КАФЕ ПАУЗА

Tag: психологија

Фројдов психолошки тест кој го полуди светот: Откријте ја суштината на вашата душа

Овој психолошки тест на Зигмунд Фројд ќе ви помогне подобро да се запознаете себеси, како и да навлезете во вашите психолошки делови во кои можеби не сте имале храброст да чепкате. Немојте набрзина да го отфрлите она што го напишавме, иако тоа се спротивставува на вашите „вистински“ ставови, бидејќи можеби токму тоа е она што ви го порачува вашето несвесно. Пред вас ќе има неколку прашања. Најважното правило е да одговарате искрено – како се чувствувате, и првото што ќе ви падне на памет.rnrnrnrnНа различни прашање можно е дадете исти одговори и да, не гледајте во резултатите. А сега, земете лист хартија и пенкало во рака и запишете ги вашите одговори!rn

Прашања:

rn1. Гледате во море… (Објаснете го првото чувство што ви се појавува, можете да ги затворите очите.)rnrn2. Одите низ шума и гледате под нозете… (Што чувствувате? Времето кое е потребно за овој одговор е околу 30 секунди.)rnrn3. Гледате галеби во лет… (Што чувствувате?)rnrn4. Гледате стадо коњи… (Напишете го она што прво го почувствувате, не размислувајте за друго.)rnrn5. Во пустина гледате ѕид со мал отвор, зад кој се наоѓа оаза… (Во овој случај се потребни вашите дејствија. Напишете што ќе направите, а не што чувствувате или мислите.)rnrn6. Повторно пустина. Изморени сте од долгиот пат. Гледате сад со вода… (Што правите? Можеби ви звучи банално, но запишете го вашиот одговор.)rnrn7. Се изгубивте во шумата. Се смрачи. Гледате куќа со осветлен прозорец… (Што ќе направите?)rnrn8. Во магла сте… (Објаснете ги вашите дејства, но и чувства! Како ќе се однесувате?)rnrn[toggle_box]rn[toggle_item title=”РЕЗУЛТАТИ” active=”false”]rnrn1. Вашиот однос кон животот, емоциите, чувствата.rnrn2. Како се чувствувате во вашето семејство.rnrn3. Вашиот однос кон жените.rnrn4. Вашиот однос кон мажите.rnrn5. Вашата основна животна стратегија, односно на кој начин ги решавате своите проблеми.rnrn6. Вашиот сексуален живот. Изборот на партнер.rnrn7. Вашата подготвеност за брак.rnrn8. Вашиот однос спрема смртта.rnrn[/toggle_item]rnrn[/toggle_box]

December 6, 2016
5 начини секојдневно да се чувствувате посреќно

Дали некогаш сте се чувствувале несреќно без причина? Секогаш заглавувате во сообраќај кога доцните, ви снемува боја во печатарот 5 минути пред презентација, сите околу вас ви делуваат како да ја работат работата од соништата, додека пак вие, едноставно никогаш не можете да се најдете на висинското место во вистинското време?rnrnrnrnВерувале или не, постојат луѓе што ја проучувале среќата. Ричард Вајзман, психолог при Универзитетот во Хертфордшир, поминал декада следејќи група луѓе што тврделе дека се среќни и друга група, што верувале дека се несреќни. Вајзман, заедно со својот тим, сакал да открие која е тајната на „среќните“ луѓе што успевале да ги искористуваат во целост сите прилики во животот.rnrnПо една декада, тој конечно ја открил вистината. Разликата помеѓу среќните луѓе и сите останати е многу едноставна – тие верувале дека се среќни! Да, тоа е сè. По 10-годишната студија, Вајзман и неговиот тим откриле дека луѓето што очекуваат да бидат среќни, ќе успеат да го постигнат тоа. Сè се сведуваа на начинот на кој ги гледате можностите.rnrnПа, како да ја промените вашата перспектива и да сфатите дека вие сте оние што ја прават сопствената среќа?rnrnrn

1. Почнете да дејствувате

rnВие не можете да добиете на лотарија ако никогаш не купите билет. Исто како што не можете да најдете нови можности доколку не ги побарате. Иако проширувањето на вашиот професионален круг или започнувате нов курс може да биде стресно, сепак тоа е потребно зло. Размислувајте на овој начин – колку повеќе луѓе запознавате, толку поголеми се шансите дека ќе сретнете некој што ќе ви го промени животот.rn

2. Верувајте во подобро утре

rnИстражувачите од Универзитетот во Питсбург докажале дека оптимистите живеат многу подолго и се поздрави од останатите. Но, зошто? Постои еден психолошки термин познат како „научена беспомошност“. Ова се случува кога толку многу ќе се навикнеме на одредена негативна ситуација, што едноставно веќе сме престанале да се обидуваме да ја смениме, дури и кога ни се појавуваат можности. Кога имате негативен став, оваа научена беспомошност може да ве спречи во живеење на вашиот живот во целост. Само затоа што нешто изгледа невозможно, не значи и дека навистина е!rn

3. Поставете ги вистинските прашања

rnАко имате цел, на пример, да напишете книга, тогаш не треба само да ја напишете истата, туку и да ја издадете. Понудата за книга нема да ви падне од ведро небо. Вие треба да ја завршите вашата домашна задача и да ги истражите сите начини на коишто можете да ја издадете вашата книга. Ако имате можност, разговарајте со луѓе што веќе поминале низ тоа. Поставувајте прашања. Пристапете ѝ на оваа цел на истиот начин како што пристапувате кон важните работни обврски.rn

4. Направете голем чекор

rnИзгледа среќните луѓе секогаш наоѓаат начин како да ја претворат својата страст во кариера, без разлика за што станува збор. Тоа што забораваме е дека овие луѓе не станале магично преку ноќ дизајнери на видео игри или пак, јога инструктори. Во одреден момент, тие дале отказ од својата нормална работа и го вложиле своето време, како и парите, во страста. Ова може да биде навистина голем и тежок чекор, но на крајот од краиштата, придобивките можат да бидат огромни!rn

5. Слушајте ја вашата интуиција

rnДали некогаш сте имале еден од оние моменти кога едноставно знаете дека нешто се случува? На пример, се движите кон вашата работа и не можете да се оттргнете од чувството дека нешто не е во ред со лифтовите, па решавате да тргнете по скали и одеднаш снемува струја… Сите имаме ваков вид интуиција. Но, поголемиот дел од луѓето одамна научиле како да го игнорираат овој внатрешен глас и се водат исклучиво од разумот. Ако сакате да бидете навистина среќни, мора одново да го пронајдете вашиот внатрешен глас и да му дозволите да ви зборува. Ќе се изненадите колку далеку можете да стигнете со негова помош!

November 22, 2016
4 чекори што ќе ви помогнат да управувате со вашиот емоционален живот

Никој нема да се спротивстави на идејата дека емоциите имаат големо влијание врз човековиот живот. Имено, луѓето повеќе се предодредени да чувствуваат, наместо да мислат. Како резултат на ова, честопати процесот на донесување одлуки е брз и под влијание на емоциите и потсвеста. Но, никогаш не ќе можете да ги искорените од вашата личност. Тие не само што влијаат на начинот на кој размислувате, туку без нив, вие не би биле човечни. Не постојат лоши емоции, затоа што од некој аспект, сите тие се корисни кога се присутни во разумни мерки.rnrnrnrnСепак, многумина страдаат од погрешни емоции кои им стануваат вообичаени, па доколку им дозволат да се вкоренат во нив, тогаш тие предизвикуваат штета. Доколку сакате да бидете во можност да управувате со вашите емоции за кои сметате дека ве попречуваат да успеете во вашиот живот и ве држат постојано во исто место, тогаш потрудете се да ги следите овие четири чекори кои може да ви помогнат поефикасно да управувате со нив.rn

1. Препознајте ги

rnНајпрво, треба да ги именувате емоциите кои ви се присутни. Дали е тоа бес, осаменост, страв, љубомора или нешто друго? Со тоа што ќе ги именувате, вие едноставно ја признавате самата емоција, наместо да го согледувате контекстот во кој таа се појавува.rn

2. Прифатете ги

rnОва е најверојатно најтешкиот чекор. Идентификувањето и именувањето на емоциите е доволно тешко, а нивното прифаќање се чини уште потешко. Премногу често вашето его сака да го оправда начинот на кој се чувствувате. Тоа е оправдување дека вашиот карактер е создаден од емоциите кои ги имате. Гледано од оваа перспектива, не се емоциите тие кои предизвикуваат тага, туку приказната што ја креирате околу нив. Кога ќе ги прифатите, вие не се обидувате да укажете на тоа дали се во ред или не, туку наместо тоа, си давате дозвола да ги имате. На овој начин ги признавате емоциите и ги прифаќате без да додавате приказна или причина зошто се чувствувате на тој начин.rn

3. Истражувајте

rnЗнаете кои ви се емоциите, ги прифативте, па со следниот чекор треба подлабоко да погледнете во нив. Кои се симптомите, односно физичките ефекти кои ги чувствувате од нив? Тука е важно да бидете љубопитни. Вие нема да погодувате дали емоциите, симптомите или физичките ефекти се правилни или погрешни, туку ќе го прифатите целосното искуство што го доживувате.rn

4. Набљудувајте

rnСега, треба да направите еден чекор назад од емоциите и физичките симптоми кои се создаваат. Едноставно продолжете со она што треба да го правите во животот. Не заплеткувајте се во приказната околу тоа како се чувствувате. Сите емоции поминуваат. Дозволете им да си ја завршат својата работа.rnrnСо доволно вежбање, вие ќе сфатите дека сте способни да влијаете на моќта која емоциите ја имаат над вас. Не ги отстранувате, знаете дека постојат, но едноставно не си создавате приказна за нив, а ниту пак им придавате и причина зошто се тие таму. Откако ќе согледате дека се преодни, ќе сфатите дека тие не може да го дефинираат и резултатот од искуството што го имате.

November 18, 2016
10 совети кои ќе ви помогнат да ја усовршите употребата на обратната психологија

Обратната психологија е многу ефективна техника со чија помош можете да ги натерате луѓето да прават што сакате. Сѐ што треба да им кажете е спротивното од она што го посакувате. Звучи примамливо, нели? Прочитајте ги следниве 10 совети кои ќе ви помогнат да ја усовршите оваа корисна психолошка техника…rnrnrnrn1. Методот има поголем ефект кај луѓе кои даваат отпор и мразат кога некој им кажува што да прават.rnrn2. Емотивните, претерано самоуверените и нервозните луѓе исто така полесно подлегнуваат на обратна психологија.rnrn3. Предизвикајте ја другата личност и инсистирајте на аргумент спротивен од она што сакате да постигнете. Обидете се да ја наведете личноста да помисли дека одлуката зависи само од неа.rnrn4. Останете смирени додека употребувате обратна психологија, особено кога се работи за деца.rnrn5. Секогаш имајте ја на ум крајната цел.rnrn6. Кажете го спротивното од она што го сакате со рамен и смирен тон на гласот.rnrn7. Кога се обидувате да освоите некој кој сака да бидете само пријатели, кажете им дека се согласувате и дека не сакате ништо друго освен нивното пријателство.rnrn8. Можете дури и да поставите предизвик: „Ај дека не можеш да стигнеш на време!“.rnrn9. Морате да звучите уверливо. Кажете си го тоа неколку пати во себе, пред да го кажете на глас.rnrn10. Внимавајте на кого ја употребувате оваа техника и никогаш не ја употребувајте во сериозни ситуации. Обратната психологија може да постигне спротивен ефект ако не ја користите како што треба, така што никогаш немојте да претерате или да ја користите премногу често. Во спротивно може да бидете етикетирани како манипулатор.rnrnЗа крај, потсетете се на оваа постаро видео кое прикажува точно како функционира обратната психологија…rnrn

September 9, 2016
Д-р Вејн Дајер: Една од оние мудрости кои го менуваат животот

Еден од најпознатите автори, животниот водич и психолог, д-р Вејн Дајер, споделува една кратка, но многу ефективна приказна која во себе носи мудрост што може да го смени начинот на кој гледаме на себе и својот живот.rnrnrnrnТој раскажува дека еден ден, подготвувајќи се за говор на конференција, одлучил да земе со себе еден портокал, како реквизит за неговото предавање. Набрзо по почетокот на говорот, д-р Дајер започнал разговор со едно момче во првиот ред.rnrn„Ако го стиснам овој портокал колку што можам најсилно, што ќе излезе од него?“ – го прашал момчето.rnrnМладиот човек го погледнал малку чудно и одговорил: „Сок, секако“.rnrn„Мислиш дека од него ќе излезе сок од јаболко?“ – продолжил докторот.rnrn„Не“, се насмеало момчето.rnrn„Можеби сок од грејпфрут?“rnrn„Не!“, бил гласен младиот човек.rnrn„Па тогаш, што ќе излезе од неа?“ – бил упорен д-р Вејн.rnrn„Сок од портокал, се разбира“, одговорил самоуверено младиот човек од првиот ред.rnrn„Зошто? Зошто кога ќе стиснеш портокал, излегува сок од портокал?“rnrnВеројатно малку изнервиран од прашањата, човекот отсечно одговорил:rnrn„Па, тоа е портокал и сокот од портокал е тоа што се крие внатре“.rnrnДоктор Вејн тогаш дошол до посакуваниот момент.rnrn„Ајде да претпоставиме дека овој портокал не е портокал, туку дека тоа си ти. И. Некој те стиска, врши притисок врз тебе, ти кажува нешто што не сакаш да слушнеш, те навредува. Тогаш од тебе излегува бес, омраза, горчина, страв. Зошто? Тоа е така, како што ни одговори нашиот млад пријател, затоа што сето тоа се наоѓа во нас“.rnrnОва е една од најголемите лекции во животот. Што излегува од вас кога животот ќе ве стисне? Кога некој ќе ве повреди или ве навредува? Ако од вас излегуваат бес, болка и страв, тоа е така затоа што тоа се наоѓа во вас. Не е важно кој ве стиска – вашата мајка, брат, децата, шефот или државата.rnrnАко некој каже за вас нешто што не ви се допаѓа, тоа што излегува од вас е тоа што се наоѓа во вас. А, тоа што се наоѓа во вас зависи само од вас, тоа е ваш избор.rnrn„Ти благодарам пријателе, а сега еве ти еден портокал“, рекол на крајот д-р Вејн.

August 31, 2016
Зошто чувствуваме мачнина кога читаме додека се возиме?

Постојат луѓе кои без проблем можат да го издржат долгото патување во придружба на добра книга. Летаат со мислите во содржината, а нивните тела остануваат неподвижни во седиштето додека автомобилот се движи по автопатот. Но, има и луѓе за кои сѐ ова звучи супер во теорија, но во реалноста резултира со мачнина во најдобар можен случај, а во најлош со повраќање. Невропсихологот Дин Бурнет ја поврзува мачнината што се јавува при возење со „идиотскиот мозок“ и тоа го објаснува во неговата книга „Идиотски мозок: Што навистина се случува вашата глава?“ (Idiot Brain: What Your Head Is Really Up To).rnrnrnrnБурнет во неговата книга ги обработува сите потфрлувања на мозокот, а мачнината што се јавува при движење е едно од нив. Тој објаснува дека работа на таламусот е да ги интерпретира сите сетилни сигнали кои му ги испраќа телото. Кога се движите, природно дека и мускулите се во движење, очите го набљудуваат растојанието што го поминувате и исто така, во целиот процес се вклучуваат и сензорите за рамнотежа во внатрешното уво. Овие сензори се како мали цевчиња полни со течност и движењето на таа течност ни кажува каде одиме. Токму затоа, можеме да забележиме кога сме превртени или кога се движиме брзо, бидејќи таа течност им се потчинува на законите на физиката. Таламусот ги собира сите овие информации и му испраќа порака на мозокот за тоа каде се наоѓате во просторот.rnrnНо, кога сте во автомобил, таламусот прима измешани сигнали. Вашите мускули се неподвижни, а сепак очите можат да видат дека вие всушност се движите прилично брзо. Освен тоа, се јавува проблем кај гореспоменатата течност во внатрешното уво која се врти и превртува, бидејќи се движите.rnrnrnrnСе случува следното: Мозокот добива измешани сигнали. Добива сигнали од мускулите и очите дека не се движите, и сигнали од сензорите за рамнотежа дека се движите. Не можат и двете да бидат точни. Постои сетилно несогласување. А единственото нешто што може да предизвика такво сетилно несогласување е невротоксин или отров. Како последица на тоа, мозокот мисли дека е отруен. А кога станува збор за труење, првото нешто што мозокот сака да го направи е да се ослободи од отровот преку повраќање. Кога мозокот ќе се збуни на таков начин, не знае како да реагира, па предизвикува мачнина за секој случај. Како резултат на тоа, имаме мачнина кога се возиме затоа што мозокот е постојано загрижен дека се работи за труење.rnrnМозокот само се обидува да помогне, најдобро што знае. За некои луѓе, читањето книга само ја надополнува настанатата конфузија. Кога сте во автомобил, можете да гледате низ прозорецот и да гледате како поминуваат работите. Можете да го гледате патот и самото движење, што значи дека за некои луѓе глетката на светот надвор од автомобилот на некој начин го балансира системот. Мозокот забележува дека нештата се движат и си мисли дека мора да се работи за движење и тоа ја намалува мачнината како реакција.rnrnrnrnНо, кога читате, фокусирани сте на страницата и на тој начин исклучувате голем број надворешни визуелни информации. Тоа само го зголемува сетилното несогласување, што предизвикува мачнина. Немате визуелни информации кои би можеле да му помогнат на мозокот да се ослободи од неговите грижи. Истото се случува и кога патувате со брод. Кога сте на брод, не изгледа како да се движите и повторно не му давате визуелен одговор на вашиот мозок дека телото всушност се движи.rnrnБурнет не објаснува зошто ова на некои луѓе им се случува, а на некои не, затоа што според него не постои јасна причина за тоа. Исто така, не постои објаснување зошто некои луѓе во одреден период од животот се ослободуваат од мачнината што се јавува при возење. Можно е мозокот на некои да се навикнал на тоа да добива измешани сигнали, а на други не.rnrnВо секој случај, сега сте вооружени со уште еден забавен факт кој ќе можете да го кажувате за време на вашите патувања и бар за момент да го одвлечете вниманието од здодевната мачнина.

August 10, 2016
2 магични збора кои ќе ја спречат секоја караница

Психолошките истражувања покажале дека луѓето се носат со потенцијалните конфликти на три начини: Со одбегнување на проблемот, тивко повлекување или експлозивна караница. Доколку се пронаоѓате во третата група луѓе, не очајувајте. Постои една едноставна вежба која ќе ја олади и најжестоката караница.rnrnrnrnПсихолошките студии потврдиле дека зборовите „Оф“ (на англиски „Оuch“) и „Упс“ (на англиски „Oops“) имаат моќ да ја спречат караницата и препирањето меѓу партнерите.rnrnИмено, кога на „експлозивците“ несвесно ќе им се упати некоја навредлива забелешка, психолозите советуваат тие на истата да одговорат со „Оф“, наместо со бројни лоши зборови кои би можеле да предизвикаат непријатен конфликт.rnrn„Оф“ е моќен збор и силен вербален механизам кој веднаш ќе го освести навредувачот и тој ќе се извини со што ќе се спречи потенцијалниот вербален конфликт.rnrnДоколку, пак, без размислување сте кажале некоја реченица која повредила нечии чувства, а која сакате да ја повлечете, изговорете го зборот „Упс“ и веднаш потоа извинете се за да ја спречите можната караница.rnrnОваа психолошка вежба е особено корисен алат за спречување на караници во љубовните врски помеѓу партнерите кои различно реагираат на навредливите забелешки и несвесните провокации и затоа многу брачни терапевти честопати ја „препишуваат“ како еден од психолошките лекови за честите кавги.

July 16, 2016
Психолозите објаснуваат: Зошто високо интелигентните луѓе имаат помалку пријатели?

Нема сомнеж дека нам ни се потребни пријателите и дека комуникацијата има свои предности. Но, научниците решиле да си го постават следново прашање: Дали навистина ни е потребна комуникација за да се чувствуваме среќни и задоволни со нашите животи? Нивното истражување вклучило 15.000 луѓе на возраст помеѓу 18 и 28 години кои живееле во области со различен број на жители и кои комуницирале со нивните пријатели во различни временски рамки. Резултатите биле изненадувачки, но и корисни за нас за подобро да се разбереме себеси.rnrnrn

Најголемите заклучоци извлечени од истражувањето

rnПсихолозите, специјалисти за човечка еволуција, Сатоши Каназава, од факултетот за економија во Лондон и Норман Ли од Универзитетот за менаџмент во Сингапур дошле до неколку заклучоци:rnrn1. Прво, по правило луѓето кои живеат во густо населени области се помалку среќни.rnrn2. Второ, за да се чувствуваме среќни, на повеќето од нас ни е потребна постојана комуникација со пријатели и луѓе кои размислуваат на сличен начин. Колку поблиски разговори имаме, толку повисоко е нивото на нашата среќа.rnrn3. Трето, луѓето со висока интелигенција многу често се исклучок од правилото.rnrnКолку што е повисока интелигенцијата, толку помалку постојана комуникација му треба на човекот. Интелектуалците не се толку задоволни со нивните животи кога се премногу социјално активни. Не се среќни со улогата „животот на забавата“.rn

Луѓето со висока интелигенција имаат тесен круг на пријатели

rnМозокот на интелигентниот човек работи на свој начин и прави разлика дури и во начинот на кој човекот ја третира комуникацијата. Тешко е да се биде интелигентен. Таквите луѓе се чини дека живеат во свој свет. За луѓето со натпросечна интелигенција, социјалната активност е повеќе како неопходно зло отколку како животна потреба. Повеќето генијалци се осаменици и многу малку луѓе ги разбираат и прифаќаат. Всушност, колку повеќе овие паметни луѓе треба да комуницираат со другите, толку помалку среќни се чувствуваат.rn

Интелигентните луѓе имаат поголем ентузијазам за работите кои им се важни отколку за комуникацијата

rnКерол Греам од Институтот Брукингс и експерт за економичноста на среќата, смета дека интелигентните луѓе го користат поголемиот дел од времето за да постигнат долгорочни цели. Интелектуалците наоѓаат среќа во активностите кои носат резултати. На еден доктор кој работи на вакцина против рак, не му е потребна честа интеракција со други луѓе. Тоа му го одвлекува вниманието од неговата главна активност, што значи дека негативно влијае на неговото чувство на среќа и ја нарушува неговата внатрешна хармонија.rnrnrn

Причините потекнуваат од далечното минато

rnПостои идеја позната како „Саванската теорија за среќа“. Според неа човечкото суштеството не е само збир на гени, туку и на сеќавања од неговите предци. Општо гледано, животниот стил на античките ловци сѐ уште влијае на нашиот живот, односно попрецизно, на нашето внатрешно чувство на среќа. Ние се чувствуваме среќни во апсолутно истите ситуации и околности како и нашите предци пред илјадници години. Заедницата на нашите предци во африканската савана броела не повеќе од 150 луѓе. Според нашите стандарди тие живееле во мало село каде популацијата изнесувала еден жител на километар квадратен. Тие морале да останат заедно за да ја преживеат суровата средина.rnrnДенес, ние живееме во ерата на технологијата и сме опкружени со огромен број луѓе. Меѓутоа, повеќето од нашите современици сѐ уште носат некои особини кои се генетички предодредени од човечката еволуција. Се чини како телото да постои во една реалност, а мозокот во друга. Телото живее во огромен град со илјадници жители на километар квадратен, а мозокот во пуста савана.rnrnОва важи за повеќето, но не за сите.rn

Високата интелигенција им овозможува на луѓето да се прилагодат на нови околности

rnИнтелектуалците, за разлика од луѓето со просечна интелигенција, во одредена фаза од еволуцијата успеале да ја надминат разликата која постои помеѓу меморијата на минатото и сегашноста. Генерално, тие се поспособни да се адаптираат. Природата ги предодредила на начин благодарение на кој можат да ги решат новите еволуциони проблеми. Поради тоа интелигентните луѓе можат лесно да живеат според сопствени правила, без премногу да се држат до нивните корени. Нивната висока интелигенција им овозможува слобода да не мора да зависат од другите луѓе цело време, и независно да се движат кон нивните цели. Луѓето кои ја имаат живеат во хармонија со себеси и потребна им е блиска комуникација само одвреме-навреме.

June 30, 2016
Психолошки тест: Откријте како вашата потсвест влијае на вашата иднина

Нашата иднина може да биде многу несигурна. Но, и покрај сè постојано правиме планови и проекти за нашиот живот. За многумина, овие планови се првиот чекор при создавањето на нивната сопствена судбина и одбирањето на нивниот пат. Па, доколку сакате да знаете кои тајни се кријат во вашата иднина и како вашата потсвест влијае на неа, решете го овој едноставен психолошки тест…rnrnrn

Без да размислувате, која е првата мисла која ви паѓа на ум кога ја гледате сликата погоре?

rn[toggle_box]rn[toggle_item title=”Сакам да напишам или да нацртам нешто” active=”false”]rn

Креативноста има најголемо влијае на вашата иднина

rnСè на овој свет влијае на вашата страсна страна: Објекти, луѓе, звуци и движење. Вие ја гледате иднината како спонтана серија настани кои се случуваат без план. Живеењето во моментот е од витално значење за вас. Вие мислите дека постојат премногу фактори кои влијаат врз вашата иднина, па со оглед на тоа што не можете да направите ништо за да ги смените, зошто едноставно да не уживате во сегашноста?rnrn[/toggle_item]rn[/toggle_box]rnrn[toggle_box]rn[toggle_item title=”Да не има грешка во тестов?” active=”false”]rn

Критичкото размислување има најголемо влијание на вашата иднина

rnВие сте детален набљудувач и ја гледате иднината како комбинација од рандом факти и намерни акти. Вие знаете дека универзумот е постојано во движење и чувствувате неверојатна потреба да го разберете вашето место во него.rnrn[/toggle_item]rn[/toggle_box]rnrn[toggle_box]rn[toggle_item title=”Хм, за што поточно станува збор?” active=”false”]rn

Аналитичките способности имаат најголемо влијание на вашата иднина

rnВие секогаш се обидувате да ги пронајдете и прочитате сите знаци околу вас и врз основа на заклучоците од собраните податоци направени од вашиот аналитичен ум, ја градите вашата иднина. Таа зависи од тоа што го правите во моментов, и знаете дека не смеете да ги запоставите дури ни најмалите детали доколку сакате да си осигурите среќен живот.rnrn[/toggle_item]rn[/toggle_box]rnrn[toggle_box]rn[toggle_item title=”Не гледам ништо” active=”false”]rn

Здравиот разум има најголемо влијание на вашата иднина

rnВие сте тивки и мирни, преполни со здрав разум. Вие знаете дека не треба да се грижите премногу за проблемите кои можеби ќе се појават, а можеби и не, бидејќи едноставно не можете да преземете ништо во сегашноста. Иднината е премногу несигурна за да го вложувате секој дел од себе во неа, кога има големи шанси да ви пропаднат сите планови. Сè што можете да направите е да работите што повеќе можете, секојдневно, и да се грижите за сегашноста. На овој начин без сомнение ќе си создадете успешна иднина.rnrn[/toggle_item]rn[/toggle_box]

June 24, 2016
Вие ќе бидете многу посреќни кога ќе престанете да ги осудувате другите

Размислете, кога последен пат сте почувствувале вистинска среќа? Која била причината за тоа? Дали сте биле радосни затоа што сте направиле нешто? Или поради начинот на којашто сте изгледале? И најважно: Дали траело чувството? Будизмот нè учи дека можеме да постигнеме задоволство во животот со свесност и учење. Научните истражувања пак, покажуваат дека за трајна среќа ни треба психолошко здравје.rnrnВо психологијата постои теорија наречена „теорија на самоопределување“. Тоа покажува дека психичкото здравје е најважно кога е во прашање доживувањето среќа и дека таквото здравје произлегува од балансот помеѓу автономијата (чувството на контрола над нашето однесување и нашите цели), компетентноста (да се стане господар на некоја вештина) и поврзаноста (чувството за припадност на други луѓе).rnrnrnrnСепак, сериозна грешка во нашите односи кон другите е грубата проценка којашто ја правиме, со што се уништува нашата автономија и поврзаност. Кога осудуваме некој, се обидуваме да имаме контрола врз работите коишто реално не можеме да ги контролираме, при што се намалува нашата автономија, предизвикувајќи оние коишто ги судиме да бидат заштитени. На пример, еден човек во одреден момент не може да ги оствари нашите очекувања, па ќе судиме дека е мрзлив. Ова предизвикува само слабеење на нашата сопствена сила и нè прави помалку среќни. Покрај ова, ние ги уништуваме односите со таа личност.rnrnСтудиите покажале дека кога сме внимателни, можеме да разбереме дека секој човек бара да биде задоволен. Ова значи дека иако другите не може да ги исполнат нашите очекувања, ние не треба да им судиме. Не смееме да ги гледаме луѓето како „точни“ или „погрешни“ само затоа што тие се поразлични од нас. Велејќи дека другите не се во ред, покажуваме дека сме несигурни. Со тоа што ќе кажеме дека ние сте подобри, а другите полоши, ние не ја подобруваме ситуацијата. Потребно е да се разбере што е навистина важно, а не кој е во право, а кој не.rn

Како да се воздржите од осудување?

rnВо Будизмот постои учење со помош на јагода. Всушност, кога слободно ќе можете да ја погледнете јагодата без да гледате дали изгледа добро или не, без да забележувате како таа влијае на вас, тогаш можете да се движите напред. Потоа, кога ќе се чувствувате удобно со ова, ќе бидете подготвени да го применувате ова и со некоја личност. Тогаш ќе ги прифаќате луѓето онакви какви што се.

June 24, 2016