КАФЕ ПАУЗА

Tag: облекување

Најстрогата модна критичарка топло препорачува: 7 правила за добра модна комбинација

Највлијателната жена во модата во денешниот свет без сомнение е Ана Винтур. Модните дизајнери често во последен момент ги менувале своите колекции поради нејзиното мислење што доволно кажува за тоа колку ја ценат или пак ѝ се плашат. Во продолжение дознајте ги правилата за добра модна комбинација од најстрогата модна критичарка.rnrnrn

1. Рециклирајте ја облеката

rnНе можете да ги да видите најголемите светски ѕвезди двапати во едно парче облека или пак во истата модна комбинација. Тие откако еднаш ќе облечат нешто, брзо потоа забораваат на него. Ана не се сложува со тоа и ни препорачува да ја рециклираме облеката: „Секогаш е забавно да имате нешто ново, но тоа не значи дека морате сето она што веќе е во вашиот гардеробер да го исфрлите од него. Рециклирајте, бидејќи нема подобра навика од таа!“rn

2. Наместо на трендовите, верувајте ѝ на класиката

rnНемојте да дозволите во вашиот гардеробер да превладуваат моментално најпопуларните парчиња облека и секогаш оставајте најмногу место за класичната облека. Никогаш не заборавајте на оние вечни трендови кои одамна станаа класика. Такви, на пример, се минимализмот, цветниот принт, животинскиот принт, пругите и слично.rnrnrn

3. Избегнувајте лога и натписи на облеката

rnАна Винтур преферира дискретни парчиња облека, без впечатливи натписи и лога кои го тргаат вниманието од она што е најважно во модата – убавината на облеката, нејзиниот крој, деталите и боите. Купувањето такви парчиња облека на долгорочен план е лоша инвестиција, бидејќи од блузите со некој инспиративен цитат или лик од цртан филм, најверојатно брзо ќе се заситите, но едноставната блуза секогаш одново и одново ќе посакате да ја облечете, бидејќи полесно ќе можете да ја комбинирате во различни прилики.rn

4. Останете верни на облеката и обувките кои добро ви прилегаат

rnАна повеќе од 20 години го носи истиот модел на обувки. Сандалите од Маноло Бланк за прв пат ги облекла во 1994 година, и од тогаш не може без нив.rnrnrn

5. Избегнувајте вештачки материјали

rnКога ја запрашале Ана кој моден тренд би го забранила засекогаш, таа одговорила: „Навистина не сакам најлон“. Највлијателната жена во светот на модата преферира што е можно поприродни материјали.rn

6. Избирајте облека која ќе ја истакне вашата фигура

rn„Панталоните кои имаат широки ногавици и ефект на здолниште, но и должината им е над зглобовите, се добра идеја само ако сте високи како Карли Клос“, изјавила Ана. Водете сметка за тоа дали ви ласкаат кроевите кои сакате да ги носите за да го извлечете најдоброто од облеката што ја купувате.rn

7. Држете се подалеку од флуоресцентните бои

rnВо текот на минатогодишниот тениски турнир „US Open“, Винтур им дала важен совет на посетителите кои во живо ги гледале натпреварите: „Немојте да заборавите да ги носите вашите очила за сонце, особено ако тенисерите инсистираат да ги носат оние грди флуоресцентни бои“. Таа и тоа како сака јаки бои и не се двоуми да ги понесе во своите модни комбинации, но за флуоресцентните нема место во нејзиниот гардеробер.rnrn

March 9, 2017
5 совршени есенски комбинации инспирирани од манекенката Хејли Болдвин

Познатите дами честопати играат огромна улога при формирањето на модните трендови во текот на есенската сезона, бидејќи имаат големо влијание како на модниот свет, така и на целокупната јавност. Во последно време се појавија неколку девојки кои го освојуваат светот со својот стил на облекување, како на пример, Џиџи Хадид, Кендал Џенер и младата манекенка Хајли Болдвин. Денес ви издвојуваме дел од нејзините есенски модни изданија кои можат да ви послужат како пример за вашите креативни есенски комбинации.rnrnrnrnХејли, иако е млада, има моден вкус на кој може да му позавидат многубројни познати дами кои се истакнуваат по своите дневни комбинации. Таа секогаш носи едноставно парче облека кое потоа го комбинира со тренди парче и на овој начин таа создава атрактивна модна комбинација која мора да ви се допадне.rnrn1. Една таква комбинација е оваа во којашто доминираат долгиот, темно зелен капут и чизмите до колена. Остатокот од комбинацијата го сочинуваат кратко, сиво здолниште, обична црна блуза и кожна чанта. Овој изглед е надополнет со одлични детали како што се очилата за сонце и ланчето „чокер“. Доста елегантна, но и шик комбинација која е совршена за есенските денови.rnrnrnrn2. Можеби за една ваква комбинација ќе биде студено, но сепак може да послужи како одлична идеја за некое вечерно излегување. Кожните хеланки, чизмите со високи потпетици и големата црна чанта се одлично надополнети со широка карирана кошула, која го открива едното рамо, што служи како одличен моден детаљ. Моментално кожата е вистински тренд, особено кога е во комбинација со едно вакво парче облека како што е карираната кошула.rnrnrnrn3. Кога сме веќе кај кожата, искористете ја на доста добар начин, поточно одлучете се за кожна јакна во некоја занимлива боја. Можеби ова е несекојдневен избор, но со овој стајлинг Хејли Белдвин покажува дека едно такво впечатливо парче може да ја претвори дури и наједноставната црна комбинација во атрактивна и модерна.rnrnrnrn4. Комбинезоните беа популарни во текот на летото, па затоа и можевме да ги видиме насекаде. Доколку и вие сте љубител на оваа парче, тогаш носете го и сега, кога пристигна новата сезона. Нека биде направен од подебел материјал, како што е твидот, со кариран дезен, а во однос на обувките – одлучете се за чевли во неутрална боја. Задолжителен е долгиот капут кој е секако еден од главните трендови за оваа сезона. Со оваа комбинација ќе изгледате како една од најдобро облечените дами во светот, бидејќи таа овозможува голема доза софистицираност. Плус ќе изгледате доста модерно во рамка на само една комбинација.rnrnrnrn5. Кожните хеланки не мора да се носат само за излегување, туку и во текот на денот кога ќе заминете на прошетка, ручек или шопинг. Облечете штикли, омилената кожна чанта и голем, широк спортски дуксер и ќе изгледате совршено и впечатливо. Ова е доволна причина за инспирација за есенска комбинација која ќе ја облечете уште денес.rnrn

October 31, 2016
Што зборува за вас вашиот стил на облекување?

Ако мислите дека облеката ја избирате според вашиот личен вкус и дека не открива баш многу за вас како личност… Тогаш, многу се лажете! Сепак, вашиот вкус претставува дел од вас и сосема е логично да открива нешто за вашиот карактер на оние кои не ве познаваат. Секако дека облеката е вистинскиот пример за тоа, па побрзајте да дознаете што зборува вашиот стил на облекување.rnrnrn

1. Класичен стил

rnКласичниот стил изразува скромност, елеганција и софистицираност на еден безвремен начин. Бели кошули, мантили, класични салонки и здолништата молив се задолжително парче во вашиот гардеробер. Освен тоа, вие сакате и класични дизајни како што се точките и пругите, како и неутралните, нежни бои. Доколку го сакате класичниот стил, вие сте паметни, помалку срамежливи, но и доста елегантни. Најважни ви се стабилноста и сигурноста и затоа со задоволство избирате дневни парчиња кои се секогаш во мода.rnrnrn

2. Винтиџ стил

rnИако овој стил подразбира облекување кое вклучува дневни парчиња стари и по 20-30 години, тој е секогаш модерен и популарен, а освен тоа и впечатлив и поетски. Овој стил е како виното – колку се парчињата облека постари, толку подобро создаваат убав, едноставен дизајн и совршен квалитет. Вие сакате сè што е винтиџ, започнувајќи од фустани и здолништа, па сè до чевли и накит кои даваат посебна магија на вашите комбинации. Помалку сте сентиментални, нежни и единствени во вашето модно изразување.rnrnrn

3. Бохо стил

rnОвој стил се одликува со егзотични детали, дезени и кроеви. Во вашиот гардеробер задолжителни се широки фармерки, антилоп и кожни чизми, јакни и кошули со реси, интересни дизајни и бои. Вие сте безгрижни, помалку диви и независни, не сакате да ги следите трендовите, туку самите да ги создавате онака како што вие мислите и чувствувате.rnrnrn

4. Гранџ стил

rnОвој стил се одликува со „третирани“ фармерки, кожни детали, војнички чизми, корсети, многу накит, најчесто во вид на ланци. Доколку го сакате овој стил, вие сакате да бидете единствени, посебни, поразлични, но покажувате и дека сте силни, упорни и храбри.rnrnrn

5. Рок стил

rnОвој стил е доста близок со претходниот, бидејќи токму гранџот претставува една негова варијанта. Од друга страна пак, рок стилот може да оди и на друга страна и да биде сосема гламурозен. Секако, тој се одликува со искинати фармерки, кожни детали, блузи со интересни „графит“ дизајни, марами… Доколку се облекувате на ваков начин, покажувате дека сте слободни и диви и дека не се плашите од ништо.rnrnrn

6. Минималистички

rnМинималистичкиот стил овозможува да изгледаме доста добро со доста малку труд. Слично како и кај класичниот стил и во овој стил доминираат јасни, прецизни линии, сведени бои и елеганција. Доколку го обожавате минимализмот, откривате дека сте елегантни, отмени и дека сте вистинска дама со стил која ја цени едноставноста.rnrnrn

7. Уметнички стил

rnСето она што е оригинално, уникатно и несекојдневно заслужува да се најде во вашиот гардеробер. Бидејќи токму и вие сте такви: Креативни, единствени и неповторливи!rnrnrn

8. Кежуал стил

rnОпуштен и удобен, стил во кој секогаш ќе се чувствувате пријатно. Во вашиот гардеробер мора да се пронајдат парчиња од тексас, шорцеви, блузи, но и удобни обувки како што се патиките. Вие сте едноставни и ниту малку комплицирани, а удобноста и практичноста ви се чекор од софистицираноста.rnrnrn

9. Романтичен стил

rnПастелни бои, а особено розовата, чипка, тул и цветните дезени го карактеризираат овој стил, а вас ве прават женствени, нежни, слатки, но и тоа како модерни.rnrn

July 20, 2016
Моден водич: Како соодветно да ја комбинирате облеката ако сте висока девојка?

Доколку сте ја имале таа среќа (или несреќа, за кого како) да бидете висока девојка, тогаш многу добро знаете дека облекувањето за вас претставува вистинско задоволство, но понекогаш и вистинско мачење. Меѓутоа, не треба да очајувате. Искористете ја предноста на својата висина, бидејќи повеќето дневни парчиња ќе ви прилегаат одлично, а во зависност од тоа дали имате градба како манекенка или со облини, вие може да избирате различни дизајни. Ние денес ќе ви откриеме кои од нив најмногу ќе одговараат на вашата градба на тело.rnrnrnrnПред сè, доколку сакате да се облечете во склад со својата висина, никако не дозволувајте си да се „криете“ под слоевита облека. Многу е важно да бидете свесни за својата градба, т.е. во складност со неа да ги истакнете своите квалитети, а да ги прикриете недостатоците. Клучот за облекување на високите жени е да се држат до монохроматската гардероба, која ќе ги направи уште повитки, но и да не забораваат на здолништата со А-крој или В-израз, кои визуелно ќе ги намалат нивните широки колкови.rnrnrnrnrnrnКога станува збор за обувките, кој вели дека високите девојки мора да носат само балетанки? Затоа не двоумете се да облечете високи потпетици и тоа што повисоки, толку подобро. Така додатно ќе ја истакнете вашата фигура, но и ќе направите да изгледате уште повеќе заводливи, сексапилни и предизвикувачки. Освен во обувките со високи потпетици, вложувајте и во големите модни додатоци, без разлика дали станува збор за чанти, нараквици или ѓердани. Но, не претерувајте со нив! Подобро одлучете се за едно, но ефективно парче, отколку за повеќе со кои ќе изгледате премногу нападно.rnrn rnrnОбрнете внимание и на кројот. Со оглед на тоа дека имате долги нозе, за вас панталоните со широки ногавици би требало да ви станат број 1, додека од друга страна, треба да вложите и во тесните топ маички, кои ќе го нагласат вашиот струк. Исто така, можете да комбинирате и тесни фармерки со преголем џемпер или со некое друго големо парче, бидејќи на тој начин на својот изглед ќе му дадете вистински печат.rnrn rnrnСо оглед на тоа дека имате витка фигура, не колебајте се да покажете и малку кожа. Играјте си со изразите и стиловите, бидете смели и истакнете ја својата женственост на вистински начин. Тоа можете да го направите со преубавите комбинезони со гол грб, во кои ќе изгледате грациозно и сензуално.rnrn rnrnОдличен избор за вас може да бидат и макси фустаните и макси здолништата, а ако сте многу високи, слободно можете да облечете фустани и здолништа кои ви достигнуваат под колената, бидејќи во нив ќе изгледате неверојатно секси.rnrn rnrnБоите и принтовите се исто така ваш сојузник, но со нив не треба да носите премногу модни додатоци. Играјте си со боите и дизајните, но избирајте ги оние кои додатно ќе ја издолжат, а не сокријат вашата фигура. Уште еден добар совет е да облечете дневни парчиња во различни бои.rnrn rnrnИ запомнете, вашата висина е вашиот најдобар моден додаток, па потпирајте се на она што ви стои добро, бидејќи тоа е најдобриот пат до вашиот совршен изглед.

January 5, 2016
Совети, предлози и идеи за слоевито зимско облекување со стил

Слоевитото облекување е најмудрата препорака за ладните денови, но многу жени избегнуваат впечатливи слоевити комбинации, бидејќи не се сигурни дали изгледаат елегантно ако слоевите се гледаат. Уличната мода вели дека може да изгледате неуредно слоевито со стил, но овие модни комбинации не ја исклучуваат елеганцијата. Освен тоа, слоевитото облекување е практично – може да ги соблечете горните слоеви ако ви е премногу топло во просторијата во која моментално престојувате.rn

1. Кошула, елек, пуловер, џемпер

rnrnrnСè што можете да облечете врз кошулата за да се гледаат ракавите, јаката, манжетните, претставува додатен топлотен слој и се вклопува во елегантниот или лежерен стил. Црно-белата комбинација е погодок без грешка, но може да комбинирате и нијанси од иста боја, да вклопувате пастелни варијанти или да изберете смели и ведри бои.rn

2. Фустан преку панталони

rnrnrnТоа може да биде туника до над колена, но и фустан до колена или до половина на листовите, со шлиц или без. Инспирацијата побарајте во музичките спотови или комбинации од модните ревии. Високата мода може да се прилагоди и да биде практична.rn

3. Слоевити комбинации со шалови и пелерини

rnrnrnАко вашата комбинација е смела и екстравагантна, тогаш сè треба да виси, да се гледа и да ѕирка. Шаловите, пончото и пелерините ја потполнуваат таа разиграна слика.rn

4. Трикотажа, волна и фармерки

rnrnrnКежуал стилот подразбира трикотажа и волна, која се комбинира со фармерки. Сè е меко, растегливо, асиметрично и пријатно за носење. Џемперот може да се соблече и да се заврзе околу половината, а капата може да остане на главата иако не сте надвор.

January 2, 2016
Непростливи модни прекршоци: 4 најголеми грешки во облекувањето кои ги прават жените

Во модната анкета на еден познат сајт за онлајн шопинг учесниците требало да одговорат на прашањето кои се, според нивното мислење, најголемите грешки кои жените ги прават во облекувањето. Во продолжение погледнете ги резултатите кои би можеле да ве изненадат.rnrnrn

1. Премногу животински парчиња

rnПогрешното комбинирање на парчињата облека со животински принтови е непростлива грешка за испитаниците. Иако ваквите трендови се популарни веќе неколку години, некои од дамите очигледно малку претеруваат со нивната желба да го разбудат „животинското“ во себе.rnrnrn

2. Претесна облека

rnОд пантолони до здолништа, преку маички до фустани – кројките кои не му ласкаат на телото туку непримерно го стискаат, не се популарни. Испитаниците сметаат дека облините и фигурата на телото можат да бидат нагласени и во удобна облека.rnrnrn

3. Тексас на тексас

rnОвој материјал во последните неколку сезони ужива голема популарност. Со пантолоните направени од тексас се носат и вакви кошули, а самиот материјал се појавува и како додаток на преостанатите елементи од изгледот. Исто како и во случајот со животинските принтови, претерувањето со тексасот, анкетираните личности го доживуваат како моден прекршок.rnrnrn

4. Вечерна облека во текот на денот

rnИспитаниците не се поборници за гламурозни дневни комбинации и сметаат дека вечерната облека припаѓа во вечерните часови од денот.rnrn

December 23, 2015
Како да бидете најстилизираната девојка на работното место?

Дневните работни комбинации бараат големо внимание, особено ако на вашето работно место постои пропишан код за облекување, но тоа не значи дека треба да изгледате здодевно и нестилизирано. Затоа денес ви претставуваме неколку интересни и пред сè модерни дневни комбинации, кои ќе ви помогнат да станете најстилизираната девојка на работното место.rnrnrnrn1. Освежете го својот класичен работен стил со трошка боја или со впечатливи аксесоари во боја на злато.rnrnrnrn2. Не плашете се еднобојниот црн, летен фустан да го надополните со сако со интересен принт, кое на вашиот целокупен изглед ќе му ја даде потребната впечатливост.rnrnrnrn3. Изгледајте како модерна парижанка во дневна комбинација со пастелни тонови, во која ќе вклопите впечатливи аксесоари во неутрални бои.rnrnrnrn4. Модерните принтови во дневните комбинации, како што се оние на здолништата и панталоните, може одлично да се вклопат со класични блузи и кошули. Така тие претставуваат идеална комбинација за секоја работна варијанта.rnrnrnrn5. Ретро стилот, исто така може да биде одличен избор за секоја работна прилика, па не плашете се романтичните кроеви во пастелни бои да ги комбинирате со аксесоари во ретро стил, како што се на пример преслатките очила за сонце.rnrnrnrn6. Бидете креативни кога станува збор за изборот на дневни комбинации, бидејќи тоа е патот за да станете најстилизираната девојка на работното место. Така, на пример, блузите со интересен принт вклопете ги со шорцеви или здолниште, а изгледот надополнете го со впечатливо ланче и стилски чевли со висока пета.rnrn

October 21, 2015
5 суптилни начини на кои можеби сексуално ги деградирате жените околу вас

Ако се фатите себеси како психички или вербално ѝ судите на некоја жена поради нејзината облека, нејзиниот говор, промискуитет, флертувачки карактер или што било друго поврзано со нејзината сексуалност или однесување – тогаш да, и вие сексуално ги омаловажувате жените околу вас. Погледнете кои се останатите начини на кои можеби сексуално ги омаловажувате жените околу вас.rnrnrn

1. Кога им судите дека начинот на кој се облекле е „невкусен“

rnАко некогаш сте виделе жена и сте помислиле: „Тоа е премногу тесно, секси, со предлабоко деколте, невкусно или ку*винско“, тогаш вие ѝ судите. Тешко е да се признае, но многу од нас кога ќе видат жена во тесна облека или облека која е премногу отворена, веднаш помислуваме: „Таа не треба да го носи тоа“ или „Јас никогаш не би го облекла тоа“.rnrnЖалното нешто е што овие мисли се поттикнати од општеството во кое живееме, кое поради патријархалноста сè уште дозволува силување и експлоатација на жените. Затоа можеби и е толку тешко да престанеме да го правиме тоа. Но, факт е дека треба да престанеме, затоа што е злобно и затоа што секоја навика има одвика.rn

2. Ги критикувате жените кои ги изневериле нивните партнери

rnНекогаш луѓето кои изневеруваат имаат навистина комплицирани причини кои оние околу нив не можат да ги разберат. Во други случаи, едноставно зафркнуваат. Без разлика што е, жените кои изневеруваат не заслужуваат да бидат нарекувани „ку*ви и проститутки“ или малтретирани и омаловажувани на ниеден начин – ниту вербален, ниту психички ниту преку озборување. Не треба да им судите на жените кои ги изневериле нивните партнери (или кои се дел од неверството) затоа што никогаш не знаете која е причината зад сето тоа, а и воопшто не треба да ве засега вам.rn

3. Ги фетишизирате вашите сексуално поактивни пријатели

rnСекогаш е интересно да слушате за туѓите сексуални авантури и нема ништо лошо во славењето на активниот сексуален живот или во тоа да сакате да слушате такви приказни. Сепак, навистина е важно да поставите граници со другата личност и да внимавате да не ги преминете.rnrnСексот е забавен – затоа има смисла да ви биде забавно кога слушате нечии сексуални приказни, но ако тие премногу ве интересираат може да изгледа како да ги фетишизирате. Внимавајте туѓите искуства да не ги третирате како свои. Исто така, не смеете да зборувате за нивните искуства како да се за ваша лична забава и не зборувајте со непочитување за нивните сексуални партнери. Ако ги правите овие нешта, вие ја деградирате личноста која ја кажува приказната, но и неговиот/нејзиниот партнер, а тоа не е во ред.rn

4. Мислите дека моногамијата е единствениот „нормален“ начин да се биде во врска

rnИако сме навикнати на моногамија и повторно, поради општеството во кое живееме, сметаме дека таа е единствениот начин на кој треба да се заснова една врска. Но, тоа не важи за сите. Не е во ред да им судите на полигамистите. Причината за суд најчесто доаѓа затоа што не можеме да сфатиме од каде потекнува нивниот порив. Сега, во 21-виот век, во е ред да се има разновиден сексуален живот и врски онакви какви што секој сака.rnrnАко одбивно ја нишате главата секогаш кога се спомнува полигамија или им судите на полигамистите, тогаш треба да поработите на тоа. Моногамијата можеби е „нормалниот“ начин за вас, но не мора да значи дека е и единствен и нормален за останатите.rn

5. Кога им кажувате на другите жени дека разговорот за секс е непристоен

rnОчигледно, одвреме-навреме е во ред да им кажете да внимаваат што зборуваат – ако сте на крштевка или на погреб или пак некој гласно се искажува со несоодветни зборови. Тогаш е во ред да ги замолите да ја почитуваат ситуацијата.rnrnНо, во просек, т.е. во секојдневни ситуации не треба да им кажувате на луѓето што и како да зборуваат. Ако сте во ресторан и жената на масата до вас сака да зборува за секс тогаш не смеете да ѝ пристапите и да ѝ кажете дека она што го зборува е „непристојно“. Ако ви смета, тогаш седнете на друга маса. Живееме во 21-от век каде сексот е нормално нешто – редно е да почнеме така и да се однесуваме.

September 30, 2015
Истакнувањето на атрибутите не е тешко: Овие бои ќе ви помогнат во тоа!

Изборот на гардеробата може да го истакне она најдоброто и да ги прекрие недостатоците, а освен кројот и моделот, тоа се однесува и на бојата. Гардеробата ја избирате според градбата, но и според приликата, па затоа нема исто да се облечете за на работа и за вечерно излегување. Сепак, некои бои се добри за сите прилики и за која било фигура, а комбинацијата на бои и ефектни детали, ќе помогнат да ги истакнете вашите предности.rnrnrn

1. Црна

rnИдеална е за секоја прилика, а крупната фигура ја стеснува и намалува. Освен малиот црн фустан, потребно ви е и црно здолниште, кое визуелно ќе ги намали вашите колкови, во комбинација со светла кошула или блуза, која ќе го истакне вашиот горен дел. Црно и бело е класична комбинација, но и таа не мора да изгледа строго. Може да носите лелеаво бело здолниште и црна блуза, доколку сте со ситна градба, како и доколку сакате да го истакнете тенкиот струк или да го прекриете премногу нагласениот или рамен горен дел и премногу заоблените или ковчести колкови.rnrnrn

2. Бела

rnДоколку сè на вас е бело, ќе делувате блескаво и сјајно, но и многу покрупно отколку што сте. Чисто белата не ги прикрива недостатоците, а доколку имате некои, комбинирајте ја оваа боја со други бои и детали кои ќе го привлечат вниманието.rnrnrn

3. Розова и беж

rnИзборот на овие женствени бои, кои треба да ги ускладите со исто таква деликатна шминка, ќе помогне да изгледате свежо и нежно. Строгите и спортски линии ќе ви прилегаат ако сте слаби, а лежерните и лелеави изберете ги доколку сте покрупни.rnrnrn

4. Црвена

rnВо бојата на страста и радоста, ќе бидете упадливи каде и да се појавите. Црвениот фустан е многу попредизвикувачки и повпечатлив од црниот, но за разлика од црната боја, во која може да биде секое дневно парче на вас, доколку истите тие се во црвена боја, нема да изгледате добро. Црвената боја комбинирајте ја со други бои, а водете сметка и за нијансите. Темно црвената или бордото визуелно ја стеснуваат фигурата исто како црната боја.rnrn

September 21, 2015
Исповедта на една оставена девојка: Кога момчето ќе го забрани секси облекувањето…

Прочитајте го искреното писмо на оставената девојка која открива како раскинувањето поради „непримерното“ облекување влијаело на нејзиниот живот.rnrnrnrn[message_box title=”” color=”yellow”]rnОвој текст не е за блузата, ниту за мојата несигурност или мојата дрскост. Всушност, станува збор за крајно сериозна долгогодишна врска која е прекината поради најобичен кроп топ. Моето момче и јас заедно живеевме околу година дена и сè функционираше совршено сè додека една вечер…rnrnКроп топот го купив околу месец дена пред излегувањето, односно ноќта кога раскинавме. Тој долго стоеше во гардероберот и јас тотално заборавив на него. Кога започнав да се средувам за излегување со моите другарки, се „фрлив“ на пребарување во мојот гардеробер каде што случајно го пронајдов и се изненадив. Ова беше идеална, топла вечер за покажување на стомакот!rnrnВо клубот не доаѓаше моето момче, бидејќи беше болен, па реши да остане дома. Тој е хронично болен, поради што секоја втора вечер останувам дома со него. Ми се чинеше дека таа вечер ми требаше издишување, бидејќи се исцрпев од константната поддршка и труд. Пред излегувањето го бакнав и се поздравив со него. После тоа се најдов со другарките. Се чувствував секси и слободно. Прв пат после долго време се почувствував младо и енергично. Со моите другарки си поминавме одлично и танцувавме цела вечер.rnrnСе вратив дома со „пијан“ јазик, кој во оваа состојба можеше да ја зборува само вистината. Моето момче веднаш ме праша како си поминав, а јас одговорив дека тоа беше прекрасна вечер, каде што тотално се опуштив и не се грижев за ништо. Штом му го кажав ова, во мојата глава се јавија илјада мисли. Тоа се оние глупави мисли кои го окупираат мозокот, а јас не ги одобрувам и знам дека се чиста глупост. Толку време се обидував да бидам добра девојка, која одлично разбира и сочувствува, и секако – потенцијален животен партнер, што го игнорирав мојот внатрешен глас на разумот.rnrnНема сега да ви ги откривам сите детали зошто тој раскина со мене. Иако тој кажа дека никогаш нема да се чувствува така и дека нашата љубов е посебна, работите оваа вечер беа тотално поразлични…rnrnАко во некој случај не почувствувате дека ги задоволувате сите критериуми на „добра девојка“, обрнете внимание на овие три работи кои треба да ги разгледате пред да одлучите да облечете кроп топ (или друга секси облека) и да го оставете момчето дома.rnrnrn

1. Додека не се омажите, вие сте сингл

rnОткако мојата најдобра другарка се омажи, ова е нејзиниот најдобар совет. Тогаш звучеше прилично грубо, а сега гледам дека беше во право. Вистина е дека сè додека не сте во брак, секоја жртва што ќе ја направите во врската е всушност вашата добра волја.rnrnДали би позајмиле поголема сума пари, знаејќи дека во иднина постои можност да не ги добиете назад? Третирајте ги своето време и енергија како пари во врската, бидејќи можеби нема да ги добиете назад.rn

2. Задржете ја својата независност

rnВо денешно време жените стануваат сè понезависни, т.е. се очекува секоја дама да го има она што ѝ е потребно. Станува непријатно да го прашате партнерот за некоја услуга, бидејќи се претпоставува дека вие веќе го имате тоа. Затоа е важно секоја девојка да остане независна или да има друг резервен план или решение. Особено во ситуациите кога ќе тргне на лошо, треба да има каде да се сокриете, заштитите и да се чувствувате сигурно. Но, тоа не значи дека треба да се потпирате на пријателите и семејството. Работете на себе и станете јака, сигурна и независна дама.rn

3. „Не“ може да биде добар одговор

rnСекој кој погледнал барем една епизода од емисијата „Поправи го мојот живот“ ја знае оваа реченица: „Може да го бараш она што го сакаш“. И тоа го разбираме! Но, никој после тоа нема кажано: „Одговорот може да биде негативен“.rnrnПосле носењето на топ блузата, се прашував што сакам во врската. А кога тој раскина со мене, ми кажа јасно „не“, што понатаму ме донесе до разбирање на моите желби и потреби. „Не“ некогаш може да биде добро.rnrnОваа исповед не е напишана со цел да ве натера да носите кроп топ. Овој текст не е напишан за да раскинете со вашето момче. Тој треба да ве натера да се запрашате кои сте и што сакате.rnrnСакав да го покажам стомакот како Габи Фреш. Сакав да се фокусирам на пишувањето и да станам уметник. Сакав да раскинам со некого кој не беше лоша личност, туку личност која не беше за мене. Го добив она што го сакав.[/message_box]

September 4, 2015