КАФЕ ПАУЗА

Tag: пудра

Како да го избегнете ефектот на испукана пудра на кожата?

Магичните својства на пудрата ги покриваат сите несовршености на вашето лице и ја извлекуваат вашата убавина во преден план. Но, понекогаш се случува пудрата на кожата да не изгледа привлечно, туку повеќе изгледа избраздено и испукано. Во што е проблемот? Клучот за постигнување беспрекорен изглед на пудрата за лице е во добрата основа. Ако лицето не е соодветно подготвено за нанесување пудра, нема да изгледа убаво. Мртвите клетки на кожата кои не се отстранети со пилинг и дехидрираната кожа ја апсорбираат пудрата како сунѓер, а кожата изгледа како сува земја што чека дожд. Во продолжение прочитајте како да го избегнете лошото нанесување пудра.rnrnrn

Темелно чистење на лицето

rnСекојдневната рутина за чистење на лицето е клучна за убава и негувана кожа, без траги на мртва кожа. Експертите препорачуваат чистење на лицето двапати на ден, освен ако немате проблематична кожа склона кон акни. Чистење се препорачува со благи средства на дневна основа, додека еднаш неделно, пожелно е да правите пилинг на лицето.rn

Хидратација на лицето

rnЗа да избегнете сув изглед на лицето по нанесувањето на пудрата, погрижете се да биде соодветно хидрирано. Обрнете посебно внимание на регионот околу очите, усните и челото, кои се највидливи кога станува збор за сувоста. Хидратантните кремови и тоникот треба да бидат вашето тајно оружје за нега на лицето, особено во постудените денови.rn

Користете масло за лице

rnЗа дополнителна борба против проблемот со сува кожа, користете масло за лице. Неколку капки ќе бидат доволни за вашата кожа да биде доволно еластична, негувана и подготвена да нанесете пудра.rn

Нанесете ја пудрата добро

rnКога нанесувате пудра, погрижете се да ја нанесете на секој сантиметар од лицето со малку влажен сунѓер за шминка. Не нанесувајте повеќе слоеви кои несомнено ќе распукаат на вашата кожа порано или подоцна.rn

Отстранете го вишокот пудра

rnАко мислите дека на вашето лице има премногу пудра, нема потреба да се грижите. Едноставно користете сунѓер за шминкање и отстранете го вишокот со нежни потези. Сè што не му е потребно на лицето, не треба ни да биде таму, а особено вишокот пудра.rn

Не нанесувајте многу пудра на деловите на лицето каде што имате брчки

rnНаспроти мислењето на припадничките на понежниот пол дека е потребно да се покријат сите брчки и линии на лицето со пудра, експертите советуваат дека помалку е всушност повеќе. Сите региони на лицето каде што има линии треба да се третираат со нанесување малку пудра.rnrnПрочитајте зошто природните производи за убавина може да направат повеќе штета отколку корист.

December 2, 2020
Не, ова дефинитивно не е тоа што помисливте, а неопходно ѝ е на секоја жена!

Дали сте слушнале за силиконско сунѓерче и знаете ли за што служи? Со оглед на тоа дека многу потсетува на имплантите кои се вградуваат во градите, ни беше интересно да му посветиме повеќе внимание на овој интересен изум.rnrnrnrnДефинитивно нема дилема – иако личи на имплант за гради, дефинитивно не служи за тоа. Неговата намена е сосема поинаква и жените ширум светот се луди за него. Всушност, во прашање е сунѓерче (бјути блендер), кое дамите го користат за изедначување на нијансите на своето лице. Секако, тоа е како бјути блендерите на кои сме навикнати и кои имаат своја цел, но ова сунѓерче е многу побарано и попопуларно ширум светот.rnrnrnrnОсвен тоа што одлично ја размачкува и контурира бојата на пудрата, коректорот и руменилото на вашето лице, неговата најголема корисност се крие во провидноста. Зошто? Поради една причина. Додека го користите, јасно ја гледате бојата која ја добивате со мешањето различни нијанси.rnrnrnrnИсто така, добрата страна на овој производ е тоа што за неговото одржување е потребен минимален труд и можете да го миете буквално после секое користење.rnrnrnrnНе е потребно да внесувате никаков напор, туку само да го ставите под млака вода и лесно да го истриете со течен сапун. Исто така, фрлањето на ваквите козметички производи можете да го сведете на минимум.

December 9, 2016
7 работи кои професионалните шминкери никогаш не ги прават

Професионалните шминкери можат да ни дадат најдобри совети околу тоа како правилно да се шминкаме, но и како правилно да ја чуваме сета козметика. Треба особено да внимаваме кога се во прашање шминките и нивната правилна употреба, затоа што тие директно доаѓаат во контакт со нашата кожа, очите и усните и можат да предизвикаат одредени алергии и нарушување на нашето здравје, но и изглед.rn

1. Тие никогаш не ги чуваат шминките во бања

rnrnrnОва правило има смисла, затоа што бањата можеби е најлошото место за чување на вашата шминка. Постојаната влага од тушот навлегува во козметиката и ја разорува нејзината формула. Исто така, таа е добра основа за развој на бактерии. Затоа, доколку ја чувате шминката во бањата, преместете ја на некое суво и темно место во вашата спална соба, во некој шкаф или фиока.rn

2. Не нанесуваат течна пудра на дланката при избор на нијанса

rnrnrnОва е една грешка што ја прават поголемиот дел од жените. Дланката не може да биде вистинската подлога при изборот на најсоодветната пудра за тенот на вашето лице, затоа што дланките се за една до две нијанси потемни од вашето лице. За да изберете најдобра нијанса, нанесете од течната пудра во делот на вашата брада. Така ќе ја пронајдете најидеалната нијанса за вашето лице и за вашиот врат.rn

3. Никогаш не користат само еден коректор

rnrnrnПрофесионалните шминкери користат најмалку два коректори – еден за делот под очите и останатиот за другите делови по лицето. За делот под очите, потребен ви е коректор кој е за една до две нијанси посветол од вашата кожа, за да ги покрие и темните подочници. За останатиот дел, би требало да изберете коректор во речиси идентична нијанса како и кожата на лицето за да ги покрие дамките и несаканите акни, а притоа да не изгледа многу нападно.rn

4. Никогаш не користат многу пудра за лице

rnrnrnДоколку пудрата во прав се користи на правилен начин, таа знае да внесе магија во шминката и вашето лице да го направи беспрекорно кристално и чисто. Оваа пудра ја фиксира шминката и таа трае подолго. Пудрата дава еден мат изглед на лицето и ги покрива мрсните делови, кои сјаат и не изгледаат баш уредно. Но, доколку се претера со нејзиното нанесување може да има сосема спротивен ефект. Премногу пудра може да ги нагласи вашите брчки и да ви даде многу постар изглед. Затоа, нанесувајте ја сосема умерено и тоа најчесто во делот на челото, носот и брадата.rn

5. Користат многу малку руменило за образи

rnrnrnПрофесионалните шминкери нанесуваат руменило само со еден до два потега во делот околу јаболкниците. Секое претерување со руменилото може да доведе до неприроден изглед и да ја уништи шминката и трудот што претходно сте го вложиле.rn

6. Користат многу малку туш и моливче за очи

rnrnrnТие знаат дека дискретно нанесените туш или моливче за очи, кои следат една убава линија, можат да направат вашите очи да изгледаат поголеми и посјајни. Доколку ги комбинирате со вистинските нијанси на сенки за очи, тогаш ќе добиете прекрасен изглед.rn

7. Не користат водоотпорна маскара секој ден

rnrnrnСекојдневното користење на водоотпорна маскара може да ги оштети вашите трепки, да ги направи кршливи и оштетени. Затоа користете ваков вид маскара само во одредени прилики, кога знаете дека би биле во допир со вода, кога надвор е врнежливо или во ситуации кога повеќе би сте се потеле.

August 15, 2016
5 грешки кои ги прават невестите кога е во прашање шминката

Време е за ударната сезона на венчавки и со самото тоа радосен период за многубројни идни невести. Меѓутоа, додека венчаницата и чевлите се испробуваат и купуваат месеци однапред, без оглед на пробното шминкање, сè до последен момент нешто може да тргне на лошо. Сетете се само на многубројните фотографии на кои невестата изгледа чудно, премногу нашминкано, постаро или пак на вратот ѝ се познава портокалов премин од пудрата, а на образите гордо сјаат две крукчиња руменило… За жал, многу шминкери мислат дека свадбениот изглед мора да вклучува тешка шминка, но вие слушајте го вашето лице и своето огледало и обидете се да ги избегнете овие класични грешки.rnrnrn

1. Заборавете на „кречот“

rn„Шминката мора да стои цела ноќ“, честопати кажуваат шминкерите и ставаат тонови пудра на лицето на кутрите невести. Ако вие сакате да нанесувате многу пудра, тогаш е во ред, во спротивно ве советуваме да пронајдете добра пудра која ќе го изедначи тенот и ќе ја матира кожата, но нема да се топи, размачкува, ниту да се впикува во брчките и на тој начин да ви додаде плус 5 години.rn

2. Пудра околу очите

rnКога ќе се насмеете (а ќе се смеете многу), на сите фотографии ќе ви се забележуваат брчките околу очите доколку ги намачкате со дебел слој пудра. За подочниците нека биде заслужен кремастиот коректор, а малку хајлајтер на врвот од јаболкниците ќе ја одбива светлината и на тој начин ќе ги направите брчките невидливи.rn

3. Предолги трепки

rnАко имате ситни очи, дали мислите дека ви се потребни најдолгите вештачки трепки? Огромните пластични трепки на сите изгледаат смешно и го одвраќаат погледот од очите и убавите црти на лицето. Изберете природни вештачки трепки кои само ќе ги потполнат вашите и ќе им дадат на должина, без никој да го забележи тоа.rnrnrn

4. Премногу оцртани усни

rnСите знаеме дека тоа го прави Кајли Џенер, а и многубројните Јутјуберки. Сепак, вас ќе ве гледаат стотина луѓе одблизу цел ден и цела ноќ, па цртата која ќе излегува од работ на усните ќе изгледа само смешно.rn

5. Претерување со руменилото

rn„Невестата мора да изгледа свежо“, е уште една популарна реченица на професионалните шминкери. Се сложуваме, но тоа не значи дека на образите треба да натрупате премногу розово или портокалово руменило, или уште полошо, темен бронзер. Запомнете го ова правило – руменилото не треба да биде првата работа што ќе „падне“ во очи кога некој ќе ве погледне.rnrn

June 22, 2016
Одличен трик за убавина: Како вашиот коректор да трае цел ден?

На секоја жена најважно ѝ е нејзиното лице да изгледа одморено и свежо. Во ситуациите кога тоа е невозможно да биде природно и без козметички производи, тогаш посегнуваме по шминката и се разубавуваме со нанесување пудра и коректор.rnrnНо, понекогаш самото нанесување од овие мејкап производи не е доволно, бидејќи после кратко време се бришат или едноставно се топат од лицето. Секако, никој не сака после час или два да изгледа уморно и како да не поминал половина час шминкајќи се и покривајќи ги темните кругови под очите.rnrnrnrnПричините поради кој коректорот се брише од лицето после неколку часа може да бидат најразлични и зависат од неколку фактори: годишното време и временските услови, квалитетот на производот кој го нанесувате, но и начинот на кој го нанесувате коректорот. Понекогаш навистина не е доволно само да ја намачкате смесата под очите и да помислите дека тоа е тоа и дека ќе трае цел ден. Па, да започнеме по ред.rnrnГодишното време и временските услови влијаат на тој начин што во текот на зимата кожата може да се исуши и после некое време коректорот се собира во ситните брчки под очите. Сигурно сте забележале како после неколку часа брчките ви стануваат видливи, бидејќи се потполнети со коректор. Освен тоа што изгледа малку неуредно, на овој начин коректорот се брише, бидејќи оној дел кој треба да ги покрие подочниците, всушност ги пополнува брчките. Во лето, кога температурите се високи, а бидејќи подлогата и коректорот се во течна форма, поголемиот дел се стопува и после неколку часа повторно останувате со темните кругови кои прават да изгледате уморно.rnrnЗа квалитетот на производот не треба многу да се зборува, тоа го сфаќате и самите и знаете кој најдобро ви одговара.rnrnКога е во прашање нанесувањето на коректорот, тука веднаш ви го откриваме малиот трик кој ќе овозможи вашето лице во текот на целиот ден да изгледа одморено и свежо и на кој временските прилики, па ниту лошиот квалитет на производот не му можат ништо. Кога еднаш ќе научите на овој начин да го нанесувате коректорот и кога после цел ден ќе ги погледнете резултатите, секогаш ќе ја применувате оваа техника.rnrnrnrnЗа почеток потребни ви се коректор и транспарентна пудра – пудра во прав во бела боја, која служи за фиксирање на шминката. Ова е главниот козметички производ кој ни овозможува коректорот да остане постојан во текот на целиот ден. Можете да ја најдете во секоја парфимерија.rnrnНајважно е, пред да започнете, добро да ја хидрирате кожата, а особено пределот околу очите. После десетина минути кога кожата ќе ја впие хранливата крема, можете да започнете со нанесување на коректорот за коригирање на недостатоците во пределот на подочниците – некој има темни, некои сиви, некои црвени – нанесете го во вид на точки, а потоа тапкајте го со прстите.rnrnПосле тоа нанесете коректор во посветла нијанса од вашата кожа, доколку го нанесувате наутро, а малку потемен, поточно приближно како вашата боја на кожа доколку нанесувате вечерна шминка.rnrnrnrnСледно, нанесете мала доза транспарентна пудра, која ја разнесувате по соодветните области со четка и тоа на начин да го прекрие целото подрачје под очите. Почекајте неколку минути за кожата да ја впие пудрата и потоа благо размачкајте ја по лицето.rnrnНа крај напрскајте фиксатор во спреј на целото лице за да ја фиксирате целата шминка.

April 5, 2016
Како правилно да ги користите сунѓерчињата за шминка?

Во последно време премногу се зборува за сунѓерчињата за лице и тоа не е случајно. Постои причина зошто ги гледате во секое мејкап видео на Јутјуб, но зошто и сите мејкап артисти ги користат. За некои од нас, тие можат да делува комплицирано, во што има вистина, па затоа и се придржуваме до веќе познатите четки кои доаѓаат во различни големини и облици. Навистина, четките се незаменливи и никогаш нема да престанеме да ги сакаме и користиме. Но, сунѓерчињата имаат своја цел, која на некој начин е незаменлива. Ако веќе се одлучивте да купите сунѓерче за шминка, еве како да го одржувате и да се грижите за него, за тоа да ви трае што подолго.rnrnrn

1. Користете го вашето сунѓерче мокро

rnПред секое употребување задолжително намокрете го вашето сунѓерче! Ставете го под млаз вода и оставете го да се натопи. Потоа исцедете го за да биде влажно. На тој начин, подеднакво ќе ја нанесете течната пудра и со тоа ќе ги избегнете трагите кои би останале доколку е суво. Исто така, завршницата на пудрата ќе биде полесна и повеќе хидрирана.rn

2. Измијте го сунѓерчето после секое користење

rnПознатите шминкери предлагаат благо перење на сунѓерчето после секое користење, а еднаш неделно е потребно длабинско перење. Немојте премногу да размислувате како треба, бидејќи обичниот сапун за раце е одличен за тоа! Доколку е премногу валкано, можете да го оставите да отстои преку ноќ во вода со сапун. Немојте премногу да го стискате додека го перете, особено ако имате нокти, бидејќи можете да го оштетите. Затоа, стискајте го само помеѓу дланките.rn

3. Внимавајте да се исуши убаво

rnДоколку планирате вашето сунѓерче да го спакувате во несесер и да го носите со себе, морате да бидете сигурни дека е потполно исушено. Ако се случи да остане подолго време затворено и влажно, може да фати мувла, а тоа не е добро за вас и вашата кожа.rnrnrn

4. Немојте да го ставате во микробранова печка

rnАко сте читале малку повеќе за одржувањето на сунѓерчињата, сигурно сте виделе дека некои предлагаат да го ставате во микробранова печка, за да го исчистите од бактериите. Тоа немојте воопшто да го правите. Вистина е дека топлината ги убива микроорганизмите, но овие сунѓерчиња се чувствителни на топлина и можете да предизвикате контра ефект.rn

5. Го имате сунѓерчето премногу долго?

rnПо некое непишано правило, сунѓерчето треба да се менува на секои 3 месеци. Доколку го чувате подолго од тоа време, ќе започне да ги губи своите својства и ќе започне да се кине. Затоа, настојувајте да го менувате почесто.rnrnКога зборуваме за цената на сунѓерчињата, тие варираат од доста евтини до премногу скапи. Избирајте ги спрема вашиот буџет, но во секој ранг може да се најдат добри и лоши. Среќно со користењето и се надеваме дека дознавте нешто повеќе.

February 12, 2016
Добро е да се знае: 4 безвремени лекции за шминкањето

Иако за многумина од нас шминкањето претставува секојдневна рутина, сепак понекогаш ги занемаруваме некои од основните правила кои имаат големо влијание врз нашиот целосен изглед и впечатокот кој го оставаме на другите. Затоа треба да се држиме до некои правила кои ќе ни овозможат правилна употреба на нашата шминка.rnrnrnrnОва се 4-те основни правила за нанесување шминка, според мислењата на експертите:rn

1. Подлога

rnrnrnБазата никогаш не треба да се нанесува директно на кожата. Неа секогаш треба да ѝ претходи хранлив серум или хидратантна крема.rn

2. Нијанса на пудра

rnrnrnНијансата на пудра која одговара на вашиот тен не се бира на тој начин што ќе ја проверите на дланките, туку така што ќе нанесете мала количина под брадата и ќе размачкате малку на вратот. Совршената нијанса е онаа која се поклопува со природниот тен.rn

3. Коректор

rnrnrnНесовршеностите не треба да се покриваат со огромни количини на пудри. За тоа служи коректорот. Само така вашето лице може да изгледа здраво и убаво, а тенот изедначен.rn

4. Руменило

rnrnrnРуменилото секогаш се нанесува на највисокиот дел на јаболкниците, а после тоа со кружни движења со четка се разнесува од страната кон ушите.

January 13, 2016
Пудрата во прав ги истакнува брчките: Погледнете како да ја избегнете оваа грешка

Со текот на годините, начинот на шминкање треба да се менува. Наместо да користите јака шминка, таа треба да биде понежна и поблага. Најчестата грешка која ја правите, со цел да ги сокриете брчките, е претераното користење на пудра во прав или камена пудра.rnrnrnrnЖените често мислат дека со поголема количина пудра во прав или камена пудра ќе ги прикријат недостатоците и тоа навистина изгледа така во моментот кога ќе завршите со шминкањето. Меѓутоа, еден дел од шминката се впива, а другиот се топи, па пудрата во прав се вовлекува во брчките и вдлабнатините. Така, дури и оние ситни и невидливи брчки, ќе станат видливи, како исцртани на лицето, и наместо да ги сокриете, вие всушност ги истакнувате, а лицето ви изгледа постаро и без свежина.rnrnШминкерите советуваат дека за да се прикријат брчките најдобро е да се користи кремаста течна пудра, а пудрата во прав или камената пудра да се користи во минимални количини и никако да не се нанесува на делот под очите.rnrnrnrnДоколку вашата кожа е масна, треба да користите течна пудра со мат ефект, а пудрата во прав да ја нанесете за да го прекриете сјајот кој се појавува на носот и брадата, но во многу тенок слој. Исто така, поправањето на шминката на овој начин не се препорачува повеќе од два пати во текот на денот.

December 16, 2015
Супер мејкап совети за црнокоси и бринети

Поголемиот дел од жените се шминкаат рутински и веќе напамет ги знаат потезите и нијансите што ќе ги нанесат на нивното лице. Па така, тие можат да се нашминкаат дури и со затворени очи. Главно шминката секојдневно е иста, но се менува во погламурозна за некој посвечен настан како што е венчавка, роденден или пак некој друг вид прослава. Вашата боја на коса е нешто што ја опишува вашата личност, но имајте на ум дека шминката исто така треба да ја прилагодите според неа. Црнките и бринетите се послободни во експериментирањето со шминка за разлика од црвенокосите и русокосите. Ако имате потемна боја на коса, тогаш изберете шминка која ќе ве направи да изгледате посекси, но и која ќе ја промени вашата рутина во шминкањето.rnrnrn

1. Избор на сенка за очи

rnНајдобра шминка за бринетите е онаа во природни бои. Ако имате тен во боја на праска, тогаш користете кремасти, светли сенки во природни нијанси. За дневни излегувања избирајте беж боја, додека за вечерни – темно кафеава, а се препорачува жените со црна коса додатно да ги истакнат очите со ајлајнер. Црната маскара, исто така, додатно ќе ги истакне очите во комбинација со оваа шминка.rnrnrn

2. Кармин во светли бои

rnЖените со темна боја на коса ќе ги истакнатат усните со одбран кармин во нежно розова боја. Ако се одлучите за минимум шминка на лицето, доволно ќе ви бидат маскара и црвен кармин и секси изгледот е тука. Коралната боја на усни убаво изгледа на кафеавите очи и кафеава коса.rnrnrn

3. Пудра за лице

rnКога е изборот на идеална пудра во прашање, најважна работа е да ја изберете онаа која е совршена за вашиот тип на кожа. Нијансата која совршено одговара со нијансата на вратот и лицето е совршен избор, но ако имате потемна коса, тогаш можете да изберете и малку потемни нијанси. Но, никако не го боете лицето со премногу темна пудра, бидејќи на тој начин тоа ќе се совпадне со бојата на вашата коса.rnrnrn

4. Руменило

rnИдеално руменило за бринетите е светло розовото или пак пастелно црвеното. Но, исто така, може да користите бронзер кој ќе му даде дополнителна свежина на вашето лице. Можете да користите и кафеави нијанси на руменило. Во несесерот е пожелно да имате руменило во боја на килибар, цимет и ќерамида.rnrn

October 12, 2015
Со помош на овие мејкап трикови вашите брчки ќе бидат помалку видливи

Добрата рутина за разубавување и здравата исхрана може да направат чуда за вашата кожа, но што може да направите за да изгледате помладо во истиот момент? Не ви е потребна никаква пластична операција, бидејќи постојат едноставни трикови кои ќе направат вашите брчки да бидат помалку видливи, а вие ќе изгледате помладо за само една минута. Ова се мејкап триковите кои ќе ви го овозможат тоа.rnrnrn

1. Нанесете прајмер

rnПримената на прајмерот пред нанесување на пудрата за основа е секогаш добра идеја. Прајмерот има свиленкаста текстура и го подобрува вашиот тен, но исто така ги прекрива сите брчки. Ќе изгледате помладо за само една минута.rn

2. Помалку пудра

rnМногу е важно да користите помалку пудра, колку сте постари. Таа ќе ги нагласи вашите брчки наместо да ги прикрие. Заменете ги обичните и тешки пудри со ББ крема.rnrnrn

3. Внимавајте на пределот околу очите

rnАко сакате да изгледате помладо и до 10 години, мора да посветите посебно внимание на пределот околу очите. Брчките во овој предел најчесто се предизвикани од дехидрација на кожата. За да ги прикриете брчките околу очите, мора да применувате хидратантна крема, а потоа кремаст коректор. Избегнувајте да користите основа во овој предел.rn

4. Високо коњско опавче

rnОвој едноставен трик функционира како инстантен лифтинг и веднаш ќе ги направи вашите брчки помалку видливи.rn

5. Хајлајтер

rnВашиот хајлајтер може да стане вашиот најдобар пријател. Нанесете малку хајлајтер над и под образите. Овој трик ќе ви помогне да изгледате помлади и посвежи.

August 6, 2015