Со богата култура, многубројни историски знаменитости и зачудувачка архитектура, Виена претставува исклучително наследство на познати музичари, уметници, поети и архитекти. Поставен благодатно на источните брегови на реката Дунав, главниот град на Австрија е полн со блескави палати, барокни замоци и збирка од музеи и споменици што треба да се истражуваат. Без разлика дали барате места за посета во еден или пак во повеќе денови, овој елегантен град нуди голем избор на туристички атракции.rnrn
rnrnЗатоа, ослободете си малку време и погледнете ја оваа листа на места кои вредат да се посетат при вашето следното патување во Виена.rn
Палатата Шенбрун
rnОгромната палата Шенбрун каква што ја гледаме денес, е изградена во средината на 1700-тите години – дизајнирана во барокен стил со симетрична главна зграда која има стотици прозорци и статуи на покривот. Ова место претходно било во сопственост на моќен римски император, кој го користел како ловиште, за подоцна да стане главна летна резиденција на Хабсбуршките владетели. Денес палатата опстојува како музеј и е една од најпопуларните атракции во Виена, ако не и во цела Австрија. Исто така, таа е заштитена од УНЕСКО како светско културно наследство. Огромната палата има повеќе од 1.400 соби во кои посетителите можат да ги разгледаат бујните ентериери на кралските одаи. Прекрасните градини се слободни за истражување, накитени со формални цветни леи, скулптури, римски урнатини, лавиринти, како и фонтаната Нептун и видиковецот Глориете.rnrn
rnrn
rnrn
rn
Катедралата Свети Стефан
rnКатедралата Свети Стефан е едно од најпрепознатливите обележја во Виена. Импресивната готска црква датира од 1300-тите години и забележала многу промени низ годините. Највисоката кула достигнува висина од 136 метри. Разнобојниот покрив со мозаик од двоглав орел е впечатлива и симболична карактеристика за Хабсбуршката империја. Внатре има неколку капели посветени на различни светци, статуи, религиозна уметност и впечатлива готска говорница. Со искачување на 343 скалила кои водат до еден од врвовите на кулата, може да се ужива во прекрасниот поглед на градот. Интересни се и многуте музички настани кои се случуваат токму овде. При посета на јужната кула потребна е голема внимателност бидејќи за брзо време таа станува преполна, а скалите се прилично тесни.rnrn
rnrn
rnrn
rn
Паркот Пратер
rnПратер е голем јавен парк во Леополдштат – една од најпознатите населби во Виена. Полн со зеленило низ целата главна патека, паркот е одлично место за уживање во природата и релаксирање на отворено. Во склоп на ова место има и забавен парк кој е еден од најстарите забавни паркови во целиот свет. Паркот има и планетариум, музеј, продавници, ресторани и разни други атракции. Посетата на паркот не се наплаќа, па можете слободно да уживате во неговите убавини. Приемот во забавниот парк е исто така бесплатен – посетителите единствено плаќаат за возењата кои што сакаат да ги искусат. Највозбудлив туристички симбол на градот е Пратеровото панорамско тркало кое што овозможува прекрасен поглед на целиот град уште од 1896 година. Во овој огромен парк има место за најразлични активности – од простор за јавање коњи, до пливање во базен на стадионот, возење велосипед, играње тенис, фудбал…rnrn
rnrn
rnrn
rnrnПродолжува на следната страница…rnrn
rnrn
rnrn
rnrnДоколку и вие го обожавате овој европски град, сигурно ќе сакате да појдете 
rnrnВистинските Виенчани се воздржани, културни и конзервативни луѓе, па препорачливо е да не се флертува со секоја дама, ниту пак да се започнува разговор со мажите во костуми. Во Виена само туристите носат хеланки, шорцеви и патики. Тука, кафето и утринските весници се дневен ритуал, a водата не се купува, туку се пие од чешма. Доколку сакате да го користите градскиот превоз, тогаш добро би било ако платите за билет, бидејќи виенските контролори се немилосрдни.rn
rnrnПрво правило е дека не треба да се фрла паричка во секоја фонтана. Исто така, не треба да се чека ред за Колосеумот, бидејќи се влегува со истата карта која се купува на влезот на Форумот или во Музејот. Влезот во Ватикан е бесплатен во последната недела од месецот, а Пантеон е секогаш џабе. На улиците треба да се избегнуваат средбите со „трговците“ кои нудат по некој ситен подарок, а потоа трчаат по вас за да им дадете пари.rn
rnrnКатедралата Саграда фамилија навистина вреди да се посети. Колку и да е гладен, туристот не треба да јаде на Ла Рамбла, туку во Готскиот кварт. Локалното население добро го владее англискиот јазик, така што ќе можете да очекувате помош за насоки во секое време. Во Барселона, иако шаренилото, разиграноста и разнобојноста се присутни насекаде, сепак не треба да се очекува фламенко и весела, распеана атмосфера, бидејќи Каталонија не е Шпанија.rn
rnrnВо Париз е невозможно да се види сѐ, а максимумот може да се постигне само со прецизно планирање и користење на метрото. Париз е скап град, па доколку сакате да заштедите тогаш треба да избегнувате да јадете на познатите авении или на Монмартр. Најдобрата и најевтината алтернатива се рестораните на железничките станици, кои се вистински уметнички дела. Да се чека ред за Ајфеловата кула е „фрлен“ ден, а доколку навистина сакате да се искачите, тогаш поминете ги 328-те скали до првото ниво, бидејќи погледот е прекрасен и оттука, а надолу можете да слезете со лифт. Мудрите туристи не влегуваат во големите продавници и шопинг центри, колку и да се привлечни, бидејќи тука се губат минимум 3 часа. Елисејските полиња најдобро е само да се поминат, бидејќи постојат само за Американците.rn
rnrnБез размислување треба да се доплати за хотел во центарот. Не е пожелно да се оди на шопинг на Венцеславскиот плоштад, бидејќи може да се најдат идентични работи во околните места кои се многу поевтини. Не мора да пиете кафе во Старбакс или да јадете брза храна, бидејќи чешките ресторани имаат многу достапни и разумни цени на своите деликатеси. Доколку сакате да го посетите Карловиот мост, тогаш тоа треба да го строите наутро или во квечерините. Не треба да се нервира гардата на Дворецот Храдчани, бидејќи имаат силен темперамент и брзо го губат трпението. Во Прага секогаш треба со себе да понесете јакна, во кое било годишно време.
rnrnПозната низ историјата како Сиси, прекар којшто го добила уште во детството, оваа мистериозна и необична жена всушност растела како многу весело и живо девојче на имотот на нејзиното големо семејство во дворецот Посенхофен, Баварија. Идилата на прекрасниот имот каде Сиси уживала да ги поминува деновите во долги прошетки и јавање коњи за жал брзо завршила поради амбициите на нејзините мајка и тетка.rnrnПринцезата Софи од Баварија, мајката на тогаш 23-годишниот император Франц Јозеф, сакајќи да ги задржи богатството и моќта во семејството склучила договор со нејзината сестра да ја омажи Хелена, постарата сестра на Елизабет, за нејзиниот син.rnrnНо нивниот план морал да се промени кога Франц Јозеф за првпат ја видел Сиси и воедно за првпат се спротивставил на желбите на неговата мајка, ја сакал убавата 15-годишна девојка за жена и решително уште утредента ја објавил венчавката. Така, веселото девојче морало да го заборави својот безгрижен живот и преку ноќ да се прилагоди на строгите правила и да научи да живее како императорката на Австрија.rnrn
rnrnСекако, едно од најважните очекувања за младата девојка било да роди машки наследник за монархијата, нешто што се подразбирало без разлика на нејзината возраст. Една од многуте трауми кои нејзината тетка, сега веќе свекрва, ù ги нанела било одземањето на нејзината прва ќерка Софи – секако крстена без прашање на Елизабет, а истото се случило и по раѓањето на втората ќерка.rnrnБезгласна и немоќна, затворена во ѕидините на огромните дворци, Сиси се повлекла длабоко во себе, станувајќи со текот на времето депресивна и меланхолична. Овие емоции и длабоки рани ќе ја следат во текот на нејзиниот цел живот, предизвикувајќи да страда од многу нарушено здравје.rnrnИако Франц Јозеф имал длабоки чувства спрема својата жена, обврските и влијанието на неговата мајка оневозможиле да си создадат добар брак, па на тој начин Сиси останала целосно сама и никогаш вистински не го засакала.rnrn
rnrnНемајќи можност правилно да се развива како личност уште од многу рана возраст, Елизабет со текот на времето целосно се преориентирала кон она што сметала дека е нејзин единствен квалитет – убавината. Била позната како најубавата владетелка во светот и постојано добивала внимание од јавноста поради нејзиниот изглед. Сакајќи што подолго да ја задржи својата убавина се придржувала до бизарни, секојдневни ритуали.rnrnБила опседната со својата тежина, многу малку јадела и постојано вежбала и пешачела. Единствената страст која ја задржала од детството била јавањето, голема љубов, но и начин да се одржува во форма. Нејзината половина била необично тенка и тоа поради ужасно тесните корсети кои постојано ги носела, а биле правени по нарачка за неа во Франција.rnrnСиси имала многу долга коса, за која се грижел нејзиниот личен стилист и ја негувала со есенција од јајца и коњак. Во деновите кога нејзината коса ја миеле и чешлале, сите други активности на Елизабет биле откажувани.rnrnСите овие необични ритуали створиле еден култ за нејзината убавина и уште повеќе привлекувале внимание кон имиџот на мистериозната жена. После 32-та година, Елизабет не дозволувала никој повеќе да слика нејзини портрети, сакала да ја задржи сликата на вечно убава и млада жена. Сиси зборувала повеќе јазици и била навистина плодна поетеса, но сите нејзини песни биле проткаени со доза иронија и сарказам упатени кон членовите на Хабсбуршкото семејство.rnrn
rnrnНа крајот, покрај сите закани од семејството дека доколку не роди машки наследник ќе биде протерана од Австрија, Елизабет го родила нејзиниот син Рудолф, но нејзината животна приказна била обоена со уште една трагедија, принцот починал на млада возраст и Сиси оттогаш целосно се повлекла од јавниот живот. Така настанала вечната слика за дамата во црно.rnrnОна што мора да биде споменато во врска со животот на Сиси е фактот дека иако имала ограничена, поточно никаква политичка сила, сепак имала огромно влијание врз создавањето на Австро-Унгарија. Била необично поврзана за Унгарците и постојано настојувала Франц Јозеф да ја земе земјата под закрила. На крај искористувајќи ја неговата љубов спрема неа, ја исполнила нејзината единствена мисија. Токму поради ова нејзино влијание, Сиси станала една од најобожуваните владетелки на нејзиното време.rnrn rnrn
rnrnНа многубројните обожаватели на кафето, кога патуваат не им е потребна карта на светот, толку колку што им е потребен водич за конзумирање кафе. Сите ние имаме свои ритуали и начини на конзумирање на кафето. Би биле изненадени на колку различни начини тоа се прави во светот. Сите 
rnrn
rnrn
rnrn
rnrn
rn
rn
rn
rn
rn
rn
rn
rn
rn
rn
rn
rn
rn
rnrnКако што можеме да заклучиме, кафето е вистинска магија, разни вкусови, мешавини и додатоци симболизираат различни традиции ширум целиот свет. Затоа каде и да одите не заборавајте да пробате традиционално кафе и да го збогатите вашето животно искуство за уште една шолја.
rnrn
Кафето во Виена е повеќе од обично кафе со млеко на кое сме навикнати. Во Виена постојат повеќе видови кафиња кои треба да се знаат. Прочитајте повеќе за најразличните кафиња и одберете какво ќе си нарачате кога ќе се најдете таму.rnrn
rn
Оркестарот е основан 1988 година во Виена и брои 11 членови чии професии се најразлични – од професионални музичари до архитекти, поети и дизајнери – сите ентузијасти и луѓе кои вистински ја сакаат музиката.
Настапуваат секаде низ светот во Америка, Англија, Франција, Германија, Австрија, Шпанија, Русија.rnПогледнете го клипот кој покажува како ги подготвуваат зеленчуците за настап и слушнете како живо и свежо звучи нивната музика.