Tag: прашања

Дали има нешто повозбудливо од првата средба со некого и добивањето можност да се дознае неговата животна приказна? Без разлика дали станува збор за прв состанок или прва пријателска средба, можностите се широко отворени и следните неколку часови треба да ги поминете во откривање и споделување на вашите животни приказни.rnrnrnrnВо продолжение откријте кои прашања треба да ги поставите за да оформите целосен впечаток за личноста со која разговарате.rn

1. Каде се гледаш себеси за 5 години?

rnПреку ова прашање може да ги дознаете целите на личноста со која разговарате и да осознаете дали тие цели се поклопуваат со вашите.rn

2. Кој момент од твојот живот ти е најинтересен во моментов?

rnСо ова прашање веднаш ќе ги дознаете интересите на личноста и на тој начин ќе откриете дали си одговарате и дали споделувате нешто заедничко.rn

3. Со кој филмски лик се идентификуваш и зошто?

rnНа овој начин, заобиколувајќи го егото на соговорникот ќе откриете за каква личност се работи.rn

4. Што посакуваш кога ќе ги дувнеш свеќичките од тортата или кога фрлаш паричка во фонтана?

rnНа тој начин ќе откриете што личноста посакува и на што се надева.rn

5. Зошто се разделивте со претходниот партнер?

rnАко во одговорот вашиот соговорник го обвинува поранешниот партнер за тоа, тогаш вклучете го вашиот „аларм“.rn

6. Какви се твоите релации со семејството?

rnНе е секој близок со своето семејство, но начинот на кој соговорникот ја согледува оваа релација, многу зборува за него.rn

7. Кој е твојот најголем страв?

rnПонекогаш ова прашање ќе ви овозможи да ја откриете ранливата страна на другата личност. Обратете внимание!rn

8. Кому му се обраќаше кога беше повреден/а или исплашен/а кога беше дете?

rnАко одговорот е „Никому“- тогаш веднаш ќе дознаете како соговорникот се соочува со стресните ситуации. Но и ако одговори дека барал помош од родителите, тоа може да значи дека се работи за несигурна и зависна личност која постојано бара потврда од партнерот.rn

9. Како се снаоѓаш со финансиите? Колку трошиш?

rnМожеби со ова прашање ќе отидете предалеку, но имајте на ум дека финансиите се важно прашање во секоја релација.rn

10. На што најмногу се гордееш?

rnСо ова прашање може да откриете што најмногу цени соговорникот и како го поминува своето слободно време.rn

11. Како се справуваш со стресот? Се јавуваш некому или се осамуваш?

rnНачинот на кој ќе ви одговори ќе ви покаже што личноста очекува од блискиот кога има тежок период.rnrnПродолжете да читате на следната страница…rn

Секој од нас има моменти во кои се преиспитува, но постојат одредени работи кои никогаш не треба да ги доведувате во прашање, па дури ни кога ќе ве фатат моменти на слабост. Не е лесно да се спротивставите на потребата за преиспитување или самообвинување. Ако страдате од анксиозност или депресија тоа е „составен дел“ од секој ваш ден. Но, постојат некои работи кои никогаш не би требало себеси да си ги правиме, а поставувањето на следниве прашања е меѓу првите што се наоѓаат на „забранетата листа“. Не е лесно да се промени начинот на размислување и да се излезе од вообичаените обрасци, но вреди да се обидете. Заборавете на следниве 6 прашања!rnrnrn

1. Дали им се допаѓам?

rnСакате да им се допаднете на колегите на работа, на семејството, на пријателите, на личноста што ви е драга. На некое ниво секој сака да им се допадне на луѓето. Можеби се прашувате дали ве сака вашиот шеф или колегите на работа. Можеби не е важно што тие секој ден јасно ви покажуваат дека сте им драги, еднаш кога ќе тргнете да размислувате колку е важно да му се допаднете некому готово е со рационалниот пристап на проблемот. Кога ќе забележите дека сте тргнале по тој пат, пробајте да го смените таквото размислување со тоа што вам ви се допаѓа кај вас самите. Тоа е подеднакво важно – најважно е да бидете задоволни од себе.rn

2. Дали тоа беше грешка?

rnСекој од нас во животот направил некои грешки, тоа е човечки. Но, не би требало себеси да се обвинувате со години за секоја направена грешка. Луѓето не се богови, тие се само луѓе и како такви грешат, вклучувајќи ве и вас. Немојте да бидете строги кон себе повеќе отколку што би биле кон некој што го сакате. Единствено што се смета на крајот е дали сте научиле нешто од тие грешки што сте ги направиле во животот.rn

3. Што ако сè тргне наопаку?

rnАко ве очекува нешто со коешто не сте се сретнале порано, природно е да имате трема. Не е едноставно да се исчекори од личната зона на удобност. Но, ако секој пат кога треба да пробате нешто ново се прашувате дали сè ќе тргне наопаку, ќе се мачите бесконечно бидејќи кога ќе го усвоите таквиот образец на мислење многу е тешко да се прекине. Постојаната изложеност на стрес остава и физички последици во вид на висок крвен притисок или вишок килограми. Немојте да си го правите тоа. Обидете се ова прашање да го замените со прашање колку ќе биде убаво или забавно тоа ново искуство.rn

4. Што ако не успеам?

rnНеуспесите се неизбежни, баш како и животните грешки. Обидете се барем еднаш, за промена, да се прашате „Што ако успеам?“. Наместо однапред да го развивате најцрното можно сценарио обидете се да ги согледате работите од поинаква перспектива. Во крајна линија, дури и од неуспехот може да се научи нешто ново.rn

5. Дали сум доволно добар/добра?

rnДали сум доволно добар за некоја работа, за некоја личност, за среќа? Ова се низа мисли што можат буквално да ви го уништат животот. Никогаш не би требало да се прашувате дали сте доволно добри за да заслужувате да бидете среќни, дали некој ве сака, дали некому ќе бидете важни. Добро е да се трудите секогаш да напредувате, да бидете подобра личност отколку што сте биле, да растете однатре, но не така што ќе ја доведувате во прашање сопствената вредност. Работете на вашата самодоверба така што ќе го „славите“ секој ваш мал успех. Сè додека не дојде оној ден кога ќе престанете да се прашувате дали заслужувате среќа.rn

6. Што ќе мислат другите?

rnКога нешто правиме, природно е да се прашаме како другите ќе реагираат на тоа. Меѓутоа, станува опасно ако единствено ви е важно туѓото мислење. Убаво е да бидете подготвени и да ги послушате советите и конструктивните критики. Во ред е да не им се допаѓа на сите она што го правите. Сè додека можете да се погледнете во огледало и знаете дека сте дале сè од себе, туѓото мислење не би требало премногу да ве погодува.rnrnШто мислите за овие прашања? Дали си ги поставувате постојано? Ако го правите тоа, време е да го смените начинот на кој разговарате со себе. Со среќа во градењето и јакнењето на вашата самодоверба!rnrnДознајте ги следниве 6 трикови за подобрување на самодовербата и соочување со потешкотиите во животот.

Секогаш е добра идеја да се појде на терапија. Тоа е место каде што можете да седите со обучен професионалец и да разговарате за сè што ви паѓа на памет додека истовремено добивате помош и совети. Но, доколку сакате да го извлечете најдоброто од сеансите, ви нудиме неколку дополнителни работи што таму можете да ги правите, вклучувајќи и поставување прашања.rnrnrn

„Нешто како училиште, работа или врска – колку повеќе инвестирате и вложувате во себе, толку повеќе шанси имате за придобивки и растење. Треба да се чувствувате апсолутно слободни за да му поставите прашања на вашиот терапевт и да ги изразите вашите потреби низ процесот“, вели Фрејер.

rnНа пример, ако ги извршувате неделните „домашни задачи“ што ќе ви помогнат да бидете одговорни во преземањето активни чекори кон вашите цели, кажете му го тоа.rn

1. Каков вид терапија нудите?

rnАко штотуку се запознавте со вашиот терапевт, едно од првите прашања што треба да ги поставите е каков вид терапија тој нуди, затоа што постојат неколку.rnrnОва ќе ви помогне да научите повеќе за нивните области на експертиза, какви специфични интервенции во третманот користат, каков е нивниот став и како изгледа терапијата во позадина. Ова може да ви помогне да добиете впечаток за вашиот терапевт и ќе ви помогне да одлучите дали ќе ви одговараат неговите методи.rnrnВие нема да добиете квалитетна терапија ако не „кликнете“ уште од првата средба и не се чувствувате пријатно со стилот на терапија. Затоа, не се плашете да прашате.rn

2. Како ќе знам дека сме компатибилни?

rnМожеби ова прашање звучи незгодно, но сосема е во ред да бидете директни и да прашате дали си одговарате со вашиот терапевт и дали тој смета дека би можел да ви помогне. Ова е нешто што може да се случи во воведната сесија, каде што тој ќе зборува што може да ви понуди и кои се целите на терапијата. Доколку вашиот терапевт ви препорача некој друг терапевт тоа не е лош знак. Всушност тој сака да биде сигурен дека ве испраќа кај вистинската личност што ќе ви помогне најмногу.rn

3. Како ќе изгледа мојот план за третман?

rnОткако ќе разговарате и ќе ги покриете основните работи зошто воопшто сте пошле на терапија, можете да го прашате за нивниот план и за целите што ќе ги имате на вашите посети.rn

„Ова е најважно во секоја терапевтска сесија затоа што овозможува насоки“, вели Кристин Ерскин, терапевт. „Ви овозможува да бидете на иста страница со вашиот терапевт во однос на тоа што сакате од терапијата.“

rnЌе треба заеднички да поставите некои цели.rn

„Кога целта ќе биде остварена, ќе можете да се префрлите на следната“, вели Ерскин.rnВашите цели можат да се променат дополнително за време на советодавниот процес доколку е потребно.rn

4. Можете да ми помогнете во одредувањето цели?

rnСосема е во ред доколку немате цели или не сте сигурни што е потребно да се случува понатаму. Тоа е моментот кога ова прашање ќе ви помогне.rn

„Доколку имате потешкотии со дефинирање на вашите цели – што може да се случи доколку се чувствувате бедно и знаете дека сакате да бидете подобро – прашајте го вашиот терапевт за насоки како да ги составите“, вели Викторија Фишер, психотерапевт и лиценциран клинички социјален работник.

rn

5. Дали можете да резимирате за тоа што го разговаравме?

rnБидејќи вие ќе покриете повеќе теми на разговор за време на секоја сесија, може од помош да ви биде кратко резиме пред да си заминете за да ги запомните главните точки.rn

„Прашајте за потсетник на картичка или хартија за тоа што сте разговарале за време на сесијата или сами запишувајте белешки во вашата тетратка или во телефонот“, вели Ерскин.rn„Ова ќе ви помогне во приказот што сте разговарале во текот на неделата и да запомните да ги вежбате специфичните вештини кои заедно сте ги договориле.“

rn

6. На што треба да работам оваа недела?

rn

Можеби ќе сакате да прашате што имате за „домашна задача“ или на кои одговорности треба да работите во текот на неделата, било да е тоа книга која треба да ја прочитате или да работите на некоја општа интроспекција“, вели Никол Милер, лиценциран советник за ментално здравје.rnПрашувањето за „домашна задача“ надвор од канцеларијата ќе ви помогне да го зголемите вашето знаење, и исто така тоа ќе биде катализатор за да ја забрзате промената.rn

7. Што мислите за моето напредување?

rnОткако веќе сте биле на три или четири сесии, слободно прашајте го вашиот терапевт што мисли за вашиот напредок. Тоа на двајцата ќе ви даде шанса да увидите до каде сте стигнале и дали е постигнат некаков напредок.rnИсто така, тоа е одличен начин за да се забележат обрасците кои се повторуваат“, вели д-р Џејми Лонг лиценциран клинички психолог во Психолошка група во Форт Лаудердел.rnЗнаејќи ги проблемите што се повторуваат ќе ви помогне да направите корекции во терапијата или да нурнете подлабоко во нерешените проблеми, што е многу важно доколку сакате да го извлечете најдоброто од сесиите.rn

8. Дали можам да бидам искрен/а за моите чувства?

rn

„И терапевтите се само луѓе, но доколку почувствувате дека нешто не е како што треба, ставете им до знаење. Не чекајте да станете ужасени од одењето на терапија“, вели Фишер.rnДобриот терапевт ќе ја цени вашата искреност, како и вашиот фидбек.rnМоже да биде тешко, но ако бидете искрени на овој начин тоа само ќе ви ги подобри сеансите. „Не само што ќе ги подобри туку и ќе го придвижи терапевтскиот однос кон воспоставување доверба и разбирање. Бидејќи главен фактор за секој позитивен исход од терапијата е – поврзаноста со вашиот терапевт.“

rn

9. Колку често треба да доаѓам?

rnКолку често треба да го посетувате терапевтот, дали ќе биде тоа еднаш неделно, повеќе или помалку, зависи од многу фактори. Нема да ве здоболи ако прашате за негово мислење за да бидете сигурни дека ќе добиете најдобар третман.rn

„Секогаш е добро да се започне со еднаш неделно за да се направи проценка, а после тоа како што поминува времето ќе можете да процените и да направите промена според вашите потреби“, вели Марин Зиглмен, лиценциран клинички социјален работник.

rn

10. Дали можеме да разговараме надвор од канцеларијата?

rnДоколку сакате да го добиете вашиот терапевт помеѓу сесиите, тогаш ќе треба да знаете какви се неговите правила кога се работи за јавување, пишување или испраќање имејлови.rn

„Важно е да се знаат кои се пречките за клиентот и неговиот терапевт надвор од сесијата“, изјави Зиглмен. „Дали тој/таа наплаќа дополнително доколку го/ја побарате надвор од сесија? Доколку е така, кои се правилата што важат за тој услов? Добро е да се знае дали можете да го/ја добиете дури и кога не се работи за итен случај.“

rn

11. Дали можете да ми дадете објаснување?

rnРаботите кои се дискутираат во терапијата можат да бидат збунувачки и хаотични на моменти, особено ако вашиот терапевт изнесува некои концепти кои не ви се многу познати или ако прави сложени поврзувања. Ако се почувствувате збунето, експертите советуваат да се чувствувате слободни да прашате за објаснение.rnrnОва е дел од формирање силна врска помеѓу вас и вашиот терапевт, но исто така ќе ви помогне да добиете најдобар третман додека истовремено учите нови нешта и се информирате. Немојте да се плашите да кажете што мислите.rnrnТерапијата после сè во голема мера е тоа што вие ќе го направите од неа. Секако дека вашиот терапевт игра голема улога во тој процес. Слободно поставувајте прашања, бидејќи само на тој начин ќе го добиете потребниот одговор.