КАФЕ ПАУЗА

Tag: плакар

5 трикови за пролетно средување на плакарот: Одеднаш сè ќе биде на свое место

Ви предлагаме неколку совети како да ја извршите оваа задача што е можно поуспешно и побрзо.rnrnrnrnВоопшто не е лесна задача да се оддели зимската гардероба, па да се нареди пролетната, особено ако немате време заради вашите обврски.rnrnКако и да е, во моментов сме сите дома, па токму ова е периодот кој треба да се искористи за темелно преуредување на домот, па меѓу другото и на вашата гардероба.rn

1. Брз преглед

rnДвижете се од едната страна на плакарот до другата и веднаш извадете ги работите за кои сте сигурни дека нема да ги носите.rnrnНекои од нив не се за пролет, па затоа треба да бидат преместени, додека други се веќе излитени.rnrnАко размислувате за некое парче облека повеќе од 10 секунди, тогаш сепак зачувајте го во вашиот плакар.rn

2. Зачувајте ги важните парчиња облека

rnМодата се менува, но секој од нас има неколку едноставни парчиња облека кои секогаш можат да се комбинираат со други модни додатоци и да изгледаат беспрекорно.rnrnОвие модни „класици“ вклучуваат бела маица, црни деловни пантолони и јакна, па доколку не се оштетени, не заборавајте да ги зачувате во вашиот плакар.rn

3. Тест за „носливост“

rnКога одлучувате што да оставите, а што да исфрлите, тестирајте ги преостанатите алишта во плакарот преку таканаречениот „тест за носливост“.rnrnЗапрашајте се дали тоа парче облека може да го комбинирате со најмалку 3 други алишта што ги имате во вашиот плакар.rnrnОд друга страна, можете да го примените истото правило при купување облека кога размислувате дали навистина ви треба парчето што го сакате.rn

4. Проверете ја состојбата на облеката

rnДодека ги анализирате алиштата во вашиот плакар, запрашајте се какви се, или дали сè уште може да се носат.rnrnОштетените и распарани ткаенини, како и облеката со дамки и дупки е доволна индикација дека е време таа да се рециклира.rn

5. Дали навистина го сакате тоа парче облека?

rnСекоја жена има парче облека со кое таа е сентиментално приврзана и тешко ѝ е да се оддели од него. Можеби поради одреден значаен спомен од некој близок или некое парче облека што толку многу сакавме да го купиме и со мерак го износевме.rnrnМеѓутоа, ако сте во дилема, запрашајте се дали би го купиле истото парче облека сега ако на него наидете во некој бутик.rnrnДали вашата облека се стеснила при перењето? Еве како да ја раширите на најлесен начин.

April 6, 2020
8 модели на патики кои се тотален хит оваа година

Најдобриот вид обувки, во кои можете да шетате со часови, конечно ја зазеде водечката позиција на модните скали. Патиките можете да ги комбинирате во толку многу комбинации и да ги носите во скоро секоја прилика, а како додатен плус, во нив ќе изгледате потполно модерно и тренди, па едноставно моравме за вас да ја направиме оваа листа од 8-те најпопуларни модели и со што е најдобро да ги комбинирате. Без разлика за кој модел ќе се одлучите, ви гарантираме дека нема да погрешите!rnrnrn

1. Бели плитки патики

rnОсвен тоа што сјајно се комбинираат со пантолони и фармерки, белите патики, без разлика дали се кожни или платнени, одлично ќе се вклопат со здолништа и фустани. Миди здолниште прилепено за телото, мантил и патики создаваат лежерна и модерна комбинација, но доколку се одлучите за лелеав и долг фустан во комбинација со кожна јакна, ќе направите подеднакво добар избор.rnrnrn

2. Длабоки патики

rnДоколку сакате да бидете потполно кул, тогаш за вас се идеални длабоките патики. Нив можете да ги носите со долги фустани, залепени фармерки и долги џемпери, но и со весели фустанчиња. Во секој случај ќе изгледате апсолутно сјајно.rnrnrn

3. Патики за тренинг

rnНема да погрешите доколку патиките кои ги носите за трчање или во фитнес центарот ги облечете со комбинација која ниту малку не е спортска. Слободно комбинирајте ги здолништата, пантолоните и фустаните со овој модел на патики, доколку сакате да бидете оригинални и несекојдневни, а исто така, и да се чувствувате екстра удобно.rnrnrn

4. Патики со детали

rnДоколку сакате нешто потполно нежно и слатко, а балетанките ви досадија, патиките со разни детали може да ви послужат како одлична замена! Без разлика дали ќе ги носите со фармерки или фустан, тие ќе ја освежат вашата комбинација, бидејќи се навистина сјајни и впечатливи.rnrnrn

5. Патики со платформа

rnАко не сте многу високи, а не сакате да носите високи потпетици, тогаш за вас се идеални патиките со платформа. Изберете ултра модерни модели и облечете ги со омилените пантолони или тесни фармерки. На оваа висина ќе се чувствувате доста пријатно и самоуверено!rnrnrn

6. Патики на навлекување

rnОвој вид патики е многу удобен за носење, но и лесен за комбинирање. Краткото здолниште со А крој или долгото свилено здолниште ќе делуваат доста модерно во склоп со овој модел на патики, а целата комбинација дополнете ја со широк џемпер. Без разлика дали ќе изберете патики со интересен дизајн или во некоја неутрална боја, дефинитивно нема да погрешите!rnrnrn

7. Патики – чевли

rnПотполно модерен модел кој можете да го носите и на работното место без притоа да изгледате помалку софистицирано отколку во кои било други чевли кои инаку би ги носеле. Удобни и високи, па можете да ги комбинирате со чипка, тексас, памук или кожа.rnrnrn

8. Заоблен модел

rnОвој модел на патики беше популарен пред 10-тина години, меѓутоа, оваа сезона повторно се враќа на модната сцена, само на многу поразличен начин. Повеќе не е врзан за фармерките или тренерките. Слободно облечете кратко или молив здолниште, блуза и мантил и ќе бидете подготвени со удобни чекори да го освоите денот кој ви престои!rnrn

June 17, 2016
9 работи кои никако не смеат да се најдат во плакарот на возрасна жена

Во животот на секоја жена доаѓа момент кога конечно мора да созрее и да се ослободи од сите алишта кои толку вредно ги собирала со години. Колку и да е поврзана со својата гардероба, факт е дека на палавата девојка ќе ѝ дојде време да се претвори во млада и сериозна жена, а тоа подразбира и чистење на плакарот од сите непотребни алишта кои единствено зафаќаат место кое може попаметно да се искористи.rnrnrnrnНо, на кој дел од облеката би требало да му кажете чао?rn

1. Костуми за маскенбал

rnДали навистина мора да ги чувате сите тие костуми за маскенбал кои ги носевте во претходните години? Едноставно не постои доволна добра причина за тоа. Поклонете ги, фрлете ги или искористете ги за нешто друго, бидејќи веројатноста дека повторно ќе ги носите е многу блиску до нула.rn

2. Елегантни фустани кои знаете дека повеќе нема да ги облечете

rnФустаните за разни прослави, особено оние кои некогаш сте ги носеле на некоја свадба, се фустани кои веројатно нема повторно да ги облечете. Без разлика дали тие модели повеќе не се во мода или можеби веќе не ве собираат, факт е дека и двете причини се доволно добри за тие фустани да го изгубат своето место во вашиот плакар.rn

3. Чорапи без пар

rnСериозно ли мислите дека уште би требало да носите различни чорапи? Можеби беше во ред додека имавте 13 години, но сега сте во светот на возрасните – така и однесувајте се.rnrnrn

4. Фармерки со низок струк

rnНеудобни се и непрактични, а уште повеќе се и дел од облеката кој воопшто не се вклопува во вашиот изглед на возрасна, смела и сериозна жена. Токму затоа и се меѓу првите работи кои треба да ги исфрлите и замените со покласични модели.rn

5. Сè што е мало и/или не вреди да се носи на шнајдер

rnФармерки, фустани, маички, џемперчиња, што и да е, само направете си место за нешто ново кое ќе ви стои многу подобро од 2 броја помалите парчиња облека.rn

6. Неудобни штикли

rnНогата навистина изгледа многу поубаво во штикла, но неудобниот модел не само што ќе ви донесе многу болка, туку и ќе направи да изгледате сосема поинаку од посакуваното. Исфрлете ги или поклонете ги некому тие високи потпетици и купете си некои кои совршено ќе се вклопат во вашиот изглед.rnrnrn

7. Облека која веќе не е во мода

rnОсобено кога станува збор за оние алишта кои не се вклопуваат во ниту една комбинација, но некогаш одамна биле неверојатен моден тренд. Ниту ги носите, ниту ќе ги носите, па зошто би им дозволиле уште да зафаќаат вредно место во вашиот плакар?rn

8. Облеката која ви служи како мотивација

rnДали навистина сакате да поминете уште еден ден чувствувајќи се ужасно бидејќи сè уште не ве собира во оној фустан кој долго копнеете да го облечете? Заштедете си себеси и време и живци и ослободете се од него давајќи си шанса конечно да се прифатите онакви какви што навистина сте.rn

9. Неудобна облека

rnЖивотот е прекраток за да носите нешто во кое не се чувствувате удобно. Колку е да е модерно тоа парче облека, веројатноста е дека не само што нема да се чувствувате убаво носејќи го, туку нема ни да изгледате добро.rnrn

March 2, 2016
Шармирајте како француските дами

Француските дами отсекогаш имале некој посебен шарм. Нивната безгрижност и заводливост е можеби и причината зошто тие се толку познати и обожавани. Но што поточно ги прави француските дами толку уникатни и со беспрекорен стил?rnrnrn

1. Квалитет vs. квантитет

rnОдносно: купувајте помалку облека, но со поголем квалитет. Типичниот француски гардеробер можеби само еднаш годишно се обновува, но парчињата кои се купени вредат да бидат внатре. А таму сигурно нема да се најдат голем број сезонски парчиња.rnrnНачинот на кој е направенa облеката исто така е многу важен за француските муштерии како нивниот квалитет. Многу поголема е веројатноста да видите француска дама како носи исто сако на различни начини, отколку различни сакоа за секое излегување.rn

2. Кројот е есенцијален

rnУште една причина за средениот изглед на Французинките е тоа што тие внимаваат на тоа како облеката им стои. Широките пантолони, тесните фустани и облеката со дупки е гардероба која дефинитивно не припаѓа овде. Француски жени велат: „облекувај се за бројот кој го носиш, а не за оној што би сакала да го носиш“. Облеката која ви е точна го прави вашиот изглед да биде уште пософистициран и стилски совршен.rn

3. Внимателно со трендовите

rnМногу е мала веројатноста да видите жена од Франција која ќе биде облечена според најнова мода. Не, тие не ги избегнуваат модните трендови, туку одбираат кои ќе го прифатат. Плус, Французинките се оние кои ги измислија модните трендови.rnrnКлучот е во миксот: мешајте класично со модерно, ново со старо и секојдневно со свечено. Важно е да имате личен стил, а тоа е нешто што дамите од Франција го имаат и премногу.rnrnrn

4. Не претерувајте

rnНемојте да се накитите како новогодишна елка. Никогаш нема да најдете дама која има премногу шминка, избелени заби, високи потпетици, гломазен накит и силен парфем во исто време. Класичната едноставност е токму она што плени. Дури Коко Шанел рекла дека пред жената да излезе од вратата, таа треба да се погледне во огледало и да го тргне првото парче накит кое ќе го здогледа за да избегне премногу нападен изглед.rn

5. Опремете се со основните парчиња

rnИако денеска модата влијае многу на облеката која ќе се најде во нашиот плакар, сепак постојат некои парчиња кои дефинитивно мора да ги имате. Квалитетна јакна во темносина или црна боја, балетанки, црн фустан, фармерки, блузи од свила, џемпери од кашмир и добар пар салонки се дефинитивно најважните парчиња кои мора да се најдат во нашиот плакар.

November 21, 2014
Дефинирајте го личниот стил

Автор: Софија СионоваrnrnЛичниот стил е важен дел во животот, поради него луѓето се разликуваат меѓу себе. Но кој стил вам навистина ви прилега? Ова се чекорите за да го откриете вашиот личен стил.rn

1. Откријте што ви се допаѓа

rnВеројатноста да пронајдете само една стилска икона која ве опишува е многу мала. Повеќето луѓе се микс: малку Сиена Милер со доза на Кејт Босфорт плус Мери-Кејт Олсен. За да откриете кој најмногу влијае на вашиот стил, отворете Пинтерест, внесете „style icons“ и зачувајте ги сликите во кои најмногу ќе се препознаете. Личностите ќе почнат да се повторуваат, па во иднина во нив можете да ја барате својата инспирација.rnrnrn

2. Означувајте

rnПогледнете ги уште еднаш вашите фотографии кои ве инспирираат, но важно е да гледате во облеката, а не во имињата. Одберете неколку зборови кои ќе го опишат изгледот како женствено, модерно, боемско или класично и запишете ги за понатака кога ќе одите на шопинг.rnrnrn

3. Фотографирајте се

rnГи знаете тие убави денови кога само што ќе излезете од вратата сигурни сте дека ќе мамите комплименти? Фотографирајте се. Тие комбинации го искажуваат вашиот вистински личен стил и треба да ви служат како инспирација во останатите денови.rnrnrn

4. Одберете заштитен знак

rnОдри Хепберн ги имала своите три-четврт пантолони и балетанки, Џеки О. огромните очила за сонце, а Еди Седвик била препознатлива по нејзините обетки и мини фустанчињата. Сите модерни дами имаат свој заштитен знак кој потоа станува дел од личниот стилски идентитет. Вашиот може да биде едноставен, како накит или леопард палто.rnrnrn

5. Нека се повторува

rnИмате полн плакар со маички на риги? Има причина зошто вашиот плакар е преполн со работи од ист вид. Вие ги купувате овие работи повторно и повторно бидејќи ве усреќуваат и во нив се чувствувате удобно. Сѐ додека парчето изгледа убаво на вас и соодветствува на вашиот сегашен стил нека се повторува. Не е лошо да се потпирате на парче кое целосно ве отсликува.rnrnrn

6. Препознајте што не припаѓа во вашиот плакар

rnДобро погледнете во плакарот и забележете што не се совпаѓа со останатото. Имате боемска блуза во море од кошули? Ваквите видови облека симболизираат стил кој го сакате, но не се чувствувате удобно кога го носите. Освен ако сакате да пробате нешто ново, тогаш размислете да тргнете по такви парчиња облека.rnrnrn

7. Истакнете го најдоброто од себеси

rnИма нешто за што луѓето постојано ви делат комплименти? Без разлика дали се работи за грбот или прекрасната форма на песочен часовник, носете облека која секогаш ќе ги нагласува вашите адути за да изгледате модерно, без разлика на трендовите.rnrnrn

8. Внимавајте на сѐ

rnНајчесто сме загрижени за облеката и додатоците, но вистинскиот стил е пропратен со козметика. Ако не сте задоволни од вашиот целокупен изглед никогаш нема да се чувствувате модерно.rnrnrn

9. Останете верни на вашиот сегашен стил

rnВерувајте им на вашите инстинкти и носете облека во која се чувствувате најубаво. Ако имате поженствен изглед како Лорен Конрад, кога би носеле поексцентрична облека би изгледале неприродно, или ако се пронаоѓате во стилот од Ријана, кога ќе облечете џемперче на закопчување ќе изгледате смешно. Најверојатно веќе знаете какви парчиња сакате па затоа прифатете го вашиот стил и освежете го, но никогаш немојте да се борите против него.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 5, 2014
Целосна соба спакувана во една кутија

Можеби звучи невозможно, но компанијата „Casulo“ создала кутија од која можете да распакувате цела соба. Од оваа кутија излегува работно биро, плакар, кревет, полица, две табуретки, столче и креденец со фиоки.rnrnrnrnЗасега овој изум останува само концепт, но во блиска иднина сигурно би го нашол своето место на пазарот.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 30, 2013
Нешта кои веднаш треба да ги исфрлите од плакарот

Марина Добрева е стилист, моден претприемач, која живее и работи во Њујорк. Покрај стилските совети, се занимава и со преуредување на плакарите на своите клиенти, преку додавање, реорганизирање или пак исфрлање на некои парчиња облека. Прочитајте кои се нејзините генерални совети за тоа кои работи една жена треба веднаш да ги исфрли од плакарот.rnrnrn

Излитена црна облека

rnВеднаш исфрлете ги црните излитени џемпери, маици, и кардигани. Купувајте волнени кардигани и џемпери, затоа што не избледуваат како памучните и траат подолго.rnrnrn

Смалени џемпери

rnМногу често во плакарот ги оставате смалените џемперчиња, мислејќи дека сепак ќе се вклопат во некоја комбинација. Но, реалноста е дека веќе не изгледаат убаво и само непотребно зафаќаат простор.rnrnrn

Припиени маици

rnПрипиените маици не изгледаат природно и убаво на никого. Купувајте пошироки модели, како оваа десно на сликата подолу.rnrnrn

Стари балетанки

rnОвие треба веднаш да се фрлат! Колку и да сте ги платиле, кој бренд и да се, ако се износени, време е да се збогувате со нив и така да спасите многу убави комбинации. Заменете ги со нови и неизносени за подобар целокупен изглед.rnrnrn

Војнички панталони

rnПанталоните со толку многу џебови се едноставно премногу тешки и воопшто не им прилегаат на дамите.rnrnrn

Избледени тексас фармерки

rnПрепорачливо е да се купуваат фармерки од потемен тексас. Исфрлете ги избледените парчиња облека и во иднина купувајте фармерки со потемен тексас, како овие десно на сликата подолу.rnrnrn

Црни чевли

rnАко ви требаат чевли кои ќе ви одговараат со сè, подобро купете си некои со кожа боја. Визуелно ќе ви ги издолжат нозете, а и поубаво ќе одговараат со секоја комбинација.rnrnrnrnДоколку ви се допаднаа советите и сметате дека ви беа корисни, погледнете ја и официјалната страна на Марина Добрева, каде ќе најдете уште многу интересни информации.

October 20, 2013
7 видови фустани кои секоја жена треба да ги има во својот плакар

Ниту еден женски плакар не е целосен доколку во него нема барем еден фустан. Без разлика на тоа што голем број жени се чувствуваат многу покомотно во фармерки, сепак понекогаш е клучно да имате соодветен фустан за одредени прилики. На пример, состанок со личноста која многу ви се допаѓа, интервју за работата од вашите соништа или пак, летна забава со вашите пријатели. Токму поради овие причини постојат неколку видови фустани кои секоја жена би требало да ги поседува.rnrnrn

1. Малиот црн фустан

rnНајважниот фустан во вашиот плакар е токму овој мал црн фустан. Тоа е фустан кој ви стои одлично, има совршена должина за вашата висина и е според најновата мода. Малиот црн фустан е соодветен за најразлични ситуации почнувајќи од забави, погреби, службени вечери, па сè до свадби. Со помош на неколку додатоци како џемпер, високи штикли, чанта и накит можете да го комбинирате за буквално сите дневни и вечерни настани.rnrnrn

2. Кежуал бел фустан

rnОвој фустан е совршен за дневна прошетка во топлите летни денови или пак, за на плажа. Тој ќе се истакнува на фотографиите со вашите пријатели и ќе ја нагласува бојата која сте ја добиле со сончање.rnrnrn

3. Совршениот фустан за состанок

rnОвој фустан е погоден за посебна ноќ со вашиот партнер. Можете да го носите на вечера, во кино како и за прошетка низ градот. Тој би требало да биде фустан во кој се чувствувате прекрасно, кој е удобен и кој одговара на вашиот тен. Исто така треба да одговара и со високи потпетици и со балетанки за да можете да го носите на разни видови состаноци.rnrnrn

4. Фустан за интервју за работа

rnКога одите на интервју за работа, посебно кога станува збор за покорпоративна или поелитна работа, секогаш е добра идеја да се облечете малку подобро од вашата стандардна работна „униформа“. Овој фустан би требало да биде поконзервативен и модерен, никогаш да не биде со должина над колената, да нема длабоко деколте и да биде со подолги ракави. Целта е да бидете елегантни без да покажувате премногу кожа.rnrnrn

5. Фустан за на свадба

rnСекоја девојка треба да има еден фустан кој ќе го чува за посебни прилики како свадби. Во овој фустан треба да се чувствувате убаво и удобно. Можеби ќе запознаете некоја посебна личност таму или пак ако ништо друго, барем ќе изгледате прекрасно за големиот ден на невестата.rnrnrn

6. Фустан за класични настани

rnБез разлика дали станува збор за настан каде што треба јавно да настапите или настан организиран од работа, секогаш треба да имате фустан кој ќе одговара на оваа ситуација. Тој би требало да биде модерен и конзервативен во исто време.rnrnrn

7. Фустан за забава

rnСекоја девојка треба да има најмалку еден фустан за забава. Во овој фустан би требало да се чувствувате младо, забавно и авантуристично. Одберете модерен фустан со забавни и живи бои. И најважно од сè, нека биде со стил.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 17, 2013
Што кажуваат за вас боите во вашиот плакар?

Дали кога ќе го отворите вашиот плакар гледате шаренило од секакви бои или сепак до некој степен преовладуваат нијанси на една боја? Бојата која ја носиме, не значи само дека сме ја одбрале бидејќи била привлечна за нашето око, туку и кажува многу за она што е под облеката. Што кажува за вас бојата која преовладува во вашиот плакар и каква перцепција имаат другите за вас?rnrnrn

Црна

rnЦрната боја асоцира на авторитет и моќ, па затоа вие сте личност која не се плаши целосно да ја преземе ситуацијата под своја контрола и да ужива во функцијата која ја има. Црната боја често ја носат луѓе со високи функции и авторитет, како политичарите или оние со важни функции во фирмите. Станува збор за елегантна боја која ве прави повитки. Плус, одговара за секоја пригода, од погреб до венчавка.rn

Бела

rnБелата боја се поврзува со едноставноста. Вие сте весела и едноставна личност која не сака комплицирање на работите. Исто така, доколку оваа боја преовладува во вашиот плакар, значи дека сте педантна личност која ја сака чистотата. Баш затоа успевате толку често да носите бело без видливи дамки од кафе или некаков оброк.rnrnrn

Сива

rnСивата боја значи софистицираност. Им дава до знаење на луѓето околу вас дека сте самоуверена личност која мисли и донесува одлуки самата за себе. Без страв ги презентирате вашите одлуки и ставови пред другите. Сивата е одлична боја за бизнис средби, романтични состаноци или интервјуа за работа, бидејќи покажува дека сте самоуверени и се чувствувате добро во вашата кожа.rn

Кафена

rnОваа боја е знак на стабилност, луѓето можат да се потпрат на вас. Покажува дека уживате во удобноста на животот, но не преферирате промени. Едноставно сакате да играте на сигурно.rn

Сина

rnВие сте опуштена, релаксирана и кул личност и не сте многу импулсивна. За посериозни настани, како интервју за работа, одбрете потемна нијанса, како морнарско сина. Но за порелаксираните моменти, одберете посветли нијанси како небесна сина.rn

Розова

rnДоколку сте љубител на розовите нијанси, вие сте чувствителна личност со големо срце која се чувствува убаво самата за себе. Кога луѓето носат розова боја изгледаат достапни и способни да ги сакаат луѓето околу себе.rnrnrn

Зелена

rnЗелената ги поттикнува убавите чувства и доброто расположение кај вас, но и кај оние околу вас. Испраќате позитивни и смирувачки вибрации. Можеби тоа е така бидејќи зелената боја асоцира на топла пролет по ладната зима.rn

Жолта

rnОваа боја покажува дека сте забавна личност која сака убави моменти и секогаш е подготвена за забава. Вие ги асоцирате луѓето на топло сонце кое го разубавува денот. Секогаш имате одличен избор на облека за опуштена летна забава.rn

Црвена

rnВие сте страсна личност која умее да сака. Црвената боја се асоцира со љубов и романса. Ова е бојата која најмногу ги привлекува мажите. Кога се подготвувате за важен настан или романтичен состанок со личност која многу ви се допаѓа, нема да згрешите доколку се одлучите за вашата омилена боја – црвена.rn

Виолетова

rnБоја на креативноста. Им покажува на луѓето околу вас дека сте способни да размислувате „надвор од кутијата“. Не се плашите да ги правите работите поинаку од другите и често ја гледате убавината во места каде другите најчесто не ја гледаат. Па кога сакате да се инспирирате себеси или некој друг, носете виолетово!rn

Портокалова

rnПортокаловата е бојата на луѓето со богат социјален живот, кои лесно се впуштаат во разни разговори и познанаства. Им кажува на луѓето дека не сте затворени во себе, дека сте опуштени и дружељубиви.rnrn

February 15, 2013
Отворете ја летната сезона во вашиот плакар
За девојките, плакарот претставува храм, свето место каде што се чуваат сите драги парчиња облека, обувки, накит и други додатоци. Иако секоја девојка сонува за плакарот на Кери Бредшо од филмот „Сексот и градот“, повеќето од нас не живеат во таков луксуз, па ова останува само филмска сцена за која можеме само да мечтаеме.rnrnrnrnВистинскиот проблем на „обичните“ девојки, кои не располагаат со по неколку соби во улога на плакари, е добро да ги организираат на почетокот на секоја сезона и притоа да избегнат неред на подолг рок. Иако топлите денови веќе настапија, ако чекавте официјално да дојде летото за да си го средите плакарот, крајно време е да ја отворите сезоната. Еве 5 едноставни чекори кои ќе ви помогнат во тоа.rn

1. Поделете ја облеката по сезони

rnТешко е да ги средите сите алишта одеднаш. Затоа, олеснете си ја работата делејќи ги вашите „парталчиња“ во три купа: летни, зимски и пролетно-есенски. Вака ќе можете да се фокусирате на сезонските алишта, наместо да се обидувате одеднаш да направите чудо во плакарот. Чантите, чевлите и другите додатоци се носат во сите сеозни, затоа нив не треба да ги делите на истиот начин.rnrnrn

2. Направете 3 купчиња

rnОткако се фокусиравте на актуелната сезона, следниот важен чекор е да направите 3 нови купчиња, и тоа: алишта што ги задржувате, за фрлање и алишта за кои не сте сигурни што треба да им правите. Трите купа правете ги на што поодалечени места во вашата соба, а ако не располагате со многу простор, служете се со корпи, торби, па дури и легени. Само внимавајте да не ги доближите куповите едни до други, па на крајот од целата вложена работа да не сте сигурни ни за оние алишта на кои веќе сте им ја пресудиле иднината.rnrnrn

3. Пристапете му објективно на секое парче облека

rnСега доаѓа тешкиот дел, да се одреди кое парче во која сеозна припаѓа и дали е за задржување или за фрлање. Ова е многу потешко за девојките бидејќи тие често емотивно се приврзуваат за одредени парчиња од својата гардероба или пак гледаат потенцијал да ги употребат, ако не сега, во иднина. Но, мора да пресечете. Купот непотребни алишта ви го отежнува изборот на дневна база бидејќи најчесто од многу „партали“, не ни можете да ги забележите најубавите и најомилените. Нели? Запрашајте се:rn
- Дали го сакам ова парче и не можам да живеам без него?
- Дали ова парче е згодно или ако не е, дали може да се прекрои, зашие, поправи?
- Колку често го носам?
- Дали ова парче е во согласност со мојот стил и моите преференции за трендовите ова лето?
rnОткако ќе ги распоредите алиштата во трите купчиња, посветете му се на купот алишта за кои не сте сигурни и поминете го истиот процес уште еднаш. Ако и понатаму не добивате конкретни одговори на горните прашања, повикајте пријателка која знаете дека ќе биде искрена со вас.rnrnВо ова купче можете да задржите повеќе летни парчиња за кои не сте сигурни, за да им дадете уште една последна шанса да ги облечете. Префрлете ги во купот за задржување, па ако не ги облечете во текот на следните неколку месеци, ќе знаете што треба да правите на следната сезонска „чистка“ во вашиот плакар.rnrnrn

4. Одлучете што ќе правите со облеката од купчето за фрлање

rnНе мора буквално да ги фрлите во ѓубре сите парчиња од ова купче, но ако тие се исфлекани, искинати или оштетени на друг начин, најдобро е сепак да завршат во контејнер или евентуално да зачувате две-три парталчиња за бојадисување на ѕидовите во домот или за сликање на платно.rnrnОние алишта кои се во пристојна состојба можете да им ги понудите на дуќани кои продаваат second hand облека, за што можете да добиете и надокнада. Ако сакате да направите нешто добро за оние кои ќе имаат вистинска корист од тоа, донирајте ги вашите минатосезонски партали во добротворни организации. Не исклучувајте ги и вашите братучетки, внуки и другарки на вашиот помал брат или сестра.rnrnrn

5. Сосема тргнете ги зимските алишта и донесете ги летните напред

rnНавистина нема потреба да ви зафаќаат место шалови, капи и ракавици во период кога и онака сакате да носите очила за сонце и тенки лелеави марами. Зимските алишта нема да ги носите барем во наредните 3 месеци, затоа, потиснете ги поназад.rnrnМожете да ги спакувате во кутии и да ги сместите под креветот, во друг плакар или дури и да ги симнете во подрумот. Дополнително, водете сметка:rn
- вашите џемпери и капути да бидат чисти пред да ги приберете за носење во следната зимска сезона
rn
- плетените џемпери, фустани и туники да не ги закачувате на закачалка бидејќи тоа ја деформира нивната форма
rn
- да ја сместите облеката на темно, суво и студено место (водете сметка за радијаторите) бидејќи влагата и топлината ги уништува алиштата.
rnСега откако се ослободивте од зимските алишта, организирајте ги летните и поставете ги на дофат. Пролетно-есенските алишта и понатаму можете да ги оставите во истиот плакар, за да ви бидат близу доколку залади, но да не ви пречат кога сакате да посегнете по шорцевите.rnrnrnrnКако вие го организирате вашиот плакар за време на летото? Имате некоја добра тактика што гарантира успех?rnrnМожеби сакате да си помогнете во организирањето на вашиот плакар со помош на вашиот компјутер.rnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
June 24, 2011