КАФЕ ПАУЗА

Tag: хормони

На кој начин хормоните влијаат врз вашата исхрана?

Ако едноставно не можете да ги контролирате вашите навики во исхраната, можеби за тоа се виновни вашите хормони. Затоа, во продолжение прочитајте на кој начин хормоните влијаат врз вашата исхрана.rnrnrn

Мелатонин

rnЕден од начините на кои хормоните влијаат на вашите навики во исхраната е начинот на кој спиете. Мелатонин е хормонот што вашето тело го лачи ноќе и наутро. Ви кажува кога да заспиете и кога да се разбудите. Ако имате несоница и јадете доцна навечер при што се зголемува вашата телесна тежина или не можете да останете будни, веројатно имате ниско ниво на мелатонин. Лесно е да се реши овој проблем. Сè што треба да направите е да купите додаток од 3 mg или 5 mg и да го земате секогаш кога сакате да спиете. Тој е сосема безбеден за употреба и нема да имате никакви несакани ефекти наутро.rn

Лептин

rnЛептинот е хормон кој вашето тело го произведува на природен начин и кој всушност му овозможува на вашиот мозок да знае колку масти имате и дали треба да внесувате повеќе. Клучната работа за лептинот е дека различни работи влијаат на тоа како овој хормон комуницира со вашиот мозок. Кога нивото на лептин се зголемува, вашиот апетит се намалува, а кога нивото на лептин се намалува, вашиот апетит се зголемува. На кој начин можете да утврдите дека вашиот организам располага со доволно лептин? Треба да знаете дека лептинот всушност му помага на вашето тело да согорува масти, главно преку термогенеза, што е начин на загревање на телото за согорување калории, главно преку вашите мускули. Многу луѓе развиваат отпорност на лептин поради лошата исхрана или недостаток на вежбање и сон. Значи, за да бидете сигурни дека нивото на лептин е нормално, важно е да вежбате секојдневно, да јадете намирници со низок гликемиски индекс и да бидете сигурни дека спиете 8 часа секоја вечер. Секоја од овие работи гарантира дека лептинот се произведува правилно. Имајте на ум и дека исхраната богата со шеќери и преработени масти или рафинирани житарки предизвикува отпорност на лептин.rn

Грелин

rnОвој хормон му укажува на вашиот мозок кога треба да престане да согорува калории и кога треба да складира енергија како маснотии. Важно е да спиете доволно секоја вечер, бидејќи кога спиете, нивото на грелин се намалува во телото со оглед на тоа дека на телото му треба помалку енергија во овој период. Ако не спиете доволно долго или доволно добро за да влезете во длабок сон, вашето тело ќе произведе премногу грелин. Ова му кажува на вашето тело дека е гладно кога навистина не е, и дека му требаат повеќе калории, иако не е така. Значи, престанува да согорува калории бидејќи смета дека вашето тело има недостиг од калории и дека треба да ги складира наместо да ги согорува. Нормалното ниво на овој хормон во организмот можете да го воспоставите со доволен сон од најмалку 7 часа.rn

Инсулин

rnМногумина од вас досега слушнале за ефектите на инсулинот врз нивото на шеќер во крвта. Улогата на инсулинот врз телото е ефикасно да ја користи гликозата за енергија. Кога јадете оброк богат со масти или шеќер, нивото на инсулин брзо се зголемува при што овозможува побрзо апсорбирање на гликозата од маснотиите и шеќерот во мускулните ткива која може да се користи како енергија. Кога нивото на инсулин се зголемува, тој паѓа исто толку брзо веднаш потоа или во рок од 30-40 минути. Кога тоа ќе се случи, го оптоварува црниот дроб и ве остава уморни и без мотивација. Очигледно, можете да видите како со текот на времето, ова може да предизвика зголемување на телесната тежина. Тоа значи дека ако продолжите со исхрана богата со масти и шеќер, мастите полесно ќе се складираат во телото со многу побрзо темпо. Ова го менува нивото на шеќер во крвта и автоматски ќе почнете да копнеете за храна богата со масти и шеќер, само за повторно да ги зголемите нивоата на енергија, почнувајќи го целиот циклус од почеток.rnrnОткако прочитавте за влијанието на хормоните врз вашата исхрана, можеби ќе сакате да прочитате и кои 4 намирници лошо влијаат врз женските хормони.rnrnИзвор: allwomenstalk.com

December 29, 2022
Со регулирање на нивото на овие хормони ќе живеете подолго и ќе изгледате помладо

Кога станува збор за долг и здрав живот и за младоликоста како надворешен индикатор за здравјето, секогаш се зборува за важноста на физичката активност и за здравата храна. Но, она што многумина го забораваат е фактот дека хормоните играат голема улога во здравјето на жените, а за да се одржи оптимална рамнотежа на хормоните, потребно е да се промени начинот на живот. Животните навики имаат трајни ефекти врз нашето тело, но обично се потребни многу години за да се забележат овие ефекти. Откријте подолу на кои хормони треба да внимавате кога станува збор за здравјето, за стареењето и за продолжувањето на животниот век.rnrnrn

Кортизол

rnЕкспертите забележуваат дека одржувањето на оптималното ниво на кортизол е исклучително важно за здравјето, но исто така и за младоликоста. Честото покачено ниво на овој хормон има големи последици врз човечкото тело, а хроничниот стрес, воспалението, нарушениот квалитет на спиењето и дебелината се само некои од нив. Билансот на кортизол е најчестата форма на хормонална нерамнотежа кај жените. Хронично зголеменото ниво на кортизол, заедно со другите хормони на стрес, предизвикуваат губење на колагенот и со тоа го забрзуваат стареењето на кожата. Ова се забележува на кожата десет пати повеќе отколку на другите ткива. Постојаниот стрес доведува до губење на еластичноста на кожата и таа станува збрчкана и нееластична.rn

Витамин Д

rnИако витаминот Д во минатото се сметаше за додаток кој е исклучително важен за коските заедно со калциумот, неговата важност е многу поголема. Денес знаеме дека овој витамин, кој исто така е хормон, е неопходен за речиси секоја функција на организмот и дека учествува во експресија на повеќе од 500 гени. Кога станува збор за имунитетот, витаминот Д има одлична функција бидејќи го штити здравјето на коските, забите, штити од кардиоваскуларни болести, висок шеќер во крвта, рак на белите дробови, на кожата, на дебелото црево, на градите и на панкреасот и го спречува развојот на крвните садови кои ги хранат туморите. Поради сето ова, витаминот Д е исклучително важен за здравјето на луѓето.rnrnОткријте ги 5-те тајни за младешки изглед на вашите дланки.

January 25, 2021
Како инсулинот влијае на хормоните и синдромот на полицистични јајници

Синдром на полицистични јајници е нарушување кое се карактеризира со неправилен менструален циклус, ановулација и знаци на хиперандрогенизам. Болеста се нарекува и синдром на Штајн-Левентал. Точната причина за болеста сè уште не е утврдена. Нутриционистката Амела Ивковиќ О’Рајли на својот Инстаграм профил објасни како инсулинот влијае на нашите хормони и полицистични јајници.rnrnrnrnТаа вели дека инсулинот има директен ефект врз два многу важни хормони во женското тело наречени фоликуло-стимулирачки хормон и лутеинизирачки хормон. Овие помалку познати хормони се апсолутно неопходни за производство и на естроген и на прогестерон, други два хормони кои веројатно сте веќе слушнале дека тие играат најголема улога во регулирањето на женскиот репродуктивен систем. Едноставно кажано: без фоликуло-стимулирачкиот хормон и лутеинизирачкиот хормон не добивате естроген и прогестерон, што значи дека немате менструален циклус!rnrnТаа додава и дека фоликуло-стимулирачкиот хормон се ослободува од хипофизата рано во менструалниот циклус за да помогне во растот на фоликулите во јајниците. Кога едно јајце ќе стане „доминантно јајце“, тогаш лутеинизирачкиот хормон се ослободува за да помогне во понатамошниот раст на ова јајце кое на крајот се ослободува од неговиот фоликул во јајниците. Останатиот фоликул го стимулира производството на прогестерон со цел да се згусне обвивката на матката како подготовка за имплантација и бременост.rnrnВисокото ниво на инсулин може да ја смени прецизната рамнотежа на овие хормони. Премногу инсулин предизвикува хипофизата да ослободува повеќе лутеинизирачки хормон пропорционално на фоликуло-стимулирачки хормон. Премалку фоликуло-стимулирачки хормон значи дека фоликулите не можат да созреат соодветно и никогаш не се формира доминантно јајце. Наместо тоа, сè што се произведува е многу незрели фоликули кои на крајот можат да станат цисти на јајниците. Тоа е синдром на полицистични јајници.rnrnПрочитајте и како ќе реагира вашето тело ако почнете да одите боси почесто?

September 15, 2020
Спас во текот на менопаузата: 3 природни пијалаци што ја регулираат работата на хормоните

За време и по менопаузата, хормоните здивуваат и за да ги држат под контрола, жените обично посегнуваат по лекови. За да го избегнете тоа, обидете се со овие 3 целосно природни решенија. Ако ги пиете редовно, ќе ги регулирате сите хормонални промени што се појавуваат со текот на годините. Овие три пијалаци го регулираат лачењето на хормоните.rnrnrn

1. Топла вода со лимон

rnЛимонот влијае на хормонот лептин, кој, кога не е во рамнотежа, предизвикува формирање масните наслаги. Топлата вода со лимон ќе ги отстрани сите токсини од телото и ќе го подобри варењето на храната.rnrnНачин на подготовка: исцедете половина лимон во чаша топла вода и испијте ја наеднаш. Утрото ќе ви започне подобро со помош на овој пијалак.rn

2. Чај од листови од малина

rnЛистовите од малина се користат уште од античко време за зајакнување на мускулите на матката. Научните истражувања потврдуваат дека ова растение има корисен ефект врз работата на сите хормони.rnrnНачин на подготовка: Прелијте една лажица лисја од малина со 200 милилитри врела вода и оставете да отстои 10 минути. Не пијте го овој чај пред спиење, туку во текот на денот.rn

3. Млеко и куркума

rnОваа мешавина се нарекува и златно млеко и брзо ги враќа хормоните во рамнотежа, освежува и смирува, ја подобрува циркулацијата и има позитивен ефект врз целото тело. Најголем ефект има врз метаболизмот на естрогенот.rnrnНачин на подготовка: Додајте половина лажичка куркума и една лажичка кокосово масло во 200 милилитри жешко млеко. Можете да додадете и мед по желба. Овој пијалак е најдобро да го пиете во вечерните часови.rnrnПрочитајте што треба да направите за да ја спречите раната менопауза.

March 6, 2020
Постои причина зошто сте дополнително уморни за време на менструацијата

Кога се борите со грчевите, со крварењето и со сите други несакани ефекти од менструацијата, дефинитивно сакате да се чувствувате подобро што е можно поскоро. Ви треба многу енергија за да се справите со сите проблеми што доаѓаат во тој период. Но, за жал, тој период од месецот ја троши целата ваша енергија. Постои дури и здравствена причина зошто сте толку уморни за време на менструацијата.rnrnrnrnДесет дена пред да започне менструацијата, вашето тело се надева дека јајце-клетката ќе биде оплодена од сперматозоид и ќе почне да расте нов живот во матката. Кога јајце-клетката ќе остане неоплодена, хормоните што се потребни за време на бременоста сега веќе не се потребни и како резултат на тоа, нивното ниво одеднаш се намалува. Кога ќе се случи тоа, вашето тело поминува низ фаза на опаѓање на нивото на хормони од високо на нула, а оваа промена предизвикува и некои други промени во организмот кои го доведуваат вашето тело во состојба на замор. Нивото на хормоните почнува повторно да расте една недела по почетокот на менструацијата и врвот го достигнува за време на овулацијата (приближно две недели по почетокот на менструацијата). Колку што е повисоко нивото на вашите хормони, толку повеќе енергија имате.rnrnВо деновите кога се чувствувате како зомби, препорачливо е да вежбате, да се хидрирате, да јадете редовни и здрави оброци и да спиете најмалку 8 часа во текот на ноќта. Меѓутоа, ако ниту една од овие мерки не ви помогне, имајте на ум дека енергијата ќе ви се врати за неколку дена.rnrnСега е јасно зошто ви се менува нивото на енергија за време на вашиот менструален циклус. Но, што се случува со вашиот мозок за време на менструацијата?

November 5, 2019
Што се случува со вашето тело кога хормоните ќе ви подивеат?

Нашите хормони се одговорни за намалување на стресот, забрзување на метаболизмот, градење на мускулите и слични процеси. Нашите навики и начинот на живот имаат клучна улога при одржувањето на хормоналниот баланс, кој е многу важен за нашето здравје.rnrnrnrnДоколку не сте поборник на здравите навики, можете да платите голема цена, така што ќе го нарушите балансот на хормоните во вашето тело а тоа негативно ќе влијае на вашето здравје. И додека бараме решение за подивените хормони во различни апчиња, решението е всушност пред вашиот нос – во форма на здрави навики, здрава исхрана, честа физичка активност и добар сон.rnrnПостојат неколку знаци за нарушување на балансот на хормоните кои можете да ги забележите кај себе и да реагирате на време со цел да ги вратите во нормала.rn

1. Тешко ви е да се разбудите

rnДоколку ви е навистина тешко да станете од кревет од сабајле, тоа значи дека ритамот на производство и циркулација на вашите хормони се нарушил, па затоа се чувствувате тромаво и уморно. На пример, нивото на кортизолот во крвта треба да ви биде висок наутро, со цел да се разбуди вашиот мозок и да се подготви за денот. Доколку не можете да станете од кревет, тогаш можеби циркулацијата на кортизол ви е нарушена.rn

2. Губите енергија по оброкот

rnДоколку уживате во оброк обогатен со јаглехидрати, па потоа чувствувате умор и исцрпеност, тоа може да биде знак дека имате проблеми со инсулинот. Со цел вашето тело да може добро да функционира, по ручекот, вашето тело треба да произведе големо количество инсулин, која пак потоа полека се намалува во часовите по јадењето. Ако не сте во состојба да излачите доволна количина инсулин по јадењето, тоа може да значи дека имате нарушување на хормоните.rn

3. Постојано сте гладни

rnЛептинот е хормон кој ја регулира вашата ситост, а кога има нарушување во неговото производство, чувствувате постојано потреба за храна. Ако постојано сте гладни, особено за нешто слатко, тогаш нивото на лептин во вашата крв е многу низок. Кога јадете многу јаглехидрати, се лачи многу инсулин, што го блокира лептинот, па затоа и имате потреба да јадете повеќе што воопшто не е добро ниту за вашата линија ниту за вашето здравје.

September 9, 2019
Што се случува во телото додека пеете и зошто треба да го правите тоа почесто?

Пеењето без сомнеж успева да им го поправи расположението на луѓето, но истражувањата укажуваат дека тоа влијае и на многу други нешта. Голема е веројатноста да сакате да пеете без оглед на вашиот талент, а ние ќе ви ги откриеме научните причини зошто повеќето луѓе сакаат да пеат и ефектот на оваа навика на вашите тело.rnrnrnrnВо изминатите дваесет години бројни научници се обидувале да ги дефинираат психолошките, биолошките и бихевиоралните механизми што пеењето ги има на здравјето. Се тврди дека додека пееме во телото се одвиваат бројни промени.rn

„Додека пееме мораме да дишеме длабоко што доведува до засилување на протокот на крв во организмот и на тој начин се зголемува и делувањето на ендорфинот.“

rnСе смалува хормонот на стрес – кортизол, а се забележува разлика во нивото на ендорфинот што е поврзан со расположението. Пеењето е повеќенаменска здравствена активност затоа што содржи бројни компоненти. Помеѓу другото, пеењето претставува и емоционално изразување, а знаеме дека тоа е добро за менталното здравје.rnrnЗаедничкото пеење овозможува социјална интеракција која може да придонесе поединците да се чувствуваат помалку изолирано. Од друга страна пак, експертите тврдат дека и слушањето музика позитивно влијае на здравствената состојба. На луѓето кои посетуваат концерти без оглед на тоа за каков вид музика се работи (класична, рок, поп, рап), научниците им откриле слично намалување на нивото на стрес.rnrnМузиката, а посебно пеењето, се користи како терапија кај луѓето кои патат од деменција. Лекарите ја истакнуваат предноста на пеењето во група односно користа од пеењето за пациентите со хронични белодробни заболувања, од астма до карцином на белите дробови. Самиот чин на пеење го поттикнува организмот на лачење ендорфин – хормон кој се поврзува со чувството на задоволство.rnrnДодека пееме мораме да дишеме длабоко, што го зголемува протокот на крв во организмот, а лекарите велат дека тоа е слично на наплив на ендорфин што го чувствуваме кога се смееме или јадеме чоколадо.rnrnИстражувачите во претходно истражување откриле и дека на луѓето што пеат во група отчукувањата на срцето им се синхронизирани.rn

„Пеењето е облик на контролирано дишење затоа што се вдишува пред одредена фраза на музичка изведба, а помеѓу фразите се издишува. Тоа дава многу сличен ефект како и дишењето за време на јога. Тоа помага и да се опуштите, а постојат и знаци дека ја подобрува работата на срцето.“

rnЕдна студија покажала дека после 40-минутно групно пеење нивото на хормонот на стрес – кортизолот, паднал многу побрзо отколку во вообичаени околности.rnrnВо друга студија спроведена во Франкфурт се покажало дека пеењето го зголемува очекуваниот животен век затоа што го снижува нивото на кортизол. Истражувањето опфатило испитување на крвта на професионални членови на хорот пред и по изведбата на Моцартовата „Реквием“ на еден час. Исходот главно се состоел од ослободување на антитела од имуноглобинот А, непосредно после пробата што го забрзува имунолошкиот состав.rnrnНаучниците откриле и дека во организмот на луѓето што пеат во хор, во текот на изведбата, се произведува окситоцин кој го нарекуваат „хормон на љубов“. Тој се излачува за време на прегрнување. Заслужен е за зголемување на чувството на доверба и блискост. Ова би можело да го објасни фактот зошто луѓето што пеат во хоровите поинтензивно го доживуваат чувството на пријателство и заедништво.rnrnПеењето предизвикува и лачење допамин – чест невротрансмитер во мозокот. Од претходно е познато дека допаминот резултира со состојба на пријатно чувство како реакција на некои стимуланси, како што е консумирање храна. Неговото излачување се поврзува со засилување на емоциите и мотивацијата. Студија од 2017-та година покажала дека на пејачите кои пееле на доброволни неделни работилници им се поправило расположението и им се подигнало нивото за чувство на вредност и самодоверба.

July 19, 2019
4 хормони што ја регулираат тежината и го забрзуваат метаболизмот
Нашата телесна тежина најмногу е одредена од исхраната и количината на енергија која се внесува и троши, како и од физичката активност. Но, значајно влијание имаат и четири хормони кои се најчесто виновни кога личноста не може да ослаби дури и покрај сите напори. Кога ќе сфатите како функционираат и како можете да влијаете на нив, полесно ќе ви биде да дојдете до идеалната тежина.rnrnrn

1. Лептин

rnОвој хормон се синтетизира во масното ткиво, а неговите рецептори се наоѓаат во хипоталамусот, хипокампусот и мозочната кора. Лептинот на мозокот му испраќа сигнал за да го „изгаси“ апетитот и да го регулира складирањето на вишокот калории во масните клетки. Истовремено овој хормон ги заштитува останатите ткива во телото од токсичните маснотии кои се вишок.rnrnЗголеменото ниво на хормонот се поврзува со вишок на маснотии во телото и тој е одговорен за прејадување и често чувство на глад. До овој контрадикторен процес се доаѓа кога телото развива отпорност на лептин, најчесто за време на мутациите на рецепторите од овој хормон под влијание на генетски фактори или фактори од околината. Хроничното повишување на нивото на хормонот лептин доведува до дебелина, прејадување и воспаленија, а може да доведе и до хронични болести како хипертензија, метаболички синдром и срцеви заболувања.rnrnЗголеменото ниво на лептин се манифестира на следниве начини:rnrnПредизвикува умор, честа причина е за синдром на хроничен заморrnrnЛошо влијае на пациентите заболени од хепатитис Ц и заболените од синдромот на нервозни цреваrn
- Го поттикнува ослободувањето на цитокин кој предизвикува поголеми воспаленија на телото и одредени „нарушувања“ во мозокот
- Ги погодува крвните садови, коските, имуниот систем (влијае и на нивото на гликозата и метаболичките масти) и репродуктивниот систем
- Многу зголеменото ниво на лептин доведува до брз раст и ширење на воспаленија и канцерогени клетки
- Може да биде причина за зголемен број бели крвни зрнца
- Помага за подобар одговор на телото на стрес и ја снижува варијабилноста на срцевиот ритам
- Може да го намали, но и да го зголеми апетитот
rnЛептинот има свој воспоставен ритам на произведување и максимумот го достигнува околу полноќ. Најниското ниво на овој хормон е помеѓу 9 наутро и попладне, но сето тоа може да се промени во зависност од тоа кога јадете.rnrnШто го зголемува нивото на лептин?rnrnНивото на овој хормон расте после оброкот како реакција на инсулинот: колку повеќе јаглехидрати внесувате преку храната, толку повеќе масти се складираат во телото. Кога стресот е одговорен за нивото на лептинот може да дојде до целосно губење на апетитот (најчесто кај луѓе кои се во депресија).rnrnШто го снижува овој хормон?rnrnПост од барем 24 часа, физичка активност, недостаток на сон, алкохол, инсулин и зголеменото ниво на тестостерон го смалуваат неговото ниво.rn

2. Инсулин

rnОвој важен хормон има повеќе ефекти – го смалува апетитот, но може да го зголеми нивото на масни наслаги, ја регулира тежината и чувството на ситост. Проблемот со дебелината што е поврзан со него се јавува кога се развива отпорност на инсулин односно кога телото повеќе не добива сигнал од мозокот дека сте сити, па во тој случај инсулинот го зголемува чувството на глад наместо да го изгаси. Вие јадете, панкреасот го произведува инсулинот, но мозокот вели дека ви треба уште храна.rnrnВлијание на нивото на инсулин врз телото:rn
- Доставува гликоза до црниот дроб, мускулите и масните клетки
- Пренесува важни супстанци од крвта во масните клетки
- Го регулира излачувањето на масти од масните клетки
- Помага за спречување на губењето протеини од мускулите – ја зголемува нивната апсорпција и апсорпцијата на аминокиселини во мускулите
- Нискиот инсулин го стимулира црниот дроб да го претвори гликогенот во гликоза и да го излачи во крвта – поради тоа луѓето со ниско ниво на инсулин имаат високо ниво на гликоза.
- Го регулира произведувањето на гликоза од протеините
- Го снижува нивото на калиумот
- Ги опушта мускулите така што овозможува крвта да влезе во малите крвни садови, а ниското ниво на инсулин ја забавува циркулацијата поради тоа што ви е ладно
- Го регулира излачувањето на сол во бубрезите – затоа луѓето со низок инсулин патат од низок притисок
rnИако улогата на инсулинот пред сè е добра и го штити целото тело, тој „заштитнички“ ефект всушност го стимулира складирањето масти во клетките поради што потешко се слабее.rn

3. Невропептид Y

rnВо прашање е невротрансмитер кој се наоѓа во мозокот и во вегетативниот нервен систем. Го произведуваат мозочните клетки и невроните во симпатичниот нервен систем. Има неколку функции од кои најважни се зголемување на акумулацијата на маснотии и стимулирање на глад, но и ублажување на стрес, анксиозност, перцепција на болка, желбата за алкохол и го регулира биолошкиот ритам на телото.rnrnМеѓутоа, овој невропептид често е причина за дебелеење.rnrnВлијание на невропептид Y врз телото:rn
- Поттикнува создавање нови масни клетки и складирање маснотии во нив, најчесто во пределот на стомакот
- Ја ублажува анксиозноста и епилептичните напади
- Го влошува одговорот на телото на стрес и го зголемува произведувањето на кортизол
- Превисокото ниво може да го зголеми ризикот од рак
rnИстражувањата врз животни покажале дека константниот стрес и храната богата со гликоза го стимулираат производството на овој хормон. Исто така, кога го ограничувате внесувањето на калориите, неговото ниво се зголемува.rn

4. Кортизол

rnОвој хормон предизвикува здебелување. Но, кога ќе се погледне крвната слика на пациентите со вишок тежина, нивото на кортизолот е нормално. Тоа се случува затоа што зголеменото ниво се наоѓа во масното ткиво. Кортизолот го зголемува апетитот и консумирањето шеќери затоа што активира рецептори во хипоталамусот кои создаваат потреба за храна полна со маснотии и шеќери.rnrnВлијание на нивото на кортизол:rn
- Го зголемува лачењето на лептинот од масните клетки
- Го смалува производството на инсулин, го зголемува ризикот од инсулинска резистенција
- Го зголемува произведувањето на гликоза
- Ги оштетува мускулите
- Го нарушува имунитетот и го зголемува ризикот од рак
- Негативно влијае на коскеното ткиво и на колагенот
- Го стимулира мокрењето
- Поттикнува задржување на соли и со самото тоа крвниот притисок е зголемен
- Спречува апсорпција на калциум
- Го стимулира излачувањето на желудочна киселина
- Го забавува зарастувањето на раните
rnМоже да има и позитивни ефекти – ја ублажува хипогликемијата, ја подобрува циркулацијата и дотокот на крв до срцето.rnrnСега кога знаете кои хормони се одговорни за тежината, следете ги следниве правила:rn
- Одвреме-навреме проверете ги нивото на лептин, инсулин, невропептид Y и кортизолот
- Придржувајте се на правилна исхрана и вежбање, избегнувајте прејадување
- Спијте секој ден од 7-8 часа во целосен мрак
- Секојдневно работете на исфрлање на стресот низ физички или психолошки вежби
- Редовно контролирајте ја работата на жлездите и панкреасот
rnДополнителни прочитајте и за хормони што предизвикуваат дебелеење и како да го избегнете нивното негативно влијание.
July 4, 2019
7 начини на кои телото ви кажува дека сте несреќни

Среќата не е само состојба на умот и позитивен став кон животот. Таа е поврзана и со одредени хемиски процеси во телото. Односно, среќата зависи од хормоните што прават да се чувствуваме среќно и коишто имаат голема улога во нашето расположение и способноста да чувствуваме задоволство. Недостатокот од овие хормони може да предизвика незадоволство, па дури и депресија.rnrnrnrnВо продолжение погледнете ги знаците со кои телото ви кажува дека нивото на „среќни“ хормони во вашето тело е ниско.rn

1. Јадење слатки и чипс

rnДоколку вашето тело има желба за шеќер и скроб, можно е да имате ниско ниво на серотонин. Оваа храна го поттикнува лачењето на хормонот. Вашето расположение ќе се подобри и вие ќе sе чувствувате подобро. Но, ова ќе се случува само на краток период. Како резултат, нивото на хормонот уште толку ќе се намали, а вие повторно ќе чувствувате потреба од овие продукти.rn

2. Дебелеење

rnНедостатокот од допамин може да предизвика дебелеење. Покрај тоа што ве привлекуваат слатки и нездрава храна, голема е веројатноста да се прејадете. Причината е што се обидувате да го надополните недостатокот од хормони со храна. Како последица, може да се развие и зависност од храна.rn

3. Чувствителни гради

rnНедостатокот од уште еден хормон има влијание врз нашето расположение, а истовремено влијае и врз нашето здравје. Кога жените имаат ниско ниво на естроген, можно е да почувствуваат болка или зголемена чувствителност на градите. Ова се случува пред менструалниот циклус, но може да се појави и во текот на другите денови во месецот.rn

4. Ниско ниво на емпатија

rnИстражувањата нашле поврзаност помеѓу емпатијата и окситоцинот. Хормонот на љубовта има влијание врз нашето расположение како и другите. Доколку забележите дека ви е тешко да се сочувствувате со другите или имате проблем со препознавање изрази на лицето, тогаш можно е да имате недостаток од окситоцин во телото.rn

5. Главоболка

rnГлавоболките настануваат поради недостаток од прогестерон, уште еден хормон што може да ви го подобри расположението. Оваа болка може да се манифестира и како мигрена. Овој хормон е важен во текот на бременоста, па симптомите на низок прогестерон кај бремените жени може да се разликуваат и би требало да се контролираат.rn

6. Несоница

rnНесоницата е еден од знаците за ниско ниво на серотонин. Се манифестира како проблеми во спиењето и предизвикува промени во расположението. Луѓето кои искусуваат постојан стрес и депресија и кои најчесто седат се склони на оваа болест.rn

7. Тресење

rnТресењето или треморите можат да настанат поради недостаток од допамин. Овие ненамерни движења на телото се предизвикани од контракции на мускулите. Најчесто се случуваат на рацете. Истовремено, ова може да биде симптом и за невролошка болест.rnrnПогледнете ги и знаците кои покажуваат дека вашите хормони не функционираат како што треба.

May 22, 2019
9 нешта што можат да предизвикаат хормонална нерамнотежа

Иако тироидната жлезда е мала, таа контролира многу процеси во нашето тело. Кога не функционира правилно, може да произведе повеќе или помалку од потребните хормони. И во двата случаи, луѓето можат да забележат непријатни промени – променлива тежина, променливо расположение, проблеми со кожата, па дури и рак на дојката. Па, погледнете кои се лошите навики што можат да имаат влијание врз тироидната жлезда.rn

1. Изложени сте на премногу стрес

rnrnrnСтресот има влијание врз сите наши системи, вклучувајќи го и ендокриниот. Доколку постојано сте напнати, тироидната жлезда почнува да лачи повеќе или помалку хормони. Доколку веќе сте имале проблеми со оваа жлезда, стресот може да води до паничен напад или долготрајно губење на меморијата. Недостатокот од спиење и стресното работно место се исто ризични фактори.rnrnБрзиот животен стил може постојано да ве прави нервозни. Па за да го намалите ризикот, спијте доволно, пешачете и вежбајте. Во некои случаи најдобро е да одите и на психијатар, којшто ќе ви помогне да се справите со стресните ситуации.rn

2. Не консумирате доволно масти

rnrnrnКога почнувате да држите диета, треба да знаете кои продукти треба да престанете да ги јадете. Диетата со малку масти ќе ви помогне да ослабите, но многу луѓе престануваат да ги консумираат и лошите и добрите масти. Добрите масти се особено важни за мозокот и тироидната жлезда и можете да ги најдете во маслиновото масло, јајцата, млечните производи, месото и рибата. Подобро е да не се откажувате од овие продукти.rn

3. Јадете премногу продукти од соја

rnrnrnСојата содржи многу микроелементи, витамини и може да ги замени продуктите од животинско потекло. Но не е препорачливо да консумирате премногу продукти од соја, бидејќи го забавуваат работењето на тироидната жлезда. Кога консумирате премногу соја, тироидната жлезда апсорбира помалку јод, кој е важен за нејзината правилна работа.rnrnЗа да го избегнете проблемот, намалете го количеството на продукти од соја и јадете повеќе храна со јод како зеленчук, бобинки, овошје и морски плодови.rn

4. Јадете премногу зелјест зеленчук

rnrnrnНаучниците од Универзитетот во Орегон откриле дека сировиот зелјест зеленчук има влијание врз работата на тироидната жлезда. Не се препорачува да јадете многу зелка, репа и ротквици, особено ако имате недостаток од јод. Подобро е да одберете зеленчук како цвекло, домати и целер.rn

5. Пушење

rnrnrnРазни истражувања покажале дека пушењето е штетно и за тироидната жлезда. Тутунот полека ја поттикнува жлездата да лачи повеќе и повеќе хормони, предизвикувајќи хипертиоридизам. Покрај тоа, чадот од цигарите содржи токсини за кои се потребни 6 дена за да излезат од телото. Во овие денови, нивото на јод во тироидната жлезда се намалува.rn

6. Консумирате премногу продукти со кофеин

rnrnrnСосема е во ред да го започнете денот со шолја кафе, но не би требало да го пиете пречесто. Кафето и некои видови чај содржат кофеин кој го зголемува нивото на кортизол во телото. Овој стрес хормон има влијание врз тироидната жлезда и го влошува метаболизмот. Научниците сè уште дискутираат за безбедното количество кафе, кое варира од 2 до 6 шолји дневно. Имајте на ум дека и продуктите како чоколадо, Кока-кола и енергетски пијалаци содржат кофеин.rn

7. Јадете храна со висок гликемиски индекс

rnrnrnГликемискиот индекс ги претставува јаглехидратите во храната според нивното влијание на шеќерот во крвта. Високиот гликемиски индекс значи дека процесот на разградување е премногу брз. Овде спаѓа храната како слатки, печива, тестенини и бел ориз. Оваа храна има големо количество јаглехидрати кои влијаат на апсорпцијата на јод. Па добро е да намалите со овие продукти.rn

8. Консумирате путер и маргарин

rnrnrnЛуѓето кои сакаат путер би требало да бидат внимателни, бидејќи оваа храна има многу холестерол. Холестеролот ја нарушува рамнотежата на липидите и работата на тироидната жлезда. Сепак, не се препорачува да престанете да јадете храна со животински масти, бидејќи и путерот содржи корисни материи. Маргаринот, од друга страна, е најдобро да го избегнувате бидејќи е направен од трансмасти кои го оштетуваат ендокриниот и кардиоваскуларниот систем и водат до дебелеење.rn

9. Злоупотреба на алкохол

rnrnrnАлкохолот може да го зголеми и намали лачењето на панкреасот. И двата случаи имаат влијание врз телото – жените се соочуваат со проблеми со менструацијата, а мажите имаат намалено либидо. Проблемите со тироидната жлезда исто така имаат негативно влијание на вегетативниот нервен систем и можат да предизвикаат тахикардија, проблеми со дигестивниот систем, променливо расположение и други непријатни проблеми. Доколку тироидната жлезда не функционира како што треба и лачи повеќе хормони, влијанието на алкохолот врз телото се зголемува.rnrnПогледнете и кои се знаците кои укажуваат на хормонална нерамнотежа.

April 9, 2019