Tag: НАСА

Сите знаеме дека вселенското патување не само што е скапо, туку е и навистина опасно. Доколку сакаме да испратиме луѓе на Марс, научниците мораат да разберат какви се ефектите на човечкото тело од живеењето во вселена. Познато е дека постојат симптоми како „птичји нозе“ кои се манифестираат во околина без гравитација, каде што крвта не е повлечена надолу кон нозете, па главите на астронаутите се полнат со течности.rnrnrnrnПоради ова, НАСА и Европската вселенска агенција се здружиле за да спроведат истражување со кое ќе откријат како телото се адаптира на бестежинска состојба. Вселенските агенции објавија дека бараат 24 волонтери кои ќе поминат 60 дена лежејќи, со цел да им помогнат на научниците да сфатат какво e влијанието на вселенското патување врз астронаутите. На испитаниците ќе им биде исплатена сума од 16.500 евра, и ќе треба да отпатуваат до Келн, Германија.rnrnrnrnСепак, не секој може да се пријави и постојат неколку услови што испитаниците треба да ги исполнуваат – треба да бидат на возраст од 24 до 55 години, со добро здравје и да зборуваат германски. Истражувањето ќе започне во септември и ќе трае 89 денови. Пред да започне експериментот во кревет, испитаниците ќе имаат 5 денови за прилагодување. После 60-те денови поминати во кревет, испитаниците ќе поминат и 14 денови во рехабилитација, на истиот начин како и астронаутите.rnrnrnrnЗа време на експериментот, испитаниците ќе треба да прават сè во лежечка состојба – од јадење, па сè до одење во тоалет. Испитаниците ќе можат да гледаат телевизија, ќе имаат материјал за читање и други активности, додека научниците ги охрабруваат да слушаат и онлајн курсеви и да стекнат нови вештини. За време на одморот, волонтерите ќе лежат со нозете поставени малу повисоко од главата, со цел да се намали дотокот на крв во екстремитетите. Ова ќе предизвика влошување на состојбата на мускулите, нешто што го искусуваат астронаутите во вселената.rnrnrnrnЕдна половина од испитаниците, одвреме-навреме ќе ја посетуваат и центрифугата во лабораторијата. Центрифугата е како вештачка соба со гравитација, а нејзиното вртење симулира гравитација, „туркајќи“ ја крвта на испитаниците кон долните екстремитети. Ова ќе им помогне на научниците да откријат дали симулацијата може да го намали ефектот на долгото лежење во иста положба.rnrnrnrnЦентрифугата ги стимулира и проучува ефектите на вештачката гравитација врз човечкото тело. Резултатите од експериментот нема да им бидат од корист само на астронаутите, туку и на луѓето со здравствени проблеми. Со помош на оваа алатка, истражувањето ќе открие повеќе за остеопорозата, мускулната атрофија и кардиоваскуларните болести.rnrnЦелта на експериментот е да ги стимулира ефектите на микрогравитацијата врз човечкото тело. После долго време поминато во вселената, состојбата на мускулите се влошува, коските ослабуваат, а крвта тече на различен начин низ телото. За да се спречат овие несакани ефекти, потребно е редовно вежбање, но научниците се надеваат дека вештачката гравитација ќе биде уште поефикасна.rnrnrnrnХраната на испитаниците ќе биде подготвена од нутриционист и нема да содржи адитиви и вештачки шеќери. Истовремено, ќе биде доволно разновидна за да ги задоволи сите потреби на телото. Одвреме-навреме, испитаниците ќе можат да се почистат и со десерт.

Можеби се сеќавате на истражувањето на НАСА со близнаци во кое 10 разни тима од истражувачи ги проучуваа астронаутот Скот Кели кој помина една година во Интернационалната вселенска станица, и неговиот идентичен брат близнак, астронаутот Марк Кели кој остана на Земјата.rnrnrnrnДел од истражувањето вклучувало и споредување на ДНК на близнаците. Настана вистинска мешаница кога бројни медиуми погрешно ги протолкува резултатите и изјавија дека ДНК-та на Скот била значително изменета по поминатиот период во вселената. Од НАСА објаснија дека неговата ДНК не се променила, туку биле забележани некои промени во гените, односно нивното реагирање со околината.rnrnПоголемиот дел од генетската експресија се вратила во нормала откако астронаутот се вратил на Земјата, но 7% останале исти како кога бил горе. Според НАСА, овие 7% можеби ќе предизвикаат долготрајни промени во имунолошкиот систем на Скот, обновувањето на неговата ДНК и формирањето на коските. Овие промени можат да влијаат и на генетската експресија при недостаток од кислород или преголемото количество јаглероден диоксид во крвотокот.rn

Вселена или стрес?

rnНо дали промените кај Скот биле резултат на тоа што е во вселената или поради тоа што бил во екстремно стресно опкружување? Еден начин да се најде одговорот е да се тестираат планинарите на голема височина каде што ретката атмосфера и ниските температури ќе предизвикаат стрес. Потоа овие резултати ќе се споредат со оние на близнаците Кели.rnrnКристофер Мејсон кој го водел истражувањето за гените на НАСА дизајнирал споредлив експеримент кој вклучува двајца планинари, Вили Бенегас и Мет Моинц. Тие ја искачија Монт Еверест во мај, а резултатите допрва треба да пристигнат.rnrnНо веќе постојат научни докази кои покажуваат дека високите места на Земјата ја менуваат генетската експресија. Зак Чеврион, асистент во Универзитетот во Монтана учествувал во истражување за ефектите на височината кај еден вид глувци. Ова мало суштество се соочува со најголема висинска разлика, од ниво под морето до висина од 4.300 метри.rnrnЗак, кој не учествува во истражувањето со планинарите, изјавил дека кога овие глувци биле на поголема височина имале промена на генетската експресија, појава која имала влијание на структурата на мускулите. Овие промени им овозможувале на глувците да се справат со опкружувањето на планината каде што пореткиот воздух го отежнува снабдувањето на мускулното ткиво со кислород.rn

Промената до некој степен ја имитира еволуцијата

rnГенетската експресија е огранок од физиологијата и претставува вклучување и исклучување на гените со цел да се зголемат шансите за преживување.rn

„Генетската експресија изгледа дека ја имитира адаптацијата предизвикана од еволуцијата“, изјавил Чеврион.

rnГлувците родени на планината, потомци на претходните генерации кои еволуирале на големи височини, имаат мутација која им овозможува да ги променат гените на многу повисоки места, за разлика од глувците родени на пониско.rn

„Ако земете глушец од пониско место и го изложите на голема височина, генетската експресија ќе помогне да се развијат повеќе крвни садови. Но, ќе имаат помалку за разлика од оние родени на високо место.“

rnНо не сите промени се добри. Истражување од 2014-та година покажало дека луѓето од Тибет кои живеат на високо имаат наследено гени кои им овозможуваат нивните тела поефикасно да го користат кислородот без да имаат висок број црвени крвни клетки. Кога некој од пониско место ќе отиде на Тибет, неговото тело ќе се обиде да се справи произведувајќи повеќе црвени крвни клетки – промена што ја згуснува крвта и што го зголемува ризикот од затнување на вените и инфаркт.rnrnПрочитајте ги и овие одвратни факти за вселенското патување на кои сигурно не сте помислиле.