КАФЕ ПАУЗА

Tag: раскинување

Кои 3 хороскопски знаци ќе стават крај на лошата врска на 15 септември?

Ќе помислите дека ако сте во лоша љубовна врска, заминувањето би било очигледно нешто што треба да се направи, нели? Сепак, често остануваме во врски за кои знаеме дека немаат иднина. А понекогаш причината за тоа може да биде потребата на нашето јас да расте и учи преку такво искуство. Кога ќе заврши ретроградната фаза на Меркур на 15 септември, ќе се разбуди дел од нашиот ум и ќе видиме дека го добивме она што ни требаше досега. Сега е време свесно и храбро да кажеме НЕ. Денеска е денот кога три хороскопски знаци ќе кажат НЕ на „лошата љубов“ и ДА на слободата:rnrnrn

Бик

rnЧувствувате дека вашето срце доживеало секакви тешки удари, но на тој начин ги спознавте и вашите граници. Се обидовте да ги прифатите и да се справите со проблемите, но знаете дека веќе не можете да издржите, а денес ќе почувствувате наплив на самодоверба. Ќе знаете дека е време да кажете НЕ на ситуацијата во која се наоѓате. Да, вие ја преземате одговорноста да бидете таму каде што сте и тоа ви дава моќ да ја промените. Сега сте поголеми од вашите проблеми, а вие сте и господар на вашата судбина. Време е да се оддалечите од негативното и да свртите ново поглавје во животот.rn

Вага

rnИмате впечаток дека штотуку сте се разбудиле од лош сон, бидејќи Меркур оди директно и ви ја освежува меморијата. Се најдовте во врска во која секојдневно се губите себеси. Како партнерот да не ве ни гледа, а вие веќе не сте толку ентузијасти за динамиката на врската и не сакате повеќе да се вложувате себеси и да го жртвувате сопственото време. Затоа, време е да кажете НЕ.rn

Водолија

rnСè уште не сте сигурни како работите завршиле толку мрачно и мизерно. Запознавте нова личност и мислевте дека е интересна. Едно довело до друго, а пред двајцата да знаете, сте биле во врска. Но, кога Меркур ќе ја прекине својата ретроградна фаза, ќе почувствувате потреба еднаш засекогаш да ставите крај. Денес ќе му кажете на партнерот дека сегашните услови повеќе не ви одговараат и дека сега треба да заминете. Следете го своето срце, бидејќи знаете дека тоа е во право.rnrnОткако прочитавте кои 3 хороскопски знаци ќе стават крај на лошата љубовна врска на 15 септември, можеби ќе сакате да прочитате и кои 3 хороскопски знаци ги очекува најголема среќа на љубовен план во септември.rnrnИзвор: sensa.mondo.rs

September 15, 2023
Зошто повторно се враќаат поранешните партнери по раскинувањето?

Долгите разговори со пријателите, непроспиените ноќи и постојаното прашување: „Зошто не успеа?“ – важно е воопшто да не се размислува на овие прашања по раскинувањето. Потоа, следува фазата на закрепнување во која полека учите да живеете без партнерот, да се смеете, да уживате во секој нов ден.rnrnrnrnНо, одеднаш една навечер пристигнува порака или повик од поранешниот партнер. Некои веднаш ќе го прекинат контактот, додека некои одново ќе ги почувствуваат старите пеперутки во стомакот.rnrnПсихолозите веруваат дека во рок од две години по раскинувањето, мнозинството мажи кои самоиницијативно раскинале се обидуваат да го вратат поранешниот партнер. Зошто се случува ова? Постојат неколку причини:rn

1. Разочарување во самечкиот живот

rnПсихата на мажите е подредена поинаку. Тие веќе еднаш го поминале моментот на разделба од жена, и тоа за време на разделбата од мајка си. Откако ќе го преминат прагот на стариот дом, тие размислуваат за нов живот, слобода, без ограничувања. Иднината им изгледа како среќна приказна. Но, реалноста е далеку од фантазија: празен стан, осаменост, празнина. Наскоро мажите почнуваат да се сеќаваат на предностите на заедничкиот живот, а негативните моменти се бришат од нивните сеќавања. Ова обично се случува седум месеци или година и пол по раскинувањето.rn

2. Чувство на поседување

rnДодека вие ја оплакувате вашата изгубена љубов, страдате и мислите само на него, мажот чувствува дека има огромно влијание врз вашиот живот. Но, кога ќе станете независни и ќе научите да бидете среќни, можно е наеднаш да доживее чувство на љубомора. Затоа, по шест месеци или една година, поранешните избраници се обидуваат да ја „испитаат“ ситуацијата, да сфатат дали тие влијаат на вас емотивно. Ако не одговарате на повици и пораки, возбудата само расте. Му се чини дека е заљубен, дека е подготвен да ја врати избраната, но штом таа ќе даде шанса, мажот губи интерес, оставајќи ја девојката повторно со скршено срце.rn

3. Љубов

rnДа, и тоа се случува. Понекогаш, за да ги разберете вашите чувства, треба да изгубите или да бидете на растојание. Честопати ни се допаѓа чувството кое се јавува кога сме во нечија близина, но го сфаќаме само кога сме во сосема поинаква ситуација. Ако парот раскинал, но подоцна успеал да разговара и да ги надмине разликите, тоа значи дека чувствата не исчезнале и дека парот има добра шанса да започне одново и, конечно, да изгради силна врска која не се плаши од криза.rnrnОткако прочитавте за правилото со седум месеци, можеби ќе сакате да прочитате и какво значење имаат соништата со вашиот поранешен партнер.rnrnИзвор: sensa.mondo.rs

August 24, 2023
Кои 3 хороскопски знаци денес ќе им стават крај на своите токсични врски?

Денешниот транзит на Месечината и Плутон ќе донесе повик за будење за 3 хороскопски знаци. Дел од припадниците на овие 3 знаци ќе видат дека нивните партнери се опседнати со контрола, но ќе сфатат и дека не мора повеќе да го трпат тоа. Еве за кои хороскопски знаци станува збор:rnrnrn

Близнаци

rnВо вашата моментална љубовна врска терминот „љубов“ е заменет со „контрола“ и сега се прашувате зошто воопшто сте веќе во врска со оваа личност. За време на денешниот транзит сè ќе ви стане јасно и ќе видите само една алтернатива – раскинување! Сега ќе ја прекинете врската бидејќи конечно гледате дека ништо не се случува освен што се влошува. Која и да е оваа личност, таа сигурно не била таква кога сте ја запознале, а ако сакате да уживате во времето на оваа планета, тогаш тоа ќе го правите во слобода и без насилното инсистирање на партнерот. Кажете им збогум на деновите на контрола.rn

Вага

rnДенешниот транзит ќе ви даде дрскост и решителност да го направите она што треба да се направи, бидејќи во вашето срце знаете дека никој друг нема да ве спаси ако не излезете од оваа врска. Ќе сфатите дека вие сте единствениот херој! Денес смело ќе кажете НЕ на контролата и чувството на инфериорност во однос на партнерот и со насмевка ќе ставите крај на оваа неподнослива ситуација!rn

Јарец

rnОвој ден доаѓа со измешани чувства – жалење и радост! Се каете затоа што чувствувате дека сте изгубиле премногу време чекајќи да се промени личноста во која сте биле во врска и се радувате затоа што конечно ја преземате контролата над вашиот живот. Денес, за прв пат по долго време, чувствувате како ви тече моќ низ вените. Повеќе не прифаќате да ве турнат настрана или да ве понижуваат. Можеби не знаете каде одите, но барем вие одлучувате!rnrnОткако прочитавте кои 3 хороскопски знаци ќе им стават денес крај на токсичните врски, можеби ќе сакате да прочитате и кои се 5-те најчувствителни знаци во Зодијакот.rnrnИзвор: sensa.mondo.rs

August 4, 2023
5 нешта кои ве очекуваат откако ќе ви биде скршено срцето

Иако некои врски завршуваат со само неколку зборови, чувството после раскинувањето може да го опише само оној кому навистина му било скршено срцето. Но, тоа може да ви донесе лекции кои ќе ви бидат корисни во текот на животот:rnrnrn

1. Не постои магичен начин веднаш да престанете да сакате некого

rnДури и ако направиле нешто страшно, нешто што ве прави сигурни дека никогаш повеќе нема да сакате да ги видите, ќе се изненадите кога ќе дознаете дека љубовта што сте ја имале нема тукутака да исчезне. Отпрвин силно ќе го чувствувате нејзиното присуство, а потоа љубовта ќе постане шепот во позадина.rn

2. Ќе се потсетувате секојдневно

rnЌе се потсетувате на личноста секој ден. Ќе ја слушнете вашата заедничка песна и повторно ќе ја почувствувате таа болка. Ќе поминете покрај местото каде што сте имале прв состанок или ќе го слушнете нејзиното име и тоа ќе биде уште еден потсетник за тоа што сте изгубиле.rn

3. Вашите вистински пријатели ќе бидат тука за вас

rnКога ќе ви го скршат срцето, целиот свет ќе ви се преврте наопаку. Работите што порано ви беа забавни веќе нема да ви бидат важни. Вие само ќе сакате да го поминете вашето време обидувајќи се да ги излечите вашите рани. Вистинските пријатели ќе бидат со вас во тешките времиња да ви помогнат и утешат.rn

4. Физичкиот резултат од кршењето на срцето е реален и боли речиси исто колку и вашите емоции

rnФизичките симптоми по раскинувањето се многу реални. Ќе ве болат градите, ќе се чувствувате исцрпени, со главоболка од плачење, а можеби дури и ќе чувствувате општа болка од глава до пети. Во овој период, важно е да се грижите за вашето физичко тело како што е важно да се грижите за емоциите.rn

5. Вашето срце полека ќе заздрави

rnНајголемата лекција од сите, онаа што ќе остане со вас со месеци, години, децении, е неверојатната моќ што ја имате кога станува збор за заздравување на оваа рана. Иако на почетокот ќе ви се чини невозможно, сепак наскоро повторно ќе почнете да се чувствувате себеси. Ќе ги преживеете и овие моменти бидејќи сте силни!rnrnОткако прочитавте за работите што ве очекуваат доколку некој ви го скрши срцето, можеби ќе сакате да прочитате и овие 5 лаги што си ги кажувате по раскинувањето поради кои останувате со скршено срце.rnrnИзвор: sensa.mondo.rs

July 12, 2023
6 негативни мисли кои ве спречуваат да ја раскинете љубовната врска иако партнерот не ве заслужува

Дали некогаш во животот ви се случило да се плашите да раскинете со некого иако сте свесни дека партнерот не ве заслужува? Токму чувството на вина не ви дозволува да го направите тој чекор. Во еден момент сфаќате дека вашиот партнер воопшто не се грижи за вас и за вашата љубовна врска, а вие сте личноста која, всушност, ја одржува врската преку вашето страдање. Не заборавајте дека вие заслужувате да бидете среќни со некој кој ќе биде способен да ве сака и да ви возврати со истата (или речиси иста) доза на љубов. Прочитајте во продолжение кои мисли ве држат „заглавени“ во врска со личноста која не ве заслужува.rnrnrn

1. Не сакате да го повредите партнерот

rnМногупати луѓето остануваат во врска бидејќи нивниот партнер бил многу добар со нив и затоа не сакаат да го повредат. Но, доколку сфатите дека не постојат страст и љубов во вашата врска нема потреба да се чувствувате виновни поради тоа.rn

2. Некогаш ја сакавте таа личност

rnПомислата да ја напуштите личноста која некогаш сте ја сакале или која ве сакала, може да биде навистина болна. Но, не заборавајте дека работите се менуваат со текот на времето, па така и луѓето и ситуациите. Така, партнерот со кој сте биле во врска со години можеби се променил, можеби неговите чувства и однесување кон вас се промениле во меѓувреме. Имајте на ум дека освен љубовта, неопходни елементи за да опстане една врска се почитта и разбирањето.rn

3. Се плашите дека нема да најдете подобра личност

rnСекој го има овој страв во поглед на иднината: „Што ако не најдам подобар партнер? Што ако нема да пронајдам некој кој ќе ме сака?“. Но, дали некогаш сте помислиле дека токму овој страв ве спречува да живеете многу подобар живот од овој сегашниот? Можеби животот се обидува да ви даде уште една можност, а вие ја игнорирате токму поради вашите стравови!rn

4. Уживате во начинот на живот што го споделувате со таа личност

rnМожеби партнерот ви ги обезбедува сите поволности и привилегии што некогаш сте ги посакувале во животот. Но, доколку и на двајцата не ви е пријатно во врската, тогаш која е поентата да продолжите да ја одржувате?rn

5. Немате храброст да се одлучите за иднина полна со неизвесност

rnНикој не ги сака животните неизвесности, но тоа е животот. Затоа, искористете ги можностите кои ви се нудат секој ден и кои сигурно ќе ве однесат кон подобар живот. Пружете си самите себеси шанса за да ризикувате и ќе увидите дека вашиот ризик нема да биде залуден.rn

6. Сметате дека не заслужувате подобро

rnНе казнувајте се себеси со одлуката да останете во врска која ви предизвикува само болка и тага. Не дозволувајте зборовите на другите да ве натераат да се презирате себеси. Само вие знаете со какви предизвици сте се соочиле во животот и премрежињата низ кои сте поминале додека сте биле во оваа врска. Не дозволувајте оваа мисла да ја уништи вашата шанса за подобар живот!rnrnОткако ги прочитавте нашите совети, можеби ќе сакате да прочитате и зошто е тешко да ставите крај на нездравата љубовна врска.rnrnИзвор: themindsjournal.com

September 25, 2022
Совети за полесно справување со раскинувањето

Понекогаш, раскинувањето може да биде навистина болно искуство. Во продолжение прочитајте ги нашите совети за како да закрепнете и да продолжите понатаму.rnrnrn

Преуредете го вашиот простор

rnБидете искрени сами со себе. Колку пати досега сте го погледнале столот на кој вообичаено седел вашиот партнер, или неговото место на каучот, а потоа сте се расплакале. Ова укажува дека е време за промена. Можеби можете да го смените распоредот на просторот или да купите нов мебел. На тој начин ќе се ослободите од енергијата на поранешниот партнер и ќе добиете можност да креирате нов простор со нови спомени.rn

Променете ги навиките

rnМенувањето на вашата рутина е од суштинско значење за полесно пребродување на раскинувањето. Секој од нас има свои навики кои имаме тенденција да ги повторуваме секој ден. Така, голема е веројатноста дека по раскинувањето несвесно ќе продолжите со истите навики кои сте ги споделувале со партнерот, а тоа само ќе придонесе да се чувствувате лошо. Обидете се да ги промените и ќе почувствувате дека резултатите набргу ќе бидат видливи.rn

Работете на вашата самодоверба

rnВреме е да почнете да размислувате и да се движите во нова насока. Сфатете го раскинувањето како нова можност за себе и за своите амбиции. Посветете се на работите кои отсекогаш сте сакале да ги правите, но за кои сте немале време досега. Тоа не само што ќе ви ја зајакне вашата самодоверба туку и ќе ви помогне да сфатите дека нема ништо што не можете да го направите сами – нема потреба да бидете во врска со некого за да успеете или да имате подобар живот.rn

Не губете надеж

rnНајверојатно во моментот не можете да се изборите со мислите од типот: „Никогаш повеќе нема да сакам“ или „Никогаш повеќе нема да бидам сакан/а“. Но, тоа не е точно бидејќи со текот на времето повторно ќе научите како да бидете среќни. Сепак, неопходно е да најдете сила и храброст за да почнете одново, а тоа не е така едноставно. Запомнете дека времето, надежта и љубовта кон себе ќе ви помогнат да закрепнете и да отворите нова страница од животот, полна со нови авантури и искуства.rnrnОткако ги прочитавте нашите совети за како полесно да се справите со раскинувањето, можеби ќе сакате да прочитате и кои 5 книги ќе ви помогнат полесно да го поднесете раскинувањето.rnrnИзвор: themindsjournal.com

May 30, 2022
6 причини зошто треба да ставите крај на секаков контакт со поранешниот партнер

За разлика од порано, раскинувањето во 21 век е многу потежок процес. Тоа се должи токму на социјалните медиуми кои се веќе дел од нашето секојдневие и без кои, сакале или не, не можеме да го замислиме животот. Токму поради овие модерни начини на комуникација, многу луѓе на еден или на друг начин остануваат во контакт со поранешните партнери и по завршувањето на врската.rnrnrnrnСпоред психолозите, постојат 6 причини поради кои важно е да го прекинете контактот со поранешниот партнер откако веќе сте раскинале.rn

1. Ви треба време за да го пребродите раскинувањето

rnТагата, очајот и депресијата се неминовни чувства кои се дел од процесот на раскинување. Тоа е процес кога по интензивните, емотивни настани, почнувате да се соочувате со новата реалност. Овие емоции се логични и очекувани, но со текот на времето ќе избледат, а тогаш можете да го направите првиот чекор кон позитивна промена. Сепак, ова е можно само доколку го прекинете контактот со личноста која е извор на овие екстремни емоции. Доколку го одржите таквиот контакт, силните емоции ќе ве држат врзани за минатото и нема да можете лесно да го заборавите тоа што се случило.rn

2. Треба да го замените сомнежот со доверба

rnПроцесот на раскинување може негативно да се одрази врз вашата самодоверба. Тоа може да доведе до чувството на страв дека ќе останете сами, дека нешто не е во ред со вас. Без разлика колку и да се чини невозможно, морате да почнете од почеток така што ќе се откажете од сето она што ве одржувало во лоша врска и ќе развиете позитивен однос кон нештата. Тоа ќе ви помогне да си ја повратите вашата самодоверба. Најлошото сценарио во овој случај би било да го продолжите навидум невиниот однос со поранешниот партнер за да продолжите скришум да се жалите на тоа што сте доживеале и да се оптоварувате со непотребни мисли.rn

3. Морате одново емотивно да се поврзете со себе

rnДодека сте во врска, партнерот е секогаш во преден план на вашите мисли и така повеќето одлуки ги носите целосно свесни за вашата врска. Затоа, доколку ги елиминирате сите мисли поврзани со партнерот, ќе ги прочистите не само мислите туку и вашите чувства. Токму емоционалната чистотија е она што ви треба пред да одлучите во која насока ќе продолжите по долготрајна врска.rn

4. Не треба да го идеализирате поранешниот партнер

rnНема да можете да сфатите дека сте ѝ дале преголема важност на врската која можеби и воопшто не била здрава за вас токму поради силните емоции кои следат по раскинувањето. Секако, тоа не значи дека поранешната врска не била значајна, но вистината е дека не сите значајни работи се засекогаш неопходни. Доколку го сфатите тоа и навреме прекинете каков било контакт, ќе ви биде полесно да започнете нова, здрава врска во иднина и нема да ја споредувате со она што веќе поминало.rn

5. Еден ден можеби и повторно ќе станете пријатели со поранешниот партнер

rnДури и ако сте во искушение да воспоставите пријателски однос со поранешниот партнер, мора целосно да ја прекинете комуникацијата веднаш по раскинувањето, барем за некое време. Сепак, периодот без комуникација може да биде навистина тежок, особено доколку имате работи кои ве поврзуваат како деца, работа во иста компанија, заеднички пријатели… Во такви случаи препорачливо е да ја сведете комуникацијата на минимум и повторно да воспоставите нормална интеракција само кога ќе бидете емоционално подготвени за тоа, со јасни желби и очекувања.rn

6. Затоа што сакате да бидете подобри отколку што бевте

rnКога ќе ја прекинете врската, имате можност да престанете да бидете личноста каква што бевте кога бевте во врска. Овој емотивно нестабилен период е истовремено и време кога можете да почнете со ново хоби, да негувате нов имиџ и други нешта кои можеби не сте си ги дозволиле во текот на врската.rnrnОткако прочитавте за причините поради кои е важно да ја прекинете комуникацијата со поранешниот партнер, можеби ќе сакате да прочитате и кои 5 книги можат да ви помогнат полесно да го поднесете раскинувањето.rnrnИзвор: citymagazine.danas.rs

November 18, 2021
11 знаци дека влегувате во нова врска премногу рано и што треба да знаете за таквата врска
Раскинувањето е една од најтешките работи за многу луѓе, особено кога станува збор за врски во кои се вложени многу години, труд, љубов, разбирање, енергија и работа. По раскинувањето следува период на закрепнување, што бара време и дополнителен напор за личноста да закрепне и да се врати на вообичаениот начин на живот. Бидејќи сите луѓе се различни, раскинувањата изгледаат различно кај сите луѓе. Ниту едно закрепнување од раскинувањето не е исто и нема временски период во кој закрепнувањето е загарантирано. За некои луѓе, ова трае неколку месеци, додека некои луѓе не можат да влезат во нова врска со години.rnrnrnrnОд друга страна, има луѓе кои премногу брзо влегуваат во нови љубовни врски. Таквиот упад се нарекува преодна врска и се карактеризира со недостаток на емоционална приврзаност кон новиот партнер и нецелосно закрепнување од прекинувањето на претходната врска. Луѓето влегуваат во преодна врска од различни причини. Некој ќе го стори тоа намерно, а некој нема да биде целосно свесен за своите постапки. Некогаш може да се наоѓате во преодна врска од другата страна и подоцна да станете свесни за постапките на вашиот нов партнер.rn

Знаци дека сте во преодна врска

rnБез оглед на тоа дали влеговте во нова врска свесно или несвесно, постојат одредени знаци кои ќе ви го потврдат тоа:rn
- неодамнешно раскинување
- постојано гледање наназад во минатата врска или целосно избегнување на таа тема
- брз напредок, принудување и брзање
- избегнување емотивно отворање и поврзување
- фокусирање исклучиво на секс
- давање измешани сигнали
- барање внимание и прекумерно уживање во вниманието на партнерот
- покажување и фалење со партнерот за колку што е можно повеќе луѓе (вклучувајќи го и поранешниот партнер) да дознаат за вашата нова врска
- избегнувате средба со најблиските, односно со семејството и со пријателите
- избегнувате планирање на иднината со новиот партнер
- краткотрајна врска
rn

Дали преодната врска е здрав и паметен потег?

rnВо некои случаи, може да се случи личноста да не закрепне целосно од раскинувањето и да влезе во врска со нова личност, па да најде среќа во таа врска. Но, додека многу луѓе уживаат во нечие внимание и секс, повеќето експерти велат дека преодната врска е погрешен потег. Во повеќето случаи, личноста која сè уште жали за поранешниот партнер и за врската не може да воспостави здрава и стабилна врска.rnrnСекоја загуба во животот треба да биде прифатена и лекувана така што новиот почеток ќе биде навистина нов почеток, а не бесцелно губење и заплеткување во емоциите. Наместо да брзате во нова врска по раскинувањето, посветете се и работете на себе и одвојте време да закрепнете од сè што ви се случило. Но, ако ви се случи да завршите во преодна врска, не срамете се од тоа или не осудувајте се сами. Понекогаш, преодната врска е исто така начин да сфатите дека сè уште не сте закрепнале и дека тоа е сосема нормално.rnrnПрочитајте кои 8 знаци откриваат дека веќе не сте вљубени во партнерот.
March 24, 2021
5 совети за полесно справување со болно раскинување

Без оглед на причината, раскинувањата се секогаш тешки, а често болни и исцрпувачки. Но, ако причината за раскинувањето е измама или непочитување во каква било форма, станува уште потешко.rnrnТраумите оставени од болни раскинувања се големи и влијаат на секоја последователна врска. Постојат различни стравови, прашања за доверба и несигурности кои можат да наштетат во новата врска. Колку и да сакате нова личност, може да се случи едноставно да не можете да и верувате целосно, а виновникот за тоа е всушност во врската што ја оставивте. Ако ви се случило такво сценарио и ако се повтори во секоја нова врска, треба да знаете дека има решение за тоа. Подолу ви донесуваме неколку совети од експерти.rnrnrn

1. Бидете отворени кога станува збор за вашите емоции

rnПред да направите нешто друго – прифатете ги сопствените емоции и споделете ги со другите. Без оглед колку сте лути, тажни или повредени, игнорирањето на какви било емоции е погрешен чекор. Незгодните раскинувања носат со себе непријатни последици и не треба да бегате од стравот што исто така го носат.rn

2. Нека зараснат раните

rnСо прифаќање на емоциите, вие всушност оставате раните да зараснат. Одвојте онолку време колку што ви треба пред да влезете во односи за кои не сте подготвени. Дури и ако сакате некој, не влегувајте во врска ако не сте подготвени. Бидете искрени со таа личност и одвојте малку повеќе време за себе доколку имате потреба.rn

3. Отворено зборувајте за вашите стравови

rnРазговарајте со луѓето блиски до вас за тоа како се чувствувате и кога ќе пронајдете потенцијален партнер, не плашете се да зборувате за вашите стравови и со нив. Не дозволувајте вашите стравови да ве засрамат и да ве замолчат. Секогаш е подобро да и кажете на новата личност што ви се случило и зошто имате одредени стравови. Ова ќе ја направи врската посилна и постабилна на самиот почеток.rn

4. Поставувајте прашања

rnИзмамените луѓе честопати ги префрлаат сомнежите и стравовите од поранешните врски во нови, дури и кога нема причина за тоа. Ова е сосема нормално и не треба да се срамите од тоа. Но, исто така, не треба да го криете тоа. Ако се сомневате во нешто, само прашајте затоа што давањето претпоставки за себе доведува до уште поголем проблем.rn

5. Не срамете се да одите на терапија

rnАко чувствувате дека вашите чувства и стравови влијаат на вашата нова врска и дека без оглед на чекорите што ги преземате, не можете да бидете сами, не срамете се да одите на терапија. Професионалната помош во такви ситуации е секогаш најдобрата опција.rnrnМожеби ќе сакате да прочитате и за овие 7 навики на паровите кои имаат одличен сексуален живот.

March 10, 2021
Истражувањата покажаа дека можете да предвидите раскинување преку начинот на кој зборуваат луѓето

Зборовите честопати се потценуваат и во многу ситуации не го разбираме влијанието на зборовите врз личноста кон која се упатени.rnrnrnrnЗборовите што ги изговара една личност можат да откријат многу работи за таа личност. Едно неодамнешно истражување покажа дека одредени обрасци во говорот можат да посочат на раскинување со месеци однапред. Научниците кои го спровеле ова истражување проучиле повеќе од еден милион објави на социјалната мрежа Редит, објавени од 6 800 корисници кои изјавиле дека раскинале со своите партнери или дека биле оставени.rnrnАнализирајќи гo начинот на изразување во објавите, истражувачите заклучиле дека луѓето кои поминуваат низ раскинување почнуваат да го менуваат своето однесување три месеци пред самото раскинување. Индикатор за прекин на врската не се тажни песни или трогателни цитати, туку посуптилни знаци во говорот. На пример, луѓето кои ќе поминат низ раскинување за неколку месеци почесто ја користат заменката „јас“ и нивните објави стануваат многу полични.rn

„Ова се јасни знаци дека некој носи одреден товар на размислување, обидувајќи се да го надмине она што го мачи, фокусирајќи се на себе“, вели водачот на истражувањето, Сара Серај.

rnЛуѓето кои се депресивни или тажни, почесто користат „јас“ во своите изјави затоа што им е тешко да се фокусираат на другите и да се поврзат со другите. Овие промени во говорот се евидентни дури и во теми што не се поврзани со љубовниот живот на лицата кои ќе доживеат раскинување за неколку месеци.rnrnИнтересен е фактот што говорот на луѓето кои раскинале се вратил во нормала во рок од шест месеци по прекинувањето на врската. Но, за некои луѓе, промената траела повеќе од една година и тие го покажале тоа преку чести прераскажувања на раскинувањето, а тоа им го отежнувало закрепнувањето.rnrnЗаклучокот на ова истражување, покрај очигледните промени во начинот на изразување и размислување на човекот, е и фактот дека постојаното повторување на она што довело до раскинување не доведува до заздравување ако личноста нема поддршка од најблиските. Исто така, голем број луѓе не се свесни за промените што укажуваат на тоа дека претстои раскинување. Затоа, ако забележите дека вашите најблиски се фокусирани на себе во говорот, помогнете им, разговарајте со нив и бидете тука за нив. Ако забележите такви промени кај себе, отворете се пред најблиските и не срамете се да ги претворите мислите во реченици со кои ќе споделите што ве мачи.rnrnПрочитајте колку време треба да помине по раскинувањето за повторно да бидете во врска.

February 9, 2021