КАФЕ ПАУЗА

Tag: организација

Заштедете простор и време: 11 едноставни начини за организирање на вашиот гардеробер

Колку пати ви се случило да извадите едно парче облека од гардероберот, а сè останато да остане во тотален хаос, поради што веќе наредното утро не можете баш така лесно да го пронајдете она што ви е потребно? Организираноста во гардероберот е половина работа за добриот стил, бидејќи кога не можете толку лесно да ги пронајдете парчињата облека што ви се потребни, тогаш исчезнува волјата и желбата за создавање добра модна комбинација. Затоа овие совети многу ќе ви помогнат во тоа секогаш да имате уреден и организиран гардеробер.rnrnrnrn1. Шаловите и марамите често се наоѓаат во некои кеси, кутии, односно секаде по гардероберот, поради што е многу тешко да се пронајдат. За полесно организирање, заврзете ги на закачалка, па така секогаш ќе имате добра прегледност и ќе ви биде потребна секунда за да го одберете оној што ви е потребен.rnrnrnrn2. Бидејќи сезоната е есен/зима, најмногу се носат чизми. Особено кога се високи, тие знаат да заземат многу место откако ќе ги собуете и „расфрлате“ на сите страни. За подобро да ги организирате чизмите, земете валјак од стиропор и вовлечете го во нив. Тој ќе ги држи чизмите исправени, па ќе заземаат помалку простор, но и нема да се прекршуваат.rnrnrnrn3. Користете кутии за организирање на долната облека и градниците. Освен тоа што секогаш ќе бидат на едно место, на пример во некоја фиока, исто така лесно ќе го пронајдете она што ви е потребно, бидејќи сè е убаво сортирано во преградите.rnrnrnrn4. Доста простор ќе заштедите ако некои работи, како што се маиците, марамите и слично ги завиткате во ролни, односно ги наредите исправено во некоја фиока. Освен заштедениот простор, ќе можете и полесно да го пронајдете она што ви е потребно.rnrnrnrn5. Кога ги закачувате закачалките во гардероберот, многу брзо снемува простор за повеќе. Затоа, трикот со отворачот за конзерви е вистинското решение. Ставете го едниот отвор на едната закачалка, додека во другиот отвор закачете ја втората. Со овој трик ќе заштедите доста место, но и нема да морате да закачувате повеќе работи на една закачалка. Истиот трик можете да го направите и со пластични прстени, кои работат на истиот принцип.rnrnrnrnrnrn6. Искористете ја закачалката за бања, која има поголем број џебови, за организација на шминката. Ставете ги лаковите по боја во џебовите, со што секогаш лесно ќе го пронајдете оној кој ви е потребен за тој ден, без никакво губење време.rnrnrnrn7. Во секој женски гардеробер има голем број панталони и фармерки. Тие секогаш заземат голем дел од просторот, бидејќи кога ќе се здиплат и наредат потребни се повеќе полици. Но, можете да ги закачите на алки, кои се навлекуваат на шипка, односно работат по принципот на закачалки, што значајно ќе го „ослободат вашиот гардеробер.rnrnrnrn8. Кога ќе дојдат студените денови, треба да ги организираме и спакуваме летните обувки, кои навистина ги има во преголем број. Но, многу е тешко сите обувки да се складираат во кутии, бидејќи така тие заземаат многу простор, што ретко кој го има. За подобра организација, искористете ги кутиите од вински шишиња, кои се поделени, односно во секој дел ставете една патика, сандала или влечка. Со ова ќе заштедите доста простор, но и во целост ќе ги заштитите сите ваши летни обувки.rnrnrnrn9. Имаме и доста интересно решение за складирање накит. Земете садови за мраз, и во секоја преграда ставете едно парче ситен накит кој инаку е многу тешко да го пронајдете.rnrnrnrn10. Сите нè нервира кога некои свилени парчиња облека, односно „лизгави“ материјали, лесно се откачуваат од закачалката и одма паѓаат. Земете силикон кој го користат мајсторите, и нанесете на закачалката, по што ова повеќе нема да ви се случува.rnrnrnrn11. Честопати е потребно да се организира и во бањата. Искористете ги висечките корпи за тоа, и во секоја од нив ставете го она што ви е потребно.rnrn

December 8, 2016
8 брилијантни совети од животот на личните асистенти на познатите кои можат да ви помогнат во секојдневниот живот

Иако е интересно и забавно да се биде покрај човек кој е неверојатно успешен и познат во своето поле, професијата на личните асистенти има огромен број ризици и предизвици со кои тие деноноќно се справуваат. Исто така, за оваа професија потребни се уникатни способности кои ги поседуваат мал број луѓе. Во нив спаѓаат неверојатно големата способност за организација и обрнувањето внимание на деталите.rnrnЕве некои од стратегиите на најдобрите лични асистенти на познатите личности кои можат да ви се најдат во секојдневниот живот.rnrnrn

1. Создадете систем за работа

rnНикогаш нема да успеете да постигнете сѐ ако немате добар организационен систем. Иако ќе потрошите време во организирање на документите, тоа ќе биде само еднаш – што значи дека следниот пат ќе заштедите многу повеќе време ако точно знаете каде ви се оние хартии кои ви се потребни во моментот. Организирајте во пакети, фолдери или коверти. Следниот пат кога ќе имате нова документација, внимавајте на системот на организација – веднаш ставете го документот во соодветниот пакет или плик. Подобро е сега да одвоите две секунди отколку подоцна да потрошите два часа.rnrnИстата техника може да се примени и за мејловите. Создадете организационен систем кој вам ќе ви одговара. Одлична идеја е да создадете фолдери со различни аспекти од вашиот живот – финансии, фитнес, здравје, рецепти и сл. Кога ќе одговорите на мејлот, веднаш потоа избришете го. Ако тој содржи информации кои сметате дека сѐ уште ви се потребни или ќе ви бидат потребни во иднина, сместете го во соодветниот фолдер. Мејловите на кои треба да одговорите оставете ги во сандачето за да ве потсетуваат дека треба да ги прегледате.rn

2. Листите се ваши пријатели

rnЛистите се многу важен и есенцијален дел од животот на секој личен асистент. Постојат дневни, неделни и месечни листи на работи што треба да се направат, листа на контакти и инвентарна листа. Кога станува збор за нивното средување, Гугл ви е најдобриот пријател. Тоа е најдобриот начин да складирате информации бидејќи можете да му пристапите кога било и од каде било во светот.rnrnАко често испраќате многу мејлови на исти луѓе одеднаш, направете групи од вашите контакти како Фамилија, Блиски луѓе и сл. Тогаш нема да мора да го пишувате едно по едно секое име во полето за мејлови секој пат кога ќе креирате нов мејл. Едноставно, можете да го испратите на целата група.rnrnНаправете документ со сите лозинки и кориснички имиња. Создадете инвентар на продукти кои треба да ги купите следниот пат кога ќе излезете и заокружете ги кога ќе ги купите. Така многу подобро ќе се организирате, а сигурно ќе го зголемите и нивото на продуктивност.rn

3. Поставете ги важните информации во календар

rnГугл календар е уште една важна алатка која може да ви помогне подобро да се организирате. Убавината на овој календар е што во него можете да поставите скоро сѐ: состаноци, потсетници, родендени и сл. Честопати може да го користите за да се потсетите што сте направиле на одреден ден или да проверите дали сте платиле за нешто. Исто така е одлично за справување со куповите работни задачи и социјалните настани. Навистина е олеснително кога можете да ги погледнете сите активности што ги имате неколку недели однапред. Тоа е најлесниот начин да се сетите и да подготвите за нив.rn

4. Секогаш пишувајте забелешки

rnОва би требало да се подразбира, но кога вашиот шеф ви зборува, имајте ливче и пенкало со вас за да можете да ги запомните важните точки. Колку повеќе забелешки фатите, толку сте попродуктивни и поквалитетни во вашата работа.rnrnrn

5. Воспоставете рутини

rnДури и ако распоредот ви е хаотичен и вашите дневни задачи постојано се менуваат, добро е да поставите неколку рутини. Тие ви нудат комфор и олеснување што има моќ да го елиминира стресот. Дури и ако е нешто секојдневно што никогаш не би можеле да го заборавите, сепак е добро да го воспоставите како рутина затоа што тоа ви дава стабилност во работата. Исто така, создава чувство на продуктивност и го одржува вашиот фокус.rn

6. Не си земајте сѐ при срце

rnКога сте личен асистент, тоа значи да знаете сѐ за нечиј живот, но тие најверојатно многу малку знаат за вашиот. Овој вид однос е многу деликатен и честопати вие ќе бидете тие што ќе ги чувствуваат последиците. Злобните пораки и мејлови се чести, но добрите лични асистенти не им обрнуваат многу внимание и не ги земаат при срце.rnrnТие знаат дека скоро 9 од 10 пати нивниот шеф е лут и она што го тој кажал, го кажал во афект и нема никаква врска со асистентот или работата на личниот асистент. Кога ќе научите да го применувате истото размислување во работата, но и на личниот живот, тогаш ќе бидете посилни и поопуштени.rn

7. Користите потписи

rnНавистина е напорно да одговарате на голем број мејлови, но ако пишувате ист тип мејлови одново и одново, користете потпис. На пример, ако секогаш вие сте тие кои информираат или пишуваат пораки, направете една шема која можете да ја користите секој пат. Таа треба да го содржи вашето или името на вашиот шеф и информации за контакт. Вака многу побрзо ќе одговарате на поголем број мејлови и ќе си заштедите време кое можете да го искористите за нешто друго.rn

8. Спријателете се

rnМногу е мачно кога треба да зборувате со претставник на услугата за корисници, но ако сте љубезни и трпеливи тие веројатно ќе се потрудат да ви помогнат побрзо отколку пребарувањето на интернет. Едноставно јавете се. Тоа е најбрзиот и најдобриот начин правилно да ја завршите работата. Исто така, потрудете се да звучите љубезно – прашајте ги како се и заинтересирајте се за она што ќе ви го кажат. Кога ќе воспоставите пријателски односи тогаш е многу полесно да ја добиете услугата која ви е потребна.rnrn

March 23, 2016
Живејте го животот во полн ек: Науката вели дека спонтаните луѓе најмногу се забавуваат

Постојат луѓе кои го организираат секој момент од својот живот. На пример, кога ќе одлучат да одат на патување, тие сакаат да ги испланираат сите свои активности. Од друга страна пак, постојат и луѓе кои сакаат работите да ги прават спонтано, на пример такви кои го импровизираат своето патување и искусуваат работи кои никогаш не очекувале да ги видат или искусат.rnrnrnrnЕдно ново истражување од факултетот за бизнис Олин, дел од Универзитетот Вашингтон, ни предложува дека доколку сакате да се забавувате, тогаш најдобро е ако ги оставите сите планери и календари настрана. Габриела Тонието, кандидат за докторат во областа на маркетингот и Селин Малкоч, професор по маркетинг, спровеле 13 социјални експерименти за да проучат како луѓето го поминуваат и искусуваат слободното време. По спроведените истражувања, резултатите покажале дека кога слободното време било планирано, се зголемиле очекувањата, но се намалило уживањето.rn

„Проучувајќи различни активности во слободно време, постојано откривавме дека планирањето може да направи луѓето да ги чувствуваат забавните задачи како работни задачи и да го намали уживањето“, вели Тонието.rnrn„Откривме и дека детерминантата на планирањето на слободното време произлегува од тоа колку структурирано е нашето време“, додава професорот Малкоч.

rnКлучниот елемент во пронаоѓањето рамнотежа во планирањето и забавата е грубо да го планирате своето слободно време и активностите кои ќе ги правите во него. На пример, можете да планирате нешто за некој ден без да одредите конкретно време. Со тоа знаете дека активноста е сѐ уште вклучена како план за денот, но ја држите флексибилна бидејќи немате одреден час за нејзиното извршување. Така, правите таа да изгледа повеќе како нешто забавно отколку како работна обврска.rn

„Со намалувањето на структурата на плановите, грубото планирање не прави слободното време да се чувствува повеќе како работа и со тоа не се намалува ниту уживањето“, објаснува професорот Тонието.

rnНо, не заборавајте дека не треба секогаш да бидете безгрижни и спонтани, посебно за оние настани кои имаат голема важност за вас и вашиот живот. Понекогаш е добро да се има план, бидејќи така ќе ја зголемите вашата продуктивност. Затоа обидете се да го балансирате своето време и сѐ ќе биде во најдобар ред.rn

„Од друга страна, заклучивме дека планирањето ни помага подобро и побрзо да ги завршиме работите. Но, штом ќе го сториме тоа, обично уживаме помалку“ заклучува професорот Малкоч.

March 20, 2016
5 едноставни трикови за уреден орман

Секоја девојка сонува да има орман како на познатите модни икони, актери и пејачи кои зрачат со раскош и луксуз. Можеби ви делува недостижно, но постојат 5 мали трикови кои ќе го трансформираат вашиот стар и досаден орман за алишта во орманот од вашите соништа!rnrnrn

1. Организирајте ја облеката на правилниот начин

rnПодгответе се и физички и психички, бидејќи за оваа работа ќе ви треба цел ден. Организацијата на облеката е работа која што ако еднаш ја започнете, мора и да ја довршите. Сѐ додека не сте доволно сигурни и одлучни дека сакате да го направите ова, не започнувајте ништо. Бидејќи во спротивно, за неполн час ќе се најдете покрај купишта алишта околу вас и недостаток на волја за работа и повторно нема да направите ништо.rn

2. Целосно исчистете го орманот

rnИсчистете сѐ, до последното парче облека што го имате. Уште на самиот почеток, при вадењето на облеката, можете да ја селектирате на неколку купови: Куп со износена облека, куп со омилени работи, куп со облека со која не знаете што да правите, куп со облека која повеќе не ви се допаѓа… Кога облеката ќе ја поделите, ќе ви биде полесно да направите селекција.rn

3. Посветете време на организацијата

rnНема ништо поубаво од беспрекорно наредена и организирана облека, а само со малку труд и инвестиција вашиот орман може да блесне во својот полн сјај. Упатете се до кој било дуќан кој нуди практични решенија за организирање на работите и започнете со работа. Пронајдете го најпрактичниот начин на организација кој вам ви одговара за орманот да ви биде што попрегледен и посистематизиран. Можете да групирате по стилови, бои или по кој било друг критериум кој ви одговара.rn

4. Додадете декорација

rnКолку што ви е поубав орманот, толку повеќе ќе имате желба и волја да го одржувате чист и уреден. Наредете ги чевлите по пар, на некој постар шал кој поретко го носите изложете ги омилените парчиња накит, внимателно наредете ги торбите, ракавиците и сите останати модни додатоци.rn

5. Рационално одлучете од кои парчиња облека ќе се ослободите

rnНемојте да бидете сентиментални за секое парче облека. Ослободете се од сѐ што повеќе не носите, што не ви се допаѓа, што го носите само привремено, како и од сите оние работи во кои повеќе не можете да се замислите.

January 10, 2016
Како едноставната организација може да ви заштеди многу пари?

Сигурно би рекле дека организацијата е досадна или дека попрво би читале факти за пиво. Тоа е сосема нормално. Но, еве што е проблемот: неорганизираноста ве чини многу пари. А тие пари можете да ги потрошите на пиво. Исто како што перењето долна облека пред да одите на работа не е баш интересно, но чистата долна облека ќе ви помогне да правите други интересни работи.rnrnrnrnЛесно може да кажете организација наместо штедење. Толку лесно што всушност сигурно не сте ни помислиле на овие нешта.rn

Планирајте ги вашите оброци

rnВозрасни сте. Сигурно веќе сте забележале дека повеќе трошите на непотребни намирници во супермаркет ако немате претходно подготвена листа. Планирајте ги вашите оброци за да заштедите 50 проценти од трошоците, искористувајте ги попустите и намалете со навиката „Нема врска, ќе порачам пица“. Почнете со листа од 10 оброци кои знаете да ги зготвите. Не грижете се, се важат и макароните со сирење. Со помош на листата направете план за следните две недели. Бонус е ако направите повеќе отколку што можете да изедете при еден оброк.rnrnrn

Организирајте ги вашите алати

rnБрзо прашање: Колку пати во текот на изминатата година сте купиле нешто што веќе го имате, но не сте можеле да го најдете кога ви требало? Ако одговорот е повеќе од два, еве зошто организирањето на алатите ви заштедува пари.rnrnНајдете место да ги складирате вашите работи. Најдете место на вашето биро за канцелариските, уметничките или занаетчиските алатки, најдете место во плакарот за опремата за брза помош, а во гаражата или подрумот најдете место за сѐ останато. Организирајте ги уште подетално кога ќе имате време. На тој начин, нема да трчате до продавница секогаш кога ќе ви треба чекан или лепило.rnrnrnrnСакате да бидете уште потемелни? Соработувајте со вашите пријатели и направете заеднички простор за алатите. Во едно друштво од неколку пријатели не е потребна повеќе од една електрична пила за дрва. На тој начин секогаш ќе можете да го најдете потребниот алат на вистинското место.rn

Исчистете го фрижидерот

rnТешко дека марулата во фиоката од фрижидерот на која се создава колонија од бактерии може да ја искористите за салата. Исчистете го фрижидерот пред да одите во шопинг и од продуктите на кои им изминува рокот направете вкусен и невообичаен оброк. Облечете скафандер за ловење духови и исчистете ги сите форми на живот кои се создале внатре. Сликајте го фрижидерот кога ќе завршите. Така треба да изгледа фрижидерот секоја недела пред да одите во супермаркет.rnrnrn

Одржувајте го вашиот автомобил

rn2.000 денари за редовен сервис оваа година значат заштеда од 20.000 денари за поправки кои ќе треба да ги потрошите следната година. Исто така добро напумпаните гуми значат заштеда на стотици денари бензин во едно лето, а не мора да потрошите ниту еден денар за да ги напумпате гумите како што треба.rnrn

December 21, 2015
9 лесни техники за поголема продуктивност кои ќе го променат вашиот живот

Со оглед на темпото на денешницата, голема е веројатноста дека и вие сте меѓу оние луѓе на кои 24 часа во денот им се малку. Милион обврски и работи кои треба да се завршат, луѓе со кои треба да се видите, а да не зборуваме за слободното време кое веќе станало само поим кој сѐ поретко се реализира. И сето ова влијае на вашата продуктивност која, доколку размислите малку подобро, се намалува со секој нов ден.rnrnТокму поради ова, неопходно е да најдете начин да ја зголемите продуктивноста наместо да ја намалувате, а следниве 9 техники ќе ви дадат добра идеја како да го направите тоа за многу кратко време.rnrnrn

1. Техниката помодоро

rnКога е во прашање организирањето на времето, кое ни е секогаш малку на располагање, тогаш оваа техника е веројатно една од најдобрите за ефективно постигнување на таа цел. Сѐ што треба да направите е да ги поделите дневните обврски така што за секоја од нив ќе одвојувате по само 25 минути. Ова ќе бара од вас да бидете брзи и максимално фокусирани доколку сакате продуктивно да ја завршите задачата во овој краток, но сепак доволен временски период.rn

2. Подобрување на средното ниво на перформанси

rnВо поголем дел од случаите, луѓето се концентрираат на давање на својот максимум и дејствување на нивното највисоко перформансно ниво. Она што го забораваат е дека за да може да го достигнат максимумот, прво мора да успеат во одржување и подобрување на средното ниво на перформанси. Денес одвојте неколку минути од своето време за да размислите кое е вашето средно ниво на дејствување и што можете да направите за да го подобрите, а во меѓувреме од голема помош може да ви биде и книгата на д-р Стен Бичам, „Елитни умови“.rn

3. Планирајте однапред

rnСите имаат сопствени барања и приоритети кои лесно можат да станат и ваши доколку го дозволите тоа. Ова значи дека ставајќи ги на прво место туѓите потреби, вие лесно може да дозволите вашите потреби и обврски да останат незавршени. Тука, предвременото планирање и договарање состаноци може да биде позитивна препрека која ќе ве спречи да го правите тоа. Знаејќи неколку дена порано кога имате обврски, а кога сте слободни, вие ќе се принудите себеси да ги завршите вашите задачи пред сѐ останато, без одложување и занемарување.rn

4. Медитирајте

rnВо денот преполн со обврски, медитирањето може и тоа како да ви помогне. Верувале или не, на вашиот ум му се потребни не повеќе од 10 минути дневно кога целосно ќе се опушти и препушти на мирот и спокојот, за потоа повторно да може да се посвети на продуктивното и непрестано функционирање во полн ек. Одберете го начинот на медитација кој вам ви одговара и дајте си го себеси потребниот одмор.rnrnrn

5. Техники за меморирање

rnЗаборавањето е резултат на недоволна концентрација и фокусирање на она кое инаку би требало да го запомните. Ова е проблем со кој се соочуваат голем дел од луѓето на денешницата со оглед на фактот дека сите се преоптоварени со обврски во секој дел од денот, па не е ни чудо кога нешто ќе заборават. Но, како и за сѐ друго, постои решение и за ова. Она што треба да го направите и да ја пронајдете техниката за меморирање која ви одговара и да ѝ посветите онолку време колку што ќе ви биде потребно додека таа не ви стане навика.rn

6. Зголемете ја брзината на читање

rnЧитањето знае да одземе голем дел од времето кое и така е прекратко. Со зголемување на брзината на читање, вие не само што го вежбате фокусот кон тоа што го читате, туку и си ослободувате повеќе време за останатите обврски. Дефинитивно најлесната и најпродуктивна техника за вежбање брзо читање е читањето книга. Со оглед на тоа дека во голем дел од времето сте зафатени, најдете период од денот кој ќе го посветите само на ова, притоа внимавајќи целосно да бидете концентрирани на тоа што го читате со цел за што пократко време да прочитате што повеќе.rn

7. Преземајте одговорност

rnЗа жал, луѓето почесто решаваат да најдат изговори за сето она кое половично или воопшто не го завршиле наместо да се соочат со нивната неодговорност, несоодветно организирање на времето и сл. Но, неверојатно е што сѐ може да направи преземањето одговорност за своите постапки и прифаќањето дека ниту еден изговор не е доволно добар. Ова ќе ве натера максимално да се посветите на завршување на обврските и задачите, што би барало да бидете целосно фокусирани на тоа што го правите знаејќи дека немате изговор да не успеете истовремено влијаејќи на вашата продуктивност.rn

8. Разликувајте ги критичните од важните обврски

rnНе сѐ мора да биде завршено баш во истиот момент кога ќе ви падне на памет. Односно, многу работи кои ги сметаме за мора во даден момент се всушност работи кои и не се толку итни доколку малку повеќе размислиме за нив. Способноста да правите разлика меѓу критичните и важните обврски е многу важна бидејќи ќе ве спречи да занемарите некоја работа која навистина барала од вас да ја завршите што поскоро. Затоа, направете список од работи кои треба да ги завршите, но поделете го списокот на критични и важни така што ќе знаете кои обврски имаат приоритет.rn

9. Вежбајте

rnДоколку мислите дека стресот е само психички напор, тогаш лошо се лажете. Освен што умствено ве заморува и спречува продуктивно да ги извршувате работите, стресот се собира и во секој дел од вашето тело. Од овие причини, неопходно е да си посветите време на физичкото јас така што ќе одвоите време за вежбање или, доколку немате многу време на располагање, растегнување на делови на телото кога ќе почувствувате потреба за тоа. Ослободувањето од стресот кој неминовно се насобира во вас е приоритетно за поголема продуктивност.rnrn

November 5, 2015
5 кул начини да ги уредите книгите во вашиот дом

Сите сакаме убав и среден дом, но љубителите на книги во никој случај не го запоставуваат просторот каде ги чуваат книгите. Еве што сè може да направите за да ги уредите полиците за книги на навистина уникатен и кул начин.rnrnrnrnФатете се за работа и направете ја вашата полица со книги како излезена од соништата.rn

1. Подредете ги книгите по боја

rnОк, можеби ќе изгледа како да имате опсесивно растројство, но кому му е грижа? Ваквото подредување на книгите е возбудливо и забавно. Извадете ги сите книги од полицата и подредете ги по боја и нијанси. Потоа вратете ги назад на полицата. Плус, секогаш ќе знаете кога некој ви чепкал по книгите.rnrnrn

2. Додајте малку живост и разиграност

rnМоже дел од книгите да ги поставите хоризонтално, дел вертикално. Може да додадете керамичка фигура или малечко растение во саксија. Прекрасно!rnrn rn

3. Сè е во деталите

rnОбрнете внимание на малите орнаменти. Не преоптоварувајте ја полицата со сè и сешто, но внимателно осмислете ситни декорации кои ќе изгледаат ненаметливо и дискретно.rnrnrn

4. Организирајте во папки и кошници

rnПоделете ги книгите по жанрови и набавете неколку полуотворени картонски папки во различни бои (или еднобојни доколку така ви е повеќе по вкус). Подредете ги книгите според жанровите. Доколку пак, немате доволно место на вашите полици, набавете неколку плетени кошници или кутии во боја и хоризонтално наместете ги вашите книги во нив. Добра идеја е на самолепливи листови во боја да ги напишете жанровите и да ги залепите листовите на кутиите.rnrnrn

5. Дајте ваше обележје

rnОва се супер совети за да вметнете нешто ново и необично, но не заборавајте да бидете креативни и оригинални. По што сте препознатливи? Што сакате најмногу? Кој е вашиот стил? Оставете ваш печат на она што го работите. Може да поставите рачно изработени оригами, може да ги исфарбате полиците во вашите омилени бои, може да го донесете вашето работно биро веднаш пред нив за да си направите ваша мала канцеларија и место за творештво, или веднаш до или над полиците да поставите една или неколку помали слики по ваш избор. Може да одите ретро, да поставите стари предмети и црно-бели фотографии. Бидете слободни и креативни!rnrn rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 1, 2014
Ефикасна алатка за ефикасно завршување на работите
Автор: Надица ЧесмаџискаrnrnДали ви се случува при крајот на работниот ден да ви останат обврски коишто не сте успеале да ги завршите иако сте работеле со полн интензитет? Јас на пример, неретко се наоѓам во ситуација по завршување на работното време да ми остануваат невозвратени бизнис повици, задачи кои треба да се делегираат, неизменаџирани во целост лични обврски, мејлови непроследени докрај, недовршени презентации кои создаваат дополнителен стрес и нервоза.rnrnrnrnСе чувствуваме фрустрирани бидејќи секоја активност или обврска која не е завршена докрај и се пролонгира за во иднина, се трудиме да не ја заборавиме, а од друга страна сме конфузни бидејќи често не знаеме на која активност да ѝ дадеме приоритет. Без разлика колку добро сме концентрирани на завршување на задачите, нешто секогаш ни го поместува фокусот.rnrnИстражувањата покажуваат дека главните виновници за ваквиот тип неорганизираност најчесто се класифицираат во три групи:rn
- Прекинувачи/дистрактори: Сигурно ви се случило одредена стандардна задача да ви одземе повеќе време за реализација од вообичаеното токму поради честите прекинувања од типот на СМС-порака, телефонски повик од пријателите, неформален разговор со колегите или пак итна молба.
rn
- Неефикасен организационен систем: Дефокусираност од обврските кои го бараат нашето внимание. Нејасно дефинираните задачи и лошото планирање се карактеристични за ваков тип однесување.
rn
- Лоша приоретизација: Искуството покажува дека одговорностите кои ни се полесни за реализација ги правиме веднаш, односно ги рангираме како приоритетни иако не се со голема итност, додека пак комплексните свесно ги одложуваме најчесто поради недоволно знаење или пак едноставно не ни се допаѓаат.
rnПотребна ни е метода или поинаку кажано систем којшто ќе го минимизира влијанието на т.н. дистрактори и ќе води кон поголемо и подобро себеменаџирање.rnrnМетодот, кој подолу ви го презентирам, ќе ви помогне да се организирате подобро и да останете продуктивни. Можеби ви се чини дека е комплицирано да се изведе, но основата е едноставна. Целта е ефикасно завршување на задачите со помалку напор.rnrnЧекор 1: Добивате задача.rnrnЧекор 2: Дефинирајте ја задачата/обврската според ранг и приоритет (важна, неважна, итна, помалку итна итн.).rnrnЧекор 3: Утврдете дали задачата бара соодветна итна акција од ваша страна? Доколку одговорот е негативен, тогаш зададената обврска ја класифицираме како можна за реализација во иднина. Во случај кога одговорот е позитивен следува:rnrnЧекор 4: Утврдете дали се потребни помалку од 2 минути за извршување на задачата? Ако одговорите со ДА, тогаш завршете ја ВЕДНАШ, во спротивно:rnrnЧекор 5:rnrnА. ДЕЛЕГИРАЈТЕ ја обврската доколку сметате дека другите имаат капацитет да ја завршат и на крајот контролирајте.rnrnБ. Ако пак сте сигурни дека вие сте личноста која треба да преземе одговорност за исполнување на задачата, тогаш:rn
- Запишете ја во вашиот НЕДЕЛЕН КАЛЕНДАР на активности со точно дефинирана дата или,
- Запишете ја како ДНЕВНА АКТИВНОСТ за реализација веднаш по завршување на тоа што го работите во моментот.
rnКога во иднина вашиот менаџер, колега, соработник, добавувач, ќе ве изненади со некоја нова активност за реализација во момент кога работите на друг проект нема да има потреба да се стресувате или да се трудите да не ја заборавите задачата за подоцна. Сега имате алатка која ќе ви овозможи да ја ставите во систем, односно да ја организирате секоја следна задача побрзо и поефикасно.rnrnМожете да го преземете моделот како шематски приказ и да го закачите во вашата канцеларија, како што е случајот кај мене. Дополнително може да ја набавите и книгата „Getting Things Done“ од David Allen каде може да најдете повеќе интересни содржини и информации од оваа тематика и да ги имплементирате.rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 19, 2014
Дали заборавате? Овие совети ќе ви помогнат околу тоа

Автор: Калин БабушкуrnrnВо време на стресно живеење и обврски кои секој ден сè повеќе натежнуваат околу нас, заборавањето на работите е можеби и нормална работа. Но работата е дека сè повеќе и повеќе луѓето околу нас се „вадат“ на тој момент и дозволуваат сè почесто да забораваат на работи кои треба да ги извршат.rnrnНа заборавањето влијаат многу фактори, но речиси сите се поврзани со вас и зависат само од вас. Тука, би сакал со вас да споделам неколку работи кои би ви помогнале да го намалите заборавањето, да го исполните она што сте го ветиле.rnrnrnrnОдмор – Имајте време за одмор, затоа што само одморен мозок може да памети многу работи.rnrnПодобра организација – Пробајте да одвоите време за ваша подобра организација и приоретизирање на работите.rnrnПотсетници – Користете потсетници. Тие може да бидат од обично ливче, преку мобилен телефон, до потсетник во компјутер.rnrnОдложување на работите – Извршувајте ги работите навреме и што порано. Немојте да ги одложувате.rnrnСподелување – Замолете ги луѓето околу вас или тие директно инволвирани во работата, да ве потсетат.rnrnДА – Немојте веднаш да кажувате ДА. Размислете дали имате време за да ја извршите работата, и после кажете ДА.rnrnОдредено место – Имајте одредено место каде што ќе ги оставате работите што треба да ве потсетат (фрижидер, работна маса итн.) од каде што може лесно да се потсетите што треба да направите.rnrnПриоретизирање – Имајте начин на приоретизирање на работите. Тоа ќе ви помогне да не ги одложувате работите на кои треба да им дадете важност. Но немојте ова да ви овозможи тие работи што за вас не се толку важни, со тек на време воопшто да не бидат изреализирани и извршени.rnrnИзвинување – Имајте доблест да се извините на соодветната личност дека сте заборавиле да го направите тоа за што сте се договориле.rnrnСекако дека има многу други работи кои може да ви помогнат да го намалите моментот на заборавање за извршување на работите. Многу важна работа, околу заборавањето, е да сте свесни дека тоа го правите и да прифатите дека треба нешто да промените. Откако тоа ќе го прифатите, сте направиле голем чекор.rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 27, 2014
5 работи кои успешните луѓе ги прават до 8 наутро

Денот по утрото се познава. Ако е така, тогаш потрудете се утрото да ви биде што подобро организирано и почетокот на денот да го минете со што помалку стрес. Успешните луѓе практикуваат некои правила секое утро, па доколку веќе не сте во таа група, би можеле да примените неколку нивни трикови. Ова се неколку работи кои успешните луѓе ги прават секое утро.rnrnrn

Вежбање

rnПотрудете се да вежбате секое утро. Нема правило кои вежби треба да ги правите, бидејќи важно е да сте активни. Доколку вашата работа бара од вас постојано да седите, тоа може да ви создаде низа здравствени проблеми. Затоа физичката активност е многу важна. Разбудете се барем 15 минути порано и вежбајте.rn

Направете распоред на обврските

rnВажно е наутро да направите план што и како ќе правите во текот на денот. На овој начин ќе бидете многу подобро организирани и полесно ќе ги извршувате задачите. Внимавајте само да не претерате со планирањето и не заборавајте дека сте човек кому му се потребни паузи и одмор.rn

Здрав појадок

rnСигурно многу пати сте чуле дека појадокот е најважниот оброк во текот на денот. Затоа појадувајте нешто здраво и обезбедете енергија за работниот ден.rnrnrn

Визуелизација

rnНаутро е добро самите да го визуелизирате денот пред вас. Тоа е вештина на ментално програмирање и претставување на целите кои сакаме да ги оствариме.rn

Бидете одлучни и бестрашни

rnНајверојатно секое утро сте свесни дека дента морате да направите некои работи кои ги одлагате и кои баш и не ви се прават. Меѓутоа, секогаш е најдобро веднаш да ги направите работите кои ви се најтешки.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 5, 2013