Tag: појава

Што треба да преземете доколку имате модринки на вашето тело без некоја објаснива причина? Зошто ова се случува и дали треба да бидете загрижени? Доколку често ви се појавуваат модринки, тоа значи дека имате многу тенки капилари, но сигурно се прашувате што е причината за нивната ненадејна појава?rnrnrnrnВо продолжение прочитајте што велат светските доктори на оваа тема, што сметаат дека може да се случува во вашето тело и кога е потребно да закажете прегледи.rn

1. Дигате тегови или тешки предмети

rnПодигањето тешки тегови или предмети е секундарна причина за појава на модринки по вашето тело. Тоа значи дека вашите крвни садови се веќе многу слаби, а физичката активност уште повеќе им наштетува. Воедно, дури и да имате многу здрави капилари, пренапорната физичка активност може да ги оштети. Така на пример, дигањето тегови со преголема тежина, за којашто вашето тело сè уште не е доволно подготвено, може да е опасно. Честа е појавата на вакви модринки и кај децата коишто носат на грб многу тешки ранци за на училиште. Во принцип, ваквите модринки не се нешто опасни по здравјето, но се индикација дека премногу се оптоварувате со тежина, којашто вашето тело не може да ја поднесе.rnrnrn

2. Пиете лекарства

rnОдредени лекови влијаат врз крвта и истите можат да предизвикаат појава на модринки, коишто можат да варираат од одвај забележливи, до многу сериозни. Најчесто, тие се предизвикани од антидепресиви, аналгетици, антиинфламаторни лекови, антиасматични лекови, како и оние коишто содржат железо во составот. Најчестото апче коешто ја прави крвта потечна и доведува до појава на модринки на кожата, е аспиринот. Доколку имате забележано поврзаност помеѓу пиењето на одредени лекови и појавувањето модринки на вашата кожа, потребно е да се консултирате со лекар. Можеби ќе ви биде кажано дека морате да престанете да ги консумирате тие апчиња, за да избегнете внатрешно крвавење.rnrnrn

3. Имате некоја болест на крвта

rnБолестите поврзани со крвта и крвните садови, можат да предизвикаат појава на модринки. Проширени вени, Вон-Вилебрандова болест, тромбоцитопенија и леукемија, најчесто настануваат поради проблеми предизвикани од циркулацијата на крвта. Никако немојте да ја одложувате посетата на доктор, особено доколку имате забележано и други загрижувачки симптоми, како што се: болни и отечени нозе, крвавење на непцата, мали капиларни точки на телото или крвавења од нос.rnrnrn

4. Имате недостаток од витамини

rnПојавата на некои необјасниви модринки, може да бидат сигнал дека вашето тело има недостаток од некои хранливи состојки, на пример некои витамини. За малите деца, секогаш се грижиме да ги примаат во доволни количества, но ние возрасните, честопати забораваме на нивната важност. Така на пример, витаминот Б-12 игра значајна улога во производството на крв, витаминот К е одговорен за коагулација, а витаминот Ц има клучна улога во создавањето нови ткива. Без овие витамини, крвните садови стануваат многу кревки. Друг, исклучително важен витамин, е витаминот П. Без него, невозможно е производството на колаген, па крвните садови стануваат многу тенки, а тоа доведува до влошување на состојбата на кожата. Исто така, балансот на железо во организмот, е многу важен. Доколку имате премалку или премногу железо, тоа лошо се одразува на капиларите.rnrnrnrnКако и да е, немојте да избрзувате за да купите витамински таблети, пред да направите тестирање за да видите дали имате недостаток од некои витамини и дали треба да ја подобрите вашата исхрана. Извори на витамин П, се свежо приготвен зелен чај, јаболка, тиква и лук. Витаминот К, го има во бананите, јајцата, јаткастите плодви и масните риби. Б-12 го има во џигерот, рибата, сирењето и марулата.rn

5. Имате хормонална нерамнотежа

rnПромените во хормоните, се најчеста причина за појава на модринки, особено ако имате недостаток од естроген. Тоа се случува доколку сте во период на менопауза, примате хормонска терапија или сте бремени. Недостатокот од естроген, значително ги слабее крвните садови и ѕидовите на капиларите можат многу лесно да се оштетат.rnrnrn

6. Повозрасни сте

rnДруга тажна, но природна причина за појавата на модринки, е возраста. Васкуларниот систем слабее со текот на годините, а ткивата ја губат својата еластичност. Модринките поврзани со возраста, најчесто се појавуваат на нозете, но не се опасни.rnrnrn

7. Дијабетес

rnШеќерот во крвта, е првата работа којашто на сите им паѓа на памет кога некој ќе ја спомне оваа болест. Дијабетесот има негативно влијание врз циркулацијата на крвта, поради што многу лесно се појавуваат модринки по телото. Воедно, појавата од модринки може да е показател дека боледувате од оваа болест, уште додека е во многу рана фаза. Други симптоми коишто можете да ги чувствувате доколку боледувате од дијабетес, е честа појава на жед, на вашите рани им треба подолго време да заздрават, лесно се изморувате, визијата ви е заматена или имате бели дамки на кожата.rnrnrn

Бонус: Кои модринки се опасни, а кои не?

rnНајчесто, после некаква повреда, се појавуваат црвени модринки. Тоа е всушност бојата на крвта којашто е насобрана под вашата кожа. После извесно време, организмот започнува да ја разложува згрутчената крв, па затоа модринките стануваат црни, сини или виолетови. После 5-10 дена од повредата, повреденото место треба да стане жолто или зелено. Во крајната фаза, односно 10-14 дена после повредата, модринката станува кафена и станува сè посветла и посветла.rnrnrnrnВообичаените модринки, сосема избледуваат во период од околу 2 седмици после повредата, па доколку забележите некои други необични бои или доколку тие не исчезнат во овој рок, задолжително треба да посетите доктор.rnrnДали имате забележано модринки на вашето тело, коишто не можете да сфатите зошто се појавиле? Што имате преземено во врска со тоа? Пишете ни во коментарите!rnrnМоже да ве интересираат и овие 7 знаци дека вашето тело „моли“ за помош.