КАФЕ ПАУЗА

Category: Љубов и секс

Секс-факти поврзани со мажите

Кој има доволно секс во денешново брзо време, кога немаме ни кога да се погледнеме во огледало?! За да дознае зошто, каде и како американците имаат секс, њујоршката компанија за маркетинг истражувања, „Beta Research Corporation“ спровела интернет истражување на 522 случајно избрани мажи на возраст од 21 до 59 години. Избраната група претставува репрезентативен примерок на целокупната американска машка популација, која дава слика за очекувањата, фрустрациите, нагонот, перверзноста и фантазиите на мажите. Еве ги резултатите:rnrnrnrn1. Мажите кои се во брак се за 25% позадоволни од нивниот сексуален живот, во однос на мажите кои се сингл.rnrn2. 14% од женетите мажи, барем еднаш во животот имале сексуален однос со друг маж.rnrn3. 34% од мажите кои се во сериозна љубовна врска, ја имаат изневерено својата партнерка.rnrn4. 10% од мажите не го сметаат оралниот секс, за секс.rnrn5. Само 34% од мажите редовно користат презерватив во текот на сексуалниот чин.rnrn6. 43% од мажите имаат проблеми со добивање или одржување ерекција.rnrn7. Само 24% од мажите преферираат нивната партнерка да има големи гради.rnrn8. 22% од мажите изјавиле дека имале 20 или повеќе сексуални партнерки во текот на животот.rnrn9. Кога биле прашани која е нивната најголема грижа кога првпат имаат секс со некоја жена, четири пати повеќе мажи одговориле дека се плашат од својот сексуален перформанс, отколку дека ќе се заразат со ХИВ.rnrn10. Омилени секс-пози на мажите се: жената одозгора во секс-поза „кралица“, мажот одозгора во „мисионерска“ и мажот зад жената во „кучешка“ поза.rnrn11. Само 13% од мажите преферираат порнографија со лезбејки.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 15, 2012
Конвенција за повредените во љубовта

Испровоциран од тоа што наместо да се спречат војните, се носат правила за нивна практика, големиот писател и вљубеник во животот Пауло Коелјо решил да пропише правила со кои ќе ги заштити бројните повредени во љубовта. Користејќи го своето огромно животно искуство, составил прекрасна конвенција од неколку правила чие почитување ќе доведе до побрзо зараснување на љубовните рани.

rn

rnrn

Општи одредби

rnА – Имајќи предвид дека изреката „во љубовта и војната сè е дозволено“ е сосема исправна;rnrnБ – Имајќи предвид дека ја имаме Женевската конвенција од 22 август 1864 која пропишува правила за оние кои се повредени на бојните полиња, но досега немаме конвенција за оние што останале повредени во љубовта, иако се многу побројни;rnrnСе пропишува дека:rnrnЧлен 1rnrnСите вљубени од двата пола се предупредуваат дека љубовта, покрај тоа што е најголемиот благослов, исто така може да биде многу опасна, непредвидлива и може да предизвика сериозна штета. Затоа, секој што сака да љуби мора да биде свесен дека своето тело и душа ги изложува на разни видови повреди и дека за тоа не треба во ниту еден момент да го обвинува партнерот, затоа што ризикот паѓа на двајцата подеднакво.rnrnЧлен 2rn

Штом некој почувствува дека е погоден од стрелата на Купидон, мора веднаш да побара од него истата стрела да ја испрати и во спротивната насока, за да не дојде до повредата позната како „невозвратена љубов“. Ако Купидон одбие да го стори тој чин, Конвенцијата пропишува дека повредениот мора веднаш да ја извади стрелата од своето срце и да ја фрли в ѓубре.

rn

Со цел да го осигура ова, тој мора да ги избегне сите телефонски повици и пораки преку интернет, да избегне да праќа цвеќиња кои никој нема да сака да ги прими или која било друга форма на заведување, со оглед на тоа што тоа ќе даде резултати на краток рок, но секако ќе заврши на непосакуван начин после извесен период.

rnКонвенцијата пропишува повредената личност задолжително да побара друштво од блиски луѓе за да ја избегне опсесивната мисла: „вреди да се борам за оваа личност“.rnrnЧлен 3rnrnАко повредата е предизвикана од трети лица, или со други зборови, ако саканата личност станала заинтересирана за некој кој не се појавува во претходниот член, одмаздата е строго забранета. Во ваков случај, дозволено е да се плаче додека солзите не пресушат, да се удира по ѕидови и перници, да се напаѓа поранешниот партнер во разговорите со пријателите, да се исмее неговиот/нејзиниот невкус, но без да се повреди нивната чест.rnrnКонвенцијата пропишува повторна примена на правилото од членот 2: да се побара друштво на блиски лица, по можност на места каде што не може да се сретне поранешниот партнер.rnrnЧлен 4rnrnВо случај на полесни повреди, и тоа мали предавства, краткотрајни изливи на страст или сексуален интерес кој бргу поминува, мора брзо и нежно да се нанесе лекот „извини“. Штом еднаш се нанесе овој лек, повредениот никогаш повеќе не треба да ја разгледува одлуката на другиот, а случката мора да биде заборавена и никако да не се искористи во караница.rnrnЧлен 5rnrnВо случај на постоење на повредата „раскинување“, единствено лекот „време“ покажува резултат. Нема корист од барањето утеха во претскажувачи на иднината (кои секогаш велат дека љубената личност ќе се врати), романтични книги (кои секогаш имаат среќен крај), телевизиски сапуници и слични нешта. Повредениот мора да си дозволи интензивно да страда, без притоа да употреби дрога, лекови за смирување или молитви до светците. Се толерира само употреба на алкохол и тоа максимум две чаши вино на ден.rnrnЗавршни одредбиrnrnОние кои останале повредени во љубовта, за разлика од повредените во вооружен конфликт, не се ниту жртви ниту мачители. Тие избрале нешто што е составен дел од животот, па затоа мораат да ги прифатат и задоволството и болката од нивниот избор.rnrnОние кои никогаш не биле повредени во љубовта никогаш не ќе можат да кажат: „Го живеев животот“. Затоа што никогаш не го живееле.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 3, 2012
Неколку совети за одржување на цврстината на вашата врска

Добрите љубовни врски го подобруваат вашиот живот на сите полиња, го зајакнуваат вашето здравје, ум како и врските со останатите луѓе. Но, доколку таа не функционира добро може да предизвика стрес, немир, лошо расположение и во краен случај депресија. Врските се како инвестиции, колку повеќе вложувате, толку повеќе добивате. Секоја врска е уникатна сама по себе, луѓето се зближуваат поради многу причини и функционираат најдобро на најразлични начини. Но постојат неколку работи кои се заеднички за сите. Еве неколку начини кои ќе ви помогнат во одржување на цврстината на вашата врска или пак, ќе ви пружат мала помош при враќање на довербата, љубовта и забавата помеѓу вас.rnrnrn

Одржувајте ја физичката интимност

rnДопирот е фундаментален дел на човековото постоење. Топлиот допир кај возрасните предизвикува зголемување на нивото на окситоцин, хормон кој влијае врз способноста за приврзување и обврска. Во сериозна врска помеѓу двајца возрасни партнери, физичкиот однос често е столбот на таа врска. Но, тоа не би требало да биде единствениот метод на физичка интимност. Секојдневни, топли и нежни допири (држење за раце, прегратки, бакнежи) се подеднакво важни, колку и сексуалниот однос.rnrnrn

Поминувајте квалитетно време заедно

rnСигурно имате пријатни спомени од вашите први состаноци. Сѐ ви изгледало ново и возбудливо и можевте да разговарате и да се забавувате со часови. Но, како што поминува времето се појавуваат нови обврски надвор од вашата врска, кои често влијаат негативно врз вашето заедничко време. Ако не поминувате квалитетно време заедно, почнуваат да се губат комуникацијата и разбирањето. Не заборавајте да се забавувате. Смислете интересен начин да го изненадите партнерот, играјте карти, одете на билјард или куглање. Издвојте една вечер за излегување, направете „екскурзија“ како на вашите први состаноци: Одете прво на кафе или пијалак, потоа продолжете во дискотека или на некоја забава и танцувајте до сабајле.rnrnrn

Никогаш не престанувајте да комуницирате

rnСите ќе се согласиме дека добрата комуникација е основата на секоја добра врска. Секој од нас на различен начин најдобро ги прима информациите. Некои луѓе подобро реагираат на поглед, звук или допир, додека пак други на директен разговор. Пронајдете време да ги научите методи со кои вашиот партнер најдобро комуницира и не заборавајте да му/ѝ ги откриете и вашите. Фокусирајте се и на тоа што не се кажува. Невербалните знаци како контактот со очите, движењето на телото или допирот може да значат многу повеќе од зборовите. Ако некој инсистира дека е сѐ во ред, а притоа стиска со забите и го избегнува вашиот поглед, неговото/нејзиното тело говори дека не е најискрен/а со вас.rnrnrn

Направете компромис

rnАко очекувате дека во врската се ќе биде по ваше 100% од времето, тогаш подгответе се за разочарување. Здравите врски се градат врз основа на компромис. Секако потребно е време и работа од двете страни за да постои разумен баланс во вашата врска. Научете да препознавате што му е навистина потребно на вашиот партнер. Тоа може многу да помогне при создавање пријатна атмосфера помеѓу вас. Исто така многу е важно и вашиот партнер да го научи истото за вас, па пробајте да бидете јасни во врска со она што го сакате.rnrnКонфликтите се честа појава во врската. Но, за да се одржи цврстината на врската двете страни мора да бидат слушнати. При решавање на конфликтот, погрижете се да се борите за она што е фер, но не го напаѓајте партнерот директно и не отворајте стари рани. Наместо тоа почнувајте ги речениците со „јас“ при што ќе објасните како вие се чувствувате во врска со настанатиот проблем, без да наведувате милион причини зошто вие сте во право, а тој греши.rnrnrn

Очекувајте добри, но и лоши моменти

rnНе постои врска која нема лоши моменти. Дури и кога сѐ е во ред меѓу вас, надворешни проблеми кај едниот партнер може да предизвикаат „растресување“ на врската. Во таков случај научете да се контролирате. Никогаш не истурајте му се на вашиот партнер. Тој не е крив зашто денес професорот/шефот премногу ве изнервирал или мајка ви ве напнала. Но тоа не значи и дека треба да ги игнорирате проблемите настанати меѓу вас двајца. Влијанието на стресот врз вас се зголемува доколку ги потиснувате нерешените проблеми и се однесувате како тие да не постојат.rnrn

March 22, 2012
Пријателството со бенефиции – добро или лошо?
Новото време ни донесе и нов вид пријателство, или постоело и порано, само не било толку актуелизирано како сега. Дали пријателството со бенефиции е добро нешто или е глупост донесена од модерниот свет?rnrnrnrnПрво, од каде потекнува овој вид пријателство? Филмовите како „Friends with benefits“ и „No strings attached“ дефинитивно ја изрекламираа оваа „нова мода“.rnrnШто претставува? Најточно кажано, тоа се пријатели кои имаат секс, без никакви чувства, и секако без нежности и љубов, чиј однос се заснова на телесна привлечност.rnrnКолку е често ваквото пријателство? Мора да бидеме свесни дека тоа и не е така ретка појава дури и кај нас, но со сигурност, пријателството со привилегии или бенефиции бара добро да размислите и внимателно да му пристапите.rnrnДали е тоа добро или лошо? Кои се позитивните, а кои негативните страни на ова „пријателство“ и зошто луѓето започнуваат нешто вакво?rnrnПотреба од ваков „пријател“ имаат оние кои се фокусирани на кариера или на образование толку многу, што немаат време да ѝ се посветат на вистинска врска, или личности кои во моментот не сакаат сериозна врска туку забава.rnrnrnrnОна на што треба да сте внимателни, е цврстината на вашето пријателство. Ако сте биле многу блиски пријатели, не започнувајте вакво нешто, зашто голема е веројатноста на крај да не остане ништо од вашето пријателство, дури да изгубите секаков контакт. Ако некого го гледате како вистински/а другар/ка, дали е во ред да го претворите во пријател со бенефиции?rnrnПред да започнете нешто вакво, бидете свесни дека тоа ќе биде привремено, а не долгорочно. Многу зависи и од карактерот на човекот, дали сте вие такви личности кои би можеле сексот да го гледаат само како забава, без да станете кревки и подложни на повредување, дали сте „отпорни“ на чувства?rnrnКолку и да изгледа оваа врска едноставно, баш напротив, сето тоа може да стане многу комплицирано доколку добро не сте размислиле и доколку функционирате само според вашите инстинкти.rnrnrnrnПријателството со привилегии од една страна е добро, вие се знаете меѓу себе, знаете што ви се допаѓа, може да имате опуштен разговор, да бидете свои без преправање и без претерано да внимавате на вашето однесување. Вие не мора, а ниту пак треба да се трудите да го/ја освоите, па тоа е олеснителна околност.rnrnВнимавајте!rn
- Она што го имате, нека остане меѓу вас, никој друг не мора да знае, тоа нека биде вашата тајна. Кажувањето на други може да донесе многу компликации и да ви штети и на двајцата.
rn
- Доколку се јават какви било чувства, не потиснувајте ги во себе, или прекинете веднаш со вашата игра наречена „пријатели со бенефиции“, или ненаметливо дознајте дали тие чувства се јавиле и од другата страна. Кој вели дека тоа никогаш не може да прерасне во љубовна врска?
rn
- Внимавајте на подароците, што, кога и како подарувате. На вашиот пријател логично е да му подарите нешто за Божиќ, но не за Денот на вљубените, и секако, ништо што носи каков било симбол на љубовта.
rnrn
- Кога заминувате од кај него/неа, понесете сè со себе, не оставајте ништо во неговиот/нејзиниот дом. Оставањето на некое парче облека, средства за лична хигиена или накит веќе наликува на врска. Поставете си линија која не смеете да ја поминете.
rn
- Колку и да е дефиниран овој однос како бесчувствителен, границите се кревки и лесно е да се преминат, а уште полесно е да бидете погрешно разбрани. Затоа направете договор уште на почетокот, бидете искрени еден кон друг.
rn
- Заштита на највисоко ниво – доколку се впуштате во нешто толку несериозно, бидете свесни дека тој/таа може да има и други сексуални партнери. Секогаш имајте на ум задолжително да го заштитите вашиот сексуален однос.
rn
- Внимавајте што зборувате, и какви пораки пренесувате, „го сакам начинот на кој…“ може да има многу блиско значење со „те сакам“ или „ми се допаѓаш“.
rnФакт е дека живееме во 21-ви век и нашите гледишта мора да бидат поотворени, никого да не осудуваме и да научиме да се носиме со модерното време, и сè што тоа ни наметнува. Тоа е сепак една врска во модерна форма, каде и двајцата си имаат меѓусебни привилегии. Да бидеме искрени, сите имаме свои потреби, а пријателство зачинето со малку повеќе забава, не може да ни штети доколку бидеме доволно претпазливи. Уживајте во неговото/нејзиното друштво додека во вашиот живот да дојде она „вистинското“.rnrnrnrnУште едно прашање на искреност: дали навистина нема да се јават никакви емоции? Дали може сексот да не доведе до појавување на чувства и кај двајцата? Кога ќе дојде време да ставите крај на сето тоа, како крајот ќе биде прифатен од другата страна? Како всушност завршуваат горенаведените филмови? Затоа пред да започнете вакво нешто, добро размислете, издвојте ги добрите и лошите страни на еден ваков однос.rnrnНе заборавајте, најдобрите врски започнале со пријателство, но со какво?rnrnКакво е вашето размислување на оваа тема? Сте имале, и дали во иднина би имале ваков вид „пријателство“?rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
March 9, 2012
10 знаци дека почнувате да се заљубувате

Автор: Бојана МандевскаrnrnЗимата полека си заминува, а пролетта ни чука на порти. Пролет, време за промени. Од некоја непозната причина, ова е период од годината кога нашите тела како да се програмирани да се заљубат. Кога сите пупки цутат и природата околу нас се раззеленува, изгледа и нашето срце почнува побрзо да чука. Понекогаш самата помисла на доаѓањето на пролета и напуштањето на досадната зимска рутина, буди нови љубовни чувства кај нас. Почестите излегувања, прошетки се причини за почести дружби и нови познанства. Некое од новите познанства, може ќе бидат причина за разлетување на пеперутките во вашиот стомак, заљубување и среќно започнување нова љубовна врска.rnrnrnrnАко почнаа да ве наросуваат романтични чувства, ова се 10-те симптоми по кои ќе познаете дали сте заљубени.rnrn

1. Прескокнување на оброците

rnМмм прекрасен начин за слабеење. Заборавањето на редовното внесување храна, не значи само дека сме расеани, туку и дека личноста на која не можеме да престанеме да мислиме, ја сакаме повеќе од храната. Може дополнителна причина за овој тип „гладување“, се пеперутките кои ни летаат низ утробата кога ќе помислиме на љубениот/а, па се чувствуваме како храната воопшто да не ни е ни потребна.rnrnrn

2. Се фаќате себеси како се смешкате без особена причина

rnКраткотрајното чувство на заљубеност може да предизвика значајни промени во вашиот организам. Љубовта, особено во првите денови, прави да се чувствуваме среќни, задоволни со сами себе, замечтаени во мислите и ни мами насмевка на лицето.rnrnrn

3. Не можете да го/ја гледате во лице

rnОдненадеж не можете таа личноста да ја гледате во очи додека разговарате, бидејќи се плашите дека ако ве погледне, ќе ги открие вашите чувства. Додека зборувате, пробајте да го/ја гледате во челото или околу носот. Побезбедно е. :)rnrn

4. Мислите на него/неа додека наутро се облекувате

rnДодека се спремате за излегување, во главата ви се вртат многу мисли: дали би му/ѝ се допаднале во оваа кошула, дали бојата добро ви стои на тенот, дали да вложите повеќе напор од вообичаеното во средувањето на косата, дали да се нашминкате како секој ден или пак да ставите малку повеќе шминка… Тоа е уште еден од показателите на заљубеност. Дотерајте се, во ниеден случај тоа не е погрешно постапување.rnrnrn

5. Ви недостига кога не е во ваша близина

rnНавикнати сте личноста која ви се допаѓа да ја гледате на одредено место на пример на работа, на предавања, во кафуле и доколку во одреден момент не е таму, почнувате да се чувствувате по малку разочарано и сте постојано во исчекување во секој момент да се појави од некаде.rnrnrn

6. Станувате љубоморни за некои чудни работи

rnОдредени моменти и ситуации кои до пред извесно време не ги ни забележувавте, почнаа полека да ви пречат. Се фативте себеси како станавте љубоморни при помислата: „Каде е, со кого е, зошто не се појавува, зошто не се јави…?rnrn

7. Ја замислувате сликата на вашето дете

rnУпс! Во одреден момент се фативте себеси како размислувате за тоа какво би било вашето заедничко дете. Тоа значи дека вашите чувства се искрени и почнуваат полека, но сигурно да стануваат сѐ посериозни.rnrnrn

8. Луѓето ве забележуваат дека блескате

rnПомислата на љубената личност ви измамува насмевка на лицето и задоволство. Необјаснивата среќа која блеска од вас, е доволно моќна да го привлече вниманието на луѓето околу вас кои забележуваат дека сјаете, изгледате физички подобро и посреќно.rnrn

9. Потешко се концентрирате на работата

rnПотребно ви е повеќе време од вообичаено, за да се концентрирате на задачата која треба да ја завршите. Поминувате половина час во психичка подготовка пред да почнете со работа, но и откако ќе почнете, вашите мечти и понатаму се насочени кон љубениот/а и тогаш сфаќате дека сте мноооогу заљубени.rnrnrn

10. Одненадеж вашиот карактер се подобрува

rnБез разлика дали сте машко или женско, заљубеноста буди некои подзаспани интересни карактеристики кај вас. Одеднаш почнувате да вложувате во подобрување на вашите кулинарски способности, ја преуредувате вашата соба, им нудите колачиња на сите колеги на работа, правите и некои измени во својот изглед. Станувате попримерни и поуредни.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 7, 2012
Како до успешно пријателство помеѓу машко и женско?
Ако мажите беа од Марс, а жените од Венера, тоа би можело да објасни неколку општопознати стереотипни сфаќања за машко-женското пријателство. Повеќето луѓе на оваа тема би рекле:rn
- Секогаш помеѓу нив се појавува сексуална тензија која придонесува тие да не можат да бидат вистински пријатели;
- Љубомората која се јавува кај нејзиниот/неговата партнер/ка ги надминува сите рационални размислувања и прави да биде невозможно тие да продолжат да бидат пријатели;
- Очигледните разлики помеѓу двата пола едноставно ги разделуваат кога станува збор за пријателство.
rnКога ќе ги земете предвид овие неколку ситуации, си велите дека пријателството помеѓу машко и женско е невозможно, нели? Доколку мислите така, грешите. Експертите за врски имаат поразлично мислење.rn
rn

„Верувањето дека мажите и жените не можат да бидат пријатели доаѓа од друга ера во која жените припаѓале во домот, а мажите на работа и единствениот начин нивниот пат да се вкрсти, била романсата“, објаснува Линда Сападин – психолог од Вали Стрим, Њујорк. „Денес мажите и жените работат заедно, делат слични интереси за спорт и секојдневно се социјализираат.“

rnПромената во културата ги охрабри психолозите, социолозите и комуникациските експерти да состават нова порака:rn
rn

„И покрај тоа што би можело да биде малку тешко, мажите и жените сепак успешно стануваат блиски пријатели. И секако, имаат добри причини за тоа.“

rnОвие предизвици најчесто се појавуваат кај новите пријателства. Доколку успеете да ги надминете во првите неколку години од вашето запознавање, понатаму тие нема да ви претставуваат проблем и ќе успеете да создадете цврст однос и стабилно пријателство помеѓу вас.rnrn

Предизвик бр. 1: Дефинирајте ја врската – пријатели или љубовници?

rnrnrnМногупати се случува да започнеме пријателство со личност од спротивниот пол само од една причина – да го освоиме неговото/нејзиното срце. Но доколку тоа не е случајот со вас, треба да знаете неколку работи поврзани со чувствата. Постојат романтични, сексуални и пријателски чувства кои некогаш многу тешко се разликуваат. Многу луѓе се однесуваат со спротивниот пол на стереотипен начин и доколку се појави „пријателското привлекување“ тие погрешно го сфаќаат. Најдобро би било уште на почетокот да разговарате со вашиот пријател/ка за очекувањата поврзани со вашиот однос. Доколку и двајцата имате исто мислење, тргнати сте во добра насока.rnrn

Предизвик бр. 2: Надминете ја привлечноста – разговарајте за секс

rnrnrnМожноста да се појави сексуалната привлечност помеѓу вас секогаш „демне“ во позадина. Обична, платонска прегратка може наеднаш да премине во нешто сосема различно. „Вие пробувате да направите нешто пријателско, но машките/женските делови од телото ви го попречуваат патот“, вели д-р Дон Оумира. И покрај тоа што често е непосакувана, привлечноста е тешко да се игнорира.rnrnИстражувањата покажуваат дека најголем проблем на жените во овој вид пријателство им е сексуалната тензија, додека пак поголемиот број од мажите велеле дека сексуалната тензија е причината поради која го започнале пријателството и сметаат дека таа може дури и да го продлабочи пријателството. Надминете ги овие непријатни ситуации така што ќе бидете искрени помеѓу себе за нив.rnrn

Предизвик бр. 3: Воспоставете еднаквост – игра на моќ

rnrnrnПријателството би требало да е комбинација од еднакви. Но, д-р Дон Оумира вели:rn
rn

„Во културите каде што постои машка доминација, престижот и моќта претставуваат „багаж“ за двата пола – кога тогаш ќе настане растурање на врската“.

rnЗа да го избегнат ова, жените понекогаш несвесно присвојуваат покорна улога во пријателството. Пробајте да најдете некаков вид рамнотежа во вашиот однос. Тоа се постигнува на тој начин што нема да гледате на вашиот пријател/ка како на маж/жена, туку едноставно како на блиска личност со која моментално одлично се согласувате.rnrn

Предизвик бр. 4: Во очите на народот – справување со оние кои се сомневаат

rnrnrnГолем број луѓе сѐ уште не се подготвени за пријателство помеѓу машко и женско кое нема никаква сексуална позадина. Оние кои имаат блиски пријатели од спротивниот пол, често ги гледаат со насмевки, намигнување и скептицизам прашувајќи постојано дали тие навистина се само пријатели и потоа го игнорираат дадениот одговор.rnrnПонекогаш притисокот од луѓето околу вас придонесува да се запрашате да не можеби не сте во право, да не се развиле други чувства и дека можеби би требало да го смените односот со својот пријател/ка за да ги исполните очекувањата на другите. Но, тоа не треба да биде причина за промена во вашиот однос. Бидете доследни на себе и со време и тие ќе го разберат вашето пријателство.rnrn

Предизвик бр. 5: Што ако… – победете ја љубопитноста

rnrnrnТој/таа најдобро ме познава, тој/таа секогаш знае да ми го каже тоа што ми е потребно да го слушнам, само тој/таа никогаш не ме излажал, мислам дека би било/а совршено/а момче/девојка за мене… Ова се само неколку од мислите кои почнуваат да се појавуваат кога пријателството меѓу вас станува посериозно и подлабоко. Да, точно е дека вие сте се запознале одлично и дека се согласувате за сѐ, но тоа не е доволна причина за започнување на нешто ново. Вие можеби сте компатибилни како пријатели, но тоа не значи дека би можело да ви успее и како љубовен пар. Размислете како тој/таа се однесува во врска. Бидејќи сте блиски пријатели ги имате сите информации на дофат. Анализирајте ги убаво и размислете дали навистина сакате нешто повеќе, притоа не заборавајќи дека можеби тоа што го чувствувате, може да се само моментални интензивни пријателски емоции.rnrnИ за крај, истражувањата покажуваат дека кога една личност подолг период ја гледате како пријател, тој однос ви преминува во навика која подоцна е скоро невозможно да се промени. Бидете трпеливи и во брзо време ќе почнете да ги чувствувате многуте придобивки од овој вид пријателство.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
March 5, 2012
10 научни истражувања кои ќе ве натераат да размислите за вашата врска

Интересни истражувања потврдени од научниците, за кои не би помислиле дека се вистинити и кои ќе ве натераат повторно да размислите за вашата врска…rnrnrn

1. Изневерувањето може да биде смртоносно

rnАферата може да биде убиствена за партнерот кој изневерува. Според едно истражување спроведено во јануари оваа година, потврдено е дека 1% од луѓето кои починале од ненадеен срцев удар, истиот го доживеале додека воделе љубов. Дури 93% биле мажи, а 75% од нив имале афера.rn

2. Мажите внимаваат на однесувањето ако околу себе забележат привлечни девојки

rnОна во што жените се сомневаа, сега е веќе и научно потврдено. Мажите најмногу внимаваат на своето однесување ако забележат дека во нивна близина има атрактивна девојка. Спротивно на нив, однесувањето на жените не зависи од близината на некој привлечен маж. Со убавото однесување, мажот потсвесно се обидува да ја победи конкуренцијата и да ја придобие жената.rnrnrn

3. Вистинската љубов не е само во бајките

rnЉубовта е поинтензивна кај паровите кои се подолго време заедно. Токму таквата љубов е причината поради која опстануваат врските. Постои мислење дека интензитетот на љубовта се намалува со текот на времето, но научниците го потврдија спротивното. Доказ за тоа се многуте парови кои се заедно повеќе од 20 години и сè уште тврдат дека се навистина заљубени.rn

4. Жртвувањето за партнерот ја зацврстува врската

rnАко се понудите да завршите некоја заедничка подзаборавена обврска, со тоа не само што добивате поени кај партнерот, туку и се жртвувате за него. Иако љубовта се темели на повеќе принципи, вистинскиот тест доаѓа кога партнерите ќе мора да се жртвуваат еден за друг, за да го задржат меѓусебниот однос. Под „жртвување“ се подразбира извршување на задачата, без разлика на цената која треба да ја платите за неа.rn

5. Постои точен број на партнери кои треба да ги имате пред да стапите во брак

rnНаучниците и официјално потврдија дека потребно е да имате дузина врски зад вас пред да се решите за брак. Питер Тод, професор по информатика и когнитивни науки, ја одредил точната бројка на предбрачни партнери. Според него, потребно е да смените 12 партнери за да сфатите што навистина барате во партнерот и да поставите одредени стандарди во врската.rnrnrn

6. Жените ја зголемуваат телесната тежина за време на бракот, а мажите за време на разводот

rnИстражувањето на Универзитетот во Охајо, направено во август, 2011 година, потврди дека жените имаат тенденција да ја покачат телесната тежина откако ќе стапат во брак, додека на мажите тоа им се случува за време на разводот. Улогата на мажените жени е поголема и поодговорна од улогата на женетите мажи и заради тоа жените сè помалку имаат време за себеси и за одржувањето на телесната тежина. Затоа пак, мажите имаат повеќе здравствени придобивки од бракот кои лесно можат да ги изгубат со разводот, а за сметка на тоа ја зголемуваат телесната тежина.rn

7. Фејсбук е виновен за една третина од разводите

rnЗаборавете на непомирливите разлики. Според едно британско истражување спроведено во декември, 2011 година, причините за развод на 33% од браковите го содржеле зборот „Фејсбук“, за разлика од 2009 година, кога Фејсбук беше причина за развод на 20% од браковите. Како најголема причина за ова се наведуваат „непристојните пораки што партнерот ги испраќа на членовите од спротивниот пол“.rn

8. Заедничкото живеење ги прави партнерите посреќни отколку бракот

rnНајновата студија објавена во февруари, оваа година, покажува дека заедничкото живеење може да биде поголемо емотивно исполнување отколку бракот. Разликите помеѓу заедничкиот живот и бракот се мали, но сепак, паровите кои живеат заедно, а не се во брак, тврдат дека доживеале поголема среќа и имаат поголема самодоверба, во споредба со брачните парови.rnrnrn

9. Жените го сметаат сексот како обврска

rnЕдна анкета спроведена меѓу жени во ноември, 2011 година, покажала дека 63% од жените сметаат дека сексот е неопходен за да се поврзат со партнерот, но помалку од половината се задоволни од нивниот сексуален живот. Се зголемува трендот кај жените кои сексот го сметаат како обврска, а не како уживање. Ова се поврзува со фактот дека сè уште голем дел од жените го занемаруваат своето сексуално здравје, како дел од нивната севкупна благосостојба.rn

10. Чувањето куче може да го придуши вашиот љубовен живот

rnМожеби кучето е најверниот пријател на човекот, но ако го чувате како милениче, кучето може да ги брка од вас потенцијалните партнери. Според едно истражување во декември, 2011 година, 28% од самците одговориле дека не би излегле на состанок со некој кој чува куче, додека 25% ги избегнуваат сопствениците на мачки. Хрчакот, пак, е милениче кое се нашло на дното од листата.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 2, 2012
Не влегувајте во врска за која не сте подготвени

Сите знаеме колку може да биде возбудливо влегувањето во нова врска, целата таа хемија која се јавува на почетокот, пеперутките во стомакот, чувството на среќа и исполнетост. Но, дали сакате сето тоа да се претвори во проблем или пречка за многу кратко време? Секако дека не!Честопати водени од некои инстинкти правиме работи без да размислиме два пати, а брзото влетување од една врска во друга може повеќе да ви штети отколку да ви годи.rn

Кои се причините за пребрзо започнување на врска?

rn1. Прекинување на врска која ви значела – Штотуку сте излегле од врска која била долга и сериозна или многу ви значела, па брзо влетувате во друга со цел да се утешите себеси или да ги убедите другите колку добро се снаоѓате без бившиот партнер. Погрешно! Зошто би требало да докажувате некому нешто? Дајте си време да „заздравите“. Дури и доколку не сте биле вљубени до уши, прво навикнете како е да сте сингл, а потоа навикнете се на друг партнер во вашиот живот.rnrn2. Возбуда и пеперутки во стомакот – Тие пеперутки се главната причина поради која сте спречени да размислите со „ладна“ глава. Ѝ се препуштате на авантурата и избрзувате без да размислите два пати какви ќе бидат последиците и дали навистина ви годи да сте во врска. Затоа не треба да се носат одлуки кога сте многу среќни или многу бесни.rnrn3. Скршеното срце – На вашето скршено срце му треба внимание и убави зборови, а тој/таа изобилува со нив, па затоа брзо „паѓате“ на сè што тој/таа прави. Кога сме осамени подолго време или ни било скршено срцето имаме потреба од љубов, внимание и утеха, а тогаш повторно избрзуваме.rnrn4. Сожалување – Тој/таа веќе со години ви дава до знаење дека сака нешто повеќе со вас. На моменти станува патетичен/на, нема друг партнер за него/неа. Помисливте да му/ѝ дадете шанса, па да видите што ќе биде? Ако кај вас не се јавиле чувства за сето тоа време, нема да се јават ни допрва. Не избрзувајте во момент на слабост и сожалување.rnrnrn

На што треба да внимавате пред да започнете врска:

rn1. Дали сте свесни за она што го правите и за последиците кои ќе ги сносите?rnrn2. Дали размислувате свесно или зборуваат измешаните чувства длабоко во вас?rnrn3. Дали сте подготвени да започнете нова врска или ви треба брза утеха?rnrn4. Дали тој/таа ги исполнува вашите барања и очекувања? Не преценувајте се, но не се ни потценувајте. Вас не ви треба некој кој на кратко ќе го засити вашето его, вас ви треба некој „по мерка“. Не заборавајте на вашите стандарди и принципи.rnrn5. Дали знаете доволно работи за вашиот потенцијален партнер? Не започнувајте врска со некој кој го знаете неколку дена. Запознајте го подобро, секој може да го сокрие своето лудило за толку кратко време, но проблемите подоцна ќе испливаат на површина.rnrnrnrn6. Дали ги задоволува вашите потреби? Материјални, но и сексуални. Не значи дека сте материјалист, но да бидеме искрени, ако партнерот не може да ви го понуди она што вас ви треба, само залудно ќе го трошите своето и неговото време, а од таа врска нема да добиете ни задоволство ни среќа.rnrn7. Дали можете да разговарате? Врската не се сведува само на секс, ништо не сте направиле ако со партнерот не можете да ги имате оние долги исполнувачки разговори. Комуникацијата е клучен фактор за секоја врска.rnrn8. Дали сакате слични работи? Можеби спротивностите се привлекуваат, но што ќе биде ако немате ништо заедничко? Имајте барем неколку заеднички работи кои и двајцата ве исполнуваат и ве прават среќни.rnrn9. Дали сте насочени кон иста цел? Дали знаете што сакате вие од врската, а што сака тој? Ако двајцата целите кон сосема различни нешта, не би можеле да се најдете негде на пола пат.rnrn10. Дали е тој подготвен за врска? Не само вие, туку и вашиот партнер, дали расчистил со луѓето од неговото минато, дали сака да ви се посвети само вам? Откријте го тоа без директно да го прашувате, тој сигурно нема да ви признае.rnrnВрските се добра работа, си наоѓате некој со кого ќе го пополните времето резервирано за нежности и љубов, но внимавајте дали со партнерот сте на иста бранова должина. Не влетувајте во врска доколку не сте подготвени и доколку не е тоа што ви треба во моментот. Ако се јави каков било знак на сомневање, дајте си време, излегувајте и запознавајте се, не мора ништо пребрзо да стане официјално.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 1, 2012
Разбудете ја романсата со сите пет сетила

Дали чувствувате дека вашата врска ја губи романсата? Тоа би можело да се случи доколку вие и вашиот партнер меѓусебно не си ги поттикнувате сетилата. За среќа, тоа може лесно да се поправи. Испробајте ги следниве совети и вратете ја романсата во вашата врска.rnrnrn

Вратете се на вистинскиот пат

rnКреирајте плејлиста инспирирана од раните денови на вашата врска и пуштете му ја на партнерот да ја слушне, заедно со чаша вино. Музиката продира длабоко во мозокот и душата, ја враќа возбудата и ќе ве потсети на романтичините моменти кога за првпат сте ги слушнале тие песни. Покрај тоа, музиката ќе ве раздвижи, за потоа да продолжите со сензуално заведување. Танцот ќе го зголеми вашето задоволство и истовремено ќе ја продлабочи врската.rn

Прегрнете се

rnПонекогаш, само прегрнувањето на партнерот и длабокото вдишување се доволни за да ја разбудите страста. Ова објаснување води потекло од ритуалите кои се изведуваат во текот на процесот на размножување, кога спротивниот пол го привлекуваме со феромоните, кои потоа се вклопуваат во нашата природна арома. Прегрнувајте се секојдневно со партнерот и дишете длабоко во неговата прегратка за да ја продлабочите вашата врска преку мирисот.rnrnrn

Подгответе незаборавен оброк

rnАко на вашиот прв состанок сте отишле во некој италијански ресторан, повторно создадете ја истата атмосфера, но на поинаков начин. Подгответе некој италијански специјалитет, послужете вино, а цвеќињата можат да бидат одлична романтична декорација. Заедничката вечера ќе ве потсети на посебната интимност која постоела на почетокот на врската. Јадењето заедно создава поврзување, кое за возврат создава окситоцин, познат како „хормонот на среќата“, а тоа значи и повеќе љубов.rn

Разголете ја душата

rnОбидете се да го изненадите партнерот со масажа на стапалата . Се разбира, бидете подготвени и вие да добиете иста таква масажа за возврат. Не само што на тој начин ќе го ослободите партнерот од напнатоста, туку и, според традиционалната кинеска медицина, ќе ги стимулирате виталните органи, преку допирот ќе ја изразите љубовта и повторно ќе се поврзете.rnrnrn

Станете поетични

rnИако можеби звучи чудно, рецитирањето на љубовна поема на партнерот ќе создаде незаборавна врска со вашиот глас, а со тоа вие ќе му покажете колку ви е важно вашето партнерство. На тој начин партнерот ќе ја сфати вашата подготвеност за одржување на врската.rn

Подобрете ја атмосферата во спалната соба

rnСоздадете рај од мириси, со избирање на релаксирачки ароми што ви се допаѓаат вам и на вашиот партнер. Испрскајте ја постелата со мирис на лаванда, запалете миризливи свеќи со иста арома, а на вашето тело нанесете неколку капки парфем. Доколку немате парфем од истата мирисна нота, може да употребите етерично масло со мирис на лаванда.rnrnrn

Подгответе ја бањата

rnИзненадете го партнерот во бањата. Подгответе му „ритуално капење“ со морска сол и етерично масло, придушете го светлото (повторно можете да ги искористите свеќите) и подгответе му чиста облека што ќе го чека после капењето. На овој начин ќе му покажете колку се грижите за него, а мирисите кои ќе ги употребите ќе ја зацврстат вашата врска.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 21, 2012
Креативни состаноци за Денот на вљубените

Секоја година за 14-ти февруари се случува истото. Секој пар си има своја традиција… Некои одлучуваат да останат дома гледајќи романтичен филм, други излегуваат на романтична вечера каде што секогаш разменуваат црвени подароци со срциња, а некои пак не му придаваат големо значење на денот и не прават ништо поразлично од секојдневните излегувања. Доколку ви е здодеано од рутинските состаноци за Денот на вљубените, еве неколку идеи како можете без многу напор да го/ја оставите партнерот/ката без зборови.rn

Слатки бакнежи

rnНапишете му/ѝ покана за интимна вечера на интересна хартија, замотајте ја во ролна и заврзете ја со црвена машна. Купете различни видови мали чоколатца. Смислете различни видови бакнежи или побарајте идеи на интернет и одберете ги оние кои најмногу ви се допаѓаат. На мали ливчиња запишете по еден вид бакнеж и залепете ги врз чоколатцата. Спакувајте ги во кутија. После вечерата, за десерт понудете го партнерот со чоколатце. Потоа замолете го да ви го демонстрира бакнежот што му/ѝ се погодил. Продолжете наизменично да одбирате по едно чоколадно колаче и да ги испробувате бакнежите. Тие засекогаш ќе останат во вашите сеќавања.rnrnrn

Караоке настап

rnНапишете необична и забавна песна која ќе ја опишува вашата љубов кон партнерот. Најдете караоке верзија од неговата/нејзината омилена песна која ќе ви користи како матрица и ако сте доволно храбри однесете го партнерот на караоке забава, качете се на сцената и испејте му/ѝ ја песната. Настапот продолжете го така што ќе го повикате партнерот да ви се придружи во дует. Доколку сте посрамежливи, сè ова можете да го изведете и во домашна атмосфера. Вашата песна ќе остане во неговите/нејзините мисли долго време.rnrnrn

Серенада на гитара

rnАко романтиката ви е појака страна еве една идеја која секогаш успева. Замолете пријател (кој знае да свири на гитара) да биде ваш личен келнер вечерта. Во трпезаријата украсете малку да изгледа како да е приватен дел од елитен ресторан, а на масата поставете свеќи и цвеќиња. За време на десертот, побарајте од пријателот да ја отсвири омилената песна на вашиот партнер. Тој/таа никогаш нема да ја заборави серенадата.rnrnrn

Заедничка топла бања

rnИсецкајте различни видови овошје и пуштете музика. Запалете оган во каминот (или загрејте друго грејно тело), поставете ги пешкирите блиску до него и истуширајте се заедно. Кога ќе завршите, завиткајте се во топлите пешкири и наместете се покрај каминот. Замолете го партнерот да ги затвори очите и почнете да му давате од овошјето. Неговата/нејзината задача ќе биде да погодува за каков вид овошје се работи. Романтичноста на овој состанок ќе остане долго време во вашите сеќавања.rnrnrn

Со превез на очите до прекрасно место

rnВеднаш кога ќе пристигнете пред домот на вашиот партнер заврзете му/ѝ ги очите и однесете го/ја на сосема неочекувано место. Може да биде на некој планински предел со убав поглед на градот, покрај река или езеро… Какво било место што ќе остави голем впечаток откако ќе биде тргнат превезот од очите. Прошетката ќе биде незаборавна за него/неа.rnrnrn

Вашиот прв состанок

rnПробајте да го рекреирате вашиот прв состанок. Облечете ја истата облека што ја носевте, одете по истиот пат до местото каде што бил вашиот прв бакнеж. Доколку сте биле на кафе или на вечера, нарачајте го истото како и тогаш. А како поклон подгответе мал албум со слики од поважни настани со интересни посвети. Ова е совршен начин да се потсетите зашто сте заедно за Денот на вљубените.rnrnrn

Зајдисонце под отворено небо

rnИспратете до партнерот разгледница на која има прекрасно зајдисонце. На неа напишете тој/таа да се облече во многу топла облека. Потоа со кола отидете до езеро или до река во близина и доколку дозволуваат условите, постелете ќебе на земјата и имајте пикник на зајдисонце. Кога ќе завршите со јадењето извадете од колата вреќи за спиење и наместете се да ги гледате ѕвездите. Моментите за време на зајдисонцето и отвореното небо ќе бидат оние што тој/таа ќе ги памти многу долго време.rnrnrn

Необичен љубовен состанок

rnИспланирајте комплетно необичен состанок за Св. Валентин. Одете на билјард, куглање, пеинтбол, во музеј… Или пак на кое било друго место за кое сте разговарале со партнерот, меѓутоа никогаш не сте нашле време да отидете. Можеби вашето идно заедничко хоби ќе започне токму оваа вечер.rnrnrn

Потрага по скриеното богатство

rnНацртајте кратка и едноставна мапа за вашиот партнер. На поголем картон нацртајте „X“ и исечете го по неговите линии. Замолете ваш пријател непосредно пред состанокот да ја однесе мапата до домот на вашиот партнер, а вие за тоа време отидете до целта, земете го знакот во едната рака, големо чоколадо во другата и почекајте да бидете пронајдени. Тој/таа одлично ќе се забавува за време на потрагата.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 11, 2012