КАФЕ ПАУЗА

Tag: распоред

4 секојдневни работи за коишто треба да одвоите време во вашиот натрупан распоред

Секојдневно одвојувате време за да си проверите имејл и да вежбате. Вашиот распоред е преполн со закажани состаноци. Но, дали сте знаеле дека би можеле да бидете уште попродуктивни, креативни и среќни кога би ги испланирале и неочекуваните работи? Не велиме дека треба да ја организирате секоја секунда од денот, но вметнете ги следниве неколку активности во вашиот распоред и ќе видите како животот ќе ви стане значително подобар…rnrnrn

1. Време за зјапање во празно

rnИзвршниот директор на LinkedIn, Џеф Вајнер одвојува 2 часа дневно за размислување. Опра само седи на стол минимум 10 минути секое утро. Милијардерот Варби Паркер поминува 90 минути секој ден не правејќи ништо. Не ви треба апликација. Не мора ни да медитирате. Поентата е да не правите ништо. Останете таму каде што сте и опуштете се.rn

2. Време за грижење

rnСекој ден одвојувајте малку време за да се фокусирате на вашите грижи. Идеално е тоа да биде секогаш во исто време и на исто место. На овој начин, кога ќе дојде време за спиење, вие веќе ќе имате размислено за сите работи што ви предизвикуваат анксиозност. Најважно е да бидете продуктивни додека се грижите, без разлика дали тоа значи дека ќе ги запишувате вашите мисли и грижи, ќе направите листа на обврски или активно ќе се обидете да ги решите проблемите што ве загрижуваат.rnrnrn

3. Време за секс

rnНауката вели дека постои директна врска помеѓу водењето љубов најмалку еднаш неделно и среќата на партнерите. Можеби идејата дека треба да го закажувате сексот не ви делува многу романтично, но не мора да бидете премногу прецизни. Не мора да одредите ден во денот кога ќе мора да имате секс, без разлика колку сте уморни и колку обврски имате. Наместо тоа, планирајте го сексот на следниов начин: „Ако се разбудам порано, пред децата, кој било ден во текот на неделата, јас ќе иницирам на секс“, или „Секогаш кога децата спијат, ќе имаме секс“ или „Викендите се време за секс“. Бидете отворени за повеќе опции и тоа несомнено ќе ја зголеми бројката на вашите неделни сексуални односи, без да ви наметне голем притисок.rn

4. Време за децата

rnПсихијатарот Алвин Роузенфелд ги советува родителите дека тие и децата треба да имаат доволно слободно време за да можат имаат заеднички креативни активности. Треба да поминуваат време без никаква цел, да им кажуваат на децата дека ги сакаат. Ако детето се чувствува сакано, пречките на патот никогаш нема да ги поразат. Секако дека можете да го ограничите времето за играње. Ако мислите дека треба да си играте со часови, тоа може да ви предизвика одбивност. Но, ако одвоите по 5 минути дневно или половина час неделно за играње со детето, оваа активност нема да ви делува како голема обврска. Ако не уживате во игрите со децата, најдобро би било да поставите временско ограничување.rnrnПрочитајте и како да направите листа со чија помош 2018-та година ќе стане најдобрата година досега.

December 17, 2017
Кои се најпопуларните родителски трендови во 2016 година?

Можеби сте мајка која е запознаена со најновите трендови во модата и во културата или пак, сте татко кој до најмала ситница се разбира во технологијата? Но, дали сте знаеле дека постојат трендови и во родителството? Следуваат 5-те кои годинава се најактуелни меѓу родителите. Прочитајте ги и можеби ќе се инспирирате за промени во начинот на кој живеете…rn

1. Татковци на „породилно отсуство“

rnrnrnСè повеќе расте бројот на татковци кои одлучуваат да останат дома и да ги чуваат своите деца, додека мајките набрзо по породувањето се враќаат на работа. Не е мал бројот на жени кои заработуваат повеќе од своите мажи, поради што одлучуваат да се вратат во својата канцеларија, а нивните сопрузи да останат дома за да се грижат за децата и семејството. Едно истражување од страна на центарот „Pew Research“ покажува дека речиси двојно е зголемен бројот на татковци од 1989 година, кои не работат надвор од својот дом и кои се грижат за своите најмали.rn

2. Дигитални календари и семејни распореди

rnrnrnКажете им збогум на класичните хартиени распореди и календари кои висат на ѕид. Децата денес имаат голем број активности, како на училиште, така и надвор од него. Одат на часови по странски јазици, на музичко, на разни спортови… Тоа значи дека им треба добра организација на родителите за да можат секаде навремено да ги однесат своите најмили. Затоа, сè поголем е бројот на родители кои ги користат придобивките од модерната технологија и обврските ги заведуваат во дигитални календари и распореди, за да имаат поголема прегледност и да добиваат потсетување за задачите кои треба да ги завршат со нивните деца.rn

3. Стил на воспитување „трето дете“

rnrnrnОва укажува на еден релаксиран однос кон вашето дете. Што значи тоа? Родителите, кога ќе го добијат своето прво бебе, вообичаено се многу загрижени за секоја ситница поврзана со новороденчето, додека за второто и третото дете веќе ги имаат потребните искуства и се однесуваат многу порелаксирано. Не се потресуваат на секое негово кивнување, закашлување или помала желба за храна, затоа што знаат дека тоа е нормален процес од растот и развојот на секое дете.rn

4. Хибридни имиња

rnrnrnМногу често се случува родителите да не можат да се договорат како ќе се вика нивното бебе, затоа што и двајцата имаат омилено име. Во поново време, многу родители решаваат да направат некаков хибрид од омилените имиња и на крај сите да бидат задоволни. Па така, на пример, од Калина и Јана, да се создаде името Каја.rn

5. Викенди без телефони, компјутери и интернет

rnrnrnДенешните деца немаат никаков проблем со користењето на модерната технологија. Но, многу често тоа знае да доведе до потешкотии, затоа што доколку родителите не им застанат на патот, тие со часови можат да седат пред шарените екрани и да ги гледаат своите омилени цртани или да ги играат омилените игри. Поради тоа, сè поголем е бројот на родители кои одлучуваат за време на викендите, да го исклучуваат пристапот до интернет на 24 или 48 часа. Така, членовите на семејството имаат повеќе време да си се посветат едни на други, а и децата се одмораат од паметните телефони и компјутерите.

July 23, 2016
Сакате да ја подобрите меморијата? Трудете се да имате што повеќе активности!
Секој од вас има еден куп обврски коишто треба да се завршат во текот на денот, при што сигурно ретко кога наоѓате време за да се релаксирате и одморите. Додека одморот е неопходен и е од суштинско значење за вашата ментална благосостојба, сепак и преголемата зафатеност ви нуди одредени предности. Истражувачите откриле дека кога сте премногу зафатени вие ги подобрувате вашите вештини за расудување, ја подобрувате својата меморија и другите ментални функции.rnrnrnrnВо Тексас и Алабама било спроведено истражување на 330 здрави мажи и жени на возраст помеѓу 50 и 80 години. Тие биле прашувани за нивниот секојдневен распоред и им биле зададени ментални тестови. Резултатите од овие истражувања покажале дека без разлика на тоа колку години има личноста или каков е степенот на нејзино образование, здравиот мозок е поврзан со начинот на живот, односно колку таа личност е зафатена во текот на еден ден. Тука било утврдено дека поголемата зафатеност резултира со подобра обработка на податоци, подобрена меморија, подобро расудување и поголемо знаење.rn

На кој начин ви се подобрува меморијата кога сте премногу зафатени?

rnНа мозокот, како и на секој друг мускул, му треба вежбање. Ангажирањето во активности коишто ве стимулираат ментално е од особено значење. Научниците веруваат дека стимулирањето директно влијае врз когнитивните процеси, особено кога станува збор за подобрување на меморијата. Некои од менталните процеси коишто се вклучени кога имате исполнет распоред се:rn
- Фокусирање на повеќе задачи
- Решавање проблеми
- Расудување
- Анализирање
- Прекинување на мислата и повторно враќање на истата
- Планирање
- Стратешко планирање
- Линеарно размислување
- Глобално размислување
- Пресметување
rnИстражувачот д-р Сара Фестини од Универзитетот во Далас вели:rn

„Ние откривме дека луѓето кои имаат голем степен на зафатеност во текот на денот имаат поголема тенденција за подобро разбирање, особено кога се однесува за запаметување на неодамна примените информации.“

rnВсушност, кога сте премногу зафатени вие ја подобрувате таканаречената епизодна меморија, односно способноста да се потсетите на одредени настани, како и работната меморија којашто е дел од краткотрајната меморија. Истражувањата покажуваат дека колку повеќе личноста е зафатена, толку повисоки резултати имала на когнитивните тестови. Јазот помеѓу премногу зафатените личности и помалку зафатените повеќе бил нагласен особено кај постарите учесници во истражувањето.rnrnrnrnНо, пред да го преполните вашиот распоред со случаен избор на активности, имајте предвид дека резултатите од ова истражување се еднострани, а тоа не е сосема доволно. Исто така во ова истражување било испитувано како се подобрува меморијата, притоа не земајќи ги предвид негативните ефекти од преголемата зафатеност. Честопати зафатеноста носи огромно ниво на стрес, што со едно истражување направено врз глувци се покажало дека иако ја подобрувате меморијата, вие помалку сте способни да формирате нови сеќавања. Исто така негативното влијание од поголемата зафатеност влијае и врз вашето срце и метаболизам.rnrnСепак, доколку имате време и простор во својот распоред да додадете уште неколку активности со коишто ќе ја подобрите вашата меморија, еве неколку предлози:rn
1. Фокусирајте се на нешто што навистина ве интересира и не ви предизвикува стрес. На овој начин ќе се опуштите и ќе го ослободите вашиот мозок.
2. Започнете со проект од типот „направи сам“. Тие се забавни и го стимулираат вашиот мозок на различни начини.
3. Учете нови вештини. Сите активности каде што вашиот мозок е ангажиран во процесот на учење може да ви бидат од огромна корист.
4. Испробајте нешто ново и различно. На пример, можете да посетите нов ресторан или продавница, или пак испробајте нов рецепт.
5. Вежбајте. Физичките вежби се исто така важни како и менталните.
6. Волонтирајте. Ова носи придобивки за вашиот ум, тело и душа.
July 14, 2016
12-те навики на најпродуктивните луѓе
Ги знаете оние супер продуктивни луѓе кои секогаш успеваат да направат повеќе од останатите? Некои луѓе едноставно ги завршуваат работите навреме. Додека повеќето го пијат второто кафе, тие веќе завршиле обврски за цела работна недела и подготвиле распоред за наредната. Како го прават тоа? Всушност, секој е способен за тоа, но мора да се прилагоди начинот на размислување за обврските и нештата кои секојдневно ги прави. Штом се промени начинот на размислување, се менува и однесувањето, а тоа ќе доведе до преземање акции. Откријте кои 12 секојдневни навики се својствени за продуктивните луѓе.rnrnrn

1. Тие се фокусираат на најважното

rnВисоко продуктивните луѓе имаат воспоставено јасни цели и визија за тоа што сакаат да постигнат на долгорочен план. Тие се фокусираат на она што е најважно и знаат дека 80% од она што го правите не е воопшто важно.rn

2. Тие ја знаат разликата помеѓу „важно“ и „итно“

rnЕкстремно продуктивните луѓе знаат дека важно и итно се две различни нешта, односно многу нешта се итни, а тие вообичаено се утврдени од оние кои очекуваат брз одговор. Ако вниманието ви го одвлекуваат неважни итни задачи, ќе изгубите многу време борејќи се со неважни проблеми.rn

3. Тие го планираат својот ден

rnЗа да останете фокусирани и на вистинската патека, важно e да имате прецизен распоред на обврските во текот на денот и однапред поставени цели за тоа што сакате да го добиете како резултат од тие обврски.rn

4. Тие знаат каде и кога да го најдат тоа што им треба

rnНе мора да имате 30 апликации за распоред во вашиот компјутер или телефон, но мора да имате систем кој ќе ви овозможува да ги најдете информациите и документите што ви требаат во секое време.rn

5. Тие имаат воспоставени рутини

rnКога најдосадните аспекти од животот ќе ви станат рутина, тогаш го ослободувате вашиот мозок и добивате време. На пример, размислете што да облечете наредното утро пред да си легнете да спиете. Можеби звучи досадно, но размислете колку време трошите наутро прашувајќи се што да облечете или што да појадувате. Вратете ги овие вредни ресурси, така што ќе ги направите рутина.rn

6. Тие го спасуваат изгубеното време

rnДесетте минути пред следниот состанок или двата часа поради одложување на летот можат да бидат одлични вести за вашата продуктивност. Кога имате листа на нешта кои треба да ги завршите, можете брзо да ја погледнете и да одберете акции кои може да се завршат во слободното време. Одговорете на пораките или направете неколку телефонски повици, додека чекате да дојде времето за следниот состанок или пак започнете да истражувате за вашиот следен проект додека го чекате вашиот авион.rn

7. Тие присуствуваат на состаноци со причина

rnСостаноците се нужно зло кои можат да ја поттикнат креативноста ако се искористат паметно. Но, лошо испланираните состаноци го трошат вашето време. Кога присуствувате на состанок бидете сигурни дека се задржани овие пет компоненти:rn
- Бидете сигурни дека вистинските и потребни луѓе се присутни во просторијата.
- Улогите треба да бидат јасно поделени.
- Однапред договорете како ќе се одвива состанокот.
- Поставете цели за состанокот.
- Дефинирајте ги следните чекори и акции пред да заврши состанокот.
rn

8. Тие ги прават нештата кои не сакаат да ги прават

rnПонекогаш ќе мора да замижете и да проголтате нешто што не ви се допаѓа. Избегнувањето на одложувањето на обврските е од суштинско значење за високите перформанси во работата.rn

9. Тие не се перфекционисти

rnВо сржта на одложувањето се наоѓа една од причините за него, а тоа е перфекционизмот. Откажете се од перфекционизмот. Најчесто не е реален и само ќе ви влева страв кога ќе треба да започнете со важни и предизвикувачки проекти.rn

10. Тие оставаат простор во својот распоред

rnНекогаш заглавувате во сообраќајниот метеж брзајќи на состанок. Некогаш состанокот трае предолго. Некогаш едноставно ви треба време да размислите. Високо продуктивните луѓе оставаат простор за сите овие неочекувани пречки. Доколку вашиот распоред е претесен, ја поткопувате вашата продуктивност, бидејќи ако едно нешто тргне во погрешна насока, ќе ви го наруши распоредот до крајот на денот.rn

11. Тие мудро знаат да извршуваат неколку задачи истовремено

rnМултитаскингот е од суштинска важност за продуктивните луѓе, но мора мудро да изберете кои активности можете да ги правите истовремено. Не можете да пишувате проект додека возите, но можете да ги проверувавте вашите електронски пораки или да пишувате забелешки додека зборувате на телефон. Задачите треба да бидат комплементарни така што едната да биде многу поважна од другата, а втората да може да се извршува со помалку енергија и внимание.rn

12. Тие знаат кога да се откажат

rnПобедниците се откажуваат постојано, но тие размислуваат и знаат кога да го направат тоа. Стратегиското откажување значи, откажување од нештата кои не треба или не сакате да ги правите бидејќи не се вредни за вашето време или поефективно може да ги заврши некој друг. Така добивате повеќе слободно време за нештата кои сметате дека се поважни.
March 14, 2016
Како да ја победите анксиозноста во 7 чекори?

Дали чувствувате дека времето ви лета, дека сите обврски ќе ве претекнат, дека немате контрола а имате толку работи кои треба да ги направите, цели кои треба да ги постигнете? Со денешното темпо на живот не грижете се, не сте единствени. Многумина страдаат од анксиозност понекогаш, дури и многу често. Еве како да го победите ова непријатно чувство.rnrnrn

1. Дишете длабоко

rnНајважно е за миг да се одделите од светот. Запрете, затворете ги очите и вдишете длабоко додека броите до четири, потоа повторно броете до четири задржувајќи го здивот, па издишете исто така броејќи до четири. Повторете ја оваа постапка 5-10 пати. Ова ќе ви помогне да се ослободите од тензијата, го намалува пулсот на срцето и прави да се чувствувате дека ги имате нештата под контрола.rn

2. Замислете го најлошото

rnОва може да ви звучи нелогично, зошто би размислувале негативно кога сакате да се ослободите од стресот и тензијата? Размислете повторно. Доколку го замислите најлошото можно сценарио, потсвесно ќе креирате и начин како да излезете од таа криза, што би значело дека сте подготвени за тоа. Потоа ќе се вратите назад во реалноста знаејќи дека ништо од тоа не ви се случило и дека ја имате контролата да влијаете на нештата и да ги направите исправно.rn

3. Ослободете се од негативните мисли

rnПрестанете да држите сè во вас, не мора секогаш и пред секого да изгледате присебни и смирени. Секој има проблеми и нешта кои го мачат, затоа се тука вашите најблиски. Доколку чувствувате дека анксиозноста ви штети, дека не сте спокојни и постојано сте под притисок, отворете се пред некој кој ви е близок. Споделете го она што го чувствувате и во истиот момент ќе почувствувате олеснување. Исто добра идеја е да почнете да пишувате дневник. Одвојте 5-10 минути дневно и напишете како се чувствувате и кои се обврските и нештата кои ја предизвикале анксиозноста.rnrnrn

4. To-do листите скратете ги на минимум

rnВо ред е да правите список со нешта кои треба да ги завршите со цел да имате контрола, но не го пренатрупувајте списокот со непотребни работи. Напишете го најважното, она што е клучно, па така ќе ја намалите и анксиозноста. На пример, ако во текот на неделава треба да направите план за вашата семинарска и да му го приложите на професорот, не ја дополнувајте листата со: купи четка за заби, нахрани го кучето, фрли го ѓубрето итн. Нема потреба, тие работи секако ќе ги направите само што со нивното запишување автоматски ги претворате во големи обврски кои ви тежат.rn

5. Имајте распоред и држете се до него

rnАнксиозноста ја чувствувате кога имате премногу обврски кои ви тежат, па секогаш е добро да планирате и да правите распоред. Тоа веројатно веќе го знаете, но клучно е да се држите до направениот распоред и да не правите отстапки од него бидејќи во моментот кога сте го правеле сте гледале пообјективно на нештата. Понатаму во одреден момент може да почувствувате дека не правите доволно, дека може да направите повеќе и не се концентрирате на задачата која треба да ја завршите во моментот туку лутате со мислите за она што ви следува утре или пак колку обврски ќе имате наредната недела. Стоп, фокусирајте се на овој момент!rnrnrnrnНе дозволувајте вниманието да ви биде одвлечено, оддалечете се од телевизорот, компјутерот (ако работата ви е поврзана со компјутер, тогаш користете го единствено за таа цел) или мобилниот. На што работите во моментов? Изработете го до перфекција, потем ќе мислите на друго.rn

6. Грижете се за себе и бидете физички активни

rnДоволно се грижевте за сè останато освен за себеси. Дајте си ветување дека без оглед на обврските и зафатеноста, ќе одвоите макар еден час од денот за себе. Спортувајте, опуштете се со масажа, гледајте добар филм со семејството или партнерот, поминете време со најблиските. Светот нема да запре ако за миг престанете да се фокусирате единствено на работата.rnrn

7. Побарајте помош

rnНе е срамота да побарате помош, никој од нас нема надприродни моќи. Доколку сте мајка, сопруга и вработена жена, разговарајте со сопругот и поделете ги обврските. Доколку чувствувате дека во последно време работата ве исцрпува, разговарајте со вашиот деловен партнер, колега или претпоставен. Обратете ѝ се на личноста за која знаете дека ќе покаже разбирање.rnrnДоколку гледате дека состојбата се влошува и излегува од контрола, побарајте и професионална помош. Посетете психолог кој би ви помогнал да се справите со анксиозноста. Навиката да го игнорираме проблемот надевајќи се дека ќе мине, на никого не му оди во прилог.

November 27, 2013
Како да знаете дека сака сериозна врска?

Оформувањето здрава и силна љубовна врска бара време. Секој поминува низ многу искуства додека го најде човекот кому е спремен да му се посвети. Но, дали ви се случило да помислите дека сака сериозна врска со вас, кога во суштина има друга намера? Или можеби сосем обратно, вие сте целеле кон авантура додека тој мислел на нешто сериозно? Ова се дел од знаците кои покажуваат дека со вас има сериозна намера.rnrnrn

Не брза

rnДоколку со вас сака само авантура, тогаш веднаш ќе побара нешто повеќе. Но доколку оди полека, чекор по чекор, сака да излегувате и да се запознавате, тогаш најверојатно внимателно го испитува секој свој чекор и не сака да брза бидејќи навистина му се допаѓате. Не секогаш тоа што не брза е потенцијален показател дека сака сериозна врска со вас, но сепак е важно да се има на ум.rn
rn

Ве запознава со пријателите и семејството

rnДоколку излегувате месец или два, а сè уште не ве запознал со пријателите, тоа може да биде показател дека не цели кон нешто сериозно. Но доколку сака врска со вас би сакал да ве запознае со неговите блиски.rnrnНе брзајте и не инсистирајте на ваков чекор. Доколку гледате дека поттикнува таква иницијатива, индиректно охрабрете го, а потоа запознајте го и вие со вашите пријатели. Тоа е одличен начин на започнување здрава врска.rnrnrn

Се прилагодува на вашиот распоред

rnНајчесто мажите се држат до своето его и своите принципи да не отстапуваат од распоредот поради девојка. Но доколку сака да знае што правите во слободно време, кога имате пауза на работа и слично, тој сака на некој начин да „упадне“ во вашиот распоред и да се зближи со вас. Играјте ја и вие таа игра. Дозволете му да ве земе од работа, да дојде со вас во маркет и слично.rnrnИсто, добар знак е доколку откаже некој негов план за да биде со вас. Ако понекогаш сака да се прилагоди на вашиот распоред, тоа значи дека е спремен да се прилагоди и на вашиот начин на живот.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 5, 2013
9 совети за учење кои навистина помагаат

Кога станува збор за учење, различни нешта им помагаат на различни луѓе. Но, тоа што има најголемо влијание всушност е самиот стил на учење. Постојат неколку видови учење како визуелен, аудитивен и кинестетичен и секој од нив подразбира поинаков пат до запомнување на информациите.rnrnДали преферирате да учите по малку секој ден, подолг период или пак повеќе сте за интензивно учење на само неколку дена од испитот? Дали имате строг распоред на учење или ги отворате книгите кога ќе почувствувате дека е време? Без разлика на тоа каква навика за учење имате, еве неколку совети и трикови кои можат да ви помогнат многу полесно да го совладувате материјалот и да бидете поуспешни на испитите…rnrnrnrnИзмешајте ги техниките – Да бидеме реални, без разлика каков е вашиот стил на учење, нема многу да ви помогне ако постојано само ги препрочитувате вашите книги и забелешки. Потребно е да вметнете неколку различни техники за да не ви биде досадно и да се осигурате дека информациите ќе останат во вашата глава. Ако веќе некое време сте читале, преминете на правење „постери“ за вашата соба со најважните информации. Кога ќе го покриете ѕидот околу вашата маса, вратете се на потцртување на вашите забелешки. Измислете и други начини на кои ќе се „забавувате“ себеси додека учите, на тој начин времето ќе ви поминува побрзо и со сигурност ќе запомните поголем дел од материјалот.rnrnНе плашете се да застанете – По подолго учење ако забележите дека веќе не ни ги сфаќате вашите забелешки, дефинитивно е време за пауза. Дури и ако сте планирале да учите цел ден, докажано е дека по 1 час активно учење концентрацијата се губи, а вие почнувате да се нервирате. Оваа ситуација на никој не му помага. Станете малку, излезете на свеж воздух, раздвижете се… Мала пауза нема во никој случај да ви наштети, баш напротив – кога ќе се вратите на учењето, вашата концентрација повторно ќе биде на високо ниво.rnrnГрижете се за себе – Не сакаме да звучиме како вашите родители, но без разлика на сè, не смеете да се заборавите себеси. Тоа значи дека мора да јадете редовно, да спиете доволно и да имате паузи помеѓу учењето. Без разлика на тоа што некои луѓе велат дека најдобар начин за положување е интензивно учење 24 часа, 7 дена во неделата, тоа е целосна лага. Никој на светов не може да ја заврши работата како што треба ако е уморен или гладен. Ставете се себеси како приоритет и само тогаш ќе ги добиете најдобрите резултати.rnrnrnrnКинестетичен начин на учење – Овие студенти понекогаш можат да имаат проблеми со учењето. И покрај тоа што сфаќањето на материјалот е најважно, оние кои учат на овој начин мора многу повеќе да се движат за да имаат поголем успех. Пробајте да одите низ домот додека читате на глас, на тој начин би требало побрзо да ги запомнувате работите. Повеќето од вас сигурно имаат карактеристики или на визуелен или на аудитивен начин на учење, така што откријте кој начин ви помага повеќе и направете нова комбинација.rnrnАудитивен начин на учење – Овој вид студенти најдобро ги запомнуваат информациите со зборување и слушање. Одличен совет за вас е да се снимите себеси додека ги читате вашите забелешки и потоа да ги слушате. Исто така можете и да ги читате забелешките и потоа да си ги објаснувате на себе. Ако ви е малку чудно да „разговарате“ со себе, тогаш организирајте групно учење со колегите. Меѓусебното објаснување на материјалот ќе ви овозможи доволно слушање и зборување за најдобри резултати на испитот.rnrnВизуелен начин на учење – Инвестирајте во пенкала во различни бои и тетратки со шарени листови и започнете со пишувањето на шеми и дијаграми. Употребувајте колорно обележување за да ги категоризирате темите и идеите. Оние кои учат на овој начин мора многу добро и организирано да да ги чуваат материјалите за да постигнат најголем успех. Постерите се одличен начин за учење, не само затоа што се организирани и прегледни, туку и затоа што откако ќе го добијат своето место на ѕидот ќе бидат постојан потсетник за тоа што мора да го запомните.rnrnrnrnПравете мали работи – Без разлика колку постери ќе залепите на ѕидот, или колку ќе разговарате за материјалите со вашите колеги, сепак ќе мора да поминете и низ интензивно „дружење“ со вашите книги. Еден од најефикасните совети за помнење на фактите е да ги пишувате на мали ливчиња кои ќе ги залепите на места каде што постојано гледате, на пример на огледалото, покрај креветот, на кутијата со житариците… Тие мали работи можат многу да ви помогнат при запомнување на пократки и покомплицирани информации.rnrnАнализирајте го своето учење – Пробајте да забележите во кој дел од денот имате најмногу концентрација и адаптирајте го вашиот распоред за учење во тој период. Нема поента да учите навечер, ако знаете дека не можете да се фокусирате по 17 часот.rnrnРаспоред, распоред, распоред – Планирањето е КЛУЧНО кога станува збор за учењето. Не мора да биде строго и секогаш да започнува во исто време ако сакате да имате малку повеќе слобода, но барем направете план кои денови ќе учите и отприлика колку време ќе ви биде потребно. Ова значи дека ќе имате некаков вид цел поради која ќе биде многу полесно да им кажете „не“ на вашите пријатели за излегување во периодот кога треба да учите. Без дури и најосновен план вашето учење ќе стане огромен хаос.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 2, 2012
Како најдобро да го искористите слободното време во лето?

Доколку ова лето сте решиле да не работите, времето мора да го искористите правилно за да не ви пројде залудно. Постојат многу начини за тоа како најефикасно да го искористите времето додека сте невработени, а особено во лето. Правилно искористете го слободното време во ваша полза.rnrnrnrnПосветете се самите на себе – Одвојте време само за себе, времето кое уживате да го поминувате во безделничење не е залудно потрошено време. Но, гледајте да имате некаква цел и причина. На пример, средете си ја собата, направете си по некој домашен третман, вежбајте дома и останете активни.rnrnСамите поставете си задача – Не сте вработени, а во овој период немате ни обврски за на факултет или училиште, но затоа самите поставете си задачи. Снабдете се со материјали за учење или почнете со некој курс преку интернет, како на пример курс за јазици или за танцување.rnrnНаправете распоред – И покрај тоа што немате големи обврски, имајте си распоред и бележник за секој ден. Тука ќе запишувате сè што треба да направите, како на пример, средба со друштвото во четврток во 20 часот, или пазарење во Петок во 17, запишувајте и останете организирани. Имајте си и список со ситни работи низ дома кои треба да ги направите и нешта кои треба да ги купите. Додека сте слободни може да си изготвите план за наредниот период кога ќе бидете зафатени (на пример од почетокот на наредната учебна година) или изгответе детален финансиски план за наредните месеци. Така секогаш ќе знаете како стојат работите и ќе имате чувство на сигурност.rnrnСобирајте спомени – Правете многу слики, без разлика дали станува збор за вечерно излегување или дневна кафе-шема, имајте си колекција од спомени по што ќе го паметите летото. Тука не спаѓаат само слики, туку и влезниците од концертите кои сте ги посетиле дури и флаерите кои сте ги собрале, сето тоа ќе ве потсеќа на добрите помини со друштвото, семејството, љубените…rnrnrnrnЧитајте книги – Не затоа што сите советуваат дека треба да читате, туку зашто е вистински корисно. Опуштете се наутро со добра книга и вкусно кафе на вашиот балкон. Имајте си дневни ритуали кои ќе ги почитувате. А секоја книга е едно искуство плус, и тоа големо искуство.rnrnВолонтирајте – Доколку имате можност волонтирајте, правете сè што ве исполнува. Добро исчистете го и преуредете си го плакарот и сите непотребни работи донирајте ги во некоја организација. Така ќе знаете дека сте корисни и сте направиле некое добро дело.rnrnУпотребете ја фантазијата – Бидете креативни и употребете ја фантазијата. Подобрете ги и унапредете ги работите кои секојдневно ви требаат, украсете ја вашата шолја за кафе, направете си постери за во соба, преуредете го мебелот, декорирајте, внесете новости и разубавете си го домот.rnrnЗапишувајте – Водете си дневник, запишувајте важни настани, смешни случки, моменти кои ви го одзеле здивот. Чудесно е чувството кога ќе се навратите на спомените и ќе го читате тоа после неколку години. Којзнае, можеби од тоа ваше творење ќе излезе и цел писателски труд.rnrnПосетувајте важни настани – Кино, театар, интересни и неповторливи журки, посетувајте ги настаните по кои ова лето ќе остане запаметено. Најважно од сè, секогаш гледајте да понесете добри спомени и да запознаете многу луѓе.rnrnОстанете информирани – Бидете во тек со настаните, читајте дневни весници, гледајте по малку телевизија, останете информирани и секогаш знајте што се случува околу вас. Размислувајте на интересни теми на кои би можеле да дебатирате во друштво.rnrnИспланирајте си одмор – Дури и да не сте вработени вам ви треба одмор, бегство од секојдневието, зашто секојдневието исполнето со досада е позаморно и од полното работно време. Доколку не можете да си дозволите летен одмор во странство, испланирајте си викенд со друштво, за време на кој вие целосно ќе се опуштите и ќе ја „избркате“ негативната енергија и здодевното секојдневие.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 21, 2012
Време резервирано за вас

За момент исклучете се од светот околу вас, стопирајте го времето, земете здив и резервирајте си момент посветен исклучиво на себеси. Доволно трчавте за да ги исполните вашите обврски за денес, да ги задоволите очекувањата на сите, да им направите услуга на блиските и да ги средите сите работи кои тргнале наопаку. Ова е време резервирано само за вас, за работите кои ви годат и ве опуштаат, време посветено за нештата во кои вие уживате. Еве неколку начини како да си отстапите повеќе време за себе.rn

Не бидете робови на перфекцијата

rnПостојаните грижи да ги доведеме работите до перфекција, можат да бидат навистина напорни и да ни донесат повеќе стрес и притисок отколку задоволство. Не мора креветот секој ден да ви е совршено наместен, ниту рамките на сликите совршено подредени, зашто еден ден ќе сфатите дека опседнатоста сѐ да доведете до совршенство, ви ги одзела скапоцените мигови за одмор и релаксација. Оставете некои работи да поминат несовршени и уживајте во дополнителните мигови посветени на самите вас.rn

Мигови за лично задоволство

rnОставете го вашиот мобилен да мирува, опуштете се со добар третман за лице или поминете повеќе време со најблиските и не дозволувајте да ве гризе совест. Тоа не е изгубено време, напротив, тоа се мигови за лично задоволство.rn

Направете си распоред и почитувајте го

rnНаправете си мини распоред за работните денови, што и кога правите. Не мора да сте точни до минута, но ако имате определен распоред, функционирањето на вашето тело и ум, ќе го прилагодите на една секојдневна рутина. Тоа е добро бидејќи ќе имате одреден ритам на движење, ќе знаете за што колку време ви треба, па полесно ќе ги избалансирате обврските и паузите во денот.rn

Километарски разговори по телефон

rnОва е еден од оние моменти кога ви се јавува здодевната тетка, а вас ви се крева косата од глава. Не трпете непотребно долги телефонски разговори, културно дајте ѝ до знаење дека имате други обврски на кои морате да се посветите.rn

Листа со работи кои ви одземаат најмногу време

rnНаправете листа со работите кои ви одземаат најмногу време, зошто денешниот ден не може да го вратите назад. Најдете начин како да ги скратите или сосема да ги отфрлите работите кои непотребно ви одземаат време.rn

Избегнете долги редици и чекање

rnНе мора да одите во маркет тогаш кога сите пазарат или во банка кога на пензионерите им стигнуваат пензиите, бидејќи така само ќе изгубите драгоцено време и нерви. Бидете ефикасни и планирајте ги работите и ќе бидете изненадени колку лесно можете да ги насочите работите во ваша корист и притоа да заштедите време.rn

Престанете да го правите она што не морате и не сакате

rnПоделете ги обврските на делови, не мора сѐ да завршите во еден ден. Така и работата ќе си ја направите поефикасна. Избегнете ги обврските кои не ви се задолжителни, а тогаш кога ви е потребно време за себе, не морате да трчате да му направите услуга некому. Понекогаш не е грев да одбиете нова обврска и едноставно да речете „не“.rn

Прилагодување на обврските

rnНе мора цел ден да парадирате низ градот. Сами одредете си ја дневната динамика, складирајќи ги обврските и потребите во определен дел од денот, задолжен за едното или за другото.Често самите си наметнуваме обврски и правила кои нѐ гушат и ни ја цицаат енергијата. Не заборавајте дека вие управувате со сопствениот живот и со вашето време. Опуштете се со добра книга, но само ако уживате во тоа, во спротивно земете списание или едноставно не правете ништо. Не е страшно ако сте поминале некое време во безделничење – ритамот на животот си го диктирате самите. Пуштете музика, кренете ги нозете во вис, дозволете си чаша вино на пладне, искапете се во добра пенеста купка, разгалете се и опуштете се. Вие може да сте толку успешни, што би можеле со една наредба и планина да поместите, но пак ништо не сте направиле ако немате време со задоволство да уживате во вашето кафе и на раат да си читате Кафе пауза :)rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 3, 2012
Уметноста на расчистувањето

Швајцарскиот занаетчија и комедијант Ursus Wehrli е дефинитивно добро познат по неговите книги „Уметноста на расчистувањето“, во кои тој зема познати уметнички дела и буквално ги расчистува и средува, како да станува збор за просторија. Делата кои ќе ги погледнете во продолжение, се дел од неговата штотуку необјавена публикација, во која го задржува неговиот специфичен вид уметност. Овој пат тој од една фотографија, прави нова, уредно распоредувајќи ги елементите во неа според бојата, структурата и слично.rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

August 30, 2011