпоставката дека свеста навистина постои и по смртта. Во секој случај, подобро е да живеете очекувајќи ја следната фаза, како да имате векови пред вас полни со истражување и авантури. Алтернативно, стравот од смртта и умирањето пред време е многу полошо.rnrnТокму ова се обидува да го направи нашата потсвест. Сака да живее како да има живот и по смртта. Ова можеби не го прави задгробниот живот реалност, но подобро е да размислувате за вашата подлабока природа. Сигурно вашиот живот ќе биде исполнет со многу повеќе задоволство ако живеете на овој начин.rnrnПогледнете и кои се 4-те фази во животот според Карл Јунг.

  • Срцепарателна приказна: Животните лекции на 24-годишно момче коешто умира од рак, ќе ви ги отворат очите и ќе ве замислат

    Срцепарателна приказна: Животните лекции на 24-годишно момче коешто умира од рак, ќе ви ги отворат очите и ќе ве замислат

    Нашите животи постојано се менуваат. Во еден момент сме здрави и полни со живот, во наредниот веќе може да не сме повеќе дел од овој свет. Едно од најболните искуства во животот е кога ненадејно ќе почине некој член на семејството или близок пријател. Смртта секого го изненадува на многу застрашувачки и изненадувачки начин, особено кога не ни знаеме и очекуваме дека такво нешто може да се случи. Во ваквите ситуации, луѓето најчесто целосно ја менуваат перцепцијата за нештата за кои е навистина важно да се грижат во животот и нештата коишто едноставно се неважни и нè оддалечуваат од живеењето на сегашниот момент на среќа, кој може да е последен.rnrnСрцепарателна приказна: Животните лекции на 24-годишно момче коешто умира од рак, ќе ви ги отворат очите и ќе ве замислатrnrnДали сметате дека е толку важно да се жалите за тоа колку е мизерен вашиот живот во моментов? Веројатно не е.rnrnДали треба да поминете повеќе време со блиските луѓе во вашиот живот? Веројатно, да.rnrnДали треба да го цените секој момент, целосно искусувајќи го ова магично нешто таканаречено живот? Апсолутно!rnrnДоколку ви е потребна мала помош за да ја развиете оваа перспектива на животот, прочитајте ја оваа порака споделена од страна на едно 24-годишно момче, на неговиот профил на Редит коешто е на својата смртна постела. Таа ќе ви помогне да го отворите вашиот ум и ќе ви овозможи да го живеете секој ден од животот, со повеќе значење и цел.rnrn[message_box title= color=”yellow”]rnrnНаскоро, јас ќе си заминам од овој свет засекогаш, но тоа е во ред, сè додека некој го прочита ова:rnrnЈас имам само 24 години, но веќе ја имам одбрано последната вратоврска којашто ќе ја носам во животот. Таа ќе ја облечам по повод мојот погреб, којшто ќе се случува за неколку месеци од денес. Можеби нема да оди совршено во комбинација со мојот костим, но мислам дека е идеална во согласност со приликата.rnrnМојата дијагноза за рак се откри предоцна и не ми овозможи ниту минимална надеж за долг живот. Но од ова искуство, сфатив дека најважната работа во врска со смртта е да си осигурите дека ќе го оставите овој свет малку подобар, отколку што бил пред вашите придонеси. Начинот на којшто го живеев мојот живот досега, самото мое постоење и уште поточно, губењето на мојот живот, нема да направат голема разлика бидејќи јас го живеев мојот живот, без да направам ништо значајно.rnrnВо минатото, имаше толку многу нешта коишто го окупираа мојот ум. Кога дознав колку малку време ми преостанува, ми стана кристално јасно кои нешта се навистина важни. Денес, ви пишувам поради себични причини затоа што сакам да му дадам вредност на мојот живот, со тоа што ќе го споделам со вас она што го сфатив во врска со него:rnrnНе го трошете вашето време на работење работа, во којашто не уживате. Очигледен е фактот дека не можете да успеете во нешто, коешто не ви се допаѓа. Трпението, страста и посветеноста доаѓаат многу лесно, кога го сакате она што го правите.rnrnНавистина е глупаво да се плашите од испробување други опции. Стравот ве прави слаби и ве парализира. Доколку му дозволите да ве надвладее, тој секој ден ќе расте сè повеќе и повеќе и ќе стане толку лошо, што еден ден од вас може да не преостане ништо друго, освен една телесна обвивка. Чујте го вашиот внатрешен глас и водете се според него. Некои луѓе може да ве нарекуваат луди, но други може да мислат дека сте вистинска легенда.rnrnПреземете контрола врз вашиот живот и нештата коишто ви се случуваат. Ограничете ги вашите лоши навики и обидете се да живеете поздрав живот. Пронајдете спорт којшто ќе ве прави среќни. Најбитно од сè, немојте да ги одложувате обврските. Дозволете му на вашиот живот да се обликува во согласност со одлуките што сте ги донеле вие, а не според оние коишто ги направиле другите.rnrnЦенете ги луѓето околу вас. Вашите пријатели и роднини секогаш ќе ви бидат неограничен извор на сила и љубов. Токму поради тоа, никогаш не треба да ги земате здраво за готово.rnrnТешко ми е целосно да ги искажам моите чувства во врска со важноста на овие едноставни сознанија, но се надевам дека ќе послушате некој којшто искусил на своја кожа, колку е времето драгоцено.rnrnНе сум вознемирен, бидејќи сфаќам дека последните денови од мојот живот станаа значајни. Единствено за коешто ми е криво, е што нема да имам можност да видам многу кул ствари коишто наскоро ќе се случуваат, како што се на пример развојот на вештачката интелигенција или следниот неверојатен проект на Илон Маск. Исто така, се надевам дека војните во светот, наскоро ќе завршат.rnrnНие луѓето, толку многу се грижиме за здравјето и интегритетот на нашето тело, што до нашата смрт, не ни забележуваме дека тоа не е ништо повеќе од една кутија, односно парцела на којашто живее нашиот карактер, мисли, верувања и намери во овој свет. Доколку во таа кутија нема ништо коешто може да го промени овој свет, тогаш не е важно ако веќе не постои. Верувам дека во секој од нас има потенцијал, но потребна е голема храброст за тој да се реализира.rnrnВие можете да одберете да „пловите“ низ живот креиран од надворешните околности коишто се случуваат и притоа да пропуштате вистински да живеете во секој ден и час од животот. Наместо тоа, можете да се борите за она во коешто верувате и да напишете одлична приказна од вашиот живот. Се надевам дека ќе го направите вистинскиот избор.rnrnОставете печат во овој свет. Живејте значаен живот, без разлика која е вашата дефиниција за тоа. Движете се во правилната насока за да го реализирате. Местово на коешто живееме е едно прекрасно игралиште, на коешто сè е возможно. Но, сепак нема да бидеме на него вечно. Нашите животи се само една кратка искра во оваа прекрасна планета, којашто се движи со неверојатна брзина, сè додека не стигне до бесконечната темнина на непознатиот универзум. Токму поради тоа, не заборавајте да уживате во вашето време коешто го имате тука, со силна страст. Направете го вашиот привремен престој интересен. Направете вашиот живот да вреди!rnrnВи благодарам!rnrn[/message_box]rnrnСекој од нас е свесен дека времето на оваа планета ни е ограничено. Битното прашање е дали го живеете животот како да е со ограничено време или едноставно безначајно го трошите?rnrnМоже да ве интересираат и најкратките приказни на светот кои ќе допрат до вашето срце.