КАФЕ ПАУЗА

Tag: психологија

  • Стареењето можеби и не е толку лошо

    Стареењето можеби и не е толку лошо

    Насекаде низ светот владее мислењето дека постарите луѓе се тажни и непривлечни личности кои се чувствуваат осамено и финансиски ограничено. Но, изгледа дека токму овие постари луѓе не се чувствуваат ни приближно толку лошо колку што мислат помладите… Стареењето можеби и не е толку лошо...Истражувањето спроведено од Институтот за јавно мислење од Њујорк открило интересни факти за 5-те најпознати митови за стареењето:rnrn1. Постарите луѓе се тажни. Всушност, младите се потажни. Само околу 29% од младите на 18-30 години се опишале себеси како „многу среќни“, во споредба со 44% од луѓето над 65 години.rnrn2. Постарите луѓе мразат како изгледаат. Кога луѓето над 65 години биле запрашани што ги загрижува најмногу, 82% од нив одговориле дека тоа е губењето на меморијата, а само 11% биле загрижени за губењето на нивниот изглед.rnrn3. Постарите луѓе се сиромашни. Вистината е дека тие ниту се чувствуваат сиромашно, ниту пак имаат голем проблем со финансиите. Само 15% од оние над 65 години изјавиле дека одвреме-навреме им е потребна финансиска помош.rnrn4. Постарите луѓе не се во тек со технологијата. И покрај тоа што сите ние сметаме дека мал број од луѓето над 65 години можат да ја следат технологијата, само 15% од испитаниците се согласуваат со ова тврдење.rnrn5. Постарите луѓе се осамени. И покрај тоа што околу 37% од луѓето веруваат дека осаменоста ќе им биде проблем во староста, само 5% од оние над 65 изјавиле дека е.rnrnРоџер Баугарт, извршниот директор на „Home Instead“ изјавил дека неговата компанија побарала реализирање на оваа анкета за да може да се направи разлика помеѓу митовите и реалноста за она што значи да се биде постар во денешно време.rn
    rn

    „Мора да постои пореалистичен поглед кон стареењето, бидејќи популацијата на постарите се зголеми од 800 милиони на 2 милијарди луѓе во последниве 30-тина година“, изјави тој.

    rnОва се дефинитивно добри вести за сите оние кои се плашат од животот по 60-тата година…rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

  • Погрешните лекции од книгите за самопомош

    Погрешните лекции од книгите за самопомош

    Потрагата по лична среќа и душевен мир ги тера луѓето да посегнат по најразлични извори на знаење кои можат да им помогнат да се снајдат во борбата со секојдневните предизвици, а во таквиот амбиент расте популарноста на т.н. популарна психологија и книгите за самопомош.rnrnНекои од нив навистина имаат што да понудат, даваат одлични совети и можат да ја сменат перцепцијата на работите, но се продаваат и такви кои ветуваат чуда иако не се научно издржани и само го залажуваат читателот давајќи му ирационален оптимизам и краткотрајно залечување на раните.Погрешните лекции од книгите за самопомошСогледувајќи ја ваквата состојба, психологот Алис Бојс замолила четворица нејзини колеги да издвојат по нешто од таквите книги со кое не се сложуваат. Еве како тие, според сопственото практично искуство, коментираат некои нешта кои се среќаваат таму.rn
    rn

    Визуелизација на успехот

    rnВо некои книги за самопомош ќе прочитате дека сликовитото замислување на моментот на остварувањето на вашата цел ќе ви помогне што побрзо да стигнете до неа. Скот МекГрил не се сложува со тоа и советува да се замислува само процесот на нејзиното остварување.rn
    rn

    „Истражувањата откриваат дека замислувањето дека веќе сте ја постигнале целта го намалува мотивот да работите во таа насока, затоа што кога ќе почувствувате дека веќе сте направиле нешто, нормално е потоа да почувствувате и дека нема веќе што да се направи. Од друга страна, замислувањето на процесот кој води до целта може да го засили мотивот,“ вели тој.

    rn

    Лично унапредување

    rnСпоред Гај Винч медиумите и книгите погрешно ги интерпретираат личното унапредување и самосвеста како чувство. Тој тврди дека тоа не се чувствува, туку се однесува на нашето влијание на луѓето околу нас.rn
    rn

    „Истражувањата покажуваат дека вистинското лично унапредување е процес на преземање дејства кои даваат резултати во реалниот живот,“ вели тој.

    rn

    Спремност за промени

    rnМајкл Формика забележал дека дел од овие книги содржат тврдење дека промените во животот се случуваат тогаш кога сме подготвени за нив. Според неговото 20-годишно искуство, ние не решаваме за случувањето на промените, туку тие се случуваат кога околностите тоа ќе го дозволат и ќе нè натераат на нив.rn
    rn

    „Сфатив дека подготвеноста, односно клучниот момент за промена, често се случува кога последиците од нашето однесување се со поголема тежина од вредноста на тоа однесување за нас самите. Со други зборови, кога она што сме го вложиле (последиците) станува поголемо од она што го добиваме за возврат (вредноста), околностите нè тераат да смениме нешто кај нас,“ вели д-р Формика.

    rn

    Моќта на позитивното размислување

    rnПсихолозите тврдат дека позитивното размислување може да донесе одредени бенефити при справувањето со одредени ситуации. Но, постојат автори кои тоа го преувеличуваат, па дури тврдат дека позитивното размислување има моќ да лечи болести, без тоа научно да го образложат.rn
    rn

    „Позитивното размислување може да помогне, но кога не ја зема предвид ситуацијата во која личноста се наоѓа може да наштети. Сум видела каква штета им нанесува на хронично болните. Кога ним постојано им се кажува дека треба само да мислат позитивно и ќе им биде подобро, тие се обвинуваат себеси затоа што тоа не се случува. Тоа го сфаќам како тиранија на позитивното размислување,“ вели психологот Тони Бернхард.

    rnТаа советува во таквите ситуации мирот да се бара преку сочувство кон самиот себе, односно прифаќање на работите такви какви што се со помислата дека е направено сè што можело да се направи.rn
    rn

    Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

  • Дизајнирајте визит карта со помош на психологијата

    Дизајнирајте визит карта со помош на психологијата

    Кога дизајнирате визит карта, изборот на естетските елементи има многу поголемо влијание од едноставно разубавување на самата картичка. На пример, просторот помеѓу зборовите и боите можат да привлечат позитивно внимание кон вашиот бренд доколку знаете како правилно да ги искористите.rnrnДизајнирајте визит карта со помош на психологијатаrn

    Простор

    rnВнимавајте на просторот помеѓу буквите, зборовите и помеѓу редовите. Соодветниот празен простор му овозможува на читателот побрзо да ги обработува информациите.rnrnСовет: Погрижете се висината на празниот простор помеѓу редовите да биде поголема од висината на буквите.rnrn

    Типографија

    rnОдлучете дали сакате да употребувате sans-serif или serif фонтови. Sans-serif обично се употребува за заглавја, додека пак другиот вид се поефикасни за останатиот текст.rnrnСовет: Не правете комбинација од различни фонтови од ист тип (на пример, Verdana + Tahoma) во текстот бидејќи ќе остави непрофесионален впечаток.rnrn

    Избор на фонт

    rnВерувајте, изборот на фонтот игра огромна улога. Секој фонт има посебна улога и пренесува различно значење. Некои фонтови на пример, се посоодветни за визит карта од областа на бизнис со чоколади и други видови слатки, додека пак истиот тој фонт воопшто не би изгледал добро на визит карта за личност која е вработена во банка.rnrnСовет: Со фонтот што ќе го одберете, искуцајте ги зборовите кои сметате дека го опишуваат. Ако изгледа како да се совпаѓаат со карактерот на фонтот, тогаш отприлика ќе знаете какво влијание ќе има врз оние кои го читаат.rnrn

    Празен простор

    rnПразниот простор е еден од клучните елементи при дизајнирање на визит картата. Ако имате премногу информации и премалку празен простор, читателот нема да знае на каде да се насочи и да го идентификува она што е најважно…rnrnСовет: Оставањето повеќе празен простор се смета за софистицираност, додека пак визит карта која е пренатрупана со текст може да делува евтино. Употребете многу празен простор за да го истакнете дизајнот на визи картата и да им овозможите на луѓето веднаш да ги лоцираат најважните информации на неа.rnrn

    Бои

    rnБоите можат да ја истакнат вашата визит карта, но исто така можат да пренесат и скриена, емоционална порака. На пример, црвената боја се интерпретира како љубов, енергија и опасност. Жолтата како интелигенција, внимателност и плашливост. А сината пак, како смиреност, самодоверба и искреност.rnrnСовет: И покрај тоа што одредени бои сугерираат одредени значења, сепак тоа не значи дека во вашиот случај не можете да го смените значењето на бојата што ќе ја одберете. Размислете зошто ви се допаѓаат одредени бои и какво значење би можеле да имаат тие за читателите.rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Како да ги победите лошите навики во 3 чекори?

    Како да ги победите лошите навики во 3 чекори?

    Дали имате некоја навика која се обидувате веќе долго време да ја победите, но всушност таа ве победува вас? Без разлика колку се трудите, едноставно продолжувате да го правите истото? rnrnКако да ги победите лошите навики во 3 чекориrnrnНавиките многу лесно се учат. Некогаш доволно е нешто да направите само еднаш и ако се почувствувате убаво ќе продолжите истото да го повторувате, па нема ни да забележите кога веќе го правите тоа без размислување. Но, истата таа навика која била толку лесна за учење, може да биде скоро невозможна за прекинување. Пробувате да престанете, но не ви успева и затоа се откажувате. Потоа пробувате со нешто друго, но и тоа не ви успева и пак се откажувате. На тој начин влегувате во бескраен круг сè додека не се убедите себеси дека навиката е едноставно посилна од вас. rnrnНо, ова не мора да биде вашата приказна. Вие сте посилни од вашата навика. И доколку ги следите наредниве 3 едноставни чекори, за многу кратко време ќе го докажете тоа…rnrn

    Чекор 1 – Откријте за каква цел ви служи

    rnПред да можете успешно да ја победите вашата лоша навика, мора да сфатите што всушност добивате вие од неа. На пример, ако сте пушач, зошто пушите? Дали тоа ве смирува? Дали на тој начин се ослободувате од стресот и ја намалувате вашата анксиозност? Дали ви помага побрзо да ви помине времето? Која е вашата корист од неа? rnrnКако да ги победите лошите навики во 3 чекориrnrnИсто така, за да можете да разберете зошто вашата навика толку ве привлекува, мора да откриете што ја предизвикува. Дали се појавува при одредени емоции или ситуации? На пример, кога се случува да ги грицкате вашите нокти? Дали кога се чувствувате непријатно или кога ви е здодевно? Ова е важно бидејќи морате прво да дознаете зошто нешто правите, а потоа да направите план за да го промените.rnrn

    Чекор 2 – Смислете алтернативни, позитивни однесувања

    rnНекои луѓе можат многу лесно да сопрат негативно однесување, доколку тие самите така одлучат. Но, за други пак тоа е екстремно тешко, скоро невозможно. Па, откако ќе сфатите зошто вашите однесувања се толку неодоливи, мора да најдете алтернативни, позитивни однесувања кои ќе ја имаат истата улога. rnrnКако да ги победите лошите навики во 3 чекориrnrnНа пример, да замислиме дека вашата лоша навика е јадење пуканки секоја вечер додека гледате телевизија. И можеби го правите тоа зашто едноставно не можете само мирно да седите додека ги гледате вашите омилени ТВ серии и по долги години пракса, веќе не можете да прекинете без да се чувствувате нервозно. Пробајте да го замените ова однесување со нешто слично, но сепак поинакво. Најдете друг начин да ги „забавувате“ вашите раце, како на пример, да ги лакирате ноктите. Или пак, легнете на подот и правете склекови или стомачни. Така на позитивен начин ќе ја задоволите вашата потреба да правите нешто додека гледате телевизија.rnrn

    Чекор 3 – Забележувајте го вашиот напредок

    rnКога се обидувате да смените однесување кое траело со години, многу лесно може да се почувствувате како да удирате со глава во ѕид. Вие сте свесни за вашата лоша навика и ви изгледа како сега да сте повклучени во неа отколку кога не се обидувавте да ја промените. Поради тоа е многу важно да го бележите вашиот напредок. Како? Запишувајте секојпат кога успешно ќе ја надминете потребата да се вратите назад на лошата навика.rnrnКако да ги победите лошите навики во 3 чекориrnrnНе можете да смените нешто за коешто не сте свесни, нели? Со забележувањето на активностите, вие привлекувате внимание кон нив. Исто така ако следите сè што се случува, можеби ќе наидете на емоции кои не сте ни биле свесни дека го повикуваат вашето негативно однесување. И како најважно, кога се обидувате да победите некоја лоша навика можете да се навратите кон неа со размислувањето дека немате напредок. Но, ако имате запис за вашата борба, ќе сфатите дека секој ден сè повеќе и повеќе преовладувате над неа.rnrnПонекогаш потребно е да обрнете повеќе внимание на патот по кој моментално патувате, отколку на оној кој допрва ве чека…rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Моќта на прошетката

    Моќта на прошетката

    Понекогаш, она што навистина ви е потребно за да ги решите вашите проблеми е кратка и мирна прошетка. Дали некогаш сте забележале дека додека вашиот мозок се бори со нешто вие чувствувате само зголемување на стресот? Но, кога ќе одлучите да излезете на чист воздух, на 20-минутна прошетка во парк, на плажа или околу градот и кога ќе се вратите назад кај изворот на проблемот се чувствувате необјасниво смирено?rnrnМоќта на прошеткатаrnrnТоа е моќта на прошетката, на едноставното одење и сè повеќе и повеќе истражувања ни покажуваат дека токму овој едноставен „третман“ има безброј придобивки за нашето физичко и ментално здравје.rnrnВо неодамнешна студија која била објавена во „The Proceedings of the National Academy of Science“, истражувачите ги поделиле испитаниците во 2 групи. Едната група требало да оди на прошетки на однапред договорена патека 3 пати неделно, додека на испитаниците од другата им било кажано да намалат со аеробик вежбите. Тоа што било откриено е дека во периодот на истражувањето, периодичните прошетки покажале 2% зголемување на активноста во хипокампусот, делот од мозокот кој е одговорен за учење и помнење. Кај другата група не биле забележани никакви промени.rnrnОва истражување се поврзува и со други студии кои покажуваат дека прошетките всушност ги подобруваат перформансите на задачите поврзани со помнењето, како и на општото функционирање на мозокот. Одењето е едноставна и корисна вежба за која ретко кој од нас има време. Но, кога ќе ја применувате има значајно влијание врз нашето здравје и психологијата.rnrnДругата позитивна работа поврзана со прошетките е дека таа поттикнува мечтаење и фантазирање, кои се екстремно корисни начини за зголемување на креативноста и решавање на проблемите. Понекогаш најдоброто нешто што можеме да го направиме за да решиме проблем од нашиот живот е физички да се оддалечиме од него. На тој начин му овозможуваме на нашиот мозок малку да „скита“ и преку мечтаењето дозволуваме сосема нови одговори и сознанија да излезат од нашата несвесност без никаков труд.rnrn rnrn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Моќта на живеењето без очекувања

    Моќта на живеењето без очекувања

    Дали некогаш сте влегле во театар на претстава или во кино сала да гледате филм кој бил толку многу фален од сите околу вас, но по нивното завршување сфаќате дека ве разочарале бидејќи не ги достигнале вашите очекувања? Што кога отидовте да гледате друга претстава или филм за кои не знаевте ништо, а сепак си отидовте дома пријатно изненадени?rnrnМоќта на живеењето без очекувањаrnrnОва е само еден пример како нашите очекувања (или неочекувања) можат да играат огромна улога во начинот на кој ги дочекуваме нашите искуства. Ричард Бендлер еднаш рекол, „За разочарувањето потребно е соодветно планирање“. Токму оваа мисла допира до една многу важна вистина за падовите кои може да се појават од одредени очекувања во животот.rnrnБидејќи кога навистина ќе размислите за ова, ќе сфатите дека можете да бидете разочарани или незадоволни од нешто само ако претходно сте поставиле одредени стандарди како тоа искуство „би требало“ да биде. Ако не очекувате ништо за вашиот роденден и добиете автомобил за подарок, тогаш ќе бидете необично пресреќни за вашето ново возило, без разлика за која марка станува збор. Но, ако очекувате скап спортски автомобил и наместо него добиете Југо, најверојатно е дека целосно ќе се разочарате и воопшто нема да бидете задоволни со подарокот.rnrnКога ќе искусите некои ситуации без очекувања, тогаш е невозможно да бидете разочарани. Дури и во најлош случај, вие ќе си отидете од тоа искуство пријатно изненадени.rnrnНо, сепак не смееме да ги отфрлиме СИТЕ очекувања. Тие можат да бидат добри и корисни и многу е важно да имаме барем минимални очекувања пред да навлеземе во одредени ситуации. На пример, ако очекуваме дека ќе имаме испит на одреден датум, тогаш сигурно ќе почнеме порано да учиме и ќе се погрижиме колку е можно повеќе да бидеме подготвени.rnrnКако што веќе спомнавме, проектирањето во иднината и детерминирањето на тоа што ќе го очекуваме може да биде важна „алатка“ во подготовка за одредени ситуации, но не и за сите ситуации. Во наредниве неколку случаи, немањето очекувања може многу повеќе да ни помогне:rn

    Отвореност на умот

    rnКога запознаваме нова личност, ако го направиме тоа со одредени предрасуди (посебно ако се базирани врз стереотипите кои вклучуваат раса, пол, религија, кариера…), тогаш уште на почетокот поставуваме граници за тоа како ќе се поврземе со таа личност. Но, ако одлучиме да се запознаеме со таа нова личност без никакви претходни очекувања или судења, тогаш ние сме многу поотворени при запознавање на личноста онаква каква што навистина е.rn

    Спонтаност

    rnКога ќе се најдеме во ситуација со строги очекувања и со ограничувања за тоа како очекуваме одредена ситуација да се одвива, тогаш оставаме премногу мал простор за спонтаност. Но, ако во истата ситуација навлеземе без никакви очекувања, тогаш си даваме можност да дејствуваме на неочекувани начини. Ослободувањето од очекувањата е одличен начин да си отвориме врата кон нови можности. Понекогаш нашите претпоставки ја ограничуваат нашата перспектива и ги ограничуваат нашите избори. Доколку едноставно ги отфрлиме, тогаш ќе се појават сосема нови перспективи и флексибилност во нашите мисли и дејства.rn

    Креативност и решавање на проблеми

    rnИсто како што „неочекувањата“ можат да ја отворат вратата кон спонтаноста, тие исто така можат да им помогнат на нашата креативност и начинот на кој решаваме проблеми. Ова се случува поради тоа што кога ќе ја отвориме нашата тесна перспектива, си даваме себеси многу повеќе простор за размислување на различни потенцијални решенија за проблеми кои можеби воопшто и не би ги помислиле доколку сме се држеле до претходните очекувања.rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Љубовта е збир од моменти, не бескрајна страст

    Љубовта е збир од моменти, не бескрајна страст

    Романтичните комедии, бајките и романтичната фикција многумина ги оставаат со размислувањето дека откако ќе ги најдат нивните принц или принцеза, љубовта ќе трае засекогаш. Брачните советници, истражувачите и долгогодишните парови во брак сè повеќе се борат против оваа идеја, тврдејќи дека придонесува за неразумни очекувања и обесхрабрувачки надежи. rnrnЉубовта е збир од моменти, не бескрајна страстrnrnНо, идејата дека љубовта е едноставно пронаоѓање на вистинската личност и потоа работење на проблемите како што доаѓаат, почнува полека да се напушта. Психологот Барбара Фредриксон во својата книга „Love 2.0: How Our Supreme Emotion Affects Everything We Feel, Think, Do, and Become“ ја напаѓа оваа идеја за која смета дека придонесува за хронична несреќа во романтичните врски.rnrn

    Љубовта како моменти

    rnМногу луѓе се запознаени со истражувањата кои укажуваат на тоа дека романтичната страст има тенденција да „умре“ по неколку години, но Фредриксон го однела ова истражување еден чекор понапред, тврдејќи дека љубовта се појавува во моменти, а не како единствен избор кој трае во текот на годините. Таа овие моменти ги нарекува „микромоменти на позитивна резонанса“.rnrnЉубовта е збир од моменти, не бескрајна страстrnrnИ покрај тоа што овој термин не изгледа многу романтично, истражувањето на Фредриксон дава корисни насоки за одржување на траењето на љубовта. За Фредрискон, овие микромоменти се карактеризираат со нагло надоаѓање на позитивни чувства за време на позитивна интеракција со одредена личност. Долгогодишните врски, гледани на овој начин, би можеле да бидат нешто малку повеќе од огромна колекција на среќни моменти кои се собираат во период од неколку години.rnrn

    Љубовта и мозокот

    rnИстражувачите постојано го зголемуваат својот интерес за ефектите кои љубовта ги има врз мозокот. Тие откриле дека, на пример, добрите слушатели имаат тенденција да ја пресликаат активноста на мозокот на соговорниците, што значи дека со слушањето на вашиот партнер, вие можете да завршите со истите или слични чувства кој тој/таа ги чувствувале во тој момент.rnrnЉубовта е збир од моменти, не бескрајна страстrnrnКога паровите комуницираат помеѓу себе, стимулацијата од вагусните нерви им овозможува да ги пресликуваат нивните фацијални експресии и да одржуваат контакт со очите. Фредриксон ги карактеризирала овие пресликувања како микромоменти на љубов кои се резултат на интензивната поврзаност помеѓу нивните мозоци.rnrn

    Одржување на долготрајната љубов

    rnИстражувањето на Фредриксон би можело негативно да влијае на идејата за избор направен еднаш кој потоа трае цел живот, но сепак ни нуди неколку совети кои би можеле да ни помогнат во одржување на љубовта. Таа вели дека, на пример, луѓето кои се вклучуваат во Будистичката медитација позната како љубовна-добрина (практика која помага при одржување на позитивните чувства и емпатијата), се повеќе способни за емпатија и можат подобро да ги разберат потребите на нивниот партнер. Ако љубовта навистина е микромомент, секојдневните постапки и избори вредат многу повеќе, па дури и наједноставниот акт на добрина може да биде клучен за одржување на уште еден ден исполнет со љубов.rnrnЉубовта е збир од моменти, не бескрајна страстrnrnПаровите кои сакаат да го употребат Фредриксовото истражување за да станат поблиски можат да ги пробаат овие неколку совети:rn

      rn011

    • Поминувајте секојдневно време фокусирано на вас двајца. Во просек паровите кои живеат заедно поминуваат само околу 150 будни минути еден со друг секој ден, од кои помалку од 30 минути се квалитетно време. Оваа статистика не ви остава многу можности за микромоменти на љубов.

      • rn011

    • Одржувајте ги позитивните чувства за вашиот партнер така што ќе размислувате „топло“ за него/неа, ќе медитирате или ќе се фокусирате на неговите/нејзините силни страни.

      • rn011

    • Одржувајте контакт со очите, тоа е клучот за подобра поврзаност. Пресликувањето на чувствата на вашиот партнер преку говорот на телото и активното слушање можат да придонесат за зголемена позитивност, топлина и чувства на љубов.

      • rn011

    • Секојдневно правете мали услуги за вашиот партнер, како изненадување со неговото/нејзиното омилено јадење. Овие постапки ги зголемуваат позитивните чувства и го намалуваат стресот.

      • rn011

    • Создавајте моменти на позитивност и со други луѓе надвор од вашата врска. Фредриксон вели дека луѓето кои имаат многу микромоменти на позитивност во текот на денот, чувствуваат многу повеќе љубов. Ако се чувствувате посреќно во вашиот живот ќе бидете многу потолерантни и ќе го намалите нивото на стрес кое може негативно да влијае на вашата врска.

      • rn


    rn

    Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Моќта на пенкалото: 5 научни причини да пишувате повеќе

    Моќта на пенкалото: 5 научни причини да пишувате повеќе

    Секој кој има желба да пишува би требало максимално да го искористи својот талент. Но, доколку не сте по креативното пишување, постојат ментални и физички придобивки дури и од пишувањето за вашиот живот, како на пример водење дневник или блог. На тој начин можете да си ги подобрите и здравјето и психолошката благосостојба.rnrnМоќта на пенкалото: 5 научни причини да пишувате повеќеrnrnРазлични форми на пишување покажале подобрување во учењето, намалување на анксиозноста, полесно справување со траума, подобрување на физичкото здравје, како и различни видови подобрувања на социјалното и бихејвиоралното поле.rn

    Пишувањето го подобрува процесот на учење

    rnПишувањето е одличен начин да го задлабочите вашиот мозок во материјалот кој се обидувате да го научите. Oваа техника помага да се зацврсти сфаќањето на поголема содржина откако ќе ги затворите своите забелешки и кога ќе се обидувате да се потсетувате на информациите кои сте ги научиле со ваши зборови, а не само на факти кои се повторуваат. Исто така доколку студентите се поактивни во изработката на трудовите, тоа ќе им помогне да бидат подобри и попрактични во разбирањето на она што треба да го научат.rn

    Пишувањето ве ослободува од анксиозност

    rnИстражувачите веруваат дека зголемената анксиозност и стрес може да влијае многу на вашата работна меморија и да ги намали менталните ресурси кога ви се најпотребни. Со писменото опишување на вашата анксиозност ќе се ослободите од некои грижи и ќе ја подобрите вашата работна меморија за да можете полесно да се фокусирате на одредени задачи. Беилок, кој го водел истражувањето на оваа студија вели:rn
    rn

    „Всушност, ние мислиме дека овој вид пишување ќе им помогне на луѓето да ги остварат своите најдобри перформанси во различни ситуации преполни со притисок – без разлика дали станува збор за голема презентација пред еден клиент или говор пред поголема публика.“

    rnrn

    Пишувањето може да ви помогне во надминување на трауматски искуства

    rnИстражувачите имаат теорија дека експресивното пишување може да биде од голема корист по некои потешки искуства. Како прво, пишувањето за вашите трауматски настани може да ви помогне да се соочите со претходно потиснати емоции, кои можат да бидат голем товар за телото и умот доколку продолжите да ги игнорирате. Како второ, експресивното пишување може да доведе до некои поврзани случувања од минатото кои ќе ви помогнат да ги реорганизирате и структурирате трауматските сеќавања, резултирајќи со поадаптивна интерна шема.rnrnЕкспресивното пишување најчесто се објаснува на следниов начин:rn
    rn

    „Во следните 4 дена, пишувајте за вашите најдлабоки мисли и чувства поврзани со најтрауматичното искуство во целиот ваш живот или пак, за екстремно важен емоционален проблем кој постојано влијае на вас и вашиот живот. Во пишувањето слободно целосно опуштете се и истражувајте ги вашите најдлабоки емоции и размислувања. Можете дури и да ги поврзете темите на пишување со вашите врски со луѓето околу вас, вклучувајќи ги родителите, партнерите, пријателите или роднините; со вашето минато, сегашност или иднина; или пак, со тоа какви сте биле, какви сакате да бидете или какви сте во овој момент. Можете да пишувате за истите генерални проблеми и искуства во текот на сите денови или за различни теми секој ден. Целото ваше пишување ќе биде комплетно доверливо. rnrnИсто така не грижете се за печатните, граматичките или грешките во структурата на речениците. Единственото правило е: штом почнете да пишувате, продолжете сè додека не ви истече времето.“

    rnСпоред истражувањата, овој вид изразување има значајни емоционални придобивки. Експресивното пишување покажува долготрајни ефекти во:rn

      rn011

    • Подобрување на расположението

      • rn011

    • Подобрување на психолошката благосостојба

      • rn011

    • Намалување на симптомите на депресија

      • rn011

    • Намалени пост-трауматски доживувања и симптоми на избегнување на проблемот

      • rn011

    • Намалување на пост-трауматското стресно пореметување

      • rn

    rnrn

    Пишувањето го подобрува и вашето физичко здравје

    rnСе разбира дека доколку имате сериозна медицинска ситуација, не смеете да прекинете да се консултирате со доктор или да се откажете од веќе препишаниот третман. Но, сепак добро е да знаете дека пишувањето игра позитивна улога во зголемување на вашето физичко здравје. Експресивното пишување може да ви помогне и на оваа тема, бидејќи на тој начин ќе го намалите нивото на стрес во вашето тело и ќе го подобрите целосниот имунитет.rn

    Пишувањето може да помогне при снаоѓањето во одредени социјални и бихејвиорални ситуации

    rnПишувањето покажува зголемени академски достигнувања, како и зголемени перформанси во спортот, на работа и во други социјални и бихејвиорални интеракции. Експресивното пишување може да ви помогне дури и при собирање храброст во пристапувањето на онаа личност која ви се допаѓа веќе подолго време. Преку пишувањето, ние ги ослободуваме мислите и чувствата и поради тоа можеме полесно да реагираме во одредени ситуации бидејќи не сме „заглавени“ во нив.rn

    Вежба: Пишувајте по 15 минути секој ден, една недела

    rnДоколку веќе немате навика редовно да пишувате, започнете со барем 15-тина минути секојдневно пишување во текот на една недела. Пишувајте за вашата анксиозност, грижи и немири кои во тој момент ги чувствувате. Пишувајте за какви било проблеми низ кои поминувате и како би можеле да ги решите.rnrnПробајте да пишувате цели 15 минути, без пауза и потоа на крајот од неделата прочитајте го сè она што сте го напишале. Последниот ден од неделата направете кратка содржина на вашето пишувачко искуство и напишете дали почувствувавте некакви придобивки. Доколку откриете дека оваа вежба ви е од корист – продолжете да ја практикувате и понатаму.rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Опасност! Предупредувачки знаци во пријателството

    Опасност! Предупредувачки знаци во пријателството

    Платонските врски помеѓу пријателите се едни од најзначајните врски во нашиот живот. Сè повеќе и повеќе истражувачи покажуваат дека нивното одржување доведува до значително подобрување на нашето физичко и емоционално здравје. Но често, поради чувство на лојалност, страв или грижа на совест, луѓето си прават премногу притисок на себе за одржување и на оние недоволно добри пријателства кои им предизвикуваат повеќе стрес на подолг план отколку кога би ги прекинале.rnrnОпасност! Предупредувачки знаци во пријателствотоrnrnВсушност, кое било пријателство, во самото јадро е поврзаност помеѓу двајца во даден момент – синџир од моменти во времето. Поради тоа не е реално да се очекува дека една личност со која сте биле блиски во одреден период од вашиот живот, ќе сакате да остане покрај вас и во иднина. Исто така важно е да се запомни дека доколку имате прекрасна врска која по некое време ќе стане помалку прекрасна, крајот на пријателството не го уништува позитивното искуство кое настанало претходно. Понекогаш пријателствата едноставно слабеат или исчезнуваат како што двете личности растат или се менуваат и тоа не значи дека мора да биде по нечија вина.rnrnИмајќи го тоа на ум, понекогаш пријателствата завршуваат со многу погорчлив „вкус“. И може да биде многу збунувачки доколку и двата лика не се на истата страна. Многу често прекинот може да биде проследен и со многу стрес и можеби ќе бидете збунети дали, зошто и како се завршило. И покрај тоа што нема цврсти правила, сепак постојат неколку знаци кои укажуваат на пријателство во опасност:rnrn1. Не ви се допаѓа кој сте кога сте со него/неа. Можеби секогаш кога сте покрај вашиот пријател се чувствувате злобно, пасивно-агресивно или пак дури и отворено агресивно. Или пак, се чувствувате натпреварувачки, огорчено или премногу завидливо – а од друга страна, со другите ваши пријатели воопшто ги немате овие чувства. Можеби, кога се е кажано и направено, мора да признаете дека навистина не го сакате она што е најдобро за вашиот пријател. Ако ова е случајот, што е вистинската основа на тоа пријателство?rnrn2. Вашиот пријател ги повикува на површина вашите лоши однесувања. Можеби пиете премногу, лажете повеќе, трпението ви е намалено или чувствувате како вашата креативност да ја снемува. Можеби вашата работа или оценките ви се во опасност или пак, почнувате да се двоумите во вашата врска или брак на начини на кои не сте ни размислувале претходно. Постојат многу начини на кој пријателот може да има лошо влијание, далеку после деновите на пушење цигари после школските часови.rnrn3. Пријателството ви изгледа небалансирано. Реципроцитет? Каков реципроцитет? Можеби тој/таа постојано ги позајмува вашите нешта и никогаш не ви ги враќа или пак, толку пати сте направиле вечера како услуга за него/неа што почнувате да се чувствувате како готвач на повик. Или, можеби работите се насочени на друга страна и тој/таа прави толку многу за вас, но вие мора да признаете дека воопшто не сте заинтересирани за враќање на услугата. Во секој случај, еквилибриумот е срцето на секое длабоко пријателство.rnrn4. Зборовите со кои би го опишале вашиот пријател воопшто не се пофални. Можеби вие постојано го/ја исмејувате во вашата глава и тоа не на позитивен начин. Или пак, се чувствувате супериорно и поради тоа ве нервира. Дали е можно веќе да не ви се допаѓа тој/таа?rnrn5. Изгледа како вашиот пријател да не сфаќа кои сте. Можеби тој/таа постојано не ве сфаќа или ве посрамотува за вашите дневни навики, како се облекувате или како готвите. Почнавте да се чувствувате многу неценето или пак, намерно ги нагласувате вашите „маани“ само за да го/ја нервирате. Во секој случај, ова е сосема спротивно од безусловна љубов.rnrnДали пријателството може да стигне до овие точки и потоа да биде спасено? Можеби, но само ако чувствувате дека е фаза, наместо долготрајна шема. Добро размислете дали сè уште постои вистинска основа за здрава врска со која ќе можете да ги вратите работите назад. Исто така размислете дали вака се чувствувате со сите ваши пријатели или само со еден од нив. Ако одговорите не се добри, имајте на ум дека не сите пријателства траат засекогаш. И покрај тоа што можеби социјалните мрежи помагаат при нивното одржување, сè што им должите на вашите пријатели е само добрина и почит, а не и завет додека смртта не ве раздели.rn
    rn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

  • Направете го овој психолошки тест, навистина е забавен! :)

    Направете го овој психолошки тест, навистина е забавен! 🙂

    Доколку сè уште го немате направено овој психолошки тест, одвојте неколку минути за него. Со сигурност ќе бидете изненадени од резултатите… Прочитајте ги наредниве 10 прашања, замислете ги сцените во вашиот ум и запишете ги ПРВИТЕ работи кои ќе ви паднат на памет. Не размислувајте премногу за прашањата.rnrnНаправете го овој психолошки тест, навистина е забавен! :)rnrn1. Вие одите низ шума. Кој оди покрај вас?rnrn2. За време на вашето одење низ шумата налетувате на животно. Каков вид животно е тоа?rnrn3. Каков вид интеракција настанува помеѓу вас и животното?rnrn4. Навлегувате подлабоко во шумата. Потоа налетувате на чистинка и пред вас се појавува вашата куќа од соништата. Опишете ја нејзината големина.rnrn5. Дали вашата куќа е на отворено или околу неа има ограда?rnrn6. Влегувате во куќата, па во трпезаријата и таму гледате трпезариска маса. Опишете што гледате на неа и околу неа.rnrn7. Излегувате од куќата преку заедниот влез. Во тревникот забележувате чинија. Од каков материјал е направена оваа чинија (стаклена, хартиена, глинена…)?rnrn8. Што правите со чинијата?rnrn9. Одите до крајот на вашиот имот и таму забележувате дека се наоѓате на работ од предел со вода. За каков вид вода станува збор?rnrn10. Како ќе преминете преку водата?rnrnСтанува збор за функционален психолошки тест. Докажано е дека вашите одговори имаат голема поврзаност со вредностите и идеалите кои ги поседувате во животот. Анализата на одговорите можете да ја погледнете тука.rn

    rn
    rn
    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.