rn
„Реките не ја пијат својата вода, дрвјата не ги јадат своите плодови, облаците не го голтаат својот дожд, сè што е големо, секогаш е во корист на другите.“
rn
Велат дека една слика вреди илјада зборови. Оваа изрека дефинитивно го опишува влијанието кое го имаат фотографиите на фотографката Бет Мун од Сан Франциско. Таа цели 14 години патувала низ светот и овековечувала во прекрасни фотографии стари и ретки дрвја. Со својот фотоапарат, Бет Мун успеала да ја долови нивната убавина и уникатност во секоја смисла на зборот. Овие дрвја се наоѓаат претежно далеку од цивилизацијата и голем дел од нив преживеале токму поради тоа, како што кажува Бет. Иако многу други веројатно не ги ни забележале, Бет смета дека токму преку нејзините фотографии ќе успее да допре до многу луѓе и нивната свест со цел да се најде подобар начин за живеење во склад со природата, бидејќи според неа, дрвјата се најстарите и најголемите споменици на Земјата.rnrnrnrn
Застанете за миг и погледнете ја транзицијата од летото кон есента која во моментов се случува околу вас. Лисјата полека ја губат својата зелена боја и почнуваат да ги откриваат другите бои кои „ги кријат“ во себе. Доколку го пропуштиме моментот, наеднаш ќе се најдеме опколени со оголени дрвја и дебели земни покривки од кафени, портокалови, жолти и црвени лисја. Вистинско шаренило произведено од природата. Следните фотографии прикажуваат исти пејзажи фотографирани пред и по настапувањето на есента. Промената е волшебна и восхитувачка. Се согласувате?rnrn
rnrn
Природата знае да биде неверојатно убава, но постојат нејзини креации кои се едноставно магични. Зарем не би сакал секој да прошета по патека опколена со дрвја кои креираат покривка од гранки кон небото во пролетна или летна ноќ? Или пак да мине низ цветна алеја која со природните мириси има моќ да ги разбуди сите наши сетила?rnrn
Мозокот ми се буди од зимски сон. Сакам да си ја спакувам росата од тревата и цветовите за да си ја имам преку целата година. И оној мирис на свежо косена трева, или на расцветаните гранки на дрвјата. Пролет да си спакувам во мало кутиче. А мирисот на пролетта делува на тебе како наркотично средство. Колку повеќе и подлабоко го вдишуваш, толку си послободен, помоќен, посреќен. Доза позитива ти струи низ вените и ти се чини дека во моментот можеш да полеташ. Дека сè што е труло ќе се опорави, ќе се исправи, ќе расцвета.rnrnrnrnШтета што некои работи ги потценуваме.rnrnКако читањето добра книга на балкон. Жешкото кафе во рака со силен мирис кој ти го здрмува мозокот. Или чаша црвено вино додека читаш поезија навечер… Ама најголемата радост е сепак, можноста слободно да го отвориш прозорецот без страв од мрзнење. Го отвораш за да те погали сонцето.rnrnДа ја искористиме пролетта за да ни се разбуди инспирацијата како никогаш порано. Ги креваме чашите и наздравуваме за добрите а и за лошите времиња, за новата брилијантна идеја која се раѓа во овој момент, за возбудата што ја чувствуваме итајќи кон нашите соништа. Наздравуваме за она пријатно чувство на скокоткање во вените од возбуда. За саксиите со цвеќе кои ги извадивме по балконите на виделина сонцето да ги гали. Секое утро нов почеток, секоја пролет преродба. Наздравуваме за оние кои ги сакаме најмногу, за нашите најблиски, за нашите поддржувачи и „хејтери“, за нашите радости и предизвици. Наздравуваме за креативците, за оние кои си го живеат животот по свои правила. За чудните, несфатените, различните.rnrnОваа пролет одбирам да го вдишувам мирисот на расцветаните гранки наместо отровните медиумски информации, да апсорбирам од мирисот на свежо косена трева наместо од изборни кампањи, самата себе да си поставам предизвик и да видам што ќе биде. На крајот на краиштата сè во животот се менува, освен пролетта.rnrnТаа секогаш е најубава.rnrnЗатоа нозете во вис, пуштете си добра музика и скројте си по некој план, зацртајте си некаква цел.rnrnОти има една тајна.rnrnПролетниот воздух е магичен.rnrnДа се чудиш какви сè нешта ти стануваат достижни.rnrnЕлиrnrn rnrn
Оваа необична куќа се наоѓа во близина на градот Јонаго, Јапонија и на прв поглед изгледа како да е расфрлана без план низ шумата. Но, сепак постои многу добра причина за нејзиниот изглед. Наместо да ја уништува природата и да го менува пределот, архитектот Кеиске Кавагучи од студиото K2 Design решил да го создаде овој модерен дом кој е во целосна хармонија со дрвјата.rnrn rnrnЕнтериерот е поврзан преку кратки и мали ходници, додека пак дневниот простор е сместен на вториот кат за да може да се овозможи најголема удобност во текот на сите сезони. Станарите на овој начин ја избегнуваат влажноста и топлината која се подигнува од земјата во текот на летото, но истовремено им е топло и за време на зимата кога надвор има и до 2 метра снег.rnrn
rnrn
Концептот шатор на дрво е резултат од 3-годишен труд придружен со голем број истражувања. Тимот кој работел на проектот имал идеја да развие ефикасна структура од издржливи материјали. По макотрпната работа, резултатот бил шатор кој е подготвен за кое било време од годината, а може да биде користен за различни активности, како одмарање, истражување, заштита или пак, за едукација.
Шаторот е лесен и водоотпорен, составен е од 100% памучно платно и може да ви пружи удобно засолниште, додека пак тркалезната структура хармонично се вклопува во дрвјата. Со својата големина од 3 метри во дијаметар, има доволно простор за удобно сместување на двајца возрасни. Ова експертски изработено ремек-дело ќе ве чини 13.000 долари.
rnrn
Дизајнирана и изградена од страна на фирмата за архитектура и дизајн „FARM“, оваа прекрасна куќа изгледа како мала оаза во центарот на џунгла од цемент. Се наоѓа во урбаниот град Сингапур, но целосно е опкружена со дрвја и зеленило. Дизајнот бил инспириран од филозофијата на класичните кинески градини.rnrn
rnrnНа имотот се наоѓаат две градби, еден блок на два ката со дневна и спална соба, како и еднокатен блок во кој се сместени просториите за забава. Двата дела се споени преку простран централен двор. Погледнете ги наредниве фотографии од овој мал зелен рај…rnrn
rnrn rnrn
Во Националната ботаничка градина на Австралија во Камбера, компанијата за урбанистички дизајн „Taylor Cullity Lethlean“ поставила фантастично игралиште за деца. 
Инспирирани од стоте шуми со садници од најретките и најзагрозените видови дрвја во светот кои ги има во градината, игралиштето е дизајнирано за да можат децата креативно да се поврзат со убавината на дрвјата и со извонредната околина која ги опкружува. Игралиштето е составено од голем број елементи во кои секое дете може да ужива, како калеидоскопи, ветерни ѕвона, музички инструменти кои емитираат дожд, лизгалки, шипки за лизгање, тунели од мрежа, ѕидови за искачување и слично.
rnrn
Кога розовите цветови на црешовите и другите дрвја ќе почнат да ја преплавуваат Јапонија во раната пролет, започнува Ханами, древен јапонски обичај на уживање во нивната убавина. Тогаш Јапонците се собираат во парковите засадени со цреши и прават забави под големите крошни.
Оние кои сакаат да уживаат на најубавите места во парковите мораат уште од рано наутро да се појават под крошните кои личат на розово-бели облачиња, затоа што доцнењето може да значи дека нема да има каде да седнат. Штом најдат убаво место, можат да се распостелат и да започнат со целодневниот пикник кој може да продолжи до доцна во ноќта.
rnrn