КАФЕ ПАУЗА

Tag: турско кафе

Како правилно да подготвите вистинско домашно кафе со полн вкус?

Луѓето денес се чини дека прават сè механички. Скокаме по првиот аларм на телефонот, се упатуваме кон тоалетот, полниме малку вода за кафе, а патем ставаме залак во устата, се облекуваме, пиеме брзо кафе и започнува новиот ден.rnrnКолку правиме сè механички и премногу брзо, може да се покаже со фактот дека нашето кафе е секогаш различно. Можеби тоа се должи на брзината и рутината, но има неколку феноменални трикови што ги заборавивме, а можеби некој и не ги знае.rnrnСледете ги неверојатните трикови при подготвување домашно, свежо мелено кафе што ќе му дадат совршено полн вкус на вашиот омилен топол напиток!rnrnrn

Изборот на кафе е најзначаен

rnЗа да добиете супериорен вкус, арома и густина, треба да изберете квалитетно свежо мелено кафе. Не секое кафе е исто. Тие не се ни слични! Доброто свежо кафе ќе го препознаете по густата пена, што е знак дека кафето е со одличен квалитет и тоа е еден вид гаранција дека кафето во вашата шолја е апсолутно совршено. Дали знаевте дека токму пената ја зачувува аромата и вкусот на кафето и го одржува кафето подолго време топло?rn

Правилен процес на подготвување

rnОваа информација веројатно ќе ве изненади – дали знаевте дека водата за подготовка на кафе не треба да зоврие? Треба да се загрее, но треба и да се отстрани од ринглата пред вриење. Потоа додајте го кафето во водата.rnrnrn

Колкава количина на кафе е доволна за една шолја напиток?

rnЗа секоја шолја оптимално е да се стави една богата лажичка свежо мелено кафе. Бидејќи денес пиеме кафе претежно од големи шолји, треба да се стават барем две. Се разбира, можете да ја прилагодите количината на кафе по ваш вкус, во зависност од тоа дали преферирате послаб или посилен вкус на кафе.rn

Варење на кафето

rnКога ќе додадете кафе, промешајте добро и вратете го на ринглата за да го доварите и тоа да достигне до врвот на ѓезвето. Тргнете го ѓезвето на страна и почекајте да се спушти пената, тогаш кафето е подготвено за сервирање. Кафето секогаш треба да се сервира во просторијата каде што се пие, а откако ќе го ставите во шолјата, оставете го малку да се „смири“ – тоа е за да се процесира извлекувањето на аромата од ситно мелените зрна во шолјата.rn

Најголема грешка

rnПовеќето луѓе претеруваат при варењето на кафето, а токму тоа е она што најмногу го уништува вкусот и пената на кафето. Исто така, грешка е да го засладите кафето откако е веќе сварено, бидејќи тогаш треба повторно да се промеша и талогот повторно се раздвижува. Ако сакате слатко кафе, додајте го шеќерот во ѓезвето на почетокот, кога водата е сè уште ладна.rnrnСега кога ги знаете најдобрите трикови, побрзајте да подготвите шолја свежо мелено кафе и уживајте во совршената полнота од арома и вкус на најубавиот напиток за расонување!rnrnЗатоа што сте љубител на црното кафе ви предлагаме да откриете кои се 4-те причини зошто би требало да продолжите да го пиете.

November 27, 2019
Додајте ја оваа состојка во вашето турско кафе и подгответе се да бидете воодушевени!
Само една состојка може засекогаш да го промени вкусот на вашето кафе

rnrn

Потребни состојки:

rn
- 100 грама мелено турско кафе
- 2 стапчиња ванила
rn

Начин на подготовка:

rnСтавете го неподготвеното кафе во чиста и сува тегла. Преполовете ги стапчињата ванила, а потоа исечете ги по должина и ставете ги во кафето. Затворете ја теглата и оставете да отстои недела дена. Потоа подгответе го кафето на вообичаениот начин и подгответе се да бидете воодушевени од вкусот!rnrnДознајте и како правилно да направите турско кафе по стар рецепт.
June 2, 2019
Како правилно да направите турско кафе по стар рецепт?
Има нешто посебно кај турското кафе. Иако можеби сè поретко се наоѓа во кафетериите, воглавно сите го пијат дома. Доколку сакате да го пиете турското кафе како луѓето во минатото, следете ги овие совети.rnrnrnrnПред сè, за добро турско кафе потребна ви е квалитетна мешавина, па немојте да штедите на тоа. Покрај тоа, малкумина знаат дека водата не треба да зоврие. Во ѓезвето се загрева водата до пред вриење, па се тргнува од ринглата.rnrnДел од водата се трга со филџан, а во останатиот дел се додава кафе (по една полна лажичка за секоја шолја).rnrnСе промешува за да нема грутки, па ѓезвето се враќа на оган. Кога кафето ќе нарасне, повторно се трга од оган и се додава водата што ја истуривте на почетокот. Ѓезвето повторно се враќа на оган и се остава да зоврие.rnrnТргнете го ѓезвето од оган, почекајте неколку секунди и додајте лажичка студена вода. Тогаш кафето е подготвено за служење.rnrnОва се некои од најчестите грешки што ги правите додека подготвувате кафе:rn
- Пречестото мешање го убива вкусот.
- Доколку кафето се подигне неколку пати, се уништува пената и се губи вкусот.
- Мешањето на свареното кафе ќе го измени неговиот вкус.
- Доколку пиете благо кафе, најдобро е да го додадете шеќерот во водата додека е ладна. Односно, пред да го ставите и сварите кафето.
rnПогледнете и како да го направите утринското кафе поздраво.
February 9, 2019
Турско кафе со лешник и морско оревче
Освежете го вашето омилено кафе

rnrn

Потребни состојки:

rn
- 1-2 лажички турско кафе
- 230-300 милилитри изворска вода
- 1 лажичка кокосов шеќер
- 1 лажица ликер со вкус на лешник
- Прстофат морско оревче во прав
- 1 лажица екстракт од ванила (по вкус)
rn

Начин на подготовка:

rnСипете ја водата во ѓезве, додајте го турското кафе и шеќерот (ако одлучите да ставите екстракт од ванила, додајте го и него) и оставете ги сите состојки да потонат до дното. Потоа добро измешајте, сè додека не се стопат. Варете на тивок оган, сè додека не почне да врие. Кога ќе забележите пена на врвот, додајте го ликерот. Повторно почекајте да почне да врие и потоа веднаш тргнете го од оган и сипете го во шолји. За крај, додајте го морското оревче во прав.
October 7, 2016
Турско кафе зачинето со кардамом
Освежете го вашето омилено кафе со кардамом

rnrn

Потребни состојки:

rn
- 230 милилитри вода
- 1 лажица турско кафе
- 1/8 лажица кардамом
- Шеќер (по избор)
rn

Начин на подготовка:

rnСипете ја водата и шеќерот во ѓезве и почекајте да зовријат, па тргнете ги од оган и додајте го кафето и кардамомот. Вратете го ѓезвето на оган и повторно почекајте да зоврие. Откако кафето ќе почне да пени, тргнете го настрана и почекајте неколку секунди да се смири. Потоа сипете го во шолја и дозволете му да отстои неколку минути за талогот да се спушти на дното.
June 3, 2016
8 интересни статистички факти за кафето
Кафето крие бројни мистерии, а некои луѓе толку многу го обожаваат што попрво би се откажале цел месец од својот мобилен телефон отколку да се откажат од него. Многумина едноставно не можат да си го замислат денот без кафе. Тоа помага при издржливост, штити од камења во жолчката, го подобрува помнењето и го намалува ризикот од Алцхајмерова болест. Токму поради тоа понекогаш кафето има моќ да ја преземе „контролата“ над животот, а за тоа сведочат и следниве неколку необични факти…rnrnrn
- Скоро 55% од љубителите на кафето попрво би се здебелиле 4,5 килограми отколку да се одречат од својот омилен пијалак. Од друга страна пак, 49% од нив би се откажале и од мобилниот телефон само за да можат да продолжат да пијат кафе.
- Околу 42% од луѓето тврдат дека кафето им овозможува поголемо задоволство од сексот.
- Скоро 59% од кафеџиите сметаат дека оние кои пијат кафе се посекси од оние кои не пијат.
- Околу 44% од луѓето тврдат дека денот им започнува откако ќе го испијат првото кафе.
- Во Америка секој ден се пијат по 400 милиони кафиња. Америка е водечка земја по бројот на испиени кафиња, каде што се верува дека во текот на годината се пијат и до 146 милијарди шолји кафе.
- Околу 35% од кафеџиите пијат исклучиво црно или турско кафе.
- Скоро 65% од испиеното кафе се пие за време на појадокот.
- Смртоносната доза кофеин изнесува 100 шолји кафе.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn
February 10, 2015
11 градови ширум светот што секој љубител на кафе треба да ги посети

Кога го сакаш кафето едноставно ти се вљубен во таа магична напивка. Љубителите на кафето имаат одредени локали во нивниот град каде се редовни посетители, токму поради тоа што знаат каде ќе пијат кафе по нивна мерка.rnrnrnrnКога патувате негде не може да дочекате да го вкусите локалното кафе и да дадете ваша оценка. Но, што ако целиот град е познат по доброто кафе? Па, таа дестинација би можела да биде вашиот рај на земјата. Доколку се мислите каде да отпатувате а сте страсни љубители на кафето, ова се 11 најпознати градови на кафето ширум светот.rn

1. Рим, Италија

rnИталија е позната по доброто кафе и храна но и по љубовта кон кафето. Рим е преплавен со кафулиња кои го одржуваат пулсот на градот давајќи му енергија за движење. Оние кои имаат бизнис кој е на каков било начин поврзан со кафето, навистина си ја сфаќаат работата сериозно, така што може да бидете сигурни дека ќе пиете квалитетно и јако кафе. Италијанците, барем како што се шират муабети за нив, не се љубители на многу засладено кафе, па ако сакате оригинално кафе без вкусови кои само ја одземаат вистинската моќ што една шолја црно кафе ја поседува, одете во Рим.rnrnrnrnНајпознати кафулиња: Caffè Greco, Rosati, Ciampinirn

2. Хавана, Куба

rnОна што Куба може да ви го понуди е широк избор на јако но слатко кафе. Најчесто се порачува популарното еспресо, кое таму го добивате ако порачате Cafè Cubano (еспресо подготвено со шеќер), или cortadito (еспресо со млеко). Кубанското кафе е вкус на кој треба да се навикнете, но оние кои го пијат велат дека многу лесно ќе го засакате.rnrnrnrnНајпознати кафулиња: Café Bohemia, Café Escorial, La Chucheriarn

3. Рејкјавик, Исланд

rnВо главниот град на Исланд не се натпреваруваат големите компании и звучни производители на кафе од познатите синџири на кафулиња ширум светот. Локалните кафулиња на многу оригинален начин се борат да ги придобијат клиентите. Со цел да привлечат клиенти, кафулињата во Рејкјавик нудат високо квалитетно кафе.rnrnrnrnНајпознати кафулиња: Stofan Café, Café Paris, Café Babalúrn

4. Виена, Австрија

rnКога станува збор за кафе, Австријците не се шегуваат. Кафето во Виена беше прогласено за нематеријално наследство заштитено со УНЕСКО во 2011. Кафето во Виена е гордост, а особено се обрнува внимание на ентериерот во виенските кафулиња, атмосферата и декорациите кои како да ве водат во сосема нов свет. Во Виена еспресото и капучиното се навистина популарни, како и локалното кафе Wiener Melange (еспресо послужено во голема шолја, на кое се додава жешко млеко а одозгора млечна пена).rnrnrnrnНајпознати кафулиња: Cafe Neko, Cafe Korb, Café Weimarrn

5. Сиетл, Вашингтон, САД

rnВи Сиетл ќе најдете секакви кафулиња, од модерни и урбани до артистички, како и варијации меѓу двата стила. Тамошните жители задолжително имаат мислење за тоа кој прави најдобро кафе, најмногу поради тоа што, во очите на јавноста, Сиетл се асоцира со кафето.rnrnrnrnНајпознати кафулиња: Caffè Vita, Victrola Coffee, Tin Umbrella Coffeern

6. Мелбурн, Австралија

rnВо Мелбурн на кафето му се посветува толку многу внимание што годишно се организира изложба, односно дегустација на кафе, а забелешките и пофалбите може да се прочитаат во пишаните препораки и критики. Мелбурн е уникатен поради тоа што градот е поделен на повеќе делови, секој со посебна и различна традиција кога станува збор за кафето. Во Мелбурн препорачливо е да порачате лате, или други видови кафе со млеко.rnrn rnrnНајпознати кафулиња: Pillar of Salt, Stassi Café, Captains of Industryrn

7. Истанбул, Турција

rnСите го знаеме методот на подготовка на турското кафе кое е дел од секојдневието на многумина од нас. Но, ако го преферирате турското кафе тогаш посетата на Истанбул е она што задолжително треба да го направите. Ќе доживеете едно сосем ново и егзотично искуство со веќе познатото турско кафе.rnrnrnrnНајпознати кафулиња: Mandabatmaz, Velvet Cafe, KronotRoprn

8. Адис Абеба, Етиопија

rnКако место каде кафето е откриено и како еден од најголемите произведувачи на кафе во светот, не е чудно што кафето е дел од етиопската култура. Доколку имате роднини или пријатели таму, најверојатно ќе бидете поканети на посебна церемонија на печење на зрната кафе и приготвување на кафето, за потоа заедно да уживате во пијалакот. Имајте на ум дека оваа церемонија е многу важна, покажете почит и испијте макар три шолји кафе!rnrnrnrnНајпознати кафулиња: Tomoca Coffee, Mokarar (Harar) Coffee, Alem Bunnarn

9. Ванкувер, Канада

rnАко барате уживање во вистинска урбана дестинација за кафе, посетете го Ванкувер, препознатлив по доброто кафе и умешните шанкери. Колд бру и апаратот Кловер, се два најпознати начини на подготовка на кафето, а тамошните жители најмногу преферираат американо и еспресо кафиња. Она по што кафето е препознатливо се одличните цртежи на пената во шолјата со кафе.rnrnrnrnНајпознати кафулиња: Bel Cafe, Caffe Artigiano, JJ Bean Cofee Roastersrn

10. Портланд, Орегон, САД

rnДоколку сакате удобни, откачени, хипи кафулиња, Портланд е вистинското место за вас. Не дека нема софистицирани места, но голема е веројатноста да наидете на удобни места со опуштена и пријатна атмосфера за вистинско уживање.rnrnrnrnНајпознати кафулиња: Spella Caffee, Barista, Courier Coffeern

11. Тајпеј, Тајван

rnТајванците преферираат варено кафе наспроти еспресо, иако еспресо може да добиете во познатите синџири на кафетерии. Очекувајте зрната кафе во Тајпеј и во другите делови на Тајван да бидат свежо испечени и измелени, и приготвени на ниска температура со цел да се зачува оригиналниот вкус на кафето. Сепак, цените може да бидат високи, па можеби е попаметно да посетите малечки и не толку познати кафетерии.rnrn rnrnНајпознати кафулиња: Melange Cafe, Barbie Cafe, Paper Plane Cafe

August 18, 2014
Колачиња со турско кафе
Примамливи колачиња кои, не само што изгледаат убаво, туку се и многу вкусни. Аромата на зачини во комбинацијата со турско кафе привлекува и им дава единствен шмек. Лесен рецепт кој мора да го пробате. Овие слатки мали колачиња, кои воедно не се многу калорични, може да ги послужите како десерт после ручекот или како засладување на кафе муабетот со вашите пријатели.rnrnrnrn

Потребни состојки за 50 колачиња:

rn
- Белки од 4 јајца (на собна температура)
- 200 г шеќер
- 4 кафени лажички турско кафе
- 2–3 кафени лажички зачин кардамом
- ½ кафена лажичка мелено каранфилче
- Додатоци за декорација по ваш избор
rnrnrnrn

Начин на подготовка:

rnrnЗагрејте ја рерната на 90⁰C. Добро изматете ги белките од јајцата на најсилна брзина на миксерот. Додека е сè уште вклучен, на помала брзина, полека додадете ги кафето, шеќерот и зачините. Матете сè додека смесата не стане пенеста. Во шприц за готвење ставете ја смесата, и на хартија за печење направете мали топчиња, како на сликата погоре. Може да ги декорирате по желба. Печете ги околу 75 минути, па извадете ги да се оладат на собна температура. Потоа направете мали сендвичиња со топено чоколадо за готвење или еурокрем.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
February 3, 2013
Значењата на најчестите симболи што се појавуваат при гледање на кафе
Голем број љубители на турското кафе, честопати знаат по завршувањето со пиење да ја „свртат“ шолјата и да ја подготват за гледање. Тоа несомнено е дел од македонското секојдневие. Без разлика дали веруваме или не во „предвидувачката моќ“ на кафето, тоа продолжува да биде неизбежен дел од утринскиот разговор со нашата најблиска пријателка.rnrnrnrnОбичајот да се гледа на кафе за прв пат се појавил во Отоманската империја, но оттаму со тек на време се раширил низ целиот свет. Постојат многу различни интерпретации на симболите, како и правила за тоа како треба да се одвива гледањето на кафе. Но, има и неколку општоприфатени значења на оние симболи кои најчесто се појавуваат во нашите шолји.rnrnrn

Основни правила за гледање на кафе

rn
- И покрај тоа што може да се гледа на кафе секој ден, се верува дека е најдобро тоа да биде во вторник или во петок, како и да се избегнува денот недела и деновите на верските празници. Исто така се верува и дека е подобро да се гледа претпладне отколку попладне.
- Оној кој гледа на кафе, треба тоа да го прави во својот дом.
- Не е пожелно на една личност да ѝ се гледа повеќе пати во текот на неделата.
- Никогаш не додавајте дополнителна количина кафе, вода или талог во вашата шолја пред гледањето. Исто така не ја вртете шолјата повеќе пати, со цел да имате повеќе фигури во неа. Најправилно е да ја поклопите со тацната и потоа во еден потег да ја превртите. Откако ќе го сторите тоа, почекајте барем 10 минути да се исуши талогот, пред да почнете со гледањето.
- Само на една личност ѝ е дозволено да гледа во шолјата, и истата треба сама да го заврши гледањето до крај.
- Додека некој ви гледа на кафе не е препорачливо да го прекинувате со прашања, на тој начин можете несвесно да му сугерирате одредени работи и да му го одвлечете вниманието во погрешна насока.
- По гледањето најчесто се замислува една или три желби.
- Оптимален период за гледање на кафе е од 10 до 15 минути.
- Шолјата е поделена на 5 полиња. Првото поле се однесува на личноста на која ѝ се гледа, второто поле се однесува на најблиската фамилија, третото поле се однесува на личноста со која е во емотивна врска, четвртата страна е за пријателите, познаниците, соработниците како и за работата/факултетот, додека пак петтата страна се однесува на карактерот на личноста и на нејзиниот дом и семејство.
- Редоследот на гледање во шолјата според полињата е 5, 1, 2, 3, 4. Симболите се толкуваат од лево кон десно и одоздола нагоре.
rnrn

Значењата на најчестите симболи што се појавуваат при гледање на кафе

rnАнгел – Среќна случка во вашиот дом, принова, ненадеен финансиски успех, наследство.rnrnАвион – Работа со некој близок пријател која има неизвесен крај.rnrnАвтобус – Патување со друштво, екскурзија, излет, службен пат.rnrnАвтомобил – Во брзо време ќе се случи нешто важно.rnrnБик – Доколку личноста е женско, некој нападно ѝ се додворува и не знае како „да го откачи“, додека пак ако личноста на која ѝ се гледа е машко не треба да го губи времето со девојка која не е слободна.rnrnБукет – Вашиот/та сосед/ка се заљубил/а во вас. Може да претставува и трајна љубов.rnrnБрод – Во брзо време ќе одите на долго патување.rnrnБебе – Новости во домот или во вашата блиска околина.rnrnВага – Успех, тоа што сте го вложиле повеќекратно ќе ви се врати.rnrnВазна – Бидете достоинствени, не дозволувајте да ве понижуваат.rnrnВрапче – Ситна штета што ќе ви направи многу големи непријатности.rnrnГлава – Ќе запознаете многу влијателни луѓе.rnrnГуштер – Пријателот на кој сметате, нема да ви помогне.rnrnДрвја – Опкружени сте со одлични пријатели, а не сте свесни за тоа. Желбата ќе ви се исполни.rnrnДруштво – Весел провод, со многу гласна музика, алкохол и пијанство.rnrnДетелина – Ви престои среќа во љубовта.rnrnЖаба – Интриги. Вашата фамилија озборува.rnrnЖена – Доколку е во горниот дел од шолјата, среќа. Ако се наоѓа во долниот дел, претставува љубомора.rnrnЖирафа – Не бидете толку важни и вообразени.rnrnЗмија – Ќе ви наштети женска личност од вашата околина.rnrnЗмај – Разгорување на страстите со личност од вашето минато.rnrnЈато птици – Луѓето премногу се мешаат во вашите деловни планови.rnrnЈарец – Тврдоглавоста скапо ќе ве чини.rnrnКлуч – Ќе ви помогне постар господин во работата што неодамна сте ја започнале. Успешно разрешување на некој проблем.rnrnКнига – Ви треба стручен совет и помош.rnrnКоњ – Ви престојат големи љубовни авантури. Добивка, пријателство, искрена љубов, верност.rnrnКуче – Верност. Вашиот пријател има потреба од вашата помош.rnrnКафе – Во брзо време ќе ви дојдат гости.rnrnКокошка – На повидок е жестока караница.rnrnКруна – Позитивен знак, успех на сите полиња.rnrnЛав – Ќе ја здобиете довербата на некоја угледна личност. Пазете се од луѓе што многу лесно ветуваат.rnrnМачка – Кавга во фамилијата поради пари. Ќе запознаете многу интересна личност. Имате некое лажно пријателство за кое не сте свесни.rnrnМесечина – Ќе бидете излезени со ново друштво.rnrnМост – Ќе барате помош од истиот пријател кој го барал тоа од вас во минатото. Брз успех и исполнување на желба.rnrnОко – Некој веќе подолго време сака да ве види.rnrnОџак – Голема среќа во блиска иднина.rnrnПрозорец – Вашите соседи се многу љубопитни. Постојано ве набљудуваат.rnrnПрстен – Ако се наоѓа на дното претставува посветување, сериозна љубовна врска, веридба. Доколку се наоѓа од страните, внимавајте бидејќи некоја личност не е многу задоволна од вашата одлука на оваа тема.rnrnПердув – Нема причина за вашата љубомора.rnrnПчела – Пред вас е најуспешната година досега. Ќе си ги остварите сите планови.rnrnРака – Непријатности со полицијата.rnrnСлон – Огромниот труд кој го вложивте, конечно ќе ви донесе решение на проблемот.rnrnСончоглед – Премногу сте недоследни кога станува збор за љубовта.rnrnСекира – Наскоро ќе има пресврт во вашиот живот.rnrnЧасовник – Времето работи за вас.rnrnСтрела – Не ја пренесувајте понатаму веста што ќе ја слушнете.rnrnФенер – Неочекувана промена во вашиот живот која ќе ви предизвика огромно задоволство.rnrnШешир – Еден од вашите најблиски пријатели ќе се обиде да сокрие нешто од вас.rnrnrn

Значењата на броевите

rn1 – Почеток, вест, честитка.rnrn2 – Запознавање, посредување, ќе ве повикаат како сведок на суд.rnrn3 – Ново познанство.rnrn4 – Разговор.rnrn5 – Успех, ќе ви бараат пари на заем.rnrn6 – Штета во вашиот дом, пожар, кражба на автомобил.rnrn7 – Нова љубов (ако седмицата е без црта) или обновување на стара љубовна врска којашто ќе заврши на истиот начин (ако седмицата е со црта).rnrn8 – Ќе вложите пари кои ќе ви се удвојат.rnrn9 – Почеток на сериозна врска, веридба, брак.rnrn10 – Ќе добиете неочекувани пари.rnrnrn

Значењата на буквите

rnА – Почеток на нова работа.rnrnБ – Оригинална и мила личност.rnrnВ – Агресивност, победа.rnrnГ – Искреност, јасни мисли.rnrnД – Себичност.rnrnЕ – Самодоверба.rnrnЖ – Исполнување на желба.rnrnЗ – Темпераментност.rnrnЅ – Оригиналност.rnrnИ – Нови информации.rnrnЈ – Необична љубовна авантура.rnrnК – Караница со блиска личност.rnrnЛ – Истрајност, упорност.rnrnЉ – Искрена љубов, склоност кон самосожалување.rnrnМ – Природно, спонтано, нови можности.rnrnН – Благородност.rnrnО – Егоист.rnrnП – Умереност.rnrnР – Сила, Хармонија.rnrnС – Голема среќа.rnrnТ – Имате премногу предрасуди.rnrnУ – Тврдоглавост.rnrnХ – Остварување на целта.rnrnПрочитајте и: Толкување на стрелките на часовникот.
August 15, 2012
Турското кафе – дел од македонското секојдневие

Веќе е потврдено дека Македонците страствено уживаат во кафето, тоа е дел од нашето секојдневие. Турското кафе не е само пијалак, тоа има долга историја, посебни начини на подготовка и конзумирање, дури и традиција за „гледање на кафе“ и предвидување на иднината. Не е ни важно кој колку верува во она што му го предвидува талогот во филџанот, битно е тоа дека вкусот и миризбата на ова кафе се вистинско уживање.rnrnrn

Кратка историја на турското кафе

rnКафето било донесено во Турција пред четири и пол века, кога во Истанбул било претставено кафето Арабика. Ова кафе набрзо станало многу популарно, а отоманската империја го донела најпрво во Венеција, потоа во Лондон и Париз, додавајќи му го епитетот „турско“. Културата на турското кафе, пред сè симболизира посебен ритуал на правење на кафето. Иако постојат различни ритуали и начини на подготовка, а многу од нив се промениле со тек на време, сепак вистинските љубители на кафето во Турција, сè уште се придржуваат кон старите традиции.rnrnrnrnЗначајна улога во градењето на традицијата на турското кафе имаат жените. Еден познат обичај диктира и по малку стереотипна ситуација, во која семејството на младичот, доаѓа во посета на домот на идната невеста. Девојката им вари кафе и ги послужува. Според традицијата, тоа е единствената можност за девојката да го искаже своето мислење. Таа може да го направи кафето благо, што би значело дека се согласува или горко, со значење дека одбива. Може дури и да го направи со сол, за да им даде до знаење дека идејата за брак со тој човек воопшто не ù се допаѓа.rnrnИако турското кафе сега се пие со засладувачи, најчесто со додавање шеќер, во минатото се пиело исклучиво горко. Луѓето го засладувале со јадење на нешто благо заедно со кафето, како алва, локум, слатко или засладени овошни сокови.rnrnrn

Турските кафетерии

rnОткако кафето станало многу популарно, насекаде низ Турција биле отварани кафетерии и малечки продавници за печење на зрната кафе. Печењето на кафето се нарекува „Tahmis“, а и во денешно време постои улица наречена Тахмис, на пазарот за египетски зачини во Истанбул. Многу од продавниците за кафе, постојат на оваа улица повеќе од 460 години.rnrnrnrnТурските кафетерии можат да се поделат на два вида: нови и стари кафетерии. Новите се многу поразлични од старите, каде се внимава на традицијата сè до најситен детаљ. Првата кафетерија била отворена во времето на султанот Сулејман Величествениот. Луѓето кои ги посетувале, биле образовани и угледни личности, а најчесто доаѓале за да играат игри, да читаат книги или само за да се видат и да направат муабет. Наскоро во кафетериите почнале до одат и високите службеници, свештениците, невработените и пензионерите. За време на владеењето на султанот Мурат III кафетериите биле забранети, но забраната била укината за време на владеењето на наредните султани.rnrnrnrnИсто така, се отворале и многу кафетерии со декоративни базени, за кои Османлиите верувале дека имаат благотворна моќ. Подовите им биле украсувани со шарени теписи и ќилими, а базените биле поставувани во средина на кафетериите. Ваквите објекти биле градени на најубавите места со панорамски погледи на градот.rnrnКафетериите биле финансирани и помогнати од страна на локалните богати и угледни личности. Со воведувањето на тутунот, посетеноста на овие места се зголемила. За канаринците се верувало дека носат среќа, па во кафетериите имало по 30 или 40 кафези со птици. Традицијата на големи и раскошни кафетерии претрпела голем удар и голема промена со укинувањето на јаничарскиот ред.rnrnrnrnДенес насекаде низ Турција има стотици илјади кафетерии, кои се различни од оние во минатото, бидејќи модерното се вметнало во традиционалното. Посетителите во многу наврати порачуваат чај наместо кафе или некој друг пијалак, но сепак, кафето се конзумира во најголеми количини. На овие места, луѓето одат да се опуштат, да се видат со пријателите, да го поминат своето слободно време, но пред сè да се напијат филџан турско кафе.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 4, 2012