КАФЕ ПАУЗА

Tag: стрес

7 начини на кои ментално силните луѓе се справуваат со стресот

Додека стресот навистина може да уништи нечии животи, ментално силните луѓе знаат како да се справат со него. Всушност, тие го гледаат стресот како нешто што им овозможува да созреат. Без разлика дали се соочуваат со финансиски проблеми, проблеми на работното место или здравствени проблеми, овие луѓе не дозволуваат стресот да ги закочи. Па, погледнете како тие се справуваат со стресот.rnrnrn

1. Прифаќаат дека стресот е дел од животот

rnМентално силните луѓе се свесни дека проблемите и пречките во животот се неизбежни. Кога ќе се појави стресна ситуација, тие даваат сè од себе за да продолжат понатаму. Дури и кога не можат да ги променат околностите, тие знаат дека секогаш можат да преземат нешто за да ги подобрат своите животи.rn

2. Имаат добра перспектива кон проблемите

rnНаместо да мислат дека некој проблем ќе им го уништи денот, ментално силните луѓе имаат друга перспектива. Тие не ги гледаат малите проблеми како катастрофи кои би им ја уништиле кариерата или животот. Не дозволуваат негативните мисли да влијаат на нивните постапки.rn

3. Внимаваат на своето физичко здравје

rnОвие луѓе знаат колку е важно нивното здравје. Свесни се дека нема да можат да се справат со стресот доколку не се грижат за здравјето. Тие вежбаат, спијат доволно и се хранат здраво.rn

4. Одбираат здрави вештини за справување

rnМногумина се вртат кон алкохол, брза храна и други нездрави навики обидувајќи се да се справат со стресот. Но ментално силните луѓе се справуваат со неудобноста на продуктивен начин. Тие си дозволуваат да чувствуваат негативни емоции како анксиозност, страв, тага и слично. За да се справат со емоционалната болка, овие луѓе користат здрави активности како шетање во природа или некое креативно хоби.rn

5. Создаваат рамнотежа помеѓу социјалната активност и самотијата

rnПонекогаш со цел да ги избегнат проблемите, луѓето ги исполнуваат своите распореди со социјални активности. Други пак се справуваат со стресот избегнувајќи ги семејството и пријателите. Ментално силните луѓе создаваат рамнотежа помеѓу овие нешта. Имаат здрав социјален живот дури и кога се под стрес, но секогаш одвојуваат и време за себе.rn

6. Ги признаваат своите избори

rnСтресот може да направи луѓето да се чувствуваат како жртви на лоши околности. Ментално силните луѓе ги признаваат сите нивни постапки и избори. Одбиваат да ги прават работите кои не ги сакаат и прифаќаат целосна одговорност за нивното однесување.rn

7. Ја бараат позитивната страна

rnОва не значи дека ментално силните луѓе го гледаат светот низ розови очила. Тие имаат реален поглед кон светот, но секогаш ја бараат позитивната страна. Се обидуваат да ги видат добрите работи кои произлегуваат од стресните ситуации. Наместо да им дозволат на проблемите да ги претворат во огорчени и беспомошни жртви, тие ги користат стресните ситуации да станат посилни и подобри личности.rnrnПробајте ги и овие едноставни и кратки начини за ослободување од стресот.

April 6, 2018
Дали стресот навистина влијае на плодноста?

Можеби конечно сте подготвени да ги жртвувате викендите, па дури и квалитетниот сон, за прегратки со вашето бебе. Ако сакате да основате ваше семејство, голема е веројатноста да истражувате како да ги зголемите вашите шанси за зачнување.rnrnrnrnНајчестите совети за подобрување на плодноста се здрава исхрана, редовно вежбање, квалитетен сон и помалку стрес. Но понекогаш е навистина тешко да го елиминирате стресот, особено ако тој е резултат на вашиот обид да останете бремени. Па колку навистина влијае стресот на вашата плодност?rnrnСпоред Џорџија Виткин, асистент по психијатрија и гинекологија, стресот нема големо влијание. Иако истражувачите докажале дека проблемите со плодноста предизвикуваат стрес, нема никаков доказ дека важи обратното. Џорџија не се согласува со мислењето дека треба да се опуштите и ќе останете бремени. Таа дури го обележала ова мислење како мит.rn

„Жените можат да зачнат и во најстресни околности ако не постои физички проблем. Дури и жените со трауми и воените затвореници често остануваат бремени.“

rnСе разбира, секој знае дека физичкиот и емоционалниот стрес можат да имаат влијание на менструалниот циклус. Сепак, Џорџија инсистира дека тоа нема директно влијание на плодноста.rn

„Кога постои проблем со плодноста поради стрес, стресот најверојатно активирал некоја веќе постоечка медицинска состојба“, објаснува таа.

rnИако стресот нема физички да го намали квалитетот на јајце клетката или сперматозоидите, може да предизвика штетно однесување.rn

„На пример, жените може да се откажат од терапијата за плодност, да ѝ наштетат на плодноста со лекови, пушење или пиење, да избегнуваат секс или да не ги следат инструкциите на нивните лекари. Ако репродуктивниот систем е чувствителен на стрес колку што мисли мнозинството, човештвото одамна ќе исчезнеше.“

rnПа, ако сте под стрес, а истовремено се обидувате да останете бремени, советот на Џорџија е подобра грижа за себе.rn

„Бидете вашиот најдобар пријател. Престанете да се обвинувате, поддржете се и почитувајте се.“

rnЕвентуално, ќе се ослободите од стресот и иако ова нема да ја подобри вашата плодност, ќе го направи целиот процес многу поубав за вас.rnrnПрочитајте ги и овие совети за зголемување на плодноста.

March 23, 2018
10 градови во кои не постои стрес и се идеални за живеење

Ако се прашувате кое е идеалното место за живот без стрес, сигурно ќе се израдувате кога ќе дознаете дека е во Европа. Една компанија направил истражување во кое ги рангирала светските градови врз основа на разни податоци. Целта била да се открие кои градови се најмалку стресни за живот.rnrnrnrnЗа да се добие резултатот, во 500 градови биле мерени следните фактори:rnrnГрад: Густина на население, зелен простор, сообраќај, сончеви часови, безбедност, локален јавен превоз.rnrnЗагадување на околината: Загадување на воздухот, загадување од врева.rnrnФинансии и невработеност: Долг по глава на жител, социјална сигурност, семејна куповна моќ.rnrnНаселение: Ментално здравје, физичко здравје, рамноправност на половите.rnrnОва се 10-те градови со најмалку стрес:rn

1. Штутгарт

rnШтутгарт се наоѓа во јужна Германија и има околу 590.000 жители во самиот град, и околу 3 милиони во неговата околина позната како Штутгартски регион. Ова е 6-тиот најголем град во Германија и е поделен на 23 градски области.rn

2. Луксембург

rnЛуксембург е главен град на Големото Војводство Луксембург и се наоѓа во Западна Европа. До 2010 година, градот имал население од 100.000 жители. Во 2011 година, Луксембург бил на прво место по личната безбедност.rn

3. Хановер

rnИ Хановер се наоѓа во Германија. Градот има население од 522.944 жители и е главен центар на северна Германија. Хановер има и национална важност поради неговите универзитети, медицинската школа, меѓународниот аеродром и големата зоолошка градина.rn

4. Берн

rnБерн е главен град на Швајцарија и одамна се наоѓа на овие листи. Покрај тоа, стариот дел од град кој е одлично сочуван се наоѓа на списокот на Светските градини на УНЕСКО.rn

5. Минхен

rnМинхен е третиот најголем град во Германија и има околу 1,35 милиони жители. Овој град е финансиски и издавачки центар и често е рангиран како најдобра дестинација за миграција и иселеничко место за живеење.rn

6. Бордо

rnБордо се наоѓа во југозападна Франција и вкупното население во општината изнесува над 1 милион. Овој град е познат по виното, неговиот висок квалитет, како и лозовите насади.rn

7. Единбург

rnЕдинбург е вториот најголем град во Шкотска. Се наоѓа на брегот на Северното море. Градот е богат со средновековна архитектура и се смета за еден од најживописните градови во Европа.rn

8. Сиднеј

rnСиднеј е најстариот град во Австралија и има над 4 милиони жители. Често е прогласуван како еден од најубавите и најживите градови на целата планета.rn

9. Грац

rnГрац е втор најголем град во Австрија. Има долга традиција на универзитетски град со 6 универзитети и над 44.000 студенти. Стариот дел на Грац се смета за еден од најзачуваните во Централна Европа.rn

10. Хамбург

rnХамбург е дом на над 1,8 милиони луѓе и седми најголем град во Европската Унија. Тој е главниот сообраќаен јазол во Северна Германија и е еден од најбогатите градови во Европа.rnrnЗнаевте ли дека некои градови и држави ќе ви платат да живеете во нив?

March 17, 2018
Дали ве боли грбот, но ниту една терапија не ви помага? Можеби имате ТМС!

Доктор Џон Е. Сарно е американски професор по рехабилитациска медицина и автор на многубројни научни истражувања, вклучувајќи ја и книгата „Како да ја излечите болката во грбот?“. Уште пред 30 години, тој ја открил причината за болките во грбот и вратот.rnrnrnrnСарно заклучил дека умот може да влијае на физиолошките процеси во телото, па така и на болките во грбот кои се од психосоматска природа. Доктор Сарно на многу пациенти им го дијагностицирал синдромот на тензичен миозитис или скратено ТМС.rnrnСтанува збор за болна состојба на мускулите, нервите, тетивите и лигаментите која е предизвикана од напнатоста, односно од потиснатите емоции. Многу луѓе мислат дека нивните болки во грбот се предизвикани од страна на дијагностицираната хернија на дискот, вклештување на нервите или сколиоза, но всушност боледувале од ТМС.rn

Како да се препознае тензичниот миозитис?

rnДали сте на возраст помеѓу 30 и 60 години. Дали многу често чувствувате необјасниви болки во мускулите на вратот, рамената и грбот а истовремено се соочувате со животни предизвици, како на пример, добивање отказ од работа или болест на некој близок член од семејството? Доколку се препознавте во сето ова, можно е да имате тензичен миозитис.rnrnЛуѓето на гореспоменатата возраст се соочуваат со зголемена одговорност и стрес, а тоа се главните виновници за напнатоста и потиснатите емоции. Но, доктор Сарно истакнува дека иако тензичниот миозитис потекнува од емоционални причини, сепак главната причина е физичка, односно станува збор за физиолошко нарушување.rnrnТензичниот миозитис ги зафаќа постуралните мускули, а тоа се мускулите на страничниот дел од вратот, мускулите и нервите долж целиот грб и лигаментите и тетивите во рацете и нозете. Најчесто се јавува во мускулите на долниот дел од грбот, вратот и на врвот на рамената. Личноста која има ТМС може да чувствува остри и трајни болки или притисок, трпнење и слабост.rn

Што имаат заедничко луѓето кои страдаат од ТМС?

rnКај луѓето со ТМС заедничко е тоа што почетокот на нивните болки е поврзан со одредена животна траума или промена. Може да станува збор за болест во семејството, нова работа, стапување во брак, финансиска криза и слично. Овие луѓе најчесто се перфекционисти кои имаат силно чувство на семејна одговорност.rnrnЛуѓето кои имаат тензичен миозитис се многу самокритични и имаат силна желба да успеат во животот. Но, зад сето ова, се крие чувство на инфериорност и слаба самопочит.rnrnrn

Што се акутни напади и силни болки во мускулите?

rnКога ќе се случи акутен напад на ТМС, тоа може да биде многу болно, мускулите се грчат и секое движење може да биде неподносливо. Слично како и со обичните грчеви во мускулите кои сите повремено ги чувствуваме, и овие грчеви се јавуваат поради недостаток на кислород, со таа разлика што грчевите предизвикани од ТМС може да траат многу долго.rnrnИако акутниот напад на тензичен миозитис е многу силен, тој е безопасен. Појавата на ТМС може да биде поттикната од страна на физичка незгода, но и почеток на одмор. На пример, за време на некој тежок животен период, како на пример финансиска криза или смртен случај во семејството, личноста сѐ уште не чувствува болки. Но, штом кризната ситуација помине, насобраните потешкотии почнуваат да избиваат на површина и се случува првиот акутен напад.rnrnМногу луѓе кои имаат тензичен миозитис почнуваат да чувствуваат болки пред, во текот и после големи празници или годишен одмор. Поради стравот од силните болки, поголемиот дел од заболените од ТМС ги одбегнуваат сите физички активности кои бараат не само физички напор, туку и обични движења како наведнување. На тој начин се ограничуваат себеси и уште повеќе си ја отежнуваат состојбата.rn

Стресот е најчестата причина за ТМС

rnСтресот што го чувствувате во секојдневниот живот обично води кон напнатост. Под „напнатост“ доктор Сарно го подразбира притисокот што го чувствувате поради присутноста на одредени емоции во потсвеста. Потсвеста е живеалиштето на сите наши чувства. Потеклото на ТМС се наоѓа токму во тој несвесен дел од нашето битие.rnrnКога се работи за ТМС, најчесто ги потиснуваме анксиозноста, лутината и чувството на пониска вредност, бидејќи тоа се емоциите што сакаме да скриеме од надворешниот свет. Со оглед на тоа што не им дозволуваме на тие емоции да избијат на површина, тие автоматски се засолнуваат во потсвеста.rnrnПотиснатите емоции како што се лутината и анксиозноста, влијаат на автономниот нервен систем кој го намалува протокот на крв и кислород во одредени мускули, нерви, тетиви и лигаменти, поради што настанува болката и другите нарушувања.rnrnДури 88% од луѓето со ТМС имале и други нарушувања кои се поврзани со напнатоста, како на пример, чир на желудник, мигрена, колитис и слично. Сите овие нарушувања се поврзани со потиснатите емоции.rn

Физичката болка претставува одбрана од потиснатите емоции

rnПотребата за потиснување одредени емоции, како што се лутина или бес, обично се јавува како последица од влијанието на родителите. На пример, една мајка добила упатство да го полева со вода својот син секогаш кога тој ќе има напади на лутина. Тоа момче станало добар кандидат за ТМС, токму поради тоа што некој му создал навика да ја потиснува лутината.rnrnНие се браниме од потиснатите емоции на тој начин што го насочуваме вниманието кон нешто друго. Во овој случај, умот го свртува нашето внимание од непожелните емоции кон физичката болка. Со оглед на тоа што овие болки се силни, многумина кои боледуваат од ова нарушување не сакаат да прифатат дека ТМС има некаква врска со емоциите. Тие се уверени дека нивните болки се предизвикани од страна на некоја физичка повреда, што не е точно.rnrnСпоред доктор Сарно, колку што е поболна потиснатата емоција, толку е посилен интензитетот на физичките болки. Но, еднаш кога личноста ќе ги признае тие емоции и ќе му дозволи на гневот да излезе на површина, болките мистериозно исчезнуваат.rnrnПрочитајте ја и скриената причина за болката во долниот дел од грбот.

February 20, 2018
10 начини на кои телото ве предупредува дека му се закануваат опасни болести под влијание на стрес

Одвреме-навреме секој од нас се чувствува болно. Меѓутоа, ако постои нешто што константно ве мачи, би требало сериозно да го сфатите вашето здравје и да побарате помош. Со оглед на тоа како живееме, големи се шансите да станува збор само за стрес, но тоа не значи дека не е опасно за вас. Многу доктори велат дека тој може да предизвика различни болести. Во продолжение прочитајте кои се најчестите симптоми кои укажуваат на тоа дека вашето тело е под стрес и дека пати.rn

1. Кожни болести

rnrnrnПсоријазата, акните и сличните кожни болести може да бидат предизвикани од стрес. Научниците спровеле истражување помеѓу студентите и пронашле директна врска помеѓу високото ниво на стрес и проблемите со кожата. Експериментот со глувци дал исти резултати. Животните кои биле изложени на големи дози стрес биле поподложни на кожни инфекции.rn

2. Промени во телесната тежина

rnrnrnМожеби некогаш сте биле во ситуација да не успевате да ја стабилизирате тежината и покрај диетите и физичките активности. Некои интензивни искуства може да влијаат врз добивањето килограми. Како што се докажало, честите стресни ситуации го зголемуваа произведувањето на хормонот кортизол. Тој го стабилизира метаболизмот на мастите и јаглехидратите и го одржува неопходното ниво на шеќер во крвта. Ако личноста има премногу од овој хормон, таа ќе јаде повеќе, телото ќе произведува помалку тестостерон и ќе согорува помалку калории. Сето ова прави таа личност да се здебели. rnrnПонекогаш, стресот и анксиозноста доведуваат до губење килограми. Ова се случува заради зголеменото ниво на адреналин во крвта. Адреналинот го забрзува метаболизмот, но го забавува топењето на мастите. Научниците исто така го обвинуваат кортикотропинот – ослободувачки хормон за губење килограми.rn

3. Чести настинки

rnrnrnКако што веќе кажавме, стресот влијае на произведување кортизол, кој ги поттикнува воспаленијата. Меѓутоа, ако личноста е под хроничен стрес, нејзиниот имунолошки систем станува помалку чувствителен на кортизол, што резултира со сериозни воспаленија. Тогаш личноста е под поголем ризик да настине. Не обвинувајте го студеното време, бидејќи тоа само го поттикнува организмот кој веќе има ослабен имунолошки систем. Ако често настинувате, размислете за што најмногу се грижите во животот и обидете се да го елиминирате тој проблем.rn

4. Гастроинтестинални нарушувања

rnrnrnПостои научен доказ дека стресот може да има негативен ефект на гастроинтестиналниот тракт. Понекогаш, лековите за надуеност и болки во стомакот не помагаат. Во тие случаи, посетата на психолог може да биде од голема помош. Тој ќе ја утврди причината за вашата анксиозност и ќе се обиде да ви помогне.rn

5. Потешкотии со фокусирањето

rnrnrnЛуѓето кои се под стрес подолго време, потешко може да се фокусираат на задачите. Ако забележите дека сте помалку фокусирани од обично, можеби е време малку да забавите и да се ресетирате. rn

6. Губење на косата

rnrnrnНаучниците дошле до заклучок дека стресот може да доведе до делумно или целосно губење на косата. Ако сте забележале дека имате помалку коса од обично, а различни витамини не даваат позитивен ефект, стресот може да биде причината за тоа. Затоа, ако сакате убава коса, престанете да бидете нервозни.rn

7. Главоболки

rnrnrnГлавоболките се јавуваат заради многу причини: остеохондроза, лоша положба во текот на спиењето, низок или висок притисок, синуситис, бременост… Меѓутоа, понекогаш главоболките се предизвикани од емотивниот стрес дома или на работното место. Земањето лекови може да помогне. Сепак, ако не ги исклучите стресните ситуации од вашиот живот, главоболката одново и одново ќе се враќа.rn

8. Намалено либидо

rnrnrnЕмотивно исцрпената личност, што често е изложена на стрес, обично има ниско либидо. Научниците спровеле студија и дошле до овој заклучок. Затоа, ако долго не сте имале односи со партнерот, не лутете се и не грижете се, бидејќи тоа нема да помогне. Ако вистинската причина е стресот, само ќе ја влошите ситуацијата. Би било одлично да заминете на заеднички одмор и барем на кратко да се оттргнете од сите проблеми.rn

9. Проблеми со спиењето

rnrnrnСтресните ситуации може да бидат причина за сериозни проблеми со спиењето. Можете да патите од несоница ако подолго време сте под стрес. Ова е многу тешка ситуација, бидејќи личноста не може нормално да работи и да ужива во животот без добар сон. Кога таблетите за спиење повеќе не помагаат, можеби е време да посетите доктор. Многу е важно да пронајдете причина за вашите проблеми со спиењето и да ја елиминирате.rn

10. Кардиоваскуларни болести

rnrnrnНашите срца минуваат низ многу нешта во текот на животот, вклучувајќи ги и добрите и лошите работи. Стресот има лошо влијание на срцето. Научниците докажале дека хроничниот стрес е еден од најчестите причини за кардиоваскуларните болести. Околностите како тешко работно место или обратно, немањето никаква работа воопшто, животот во сиромаштија и семејните проблеми само ја влошуваат ситуацијата.rnrnДоколку заклучивте дека сте под стрес, тогаш ви препорачуваме да ги примените овие чудни техники кои го намалуваат стресот и веднаш ќе ве релаксираат.

December 29, 2017
10 сигурни знаци дека доживувате паничен напад

Паничните напади се појавуваат без предупредување и предизвикуваат силно чувство на закана. Тие се многу повеќе од тоа да се чувствувате нервозно, анксиозно или да сте под стрес поради нешто. Нападот е интензивен и се појавува без очигледна причина, иако е поврзан со чувства на физичка затвореност или агорафобија. Ако вашите панични напади се повторуваат, можете да развиете панично нарушување, кое почесто се појавува кај жените отколку кај мажите. Погледнете ги 10-те сигурни знаци кои ќе ви помогнат да го препознаете паничниот напад.rn

1. Се чувствувате како да полудувате

rnrnrnПоради ненадејното и интензивното појавување на чувства, покрај физичките симптоми кои може да се појават во исто време, не е необично да ви се појави и страв дека полудувате. Вашите тело и ум ја губат поврзаноста со она што се случува, а тоа може навистина да ве збуни.rn

„Не знаев што се случува. Моето тело не знаеше што да прави. Половина мозок ми велеше да трчам, а другата половина ми велеше да останам во место. Заглавен бев“, изјавил еден пациент.

rn

2. Вашето срце чука побрзо

rnrnrnКога имате паничен напад, вашето тело реагира како да се наоѓате во вистинска физичка опасност. Ова ескалира до состојба на голема неудобност, и тоа за многу кратко време. Нервните сигнали ја активираат амигдалата, центарот на мозокот за „борба или бегање“. Со ова се појавуваат симптоми како брзо чукање на срцето кои може да ве натераат да мислите дека доживувате инфаркт.rn

3. Се плашите за вашиот живот

rnrnrnСтравот кој минува низ вас може да направи да се чувствувате како да умирате, или како да губите секаква контрола. Но она што навистина се случува е адреналинот кој го „преплавува“ вашето тело поради перцепцијата за опасност. Вашето тело се подготвува да се одбрани, без разлика дали тоа значи удирање или бегање што е можно побрзо. Ако можете да запомните дека ова е едноставно вашиот природен психолошки одговор и ништо повеќе, можете да го намалите стравот.rn

4. Можете да почувствувате отежнато дишење

rnrnrnАко ви е тешко да дишете или мислите дека не можете да земете доволно воздух, имајте на ум дека ова е еден навистина чест симптом на паничен напад. Ова се случува кога зголемената анксиозност ве тера да дишете пребрзо. Некои техники за дишење и смирување може да ви помогнат овие чувства на анксиозност да не преминат во паничен напад.rn

5. Ќе се чувствувате парализирано

rnrnrnМожно е стравот да стане толку голем што ќе ве направи целосно неподвижни. Американското здружение на психолози ја опишува оваа појава како „ужас кој речиси парализира“.rnrnПродолжува на следната страница…rn

November 23, 2017
Внимавајте: 6 физички симптоми кои покажуваат дека сте изложени на преголем стрес

Никој не може целосно да го избегне стресот, но тоа што може да се направи е да се ограничи неговиот интензитет. Дознајте кои физички симптоми се често предупредување на тоа дека сте под преголем стрес. Нутриционистот Шарлот Ватс вели дека на стрес може да упатуваат и некои физички показатели кои често се јавуваат кај личностите кои секојдневно се изложени на него. Ватс вели дека телото кое е под притисок побрзо ги апсорбира хранливите состојки, што значи дека организмот функционира побрзо, но помалку ефикасно.rnrnrnrnСимптомите кои се јавуваат најчесто се поврзуваат со недостаток на витамини и минерали, што предизвикуваат крвавење на непцата и појава на бели дамки на ноктите. Нутриционистката вели дека секој симптом укажува на недостаток на одреден витамин или минерал:rnrn1. Испукани усни – Недостаток на витамин Б6.rnrn2. Бруксизам или крцкање со забите – Недостаток на витамин Б5.rnrn3. Појава на бели дамки на ноктите – Недостаток на цинк.rnrn4. Тврда столица или дијареја – Недостаток на магнезиум.rnrn5. Тврди акни на рацете и бедрата – Недостаток на витамин Е.rnrn6. Чести инфекции на грлото и градниот кош – Недостаток на витамин А.rnrnrnrnНаправени се бројни студии кои докажуваат дека стресот влијае и на промена на тежината. Истражувањето спроведено на Универзитетот Калифорнија во Сан Франциско покажало дека жените кои поминале низ некој стресен настан се склони кон дебелеење за разлика од оние кои живеат мирен живот.rnrnИ додека поголем дел од научниците тврдат дека стресот има само негативна страна, група научници од Универзитетот Нортвестерн во Илиноис тврдат дека малата количина стрес може да биде од корист за клеточното здравје. Истражувањето чии резултати се објавени во журналот „Cell Reports“ упатува на тоа дека кортизолот, често наречен „хормон на стресот“, може да ги заштити клетките кои стареат и да го намали ризикот од развој на дегенеративни болести како Алцхајмеровата и Хантингтоновата болест.rnrnДоколку сте под стрес, прочитајте го ова 2-минутно правило што ќе ви помогне лесно да се ослободите од стресот.

November 20, 2017
11 чудни техники кои го намалуваат стресот и веднаш ќе ве релаксираат

Ако не се справите со него, стресот може да се претвори во трајна, токсична навика. Бидејќи ретко знаеме правилно да се справиме со стресот, си создаваме дополнителна нервоза и циклусот си продолжува. За среќа постојат некои чудни, но навистина едноставни и ефективни техники кои ќе ви помогнат да се ослободите од стресот за многу кратко време.rnrnrn

1. Лажна насмевка

rnИако форсирањето емоции не е добро, истражувањата покажале дека смеењето, дури и кога не ви е дојдено тоа, може да го излаже вашиот мозок да се чувствувате подобро. Лажната насмевка може да го намали стресот за неколку секунди.rn

2. Ставете го палецот во уста и цицајте

rnОваа „техника“ ќе активира нешто наречено вагусен нерв и ќе го забави вашето срце и ќе го намали крвниот притисок.rn

3. Дувајте на вашиот палец

rnАко се наоѓате на место каде што не е пристојно да го ставите палецот во уста, доволно е само да дувнете на него. Палецот си има свој пулс па дувањето ќе го забави пулсот и ќе го намали вашиот стрес.rn

4. Гума за џвакање

rnДокажано е дека џвакањето гума може да ги намали стресот и анксиозноста во која било ситуација.rn

5. Барајте фрактали

rnФракталите се дезени кои се наоѓаат во природата, како ливчињата на цветот или формите на пајаковата мрежа. Ова ќе ви помогне да го намалите стресот дури за 60%.rn

6. Вдишете длабоко

rnОва изгледа очигледно, но всушност треба и да мислите на дишењето за да функционира. Почнете бавно, наполнете ги дробовите со воздух до крај, и потоа бавно издишете. Овој начин на дишењето ќе го намали ритамот на вашето срце и ќе го активира парасимпатичниот нервен систем кој е одговорен за опуштањето.rn

7. Застанете до растение

rnАко се опкружите со растенија, стресот во вашиот живот значително ќе се намали. Едно истражување покажало дека растенијата во канцелариите значително го намалуваат крвниот притисок, но и ја зголемуваат продуктивноста.rn

8. Притиснете помеѓу вториот и третиот зглоб

rnОва е навистина уникатен начин за ослободување од стресот. Нежно притиснете го просторот помеѓу вториот и третиот зглоб на вашиот прст, на местото каде што прстот се соединува со дланката. Овој притисок ќе активира нерв кој ќе ви помогне да се смирите.rn

9. Направете некоја лесна јога поза

rnМожеби немате време за цел час вежбање, но нема ни потреба од толку. Доволни се неколку едноставни јога пози кои ќе ги изведете за кратко време. Овие движења ќе ви помогнат да дишете длабоко и да станете свесни за вашето тело. На овој начин веднаш ќе се релаксирате.rn

10. Зелен чај

rnЗелениот чај содржи теанин, аминокиселина која го уништува ефектот на кофеинот. Бидејќи кофеинот го забрзува чукањето на срцето, го засилува и стресот. Зелениот чај е одличен за вакви моменти.rn

11. Извршете неколку домашни обврски

rnАко се чувствувате навистина лошо, одличен начин да го промените тоа е да работите нешто дома што бара движење. Исчистете ја кујната, фрлете го ѓубрето или слично. Ако сте на работа, искористете ја паузата да завршите некои други обврски. Ќе се смирите за многу кратко време.rnrnПогледнете ги и овие кратки начини за ослободување од стресот.

November 17, 2017
Стрес или депресија? Дознајте ја разликата
Поимите стрес и депресија многу често се користат како да имаат исто значење. Иако симптомите се слични, и едното често може да води до појава на другото, стресот и депресијата се две сосема различни состојби. Но понекогаш само професионалец може да ви открие дали страдате од стрес или пак од депресија.rnrnrn

Што е стрес?

rnСтресот е чувство на ментален и емоционален притисок. Најчесто е предизвикан од моменталната ситуација во вашиот живот кога ви се чини дека треба да се справите со повеќе отколку што можете. Може да станува збор за сметки кои не можете да ги платите, премногу материјал за учење, семејни проблеми, врска во која немате контрола и слично. Стресот е премногу блага состојба за да биде класифициран како нарушување, но многу лесно може да се претвори во тоа доколку не се справувате правилно со него. Да чувствувате малку стрес е нормално, а понекогаш дури е и од помош. Може да ве мотивира да преземете нешто, како на пример да го завршите проектот пред крајниот рок. Од друга страна, доколку сте изложени на премногу стрес, тоа има негативно влијание на вашиот целокупен живот.rn

Што е депресија?

rnДепресијата е многу потешка состојба од стресот и трае значително подолго. Таа е нарушување поради кое се чувствувате нерасположено поголемиот дел од времето. Се чувствувате несреќно, немотивирано и незаинтересирано за работите кои обично ви причинуваат задоволство. За разлика од стресот кој секогаш си има причина, депресијата може да се појави од нигде. Може да биде резултат на некое болно искуство, или пак да избие поради натрупувањето на многу потиснати и стари емоции. Поради нејзината ирационална природа, депресијата прави да се чувствувате како да немате контрола над ништо. Ако не се третира, оваа состојба може да биде навистина опасна и да предизвика суицидни мисли.rn

Кои се симптомите на стрес и депресија?

rnМногу е тешко да се разликуваат симптомите на овие две состојби. Понекогаш тие се совпаѓаат, па може да ви биде навистина тешко да одредите дали се справувате со стрес или со депресија. Но сепак, симптомите на депресија се секогаш поизразени и траат со недели и повеќе. Симптомите на стресот поминуваат по неколку денови.rn

Симптоми на стрес:

rn
- Чувство на нервоза и гнев
- Чувство на преплавеност
- Проблеми со опуштање и спиење
- Проблеми со концентрација
- Изнемоштеност
- Чести главоболки
- Триење на забите
- Постојана грижа
- Губење интерес за социјален живот
- Чувство дека не можете да се справите со тешкотиите во животот
rn

Симптоми на депресија:

rn
- Чувство на тага и безнадежност
- Изнемоштеност, недостаток на мотивација и енергија
- Чувство на постојан срам и вина
- Променливо расположение
- Промена во навиките за јадење, намалување или покачување на телесната тежина
- Мисли за самоубиство
- Проблеми со меморијата
- Проблеми со донесување одлуки
- Губење интерес за социјален живот
- Чувство дека не можете да се справите со тешкотиите во животот
rn

Кои се сличностите помеѓу депресијата и стресот?

rn
- И двете состојби се случуваат различно кај секоја личност. Причината за нивната појава е различна кај секого.
- И двете имаат влијание на вашето расположение и енергија. Прават да се чувствувате лошо и изнемоштено.
- И двете состојби влијаат на вашиот сон. Може да предизвикаат несоница, или пак да спиете повеќе од вообичаено.
- Влијаат на вашиот апетит. Може да почнете да се прејадувате или пак, да изгубите секаков интерес за храна.
- Попречуваат на вашето нормално функционирање. Потешко ви е да се концентрирате и да ги извршувате вашите секојдневни обврски.
- Прават да изгубите интерес за социјалниот живот. Сакате да останете изолирани и не сакате да бидете блиски со семејството и пријателите.
rn

Кои се разликите помеѓу стресот и депресијата?

rn
- Причината за стресот секогаш е очигледна, додека депресијата може да се појави кога било.
- Стресот исчезнува кога се променува ситуацијата во вашиот живот. Депресијата може да остане и со години, без разлика на промените во вашиот живот.
- Стресот е предизвикан од сегашните настани, додека депресијата може да настане од емоции или проблеми од минатото.
- Ако не се лекува, стресот може да води до депресија или анксиозност. Ако не се третира правилно, депресијата може да предизвика суицидни мисли.
- Стресот е социјално прифатен, а понекогаш дури и охрабруван. Депресијата сè уште претставува табу тема.
- Малку стрес може да ви биде од корист. Но дури и благата депресија многу изнемоштува.
rn

Како да се справите со стрес и депресија?

rnДобрите вести се тоа што и стресот и депресијата може да се излечат. Постојат многу начин да се справите со стресот, како решавање на проблемот што го предизвикал, или пак подобра грижа за вашето тело. За жал, депресијата е посериозно нарушување и може да ви биде тешко сами да се справите со неа. Најдобро е да побарате професионална помош. Сепак, некои од методите за ослободување од стрес може да ги намалат симптомите на депресија.rn

Како да го ублажите стресот?

rnНаправете план: Откријте што го предизвикува вашиот стрес и побарајте решение на кое ќе почнете да работите уште веднаш.rnrnИзбегнувајте стресни ситуации: Земајте пауза кога се чувствува анксиозно, преморено или загрижено.rnrnГрижете се за вашето тело: Кога вашето тело е во форма, ќе ви биде полесно да се справите со стресот. Вежбајте редовно, хранете се здраво и подобрете го квалитетот на вашиот сон.rnrnПобарајте помош: Немојте да страдате во тишина. Ако ви изгледа дека ситуацијата излегла од контрола, побарајте помош од професионалец или од некого кому му верувате.rn

Побарајте помош ако сте во депресијата

rnДепресијата е сериозна ментална состојба. Важно е да запомните дека не треба да се срамите од неа. Ако забележите барем еден симптом на депресија, веднаш побарајте помош. Колку порано почнете со нејзино третирање, толку подобро.
October 24, 2017
5 необични техники за справување со стресот кога сте под притисок

Иако е сосема нормално да бидете исплашени и целосно да се блокирате сред некоја стресна ситуација, тоа искуство може да биде навистина болно. Вашата самодоверба се намалува, а вие почнувате да се прашувате за вашите способности. Но не мора секогаш да биде вака. Со малку вежбање, многу лесно ќе останете полни со самодоверба и во најстресните ситуации. Погледнете ги овие необични, но ефективни техники кои ќе ви помогнат во тоа.rnrnrn

Ресетирајте го вашиот ум

rnНашиот мозок се „блокира“ кога е под притисок бидејќи телото се чувствува преморено од ситуацијата и се исклучува. За да го прекинете овој циклус, користете некоја слика или мисла која ќе ви го одвлече вниманието и ќе ви го ресетира вашиот ум. Одберете мисла која нема никаква врска со ситуацијата, како на пример некоја шега која ќе ве опушти и ќе ви ја намали напнатоста. Со ова го ослободувате умот од моменталниот стрес и анксиозност бидејќи неговото внимание се насочува на нешто друго.rn

Техника за опуштено лице

rnКога сме под стрес, првите делови од телото кои се „здрвуваат“ се вилицата и мускулите на лицето. Многу често ова е незабележително бидејќи е потсвесно и не сме ни свесни дека се случува. Па, кога ќе се најдете во стресна ситуација, обрнете внимание на вашата вилица и свесно опуштете ја. Ова ќе му даде сигнал и на остатокот од телото да се опушти. Ќе се чувствувате посмирено, ќе се намали анксиозноста и ќе размислувате подобро.rn

Прифатете го стравот

rnСправувањето со анксиозноста кога сте под притисок бара многу енергија. Во оваа состојба, спротивставувањето на овие чувства само ја влошува вашата анксиозност. Наместо да се спротивставувате, прифатете го нејзиното присуство, набљудувајте го и дозволете му да помине низ вас. На овој начин брзо ќе се вратите во сегашноста и полесно ќе се справите со ситуацијата.rn

Повикајте ги вашите стравови

rnКога чувствуваме страв, нашиот ум може да ги зголеми негативните ефекти на нас. Сепак, кога ќе го изнесете стравот на отворено, ќе сфатите дека ситуацијата и не е толку лоша колку што сте мислеле. Па, повикајте ги вашите стравови и соочете се со нив. Од што се плашите? Што е најлошото нешто што може да се случи? Дали вашиот најголем страв може да стане реалност или пак, само претерувате? На овој начин ќе добиете перспектива на ситуацијата и ќе ја намалите анксиозноста.rn

Бидете светлината во собата

rnНашиот говор на телото и нашето проектирање на енергија има големо влијание на нашата самодоверба. Проектирајте самодоверба со тоа што ќе замислите топка енергија која се шири од вас. Ова е ваше свето место. Носете се со оваа енергија на самодоверба која зрачи од вас. Кога ќе се движите со самодоверба, ќе се чувствувате подобро па и другите ќе го забележат тоа. А бидејќи другите реагираат и ја рефлектираат вашата енергија кон вас, резултатот е поголема самодоверба.rn

Движете се напред позитивно

rnКога ќе ви застане мозокот сред некој важен момент, голема е веројатноста да ја изгубите самодовербата. Но тоа не мора да биде така. Некои едноставни техники може навистина да ви помогнат да останете смирени кога сте соочени со стресна ситуација. Замислете дека се чувствувате сигурно кога одговарате прашања без проблем. Бидете свесни дека без проблем ги изнесувате вашите ставови со самодоверба.rnrnСè што е потребно е само еден чекор. Одберете една или две техники кои ви одговараат и пробајте ги уште денес. Полека, но сигурно ќе станете личноста полна со самодоверба која навистина сте.

October 23, 2017