КАФЕ ПАУЗА

Tag: ореви

Домашно масло за сончање кое ќе ви го изедначи тенот и ќе ве заштити од УВ зраците
Домашно масло за сончање кое е одлично за вашата кожа

rnrn

Потребни состојки:

rn
- Маслиново масло
- Моркови
- Ореви (исечкани)
- Цветови од лаванда, смил или жалфија
rn

Начин на подготовка:

rnВо поголемо стаклено шишенце ставете неколку исчистени моркови, неколку исечкани зелени ореви и цветови од лаванда, смил или жалфија. Со оваа содржина, шишенцето би требало да се наполни до половина, а потоа до врвот дополнете го со ладно цедено маслиново масло. Смесата треба да се остави на сонце од 20-25 дена и е потребно секој ден да ја примешувате. Кога ќе помине назначениот период, содржината од шишенцето треба да се исцеди низ газа.rn

Зошто токму овој рецепт?

rnМаслиновото масло има природен заштитен фактор 2, па во комбинација со морковите и оревите, значително ќе ја зголемите неговата моќ, како и дополнително ќе ја негувате и хидрирате кожата. Морковот е богат со бета-каротен и витамин А, па се користи и во модерните препарати за сончање бидејќи ја обновува кожата и го забавува стареењето, ја спречува чувствителноста на сончевите зраци и го забрзува потемнувањето. Жалфијата, лавандата и смилот освен што даваат прекрасен мирис, одлични се и за негата на кожата. Делуваат антивоспалително на акните и изгорениците, а жалфијата го намалува и целулитот.
June 9, 2016
Природен лек за тироидната жлезда: Како се прави ликер од зелени ореви?
Добро е познато дека оревите лечат многу различни болести, а особено помагаат во проблемите со тироидната жлезда, грлото, респираторните патишта, како и бронхитисот, но и за зајакнување на имунитетот. Народната медицина препорачува зелен ликер за лечење на слабокрвноста и анемијата, но и како прва помош при стомачните тегоби и забрзувањето на метаболизмот и варењето на храната.rnrnrn

Потребни состојки:

rn
- 40 млади ореви
- 1 килограм мед
- 1 литар ракија
rn

Начин на подготовка:

rnСтавете ракавици и исечете ги младите ореви. Потоа ставете ги во поголема стаклена тегла и преку нив додадете ги медот и ракијата. Затворете го стаклениот капак, па оставете теглата да отстои на сонце 40 дена. Повремено промешајте ја содржината со пластична лажичка.rn

Примена:

rnСекое утро, на празен желудник, пијте по една мала чашка од ликерот. Тој изобилува со јод и поради тоа е лек за сите болести поврзани со тироидната жлезда. Пред послужување, ликерот од ореви благо смешајте го за да го подигнете лековитиот талог. Како аперитив, ликерот се служи со мраз и парчиња лимон.
May 17, 2016
Чоколадни крофни: Стар колач во ново руво
Изненадете ги најблиските со овие вкусни чоколадни крофни кои никого нема да го остават рамнодушен

rnrn

Потребни состојки:

rn
- 250 грама брашно
- 40 грама путер
- 1 кафена лажичка какао
- 1 кафена лажичка цимет
- малку сол
- 2 жолчки
- 30 грама шеќер
- половина коцка квасец
- 125 милилитри млеко
- Масло за пржење
- 200 грама чоколадо за готвење
- 80 грама исечкани ореви
rn

Начин на подготовка:

rnСматете ги брашното, путерот, какаото, циметот, солта, жолчките и шеќерот во една чинија. Иситнете го квасецот, а потоа растворете го во малку млеко и додадете го во тестото. Измесете го тестото и оставете го да надојди. Тестото ставете го на работна површина која претходно ќе ја набрашните и развлечете го на дебелина од 1 сантиметар. Со калап извадете 20 кругови со пречник од 7 сантиметри. На нив направете дупки со пречник од 2,5 сантиметри и оставете ги подготвените кругови да постојат уште 25 минути. rnrnЗагрејте го маслото во длабока тава и пржете ги крофните од двете страни, додека не поруменат. Исцедете ги на кујнска крпа. Искршете го чоколадото, а потоа растопете го на пареа и прелијте ги крофните. Украсете ги со ореви, кокос или парени трошки. Потребното време за подготовка изнесува околу 45 минути.
March 10, 2016
Вкусен десерт кој се топи во устата: Црна торта од чоколадо
Доколку сакате да ги изненадите вашите најблиски со своите кулинарски способности, тогаш направете ја оваа црна тортa од чоколадо која е лесна и едноставна за подготовка, а гарантира сладок и вкусен крај на ручекот.

rnrn

Потребни состојки:

rn

За кората:

rn
- 9 јајца
- 9 супени лажици шеќер
- 2 кафени лажички презла
- 100 грама стопено чоколадо
- 100 грама мелени ореви
- малку рум
rn

За филот:

rn
- 200 грама путер
- 100 грама шеќер во прав
- 100 грама шеќер
- 100 грама стопено чоколадо
- малку варено црно кафе
- 2 јајца
- 1 ванилин шеќер
rn

За декорацијата:

rn
- 100 грама рендано чоколадо
rn

Начин на подготовка:

rn

Кора:

rnСматете ги жолчките во пена, постепено додавајќи го шеќерот. Прелијте ја презлата со малку рум, па ставете ја во сматените жолчки. Потоа додајте ги мелените ореви и стопеното чоколадо. Посебно сматете ги белките во цврст шлаг, а потоа соединете ги со претходната смеса. Во плех со пречник од 24 сантиметри, претходно подмачкан со масло, ставете ја смесата и печете на 200°C сè додека не порумени. Извадете ја кората од рерната, оставете ја да се излади и потоа пресечете ја хоризонтално на половина.rn

Фил:

rnНа пареа сматете ги јајцата, постепено додавајќи ги шеќерот и ванилинот шеќер. Потоа скршете го чоколадото на коцки и заедно со вареното црно кафе стопете го додека не стане течно. Оставете смесата да се излади, па соединете ја со путерот кој претходно ќе го сматите заедно со шеќерот во прав.rn

Финална постапка:

rnКората премачкајте ја со 3/4 од филот и преклопете ја со другата кора. На горниот дел од кората и од страните нанесете го остатокот од филот и декорирајте со рендано чоколадо.
February 6, 2016
Слатко уживање: Чоколадна пирамида
Овој едноставен чоколаден десерт е секогаш на менито на оние луѓе кои обожаваат да ја засладуваат својата трпеза, но и својот ден. Направете ја и вие оваа чоколадна пирамида и уживајте во незаборавниот вкус.

rnrn

Потребни состојки:

rn

За кората:

rn
- 150 грама шеќер
- 5 белки
- 1 лажица брашно
- 150 грама мелени ореви
rn

За филот:

rn
- 5 жолчки
- 125 грама шеќер
- 1 ванилин шеќер
- 100 грама чоколадо
- 250 грама маргарин
rn

За декорациите:

rn
- 50 грама чоколадо
- 1 кафена лажичка масло
- 50 грама ореви
rn

Начин на подготовка:

rn

Кора:

rnСматете ги белките во цврст шлаг, постепено додавајќи го шеќерот. На крајот додадете ги брашното и оревите и полека помешајте ги сите состојки со лажица. На правоаголен плех ставете хартија за печење, турете ја подготвената смеса и израмнете ја. Печете во рерна на 180°C, околу 20 минути.rn

Фил:

rnСоединете ги жолчките со шеќерот и гответе на пареа додека не добиете густа и хомогена смеса. Додадете го искршеното чоколадо и мешајте додека не се растопи. Оставете смесата да се излади. Сматете го маргаринот во пена и соединете го со изладениот крем.rn

Финална постапка:

rnИздвојте ја печената кора од хартијата за печење и исечете ја на четири линии со еднаква ширина. Премачкајте ја секоја линија со филот (оставете малку фил за да го премачкате целосно колачот) и наредете ги една врз друга. Колачот оставете го во фрижидер. rnОткако ќе се излади, извадете го од фрижидерот и поставете го вертикално на работна површина, па дијагонално пресечете го на половина. Добиената половина спојте ја со малку фил за да добиете изглед на пирамида. Колачот премачкајте го со остатокот од филот. Растопете го чоколадото со малку масло и со него напрскајте го и посеете го со мелените ореви.
January 26, 2016
Домашни наполитанки: Пробајте го рецептот кој ќе ги замени купечките слатки
Култните наполитанки биле омилени купечки слатки од детствата на многу луѓе. Па, ако сакате да се вратите во детството и да направите вкусен десерт кој ќе остане во сеќавање и на вашите деца, тогаш подгответе ги овие домашни наполитанки уште денес.

rnrn

Потребни состојки:

rn
- 4 листа наполитанки
rn

За филот:

rn
- 250 грама масло
- 200 грама шеќер
- 180 милилитри вода
- 250 грама мелени ореви
- 250 грама мелени интегрални бисквити
- 100 грама чоколадо за готвење
rn

Начин на подготовка:

rnВо лонец ставете го маслото, шеќерот и водата и мешајте на тивок оган додека состојките не се соединат. Потоа, во смесата додадете ги оревите, бисквитите и чоколадото. Повторно мешајте сè додека не добиете густ крем. Оставете малку да се излади, а потоа поделете го кремот на три еднакви делови. Премачкајте го горниот дел од наполитанките и така продолжете додека не ги поминете сите наполитанки и преостанатиот крем. На крајот, завиткајте ги во мрсна хартија и на нив ставете лим за што подобро да се стегнат. Оставете ги на ладно, а по желба, откако колачот ќе биде готов, можете да го премачкате со чоколадна глазура.rnrnСовет: Доколку сакате да го засилите вкусот на кремот, откако ќе го направите, додајте малку сок од свеж портокал или неколку капки рум.
January 24, 2016
Вкусен десерт: Ролат во форма на солза
Изненадете ги вашите најблиски со овој вкусен десерт кој никого нема да го остави рамнодушен

rnrn

Потребни состојки:

rn

За кората:

rn
- 6 јајца
- 6 лажици шеќер
- 40 грама какао
- 3 лажици брашно
- 1 пакување прашок за печиво
rn

За првиот фил:

rn
- 150 грама мелени ореви
- 5 лажици млеко
- 4 лажици шеќер во прав
- 2 ванилини шеќери
- 250 грама маргарин
rn

За вториот фил:

rn
- 100 грама мелени бисквити
- 100 грама мелени наполитанки
- 100 грама чоколадо
- 150 грама маргарин
rn

За глазурата:

rn
- 100 грама чоколадо
- 100 грама маргарин
rnrn

Подготовка на кората:

rnИзматете ги жолчките со шеќерот. Додадете ги какаото, брашното и прашокот за печиво и полека помешајте со лажица. На крајот додадете го шамот од белки и лесно смешајте го. Плехот обложете го со хартија за готвење, а потоа во него ставете ја подготвената смеса за кора. Печете во рерна, на 180°C, додека тестото не порумени. Извадете ја печената кора на работна површина и со сукало завиткајте ја, така што едниот крај ќе се спои со другиот. Оставете да се излади.rn

Подготовка на првиот фил:

rnПрелијте ги оревите со врело млеко и оставете ги малку да се изладат. Посебно сматете ги маргаринот со шеќерот во прав и ванилиниот шеќер и потоа соединете ги со изладените ореви.rn

Подготовка на вториот фил:

rnВо сад за готвење, на пареа стопете ги чоколадото и маргаринот. Тргнете ги од ринглата и додадете ги мелените бисквити и наполитанките.rn

Финална постапка:

rnИзрамнете ја кората и премачкајте ја со првиот фил. Во средината ставете го вториот фил и потоа повторно завиткајте ја кората. Чоколадото растопете го со маргаринот и со добиената глазура премачкајте го ролатот целосно. По желба, завршете со шеќер во прав.rnrnСовет: За подобро превиткување на кората користете дебело сукало или шише.
January 20, 2016
Зошто треба да јадете ореви?

Треба да сте „луди“ за да ги игнорирате последните истражувања за оревите и ореовото масло.rnrnrnrnВо последните неколку години, многу откритија покажаа дека само од една рака од овие мали семиња – да, всушност го јадеме семето – подобро ќе спиете, ќе се чувствувате релаксирано и полесно ќе се справувате со љубовните проблеми.rnrnВеројатно не треба да сме изненадени. 30 грама ореви обезбедуваат 100 проценти од препорачаната дневна доза омега-3 масла, заедно со големи количества бакар, молибден, манган и биотин.rn

1. Оревите го подобруваат сонот

rnrnrnАко спиете малку, може да умрете млади. Ако спиете премногу, може да умрете млади. Оревите се тука да помогнат. Тие содржат мелатонин, соединение кое помага во пренесување на пораките во рамките на телото за циклусот на менување на денот и ноќта. Со јадењето ореви го зголемуваме нивото на мелатонин и според тоа си овозможуваме мирен сон.rn

2. Оревите ве релаксираат

rnrnrnОревите го намалуваат крвниот притисок. Истражувањата што се занимавале со врската помеѓу овие чудесни јаткасти плодови и стресот откриле дека оревите и маслото од ореви го намалиле крвниот притисок и стресот на испитаниците. Зошто? Бидејќи оревите се извор на антиоксиданси и незаситени масни киселини, конкретно алфа-линоленската киселина и омега-3 масната киселина.rn

3. Оревите помагаат… ах да, за вашата меморија

rnrnrnИнтересен пример со ореви и глувци: Д-р Аба Чаухан и неговиот тим од Њујоршкиот институт за здравје откриле дека глувците кои не јаделе ореви страдале од значителен недостаток на меморија, потешкотии во учењето и проблеми со физичката и емоционалната контрола. Теоретски ова се случило поради присуството на витамин Е и флавоноиди во оревите кои помагаат за уништување на штетните слободни радикали кои предизвикуваат деменција.rn

4. Оревите ја намалуваат опасноста од рак

rnrnrnНа оваа тема повеќето истражувања се поврзани со животните, но откритијата се навистина зачудувачки. Во едно истражување, глувците кои биле хранети со ореви во текот на 18 месеци значително помалку заболувале од рак на простатата споредено со контролираната група која истата количина масти ја примала од други извори. Заклучокот е дека диетата со ореви го намалила процентот на заболување од рак на простатата кај глувците за 30 до 40 проценти.rn

5. Оревите помагаат при контрола на дијабетесот

rnrnrnСе докажало дека диеталните масти во оревите го намалуваат ризикот од посериозни компликации поврзани со дијабетес тип 2, како бубрежните заболувања. Истражувањето вклучувало 31 маж и 81 жена заболени од дијабетес и се открило дека кај возрасните луѓе со прекумерна тежина кои секој ден јаделе ореви значително се намалило нивото на потребен инсулин во споредба со тие кои не јаделе. Уште повеќе, овој ефект се постигнал во првите три месеци од истражувањето.rn

6. Оревите се борат со болести

rnrnrnКога ќе го слушнете зборот антиоксиданси, знаете дека тие се добри за вас – всушност, се верува дека тие помагаат во контролата на стареењето така што се борат со слободните радикали, главната причина за брзото стареење. За среќа оревите содржат неколку ретки антиоксиданси кои ретко се среќаваат во храната која секојдневно ја конзумираме. Тоа се танин телимаграндин, флавонол морин и кунон џaглон. Истражувањата покажуваат дека полифенолите го спречуваат хемиското оштетување на црниот дроб.

December 14, 2015
Овие 5 производи ја ублажуваат депресијата и го подобруваат расположението

Недостатокот на одредени материи може да придонесе за влошување на расположението кај личноста која пати од депресија. Бројни научни студии имаат покажано дека личностите чија исхраната е богата со овошје, зеленчук, јаткасти плодови и риба се изложени на помал ризик од депресија. Оваа храна е вистинскиот избор кога станува збор за менталното здравје.rnrnrn

1. Лосос

rnКај многу личности кои патат од депресија е забележано намалено количество на омега-3 масни киселини, кои инаку го подобруваат расположението и ги намалуваат воспаленијата. Научната студија која е објавена во 2014 година во списанието „American Journal of Epidemiology“ покажува дека луѓето кои јадат риба најмалку 2 пати неделно имаат за 25% помал ризик од депресија.rn

2. Домат

rnИстражувачите во 2013 година спровеле студија со цел да пронајдат врска помеѓу симптомите на депресијата и консумирањето домати и храна која го содржи овој здрав производ. Резултатите кои се објавени во стручното списание „Journal of Affective Disorders“ покажале дека луѓето кои често јадат домати имаат дупло помал ризик од депресија. Доматот содржи ликопен, антиоксиданс кој благотворно влијае на здравјето на срцето, спречува мозочен удар и депресија.rn

3. Леблебија

rnКај луѓето кои патат од депресија е забележано ниско ниво на витамин Б, особено од типот Б6, кој влијае врз регулирањето на метаболизмот и разложувањето на сите невротрансмитери, вклучувајќи ги серотонинот и допаминот. Леблебијата е одличен извор на овој витамин, па затоа се препорачува да го додадете овој здрав производ во вашата исхрана.rnrnrn

4. Цели зрна од житарки

rnВо јуни, 2015 година во списанието „American Journal of Clinical Nutrition“ е објавено дека постои врска помеѓу внесувањето растителни влакна и ризикот за развој на депресија. Објавени се и резултати кои покажуваат дека преработените зрна од житарки го зголемуваат ризикот од депресија. Научниците сметаат дека тоа е така, бидејќи преработените житарки нагло го менуваат нивото на шеќерот во крвта, па така може да дојде до ненадејни промени во расположението и промена на нивото на хормоните како што се адреналинот и кортизолот. Затоа најдобро е во вашата исхрана да додадете цели зрна од житарки (овесни снегулки, киноа, хељда), кои се одличен извор на сложени јаглехидрати, богати со растителни влакна и позитивно влијаат на здравјето.rn

5. Семки и јаткасти плодови

rnЈаткастите плодови се вистинска супер храна, бидејќи нудат тројна заштита од депресија – богати се со протеини и аминокиселини, здрави масти и триптофан кој го зголемува нивото на серотонин. Затоа оревите, лешниците и бадемите можат да бидат одличен избор за ужина, а нема да погрешите и ако грицкате семки од сончоглед или тиква.rnrn

October 15, 2015
Ова се 10-те најздрави производи на планетата

Овие 10 производи би требало што почесто да ги јадете, бидејќи тие важат за едни од најздравите производи на планетата. Дознајте зошто се здрави и на кој начин да ги употребувате и приготвувате.rnrnrn

1. Лимон

rnЗошто е здрав: Единствено лимонот содржи повеќе од дневно препорачаната количина на витамин Ц, кој му помага на организмот во борбата против воспаленијата, ги јакне коските и одржува здраво ниво на холестерол. Цитрусните фалвоноиди во лимонот можат да го спречат развојот на клетките на ракот.rnrnСовет: Додајте едно парче лимон во вашата шолја со зелен чај. Една студија докажала дека цитрусите во телото помагаат во апсорпцијата на антиоксидансите од зелениот чај, дури за 80%.rnrnrn

2. Брокула

rnЗошто е здрава: Една помала порција брокули содржи повеќе од потребното дневно количество на витамин К – кој е многу важен за градење и зачувување на коските. Истата количина може да го спречи развојот на малигни болести.rnrnСовет: Загревајте ја. Доколку се одлучите да ја загреете брокулата во микробранова печка, таа во себе ќе содржи дури и до 90% витамин Ц. Доколку ја зготвите, таа задржува само 66% од спомнатиот витамин.rnrnrn

3. Чоколадо

rnЗошто е здраво: Само неколку коцки чоколадо на ден може да го намалат високиот крвен притисок. Какао правот е полн со флавоноиди и антиоксиданси кои го намалуваат холестеролот.rnrnСовет: Изберете темно чоколадо. Неколку коцки темно чоколадо содржат 53,5 милиграми флавоноиди, додека млечното содржи само 14.rnrnrn

4. Компир

rnЗошто е здрав: Еден црвен компир содржи 66 микрограми фолна киселина (витамин од групата Б), кој е неопходен за раст и развој на детето. Еден сладок компир пак, е преполн со витамин А кој е заслужен за јакнење на имунитетот.rnrnСовет: Компирот нека се олади пред да го јадете. Истражувањата покажуваат дека на овој начин можете да изгубите повеќе килограми, бидејќи оладениот компир ќе ви помогне да истрошите околу 25% повеќе масти после оброкот.rnrnrn

5. Лосос

rnЗошто е здрав: Тој е одличен извор на омега-3 масни киселини, кои се поврзани со намалување на депресијата, срцевите заболувања и карциномот.rnrnСовет: Редовното консумирање на лосос го намалува ризикот од создавање на макуларна дегенерација на очите, која се појавува во подоцната доба од животот и може да доведе до губење на видот.rnrnrn

6. Ореви

rnЗошто се здрави: Содржат најмногу омега-3 масни киселини, кои го намалуваат холестеролот, го подобруваат расположението и се борат против развојот на малигни болести.rnrnСовет: Изедете неколку ореви после вечерата – мелатонинот од оревите гарантира добар сон.rnrnrn

7. Авокадо

rnЗошто е здраво: Според некои студии, тоа го намалува холестеролот дури за 22%. Авокадото, исто така, содржи голема количина калиум, кој помага во намалувањето на крвниот притисок. Според американскиот Национален институт за срце, бели дробови и крв, еден од најдобрите начини за контролирање на крвниот притисок е консумирање на доволно калиум.rnrnСовет: Додајте го во салатите, а тоа ќе му помогне на организмот да ги апсорбира хранливите материи од останатите производи.rnrnrn

8. Кромид

rnЗошто е здрав: Одличен е во борбата против многу болести, а наводно може да го спречи развојот на некои бактерии, како што е Ешерихија коли.rnrnСовет: Внимавајте како го обработувате при готвењето – кромидот кој ќе се препржи го губи поголемиот дел од хранливите материи.rnrnrn

9. Спанаќ

rnЗошто е здрав: Најголемата благодат на спанаќот е количината на витамини и минерали: тој е богат извор на фолна киселина (49% од препорачаната дневна количина по оброк), витамини А, Б, Ц и Е, железо, манган и калиум.rnrnСовет: Честата консумација на спанаќ ќе остави видливи последици на вашата коса, кожа и нокти, со оглед на тоа дека комплексот на витамините Б вложува во нивната убавина.rnrnrn

10. Мешунки

rnЗошто се здрави: Ако јадете мешунки четири пати во неделата може да го намалите ризикот од срцеви заболувања дури до 22%, а таа иста навика го намалува и ризикот од рак на дојката.rnrnСовет: Што е мешунката потемна, толку повеќе содржи антиоксиданси. Едно истражување покажало дека црниот грав има 40% повеќе антиоксиданси во однос на сите други видови грав.rnrn

October 13, 2015