КАФЕ ПАУЗА

Tag: однесување

20 животни кои се однесуваат како разгалени ѕвезди

Понекогаш и животните се пребирливи, сè нешто им смета и се однесуваат како познатите личности. Еве ги 20-те најразгалени од нив.rn

1. Уф, каква ми е косата. Којзнае што ставаат во базенов!

rnrn

2. 152 зачешлувања. Колку пати треба да повторам?!

rnrn

3. Ги мразам скаливе од мојата соба. Цела вечност ми треба за да се симнам.

rnrn

4. Чаршавов не е ткаен како што реков. Не го сакам.

rnrn

5. Чао душичке! Те сакам! Ќе се видиме наскоро.

rnrn

6. Ми треба златна украсна хартија.

rnrn

7. По ѓаволите! Дали само што ме допре со тие „обични“ раце?

rnrn

8. Уф, ми се смачи веќе од небрендирана флаширана вода!

rnrn

9. Не газам бос во јавни вециња.

rnrn

10. Ми се здосади од бацување.

rnrnrn

August 9, 2013
Сè што правите влијае врз вас
Секој мал детаљ од нашата околина може да има влијание врз нашите избори и однесувања. Често не сме свесни за овие детали и начинот на кој тие влијаат врз нас, бидејќи сè се случува под површината на нашиот свесен ум.rnrnИсто како што можеме да го видиме само врвот на сантата мраз која плови по океанот, така гледаме само мало делче од она што всушност се случува внатре во нашиот ум додека донесуваме некоја одлука. Забележувањето на овие несвесни влијанија може да ви овозможи подлабоко сфаќање на функционирањето на вашиот ум, како и на одредени ситуациски фактори кои можат да го променат начинот на кој размислувате и се однесувате.rnrnПостојат различни видови несвесни влијанија кои можат да го сменат начинот на кој се однесуваме, но најинтересните примери вклучуваат:rn
- Олимписките натпреварувачи и тимови кои носат црвена боја почесто победуваат. (Студија)
- Мажите кои се експерти во шах почесто преземаат ризични потези кога противникот им е атрактивна жена. (Студија)
- Доколку вклучите сијалица пред да започнете со решавање на одреден проблем, тоа може да ви помогне подобро да ја сфатите ситуацијата. (Студија)
- Луѓето на кои им биле покажувани предмети поврзани со бизнис, како на пример актовка, со тек на време станувале понатпреварувачки настроени. (Студија)
- Жените повеќе ги привлекуваат мажи кои со себе носат кутија за гитара. (Студија)
- Луѓето со име Ким, Кели и Кен донирале повеќе за жртвите на ураганот Катрина, отколку за жртвите на ураганот Рита. (Од книгата „Drunk Tank Pink“)
- Луѓето имаат тенденција да донираат повеќе доколку видат фотографија со 2 очи закачена на ѕидот од просторијата. (Студија)
- Темнината поттикнува неискреност и однесување кое е насочено повеќе кон себе. (Студија)
- Луѓето кои конструирале реченици со зборовите „заборавен“, „ќелав“ или „сиво“, по задачата излегувале многу побавно од просторијата за испитување, бидејќи употребувале реченици кои се поврзуваат со нешто „бавно“. (Студија)
- Присуството на пиштол може да охрабри агресивни мисли и однесувања. (Студија)
- Борачите кои се насмеани на фотографии сликани непосредно пред нивниот натпревар, имаат поголеми шанси да бидат сфатени како послаби противници и да изгубат. (Студија)
rnСите овие примери ни покажуваат колку мали промени во нашата околина можат да доведат до драматични промени во нашите мисли и однесувања. И покрај тоа што никогаш нема да можеме целосно да ги разбереме сите детали во одредени ситуации кои влијаат на нас, можеме постепено да стануваме посвесни за овие суптилни знаци и да се обидеме да го претвориме нивното негативно влијание врз нас во нешто позитивно.rnrnНеколку начини на кои можете да го подобрите својот одговор на овие несвесни влијанија се:rn
- Обрнете повеќе внимание на новите истражувања кои излегуваат од оваа област.
- Медитирајте и применувајте различни видови техники за поттикнување на свесноста.
- Обидете се да преземете контрола врз вашата околина – додајте позитивно влијание на вашиот ден, така што ќе ги намалувате негативните влијанија.
- Не полудувајте размислувајќи за сите детали во вашата околина, бидејќи во преголеми количини, ова однесување може да премине во опсесија.
rnМногу луѓе сакаат да веруваат дека се комплетно свесни за сите нешта кои ги прават, но истражувањата јасно ни покажуваат дека ретко кога сме свесни за буквално сите работи кои на некој начин ни влијаат и нè менуваат.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
June 15, 2013
Што очекува секој хороскопски знак во бракот?

Вашиот хороскопски знак, покрај другите работи, открива и како се однесувате во бракот, дали сте традиционални, посветени на семејството или вашиот брачен живот не ви причинува задоволство.rnrnrn

Овен

rnМашките овни се многу мажествени и лесно се одлучуваат за брак. Не бегаат од одговорност и сакаат да бидат доминантни. Покрај себе сакаат да имаат убава и паметна жена, која ќе им даде доволно слобода. Честопати се случува дополнително задоволство да бараат надвор од домот.rnrnЖенските овни секогаш ќе ги поддржуваат амбициите на партнерот, бидејќи покрај себе сакаат да имаат успешен маж. Тие ги исполнуваат сите свои брачни обврски, но не сакаат да се откажат и од сопствените интереси. Жената-овен е многу активна и секогаш е добро организирана. Склона е на љубоморни испади.rn

Бик

rnМашкиот бик е многу посветен на својата сопруга и на децата. Секогаш се труди да му обезбеди најдобри услови за живот на своето семејство. По природа е многу благ и добродушен. Тој е еден од најстрасните мажи. Доколку неговата жена не му пружи доволно физичко задоволство, може да биде склон на неверство.rnrnЖената-бик е многу посветена на брачната заедница и е подготвена на жртва за да ја зачува хармонијата. Поддржувајќи ја тезата дека љубовта доаѓа преку стомакот, таа е одлична домаќинка. Многу е чувствителна и слаба е на деца. Од мажот очекува да биде успешен и да ѝ пружи материјална сигурност.rn

Близнаци

rnМажот-близнак не е најидеален партнер за брак. Животот со него може да биде многу убав, интересен и опуштен, но само доколку покрај себе има сопруга која нема да го ограничува. Од друга страна, неговата жена, исто така, ќе има потполна слобода. Тој е многу шармантен и сака да флертува.rnrnЖената-близнак е по природа малку палава, но во име на бракот е подготвена да се промени. Претставничките на овој знак се многу приврзани за својот сопруг и им одговараат мажи кои можат ментално и интелектуално да им парираат. Не е тип на жена која ќе запостави сè во име на фамилијата, бидејќи сака и да биде успешна во кариерата.rn

Рак

rnМашкиот рак е многу традиционален и многу е приврзан за своето семејство, но за фамилијата од која потекнува. Иако важи за идеален партнер, со него не е баш лесно да се живее. Неговата сопруга секогаш ќе мора да се натпреварува со неговата мајка. Сепак, тој поминува најголем дел од своето време во домот и е многу добар домаќин.rnrnЖената-рак е вистинска емотивна сопруга, која покажува разбирање, сочувство и верност кон својот маж. Пред сѐ е мајка, полна со љубов и разбирање. Семејството ѝ е најважно во животот. Таа бара маж кој во секој момент ќе ѝ биде заштитник и на кого ќе може да се потпре. Лесно стапува во брачните води, а уште полесно се препушта на иницијативите кои ги презема нејзиниот партнер.rn

Лав

rnМажот-лав е човек кој сака да биде центар на светот на својата жена. Тој смета дека сите по дома треба да му се подредени, а тој да наредува. Како родител не е строг, бидејќи тој е самиот, на некој начин, големо дете. Неговата жена мора да биде убава, негувана и секогаш дотерана.rnrnЖената-лав е многу организирана и секогаш наоѓа време за сè, а и куќните обврски никогаш не ги запоставува. За сите амбициозни мажи, таа е идеална прилика. Нејзината појава секогаш предизвикува воодушевување. Со гордоста ќе можете да ја претставите пред вашите родители, пријателите и колегите на работа. Таа е лојална и страсна.rn

Девица

rnМашката девица во брак со сигурност ќе биде највредниот маж и некој кој на прв поглед сите жени би го посакувале. Тој не е посесивен, но ни особено страстен, па најдобро се вклопува со жена-девица. Често е многу конзервативен во своите сфаќања и не е нешто многу романтичен.rnrnЖената-девица е многу аналитична. Доколку не се одлучи за брак од интерес, во брачната заедница таа е многу чувствителна сопруга и мајка. Таа е способна да ги држи сите конци во рака. Од мажот очекува пред сè да биде одговорен. Знае да делува ладно, а физичкото задоволување не ѝ е примарно.rn

Вага

rnМажот-вага е прав уметник во љубовта, но сепак не е човек кој може да му одговара на некого за брачен живот, бидејќи тешко се прилагодува. Го привлекуваат жени кои водат грижа за својот изглед и кои умеат да му се спротивстават ако е потребно. Многу е страстен, одличен љубовник, но и често е неверен.rnrnЖената-вага е многу впечатлива, привлечна и женствена, затоа секогаш е опкружена со додворувачи. Таа е идеал по која мечтаат сите мажи, а во бракот тежнее за хармонија. Таа е вистинска дама, која не ужива во извршување на куќните обврски. Мажот мора да ја разгалува, пази и да ѝ обезбеди луксузен живот.rn

Скорпија

rnМажот-скорпија е многу посесивен и љубоморен. Со него не е лесно да се дојде до среќа во бракот. Непријатните ситуации можат да се избегнат доколку жената постојано му покажува и докажува дека е многу заљубена. Не сака ладни и доминантни жени бидејќи смета дека тој е „глава на семејството“.rnrnЖената-скорпија многу сериозно му пристапува на бракот. Партнерот секогаш го избира со срце, а не со разум. Таа ќе направи сè за да ги усреќи мажот и децата. Од друга страна, очекува да биде бескрајно сакана и почитувана. Многу е енергична и страсна. Доколку мажот не успее да одговори на нејзините барања, спремна е да си замине.rn

Стрелец

rnМашкиот стрелец е роден авантурист во животот и во љубовта. Не тежнее да стапи во брак по секоја цена. Неговата жена мора да биде елоквентна, забавна и способна да може да се снајде без него. Тој на љубовта гледа потполно поинаку од другите. Љубомората од својата жена никако не може да ја толерира.rnrnЖената-стрелец пред сè е многу мудра и пријателски настроена како сопруга. Спремна е да го следи својот партнер во сè. Во бракот не поднесува монотонија и ќе стори сè за заедничкиот живот да стане рутина. Потребен ѝ е некој кој умее да ја забавува, а во душа е романтична.rn

Јарец

rnМажот-јарец е најчесто посветен на кариерата, па во брачните води влегува многу покасно од другите знаци. Жената покрај него ќе се чувствува сигурно, но ќе биде лишена од емотивни изливи на нежности од негова страна. Тој несвесно бира доминантна жена, но очекува и некои негови правила да се почитуваат.rnrnЖената-јарец е створена за маж кој тежнее да има мирно семејство и живот без големи возбудувања. Мажот може да биде потполно сигурен во нејзината верност. Сепак, оваа жена е многу воздржана, ладна, дури често и одбивна. Не умее да покаже емоции, дури и кога навистина ѝ е важен партнерот.rn

Водолија

rnМажот-водолија е многу непредвидлив и не е идеален за брак. Неговата избраничка не треба да ги отвора сите карти доколку сака да го задржи неговото внимание за време на заедничкото живеење. Тој лесно се определува за онаа која е поинтересна и поспособна.rnrnЖената-водолија е многу едноставна, необична и пријателски настроена жена. Од бракот бега додека не се појави оној вистинскиот. Во кујната не се снаоѓа баш најдобро, но затоа никогаш не се срами или плаши да ги покаже нејзините емоции. Сака авантури секогаш кога брачниот живот ќе ѝ стане рутина.rn

Риби

rnМашката риба е еден од најдобрите кандидати за брак. На својата жена е подготвен да ѝ ги исполни сите желби, доколку тоа му го дозволуваат можностите. Тој е личност која најмногу време ќе поминува со своето семејство. Тешко би се одлучил да ја ризикува својата брачна среќа за некоја друга љубовница.rnrnЖенската риба е толку многу женствена, што сите останати жени ги фрла во сенка. Честопати нема доволно енергија и волја да ги спроведе своите фантастични идеи на дело, па затоа ѝ е потребен јак маж, кој ќе ја води низ животот. Од бракот нема да се откаже дури ни кога односот со партнерот ѝ е лош, бидејќи цврсто верува дека сѐ може да се надмине и добро да се заврши.

June 9, 2013
Сличностите во однесувањето на мажите и мачките

Кој би рекол дека постои толку голема сличност помеѓу мажите и мачките? 🙂 „Des Hommes et des Chatons“ е страница на платформата за микроблогирање Tumblr, која ги презентира овие премногу смешни „табли“, на кои се прикажани згодни момци и мачки кои прават слични фацијални експресии и пози. И како самото тоа да не е доволно смешно, во ваквите комбинации се вклучени познати личности како Џони Деп, Рајан Гослинг, Џозев Гордон Левит, Бредли Купер, Рајан Филип…rnrn
rnrnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 11, 2013
Како да ги победите лошите навики во 3 чекори?

Дали имате некоја навика која се обидувате веќе долго време да ја победите, но всушност таа ве победува вас? Без разлика колку се трудите, едноставно продолжувате да го правите истото? rnrnrnrnНавиките многу лесно се учат. Некогаш доволно е нешто да направите само еднаш и ако се почувствувате убаво ќе продолжите истото да го повторувате, па нема ни да забележите кога веќе го правите тоа без размислување. Но, истата таа навика која била толку лесна за учење, може да биде скоро невозможна за прекинување. Пробувате да престанете, но не ви успева и затоа се откажувате. Потоа пробувате со нешто друго, но и тоа не ви успева и пак се откажувате. На тој начин влегувате во бескраен круг сè додека не се убедите себеси дека навиката е едноставно посилна од вас. rnrnНо, ова не мора да биде вашата приказна. Вие сте посилни од вашата навика. И доколку ги следите наредниве 3 едноставни чекори, за многу кратко време ќе го докажете тоа…rnrn

Чекор 1 – Откријте за каква цел ви служи

rnПред да можете успешно да ја победите вашата лоша навика, мора да сфатите што всушност добивате вие од неа. На пример, ако сте пушач, зошто пушите? Дали тоа ве смирува? Дали на тој начин се ослободувате од стресот и ја намалувате вашата анксиозност? Дали ви помага побрзо да ви помине времето? Која е вашата корист од неа? rnrnrnrnИсто така, за да можете да разберете зошто вашата навика толку ве привлекува, мора да откриете што ја предизвикува. Дали се појавува при одредени емоции или ситуации? На пример, кога се случува да ги грицкате вашите нокти? Дали кога се чувствувате непријатно или кога ви е здодевно? Ова е важно бидејќи морате прво да дознаете зошто нешто правите, а потоа да направите план за да го промените.rnrn

Чекор 2 – Смислете алтернативни, позитивни однесувања

rnНекои луѓе можат многу лесно да сопрат негативно однесување, доколку тие самите така одлучат. Но, за други пак тоа е екстремно тешко, скоро невозможно. Па, откако ќе сфатите зошто вашите однесувања се толку неодоливи, мора да најдете алтернативни, позитивни однесувања кои ќе ја имаат истата улога. rnrnrnrnНа пример, да замислиме дека вашата лоша навика е јадење пуканки секоја вечер додека гледате телевизија. И можеби го правите тоа зашто едноставно не можете само мирно да седите додека ги гледате вашите омилени ТВ серии и по долги години пракса, веќе не можете да прекинете без да се чувствувате нервозно. Пробајте да го замените ова однесување со нешто слично, но сепак поинакво. Најдете друг начин да ги „забавувате“ вашите раце, како на пример, да ги лакирате ноктите. Или пак, легнете на подот и правете склекови или стомачни. Така на позитивен начин ќе ја задоволите вашата потреба да правите нешто додека гледате телевизија.rnrn

Чекор 3 – Забележувајте го вашиот напредок

rnКога се обидувате да смените однесување кое траело со години, многу лесно може да се почувствувате како да удирате со глава во ѕид. Вие сте свесни за вашата лоша навика и ви изгледа како сега да сте повклучени во неа отколку кога не се обидувавте да ја промените. Поради тоа е многу важно да го бележите вашиот напредок. Како? Запишувајте секојпат кога успешно ќе ја надминете потребата да се вратите назад на лошата навика.rnrnrnrnНе можете да смените нешто за коешто не сте свесни, нели? Со забележувањето на активностите, вие привлекувате внимание кон нив. Исто така ако следите сè што се случува, можеби ќе наидете на емоции кои не сте ни биле свесни дека го повикуваат вашето негативно однесување. И како најважно, кога се обидувате да победите некоја лоша навика можете да се навратите кон неа со размислувањето дека немате напредок. Но, ако имате запис за вашата борба, ќе сфатите дека секој ден сè повеќе и повеќе преовладувате над неа.rnrnПонекогаш потребно е да обрнете повеќе внимание на патот по кој моментално патувате, отколку на оној кој допрва ве чека…rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 19, 2013
Како да ја кажете вистината која боли?

Понекогаш мора да се кажат некои работи кои некому нема да му се допаднат и можеби ќе го заболат. Ако се прашувате како да постапите во вакви ситуации следете ги овие неколку совети за да ги минимизирате можните штетни последици.rnrnrnrnБидете сигурни дека помагате. Ако се сомневате дека само ја осудувате другата личност, подобро е да размислите уште малку за она што сакате да го кажете. Кога ќе се осигурате дека не сте оптоварени со личните фрустрации туку сакате само да помогнете, зборувајте слободно.rnrnВерувајте му на внатрешниот глас. Вашиот мозок знае како да ви прати порака за она што навистина сакате да го направите. Смирете се, сослушајте се себеси и донесете одлука.rnrnПреиспитајте го вашиот страв. Размислете за тоа дали ќе биде полесно да живеете со последиците од кажувањето на вистината или од нејзиното некажување. Обидете се да бидете храбри.rnrnrnrnСпремете тактика. Ако се работи за нешто сериозно, корисно е да размислите за тоа како може да се одвива разговорот и да спремите тактика. Одберете некое мирно место за разговор каде што никој нема да ви пречи и добро објаснете ѝ на личноста дека имате исклучиво добри намери со она што сакате да ѝ го соопштите.rnrnПобарајте дозвола да зборувате за проблемот. Прашајте ја другата личност дали е заинтересирана за вашето видување на работите пред да кажете што било. Ако почувствувате некаков отпор, речете дека ќе разговарате друг пат. Само немојте некој ваков момент да го користите како оправдување за да се повлечете.rnrnОбрнете внимание на последиците од нечие однесување. Кога некому му кажувате дека неговото или нејзиното однесување не чини, разбирливо е да наидете на отпор. Затоа предочете ги последиците од таквото однесување со цел да бидете поуверливи.rnrnrnrnИскажете ги вашите намери. Нека знаат дека немате цел да ги навредите, туку да придонесете кон нивното подобрување.rnrnНе доведувајте ги во прашање вашите намери. Ако другата личност ви возврати негативно, немојте да се повлекувате велејќи дека не требало така да кажете или постапите. Со тоа ќе оставите впечаток дека не сте сигурни за она што сте сакале да им го кажете и ќе можат да се сомневаат во вашата искреност.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 6, 2013
Вашата омилена боја открива какви сте во сексот

Омилената боја, може да открие многу работи за една личност, вклучително и нејзиното однесување за време на сексуалниот чин. Доколку не сте сигурни која е вашата омилена боја, ѕирнете која доминира во вашиот гардеробер или во вашата соба и прочитајте какви сте под чаршафите. :)rnrnrn

Црвена

rnСтрасни сте во сексот и уживате во него на секој можен начин. Не постои нешто во сексот, кое вие не би сакале да го пробате. Обожавате кога партнерот копнее да биде интимен со вас, особено кога чувствувате дека имате моќ над него. Доколку и вашиот партнер ја сака црвената боја, вие двајца сте како главни ликови од одличен еротски роман.rn

Жолта

rnВашиот сексуален нагон е прилично комплексен, но истовремено и прилагодлив. Сакате доминантни партнери, кои ја имаат целосната контрола во сексот. Никогаш не уживате комплетно во сексот бидејќи сте премногу срамежливи да кажете на глас што ве возбудува, но никогаш и не би одбиле покана од некој кого обожувате или на кој му се восхитувате.rn

Розова

rnВо сексот сте незрели. Жените кои сакаат розово имаат тенденција да го предизвикуваат партнерот и му ветуваат повеќе одошто можат да му пружат. Некои од нив премногу ја нагласуваат нивната женственост, а тоа е така бидејќи потајно ги мразат мажите. Машките љубители на розова боја, имаат тенденција да бидат неверни. Тие се големи женкари и приврзувањето едноставно не е за нив.rn

Виолетова

rnСебеси се сметате за софистицирана личност и не го обожавате баш сексот, бидејќи е премногу валкан за вас. Жените стравуваат дека ќе си ја расипат косата ако имаат секс, а мажите се однесуваат како да ѝ нудат бизнис-предлог на нивната партнерка, а не водење љубов. Ги сакате контролата и правилата, поради што сте склони кон рутински секс. Поважно ви е вашето уживање, во однос на желбите и потребите на партнерот.rn

Зелена

rnВашиот пристап во сексот е нежен и искрен. Жените кои сакаат зелена, цел живот ќе водат љубов како да се девици. Мажите се малку тромави и чудни во сексот, но на еден привлечен и шармантен начин. Сексот секогаш го доживувате како чисто водење љубов. Нежни сте, но не сте страсни. Вашиот партнер никогаш не треба да се грижи и посомнева дека ќе го изневерите.rn

Портокалова

rnСексот го доживувате како фантазија. Предиграта ви е подеднакво важна како и самиот чин на водење љубов. Иако ретко доживувате оргазам, вие секогаш уживате во самата игра на заведување, која неретко вклучува и сцени од филмови, како на пример оставање трагови од нокти на грбот на партнерот и влечење на косата на партнерката.rn

Црна

rnСакате предизвици, нови начини на уживање и неочекувани ситуации. Можеби сте склони и кон поперверзен секс. Себични сте, имате променливо расположение, а во сексот гледате бегство од вашиот гнев и фрустрации.rn

Кафена

rnВие сте нежни, чувствителни и ги почитувате желбите и потребите на партнерот. Можете да водите љубов со часови. Романтични сте, поради што многу уживате во самиот чин на заведување и флертување. Поради вашата сензитивност, само еден погруб збор од вашиот партнер, може да значи крај на врската. Вие ја давате сета љубов која ја чувствувате, но очекувате исто (па и повеќе) за возврат.rn

Сива

rnПрилично сте неодлучни и тешко се возбудувате. На машките љубители на оваа боја, сексот им служи за ослободување од притисокот и задоволување на нагоните, додека за жените сексот во превод значи задоволување на потребите на партнерот или неопходен пат за проширување на семејството.rn

Сина

rnВнимателни сте и чувствителни, а љубовта и сексот за вас претставуваат уметност. Страсни сте и се возбудувате како моќен морски бран. Ја сакате предиграта, исто колку и самиот секс. Верни сте на својот партнер, многу давате, но и многу очекувате. Вие сте одличен брачен материјал – секогаш ќе го правите партнерот задоволен и никогаш нема да барате утеха кај некој/a друг/а.rn

Бела

rnСексот за вас е нешто интимно и таинствено. Обожавате да водите љубов во мрак, што значи дека сте срамежливи и не сте баш подготвени за сексуални игри. Туширање пред и по сексот е честа појава кај вас, но тоа не значи дека сметате дека вашиот партнер е валкан. Вие едноставно сметате дека чистотата е начин да се покаже респект кон партнерот. Според вас, сексот треба да биде дел само од сериозните љубовни врски.

December 28, 2012
Во што е тајната на харизмата?

Некои личности едноставно се предодредени да бидат харизматични. Но, тоа не значи дека не можете да научите како да бидете најхаризматичната личност во друштвото. Според Оливија Фокс, автор на делото „Митот за харизмата: Како да ја усовршите уметноста на личната привлечност?“, харизмата е резултат на специфично невербално однесување. Затоа еве неколку совети кои ќе ви помогнат да станете похаризматични. rnrnrn

Бидете исправени

rnСпречете го подгрбувањето на тој начин што ќе стоите или ќе седите исправено. Подгрбавените луѓе изгледаат мали и затворени. Наместо тоа, исправете се така што ќе ги зафрлите рамењата наназад. Истражувањата велат дека овој познат „суперхеројски став“ го намалува кортизолот (хормон на стресот), а го зголемува количеството на тестостеронот, хормон кој се поврзува со моќта и силата.rnrn

Истакнете се

rnЕве неколку практични совети кои ќе ја зголемат вашата харизма при конверзација. Намалете ја интонацијата на гласот на крајот од реченицата. Зборувајте полека, повремено кимнувајте со главата и почекајте две секунди пред да одговорите. Не заборавајте да се насмевнете додека зборувате затоа што така звучите пољубезно. rnrnrn

Слушајте

rnВнимателно слушајте кога некој зборува. На тој начин покажувате дека сте навистина присутни и дека сте заинтересирани за она за што се зборува. За да ја подобрите вештината на внимателно слушање, секојдневно практикувајте медитација. Денес сè помалку луѓе знаат да слушаат внимателно, па затоа дури и минималниот труд може да направи голема разлика.rnrn

Воспоставете контакт со очите

rnКонтактот со очите е многу важна компонента на харизмата. Присутноста не се покажува само со внимателно слушање, туку и со воспоставување контакт со очите. Се препорачува контактот со очите да трае најмногу три секунди по завршувањето на разговорот. Но, бидете внимателни! Вашиот поглед не треба да биде студен и напнат, туку топол и опуштен. rnrnrn

Копирајте

rnЛуѓето се чувствуваат најпријатно кога се во присуство на оние кои се слични на нив. Ваквата сличност се однесува и на изгледот, но и на однесувањето. Затоа имитирајте го туѓиот говор на телото. Тоа ќе предизвика чувство на доверба.rnrn

Бидете ранливи

rnДа се биде харизматичен не значи да се биде постојано силен и наметлив. Откривањето на некоја ваша слабост или споделувањето на некоја засрамувачка случка може да поттикне чувството на поврзаност помеѓу вас и другите. Сè на сè, луѓето сакаат тајни.rnrn

Имајте визија

rnАко се чувствувате нервозни во одредена ситуација, обидете се да си замислите дека прегрнувате некој кој многу го сакате. Истражувањата покажале дека фантазирањето за топла прегратка ослободува поголемо количество на окситоцин (невропептид кој го спречува стресот). rnrn

September 24, 2012
Правила за дами

Зборот „дама“ за првпат се појавил пред 300 години и се користел како женски еквивалент на зборот „господин“. Денес овој збор сè поретко се употребува, а како негова замена многу почесто можеме да го слушнеме зборот „госпоѓица“ или „госпоѓа“.rnrnЗа сите припаднички на „загрозениот“ вид на дамите и за сите оние кои сакаат да станат дел од него, ова се неколку правила кон кои треба да се придржуваат:rnrnrnrn1. Треба да знаеш колку кратко е прекратко, без разлика дали се работи за фризура, фустани или за мажи.rnrnrn2. Светот е една голема модна писта. Затоа секогаш биди добро облечена и чекори самоуверено.rn rnrn3. Твојот фустан треба да биде доволно тесен за да покаже дека си жена, но доволно широк за да покаже дека си дама.rnrnrn4. Однесувај се како да имаш невидлива круна на главата.rnrnrn5. Шминката не треба да ја прекрие, туку да ја истакне убавината.rnrn6. Три збора кои ниедна дама не смее да ги заборави: мал црн фустан.rnrn7. Постои само едно правило кога се работи за облека, накит, шминка и парфеми: помалку е повеќе!rnrn8. Три броеви кои дамите никогаш не ги откриваат: бројот на години, бројот на килограми и бројот на долната облека.rnrn9. Насмевката е најубавиот дел на твоето тело.rnrn10. Сакај го своето тело! Тоа е единственото кое го имаш.rnrn11. Тајната на убавината е во среќата.rnrn12. Не е важно што мислат другите, сè додека си ти среќна.rnrn13. Не очекувај другите да те сакаат и почитуваат, ако не се сакаш и почитуваш самата себе.rnrn14. Грешките се неизбежни. Научи како да си простуваш себеси.rnrn15. Не задоволувај се со ништо помалку од она што го заслужуваш.rnrn16. Размисли пред да дејствуваш. Заработи пред да потрошиш. Почекај пред да критикуваш. Обиди се пред да се откажеш.rnrn17. Чувај го оној кој ќе направи сè за да те насмее.rnrn18. Убавината го привлекува погледот, но карактерот го заробува срцето.rnrn19. Ако се двоумиш помеѓу две нешта, секогаш избери го второто. Да беше првото доволно добро, второто немаше да биде опција.rnrn20. Не дозволувај грешките од минатото и стравот од иднината да ја расипат убавината на сегашноста.rnrn21. Ако тој те напушти, тогаш тоа е негова загуба, не твоја.rnrn22. Подобро е да бидеш сама, отколку да бидеш изневерена и непочитувана.rnrn23. Ако некој ти каже дека го полудуваш, тоа значи дека правиш нешто или навистина добро или ужасно лошо.rnrn24. Можеш истата грешка да ја направиш по вторпат, но тогаш тоа нема да биде грешка, туку твој личен избор.rnrn25. Успехот е најдобрата одмазда!rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 16, 2012
Венера, планетата на љубовта низ хороскопските знаци

Автор: Тања ИлиевскаrnrnПланетата Венера во астрологијата се поврзува со љубовта, убавината, привлекувањето, креативноста, поврзувањето, феминистичкиот идеал, хармонијата… Всушност и самата планета името го добила по римската божица на љубовта и убавината. Знакот во кој се наоѓа Венера во нашиот хороскоп, а кој може да се прочита од сопствената наталната карта, го покажува начинот на кој примаме и даваме љубов и внимание, како формираме блиски врски и како се однесуваме во нив, како уметнички се изразуваме и кои креативни таленти ги поседуваме. Проверете го вашиот знак во кој се наоѓа Венера, а потоа прочитајте го неговото толкување.rnrnrn

Венера во овен

rnШто мисли за себе: „Авантурист сум. Ќе те освојам. Јас сум самоук и независен.“rnrnДоколку ја имате Венера во овен, тогаш во врските сте жестоки. Кај вас чувствата и страстите лесно се будат и вообичаено се обидувате да преземате иницијатива кога е во прашање срцето. Го освојувате другиот така што ќе му покажете колку сте решителни и самостојни. Излегувате и го добивате тоа што мислите дека го сакате. Проблемот е што, кога еднаш ќе го добиете, може да се заситите од тоа што сте го добиле. Поради тоа вашите врски можат да започнуваат возбудливо, а да завршат со монотонија и здодевност. Всушност, возбудата која ви ја создава потрагата по некого, за вас е поважна од финалниот „лов“.rnrnНезависни сте и импулсивни, сакате да се натпреварувате и понекогаш одбирате да му се спротивставите на другиот, само затоа што тоа ви носи акција и возбуда. Понекогаш, со оваа позиција на Венера, кај вас може да се јави тенденција премногу да им се удоволува на другите. Тогаш може да одберете доминантен партнер кој ќе сака работите да ги правите на негов/нејзин начин, на сметка на вашите лични желби. Понекогаш може да бидете нечувствителни во однос на тоа какви ефекти имаат вашите дела врз најблиските.rn

Венера во бик

rnШто мисли за себе: „Јас сум личност на која можеш да се потпреш. Мојот идеален состанок се состои од добра храна, добро вино и многу гушкање со љубениот/а по дома.rnrnДоколку имате Венера во бик, тогаш во љубовните врски сте лојални и урамнотежени, особено доколку вашиот партнер знае да ги покажува своите чувства. Ориентирани сте кон сетилната страна на животот, што може да се манифестира и преку зголемена телесна тежина, бидејќи добрата храна е вашиот најдобар пријател.rnrnСакате да се разгалувате себеси и оние кои ги сакате. Реагирате на убавина, па за вас е многу значаен физичкиот изглед и атрактивноста на вашиот партнер. Некогаш преголема важност им давате на материјалните работи. Сакате удобност и понекогаш знаете да бидете мрзеливи и да очекувате дека некој друг ќе ги заврши работите кои мораат да се завршат наместо вас. Топли сте во душа, имате изострен осет за естетика, шармантни и знаете да сочувствувате со другите. Она на што треба да поработите е самоконтролата, посесивноста и обидот да го одбирате полесниот пат во вашите љубовни врски.rn

Венера во близнаци

rnШто мисли за себе: „Јас сакам забава. Мојот идеален состанок се состои од одење во кафуле, потоа гледање филм во домашна атмосфера и дискутирање за него.“rnrnДоколку ја имате Венера во близнаци, поважни ви се смислата за хумор, интелектот, комуникациските способности кои ги поседува личноста што го „уловила“ вашето внимание, одошто нејзиниот физички изглед. Посакувате партнер кој ментално ќе ве стимулира, некој кој е љубопитен, кој може да го предизвика вашиот ум и со кого нема да ви биде здодевно.rnrnПреферирате и имате потреба од врски во кои заедно ќе учите нови нешта, ќе разговарате, ќе споделувате разни идеи и ќе посетувате различни места. Вам не ви се допаѓаат посесивни и љубоморни партнери. Шармантни сте, пријателски настроени, сакате да запознавате нови луѓе, но и да флертувате. Уживате во забавата и возбудата кои ги носи љубовта, но се плашите од обврските. Вашите чувства најдобро можете да ги изразите преку говорење, пишување или некој вид уметност.rn

Венера во рак

rnШто мисли за себе: „Јас сум само еден обичен човек. Животот го градам на солидна основа. Знам да те утешам и да ти пружам поддршка. Јас се грижам. Јас останувам тука. Мојот идеален состанок се состои од јадење дома и гушкање.“rnrnДоколку ја имате Венера во рак, вие сте тивки, срамежливи, чувствителни и романтични, а вашите чувства се силно врзани за семејството, старите пријатели, спомените и минатото. За вас многу важни се родендените, годишнините, куќните слави и нивното прославување. Во љубовните врски имате потреба од внимание, грижа, емоционална поддршка и сигурност, а во домот имате потреба од мир и хармонија.rnrnСе „лепите“ за оние што ги сакате, но доколку таквото однесување отиде предалеку, имате тенденција да станете посесивни. Сакате кога другите имаат потреба од вас. Чувството на несигурност и чувството дека не сте доволно сакани, кои понекогаш се јавуваат кај вас, знаете да ги потиснете со храна, особено со благи работи. Имате свој личен шарм и знаете да сочувствувате со другите. Вие имате потреба да се грижите за другите.rn

Венера во лав

rnШто мисли за себе: „Јас сум љубезна и забавена личност. Интересен/а сум и искусен/а. Дозволи ми да те забавувам.“rnrnДоколку ја имате Венера во лав, во љубовта сте спонтани, лојални, приврзани и дарежливи. Не сакате партнер кој е ситничав и скржав. Вие го барате херојот, принцот или принцезата, некој кој ќе можете да го обожавате, со кого ќе се гордеете и кој ќе ви го „помести“ тлото под нозете. Копнеете по љубов, почит и внимание од другите и ви годи кога ви ласкаат.rnrnВо љубовниот живот сакате драма, големи романтични гестови и необични изрази на дарежливост. Искрени сте, љубезни и сакате забава. Понекогаш очекувате премногу од луѓето и кога ќе ве разочараат, се чувствувате повредени. Совет за вас е да не го запоставите развивањето на вашите внатрешни потенцијали и да се фокусирате и преокупирате единствено со надворешниот изглед. Бидејќи сакате да сте во центарот на вниманието, внимавајте да не станете фалбаџии и премногу суетни.rn

Венера во девица

rnШто мисли за себе: „Јас ќе се грижам за тебе и ќе направам многу мали работи за тебе. Јас ќе ти помогнам“.rnrnДоколку ја имате Венера во девица, тогаш вие сте посветени и верни на оние кои ги сакате. Некако сте срамежливи кога е потребно да ги покажете вашите чувства, па наместо да му кажете некому дека ви значи на некаков романтичен начин, вие преферирате љубовта да ја покажувате така што ќе направите нешто убаво за личноста или едноставно ќе бидете тука за неа.rnrnЗнаете да бидете критички настроени кон партнерот и да очекувате совршенство. Сакате сѐ околу вас да биде чисто и уредно. Понекогаш немате доверба во вашата привлечност и способност да привлечете љубов и бракот може да дојде со задоцнување во вашиот живот, поради стремежот да најдете совршен партнер, а совршен партнер не постои. Љубезни сте и знаете да сочувствувате со другите, па можете да бидете одлични негуватели.rn

Венера во вага

rnШто мисли за себе: „Јас сум само едно фино момче/девојка – некои велат дека сум премногу фин/а. Романтичен/а сум и сакам добри разговори. Ќе ти удоволувам. Единственото нешто што барам е фер игра.“rnrnДоколку ја имате Венера во вага, тогаш вие сте шармантни, тактични, учтиви и урамнотежени и имате силна желба да им угодувате на другите и не сакате да создавате немир. Бидејќи се трудите секогаш да се согласувате со другите, понекогаш имате тешкотија да кажете „не“, што може да биде злоупотребено од другата страна. Но, понекогаш знаете да бидете и безмилосни со другите. Со оваа позиција на Венера, вие знаете што другата личност сака да слушне и на тој начин може да манипулирате со неа.rnrnХармонијата за вас е многу важна и би жртвувале многу за да ја зачувате. Во врските и бракот сакате некој со кого се наоѓате на иста фреквенција, кој ќе ве урамнотежи. Ве привлекуваат луѓе кои се префинети и чувствителни. Цените добри манири и не сакате луѓе кои се однесуваат грубо. И самите вие сте префинети и најверојатно имате талент за музика или некоја друга уметност или во најмала рака ја цените уметноста. Имате и смисла за бои. Негативната страна на ваквата позиција на Венера е тоа што ве прави неодлучни и мрзеливи.rn

Венера во скорпија

rnШто мисли за себе: „Чувствителен/а сум и не сум површен/а. Ќе ти бидам мошне лојален/а, засекогаш. Ќе те усреќам во кревет.“rnrnДоколку имате Венера во скорпија, тогаш посакувате длабока, интензивна и страсна врска. Во љубовта ништо површно нема да ве задоволи. Вие копнеете за бесмртна љубов, како онаа на Ромео и Јулија. Оние кои ја имаат оваа позиција на Венера се едни од најстрасните љубовници. Врските кои ги формирате се базираат на силни емоции и можат да бидат опишани дури и како посесивни. Може да станете многу љубоморни кога се во прашање оние кои ги сакате. Неконтролираната љубомора и посесивност можат да ги уништат врските кои најмногу ви значат.rnrnПоставувате големи барања за вашиот партнер. Донекаде се сомневате дури и во платонските, пријателски врски кои вашиот партнер ги има. Ако некогаш ве изневерат, способни сте да мразите со истиот интензитет со кој некогаш сте сакале. Вие може да имате една љубов за целиот свој живот. Вам ве привлекуваат луѓе кои делуваат мистериозно. Иако имате длабоки чувства, имате проблем да ги изразите. Понекогаш посветеноста кон религијата може да ви служи како „издувен вентил“ за вашите преоптоварени емоции. Совет за вас е да ја научите вредноста на самоконтролата.rn

Венера во стрелец

rnШто мисли за себе: „Јас сум весел/а и забавен/а. Му се радувам на животот и сакам да се смеам. Отворен/а сум за нови искуства.“rnrnДоколку ја имате Венера во стрелец, вие барате некој кој ќе ги прошири вашите хоризонти и ќе ја продлабочи вашата свест. Вам ве привлекува некој кој ја сака забавата, кој е весел и отворен за авантури и нови искуства. Заедно би уживале во патување, запознавање нови луѓе и откривање нови места низ светот во кои особено уживате. Луѓето од различни култури го прошируваат вашето разбирање за светот и себеси.rnrnВие сакате да ги споделувате своите соништа, тежнеења и идеали со вашиот партнер. Затоа за вас многу важен е интелектуалниот однос. Не сте претерано сентиментални, па вашиот партнер понекогаш може да има чувство дека сте недоволно сериозни и романтични. Вие ја идеализирате љубовта. Не можете да останете долго во врска во која нема доволно возбуда.rn

Венера во јарец

rnШто мисли за себе: „Јас имам добра работа и паметно вложувам во неа. Ќе ти овозможам сигурност. Бракот и фамилијата се многу значајни за мене.“rnrnДоколку ја имате Венера во јарец, тогаш љубовта ја изразувате на претпазлив, резервиран и сериозен начин. Веројатно не сте демонстративни кон оние кои ги сакате. Многу се грижите за тоа што другите луѓе мислат за вас и копнеете по љубов и внимание, но вашите резервирани реакции ве прават да изгледате незаинтересирано.rnrnПовршни врски воопшто не ве интересираат. Претпазливи сте и сериозни кога е љубовта во прашање и сакате длабока, вистинска, трајна љубов. Конзервативни сте и традиционални во однос на додворувањето и останувате верни на саканиот/саканата и во добро и во лошо. Може да ве привлекуваат личности кои се постари од вас, некој кој е емоционално зрел и доверлив и кој може да ви ја даде сигурноста која ви е потребна. Не сакате да бидете повредени и имате силна желба да се заштитите себеси, па ова може да ве спречи да бидете поотворени во љубовта. Негативните аспекти на Венера може да ве направат плашливи, себични, љубоморни и пресметливи. Кај вас може да се јави и голема амбиција и желба за престиж и статус.rn

Венера во водолија

rnШто мисли за себе: „Јас сум либерален/а. Јас не сум посесивен/а. Барам пријател во партнерот/партнерката. Јас сум единствен/а. Ајде да разговараме и да се забавуваме.“rnrnДоколку ја имате Венера во водолија, тогаш љубовта ја изразувате на отворен, неконвенционален начин. Вие сакате да имате многу пријатели и познаници и сакате дружење. Бидејќи го цените пријателството толку многу, поудобно се чувствувате во улогата на пријател, отколку на љубовник. Едно е сигурно, она што навистина не ви се допаѓа се врски во кои има посесивност и наметливост. Вие сакате да бидете слободни да правите што сакате, со кого сакате.rnrnСакате интелектуална или спиритуална врска со партнерот и таа може да биде вашата преферирана замена за интимно или емоционално поврзување. Имате потреба од партнер кој ќе ви даде слобода и ќе ви дозволи да бидете свои. Шармантни сте, среќни и оригинални, но знаете да бидете и ладни, смирени и незаинтересирани. Потребно е да научите да бидете потопли и да имате поголемо разбирање.rn

Венера во риби

rnШто мисли за себе: „Ќе те сакам. Ќе те прифатам. Дури и ако остатокот од светот мисли дека тебе никој не може да те сака, јас ќе те видам онаков/а каков/а што навистина си.“rnrnДоколку ја имате Венера во риби, тогаш љубовта ја изразувате на кроток, романтичен, чувствителен начин. Несебично се давате себеси на оние кои ги сакате или оние кои имаат потреба од вас и вашата помош. Понекогаш „паѓате“ на сентиментални приказни и давате толку многу, што некои луѓе стануваат зависни од вас. Идеалисти сте кога е во прашање љубовта и ова некогаш може да заврши така што станувате маченик или спасител во врските. Сочувствени сте и се врзувате со другите поради нивната потреба од љубов или поради потребата да бидат „спасени“.rnrnГи привлекувате и ве привлекуваат сензитивни, имагинативни личности кои имаат склоност кон музика или друг вид уметност. Посакувате да најдете некого со кого ќе развиете длабока и спиритуална врска. Ја идеализирате љубовта и имате многу убава и романтична визија за тоа каква љубовта може да биде. Понекогаш едноставно сте вљубени во љубовта. Знаете да бидете многу емотивни и кротки, но не треба да дозволите да ве искористуваат само затоа што не сакате да разочарате некого и не сакате да создадете немир. Може однадвор да изгледате како личност која мора да трпи и да пати во љубовта и дека тоа го правите по сопствена волја.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 11, 2012